ହରିୟାଣାରେ ବିଜେପି ଆଶାଜନକ ପ୍ରଦର୍ଶନ କରିପାରି ନାହିଁ । ଦଳ ପରାସ୍ତ ହୋଇ ନଥିଲେ ମଧ୍ୟ ବହୁମତରୁ ଦୂରରେ ରହିଛି । ଦଳ ମାତ୍ର ୪୦ଟି ଆସନରେ ଆଗୁଆ ରହିଛି । ଏଠାରେ କଂଗ୍ରେସ ବିଜେପିକୁ କଡା ଟକ୍କର ଦେଇଛି । କଂଗ୍ରେସ ଏଠାରେ ୨୯ଟି ଆସନରେ ଆଗୁଆ ରହିଛି । ସେହିପରି ଅନ୍ୟ ଛୋଟ ଦଳ ୨୧ଟି ଆସନରେ ବିଜୟ ହୋଇଛନ୍ତି । ଏଠାରେ ସରକାର ଗଠନ ପାଇଁ ୪୬ଟି ଆସନ ଆବଶ୍ୟକ ଥିବା ବେଳେ କୌଣସି ଦଳ ବହୁମତ ଛୁଇଁ ନାହାନ୍ତି । ଏଠାରେ ଜେଜେପି କିଙ୍ଗ ମେଙ୍ଗର ହେବ । ଅପରପକ୍ଷରେ କଂଗ୍ରେସ ସତ୍ତା ପାଇଁ ଜେଜେପି ସହ ମେଣ୍ଟ କରିବା ନେଇ ମଧ୍ୟ ଜଣାପଡୁଛି । ଏପରିକି ଡେପୁଟି ସିଏମ୍ ପଦ ଛାଡ଼ିବା ପାଇଁ ରାଜି ହୋଇଛି । ବର୍ତ୍ତମାନର ସ୍ଥିତିକୁ ଦେଖିଲେ ହରିୟାଣାର ରାଜନୀତିକୁ ଆଗାମୀ ସମୟରେ କର୍ଣ୍ଣାଟକ ରାଜନୀତି ହେବା ପରି ଲାଗୁଛି । ହରିୟାଣାରେ କିଏ ଶାସନ ଡୋରୀ ଧରିବ, ତାହା ଆଉ କିଛି ସମୟ ପରେ ଜଣାପଡିଯିବ। ହରିୟାଣାର ରାଜନୀତି କେଉଁଆଡକୁ ମୋଡୁଛି ,ତାହା ଦେଖିବାକୁ ବାକି ରହିଲା । ଏହାରି ମଧ୍ୟରେ ରାଜ୍ୟର ବିଜେପି ସଭାପତି ସୁଭାଷ ବରାଳା ନିଜ ପଦରୁ ଇସ୍ତଫା ଦେଇଛନ୍ତି । ହରିୟାଣାରେ ଦଳର ପରାଜୟ ପାଇଁ ନିଜକୁ ଦାୟୀ କରି ଇସ୍ତଫା ପତ୍ର ପ୍ରଦାନ କରିଛନ୍ତି ।
