Close Menu
The Samikhsya OdiaThe Samikhsya Odia
  • ହୋମ
  • ବିଶେଷ ଖବର
  • ରାଜ୍ୟ ଖବର
  • ଜାତୀୟ ଖବର
  • ଆଞ୍ଚଳିକ
  • ସଂସ୍କୃତି
  • ବ୍ୟବସାୟ
  • ଧର୍ମ
  • ଖେଳ
  • ମନୋରଂଜନ
  • ଅନ୍ତରାଷ୍ଟ୍ରୀୟ
  • ଜୀବନ ଶୈଳୀ
Facebook X (Twitter) LinkedIn
  • About Us
  • Contact Details
  • Grievance
  • Privacy Policy
  • Terms Of Use
Facebook X (Twitter) LinkedIn
The Samikhsya OdiaThe Samikhsya Odia
  • ହୋମ
  • ବିଶେଷ ଖବର
  • ରାଜ୍ୟ ଖବର
  • ଜାତୀୟ ଖବର
  • ଆଞ୍ଚଳିକ
  • ସଂସ୍କୃତି
  • ବ୍ୟବସାୟ
  • ଧର୍ମ
  • ଖେଳ
  • ଅନ୍ୟାନ୍ୟ
    • ମନୋରଂଜନ
    • ଅନ୍ତରାଷ୍ଟ୍ରୀୟ
    • ଜୀବନ ଶୈଳୀ
Eng
The Samikhsya OdiaThe Samikhsya Odia
Eng
Home»ମତାମତ»ଅର୍ଥ ଅନର୍ଥ-୦୧, କର୍ମ ନିଯୁକ୍ତିର ଏକ ହ୍ୟାଣ୍ଡବିଲ୍
ମତାମତ

ଅର୍ଥ ଅନର୍ଥ-୦୧, କର୍ମ ନିଯୁକ୍ତିର ଏକ ହ୍ୟାଣ୍ଡବିଲ୍

January 10, 2019No Comments3 Mins Read
Share Facebook Twitter LinkedIn Email WhatsApp Copy Link

ଜ୍ୟୋତି ନନ୍ଦ

ପ୍ରଥମମରୁ କହିଦେବା ଉଚିତ ହେବ ଯେ ଏହି ଆଇଡିଆଟି ଆଦୌ ମୌଳିକ ନୁହଁ।

ଆମର ଲୋକପ୍ରିୟ ତଥା ପୋଷାକପ୍ରିୟ ପ୍ରଧାନସେବକ ଙ୍କର ପ୍ରିୟତମ  “ପକୁଡି ପ୍ରସ୍ତୁତି” ଭଳି ଉଚ୍ଚ ପ୍ରଯୁକ୍ତି ସଂପନ୍ନ କର୍ମନିଯୁକ୍ତିର  ଉଚ୍ଚ ବିଚାର ସହ ନିମ୍ନସ୍ଥ ଆଇଡିଆ ଟି ସମକକ୍ଷ ହୋଇପାରିବ ବୋଲି ବିଶ୍ୱାସ ରଖୁଛି।

ଅବଶ୍ୟ ଆମେ ଅନାଗତ ସଂତାନର ନାଆଁ ଗୋପାଳ ରଖିବା ଭଳି ଅନାଗତ କର୍ମନିଯୁକ୍ତି ରେ ଶତକଡା ଦଶ ଆରକ୍ଷଣ ରଖିପାରିବାର ବ୍ୟବସ୍ଥା କରିପାରୁ ।ଆଉ ଏହି ଅନାଗତଟି କେମିତି ସମସ୍ତ ଆଗତ(ଗତ ସତୁରୀ ବର୍ଷର ଯେତେବେଳେ ଆଗତ ଅଛି) ଠାରୁ ଶ୍ରେଷ୍ଠ ସେହିକଥା ଭାରତବର୍ଷରେ କେବଳ ଜଣେ କହିପାରନ୍ତି।ଆମର ପ୍ରଧାନ ସେବକ ପୋଷାକପ୍ରିୟ ହେଲେ ସେହେଉଛନ୍ତି ଏକମାତ୍ର ତର୍କପ୍ରିୟ ଭାରତୀୟ।ସେ ଅର୍ଥାତ୍ ଆମର ମାନନୀୟ ଅର୍ଥମନ୍ତ୍ରୀ।ସେ ଯେକୌଣସି ଅନର୍ଥକୁ ଅର୍ଥଯୁକ୍ତ କରିପାରନ୍ତି।

କହିବା କଥା ହେଉଛି ଉଣେଇଶର  ନିର୍ବାଚନ ଯାଏଁ ଆପଣମାନେ  ଯଥାକ୍ରମେ ଏହି ପୋଷାକ ଆଉ ତର୍କ ପ୍ରିୟ ଦୁଇଜଣଙ୍କର ମୁଖ ନିଃସୃତ ଅନାଗତ ମାନଙ୍କ ଆଗତ ର ଅନେକ ଉଚ୍ଚକୋଟିର ଉପସ୍ଥାପନା ଶୁଣିପାରିବେ।

ତାହାପୂର୍ବରୁ ଏହି ଆଗତଟି ଆପଣମାନଙ୍କ ପାଇଁ।

ଏହି ନିମ୍ନସ୍ଥ ନିଶ୍ଚିତ କର୍ମନିଯୁକ୍ତି ର ସଫଳତା କାମନା ସହ ଏହି ଆଇଡିଆ ର ସୃଷ୍ଟିକର୍ତ୍ତା,ପ୍ରସାରକର୍ତ୍ତାଙ୍କୁ ଉପସ୍ଥିତ ଅପହରଣକର୍ତ୍ତାର  ଯଥାମାନ୍ୟ।ଅପହରଣକାରୀ ବୋଲି କହିବାର କାରଣ ଏହି ପ୍ରକଳ୍ପଟି ଉପସ୍ଥିତ ଲେଖକ ତାହାର ହ୍ୱାଟସ୍ ଅପ୍ ରୂପକ ଶକ୍ତିଶାଳୀ ଏବଂ ସଂପ୍ରତି ମହାନ ବିଶ୍ୱକୋଷରୁ ପ୍ରାପ୍ତ ହୋଇ ଅଛି।

ଆଉ ଅଧିକ ଭୂମିକା ପ୍ରଦାନ ନକରି ସିଧା ସଳଖ ଏହି ନିଶ୍ଚିତ କର୍ମ ନିଯୁକ୍ତି ର ଖସଡା ଭିତରକୁ ଯିବା।ଆପଣମାନେ ଏହି ଖସଡାଟିକୁ ଗୋଟିଏ ହାଣ୍ଡବିଲ୍ ରୁ ସହଜରେ ବୁଝିଯିବେ।ଆପଣମାନେ ଚାହିଁଲେ ଏହି ହାଣ୍ଡବିଲ୍ କୁ ବ୍ୟବହାର କରିପାରନ୍ତି।

ହାଣ୍ଡବିଲ୍ ର ହେଡିଙ୍ଗ୍ କୁ ଆପଣମାନେ ୨୦ ଫଣ୍ଟ୍ ରେ ଲେଖିପାରନ୍ତି।ତାହା ହେଉଛି:

ଯଦି ଆପଣ କୌଣସି ନେତା,ମନ୍ତ୍ରୀ ବା ସରକାରଙ୍କ କୁଶପୁତ୍ତଳିକା ଦାହ କରିବାକୁ ଚାହୁଁଛନ୍ତି ତେବେ ଆମ୍ଭର ସେବା ଗ୍ରହଣ କରିବାକୁ ବିନମ୍ର ଅନୁରୋଧ।

ତାହାପରେ ପାଠ ୧୮ଫଣ୍ଟ୍ ରେ ହେଲେ ଚଳିବ।ହାଣ୍ଡବିଲ୍ ର ପୂରା ପାଠ ଏହିଭଳି:

ଆମ୍ଭର ଏଠାରେ ଅଭାବୀଚାଷୀ ଯିଏ ଆତ୍ମହତ୍ୟା କରିଛି ତାହାର କ୍ଷେତର ନଡା ତଥା ରୁଗ୍ଣ ତନ୍ତୁବାୟ ସମିତିର ବିକ୍ରୀ ହୋଇପାରୁନଥିବା ଖଦଡରେ ପ୍ରସ୍ତୁତ ବିଶୁଦ୍ଧ କୁଶପୁତ୍ତଳିକା ପୂର୍ଣ୍ଣ ନିର୍ମାଣ ଅବସ୍ଥାରେ ଉପଲବ୍ଧ।ଅବ୍ୟବହୃତ ଜୋତା ତଥା ଚପଲ ଏବଂ ସତେଜ ପଦ୍ମଫୁଲର  ମାଳା ସଂପୃକ୍ତ କୁଶପୁତ୍ତଳିକା ସହିତ ସଂପୂର୍ଣ୍ଣ ଫ୍ରି।ଏହା ସହିତ ଆମ୍ଭର ସଂସ୍ଥାରୁ କୁଶପୁତ୍ତଳିକା ସହିତ ଭିନ୍ନ ଭିନ୍ନ ରଂଗର ଟୋପି ଆପଣମାନେ ଆପଣଙ୍କ ଇଚ୍ଛାନୁସାରେ ପାଇ ପାରିବେ।ସେଥିପାଇଁ ଆପଣଙ୍କୁ ଅତିରିକ୍ତ ଦେୟ ଦେବାକୁ ପଡିବ।ଯେହେତୁ ଆମର ଷ୍ଟକ୍ ରେ ଯଥେଷ୍ଟ ଗେରୁଆ ରଂଗର ଟୋପି ମହଜୁଦ ଅଛି ତେଣୁ କ୍ଲିଅରାନ୍ସ ସେଲ୍ ହିସାବରେ ସେଥିରେ ଶତକଡା ପଚାଶ ରିହାତି ଦିଆଯିବ।ଆମ୍ଭର ସଂସ୍ଥା ଆପଣମାନେ ନେଇଥିବା କୁଶପୁତ୍ତଳିକାଟି ଯେପରି ବିନାବାଧାରେ ଆଉ ଅତି  ସହଜରେ ଦାହ କରାଯାଇପାରେ ସେଥିପାଇଁ ଆବଶ୍ୟକ କିରୋସିନି ତେଲକୁ ଆମ୍ଭେ କଂଟ୍ରୋଲ୍ ମୂଲ୍ୟରେ ଯୋଗାଇଦେଇ ପାରିବୁ।ଏହା ସହିତ ଆପଣମାନଙ୍କର ସୁବିଧାକୁ ଆଖିଆଗରେ ରଖି ଆମ୍ଭେ ଆମ୍ଭର ସଂସ୍ଥା ତରଫରୁ ସ୍ୱଖର୍ଚ୍ଚରେ ଆପଣଙ୍କ ପସନ୍ଦର କୁଶପୁତ୍ତଳିକାକୁ ଆପଣ ଯେଉଁ ସ୍ଥାନରେ ଉକ୍ତ କୁଶପୁତ୍ତଳିକାକୁ ଦହନ କରିବାକୁ ଚାହୁଁଛନ୍ତି ସେହି ସ୍ଥାନକୁ ସରବରାହ କରିବୁ।ମାତ୍ର କୁଶପୁତ୍ତଳିକା ରେ ଯେଉଁ ନାଆଁ ଲେଖାଯିବ ତଥା ଆବଶ୍ୟକ ପୋଷ୍ଟର ଆଦି ବ୍ୟବହାର କରାଯିବ ସେଥି ପାଇଁ ଆମର ସଂସ୍ଥାର ଆର୍ଟିଷ୍ଟ ଙ୍କ ସେବା ଗ୍ରହଣ କରିବା ବାଧ୍ୟତାମୂଳକ।ସେଥିପାଇଁ ଅତିରିକ୍ତ ଦେୟ ଦେବାକୁ ପଡିବ ଯାହା ଆମର ପ୍ରଚଳିତ ବଜାରମୂଲ୍ୟ ଠାରୁ ଯଥେଷ୍ଟ ସୁଲଭ।

ଏ ସଂକ୍ରାନ୍ତରେ ସମସ୍ତ ଦେୟ ପେଟିଏମ୍ ମାଧ୍ୟମରେ ଦେବାକୁ ଅନୁରୋଧ।

ଏହା ସହିତ ଆମ୍ଭର ସଂସ୍ଥା ଅନ୍ୟ କେତୋଟି ଅତିରିକ୍ତ ବ୍ୟବସ୍ଥା ର ପ୍ରବଂଧନ କରିଅଛି ଯାହା ପାଇଁ ସମସ୍ତ ଦେୟ ଅତିରିକ୍ତ।

୧•କୁଶପୁତ୍ତଳିକା ଦାହ ସମୟରେ ଭୀଡ ପାଇଁ ଲୋକ ଯୋଗାଣ

୨•ଆତ୍ମାହୁତିରୁ ସୁରକ୍ଷିତ ହୋଇ ଖସି ଆସିବା ନିମନ୍ତେ ସ୍ଵତନ୍ତ୍ର ପ୍ରଶିକ୍ଷିତ ଷ୍ଟଣ୍ଟମ୍ୟାନ ଙ୍କ ଦ୍ଵାରା ପ୍ରଶିକ୍ଷଣ।

ଏହାପରେ ହାଣ୍ଡବିଲ୍ ଶେଷରେ ଆପଣ କୌଣସି ରାଜନେତା ବା ଅଭିନେତାଙ୍କ ନାଆଁରେ ଅମୁକ ସର୍ଭିସ୍ ସେଣ୍ଟର ବୋଲି ଲେଖିପାରନ୍ତି।ଦୟାକରି କୌଣସି ପରମାର୍ଥିକ ନାଆଁ ଦେବେନାହିଁ।

ଶେଷରେ ଆମ ଗବେଷଣାରୁ ଜଣାଯାଇଛି ଯେ ପ୍ରାୟତଃ ନିର୍ବାଚନ ଯେତିକି ପାଖହୋଇ ଆସୁଥାଏ କୁଶପୁତ୍ତଳିକା ଦାହ କାର୍ଯ୍ୟକ୍ରମ ସେତେ ଅଧିକ ହୋଇଥାଏ।ତେଣୁ ଆପଣଙ୍କ ବେପାର ମାନ୍ଦା ହେବାର ସଂଭାବନା ନାହିଁ କହିଲେ ଚଳିବ।

Modi odishanews reservation thesamikhsya
Share. Facebook Twitter LinkedIn Email WhatsApp Copy Link

Related Posts

ମୁଖ୍ୟମନ୍ତ୍ରୀଙ୍କ ବାସଭବନରେ ରାଜ୍ୟପାଳ, ଜଣାଇଲେ ଦୀପାବଳି ଶୁଭେଚ୍ଛା

October 15, 2025

Big Breaking: ନୂଆପଡା ଉପନିର୍ବାଚନ ପାଇଁ ସ୍ନେହାଙ୍ଗିନୀ ଛୁରିଆ ହେଲେ ବିଜେଡ଼ି ପ୍ରାର୍ଥୀ

October 15, 2025

ନୂଆପଡା ଉପନିର୍ବାଚନ ପାଇଁ ବିଜେପି ଘୋଷଣା କଲା ପ୍ରାର୍ଥୀଙ୍କ ନାମ, 16 ତାରିଖରେ ନାମାଙ୍କନ

October 15, 2025

ମୁଖ୍ୟମନ୍ତ୍ରୀଙ୍କୁ ସାକ୍ଷାତ କଲେ ଅନୁଭବ ମହାନ୍ତି, ହେଲେ ସେ କେଉଁ ବିଷୟରେ କଥା ହେଲେ ଜାଣନ୍ତି ?

October 15, 2025
Latest News

୧୬ତମ ଅନ୍ତର୍ଜାତୀୟ ରେଳ ଉପକରଣ ପ୍ରଦର୍ଶନୀ-୨୦୨୫କୁ ଉଦଘାଟନ କଲେ କେନ୍ଦ୍ରମନ୍ତ୍ରୀ

October 16, 2025

ଅକ୍ଟୋବର ୧୬ ତାରିଖ ଗୁରୁବାର ରାଶିଫଳ: ସ୍ୱାସ୍ଥ୍ୟ ଏବଂ ରୋମାନ୍ସ କ୍ଷେତ୍ରରେ କିପରି ରହିବ ଆଜିର ଦିନ

October 16, 2025

ମୁଖ୍ୟମନ୍ତ୍ରୀଙ୍କ ବାସଭବନରେ ରାଜ୍ୟପାଳ, ଜଣାଇଲେ ଦୀପାବଳି ଶୁଭେଚ୍ଛା

October 15, 2025

ନୂଆପଡା ଉପନିର୍ବାଚନ ପାଇଁ କଂଗ୍ରେସ ଗଠନ କଲା କମିଟ, ଜାଣନ୍ତୁ କେଉଁମାନେ ରହିଲେ ସଦସ୍ୟ

October 15, 2025

୨୦୨୫-୨୬ ରଣଜୀ ଟ୍ରଫି: ବୈଭବ ସୂର୍ଯ୍ୟବଂଶୀ ଫ୍ଲପ୍, ଚମକିଲେ ଇଶାନ କିଶାନ, ମହମ୍ମଦ ଶାମି

October 15, 2025
Load More
The Samikhsya Odia
Facebook X (Twitter) LinkedIn
  • About Us
  • Contact Details
  • Grievance
  • Privacy Policy
  • Terms Of Use

Chief Editor: Sarat Paikray

© 2018-2025 All rights resorved by S M Network | Designed by Ratna Technology.

Type above and press Enter to search. Press Esc to cancel.