ଦୁବାଇରୁ ଆସିଲା ପୁଞ୍ଜି, ଲୁଲୁ ଗ୍ରୁପ ଓଡିଶାରେ ଖୋଲିବ ମଲ, ବ୍ୟୟ ଅଟକଳ ୧୫ଶହ କୋଟି

Published: Jun 29, 2022, 4:22 pm IST

ସୁଧାଶ୍ରୀ ଦାସ, ଦୁବାଇ

ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଉପସ୍ଥିତିରେ ଦୁବାଇରେ ଆରମ୍ଭ ହୋଇଥିବା ଇନଭେଷ୍ଟରସ ମିଟ ରେ ପୁଞ୍ଜି ଆସିବା ଆରମ୍ଭ ହୋଇଛି। ଆଜି ମଧ୍ୟାହ୍ନରେ ହୋଟେଲ ଓବରାଇରେ ବସିଥିବା ଏହି ବୈଠକରେ ବିଶ୍ବର ନାମଜାଦା ହାଇପର ମାର୍କେଟ କଂପାନୀ ଲୁଲୁ ଗ୍ରୁପ ଓଡିଶାରେ ଖୋଲିବ ମଲ।

ଆଜି ଏ ନେଇ କଂପାନୀ ତରଫରୁ ଘୋଷଣା କରାଯାଇଛି। ଦୁବାଇର ଏହି କଂପାନୀ ଓଡିଶାରେ ପ୍ରାୟ ୧୫00 କୋଟି ଟଙ୍କା ବିନିଯୋଗ କରିବ ବୋଲି ଘୋଷଣା କରିଛି।

ଏ ନେଇ କଂପାନୀର ବରିଷ୍ଠ ଅଧିକାରୀମାନେ ଓଡିଶା ସରକାରଙ୍କ ସହିତ ବୁଝାମଣା କରିଛି। ଏଥିରେ କଂପାନୀ ଘୋଷଣା କରିଛି ଯେ, ଲୁଲୁ ଗ୍ରୁପ ଓଡିଶାରେ ହାଇପରମାର୍କେଟ ସ୍ଥାପନ ସହିତ ଉତ୍ପାଦକ ମଧ୍ୟ କ୍ରୟ କରିବ। ଏଥି ପାଇଁ କଂପାନୀର ବରିଷ୍ଠ ଅଧିକାରୀମାନେ ଖୁବ ଶିଘ୍ର ଓଡିଶା ଆସିବେ ବୋଲି ଏହି ବୈଠକରେ କୁହାଯାଇଛି।

ଲୁଲୁ ଗ୍ରୁପ ବର୍ତ୍ତମାନ ବିଭିନ୍ନ ଦେଶରେ ତାହାର ମଲ ଖୋଲି ବେଶ୍ ଲୋକପ୍ରିୟ ଅର୍ଜନ କରିପାରିଛି। ବର୍ତ୍ତମାନ କଂପାନୀରେ ପ୍ରାୟ 57 ହଜାର ଲୋକ କାମ କରୁଛନ୍ତି। ଏହି କଂପାନୀର ପ୍ରତିଷ୍ଠାତା ହେଉଛନ୍ତି ଭାରତରେ ଜନ୍ମିତ ୟୁଶୁଫ ଅଲ୍ଲି। ସେ ଆରବ ଦେଶକୁ ଯାଇ ଏହି ବ୍ୟବସାୟକୁ ପ୍ରତିଷ୍ଠା କରିପାରିଛନ୍ତି। ଏହି କଂପାନୀର ଭାରତରେ ଗ୍ରେଟର ନୋଇଡା, ଜମ୍ମୁ, ଅହମ୍ମଦାବାଦରେ ମଲ ରହିଛି।

Related posts