ଭୁବନେଶ୍ୱର: ଲୋୟର ପିଏମ୍ଜିରେ ଅନଲାଇନ୍ ଚାଳକଙ୍କ ବିଶୃଙ୍ଖଳା ଘଟଣାକୁ ନେଇ କଡ଼ା ଆଭିମୁଖ୍ୟ ଗ୍ରହଣ କରିଛି ପରିବହନ ବିଭାଗ। ବିଶୃଙ୍ଖଳାରେ ସାମିଲ ଥିବା ପ୍ରାୟ ୪୦୦ଟି ଗାଡ଼ି ଚିହ୍ନଟ କରାଯାଇଥିବା ବେଳେ ସେଗୁଡ଼ିକର ପରମିଟ୍ ବାତିଲ ପାଇଁ ପ୍ରକ୍ରିୟା ଆରମ୍ଭ ହୋଇଛି।
କେବଳ ପରମିଟ୍ ବାତିଲ ନୁହେଁ, ଆବଶ୍ୟକ ପଡ଼ିଲେ ସଂପୃକ୍ତ ଗାଡ଼ିଗୁଡ଼ିକର ଆର୍ସି (RC) ମଧ୍ୟ ରଦ୍ଦ କରାଯିବ ବୋଲି ପରିବହନ ବିଭାଗ ପକ୍ଷରୁ କୁହାଯାଇଛି। ଏହି ଗାଡ଼ିଗୁଡ଼ିକ ଯେପରି ଭବିଷ୍ୟତରେ କୌଣସି ସ୍ଥାନରେ ଚାଲି ନପାରିବେ, ସେନେଇ ମଧ୍ୟ ଆବଶ୍ୟକ ବ୍ୟବସ୍ଥା କରାଯିବ।
ଏହାସହ ବିଶୃଙ୍ଖଳାରେ ସାମିଲ ଥିବା ଡ୍ରାଇଭରଙ୍କ ଡ୍ରାଇଭିଂ ଲାଇସେନ୍ସ ବାତିଲ କରିବାକୁ ମଧ୍ୟ ବିଭାଗ ବିଚାର କରୁଛି। ଏନେଇ ଅନୁମତି ମିଳିବା ପରେ ଲାଇସେନ୍ସ ବାତିଲ କରାଯିବ ବୋଲି ଅତିରିକ୍ତ ପରିବହନ କମିଶନର କହିଛନ୍ତି।
ଲୋୟର ପିଏମ୍ଜିରେ ଆନ୍ଦୋଳନ ସମୟରେ ରାସ୍ତା ଅବରୋଧ ଓ ବିଶୃଙ୍ଖଳା ଘଟଣା ପରେ ପରିବହନ ବିଭାଗର ଏଭଳି କଡ଼ା ପଦକ୍ଷେପ ଅନଲାଇନ୍ ଚାଳକଙ୍କ ପାଇଁ ବଡ଼ ଝଟକା ବୋଲି କୁହାଯାଉଛି।