ରାଜସ୍ଥାନ : ଦେଶରେ କରୋନା ଭାଇରସ୍କୁ ନେଇ ସଂକଟ ବଢିବାରେ ଲାଗିଛି । କରୋନା ସହ ମୁକାବିଲା କରିବା ପାଇଁ ଦେଶରେ 21 ଦିନିଆ ଲକ୍ ଡାଉନର ଘୋଷଣା କରାଯାଇଛି । ସେହିପରି ରାଜ୍ୟସରକାରମାନେ ଏହାକୁ ନେଇ ବେଶ୍ ସତର୍କ ରହିଛନ୍ତି । ଏହା ମଧ୍ୟରେ ରାଜସ୍ଥାନ ସରକାର ରାଜ୍ୟରେ ବିଜୁଳି ଓ ପାଣି ବିଲ୍ ପାଇଁ ଏକ ବିଶେ ଘୋଷଣା କରିଛନ୍ତି ।
ଦେଶରେ ଜାରି ହୋଇଥିବା 21 ଦିନିଆ ଲକ୍ ଡାଉନ୍ କାରଣରୁ ଲୋକଙ୍କୁ ଘରୁ ନ ବାହାରିବାକୁ ନିର୍ଦ୍ଦେଶ ଦିଆଯାଇଛି । ଏପରି ସମୟରେ ଆର୍ଥିକ ଗତିବିଧି ଉପରେ ମଧ୍ୟ ବ୍ରେକ୍ ଲାଗିଛି । ରାଜସ୍ଥାନର ଗେହଲତ ସରକାର ଦୁଇ ମାସ ପାଇଁ ବିଜୁଳି ଓ ପାଣିର ବିଲ୍କୁ ସ୍ଥଗିତ କରିବାକୁ ନିର୍ଦ୍ଦେଶ ଦେଇଛନ୍ତି ।
ରାଜସ୍ଥାନ ସରକାର ରାଜ୍ୟର ଶିଳ୍ପ ୟୁନିଟ୍ ଓ ଚାଷୀ ତଥା ସାଧାରଣ ଜନତାଙ୍କ ପାଇଁ ବିଜୁଳି ଓ ପାଣିର ବିଲ୍କୁ ଦୁଇ ମାସ ପାଇଁ ସ୍ଥଗିତ ରଖିବାକୁ ନିଷ୍ପତ୍ତି ନେଇଛନ୍ତି । ଗେହଲତ୍ ସରକାରଙ୍କ ସରକାରଙ୍କ ଏହି ନିଷ୍ପତ୍ତି ଲକ୍ ଡାଉନ୍ କାରଣରୁ ଆର୍ଥିକ ସଂକଟ ସହ ଲଢୁଥିବା ଲୋକଙ୍କୁ ସାହାଯ୍ୟ ମିଳିବ ।
ସରକାରଙ୍କ ନିଷ୍ପତ୍ତି ଅନୁସାରେ ଛୋଟ, ମଧ୍ୟମ ତଥା ବଡ ଶିଳ୍ପ ୟୁନିଟ୍ଗୁଡିକୁ ପ୍ରାୟ 1,68,000 ଉପଭୋକ୍ତାଙ୍କୁ ଆଶ୍ବସ୍ତି ମିଳିବ । ସେହିପରି ସାଧାରଣ ଉପଭୋକ୍ତା ମାନେ ମଧ୍ୟ ଲାଭାନ୍ବିତ କରିବା ପାଇଁ ମାର୍ଚ୍ଚ ଓ ଅପ୍ରେଲ ମାସର ପାଣି ଓ ବିଜୁଳି ବିଲ୍କୁ ସ୍ଥଗିତ ରଖିଛନ୍ତି । ଉପଭୋକ୍ତା ମାନେ ଏହି ବିଲ୍କୁ ଜୁନ୍ ମାସରେ ଦେୟ କରିପାରିବେ ।
କରୋନା ମୁକାବିଲା ପାଇଁ ଦେଶରେ ଲକ୍ ଡାଉନ୍ ହେବା ପୂର୍ବରୁ ରାଜ୍ୟରେ ଲକ୍ ଡାଉନ୍ କରିବାର ନିଷ୍ପତ୍ତି ନେଇଥିଲା । ସେହିପରି ପ୍ରଦେଶର ସାଢେ ସାତ କୋଟି ଲୋକଙ୍କୁ ସ୍କ୍ରିନିଂ କରିବା ପାଇଁ ନିଷ୍ପତ୍ତି ମଧ୍ୟ ନିଆଯାଇଛି। (ଏଜେନ୍ସି)