ଧର୍ମାନ୍ତରଣ କରୁଥିବା ଅଭିଯୋଗରେ ଦୁଇ ଧର୍ମଗୁରୁଙ୍କୁ ଗିରଫ କଲା ପୋଲିସ: ବିଦେଶରୁ ହେଉଥିଲା ଫଣ୍ଡିଂ

Published: Jun 21, 2021, 1:53 pm IST

ନୂଆଦିଲ୍ଲୀ: ଉତ୍ତରପ୍ରଦେଶର ନୋଏଡାରେ ଏକ ଧର୍ମାନ୍ତରଣ କରୁଥିବା ରାକେଟକୁ ପୋଲିସ ପର୍ଦ୍ଦାଫାଶ କରିଛି। ଏହି ଘଟଣାରେ ଦୁଇ ଧର୍ମଗୁରୁଙ୍କୁ ଉତ୍ତରପ୍ରଦେଶ ଏଟିଏସ ଗିରଫ କରିଛି। ଏହି ରାକେଟ ବିଗତ ଦୁଇ ବର୍ଷ ହେଲା ଚାଲୁଥିଲା। ଏଥିରେ ଭିନ୍ନକ୍ଷମ ବ୍ୟକ୍ତି ଏବଂ ମହିଳାମାନଙ୍କୁ ଟାର୍ଗେଟ କରାଯାଇ ଧର୍ମ ପରିବର୍ତ୍ତନ କରାଯାଉଥିଲା। ଏହି ମାମଲାରେ ବିଦେଶରୁ ଫଣ୍ଡ ମିଳୁଥିବା ପୋଲିସକୁ ପ୍ରମାଣ ମିଳିଛି। ବର୍ତ୍ତମାନ ପର୍ଯ୍ୟନ୍ତ ଦୁଇ ଜଣଙ୍କୁ ପୋଲିସ ଗିରଫ କରିଥିବା ବେଳେ ୧୦୦ ରୁ ଉର୍ଦ୍ଧ୍ଵ ଲୋକ ଏଥିରେ ସାମିଲ ଥିବା ସନ୍ଦେହ କରାଯାଉଛି।

ଉତ୍ତରପ୍ରଦେଶ ଏଡିଜି ପ୍ରଶାନ୍ତ କୁମାର କହିଛନ୍ତି ଯେ, ଗତ ୧ ବର୍ଷରେ ୩୫୦ ଲୋକଙ୍କୁ ଧର୍ମାନ୍ତରଣ କରାଯାଇଛି। ନୋଏଡାର ଗୋଟିଏ ମୂକବଧିର ସ୍କୁଲରେ ୧୮ ଜଣ ପିଲାଙ୍କୁ ଧର୍ମାନ୍ତରଣ କରାଯାଇଛି। ବର୍ତ୍ତମାନ ପର୍ଯ୍ୟନ୍ତ ୧ ହଜାରରୁ ଅଧିକ ଲୋକଙ୍କୁ ଧର୍ମ ପରିବର୍ତ୍ତନ କରାଯାଇଥିବା ଏଡିଜେ କହିଛନ୍ତି। ପ୍ରଶାନ୍ତ କହିଛନ୍ତି ଯେ, ଲୋକଙ୍କୁ ଭୟଭୀତ କରାଇ କିମ୍ବା ଲୋଭ ଦେଖାଇ ଧର୍ମ ପରିବର୍ତ୍ତନ କରାଯାଉଛି।

ତେବେ ଗିରଫ ହୋଇଥିବା ଦୁଇ ଅଭିଯୁକ୍ତ ଜଣଙ୍କ ହେଲେ ମହମ୍ମଦ ଉମର ଏବଂ ମୁଫତି କାଜି ଜାହାଙ୍ଗୀର। ଏହି ଦୁଇ ଜଣ ଦିଲ୍ଲୀର ଜାମିଆନଗର ଅଞ୍ଚଳର ବୋଲି ଜଣା ପଡିଛି। ଏହି ଦୁଇଜଣ କେବଳ ଉତ୍ତରପ୍ରଦେଶରେ ନୁହେଁ, ପୁରା ଦେଶରେ ଧର୍ମାନ୍ତରଣ କାର୍ଯ୍ୟରେ ସାମିଲ ଥିବା ଅଭିଯୋଗ ହେଉଛି।

Related posts