ମୁମ୍ବାଇ : ମହିଳା ଏବଂ ଶିଶୁଙ୍କ ପାଇଁ ଦେଶ ସୁରକ୍ଷିତ ନୁହେଁ । ଦ୍ବିତୀୟ ଭଗବାନ ଭାବରେ ପରିଚିତ ଡାକ୍ତର ମଧ୍ୟ ଏହି ଧାରାରୁ ବାଦ ପଡିନାହାନ୍ତି । ଏପରି ଏକ ଘଟଣା ଘଟିଛି ମୁମ୍ବାଇରେ । ଜଣେ 14 ବର୍ଷୀୟା ନାବାଳିକାକୁ ଡାକ୍ତର ଅସଦାଚରଣ ଉଦ୍ୟମ କରିଛନ୍ତି । ନିଜ ମାଙ୍କ ସହିତ ଡାକ୍ତରଙ୍କ ନିକଟକୁ ଆସିଥିବା ବେଳେ ଏହି କାଣ୍ଡ ଘଟିଛି । ମାଙ୍କ ଫୋନ୍ ଆସିବାରୁ କଥା ହେବା ପାଇଁ ବାହାରକୁ ଯାଇଥିବା ସମୟରେ ଡାକ୍ତର ଏହି କାଣ୍ଡ ଘଟାଇଥିଲେ । ଡାକ୍ତରଙ୍କ ନାମ ଖାଲିଦ୍ ବେଗ୍ (40) । ସ୍ବାସ୍ଥ୍ୟ ପରୀକ୍ଷା ବାହାନାରେ ଶିଶୁଟିକୁ ଅସଦାଚରଣ କରିବାକୁ ଚେଷ୍ଟା କରାଯାଇଥିଲା । ନାବାଳିକାଙ୍କ ମା ପୋଲିସ୍ ନିକଟରେ ଅଭିଯୋଗ କରିବା ପରେ ପୋକ୍ସୋ ଆଇନ୍ ଆଧାରରେ ପୋଲିସ୍ ଡାକ୍ତରଙ୍କୁ ଗିରଫ କରିଥିଲା । (ଏଜେନ୍ସି)
