ନୂଆଦିଲ୍ଲୀ: ଶ୍ରଦ୍ଧାଳୁମାନଙ୍କୁ ନେଇ ଯାଉଥିବା ଏକ ବସ୍ ରେ ହଠାତ ନିଆଁ ଲାଗିଯାଇଛି। ଏହି ଦୁର୍ଘଟଣାରେ ବସ୍ରେ ଯାତ୍ରା କରୁଥିବା ଆଠ ଜଣ ଲୋକ ଜୀବନ୍ତ ଦଗ୍ଧ ହୋଇଯାଇଛନ୍ତି। ଦୁଇ ଡଜନରୁ ଅଧିକ ଲୋକ ଜଳିଯାଇଛନ୍ତି। ବସ୍ରେ ସମୁଦାୟ ୬୦ ଜଣ ଲୋକ ଥିଲେ। ଆହତ ଲୋକଙ୍କୁ ବିଭିନ୍ନ ଡାକ୍ତରଖାନାରେ ଭର୍ତ୍ତି କରାଯାଇଛି।
ଚଳନ୍ତା ବସ୍ରେ ନିଆଁ ଦେଖି ସ୍ଥାନୀୟ ଲୋକ ନିଆଁ ଲିଭାଇବାକୁ ଚେଷ୍ଟା କରିଥିଲେ ଏବଂ ତୁରନ୍ତ ପୋଲିସକୁ ସୂଚନା ଦେଇଥିଲେ। ଏହା ପରେ ଅଗ୍ନିଶମ ବିଭାଗର ଗାଡି ଘଟଣାସ୍ଥଳରେ ପହଞ୍ଚି ନିଆଁକୁ ନିୟନ୍ତ୍ରଣ କରିଥିଲା। ଏହି ଦୁର୍ଘଟଣାର ଶିକାର ହେଉଛନ୍ତି ପଞ୍ଜାବ ଏବଂ ଚଣ୍ଡିଗଡ଼ର ବାସିନ୍ଦା। ଯେଉଁମାନେ ମଥୁରା ଏବଂ ବୃନ୍ଦାବନ ଦର୍ଶନ କରିବା ପରେ ଫେରୁଥିଲେ। ପୋଲିସ କାର୍ଯ୍ୟାନୁଷ୍ଠାନ ଆରମ୍ଭ କରିଛି।
