କାଳିଆକୁ ନେଇ ସରକାରୀ ଦଳ ଭିତରେ ଦ୍ବନ୍ଦ୍ବ ବଢୁଛି । ଉଭୟ କୃଷି ମନ୍ତ୍ରୀ ଅରୁଣ ସାହୁ ଓ ବିଜେଡ଼ି ମୁଖପାତ୍ର ପ୍ରତାପ ଦେବଙ୍କ ତଥ୍ୟରେ ତାଳମେଳ ରହୁନି । ଗତକାଲି କୃଷି ମନ୍ତ୍ରୀ ଅରୁଣ ସାହୁ କାଳିଆ ହିତାଧିକାରୀ ତାଲିକାରେ ସରକାରୀ ଚାକିରିଆ ଓ ବଡଚାଷୀକାଳ ରହିଥିବା କହିଥିଲେ ।ଏପରିକି ପୂର୍ବରୁ ମଧ୍ୟ ୩ଲକ୍ଷ ୪୧ ହଜାର ଅଯୋଗ୍ୟ ହିତାଧିକାରୀ ଟଙ୍କା ପାଇଥିବା ସୂଚନା ଦେଇଥିଲେ । କିନ୍ତୁ ଆଜି ବିଧାୟକ ତଥା ମୁଖପାତ୍ର ପ୍ରତାପ ଦେବ କହିଛନ୍ତି ଯେ, ୩ଲକ୍ଷ ୪୧ ହଜାର ନୁହେଁ କେବଳ ୩୨ହଜାର ଜଣ ଅଯୋଗ୍ୟ କାଳିଆ ଟଙ୍କା ପାଇଛନ୍ତି । ୩ଲକ୍ଷ ୪୧ ହଜାର ହିତାଧିକାରୀ ଅଯୋଗ୍ୟ ନୁହଁନ୍ତି । କେବଳ ବଡ ଚାଷୀ ଓ ସରକାରୀ କର୍ମଚାରୀ ଅଯୋଗ୍ୟ ଅଟନ୍ତି । କେବଳ ୧୨ ହଜାର ବଡ ଚାଷୀ ଟଙ୍କା ପାଇଛନ୍ତି । ସେହିପରି ୨୦ ହଜାର ସରକାରୀ ଚାକିରିଆ ଟଙ୍କା ପାଇଛନ୍ତି । ଉଭୟେ ଅଯୋଗ୍ୟ । ଯେଉଁ ପରିବାରରୁ ଏକାଧିକ ପାଇଛନ୍ତି ସେମାନେ ଅଯୋଗ୍ୟ ନୁହଁନ୍ତି । ସେମାନେ କେବଳ ପରବର୍ତ୍ତୀ କିସ୍ତି ପାଇବେ ନାହିଁ ବୋଲି କହିଛନ୍ତି ପ୍ରତାପ ଦେବ । ସେହିପରି କାଳିଆ ଯୋଜନାରେ ଅଯୋଗ୍ୟ ତାଲିକାକୁ ନେଇ ହାଇକୋର୍ଟ ଯିବ ବୋଲି ବିଜେପି କହିଛି । ଏହି ଅର୍ଥ ମୁଖ୍ୟମନ୍ତ୍ରୀ, ଅର୍ଥମନ୍ତ୍ରୀ ଓ କୃଷିମନ୍ତ୍ରୀଙ୍କଠାରୁ ଆଦାୟ କରିବାକୁ ଦାବି କରିଛି ବିଜେପି ।
