Dharmendra Statement: କେନ୍ଦ୍ର ମନ୍ତ୍ରୀପଦରୁ ଇସ୍ତଫା ଦେବା ପରେ ସମ୍ବଲପୁର ସାଂସଦ ଶନିବାର ଦିନ ବିରୋଧୀ ଦଳର ନେତା ତଥା ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଟାର୍ଗେଟ କରିଛନ୍ତି। ରେଢାଖୋଲରେ କେନ୍ଦ୍ରୀୟ ବିଦ୍ୟାଳୟ ଉଦଘାଟନ ଅବସରରେ ଧର୍ମେନ୍ଦ୍ର ଏହି ଟାର୍ଗେଟ କରିଛନ୍ତି।
ସେ କହିଛନ୍ତି ଯେ, ନବୀନ ବାବୁ ମୋ ପଛରେ ପିଲାମାନଙ୍କୁ ଲଗେଇ ଗୋ ବ୍ୟାକ ବୋଲି ନାରା ଦେଉଛନ୍ତି। ମୁଁ କଣ କେବେ ଓଡିଶା ଲୋକଙ୍କ ମୁଣ୍ଡ ତଳକୁ କରିଦେଇଛି କି ବୋଲି ସେ ପ୍ରଶ୍ନ କରିଛନ୍ତି। ଆୟୋଜିତ ଏହି ସଭାରେ ଧର୍ମେନ୍ଦ୍ର କହିଛନ୍ତି ଯେ, ପ୍ରଭୃ ଜଗନ୍ନାଥ ଆଉ ଓଡିଶାର ଲୋକଙ୍କ ଆର୍ଶିବାଦରେ ମୁଁ କେନ୍ଦ୍ରରେ ବାର ବର୍ଷ ମନ୍ତ୍ରୀ ରହିଲି। ହେଲେ କେବେ ଓଡିଆଙ୍କ ମୁଣ୍ଡ ତଳକୁ କରି ନାହିଁ। ହେଲେ ନବୀନ ପଟ୍ଟନାୟକ କହୁଛନ୍ତି ମୁଁ ବଦମାସ।
ଶନିବାର ସକାଳେ ଧର୍ମେନ୍ଦ୍ର ବିମାନ ବନ୍ଦରରେ ପହଞ୍ଚିବା ବେଳେ ତାଙ୍କୁ କେତେକ ଯୁବ ଓ ଛାତ୍ର ଧର୍ମେନ୍ଦ୍ର ଗୋ ବ୍ୟାକ୍ ବୋଲି ନାରା ଦେଇ ବିରୋଧ କରିଥିଲେ। ସେହିପରି ରେଢାଖୋଲରେ ମଧ୍ୟ ଧର୍ମେନ୍ଦ୍ରଙ୍କ ଗସ୍ତକୁ ବିରୋଧ କରାଯାଇଥିଲା। ଏହାର ଯବାବ ଦେଇ ଧର୍ମେନ୍ଦ୍ର ନବୀନ ପଟ୍ଟନାୟକଙ୍କୁ ଟାର୍ଗେଟ କରିଥିଲେ।