ଭୁବନେଶ୍ବର: ଆଜି ହେଉଛି ରାଜଧାନୀ ଭୁବନେଶ୍ବରର ପ୍ରତିଷ୍ଠା ଦିବସ। ଏହି ଦିବସକୁ ସରକାରୀ ଭାବେ ବିଧାନସଭା ସମ୍ମୁଖରେ ପାଳନ କରାଯାଇଛି। ଏଥିରେ ବାଚସ୍ପତି ସୁରମା ପାଢୀ ଯୋଗଦେଇ ଅଭିବାଦନ ଗ୍ରହଣ କରିଥିଲେ। ଏଥିରେ ଭୁବନେଶ୍ବର ସାଂସଦ ଅପରାଜିତା ଷଡଙ୍ଗୀ ଯୋଗ ଦେଇପାରି ନ ଥିଲେ। ଯାହାକୁ ନେଇ ମେୟର ସୁଲୋଚନା ଦାସ ତାଙ୍କୁ ସମାଲୋଚନା କରିଛନ୍ତି।
ସେ କହିଛନ୍ତି ଯେ, ଅପରାଜିତା ହେଉଛନ୍ତି ଭୁବେନେଶ୍ବରର ସାଂସଦ। ଆଜି ହେଉଛି ରାଜଧାନୀ ଭୁବନେଶ୍ବରର ପ୍ରତିଷ୍ଠା ଦିବସ। ସେ ସାଂସଦ ହିସାବରେ ଏହି କାର୍ଯ୍ୟକ୍ରମରେ ଯୋଗଦେବା କଥା। ହେଲେ ସେ ଆସିଲେ ନାହିଁ। ଆମେ ଜାଣିଛୁ ପୁରୀରେ ତାଙ୍କର ଦଳୀୟ କାର୍ଯ୍ୟକ୍ରମ ଚାଲିଛି। ସେହି କାର୍ଯ୍ୟକ୍ରମ ତାଙ୍କ ପାଇଁ ବଡ। ରାଜଧାନୀ ପ୍ରତିଷ୍ଠା ଦିବସ ବଡ ନହେଁ।
ମେୟର ଆହୁରି କହିଛନ୍ତି ଯେ, ପ୍ରତିଷ୍ଠା ଦିବସ ସକାଳୁ ଆରମ୍ଭ ହୋଇଛି। ସେ ଚାହିଁଥିଲେ ସକାଳେ ଏଠାରେ ଯୋଗ ଦେଇ ପୁରୀ ଯାଇପାରି ଥାଆନ୍ତେ। ହେଲେ ତାଙ୍କ ପାଇଁ ଦଳ ବଡ, ଭୁବନେଶ୍ବର ନୁହେଁ ବୋଲି କହି ତେରେଚ୍ଛା ବାଣ ମାରିଛନ୍ତି ମେୟର।
