ଚଣ୍ଡୀଗଡ : ବଲିଉଡର ହି ମ୍ୟାନ୍ ଧର୍ମେନ୍ଦ୍ରଙ୍କ ରେଷ୍ଟୁରାଣ୍ଟକୁ ସିଲ୍ କରି ଦିଆଯାଇଛି । ହରିୟାଣାର କର୍ଣ୍ଣାଲରେ ରହିଥିବା ଧର୍ମେନ୍ଦ୍ରଙ୍କ ଏହି ହୋଟେଲ୍କୁ ଶନିବାର ସିଲ୍ କରି ଦିଆଯାଇଛି । ହୋଟେଲ କୋଠା ନିର୍ମାଣରେ ନିୟମ ଉଲ୍ଲଂଘନ କରାଯାଇଥିବା ଅଭିଯୋଗ କରି ଏହାକୁ ସିଲ୍ କରିଦିଆଯାଇଛି । ହରିୟାଣାରୁ 150 କିମି ଦୂର ଜାତୀୟ ରାଜପଥ 44 ନିକଟରେ ଏହି ରେଷ୍ଟୁରାଣ୍ଟଟି ଅବସ୍ଥିତ । ଦିଲ୍ଲୀର ବ୍ୟବସାୟୀ ପ୍ରମୋଦ କୁମାର ଧର୍ମେନ୍ଦ୍ରଙ୍କ ହି ମ୍ୟାନ୍ ରେଷ୍ଟୁରାଣ୍ଟର ଫ୍ରାଞ୍ଚାଇଜି ନେଇଥିଲେ । ଚଳିତ ଭାଲେଣ୍ଟାଇନ୍ସ ଡେରେ ଧର୍ମେନ୍ଦ୍ର ହି ମ୍ୟାନ୍ ହୋଟେଲ୍ ଚେନ୍ ସମ୍ପର୍କରେ ଘୋଷଣା କରିଥିଲେ । ହୋଟେଲ୍କୁ ନୋଟିସ୍ ଜାରି କରାଯାଇଥିଲେ ମଧ୍ୟ ମାଲିକଙ୍କ ପକ୍ଷରୁ କୌଣସି ଉତ୍ତର ନ ଆସିବାରୁ ରେଷ୍ଟୁରାଣ୍ଟକୁ ବନ୍ଦ କରାଯାଇଛି ବୋଲି କର୍ଣ୍ଣାଲ ଡେପୁଟି କମିଶନର ନିଶାନ୍ତ ଯାଦବ ପ୍ରକାଶ କରିଛନ୍ତି । (ଏଜେନ୍ସି)
Tags: dharmendra, hemanhotelchain
