Sun Halo: ଆଜି ଆଇଟି ସହର ବାଙ୍ଗାଲୁର ଆକାଶରେ ଦେଖାଦେଇଛି ଏକ ଅଭୁତ ଦୃଶ୍ୟ। ଏହି ଦୃଶ୍ୟ ଦେଖିବା ପାଇଁ ସହରର ଲୋକେ ବାହାରକୁ ଆସି ଉପଭୋଗ କରିବାକୁ ଲାଗିଲେ। ଏହି ଅଭୁତ ଦୃଶ୍ୟଟି ହେଉଛି ଯେ, ଆଜି ଠିକ୍ ମଧ୍ୟାହ୍ନରେ ବାଙ୍ଗାଲୁର ଆକାଶରେ ସୂର୍ଯ୍ୟଙ୍କର ଚାରିପଟେ ଏକ ବଳୟ ଦେଖିବାକୁ ମିଳିଥିଲା। ତେବେ ଏହି ସାଧାରଣ ବଳୟ ନ ଥିଲା। ଇନ୍ଦ୍ରଧନୁ ପରି ରଂଗୀନ ବଳୟ ଥିଲା। ପ୍ରାୟ 22 ଡିଗ୍ରୀ ପରଧିର ଏହି ବଳୟ ଭିତରେ ସୂର୍ଯ୍ୟ ରହିଥିଲେ।
ସୂର୍ଯ୍ୟ ଠିକ୍ ମୁଣ୍ଡ ଉପରେ ଥିବା ବେଳେ ଏହି ବଳୟ ସୃଷ୍ଟି ହୋଇଥିଲା। ସାଧାରଣତଃ ବର୍ଷା ହେଲେ ଇନ୍ଦ୍ରଧନୁ ଦେଖାଦେଇଥାଏ। ମାତ୍ର ବାଙ୍ଗାଲୁରରେ ଆଜି ସକାଳୁ ପାଗ ଶୁଖିଲା ଅଛି। ହେଲେ ଆକାଶରେ ଠାଏଁ ଠାଏଁ ମେଘ ରହିଛି। କିନ୍ତୁ ସୂର୍ଯ୍ୟଙ୍କୁ ଘୋଡାଇ ହେବା ପରି ମେଘ ନ ଥିଲା।
ଏହିପରି ବଳୟ ବେଶ କିଛି ସମୟ ଧରି ବାଙ୍ଗାଲୁର ଆକାଶରେ ପରିଲକ୍ଷିତ ହୋଇଥିଲା। ଲୋକମାନେ ବାହାରକୁ ଆସି ମୋବାଇଲିରେ ଫଟୋ ନେବାରେ ଲାଗିଥିଲେ। ଫଳରେ ଆଜି ସୋସିଆଲ ମିଡିଆରେ ଏହି ଘଟଣା ପୁରା ଛାଇ ହୋଇ ରହିଛି। ଇଂରାଜୀ Halo ନାମରେ ଏହି ଭାଇରାଲ ହେବାରେ ଲାଗିଛି।
ତେବେ ବିଶେଷଜ୍ଞଙ୍କ କହିବା କଥା ହେଲା ଯେ, ଏହା ମେଘ ଏବଂ ସୂର୍ଯ୍ୟ କିରଣ ଦ୍ବାରା ସୃଷ୍ୟି ହୋଇଥାଏ। ଯାହାକୁ ଇଂରାଜୀରେ Sun Halo ବୋଲି କୁହାଯାଇଥାଏ। ଓଡିଆରେ ଏହା ପ୍ରଭାମଣ୍ଡଳ ବୋଲି କୁହାଯାଏ। ତେବେ ଏହା ବର୍ଷା ଦିନେ ବା ବର୍ଷା ହେବା ବେଳେ ପରିଲକ୍ଷିତ ହେବା କଥା। ଅନ୍ୟପକ୍ଷରେ ଏହି ପ୍ରଭାମଣ୍ଡଳ ଥଣ୍ଡା ଦେଶରେ ସାଧାରଣ କଥା। ମାତ୍ର ବାଙ୍ଗାଲୁରରେ ଏପରି ଦେଖାଯିବା ନିଶ୍ଚିତ ଭିନ୍ନତା ରହିଛି।
ନିକଟରେ ବଙ୍ଗୋପ ସାଗରରେ ସୃଷ୍ଟି ହୋଇଥିବା ବାତ୍ୟା ଧିରେ ଧିରେ ସ୍ଥଳଭାଗ ଆଡକୁ ମୁହାଁବାରେ ଲାଗିଛି। ଆସନ୍ତା 26 ତାରିଖରେ ଏହା ସ୍ଥଳ ଭାଗ ଛୁଇଁବ। ଏହି ଖବର ସାରା ଦେଶରେ ହଇଚଇ ସୃଷ୍ଟି କରିବାରେ ଲାଗିଛି। ଏପରି ସମୟରେ ଏହି ପ୍ରଭାମଣ୍ଡଳ ଦେଖାଦେବା ନେଇ ଲୋକମାନେ ଭିନ୍ନ ଭିନ୍ନ କଥା ଆଶଙ୍କା କରିବାରେ ଲାଗିଛନ୍ତି। ତେବେ ବିଶେଷଜ୍ଞଙ୍କ ଅନୁସାରେ ବାତ୍ୟା ସହିତ ଏହି ପ୍ରଭାମଣ୍ଡଳର କୌଣସି ସଂପର୍କ ନାହିଁ ।