ନ୍ୟୁୟର୍କ: ଆମେରିକାର ନ୍ୟୁୟର୍କ ସହରର ଟାଇମ୍ସ ସ୍କୋୟାରରେ ଗୁରୁବାର ଅପରାହ୍ନରେ ହୋଇଥିବା ଗୁଳିଚାଳନା ଘଟଣା ପରେ ଅଞ୍ଚଳରେ ଭୟ ଓ ଆତଙ୍କର ପରିବେଶ ସୃଷ୍ଟି ହୋଇଛି। ଘଟଣା ସମୟରେ ଲୋକମାନେ ହଠାତ୍ ଗୁଳିର ଶବ୍ଦ ଶୁଣି ଭୟଭୀତ ହୋଇ ଦୌଡ଼ି ପଳାଉଥିବାର ଭିଡିଓ ଭାଇରାଲ ହୋଇଛି।
ନ୍ୟୁୟର୍କ ପୋଲିସ ବିଭାଗ ସୂଚନା ଅନୁସାରେ, ଘଟଣା ପରେ ସନ୍ଦିଗ୍ଧ ବ୍ୟକ୍ତିକୁ ତୁରନ୍ତ ଗିରଫ କରାଯାଇଛି। ନ୍ୟୁୟର୍କ ଅଗ୍ନିଶମ ବିଭାଗ କହିଛି ଯେ ଜଣେ ଆହତ ବ୍ୟକ୍ତିକୁ ହସ୍ପିଟାଲକୁ ନିଆଯାଇଛି, ଯଦିଓ ତାଙ୍କର ଅବସ୍ଥା ସମ୍ପର୍କରେ ଏପର୍ଯ୍ୟନ୍ତ ସଂପୂର୍ଣ୍ଣ ସୂଚନା ମିଳିନାହିଁ।
ଲୋୟର ମାନହାଟନ ଅଞ୍ଚଳରେ ବିପୁଳ ସଂଖ୍ୟକ ଲୋକ ଏକତ୍ରିତ ହୋଇ NBA ଚାମ୍ପିଅନ୍ ନ୍ୟୁୟର୍କ ନିକ୍ସଙ୍କ ବିଜୟ ଉତ୍ସବ ପାଳନ କରୁଥିବା ସମୟରେ ଏହି ଗୁଳିକାଣ୍ଡ ଘଟିଥିଲା । ସେହି ସମୟରେ ଅଞ୍ଚଳରେ ପ୍ରାୟ 10,000 ପୋଲିସ କର୍ମଚାରୀ ନିୟୋଜିତ ଥିଲେ ବୋଲି ଅଧିକାରୀମାନେ କହିଛନ୍ତି।
ସୋସିଆଲ ମିଡିଆରେ ଭାଇରାଲ ଭିଡିଓରେ ଗୁଳି ଶବ୍ଦ ଶୁଣାଯାଉଥିବା ସହ ଲୋକମାନେ ଭୟଭୀତ ହୋଇ ଦୌଡ଼ୁଥିବା ଦୃଶ୍ୟ ସ୍ପଷ୍ଟ ହୋଇଛି। ପୋଲିସ ଗାଡ଼ି ନିକଟରେ ମାତ୍ର କିଛି ମିଟର ଦୂରରେ ଏହି ଗୁଳିଚାଳନା ଘଟିଥିବା ଜଣାପଡ଼ିଛି।
ଏହି ଘଟଣା ପରେ ସମଗ୍ର ଟାଇମ୍ସ ସ୍କୋୟାର ଅଞ୍ଚଳରେ ସୁରକ୍ଷା ବଢ଼ାଯାଇଛି ଏବଂ ତଦନ୍ତ ଜୋରଦାର ଭାବେ ଚାଲିଛି।