ଭୁବନେଶ୍ୱର: ଖୋର୍ଦ୍ଧା ରୋଡ୍ ରେଳ ମଣ୍ଡଳ ଅନ୍ତର୍ଗତ କଟକ ରେଳ ଷ୍ଟେସନର ଉନ୍ନତିକରଣ କାର୍ଯ୍ୟ ପରିପ୍ରେକ୍ଷୀରେ ପୂର୍ବତଟ ରେଳପଥ ପକ୍ଷରୁ ଦୁଇଟି ମେମୁ ଟ୍ରେନ ସେବାକୁ ମଞ୍ଚେଶ୍ୱର ରେଳ ଷ୍ଟେସନରେ ସର୍ଟ-ଟର୍ମିନେଟ୍ (ଆଂଶିକ ବାତିଲ), ସର୍ଟ-ଓରିଜିନେଟ୍ (ଆଂଶିକ ଆରମ୍ଭ) କରାଯିବ।
ସେହି ଅନୁଯାୟୀ, ଟ୍ରେନ ନମ୍ବର ୬୮୪୩୪ ଗୁଣୁପୁର–କଟକ ମେମୁ ଟ୍ରେନଟି ସେପ୍ଟେମ୍ବର ୮ ତାରିଖରୁ ଅକ୍ଟୋବର ୭, ୨୦୨୬ ପର୍ଯ୍ୟନ୍ତ କଟକ ପରିବର୍ତ୍ତେ ମଞ୍ଚେଶ୍ୱର ଠାରେ ଯାତ୍ରା ସମାପ୍ତ କରିବ।
ସେହିପରି, ଟ୍ରେନ ନମ୍ବର ୬୮୪୩୩ କଟକ–ଗୁଣୁପୁର ମେମୁ ଟ୍ରେନଟି ଉକ୍ତ ସମୟ ମଧ୍ୟରେ କଟକ ପରିବର୍ତ୍ତେ ମଞ୍ଚେଶ୍ୱରରୁ ଯାତ୍ରା ଆରମ୍ଭ କରିବ।
ଫଳସ୍ୱରୂପ, ଉପରୋକ୍ତ ସମୟ ଅବଧି ମଧ୍ୟରେ ମଞ୍ଚେଶ୍ୱର ଓ କଟକ ମଧ୍ୟରେ ଏହି ଟ୍ରେନ ସେବା ବାତିଲ ରହିବ।
ଯାତ୍ରୀମାନଙ୍କୁ ଟ୍ରେନ୍ ଚଳାଚଳରେ ଏହି ପରିବର୍ତ୍ତନକୁ ଧ୍ୟାନରେ ରଖି ନିଜର ଯାତ୍ରା ଯୋଜନା କରିବାକୁ ପରାମର୍ଶ । ଟ୍ରେନ୍ ସମ୍ବନ୍ଧୀୟ ଅପଡେଟ୍ ସୂଚନା ପାଇଁ, ଯାତ୍ରୀମାନେ ଯାତ୍ରା ଆରମ୍ଭ କରିବା ପୂର୍ବରୁ ‘ନ୍ୟାସନାଲ୍ ଟ୍ରେନ୍ ଏନକ୍ୱାରୀ ସିଷ୍ଟମ୍’ (NTES) କୁ ଭିଜିଟ୍ କରନ୍ତୁ କିମ୍ବା ରେଳବାଇର ଅଫିସିଆଲ୍ ୱେବସାଇଟ୍ ଯାଞ୍ଚ କରିପାରିବେ।