ଭୁବନେଶ୍ବର: ଶନିବାର ଦିନ ପ୍ରଧାନମନ୍ତ୍ରୀ ଓଡିଶାର ତିନୋଟି ସ୍ଥାନରେ ପ୍ରଚାର କରି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ତୀବ୍ର ସମାଲୋଚନା କରିଛନ୍ତି। କେଉଁଠି ବିଜେଡିର ଏକ୍ସପାୟାର ଡେଟ ଜୁନ ୪ ବୋଲି କହିଛନ୍ତି। ଆଉ କେଉଁଠି ନବୀନ ଓଡିଶାର ଜିଲ୍ଲାର ନାମ କହିପାରିବେ ନାହିଁ ବୋଲି କହି କଟାକ୍ଷ କରିଛନ୍ତି। ଯାହାକୁ ନେଇ ବିଭିନ୍ନ ମହଲରେ ପ୍ରଧାନମନ୍ତ୍ରୀ ପରି ପଦରେ ଥିବା ବ୍ୟକ୍ତି ଏପରି କହିବା ଠିକ ନୁହେଁ ବୋଲି କୁହାଯାଉଛି।
ହେଲେ ପ୍ରଧାନମନ୍ତ୍ରୀଙ୍କ ସମସ୍ତ ସମାଲୋଚନାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭିଡିଓ ବାର୍ତ୍ତା ଜାରୀ କରି ତାହାକ କଡା ହିସାବ ପ୍ରଦାନ କରିଛନ୍ତି। ସେ କହିଛନ୍ତି ଯେ ମୋର କଣ ମନେ ଅଛି କି ନାହିଁ ତାହା ଓଡିଶାବାସୀ ୨୫ ବର୍ଷ ଧରି ଜାଣିଛନ୍ତି। ପ୍ରଧାନମନ୍ତ୍ରୀ ତାହା ଜଣାଇବା କିଛି ଆବଶ୍ୟକ ନାହିଁ। ଓଡିଆ ଭାଷାକୁ ଶାସ୍ତ୍ରୀୟ ମାନ୍ୟତା ପ୍ରଦାନ କଲେ। ହେଲେ ତାହାର ବିକାଶ ପାଇଁ ଆପଣ କେତେ ଟଙ୍କା ଦେଇଛନ୍ତି ବୋଲି ନବୀନ ପ୍ରଶ୍ନ କରିଛନ୍ତି। ସେ କହିଛନ୍ତି ଯେ, ସଂସ୍କୃତ ଭାଷାକୁ ହଜାରେ କୋଟି ଦେଲେ ହେଲେ ଓଡିଆକୁ ଶୂନ ମିଳିଲା।
ସେହିପରି ନବୀନ କହିଛନ୍ତି ଯେ, ଆପଣ ଓଡିଶୀ ସଂଗୀତକୁ ଭୁଲିଗଲେ। ଏହାକୁ ଶାସ୍ତ୍ରୀୟ ମାନ୍ୟତା ପ୍ରଦାନ କରିବା ପାଇଁ ମୁଁ ଦୁଇଥର ଚିଠି ଲେଖିଛି। ହେଲେ ଆପଣ ତାହାକୁ ରିଜେକ୍ଟ କରିଦେଲେ। ସେହିପରି ନବୀନ କହିଥିଲେ ଯେ, ଓଡିଶାରେ ବହୁ ବୀରପୁତ୍ର ଅଛନ୍ତି। ସେମାନଙ୍କ ନାମ ଆପଣ ନେଉଛନ୍ତି। ହେଲେ ସେମାନେ କଣ ଭାରତ ରତ୍ନ ପାଇବା ପାଇଁ ଯୋଗ୍ୟ ହେଲେ ନାହିଁ କି ବୋଲି ନବୀନ କହିଛନ୍ତି। ଏପରିକି ଆପଣ ଭାରତ ରତ୍ନ ବାଣ୍ଟିଲା ବେଳେ ବିଜୁ ପଟ୍ଟନାୟକଙ୍କୁ ମଧ୍ୟ ମଧ୍ୟ ଆପଣ ଭୁଲିଗଲେ।
ପ୍ରଧାନମନ୍ତ୍ରୀଙ୍କ ଗୋଟିଏ ଗୋଟିଏ କଟାକ୍ଷକୁ ନବୀନ କଡା ଜବାବ ଦେଇଛନ୍ତି। ସେ କହିଛନ୍ତି ଯେ, ଓଡିଶାର ଚାଷୀଙ୍କ ଧାନର ସହାୟକ ମୂଲ୍ୟ ଦୁଇଗୁଣ କରିବେ ବୋଲି କହିଥିଲେ। ତାହା ଆପଣ କଲେ କି। ଓଡିଶାରେ କୋଷ୍ଟାଲ ହାଇଏ ୱେ ମଧ୍ୟ କରିବାକୁ କହିଥିଲେ ତାହା କଲେ କି ବୋଲି ନବୀନ ପ୍ରଶ୍ନ କରିଛନ୍ତି। ସେହିପରି କୋଇଲା ରାୟାଲିଟ ମଧ୍ୟ ଆପଣ ୧୦ ବର୍ଷ ହେଲା ଭୁଲିଗଲେ କି। କେବଳ ନିର୍ବାଚନ ସମୟରେ ଆପଣ ଓଡିଶା କଥା ମନେପକାଇଲେ କିଛି ଲାଭ ନାହିଁ ବୋଲି ନବୀନ କହିଥିଲେ।
ପ୍ରଧାନମନ୍ତ୍ରୀଙ୍କୁ ଇଙ୍ଗିତ କରି ନବୀନ କହିଥିଲେ ଯେ ଆପଣ ୨୦୧୪ ଏବଂ ୨୦୧୯ ରେ ଯାହା ପ୍ରତିଶୃତି ଦେଇଥିଲେ ତାହା ପାଳନ କରିଛନ୍ତି କି ବୋଲି ପ୍ରଶ୍ନ କରିଛନ୍ତି। ଦରଦାମ ବୃଦ୍ଧିକୁ ନିୟନ୍ତ୍ରଣ କରିପାରିଲେ କି, ଗ୍ୟାସ, ପେଟ୍ରୋଲ ଓ ଡିଜେଲ ମୂଲ୍ୟ ହ୍ରାସ ପାଇଲା କି ବୋଲି କହିଛନ୍ତି। ଓଡିଶାବାସୀ ଜିଏସଟି ଛାଡ କରିବା, ନିଯୁକ୍ତି ଦେବା ପରି ସମସ୍ତ କଥାକୁ ମନେ ରଖିଛନ୍ତି ବୋଲି ନବୀନ କହିଥିଲେ।
ତେବେ ଶେଷରେ ନବୀନ ଯାହା କହିଥିଲେ ତାହା ହେଲା ଯେ, ଜୁନ ୧୦ ତାରିଖରେ କଣ ଆଗାମୀ ୧୦ ବର୍ଷ ପର୍ଯ୍ୟନ୍ତ ବିଜେପି ଓଡିଶାବାସୀଙ୍କ ହୃଦୟ ଜିତିପାରିବେ ନାହିଁ। ପ୍ରଭୃ ଜଗନ୍ନାଥଙ୍କ ଆର୍ଶିବାଦ ଏବଂ ଓଡିଶାବାସୀଙ୍କ ଭଲପାଇବା ଯୋଗୁଁ ବିଜେଡି ଷଷ୍ଠ ଥର ପାଇଁ ସରକାର ଗଠନ କରିବ। ତେବେ ନବୀନ ତାଙ୍କ ୨୫ ବର୍ଷ ଶାସନ କାଳରେ ସେ କେବେ ଏପରି ଶାଣିତ ଭାବେ ସମାଲୋଚନା କରିଥିଲେ। ବର୍ତ୍ତମାନ ନବୀନ ଏପରି ଆକ୍ରମଣ କରିବା ନେଇ ବିଭିନ୍ନ ମହଲରେ ବେଶ ଚର୍ଚ୍ଚା ଚାଲିଛି। ନବୀନଙ୍କ ପ୍ରଧାନମନ୍ତ୍ରୀଙ୍କୁ ଉଚିତ ଜବାବ ବୋଲି କୁହାଯାଉଛି।
