ଭୁବନେଶ୍ବର : ବାତ୍ୟା ଆମ୍ଫାନ୍ ଓଡିଶା ଓ ପଶ୍ଚିମବଙ୍ଗ ସୀମାନ୍ତରେ ଲାଣ୍ଡଫଲ କରିବା ସମ୍ଭାବନା ରହିଛି । ତେବେ ଏହି ବାତ୍ୟା ବେଙ୍ଗଲ ଉପକୂଳକୁ ଯିବାକୁ ଅଧିକ ସମ୍ଭାବନା ରହିଛି ବୋଲି ରାଜ୍ୟ ସ୍ବତନ୍ତ୍ର ରିଲିଫ କମିଶନର ପ୍ରଦୀପ କୁମାର ଜେନା କହିଛନ୍ତି । ରାଜ୍ୟ ସରକାରଙ୍କ ତରଫରୁ ସମସ୍ତ ଜିଲ୍ଲା ପ୍ରଶାସନଙ୍କୁ ସତର୍କ ରହିବାକୁ ନିର୍ଦ୍ଦେଶ ଦିଆଯାଇଛି । ଏହି ପରିପ୍ରେକ୍ଷୀରେ ସମସ୍ତ ଜିଲ୍ଲାପାଳଙ୍କ ସହିତ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି ସନ୍ଧ୍ୟାରେ ଆଲୋଚନା କରିବେ ବୋଲି ଶ୍ରୀ ଜେନା କହିଛନ୍ତି । ଏହି ବାତ୍ୟାର ପ୍ରଭାବରେ ବର୍ଷା ହେବ ତେବେ ଏହାର ପ୍ରଭାବ ଫନି ଠାରୁ କମ୍ ରହିବ ବୋଲି ପାଣିପାଗ ବିଭାଗ ନିର୍ଦ୍ଦେଶକ ମୃତ୍ୟୁଞ୍ଜୟ ମହାପାତ୍ର ମତ ଦେଇଛନ୍ତି । ଏହାର ପ୍ରଭାବରେ ଆସନ୍ତା 18 ତାରିଖରୁ ବର୍ଷାର ସମ୍ଭାବନା ରହିଛି । ଏହା ସହିତ ରାଜ୍ୟର 12ଟି ଜିଲ୍ଲାପାଇଁ ସତର୍କସୂଚନା ଜାରି କରାଯାଇଛି ।
