ମୁମ୍ବାଇ: ମହାରାଷ୍ଟ୍ରର ନାନ୍ଦେଡରେ ଏକ ବଡ କାର୍ଯ୍ୟାନୁଷ୍ଠାନ ଗ୍ରହଣ କରି ଏନସିବି ପ୍ରାୟ ୧୧୧ କିଲୋଗ୍ରାମ ଡ୍ରଗ୍ସ ଜବତ କରିଛି। ଯେଉଁ ସ୍ଥାନରେ ଏନସିବି ଚଢାଉ କରିଥିଲା ଏବଂ ଡ୍ରଗ୍ସ ଜବତ କରିଥିଲା, ସେହି ସ୍ଥାନ ପରିବହନ କାର୍ଯ୍ୟାଳୟ ନାମରେ ପରିଚାଳିତ ହୋଇଥିଲା। ମହାରାଷ୍ଟ୍ରର ନାନ୍ଦେଡ ଜିଲ୍ଲାରେ ମିଳିଥିବା ଗୁପ୍ତ ତଥ୍ୟକୁ ଆଧାର କରି ମୁମ୍ବାଇ ଏନସିବି ତିନି ଜଣଙ୍କୁ ଅଟକ ରଖିଛି। ଏନସିବି ଏକ ଡ୍ରଗ୍ସ ଲ୍ୟାବ ପାଇଛି, ଯେଉଁଠାରୁ ଡ୍ରଗ୍ସ ତିଆରି କରାଯାଇ ଦେଶର ବିଭିନ୍ନ ସ୍ଥାନରେ ବିକ୍ରି ହେଉଛି।
ସୂଚନାକୁ ଆଧାର କରି ଏନସିବି ମହାରାଷ୍ଟ୍ରର ନାନ୍ଦେଡର କାମଥା ଅଞ୍ଚଳରେ ଅବସ୍ଥିତ ଏକ ପରିବହନ କାର୍ଯ୍ୟାଳୟରେ ଚଢାଉ କରିଥିଲା। ଏହି ପରିପ୍ରେକ୍ଷୀରେ, ଏନସିବି ଜୋନାଲ ନିର୍ଦ୍ଦେଶକ ସମୀର ୱାଙ୍ଖେଡେ କହିଛନ୍ତି ଯେ, ଏହି ଲ୍ୟାବ ଏପରି ଏକ ସ୍ଥାନରେ ନିର୍ମିତ ହୋଇଛି ଯେଉଁଠାରେ କେହି ଯାଇ ପାରିବେ ନାହିଁ, ଏହାର ଚାରିପାଖରେ ଏକ ଜଙ୍ଗଲ ଅଛି।
