ନୂଆଦିଲ୍ଲୀ : ଦିଲ୍ଲୀ ବିଧାନସଭା ନିର୍ବାଚନ ପାଇଁ ଶନିବାର ଦିନ ମତଦାନ ଅନୁଷ୍ଠିତ ହୋଇଟାଇଛି । ଏବେ ନିର୍ବାଚନୀ ଫଳାଫଳକୁ ଅପେକ୍ଷା । ତେବେ ବୁଥ୍ ବାହୁଡା ମତ ଅନୁସାରେ ଦିଲ୍ଲୀ ବିଧାନସଭା ନିର୍ବାଚନରେ ଆମ୍ ଆଦ୍ମୀ ପାର୍ଟିକୁ ପ୍ରଚଣ୍ଡ ବହୁମତ ମିଳୁଛି । ଇଣ୍ଡିଆ ଟୁଡେ ଓ ଏକ୍ସିସ୍ ମାୟ ଇଣ୍ଡିଆର ଏକ୍ଜିଟ୍ ରିପୋର୍ଟ ମୁତାବକ ଦିଲ୍ଲୀରେ ଆମ୍ ଆଦ୍ମୀ ପାର୍ଟି (ଆପ୍)କୁ 59ରୁ 68ଟି ଆସନ ଓ ଭାରତୀୟ ଜନତା ଦଳ ( ବିଜେପି)କୁ ମାତ୍ର 2ରୁ 11ଟି ଆସନ ମିଳିବାର ସମ୍ଭାବନା ରହିଛି ।
ଦିଲ୍ଲୀ ବିଧାନସଭା ନିର୍ବାଚନୀ ପ୍ରଚାରର ପୂରା ଶକ୍ତି ଲଗାଇଥିବାବେଳେ ବାଜି କିନ୍ତୁ ପଲଟିବାର ଚାନ୍ସ ନାହିଁ ବୋଲି ଜଣାପଡୁଛି । ଏତଦ୍ବ୍ୟତୀତ ଏକ୍ଜିଟ୍ ପୋଲ୍ରେ କଂଗ୍ରେସକୁ ମଧ୍ୟ ଗତ ଥର ଚଳିତ ଥର ମଧ୍ୟ କୌଣସି ଆସନ ମିଳିବା ନ ନେଇ ମଧ୍ୟ ସମ୍ଭାବନା ରହିଛି । ତେବେ ଭାରତୀୟ ଜନତା ପାର୍ଟି ଏହି ରିପୋର୍ଟକୁ ନେଇ ପ୍ରଶ୍ନ କରିଛି ।
କେନ୍ଦ୍ରୀୟ ସୂଚନା ପ୍ରସାରଣ ମନ୍ତ୍ରୀ ଓ ଭାରତୀୟ ଜନତା ଦଳର ନେତା ପ୍ରକାଶ ଜାଭେଡ୍କର୍ କହିଛନ୍ତି – ‘ଏକଜିଟ୍ ପୋଲ୍ ଓ ନିର୍ବାଚନୀ ପରିଣାମରେ ବହୁତ କିଛି ଅନ୍ତର ରହିବ । ଆମେ ନିର୍ବାଚନୀ ପରିଣାମକୁ ଅପେକ୍ଷା କରିବା ଉଚିତ୍ ବୋଲି କହିଛନ୍ତି ଜାଭେଡକର । ପୂର୍ବରୁ ଏକଜିଟ୍ ପୋଲ୍ ବିଫଳ ମଧ୍ୟ ହୋଇଛି । ସେହିପରି ବିଜେପି ସାଂସଦ ପ୍ରବେଶ ବର୍ମା କହିଛନ୍ତି ଯେ, ‘ଆମେ କେତେ ନିର୍ବାଚନ ଦେଖିଛୁ ଯେଉଁଠି ଏକ୍ଜିଟ୍ ପୋଲ୍ ଭୁଲ୍ ସାବ୍ୟସ୍ତ ହୋଇଛି । ଏଥର ବି ଏକଜିଟ୍ ପୋଲ୍ ଭୁଲ୍ ସାବ୍ୟସ୍ତ ହେବ । ସେହିପରି ଦିଲ୍ଲୀ କଂଗ୍ରେସ ଅଧ୍ୟକ୍ଷ ସୁଭାଷ ଚୋପ୍ରା ମଧ୍ୟ ଏକଜିଟ୍ ପୋଲ୍ ରିପୋର୍ଟ ଭୁଲ୍ ହେବ ବୋଲି କହିଛନ୍ତି । ବିଜେପିକୁ ଯଦି ବିଧାନସଭା ନିର୍ବାଚନରେ 20ଟି ଆସନ ମିଳିବ, ତେବେ ଅରବିନ୍ଦ କେଜରୀଓ୍ବାଲ ଦିଲ୍ଲୀରେ ସରକାର ହେବ ନାହିଁ । ଏକଜିଟ୍ ପୋଲ୍ ରିପୋର୍ଟଠାରୁ ଦଳ ଭଲ ପ୍ରଦର୍ଶନ କରିଥିବ ବୋଲି ଆଶା ବ୍ୟକ୍ତ କରିଛନ୍ତି ସୁଭାଷ ଚୋପ୍ରା ।(ଏଜେନ୍ସି)