ବାହୁଡା ଯାତ୍ରା: ନଅ ଦିନର ଯାତ୍ରା ଶେଷ କରି ଆଜି ମହାପ୍ରଭୃ ବାହୁଡିବେ। ଏ ନେଇ ଆଜି ସକାଳୁ ଆରମ୍ଭ ହୋଇଯାଇଛି ବାହୁଡା ନୀତି। ଦିନ ଏଗାରଟା ବେଳେ ଆରମ୍ଭ ହୋଇଛି ପହଁଣ୍ଡି ବିଜେ। ପ୍ରଥମେ ପ୍ରଭୃ ସୁଦର୍ଶନଙ୍କୁ ସେବକମାନେ ତିନି ରଥ ଚାରିପାଖେ ବୁଲାଇ ମା ସୁଭଦ୍ରାଙ୍କ ରଥରେ ବିଜେ କରାଇଥିଲେ। ଘଣ୍ଟ, ହରିବୋଲ ହୁଳହୁଳିରେ ଫାଟିପଡୁଛି ଗୁଣ୍ଡିଚା ମନ୍ଦିରର ପରିସର।
ଏହାପରେ ପ୍ରାୟ ଦିନ ଏଗାରଟା ତିରିଶିରେ ଆସିଥିଲେ ବଡଭାଇ ବଳଭଦ୍ର। ଏହାପରେ ମା ସୁଭଦ୍ରା ମଧ୍ୟ ପହଁଣ୍ଡିରେ ଆସିଛନ୍ତି। ସେବକମାନେ ପ୍ରଭୃ ବଳଭଦ୍ରଙ୍କୁ ଧିରେଧିରେ ପହଁଣ୍ଡି କରାଇ ରଥରେ ବିଜେ କରାଇଛନ୍ତି। ଏହାପରେ ମା ସୁଭଦ୍ରାଙ୍କୁ ମଧ୍ୟ ରଥରେ ବିଜେ କରାଯାଇଛି। ଶେଷରେ ଆସିବେ ମହାପ୍ରଭୃ ଜଗନ୍ନାଥ। ତିନିଠାକୁର ରଥରେ ବିଜେ କରିବା ପରେ ଛେରା ପହଁରା ନୀତି ଆରମ୍ଭ କରାଯିବ।