ଭୁବନେଶ୍ବର, ଚଳିତ ବଜେଟରେ ଜଳ ସମ୍ପଦ ବିଭାଗ ପାଇଁ, 8 ହଜାର 266 କୋଟି ଟଙ୍କା ବ୍ୟୟ ବରାଦ କରାଯାଇଛି। ଏଥିରେ ଅସମ୍ପୂର୍ଣ୍ଣ ଥିବା ତ୍ବରିତ ଜଳସେଚନ ସୁବିଧା ଯୋଜନା ବା AIBP ପାଇଁ 2 ହଜାର 258 କୋଟିର ଖର୍ଚ୍ଚ ଅଟକଳ କରାଯାଇଛି। ସେହିପରି ରାଜ୍ୟର ସମସ୍ତ ପ୍ରମୁଖ ନଦୀରେ ଇନ୍-ଷ୍ଟ୍ରିମ୍ ଷ୍ଟୋରେଜ୍ ଷ୍ଟ୍ରକଚର୍ସ (ISS) ନିର୍ମାଣ ପାଇଁ 795 କୋଟି ପ୍ରଦାନ କରାଯାଇଛି। ଅନ୍ୟାନ୍ୟ ପ୍ରକଳ୍ପ ପାଇ ଯେଉଁ ବ୍ୟୟ ବରାଦ ହୋଇଛି ତାହା ହେଲା..
* ଚାଲୁଥିବା ଏବଂ ନୂତନ ପ୍ରକଳ୍ପ ପାଇଁ ରାଜ୍ୟ ଅନୁଦାନ ପ୍ରାପ୍ତ ଜଳ କ୍ଷେତ୍ର ଭିତ୍ତିଭୂମି ବିକାଶ କାର୍ଯ୍ୟକ୍ରମ (WSIDP) ଅଧୀନରେ 454 କୋଟି।
* ବନ୍ୟା ନିୟନ୍ତ୍ରଣ ଏବଂ ଡ୍ରେନେଜ କାମ ପାଇଁ 710 କୋଟି ଟଙ୍କା ।
* ପାର୍ବତୀ ଗିରି ମେଗା ଲିଫ୍ଟ ଜଳସେଚନ ଯୋଜନା ପାଇଁ 860 କୋଟି।
* ଅତିରିକ୍ତ ଜଳସେଚନ ସମ୍ଭାବନା ସୃଷ୍ଟି କରିବାକୁ ଜଳନିଧି ଯୋଜନା ପାଇଁ RIDF ଅଧୀନରେ ₹ 180 କୋଟି।
* 21,000 ଗଭୀର ନଳକୂପ ଖନନ ପାଇଁ 389 କୋଟି
* 1500ଟି କମ୍ୟୁନିଟି ଲିଫ୍ଟ ଜଳସେଚନ ପ୍ରୋଜେକ୍ଟ ସ୍ଥାପନ ପାଇଁ ବିଜୁ କୃଷକ ବିକାଶ ଯୋଜନା ଅଧୀନରେ 400 କୋଟି ଟଙ୍କା |
* 1000 ନିଷ୍କ୍ରିୟ ଉଠା ଜଳସେଚନ ପଏଣ୍ଟଗୁଡିକର ପୁନରୁଦ୍ଧାର ପାଇଁ 164 କୋଟି।
* କେନାଲ ଲାଇନ୍ ଏବଂ ସିଷ୍ଟମ୍ ପୁନର୍ବାସ କାର୍ଯ୍ୟକ୍ରମ (CLSRP) ଅଧୀନରେ ₹ 101 କୋଟି।
* ନବକୃଷ୍ଣ ଚୌଧୁରୀ ସେଚ ଉନ୍ନୟନ ଯୋଜନା ଅଧୀନରେ 77 କୋଟି ବ୍ୟୟ ଅଟକଳ କରାଯାଇଛି।