ଜାଣିଲେ ଆଶ୍ଚର୍ଯ୍ୟ ହେବେ, ବଜାରକୁ ଆସିବାକୁ ଥିବା ନୂଆ ଆଇଫୋନର ଷ୍ଟୋରେଜ କ୍ଷମତା ହେଉଛି 1TB

ନୂଆଦିଲ୍ଲୀ, ସମଗ୍ର ବିଶ୍ୱରେ ଆଇଫୋନ୍ ବ୍ୟବହାରକାରୀ ଚଳିତ ବର୍ଷ ଆଇଫୋନ୍ 13 ସିରିଜ୍ ସ୍ମାର୍ଟଫୋନର ଶୁଭାରମ୍ଭକୁ ଅପେକ୍ଷା କରିଛନ୍ତି।  ତେବେ ଏହି ଫୋନକୁ ନେଇ ସାରା ବିଶ୍ବ ମୋବାଇଲ ବଜାର ବେଶ୍ ସରଗରମ ହୋଇଯାଇଛି। କାରଣ ଏଥିରେ ଯେଉଁ ବୈଶିଷ୍ଠ ଅଛି ବୋଲି ପ୍ରଚାର ଚାଲିଛି ତାହା ହେଲା ଏଥିରେ 1TB ଷ୍ଟୋରେଜ ରହିବଯ ଯାହା ଆମର କଂପୁଟରରେ ରହିଥାଏ। ଫଳରେ ମୋବାଇ ବ୍ୟବହାରକାରୀ ଏହି ଫୋନରେ ଅପର୍ଯ୍ୟାପ୍ତ କଂଟେଣ୍ଟ ରଖିପାରିବେ।

ନୂତନ ଆଇଫୋନ୍ 13 ସିରିଜରେ ଆଇପ୍ୟାଡ୍ ପ୍ରୋ ପରି ଦୃଢ ଷ୍ଟୋରେଜ୍ ଅପସନ୍ ସହିତ ଉପଲବ୍ଧ ହେବ। ଆପଲ୍ ଆଇପ୍ୟାଡ୍ ପ୍ରୋ 1TB ଏବଂ 2TB ଷ୍ଟୋରେଜ୍ ବିକଳ୍ପରେ ଉପଲବ୍ଧ ହେବ ବୋଲି କୁହାଯାଉଛି।  ଆଇଫୋନ୍ 13 ସିରିଜ୍ ମୋବାଇଲ୍ ର ମୂଲ୍ୟ ମଧ୍ୟ ଆକର୍ଷଣୀୟ ହୋଇପାରେ। ବର୍ତ୍ତମାନ, ଭାରତୀୟ ବଜାରରେ ଆଇଫୋନ୍ 12 ପ୍ରୋ ର 128 ଜିବି ଷ୍ଟୋରେଜ୍ ମଡେଲର ମୂଲ୍ୟ 1 ଲକ୍ଷ 19 ହଜାର 900 ଟଙ୍କା ରହିଛି।

ଏଥି ସହିତ ଆଇଫୋନ୍ 12 ପ୍ରୋ ର 512 ଜିବି ଷ୍ଟୋରେଜ୍ ମଡେଲର ମୂଲ୍ୟ 1ଲକ୍ଷ 49 ହଜାର 900 ଟଙ୍କା ଅଛି।  ଆଇଫୋନ୍ 12 ପ୍ରୋ ମ୍ୟାକ୍ସର 128 ଜିବି ଷ୍ଟୋରେଜ୍ ମଡେଲର ମୂଲ୍ୟ 1 ଲକ୍ଷ 29 ହଜାର 900 ଟଙ୍କା ରହିଛି। ଏଥି ସହିତ, ଆଇଫୋନ୍ 12 ପ୍ରୋ ମ୍ୟାକ୍ସର 512 ଜିବି ଷ୍ଟୋରେଜ୍ ମଡେଲର ମୂଲ୍ୟ ହେଉଛି 1 ଲକ୍ଷ 59 ହଜାର 900 ଟଙ୍କା।

ଏପରି ପରିସ୍ଥିତିରେ, ଯଦି 1TB ଷ୍ଟୋରେଜ୍ ମଡେଲ୍ ଆସେ, ତେବେ ଭାରତରେ ଏହାର ମୂଲ୍ୟ 512 ଜିବି ଷ୍ଟୋରେଜ୍ ମଡେଲ୍ ଠାରୁ ପ୍ରାୟ 20 ହଜାର ଟଙ୍କା ଅଧିକ ହୋଇପାରେ। ଅର୍ଥାତ ଭାରତୀୟ ବଜାରରେ ଏହାର ମୂଲ୍ୟ 1 ଲକ୍ଷ 71 ହଜାର ପାଖାପଖି ରହିବ ବୋଲି ଆଶା କରାଯାଉଛି।

ଆପଲ୍ ବର୍ତ୍ତମାନ ଆଇଫୋନ୍ 12 ପ୍ରୋ ଏବଂ ପ୍ରୋ ମ୍ୟାକ୍ସ ମଡେଲରେ 128 GB, 256 GB ଏବଂ 512 GB ବିକଳ୍ପ ପ୍ରଦାନ କରେ | ଆଗାମୀ ଆଇଫୋନ୍ ଗୁଡିକ ଆଇଫୋନ୍ 13 ମଡେଲ୍, ଆଇଫୋନ୍ 13 ମିନି ଠାରୁ ଆଇଫୋନ୍ 13 ପ୍ରୋ ମ୍ୟାକ୍ସ ପର୍ଯ୍ୟନ୍ତ ରହିବ। ତେବେ ଏ ନେଇ କଂପାନୀ ତରଫରୁ କୌଣସି ସୂଚନା ଦିଆଯାଇ ନାହିଁ।