ଭୁବନେଶ୍ବର: ମହାରାଣୀ ଏଲିଜାବେଥ୍ ଦ୍ୱିତୀୟଙ୍କ ଦେହାନ୍ତ ପରେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଶୋକ ପ୍ରକାଶ କରି ସମବେଦନା ଜଣାଇଛନ୍ତି। ପ୍ରଧାନମନ୍ତ୍ରୀ ଟ୍ୱିଟ୍ କରି କହିଛନ୍ତି ଯେ, ମହାରାଣୀ ଏଲିଜାବେଥ୍ ଦ୍ୱିତୀୟ ଆମ ସମୟର ଜଣେ ପ୍ରତିଷ୍ଠିତ ବ୍ୟକ୍ତି ଭାବରେ ସ୍ମରଣୀୟ ରହିବେ।
ସେ ନିଜ ଦେଶ ତଥା ସାଧାରଣ ଲୋକଙ୍କୁ ପ୍ରେରଣାଦାୟକ ନେତୃତ୍ୱ ପ୍ରଦାନ କରିଥିଲେ। ସେ ସର୍ବସାଧାରଣ ଜୀବନରେ ସମ୍ମାନ ଏବଂ ସଚ୍ଚୋଟତାକୁ ପ୍ରାଥମିକତା ଦେଉଥିଲେ। ଏପରି ଦୁଃଖଦ ସମୟରେ ମୋର ସମବେଦନା ତାଙ୍କ ପରିବାର ଏବଂ ବ୍ରିଟେନର ଲୋକଙ୍କ ସହିତ ଅଛି।
୨୦୧୫ ଏବଂ ୨୦୧୮ ରେ ମୋର ବ୍ରିଟେନ ଗସ୍ତ ସମୟରେ ମୁଁ ରାଣୀ ଏଲିଜାବେଥ୍ ଦ୍ୱିତୀୟଙ୍କ ସହିତ ସ୍ମରଣୀୟ ବୈଠକ କରିଥିଲି। ମୁଁ ତାଙ୍କର ଉଦାରତା ଏବଂ ଦୟାକୁ କେବେବି ଭୁଲି ପାରିବି ନାହିଁ। ଗୋଟିଏ ବୈଠକରେ ମୋତେ ଏକ ରୁମାଲ ଦେଖାଇ କହିଥିଲେ ଯେ, ଏହା ମହାତ୍ମା ଗାନ୍ଧୀ ତାଙ୍କୁ ତାଙ୍କ ବିବାହରେ ଉପହାର ଦେଇଥିଲେ। ମୁଁ ସେହି ଭାଗାବେଗକୁ ସର୍ବଦା ସମ୍ମାନ କରିବି। ( ଫାଇଲ ଫଟୋ)
