ମୁକ୍ତିଲାଭ କଲା ଆଦ୍ୟାଶା ମ୍ୟୁଜିକର ଦେଶାତ୍ମବୋଧକ ଗୀତ ‘ସୁନ୍ଦର ଓଡିଶା ଭୂଇଁ’

Published: Jun 15, 2022, 3:59 pm IST

କନ୍ଦର୍ପ ବେହେରା
ରେଢାଖୋଲ: ରେଢାଖୋଲ ଉପଖଣ୍ଡ କୁଡ଼ାନାଳୀ ଗ୍ରାମର ଆଦ୍ୟାଶା ମ୍ୟୁଜିକ ପକ୍ଷରୁ ପବିତ୍ର ରଜ ପର୍ବରେ ଏକ ଦେଶାତ୍ମବୋଧକ ଗୀତ ଲୋକାର୍ପିତ ହୋଇଛି। “ସୁନ୍ଦର ଓଡ଼ିଶା ଭୁଇଁ” ଶୀର୍ଷକ ଏହି ଗୀତ ଟିକୁ ସମ୍ବଲପୁର ମାନ୍ୟବର ସାଂସଦ ନିତେଶ ଗଙ୍ଗଦେବ ଆନୁଷ୍ଠାନିକ ଭାବେ ଲୋକାର୍ପିତ କରିବା ସହ ଦେଶାତ୍ମବୋଧକ ଗୀତଟି ସୁନ୍ଦର ହୋଇଛି ବୋଲି ପ୍ରକାଶ କରିଛନ୍ତି।

ଏହି କାର୍ଯ୍ୟକ୍ରମରେ ପ୍ରଯୋଜକ ସରୋଜ କୁମାର ରାଉତ ଓ ରଶ୍ମିତା ରାଉତ ଉପସ୍ଥିତ ରହି ଆଗାମୀ ଦିନରେ ଆଦ୍ୟାଶା ମ୍ୟୁଜିକ ପକ୍ଷରୁ ନବାଗତ କଳାକାର ମାନଙ୍କୁ ସୁଯୋଗ ଦିଆଯିବ ବୋଲି ପ୍ରକାଶ କରିଥିଲେ।

ଏହି ଗୀତ ଟିକୁ ଡକ୍ଟର ତନ୍ନୟ କୁମାର ରଚନା କରିଥିବେଳେ ସ୍ୱର ଦେଇଛନ୍ତି ସୀମାରାଣୀ ସାହୁ ଓ ତନ୍ମୟ କୁମାର, ସଙ୍ଗୀତ ନିର୍ଦ୍ଦେଶନା ଜିତେନ ଦେଇଥିବେଳେ ପ୍ରଯୋଜନା ପରିଚାଳନା କରିଛନ୍ତି ଆୟୁଷ ରଞ୍ଜନ ରାଉତ।

Related posts