ଭୁବନେଶ୍ବର : ଆଜି ରାଜ୍ୟରେ ସର୍ବାଧିକ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । 30ଟି ଜିଲ୍ଲାରୁମୋଟ୍ 2 ହଜାର 924ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ରାଜ୍ୟରେ ସର୍ବାଧିକ 50 ହଜାରଟେଷ୍ଟ ହୋଇଥିବାବେଳେ ଆଜି 2 ହଜାର 924 କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଆଜି ଖୋର୍ଦ୍ଧା ଜିଲ୍ଲାରୁ 400ରୁ ଅଧିକ ଆକ୍ରାନ୍ତ ଚିହ୍ନଟ ହୋଇଥିବାବେଳେ 10ଟି ଜିଲ୍ଲାରେ କରୋନା ଆକ୍ରାନ୍ତଙ୍କ ସଂଖ୍ୟା 100ରୁ ଉର୍ଦ୍ଧ୍ବ ରହିଛନ୍ତି ।
ଖୋର୍ଦ୍ଧାରୁ ସର୍ବାଧିକ 488 ଜଣ ଚିହ୍ନଟ ହୋଇଥିବାବେଳେ ଗଞ୍ଜାମ ଜିଲ୍ଲାରୁ 318ଜଣ, ଯାଜପୁରରୁ 200, କଟକରୁ 189, ସୁନ୍ଦରଗଡରୁ 161, ପୁରୀରୁ 144, ନୟାଗଡରୁ 142, ମୟୂରଭଞ୍ଜରୁ 136, ବାଲେଶ୍ବରରୁ 127, ରାୟଗଡାରୁ 116, ଭଦ୍ରକରୁ 107, କୋରାପୁଟରୁ 95, ମାଲକାନଗିରିରୁ 93, ଗଜପତିରୁ 71, କେନ୍ଦ୍ରାପଡାରୁ 60, କନ୍ଧମାଳରୁ 50, ବରଗଡରୁ 48, ଜଗତସିଂହପୁରରୁ 47, ଢେଙ୍କାନାଳରୁ 40, ସୋନପୁରରୁ 38 ଓ ସମ୍ବଲପୁର ଓ ଅନୁଗୁଳରୁ 37ଜଣ ଲେଖାଏଁ, ଝାରସୁଗୁଡ଼ାରୁ 30, ବଲାଙ୍ଗିର ଓ କଳାହାଣ୍ଡିରୁ 27ଜଣ ଲେଖାଏଁ ରହିଛନ୍ତି । ସେହିପରି କେଉଁଝରଓ ନବରଙ୍ଗପୁରରୁ 26ଜଣ ଲେଖାଏଁ ରହିଛନ୍ତି। ନୂଆପଡାରୁ 20, ଦେବଗଡରୁ 16, ବୌଦ୍ଧରୁ 8 ଜଣ ଚିହ୍ନଟ ହୋଇଛନ୍ତି ।
