ନୂଆଦିଲ୍ଲୀ: ଦେଶର ଇଲେକ୍ଟ୍ରୋନିକ୍ସ ସେକ୍ଟର ୨୦୨୭ ଭିତରେ ୧୨ ମିଲିଅନ୍ ଚାକିରି ସୃଷ୍ଟି କରିବାକୁ ଯାଉଛି। ଏହିପରି ଏକ ତଥ୍ୟ ବର୍ତ୍ତମାନ ସାମନାକୁ ଆସିଛି। ସେଥିମଧ୍ୟରୁ ୩ ମିଲିଅନ୍ ସିଧା ଓ ୯ ମିଲିଅନ୍ ପରୋକ୍ଷ ଚାକିରି ସ୍ଥାନ ସୃଷ୍ଟି ହେବ। ସିଧା ଚାକିରିରେ ପ୍ରାୟ ୧ ମିଲିଅନ୍ ଇଞ୍ଜିନିୟର, ୨ ମିଲିଅନ୍ ଆଇଟିଆଇ ବିଶେଷଜ୍ଞ ଏବଂ ଏଆଇ, ଏମଏଲ୍, ତଥା ଡାଟା ସାଇନ୍ସର ଭଳି ମୈଦାନରେ ୦.୨ ମିଲିଅନ୍ ସ୍ଥାନ ରହିବ।
ଏଥିପାଇଁ, ନନ ପ୍ରଫେସନା ଚାକିରିଗୁଡ଼ିକ ପରୋକ୍ଷ ଭାବରେ ୯ ମିଲିଅନ୍ ଚାକିରି ଯୋଗାଇବାକୁ ଆଶା କରାଯାଉଛି, ଯାହା ଏହି ସେକ୍ଟରର ଅପାର ସମ୍ଭାବନା ଏବଂ ଆର୍ଥିକ ବୃଦ୍ଧିରେ ଯୋଗଦାନକୁ ଉତ୍ସାହିତ କରୁଛି। ଟିମଲିଜ୍ ଡିଗ୍ରୀ ଆପ୍ରେଣ୍ଟିସସିପ୍ର ଏକ ରିପୋର୍ଟରେ ଏହା ଉଲ୍ଲେଖ କରାଯାଇଛି।
ଇଲେକ୍ଟ୍ରୋନିକ୍ସ ଶିଳ୍ପ ଦ୍ୱାରା ୨୦୩୦ ମସିହାରେ $୫୦୦ ବିଲିୟନ ଉତ୍ପାଦନ ଲକ୍ଷ ଆଦାୟ କରିବାର ଉଦ୍ଦେଶ୍ୟ ରହିଛି। ଏହା ପାଇଁ ଆଗାମୀ ପାଞ୍ଚ ବର୍ଷ ଭିତରେ ପାଞ୍ଚଗୁଣ ହେବାକୁ ଯାଉଛି ଓ $୪୦୦ ବିଲିୟନ ଉତ୍ପାଦନ ହାନିକୁ ପୂରଣ କରିବାକୁ ହେବ। ବର୍ତ୍ତମାନ ଦେଶୀୟ ଉତ୍ପାଦନ $୧୦୧ ବିଲିୟନରେ ରହିଛି।
ଯେଉଁଠାରେ ମୋବାଇଲ୍ ଫୋନ୍ ୪୩ ପ୍ରତିଶତ ଯୋଗାଇଛି, ତାପରେ ଉପଭୋକ୍ତା ଏବଂ ଔଦ୍ୟୋଗିକ ଇଲେକ୍ଟ୍ରୋନିକ୍ସ ୧୨ ପ୍ରତିଶତ ଏବଂ ଇଲେକ୍ଟ୍ରୋନିକ୍ କମ୍ପୋନେଟସ ୧୧ ପ୍ରତିଶତ ଯୋଗାଇଛି। ତାସହିତ ଇଲେକ୍ଟ୍ରୋନିକ୍ସ ଯାନ (୮ ପ୍ରତିଶତ), ଏଲଇଡି ଲାଇଟିଂ (୩ ପ୍ରତିଶତ), ପିସିବିଏସ୍ (୧ ପ୍ରତିଶତ) ସମ୍ଭାବନା ରହିଛି ବୋଲି ରିପୋର୍ଟରେ କୁହାଯାଇଛି।
ଭାରତର ଇଲେକ୍ଟ୍ରୋନିକ୍ସ ସେକ୍ଟର, ଯାହାର ମୂଲ୍ୟ $୧୦୧ ବିଲିୟନ ଅଛି ତାହା ବର୍ତ୍ତମାନ ଦୃତ ଗତିରେ ଏକ ବିଶ୍ୱ ଇଲେକ୍ଟ୍ରୋନିକ୍ସ ମହାନଗରର ରୂପ ଉଭା ହେବାକୁ ଯାଉଛି। ୨୦୨୩ ଆର୍ଥିକ ବର୍ଷରେ ଭାରତର ମୋଟ ପ୍ରଡକ୍ଟ ରପ୍ତାନିରେ ୫.୩ ପ୍ରତିଶତ ଏବଂ ବିଶ୍ୱ ଉତ୍ପାଦନରେ ୩.୩ ପ୍ରତିଶତ ଯୋଗାଇଛି ବୋଲି ଟିମଲିଜ ଡିଗ୍ରୀ ଆପ୍ରେଣ୍ଟିସସିପ୍ର ଚିଫ୍ ଷ୍ଟାଟ୍ରେଜିକ ଅଫିସର ସୁମିତ କୁମାର କହିଛନ୍ତି।