ଭୁବନେଶ୍ୱର: ସୁରକ୍ଷିତ ଟ୍ରେନ ପରିଚାଳନା ସୁନିଶ୍ଚିତ କରିବାରେ ଅସାଧାରଣ ସତର୍କତା ଏବଂ ସମର୍ପଣ ପାଇଁ ପୂର୍ବତଟ ରେଳପଥ ମହାପ୍ରବନ୍ଧକ ପରମେଶ୍ୱର ଫୁଙ୍କୱାଲ ଛଅ ଜଣ ରେଳ କର୍ମଚାରୀଙ୍କୁ ସମ୍ମାନିତ କରିଛନ୍ତି।
ସମ୍ବର୍ଦ୍ଧିତ ହୋଇଥିବା କର୍ମଚାରୀମାନେ ହେଲେ:
ବୁର୍ଲେ ସୂର୍ଯ୍ୟନାରାୟଣ, ଟ୍ରାକ୍ ମେଣ୍ଟେନର୍-୧, ଗ୍ୟାଙ୍ଗ୍ ନଂ ୭୧, ଗଜପତିନଗରମ୍, ୱାଲଟିୟର୍ ଡିଭିଜନ୍
ଅଶୋକ କୁମାର ମହାନ୍ତି, ଟ୍ରାକ୍ ମେଣ୍ଟେନର୍-୨, କାମାକ୍ଷାନଗର, ଖୋର୍ଦ୍ଧା ରୋଡ୍ ଡିଭିଜନ୍
ଟି. ସନମୁଖ ରାଓ, ଟ୍ରାକ୍ ମେଣ୍ଟେନର୍-୨, ବାରୁଆ, ଖୋର୍ଦ୍ଧା ରୋଡ୍ ଡିଭିଜନ୍
ରାମ କୁମାର, ଲୋକୋ ପାଇଲଟ୍ (ଗୁଡ୍ସ), ପାରାଦୀପ, ଖୋର୍ଦ୍ଧା ରୋଡ୍ ଡିଭିଜନ୍
ଶେଖ ଆୟାସୁଦ୍ଦିନ୍, ଜେଇ /ମେମୁ କାର୍ ସେଡ୍, ଖୋର୍ଦ୍ଧା ରୋଡ୍ ଡିଭିଜନ୍
ୱାଇ. ଆପ୍ପା ରାଓ, ସିନିୟର ଗୁଡ୍ସ ଟ୍ରେନ୍ ମ୍ୟାନେଜର୍, ଟିଟିଲାଗଡ଼, ସମ୍ବଲପୁର ଡିଭିଜନ୍
ସେମାନଙ୍କର ସତର୍କତା, ଉପସ୍ଥିତ ବୁଦ୍ଧି ଏବଂ ତୁରନ୍ତ ପଦକ୍ଷେପ ରୋଲିଂ ଷ୍ଟକ୍ ଏବଂ ଟ୍ରାକ୍ ଭିତ୍ତିଭୂମିରେ ଥିବା ଜଟିଳ ତ୍ରୁଟିଗୁଡ଼ିକୁ ଚିହ୍ନଟ କରିବାରେ ସାହାଯ୍ୟ କରିଥିଲା, ଯାହା ସମ୍ଭାବ୍ୟ ଦୁର୍ଘଟଣାକୁ ରୋକିବା ସହ ସୁରକ୍ଷା ପ୍ରତି ଭାରତୀୟ ରେଳବାଇର ପ୍ରତିବଦ୍ଧତାକୁ ସୁଦୃଢ଼ କରିଛି।
୧୪.୦୩.୨୦୨୬ ରେ, ବୁର୍ଲେ ସୂର୍ଯ୍ୟନାରାୟଣ ଗରୁଡ଼ବିଲ୍ଲି–ଗଜପତିନଗରମ୍ ମଧ୍ୟରେ ଟ୍ରେନ୍ ନଂ ଏନ /ବିଏସପିସି (N/BSPC) ର ଏକ ୱାଗନରୁ ଧୂଆଁ ଏବଂ ନିଆଁ ବାହାରୁଥିବା ଦେଖିଥିଲେ ଏବଂ ଏକ ନାଲି ପତାକା ଦେଖାଇ ଆସିଷ୍ଟାଣ୍ଟ ଲୋକୋ ପାଇଲଟଙ୍କୁ ସତର୍କ କରାଇଥିଲେ, ଯାହା ଏକ ସମ୍ଭାବ୍ୟ ଦୁର୍ଘଟଣାକୁ ଏଡ଼ାଇବାରେ ସାହାଯ୍ୟ କରିଥିଲା।
୨୬.୦୩.୨୦୨୬ ରେ, ଅଶୋକ କୁମାର ମହାନ୍ତି କି-ମ୍ୟାନ୍ ଡ୍ୟୁଟି ସମୟରେ କମଳାଙ୍ଗ–ବୁଢ଼ାପଙ୍କ ସେକ୍ସନ୍ ମଧ୍ୟରେ ଚକା ଯୋଗୁଁ ରେଳ ଧାରଣା ପୋଡ଼ିଯାଇଥିବାର (wheel burn rail) ଚିହ୍ନଟ କରିଥିଲେ ଏବଂ ତୁରନ୍ତ ଟ୍ରାକକୁ ସୁରକ୍ଷିତ କରିଥିଲେ।
୩୧.୦୩.୨୦୨୬ ରେ, ଟି. ସନମୁଖ ରାଓ କି-ମ୍ୟାନ୍ ଡ୍ୟୁଟି ସମୟରେ ଏକ ରେଳ ଧାରଣା ଭାଙ୍ଗିଥିବାର ଚିହ୍ନଟ କରିଥିଲେ ଏବଂ ବିପଦ ସଙ୍କେତ (danger signal) ଦେଖାଇ ଆସୁଥିବା ଏକ ଟ୍ରେନକୁ ସୁରକ୍ଷିତ ଭାବରେ ଅଟକାଇଥିଲେ।
୨୧.୦୪.୨୦୨୬ ରେ, ରାମ କୁମାର କଳାଗଡ଼ –ମାର୍ଶାଘାଇ ରୋଡ୍ ସେକ୍ସନ୍ ମଧ୍ୟରେ ଟ୍ରେନ୍ ନଂ ME/MRLB/GYP ର ଏକ BOXN ୱାଗନରେ ଏକ ହଟ୍ ଆକ୍ସଲ୍ (hot axle) ଚିହ୍ନଟ କରିଥିଲେ, ଯାହା ସମ୍ଭାବ୍ୟ ଲାଇନଚ୍ୟୁତ (derailment) ହେବାରୁ ରକ୍ଷା କରିବାରେ ସାହାଯ୍ୟ କରିଥିଲା।
ଶେଖ ଆୟାସୁଦ୍ଦିନ୍ ସିଗ୍ନାଲ୍ ବେଲ୍ ଯୋଗାଯୋଗ ବିଫଳତା ସମୟରେ ପରିଚାଳନାଗତ ସୁରକ୍ଷା ବୃଦ୍ଧି କରିବା ପାଇଁ ମେମୁ ରେକ୍ ପାଇଁ ଏକ ସମାନ୍ତରାଳ ଭିଜୁଆଲ୍ ଇଣ୍ଡିକେସନ୍ ସିଷ୍ଟମ୍ ବିକଶିତ କରିଥିଲେ।
୧୬.୦୩.୨୦୨୬ ରେ, ୱାଇ. ଆପ୍ପା ରାଓ ଭିଲାଇ ପାୱାର୍ ହାଉସ୍ ଠାରେ ଟ୍ରେନ୍ ନଂ ଏନ /ବିଏସପିସି (N/BSPC) ର ଏକ ବ୍ରେକ୍ ଭ୍ୟାନ୍ ଟ୍ରଲିରେ ଭଙ୍ଗା ସେଣ୍ଟର୍ ପିଭୋଟ୍ ପିନ୍ (broken centre pivot pin) ଚିହ୍ନଟ କରି ନିରାପଦ ଟ୍ରେନ୍ ଚଳାଚଳ ସୁନିଶ୍ଚିତ କରିଥିଲେ।
କର୍ମଚାରୀମାନଙ୍କୁ ସମ୍ବର୍ଦ୍ଧିତ କରିବା ଅବସରରେ ମହାପ୍ରବନ୍ଧକ ସେମାନଙ୍କର ନିଷ୍ଠା, ସତର୍କତା ଏବଂ କର୍ତ୍ତବ୍ୟ ପ୍ରତି ଥିବା ପ୍ରତିବଦ୍ଧତାକୁ ପ୍ରଶଂସା କରିଥିଲେ। ସେ ଗୁରୁତ୍ୱାରୋପ କରିଥିଲେ ଯେ ଟ୍ରାକ୍ ମେଣ୍ଟେନର୍, ଟ୍ରେନ୍ ମ୍ୟାନେଜର୍, ଲୋକୋ ପାଇଲଟ୍ ଏବଂ ଅନ୍ୟାନ୍ୟ ଅପରେସନାଲ୍ କର୍ମଚାରୀଙ୍କ ଭଳି ଫ୍ରଣ୍ଟଲାଇନ୍ ଷ୍ଟାଫ୍ ରେଳ କାର୍ଯ୍ୟର ସୁରକ୍ଷା ଏବଂ ନିର୍ଭରଯୋଗ୍ୟତା ସୁନିଶ୍ଚିତ କରିବାରେ ଏକ ଗୁରୁତ୍ୱପୂର୍ଣ ଭୂମିକା ଗ୍ରହଣ କରିଥାନ୍ତି।
ପୂର୍ବତଟ ରେଳପଥ ସୁରକ୍ଷା ଏବଂ କାର୍ଯ୍ୟ ଦକ୍ଷତାର ଉତ୍କର୍ଷତା ଏବଂ ଜନସାଧାରଣଙ୍କ ସେବାରେ ରେଳ କର୍ମଚାରୀଙ୍କ ଉତ୍ସାର୍ଗିକୃତ ପ୍ରୟାସକୁ ପ୍ରୋତ୍ସାହିତ କରିବା ପାଇଁ ପ୍ରତିବଦ୍ଧ।