ନିରାକାରପୁର: ଖୋର୍ଦ୍ଧା ଜିଲ୍ଲା ଅନ୍ତର୍ଗତ ନିରାକାରପୁର ଥାନା ଅଂଚଳରେ ଦିନକୁ ଦିନ ଚୋରୀ ଲୁଟପାଟ ଘଟଣାରେ ବଢିବାରେ ଲାଗିଛି। ଗତ ୫ ଦିନ ମଧ୍ୟରେ ଏହି ଅଞ୍ଚଳରୁ ପ୍ରାୟ ୫ରୁ ୬ଟି ସ୍ଥାନରେ ଚୋରୀ ହୋଇଥିବା ଅଭିଯୋଗ ହୋଇଛି। ଗତକାଲି ବିଳମ୍ବିତ ରାତିରେ ରାମେଶ୍ୱର ଛକ ନିକଟି ୫ଟି ଦୋକାନରୁ ତାଲା ଭାଗିଂ ଚୋରୀ ହୋଇଥିବା ଜଣାପଡିଛି।
ଚୋର ଚୋରୀକରିବାକୁ ଊଦ୍ୟମ କରୁଥିବା ସମୟର ଭିଡିଓ ସିସିଟିଭିରେ କଏଦ ହୋଇଛି।ରାମେଶ୍ୱର ଛକରେ ଥିବା ପ୍ରଶନ୍ନ ସାମନ୍ତରାୟ, ସର୍ବେଶ୍ୱର ସାହୁ, ଗୋବିନ୍ଦ ସାହୁ, ମିଟୁ ପଲେଇ, ଶିବୁ ବାରିକଙ୍କ ଦୋକାନରୁ ଟଙ୍କା ଓ ବିଭିନ୍ନ ମୂଲ୍ୟବାନ ଜିନିଷ ଚୋରି ହୋଇଥିବା ଅଭିଯୋଗ ହୋଇଛି।
