ମୁମ୍ବାଇ : ବଲିଉଡ୍ ମସ୍ତ ମସ୍ତ ଗାର୍ଲ ରବୀନା ଟଣ୍ଡନ୍ ଅପକମିଙ୍ଗ ଫିଲ୍ମ ‘କେଜିଏଫ୍2’କୁ ନେଇ ବେଶ୍ ଉତ୍ସାହିତ ରହିଛନ୍ତି । କେଜିଏଫ୍-2ରେ ରବୀନା ଟଣ୍ଡନ୍ କନ୍ନଡ ଅଭିନେତା ୟଶ୍ଙ୍କ ସହ ନଜର ଆସିବେ । ଫିଲ୍ମରେ ରବୀନା ଏକ ଗୁରୁତ୍ବପୂର୍ଣ୍ଣ ଚରିତ୍ରରେ ନଜର ଆସିବେ । ନିକଟରେ ରବୀନା ଟଣ୍ଡନ୍ରେ ଇନ୍ଷ୍ଟାଗ୍ରାମ୍ରେ ଏକ ଭିଡିଓ ପୋଷ୍ଟ କରିଥିଲେ । ଏହି ଭିଡିଓରେ ରବୀନା ଓ ୟଶ୍ଙ୍କୁ ଲୁକ୍ ଦେଖିବାକୁ ମିଳିଛି । ଏହି ଭିଡିଓ ସେୟାର କରି ରବୀନା ଲେଖିଛନ୍ତି ଯେ, ଯେବେ କାହାର ନଜର ବି ଜୀବନ ନେଇପାରେ…’ ରକି ଭାଇ ପାଇଁ ଡେଥ୍ ଓ୍ବାରେଣ୍ଟ ଜାରି ହୋଇସାରିଛି ।’ ରବୀନାଙ୍କ ଏହି ପୋଷ୍ଟରେ କମେଣ୍ଟ ଦେଇ ୟଶ୍ ଲେଖିଛନ୍ତି ଯେ, ‘ୟେ ଓ୍ବାରେଣ୍ଟ ଚିଜ୍ ବଡି ମସ୍ତ ମସ୍ତ । ରବୀନା ଓ ୟଶ୍ଙ୍କ ଏହି ଭିଡିଓଟି ସୋସିଆଲ୍ ମିଡିଆରେ ବେଶ୍ ଭାଇରାଲ୍ ହୋଇଛି । ରବୀନାଙ୍କ କେଜିଏଫ୍2ରେ ସାମିଲ୍କୁ ନେଇ ବେଶ୍ ଉତ୍ସାହିତ ରହିଛନ୍ତି ୟଶ୍। ଏହି ଫିଲ୍ମରେ ବଲିଉଡ୍ ଅଭିନେତା ସଞ୍ଜୟ ଦତ୍ତ ମଧ୍ୟ ମୁଖ୍ୟ ଭୂମିକାରେ ନଜର ଆସିବେ । ପ୍ରଶାନ୍ତ ନୀଲ୍ଙ୍କ ନିର୍ଦ୍ଦେଶିତ କେଜିଏଫ୍-2’ ଚଳିତ ବର୍ଷ ଜୁଲାଇରେ ପରଦା ଉପରକୁ ଆସିବ। (ଏଜେନ୍ସି)
