ଭାରତୀୟ ବକ୍ସର ଏମ୍ ସି ମେରୀ କମ୍ ବିଶ୍ବ ବକ୍ସିଂ ଚାମ୍ପିୟନ୍ସିପ୍ ସେମିଫାଇନାଲ୍ରେ ପରାଜିତ ହୋଇଛନ୍ତି । ଏହା ସହିତ ମେରୀ ବ୍ରୋଞ୍ଜ ପଦକରେ ସନ୍ତୁଷ୍ଟ ରହିଛନ୍ତି । 51 କିଗ୍ରା ବର୍ଗରେ ତୃତୀୟ ସିଡ୍ ମେରୀ କମ୍ ତୁର୍କୀ ବକ୍ସର ବୁସେନାଜ୍ କାକିରୋଗୋଲୁଙ୍କ ନିକଟରୁ ପରାଜିତ ହୋଇଛନ୍ତି । ୟୁରୋପିଆନ୍ ଚାମ୍ପିୟନ୍ସିପ୍ ଏବଂ ୟୁରୋପିଆନ୍ ଗେମ୍ସ ସ୍ବର୍ଣ୍ଣ ପଦକ ବମିଜୟୀନି ବୁସେନାଜ୍ ଏହି ମ୍ୟାଚ୍ରେ 4-1ରେ ବିଜୟୀ ହୋଇଥିଲେ । ବିଶ୍ବ ଚାମ୍ପିୟନ୍ସିପ୍ରେ ଏହା ମେରୀଙ୍କର ଅଷ୍ଟମ ପଦକ । ପୂର୍ବରୁ 6ଟି ସ୍ବର୍ଣ୍ଣ ଏବଂ ଗୋଟିଏ ରୌପ୍ୟ ପଦକ ହାସଲରେ ସଫଳ ହୋଇଥିଲେ ମେରୀ । ମେରୀ ଶେଷଥର ପାଇଁ 2018ରେ ସ୍ବର୍ଣ୍ଣ ପଦକ ହାସଲ କରିଥିଲେ ।
