କନ୍ଦର୍ପ ବେହେରା
ରେଢାଖୋଲ : ଗତକାଲି ରେଢାଖୋଲ ବ୍ଲକ୍ ବଣୀଆଁବନ୍ଧରେ ଭାଲୁ ଆକ୍ରମଣରେ ୨ ଜଣ ବ୍ୟକ୍ତିଙ୍କର ମୃତ୍ୟୁହୋଇଥିବା ବେଳେ ଜଣେ ଆହତ ହୋଇଥିଲେ । ଏହି ଖବର ମନ ଭିତରୁ ନ ଲିଭୁଣୁ ଆଜି ଅପରାହ୍ନରେ ଆଉ ଜଣଙ୍କୁ ଭାଲୁ ଆକ୍ରମଣ କରି ମାରିପକାଇଥିବା ଖବର ହସ୍ତଗତ ହୋଇଛି । ଆଜି ବଣୀଆଁବନ୍ଧ ଗ୍ରାମର ସୁରୁ ନାଏକ (୩୨)ନାମକ ଜନୈକ ବ୍ୟକ୍ତି ମହୁ ସଂଗ୍ରହପାଇଁ ଯାଇଥିବା ବେଳେ ଆଜି ପ୍ରାଣ ହରାଇଛନ୍ତି । ଗତକାଲି ଦୁଇ ଜଣଙ୍କର ପ୍ରାଣହାନି ଘଟିଥିବା ବେଳେ ଆଜି ଜଣଙ୍କର ପ୍ରାଣହାନି ଘଟିଛି । ଗତକାଲି ଆକ୍ରମଣ କରିଥିବା ଭାଲୁଟି ପୁନର୍ବାର ଆକ୍ରମଣ କରିଥିବା ନେଇ ବନ ବିଭାଗ ପକ୍ଷରୁ ସୂଚନା ମିଳିଛି ।
ଗତକାଲି ମରିଥିବା ଭାଲୁଟି ଛୁଆଭାଲୁ ଥିଲା ଏବଂ ଦୁଇଟି ଯାକ ଆକ୍ରମଣରେ ମା’ ଭାଲୁ ସମ୍ପୃକ୍ତ ବୋଲି ବନବିଭାଗ ପକ୍ଷରୁ ସୂଚନା ମିଳିଛି । ଉଲ୍ଲେଖଯୋଗ୍ୟ ଯେ, ଗତକାଲିର ଭାଲୁ ଆକ୍ରମଣରେ ଚେରୁ ମୁଣ୍ଡା(୫୮) ଏବଂ କୃଷ୍ନ ମୁଣ୍ଡା(୩୮)ଙ୍କ ପ୍ରାଣହାନି ଘଟିଥିଲା । 3 ଜଣଙ୍କ ପ୍ରାଣହାନି ପରେ ସ୍ଥାନୀୟ ଅଞ୍ଚଳରେ ଆତଙ୍କ ଖେଳିଯାଇଛି ।