ଭୁବନେଶ୍ବର : ବିଜୁଳି ଦରବୃଦ୍ଧି ମୂଲତବୀ ନୋଟିସ୍ର ଗୃହରେ ଉତ୍ତର ରଖିଛନ୍ତି ଶକ୍ତି ମନ୍ତ୍ରୀ । 7 ବର୍ଷ ପରେ ବିଜୁଳି ଦର ବଢିଥିବାବେଳେ ୟୁନିଟ୍ ପିଛା ମାତ୍ର 20ପଇସା ବଢିଛି ବୋଲି କହିଛନ୍ତି ଶକ୍ତିମନ୍ତ୍ରୀ । ଏନ୍ଟିପିସି, ଏନ୍ଏଚ୍ପିସି, ପିଜିସିଆଇଏଲ୍ 68 ପ୍ରତିଶତ ବୃଦ୍ଧି କରିଥିବାରୁ ଦର ବୃଦ୍ଧି କରାଯାଇଛି ବୋଲି କହିଛନ୍ତି ଶକ୍ତି ମନ୍ତ୍ରୀ । ଗୋଟିଏ ଦୁଇଟିକୁ ଛାଡି ବାକି ରାଜ୍ୟର ବିଜୁଳି ଦର ଓଡ଼ିଶାଠାରୁ ଅଧିକରହିଛି ବୋଲି କହିଛନ୍ତି ଶକ୍ତିମନ୍ତ୍ରୀ । ରାଜ୍ୟର କୃଷକ, ବିପିଏଲ ପରିବାରଙ୍କ ପାଇଁ ବିତ୍ୟୁତ ଶୁଳ୍କ ବଢିନାହିଁ ବୋଲି ଶକ୍ତିମନ୍ତ୍ରୀ ଦିବ୍ୟଶଙ୍କର ମିଶ୍ର କହିଛନ୍ତି।
ଅପରପକ୍ଷରେ ଶକ୍ତିମନ୍ତ୍ରୀଙ୍କ ବିବୃତ୍ତିକୁ ଜନସ୍ବାର୍ଥ ବିରୋଧୀ ବୋଲିକହିଛନ୍ତି ବିରୋଧୀ ଦଳ ମୁଖ୍ୟ ସଚେତକ ମୋହନ ମାଝୀ । ବିପଦ ସମୟରେ ଦର ବୃଦ୍ଧି କଟା ଘାରେ ଚୂନ ଦେବା ସଦୃଶ ବୋଲି କହିଛନ୍ତି ମୋହନ ମାଝୀ ।ବିଜୁଳି ଦର ବୃଦ୍ଧି ପ୍ରତ୍ୟାହାର କରନ୍ତୁ ନଚେତ ମନ୍ତ୍ରୀ ଗାଦି ଛାଡନ୍ତୁ ବୋଲି କହିଛନ୍ତି ମୋହନ ମାଝୀ । ଶକ୍ତିମନ୍ତ୍ରୀଙ୍କ ଉତ୍ତରରେ ବିଜେପି କକ୍ଷତ୍ୟାଗ କରିବା ପରେ ଗୃହକାର୍ଯ୍ୟ 3ଟା ଯାଏଁ ମୁଲତବୀ ରଖାଯାଇଛି।