ମୁମ୍ବାଇ : କରୋନା ଭାଇରସ୍ କାରଣରୁ ଦେଶବ୍ୟାପୀ ଲକ୍ଡାଉନ୍ ଘୋଷଣା କରାଯାଇଥିବା ବେଳେ ସମସ୍ତ ଥିଏଟର ବନ୍ଦ ରଖାଯାଇଛି । ଏହାଦ୍ବାରା ବିଭିନ୍ନ ସିନେମା ଇଣ୍ଡଷ୍ଟ୍ରୀ ଗଭୀର ଭାବରେ ପ୍ରଭାବିତ । ଥିଏଟର ବନ୍ଦ କାରଣରୁ ସିନେମା ରିଲିଜ୍ ହୋଇପାରୁନଥିବା ବେଳେ ଏହା ଓଟିଟି ପ୍ଲାଟ୍ଫର୍ମ ଗୁଡିକୁ ଫାଇଦା ଦେଉଛି । ଏହି ଅବସରରେ ଶୁକ୍ରବାର ଦିନ ରିଲିଜ୍ ହୋଇଛି ବଲିଉଡ୍ ଶେହନ୍ଶାହ ଅମିତାଭ ବଚ୍ଚନଙ୍କ ଅଭିନୀତ ଗୁଲାବୋ ସୀତାବୋ । ସୁଜିତ ସର୍କାରଙ୍କ ନିର୍ଦ୍ଦେଶିତ ଏହି ଫିଲ୍ମରେ ଅମିତାବ ବଚ୍ଚନ ଏବଂ ଆୟୁଷ୍ମାନ ଖୁରାନା ମୁଖ୍ୟ ଭୂମିକାରେ ନଜର ଆସିବେ । ଫିଲ୍ମଟି ସମ୍ପୂର୍ଣ୍ଣ ଭାବରେ ଲକ୍ଷ୍ନୌରେ ସୁଟିଂ ହୋଇଥିବା ବେଳେ ଜଣେ ଘରମାଲିକ ଏବଂ ଭଡାଟିଆର କାହାଣୀକୁ ଫିଲ୍ମରେ ଦେଖିଆଯାଇଛି ।
ଅମିତାଭ ବଚ୍ଚନ ଏକ ପୁରୁଣା କୋଠାର ମାଲିକ ରହିଥିବା ବେଳେ ଆୟୁଷ୍ମାନ ଭଡାଟିଆ ରହିଛନ୍ତି । ଉଭୟଙ୍କ ମଧ୍ୟରେ ରହିଥିବା ସମସ୍ୟାକୁ ନେଇ ଫିଲ୍ମର କାହାଣୀ ଗତିଶୀଳ ହୋଇଛି । ତେବେ ଫିଲ୍ମଟି ଥିଏଟରରେ ରିଲିଜ୍ ନହୋଇ ସିଧାସଳଖ ଓଟିଟି ପ୍ଲାଟଫର୍ମରେ ରିଲିଜ୍ ହେବ । ଆସନ୍ତା ଜୁନ୍ 12 ତାରିଖରେ ଆମାଜନ୍ ପ୍ରାଇମ୍ରେ ଏହି ଫିଲ୍ମଟି ରିଲିଜ୍ ହେବାକୁ ଯାଉଛି । ଜୁହି ଚତୁର୍ବେଦୀ ଏହି ଫିଲ୍ମର କାହାଣୀ ଲେଖିଛନ୍ତି । ଆୟୁଷ୍ମାନଙ୍କ ସହିତ ଏହା ସୁଜିତଙ୍କ ଦ୍ବିତୀୟ ଫିଲ୍ମ ହୋଇଥିବା ବେଳେ ଅମିତାଭଙ୍କ ସହିତ ଏହା ତାଙ୍କର ତୃତୀୟ ଫିଲ୍ମ । (ଏଜେନ୍ସି)