ହେମାଙ୍ଗ ରାଉଳ
ବ୍ରହ୍ମପୁର : କୁକୁଡାଖଣ୍ଡି ବ୍ଲକ ସଦର ଥାନା ଅନ୍ତର୍ଗତ ରହିଗାଁରେ ଗୋଷ୍ଠୀ ସଂଘର୍ଷ ହୋଇଛି। ଏଥିରେ ଜଣେ ଗୁରୁତର ଆହତ ହୋଇଛନ୍ତି । ଏହି ସଂଘର୍ଷରେ ଗୁରୁତର ଆହତ ହୋଇଥିବା ବ୍ୟକ୍ତି ଜଣକ ହେଉଛନ୍ତି ପୂର୍ଣ୍ଣଜେନା। ପୂର୍ବତନ ବିଜେଡ଼ି ସଭାପତି ଥିବା ଅଶୋକ ଜେନାଙ୍କୁ ଏହି ଗୋଷ୍ଠୀ 3 ବର୍ଷ ପୂର୍ବେ ହତ୍ୟା କରାଯାଇଥିବାର ସୂଚନା ରହିଛି । ପୁନଶ୍ଚ ଅଶୋକ ଜେନାଙ୍କ ଭାଇ ପୂର୍ଣ୍ଣ ଜେନାଙ୍କୁ ପୁଣି ସଙ୍ଘବଦ୍ଧ ଭାବେ ହତ୍ୟା ଉଦ୍ୟମ କରାଯାଇଛି । ଆଜି ସେ ତାଙ୍କ ବିଲରେ କାମ କରୁଥିବା ବେଳେ କିଛି ବିରୋଧୀ ତାଙ୍କୁ ହତ୍ୟା ଉଦ୍ୟମ କରିଥିଲେ। ତାଙ୍କ ଗୋଡ ଏବଂ ଶରୀରରେ ଆଘାତ ଲାଗିଥିବାର ଜଣାପଡିଛି। ଏହି ଆକ୍ରମଣରେ ତାଙ୍କ ଗୋଡ଼ ଭାଙ୍ଗି ଯାଇଥିବା ବେଳେ କାନ୍ଧରେ କୌଣସି ଧାରୁଆ ଅସ୍ତ୍ର କିମ୍ବା ଖଣ୍ଡା ଦ୍ଵାରା ଦୁଇ ଚୋଟ ପଡିଥିବା ସୂଚନା । ଘଟଣା ସ୍ଥଳରେ ସାଦର ଥାନା ପହଂଚି ପାରମ୍ଭିକ ତଦନ୍ତ ଆରମ୍ଭ କରିଛି ଏବଂ ଆହତଙ୍କୁ ଚିକିତ୍ସା ପାଇଁ ବ୍ରହ୍ମପୁର ଏମ୍କେସେଜିକୁ ପଠାଯାଇଛି ।
Tags: ଗୁରୁତର ଆହତ, ପୂର୍ବଶତ୍ରୁତା
