ବାଲୁଗାଁ: ଘରେ କିଏ ନଥିବାର ସୁଯୋଗ ନେଇ ଘର ଗ୍ରିଲ ତାଲା ଭାଙ୍ଗି ଲକ୍ଷାଧିକ ଟଙ୍କା ସହିତ ସୁନା ଓ ରୁପା ଅଳଙ୍କାର ଲୁଟ୍ ହୋଇଛି। ସୂଚନା ମୂତବକ ଖୋର୍ଦ୍ଧା ଜିଲ୍ଲା ବାଲୁଗାଁ ଥାନା ଅନ୍ତର୍ଗତ ପାନ୍ଥନିବାସ ରୋଡ଼ ସ୍ଥିତ ଧନେଶ୍ୱର ସ୍ୱାଇଁଙ୍କ ଘରୁ ଚୋରି ହୋଇଛି।
ଧନେଶ୍ୱର ରାତିରେ ନିଜ ସପରିବାର ସହିତ ନିକଟସ୍ଥ ଖାରିବନ୍ଧ ଗ୍ରାମକୁ ଯାତ୍ରା ଦେଖିବାକୁ ଯାଇଥିଲେ। ରାତି ପ୍ରାୟ ୨ ଟା ପରେ ଘର ଖୋଲା ଥିବା ଖବର ପାଇ ଧନେଶ୍ୱର ଘରକୁ ଆସିଥିଲେ। ଘର ଖୋଲା ଥିବା ଦେଖିବା ପରେ ଜାଣିବାକୁ ପାଇଲେ ଘରର ଆଲମେରା ଖୋଲା ହୋଇଥିବା ବେଳେ ଲୁଗା ପଟା ଏଣେତେଣେ ପଡ଼ିରହିଛି। ନଗଦ ୮୦ ହଜାର ଟଙ୍କା, ଦୁଇଟି ଶରାଗାତ (କୁପି) ରୁ ପ୍ରାୟ ୨୦ ହଜାରରୁ ଉର୍ଦ୍ଧ୍ଵ ଟଙ୍କା, ଦୁଇ ଭରି ଓଜନର ୪ ଟି ଚୁଡ଼ି, ଗୋଟିଏ ରୁପା ବ୍ରେସଲେଟ ଓ ଗୋଟେ ହଳ ରୁପା ପାଉଁଚି ଚୋରି ହୋଇଥିବା ଅଭିଯୋଗ ହୋଇଛି। ଖବର ପାଇ ପୋଲିସ ପହଞ୍ଚି ତଦନ୍ତ ଜାରୀ ରଖିଛି।