ୟୁଏସ୍ ଓପନ୍ ଫାଇନାଲ୍ରେ ପ୍ରବେଶ କରିଛନ୍ତି ରାଫେଲ ନାଦାଲ ଏବଂ ଡାନିଲ୍ ମେଦେଭେଦେଭ । ନାଦାଲ ନିଜ କ୍ୟାରିୟରର 19 ତମ ଗ୍ରାଣ୍ଡଗସ୍ଲାମ୍ ହାସଲ ଲକ୍ଷ୍ୟରେ ରହିଥିବା ବେଳେ ମେଦଭେଦେଭ୍ଙ୍କର ଏହା ପ୍ରଥମ ଗ୍ରାଣ୍ଡସ୍ଲାମ ଫାଇନାଲ୍ । ଶନିବାର ଅନୁଷ୍ଠିତ ସେମି ଫାଇନାଲ୍ ମ୍ୟାଚ୍ରେ ନାଦାଲ ଇଟାଲୀର ମାଟେଓ ବେରେଟ୍ଟିନୀଙ୍କୁ ସିଧାସଳଖ ସେଟ୍ରେ ପରାସ୍ତ କରି ଫାଇନାଲ୍ରେ ପ୍ରବେଶ କରିଛନ୍ତି । ନାଦାଲ 7-6(6), 6-4 ଏବଂ 6-1 ସେଟ୍ରେ ବେରେଟ୍ଟିନୀଙ୍କୁ ପରାସ୍ତ କରି ଫାଇନାଲ୍ରେ ପହଞ୍ଚିଛନ୍ତି । ସେହିପରି ଶୁକ୍ରବାର ଅନୁଷ୍ଠିତ ଅନ୍ୟ ଏକ ସେମିରେ ମେଦଭେଦେଭ୍ ଅନ୍ୟତମ ଋଷ ଖେଳାଳି ଗ୍ରିଗୋରୀ ଦିମିତ୍ରୋଭଙ୍କୁ 7-6(5), 6-4 ଏବଂ 6-3 ସେଟ୍ରେ ପରାସ୍ତ କରି ଫାଇନାଲ୍ରେ ପହଞ୍ଚିଛନ୍ତି । 2005 ପରେ ପ୍ରଥମ ଋଷ ଖେଳାଳି ଭାବରେ କୌଣସି ଗ୍ରାଣ୍ଡସ୍ଲାମ ଫାଇନାଲ୍ରେ ପହଞ୍ଚିଛନ୍ତି ମେଦଭେଦେଭ ।
