ଆରତୀଙ୍କ ୫୫ କୋଟିର ବାହାଘର: ଭାରତୀୟ ବିଲିୟନିୟାର ବ୍ୟବସାୟୀ ବି ରବି ପିଲ୍ଲାଇଙ୍କ ଝିଅ ଆରତୀ ପିଲ୍ଲାଇଙ୍କ ବାହାଘରକୁ ନେଇ ଚର୍ଚ୍ଚା। କାରଣ ଏହି ବାହାଘରରେ ସେ ପାଣି ପରି ଟଙ୍କା ଖର୍ଚ୍ଚ କରିଥିଲେ। ଏହା ପୁରୁଣା ହେଲେ ମଧ୍ୟ ଏତେ ବଡ ବିବାହ ଥିଲା ଯେ ଏହାକୁ ନେଇ ବହୁ ଚର୍ଚ୍ଚାକୁ ଆଜି ପର୍ଯ୍ୟନ୍ତ ଚାଲିଛି।
ରବି ପିଲ୍ଲାଇ ଝିଅର ବିବାହରେ ୫୫ କୋଟି ଖର୍ଚ୍ଚ କରିଥିଲେ। ରବି ପିଲ୍ଲାଇଙ୍କ ଝିଅ ଆରତୀ ପିଲାଇ କେରଳର କୋଲାମଠାରେ ଡାକ୍ତର ଥିବା ଆଦିତ୍ୟ ବିଷ୍ଣୁଙ୍କୁ ବିବାହ କରିଥିଲେ। ସେମାନଙ୍କ ଏହି ବିବାହ ମଣ୍ଡପ, ଶୋଭାଯାତ୍ର, ବରଯାତ୍ରୀ, ଭୋଜି, ଅତିଥୀ ଖର୍ଚ୍ଚରେ ୫୫ କୋଟି ଟଙ୍କା ଖର୍ଚ୍ଚ କରିଥିଲେ, ଯାହା ସର୍ବକାଳୀନ ଚର୍ଚ୍ଚାର ବାହାଘର ଥିଲା।
୪୨ ଟି ଦେଶରୁ ଆସିଥିଲେ ଅତିଥୀ
ଏହି ଗ୍ରାଣ୍ଡ ବିବାହରେ ୪୨ ଟି ଦେଶର ୩୦,୦୦୦ ରୁ ଅଧିକ ଅତିଥି ଯୋଗ ଦେଇଥିଲେ। ଏଥିରେ କତାରର ରାଜ ପରିବାର ମଧ୍ୟ ସାମିଲ ହୋଇଥିଲେ। ମାମୁତି ଏବଂ ମୋହନଲାଲ ପରି ତାରକା ଆରତୀ ପିଲ୍ଲାଇଙ୍କ ବିବାହରେ ଯୋଗ ଦେଇଥିଲେ।
ଆରତୀ ପିଲ୍ଲାଇଙ୍କ ବିବାହରେ କେବଳ ବ୍ୟବସାୟିକ ବ୍ୟକ୍ତି ନୁହଁନ୍ତି, ମୋହନଲାଲ ଏବଂ ମାମୁଟି ଭଳି ତାରକାଙ୍କ ସମେତ ଚଳଚ୍ଚିତ୍ର ଇଣ୍ଡଷ୍ଟ୍ରିର ବହୁ ଜଣାଶୁଣା କଳାକାର ମଧ୍ୟ ଯୋଗ ଦେଇଥିଲେ। ଏମାନଙ୍କ ବ୍ୟତୀତ ‘ସାମସଙ୍ଗ’ ଏବଂ ‘ଜାପାନ ଗ୍ୟାସ୍ କର୍ପୋରେସନ୍’ର ପ୍ରସିଦ୍ଧ ସିଇଓମାନେ ମଧ୍ୟ ଏହି ବିବାହ ଉତ୍ସବକୁ ଆସିଥିଲେ।
ପଦ୍ମଫୁଲ ପରି କରାଯାଇଥିଲା ବିରାଟ ମଣ୍ଡପ, ବାହୁବଳୀ ସେଟ୍ ଠାରୁ ଥିଲା ବଡ
ଆରତୀ ପିଲ୍ଲାଇଙ୍କ ବିବାହ ବିଷୟରେ ସବୁକିଛି ଚମତ୍କାର ଥିଲା, ସେଥିମଧ୍ୟରୁ ଗୋଟିଏ ଥିଲା ତାଙ୍କ ବିବାହ ମଣ୍ଡପ। ଯାହା ପଦ୍ମଫୁଲ ଥିମ୍ ଉପରେ ନିର୍ମିତ ହୋଇଥିଲା। କୈତୁହଳର ବିଷୟ ହେଉଛି ଯେ ବିବାହ ମଣ୍ଡପକୁ ସିନେ ପ୍ରଡକ୍ସନ୍ ଡିଜାଇନର୍ ସାବୁ ସିରିଲ୍ ଡିଜାଇନ କରିଥିଲେ। ସିରିଲ୍ ଚଳଚ୍ଚିତ୍ର ‘ମାଗ୍ନୁମ୍ ଓପସ୍ ‘ରେ ଏସ୍ ରଜାମଲିଙ୍କ ସହ ସେ କାମ କରିଛନ୍ତି। ଗଣମାଧ୍ୟମକୁ ପ୍ରତିକ୍ରିୟା ଦେଇ ସାବୁ ସିରିଲ ପ୍ରକାଶ କରିଛନ୍ତି ଯେ ବିବାହର ସେଟ୍ ‘ବାହୁବଳୀ’ ର ସେଟ୍ ଠାରୁ ବଡ ଥିଲା।
ମଣ୍ଡପ ନିର୍ମାଣ ପାଇଁ ନିୟୋଜିତ ହୋଇଥିଲେ ୨୦୦ କାରୀଗର
ମଣ୍ଡପର ଅନ୍ୟ ଏକ ବିଶେଷତ୍ୱ ହେଲା ସେଠାରେ କରାଯାଇଥିବା ବିଶାଳ ଫୁଲ ହାତୀ ମୂର୍ତ୍ତି ଏବଂ ଫୁଲ ଦୀପ। ୩୫୦,୦୦୦ ବର୍ଗଫୁଟରେ ନିର୍ମିତ ଏହି ଅନନ୍ୟ ମଣ୍ଡପ ନିର୍ମାଣ ପାଇଁ ୨୦୦ ଜଣ କାରୀଗର ନିୟୋଜିତ ହୋଇଥିଲେ। ଏମାନଙ୍କ ପାରିଶ୍ରମିତ ମୂଲ୍ୟ ପ୍ରାୟ ୨୦ କୋଟି ଥିଲା। କୋଲାମରେ ନିର୍ମିତ ଏହି ମଣ୍ଡପଟିରେ ରାଜସ୍ଥାନ ବାତାବରଣ ସୃଷ୍ଟି କରାଯାଇ ଥିଲା। ଏଥିରେ କାରୀଗରମାନଙ୍କୁ ପ୍ରାୟ ତିନିମାସ ସମୟ ଲାଗିଥିଲା।
କନ୍ୟା ଆରତୀ ମନୀଷ ମଲହୋତ୍ରାଙ୍କ ଡିଜାଇନିଂରେ ରେଶମ ଶାଢୀ ପିନ୍ଧିଥିଲେ। ସେ ଏହି ପାରମ୍ପାରିକ ଲାଲ୍ ଶାଢୀ ସହିତ ହୀରା ଅଳଙ୍କାର ପିନ୍ଧିଥିଲେ। ଏଥିରେ ଷ୍ଟେଟ ଲେଡ୍ ହାର, ଅଣ୍ଟା ବନ୍ଧା, ବାହୁବଳୀ, ମଥାପାଟ୍ଟି ଏବଂ ହୀରା ଚକ୍କର ହାର ରହିଛି। ସେ ସୁନାର ଜିନିଷ କିଛି ପିନ୍ଧି ନ ଥିଲେ। ସେ ନିର୍ଦ୍ଦିଷ୍ଟ ଲୁକ୍ ଏବଂ ଲାଲ୍ ଲିପଷ୍ଟିକ୍ ସହିତ ଅନ୍-ପଏଣ୍ଟ୍ ମେକଅପ୍ କରି ବିବାହ ମଣ୍ଡପକୁ ଯାଇଥିଲେ।
ବଡ ରଥରେ ଆସିଲା ବର, ସେଥିରେ ନୃତ୍ୟ କରୁଥିଲେ ୪୦୦ ନୃତ୍ୟଶିଳ୍ପୀ
ଅନ୍ୟପକ୍ଷରେ, ବର ପାରମ୍ପାରିକ ବସ୍ତ୍ର ସହିତ ରେଶମ କୁର୍ତ୍ତା ପିନ୍ଧିଥିଲେ। ବିବାହର ମୁଖ୍ୟ ଆକର୍ଷଣ ଥିଲା ଏକ ବିରାଟ ରଥରେ ବରର ପ୍ରବେଶ। ସେହି ରଥରେ ପ୍ରସିଦ୍ଧ ଅଭିନେତ୍ରୀଙ୍କ ଶାସ୍ତ୍ରୀୟ ନୃତ୍ୟ ପରିବେଷଣ କରାଯାଇଥିଲା। ରବି ପିଲ୍ଲାଇଙ୍କ ଝିଅର ବିବାହରେ ପ୍ରଖ୍ୟାତ ଅଭିନେତ୍ରୀ ମଞ୍ଜୁ ୱାରିଅର୍ ଏବଂ ଶୋଭାନାଙ୍କ ଦ୍ୱାରା ଭରତନାଟ୍ୟମ୍ ନୃତ୍ୟ, ଷ୍ଟେଫେନ୍ ଦେବସିଙ୍କ ଏକ ମ୍ୟୁଜିକାଲ୍ ସୋ ଆୟୋଜିତ ହୋଇଥିଲା।
କୋରିଓଗ୍ରାଫର ସୂର୍ଯ୍ୟଙ୍କ ଦ୍ୱାରା କୋରିଓଗ୍ରାଫ୍ ହୋଇଥିବା ‘ଜଙ୍ଗଲ ଗୀତ’ ପ୍ରଦର୍ଶନ କରାଯାଇଥିଲା। ଏଥିରେ ୪୦୦ ନୃତ୍ୟଶିଳ୍ପୀ ନୃତ୍ୟ ପ୍ରଦର୍ଶନ କରିଥିଲେ। ଏକଥରେ ୭୦୦୦ ଅତିଥି କ୍ଷମତା ବିଶିଷ୍ଟ ଡାଇନିଂ ହଲରେ ଅତିଥିମାନଙ୍କୁ ଏକ ପାରମ୍ପାରିକ କେରଳ ଡିସ୍ ‘ସାଧନା’ ପରିବେଷଣ କରାଯାଇଥିଲା।
ତେବେ ଏହି ବିବାହକୁ ନେଇ ରବି ପିଲ୍ଲାଇଙ୍କ ଯୁକ୍ତି ଥିଲା ଭିନ୍ନ। ସେ କହିଥିଲେ ଯେ, ରାଜ୍ୟକୁ ଅଧିକ ପର୍ଯ୍ୟଟକଙ୍କୁ ଆଣିବା ପାଇଁ ଏହିପରି ବଡ ଆୟୋଜନ କରାଯାଇଥିଲା।