ଗଞ୍ଜାମ ଜିଲ୍ଲା ପୋଲସରାରେ ସିରିଜ୍ ବୋମାମାଡ଼ ହୋଇଛି । ଗତକାଲି ରାତି ପ୍ରାୟ 9ଟା ବେଳେ କିଛି ଦୁର୍ବୃତ୍ତ ବାଇକ୍ରେ ଆସି ଏଠାକାର ମୁଖ୍ୟ ରାସ୍ତାରେ 5ଟି ବୋମା ଫିଙ୍ଗି ଥିଲେ । ପ୍ରଥମେ ଦୁର୍ବୃତ୍ତମାନେ ପୋଲସରା ବଜାର ଛକରେ ଥିବା ସରକାରୀ ବିଦେଶୀ ମଦ ଦୋକାନକୁ ଲକ୍ଷ୍ୟ କରି 2ଟି ବୋମା ଫିଙ୍ଗି ଥିଲେ । ଏହାପରେ ରାଣୀପଡ଼ା ଓ ବାଲିଘାଇ ଛକରେ ଆଉ ୩ଟି ବୋମା ଫିଙ୍ଗି ଥିଲେ । ପୋଲସରା ବଜାର ଛକରେ ହୋଇଥିବା ବୋମାମାଡ଼ରେ ଅନିଲ କୁମାର ମଲ୍ଲିକ ଓ ଶଙ୍କର ବେହେରା ନାମକ ଦୁଇ ଜଣ ବ୍ୟକ୍ତି ଆହତ ହୋଇଛନ୍ତି । ବୋମାମାଡ଼ର କାରଣ ଜଣାପଡ଼ି ନଥିବା ବେଳେ ପୁଲିସ୍ ଘଟଣାର ତଦନ୍ତ ଚଳାଇଛି ।
