Categories
ଆଜିର ଖବର ଜାତୀୟ ଖବର ମନୋରଂଜନ ସିନେମା

‘ଲାଲ ସିଂ ଚଡ୍ଡା’ ସହ ସଂଘର୍ଷ କରୁଛି ଅକ୍ଷୟ କୁମାରଙ୍କ ଫିଲ୍ମ, ଜାଣନ୍ତୁ ପ୍ରଥମ ଦିନର ବ୍ୟବସାୟ

ନୂଆଦିଲ୍ଲୀ: ଅକ୍ଷୟ କୁମାରଙ୍କ ଫିଲ୍ମ ରକ୍ଷା ବନ୍ଧନ ପ୍ରେକ୍ଷାଳୟରେ ମୁକ୍ତିଲାଭ କରିଛି। ଏହି ଚଳଚ୍ଚିତ୍ରରେ ଅକ୍ଷୟ କୁମାର ଏବଂ ତାଙ୍କ ଭଉଣୀଙ୍କ କାହାଣୀ ପ୍ରଦର୍ଶିତ ହୋଇଛି। ଏହି ଚଳଚ୍ଚିତ୍ରଟି ଭାବପ୍ରବଣ ହେବା ସହିତ ଏକ ବାର୍ତ୍ତା ଦେଉଥିବାର ନଜର ଆସିଛି। କିନ୍ତୁ ଅକ୍ଷୟଙ୍କ ଶେଷ ଚଳଚ୍ଚିତ୍ର ସମ୍ରାଟ ପୃଥ୍ବୀରାଜ ପରି ଉଦଘାଟନୀ ଦିନ ରକ୍ଷା ବନ୍ଧନ ବିଶେଷ କିଛି ବ୍ୟବସାୟ କରି ନାହିଁ। ଚଳଚ୍ଚିତ୍ରର ପ୍ରଥମ ଦିନର ବ୍ୟବସାୟ ସାମ୍ନାକୁ ଆସିଛି। ରକ୍ଷା ବନ୍ଧନରୁ ପ୍ରଶଂସକମାନେ ବହୁତ ଆଶା କରିଥିଲେ। କିନ୍ତୁ ବ୍ୟବସାୟ ଦୃଷ୍ଟିରୁ ବିଶେଷ କିଛି ଦେଖାଯାଇ ନାହିଁ।

ରକ୍ଷା ବନ୍ଧନ ଅବସରରେ ମୁକ୍ତିଲାଭ କରିଥିବା ଏହି ଚଳଚ୍ଚିତ୍ର କେବଳ ଗୁଜୁରାଟରେ ଭଲ ବ୍ୟବସାୟ କରିବାରେ ସକ୍ଷମ ହୋଇଛି, କିନ୍ତୁ ମୁମ୍ବାଇ, କୋଲକାତା, ପୁଣେ ଭଳି ସ୍ଥାନରେ ରକ୍ଷା ବନ୍ଧନର ଯାଦୁ କାମ କରିନାହିଁ। ସପ୍ତାହ ଶେଷ ସୁଦ୍ଧା ଏହି ଫିଲ୍ମ ଭଲ ବ୍ୟବସାୟ କରିବ ବୋଲି ଆଶା କରାଯାଉଛି।

ବକ୍ସ ଅଫିସ୍ ଇଣ୍ଡିଆର ରିପୋର୍ଟ ଅନୁଯାୟୀ, ରକ୍ଷା ବନ୍ଧନ ପ୍ରଥମ ଦିନରେ ପ୍ରାୟ ୭.୫-୮ କୋଟି ବ୍ୟବସାୟ କରିଛି। ଅକ୍ଷୟଙ୍କ ବାକି ଚଳଚ୍ଚିତ୍ରର ଉଦଘାଟନ ଦିନଠାରୁ ଏହା କମ୍ ଅଟେ।

ଅକ୍ଷୟ କୁମାରଙ୍କ ଫିଲ୍ମ ରକ୍ଷା ଅନ୍ଧନ ଆମୀର ଖାନଙ୍କ ଲାଲ ସିଂ ଚଡ୍ଡା ସହ ସଂଘର୍ଷ କରିବ। ଉଭୟ ଚଳଚ୍ଚିତ୍ର ଗୋଟିଏ ଦିନରେ ରିଲିଜ ହୋଇଛି, ଯେଉଁଥିପାଇଁ ଉଭୟଙ୍କ ବ୍ୟବସାୟ ପ୍ରଭାବିତ ହୋଇଛି। ଯଦି ରିପୋର୍ଟଗୁଡିକୁ ବିଶ୍ଵାସ କରାଯାଏ, ତେବେ ଆଶା କରାଯାଉଥିଲା ଯେ ଲାଲ ସିଂ ଚଡ୍ଡା ଅପେକ୍ଷା ରକ୍ଷା ଅନ୍ଧନ ଭଲ ପ୍ରଦର୍ଶନ କରିବ, କିନ୍ତୁ ଏପରି ହୋଇ ନାହିଁ।

Categories
ଆଜିର ଖବର ଜାତୀୟ ଖବର ରାଜ୍ୟ ଖବର

ରୁଚିକା ଆତ୍ମହତ୍ୟା ଘଟଣାରେ ଆସନ୍ତା ୧୯ ତାରିଖରେ ଓଡିଶା ବନ୍ଦ ଡାକରା

ଭୁବନେଶ୍ବର: ବିଜେବି କଲେଜ ଛାତ୍ରୀ ରୁଚିକାଙ୍କ ଆତ୍ମହତ୍ୟା ଘଟଣା ନେଇ ସାରା ଓଡିଶା ବନ୍ଦ ହେବ। ଆସନ୍ତା ୧୯ ତାରିଖରେ ଏହି ବନ୍ଦ ଡାକରା ଦେଇଛି ଓଡିଶା ନବନିର୍ମାଣ କୃଷକ ସଂଗଠନ। ଭୁବନେଶ୍ବରରେ ଆୟୋଜିତ ଏକ ସମ୍ବାଦିକ ସମ୍ମିଳନୀରେ ଏହି ଘୋଷଣା କରିଛନ୍ତି ସଂଗଠନର ରାଷ୍ଟ୍ରୀୟ ସଂଯୋଜକ ଅକ୍ଷୟ କୁମାର।

ଏହି ଘଟଣାରେ ପୋଲିସ ଯେପରି ପଦକ୍ଷେପ ଗ୍ରହଣ କରିବା କଥା ତାହା କରୁ ନାହିଁ। ଦୋଷୀଙ୍କୁ ଘଣ୍ଟ ଘୋଡାଇବା କାମ ପୋଲିସ କରୁଛି ବୋଲି ଅକ୍ଷୟ କୁମାର କହିଛନ୍ତି। ଏଥି ସହିତ ଆସନ୍ତା ୧୭ ତାରିଖରେ ପ୍ରତିକାତ୍ମକ ଭାବେ କଟକ ଡିଜି ଅଫିସରେ ସଂଗଠନ ତରଫରୁ ଅନଶନ କରାଯିବ ବୋଲି କୁହାଯାଇଛି। ଏହି ବନ୍ଦ ଡାକରାରେ ଉଭୟ ଛାତ୍ର ଓ ଯୁବ କଂଗ୍ରେସ ମଧ୍ୟ ସାମିଲ ହେବ।

Categories
ଆଜିର ଖବର ଜାତୀୟ ଖବର ସିନେମା

ୟୁପିରେ ଟାକ୍ସ ଫ୍ରି ହେବ ଅକ୍ଷୟ କୁମାରଙ୍କ ଫିଲ୍ମ ‘ସମ୍ରାଟ ପୃଥ୍ବୀରାଜ’: ମୁଖ୍ୟମନ୍ତ୍ରୀଙ୍କ ଘୋଷଣା

ଲକ୍ଷ୍ନୌ: ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ, ତାଙ୍କର ସମସ୍ତ କ୍ୟାବିନେଟ ସହକର୍ମୀଙ୍କ ସହ ଆଜି ସମ୍ରାଟ ପୃଥ୍ବୀରାଜ ଫିଲ୍ମ ଦେଖିଛନ୍ତି। ଲକ୍ଷ୍ନୌର ଲୋକ ଭବନରେ ଏହି ଚଳଚ୍ଚିତ୍ରର ଏକ ସ୍ୱତନ୍ତ୍ର ସ୍କ୍ରିନିଂ ଅନୁଷ୍ଠିତ ହୋଇଥିଲା, ଯେଉଁଠାରେ ପୁରା କ୍ୟାବିନେଟ୍ ଏହି ଫିଲ୍ମ ଦେଖିଥିଲେ। ଫିଲ୍ମ ଦେଖିବା ପରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଏହି ରାଜ୍ୟ ପାଇଁ ଟାକ୍ସ ମୁକ୍ତ କରିବାକୁ ଘୋଷଣା କରିଛନ୍ତି।

ପୃଥ୍ବୀରାଜ ଚୌହାନଙ୍କ ଜୀବନୀ ଉପରେ ଏହି ଚଳଚ୍ଚିତ୍ରର କାହାଣୀ। ଏହି ଚଳଚ୍ଚିତ୍ରରେ ଅଭିନେତା ଅକ୍ଷୟ କୁମାର ଏବଂ ଅଭିନେତ୍ରୀ ମନୁଶି ଚିଲାର ଅଭିନୟ କରିଛନ୍ତି। ନିର୍ଦ୍ଦେଶକ ଚନ୍ଦ୍ରପ୍ରକାଶ ଦ୍ୱିବେଦୀଙ୍କ ନିର୍ଦ୍ଦେଶନାରେ ଏହି ଚଳଚ୍ଚିତ୍ର ନିର୍ମାଣ କରାଯାଇଛି। ଏହି ଚଳଚ୍ଚିତ୍ରଟି ଜୁନ୍ ୩ ତାରିଖରେ ପ୍ରେକ୍ଷାଳୟରେ ମୁକ୍ତିଲାଭ କରିବ।

Categories
ଆଜିର ଖବର ଜାତୀୟ ଖବର ମନୋରଂଜନ ସିନେମା

ଅକ୍ଷୟ କୁମାରଙ୍କ ଫିଲ୍ମ ‘ପୃଥ୍ବୀରାଜ’ ବିରୋଧରେ କରଣୀ ସେନାର ବିରୋଧ: ନିର୍ମାତାଙ୍କ ନିକଟରେ କଲେ ଏଭଳି ଦାବି

ମୁମ୍ବାଇ: ଅକ୍ଷୟ କୁମାରଙ୍କ ଆଗାମୀ ଚଳଚ୍ଚିତ୍ର ‘ପୃଥ୍ବୀରାଜ’ ପ୍ରାୟ ୧୦ ଦିନ ମଧ୍ୟରେ ପ୍ରେକ୍ଷାଳୟରେ ରିଲିଜ ହେବାକୁ ଯାଉଛି। କିନ୍ତୁ ଦେଖାଯାଉଛି ଏହାକୁ ବିରୋଧର ସମ୍ମୁଖୀନ ହେବାକୁ ପଡିପାରେ। ବର୍ତ୍ତମାନ ଏହି ଚଳଚ୍ଚିତ୍ରକୁ ନେଇ କରଣୀ ସେନାଙ୍କ ପକ୍ଷରୁ ବିରୋଧ ପ୍ରଦର୍ଶନ କରାଯାଇଛି।

ପୂର୍ବ ରିପୋର୍ଟରେ କୁହାଯାଇଛି ଯେ, ଏହି ଚଳଚ୍ଚିତ୍ରର ଟାଇଟଲ୍ ଉପରେ ଆପତ୍ତି କରାଯାଇଛି ଏବଂ ଏହାକୁ ‘ସମ୍ରାଟ ପୃଥ୍ବୀରାଜ ଚୌହାନ’ ରେ ପରିବର୍ତ୍ତନ କରିବାକୁ ଦାବି କରାଯାଇଛି। ନିକଟରେ ପ୍ରକାଶିତ ଏକ ରିପୋର୍ଟ ଅନୁଯାୟୀ, ରାଜସ୍ଥାନ ଭିତ୍ତିକ ସଂଗଠନ ଟାଇଟଲ୍ ପରିବର୍ତ୍ତନକୁ ନେଇ ଜିଦ୍ ଧରିଛି ଏବଂ ଫିଲ୍ମଟି ରିଲିଜ୍ ହେବା ପୂର୍ବରୁ ସ୍କ୍ରିନିଙ୍ଗ କରାଯିବାକୁ ଚାହୁଁଛି।

ସୂଚନା ଥାଉ କି ଚନ୍ଦ୍ରପ୍ରକାଶ ଦ୍ୱିବେଦୀଙ୍କ ଦ୍ୱାରା ନିର୍ଦ୍ଦେଶିତ ପୃଥ୍ବୀରାଜ ମୁଖ୍ୟ ଭୂମିକାରେ ଅକ୍ଷୟ କୁମାରଙ୍କୁ ଅଭିନୟ କରିଥିବାବେଳେ ମାନୁଷୀ ଛିଲାର ତାଙ୍କ ହିନ୍ଦୀ ଚଳଚ୍ଚିତ୍ରରେ ରାଜକୁମାରୀ ଭାବରେ ଡେବ୍ୟୁ କରିଛନ୍ତି। ଐତିହାସିକ ଆକ୍ସନ୍ ଡ୍ରାମାରେ ସଞ୍ଜୟ ଦତ୍ତଙ୍କୁ କାକା କହ୍ନା, ସୋନୁ ସୁଦ ଚାନ୍ଦ ବରଦାଇ, ମାନବ ବିଜ ମହମ୍ମଦ ଘୋରୀ ଏବଂ ଅନ୍ୟାନ୍ୟ ଅଭିନୟ କରିଛନ୍ତି। ୱାଆରଏଫ ପ୍ରଡ଼କ୍ସନର ଏହି ଚଳଚ୍ଚିତ୍ର ଜୁନ୍ ୩ ତାରିଖ ୨୦୨୨ ରେ ପ୍ରେକ୍ଷାଳୟରେ ରିଲିଜ୍ ପାଇଁ ଧାର୍ଯ୍ୟ କରାଯାଇଛି।

Categories
ଆଜିର ଖବର ଜାତୀୟ ଖବର ମନୋରଂଜନ

ଅକ୍ଷୟ କୁମାରଙ୍କ ଫିଲ୍ମ “ସୂର୍ଯ୍ୟବଂଶୀ” କୁ ବିରୋଧ କଲେ କୃଷକ ସଂଗଠନ: ଚିରିଲେ ପୋଷ୍ଟର

ନୂଆଦିଲ୍ଲୀ: ପଞ୍ଜାବରେ ଅକ୍ଷୟ କୁମାରଙ୍କ ଫିଲ୍ମ ‘ସୂର୍ଯ୍ୟବଂଶୀ’କୁ କୃଷକ ସଂଗଠନ ବିରୋଧ କରୁଛି। ବରନାଲାର ହୋଶିଆରପୁର, ଜଲାଲାବାଦ, ମୋଗା ଏବଂ ଜିରକପୁରରେ କୃଷକ ସଂଗଠନ ପକ୍ଷରୁ ଶନିବାର ଦିନ ମୁକ୍ତିଲାଭ କରିଥିବା ଅକ୍ଷୟ କୁମାରଙ୍କ ଅଭିନୀତ ସୂର୍ଯ୍ୟବଂଶୀଙ୍କ ସୋ ବନ୍ଦ କରି ଅନେକ ପ୍ରେକ୍ଷାଳୟରେ ପୋଷ୍ଟର ଚିରି ଦେଇଥିଲେ।

କେନ୍ଦ୍ରର ତିନୋଟି କୃଷି ନିୟମକୁ ବିରୋଧ କରୁଥିବା କୃଷକମାନଙ୍କର ଏକ ଗୋଷ୍ଠୀ ଶନିବାର ଦିନ ହୋଶିଆରପୁରର ପାଞ୍ଚଟି ସିନେମା ହଲରେ ଫିଲ୍ମ ‘ସୂର୍ଯ୍ୟବଂଶୀ’ ର ପ୍ରଦର୍ଶନକୁ ଅବରୋଧ କରିଥିଲେ। ଏପରିକି ସେମାନଙ୍କ ମଧ୍ୟରୁ କେତେକ କୃଷକ ଅକ୍ଷୟ କୁମାରଙ୍କ ବିରୋଧରେ ବିରୋଧ ପ୍ରଦର୍ଶନ କରି ପ୍ରେକ୍ଷାଳୟ ବାହାରେ ଫିଲ୍ମର ପୋଷ୍ଟର ଚିରି ଦେଇଥିଲେ।

ଏଥି ସହିତ, ବରନାଲାରେ ଭାରତୀୟ କିସାନ ୟୁନିଅନର ଜିଲ୍ଲା ସଭାପତି ସ୍ୱରଣ ଧୁଗାଙ୍କ ନେତୃତ୍ୱରେ ସଂଗଠନର କାର୍ଯ୍ୟକର୍ତ୍ତାମାନେ ଅକ୍ଷୟଙ୍କ ଫିଲ୍ମ ବିରୋଧରେ ସ୍ଥାନୀୟ ସହିଦ ଉଦାମ ସିଂ ପାର୍କରୁ ସ୍ୱର୍ଣ୍ଣ ସିନେମା ପର୍ଯ୍ୟନ୍ତ ପ୍ରଦର୍ଶନ କରିଥିଲେ। ଫିଲ୍ମର ସ୍କ୍ରିନିଂ ବନ୍ଦ କରିବାକୁ ବାଧ୍ୟ କରିଥିଲେ ଏବଂ କୃଷକଙ୍କ ବିରୋଧକୁ ସମର୍ଥନ କରି ନ ଥିବାରୁ ଅଭିନେତାଙ୍କୁ ଦୃଢ ନିନ୍ଦା କରିଥିଲେ।

ବିକ୍ଷୋଭକାରୀମାନେ କହିଛନ୍ତି ଯେ, କୃଷି ଆଇନ ରଦ୍ଦ ନହେବା ପର୍ଯ୍ୟନ୍ତ ସେମାନେ ଅକ୍ଷୟ କୁମାରଙ୍କ ଚଳଚ୍ଚିତ୍ର ପ୍ରଦର୍ଶିତ ହେବାକୁ ଦେବେ ନାହିଁ। ସୂଚନାଯୋଗ୍ୟ ଯେ, ଏହି ତିନୋଟି କୃଷି ଆଇନକୁ ରଦ୍ଦ କରିବାକୁ ସରକାରଙ୍କୁ ଦାବି କରୁଥିବା ଶହ ଶହ କୃଷକ ଗତ ବର୍ଷ ନଭେମ୍ବରରୁ ଦିଲ୍ଲୀ ସୀମାରେ ବିରୋଧ ପ୍ରଦର୍ଶନ କରିଆସୁଛନ୍ତି।

Categories
ଆଜିର ଖବର ରାଜ୍ୟ ଖବର

ସୁପ୍ରିମକୋର୍ଟ ଗାଇଡ ଲାଇନ୍ ଉଲଂଘନ କରି ତିନି ଜିଲ୍ଲା ପାଇଁ ଉଦ୍ଦିଷ୍ଟ ଖଣି ପାଣ୍ଠି ନେଇଯିବା ବିରୁଦ୍ଧରେ ଅକ୍ଷୟ କୁମାରଙ୍କ ଅନଶନ

ଭୁବନେଶ୍ୱର: ଓଡ଼ିଶାର ସବୁଠୁ ବଡ଼ ଖଣି ଦୁର୍ନୀତିର ତଦନ୍ତ ପାଇଁ ସୁପ୍ରିମକୋର୍ଟଙ୍କ ଦ୍ୱାରା ଶାହା କମିଶନ ବସି ଦୁର୍ନୀତିର ତଦନ୍ତ ନିର୍ଦ୍ଦେଶ ଦେଲାପରେ ଖଣି କମ୍ପାନୀଙ୍କ ଉପରେ ବିପୁଳ ଜୋରିମାନା ହୋଇଥିଲା। ଏହି ବିପୁଳ ଜୋରିମାନାରୁ ରକ୍ଷା ପାଇବା ପାଇଁ ଖଣି କମ୍ପାନୀମାନେ ବୁଦ୍ଧି କରି ଆଇବିଏମ୍ ଦ୍ୱାରା ଏହାର ସାନି ମୂଲ୍ୟାଙ୍କନ କରି ଯଥେଷ୍ଟ ପରିମାରଣ ରିହାତି ପାଇଥିଲେ।

ମାତ୍ର ଏହା ପରେ ମଧ୍ୟ ଏହି ଅର୍ଥ ଦେବାକୁ ଟାଳଟୁଳ ନୀତି ଅବଲମ୍ବନ କରି ସୁପ୍ରିମ କୋର୍ଟଙ୍କ ଦ୍ୱାରା ଭର୍ତ୍ସିତ ହେଲା ପରେ ଏହି ଅର୍ଥ ଦାଖଲ କରିଥିଲେ। ଏହି ଅର୍ଥ ଓଡ଼ିଶା ସରକାରଙ୍କୁ ଦିଆନଯାଇ ଏକ ସ୍ୱତନ୍ତ୍ର ପାଣ୍ଠି ସୃଷ୍ଟି କରି ଏହାକୁ ଖଣି ଖୋଳା ଦ୍ୱାରା କ୍ଷତିଗ୍ରସ୍ତ ଅଞ୍ଚଳର ସାଧାରଣ ଲୋକ ଓ ବିଶେଷକରି ଆଦିବାସୀମାନଙ୍କ ଜୀବିକା ପାଇଁ ଖର୍ଚ୍ଚ କରିବା ସହ ଏହି ଅର୍ଥ ଅନ୍ୟତ୍ର ଖର୍ଚ୍ଚ ହେବ ନାହିଁ ବୋଲି ସୁପ୍ରିମକୋର୍ଟ ସିଧାସଳଖ ନିର୍ଦ୍ଦେଶ ଦେଇଥିଲେ। ମାତ୍ର ସରକାର ସୁପ୍ରିମକୋର୍ଟର ଗାଇଡ଼ ଲାଇନ୍ ଉଲଂଘନ କରି ଏହି ଅର୍ଥକୁ ଜୁନ୍ ୧୧ ଏପ୍ରିଲ ଓ ସେପ୍ଟେମ୍ବରରେ କୌଣସି କାରଣ ନଦର୍ଶାଇ ପଇସା ଉଠାଇନେଇ ୧୪ ସେପ୍ଟେମ୍ବରରେ ଏହାକୁ ରେଗୁଲାରାଇଜ କଲେ। ନିର୍ଦ୍ଦିଷ୍ଟ ଭାବେ ଗୃହ ନିର୍ମାଣ କ୍ଷେତ୍ରରେ ଅର୍ଥ ଖର୍ଚ୍ଚ କରାନଯିବାକୁ ନିର୍ଦ୍ଦେଶ ଦିଆଯାଇଥିଲେ ମଧ୍ୟ ଗୃହ ନିର୍ମାଣ କ୍ଷେତ୍ରରେ ଅର୍ଥ ବିନିଯୋଗ କରାଗଲା। ଲୋକଙ୍କ ଜୀବିକା ପାଇଁ ଅର୍ଥ ଖର୍ଚ୍ଚ କରାନଯାଇ ଏଲ୍ ଆଣ୍ଡ ଟି ଭଳି ବଡ଼ କମ୍ପାନୀକୁ ୨୨୦୦ କୋଟିର ଠିକା ଦିଆଯାଇ ଅଗ୍ରୀମ ୬୦୦ କୋଟି ଦିଆଗଲା।

ଆଜି ଲୋୟର ପିଏମ୍‌ଜିରେ ଏହି ବିସଙ୍ଗତି ବିରୁଦ୍ଧରେ ଅକ୍ଷୟ କୁମାରଙ୍କ ଅନଶନସ୍ଥଳରେ ବିଶିଷ୍ଟ ଆଡ଼ଭୋକେଟ ଶିବାନନ୍ଦ ରାୟ, କେନ୍ଦୁଝର ନାଗରିକ ମଞ୍ଚର ସଭାପତି କିରଣ ସାହୁ, ଗାନ୍ଧୀବାଦୀ ତଥା ସର୍ବୋଦୟ ନେତା ଶୈଳଜ ରବି ପ୍ରମୁଖ ଯୋଗ ଦେଇଥିଲେ। ଶ୍ରୀ ଦାସ ତାଙ୍କ ବକ୍ତବ୍ୟରେ କହିଥିଲେ ଯେ, ଯଦି ଏହି ଅର୍ଥକୁ ଆଦିବାସୀଙ୍କ ମଧ୍ୟରେ ସିଧାସଳଖ ବଣ୍ଟା ଯାଇଥାନ୍ତା, ତେବେ ଘରପିଛା ୨୦ ହଜାର ଟଙ୍କା ପଡ଼ିଥାନ୍ତା। କିନ୍ତୁ ସରକାର ସୁପ୍ରିମକୋର୍ଟଙ୍କ ଗାଇଡ଼ ଲାଇନକୁ ମାନିଲେ ନାହିଁ। କେନ୍ଦୁଝର ନାଗରିକ ମଞ୍ଚର କିରଣ ସାହୁ ତାଙ୍କ ବକ୍ତବ୍ୟରେ କହିଥିଲେ ଯେ, ସରକାର କେଉଁ ଉଦ୍ଦେଶ୍ୟରେ ଏତେ ବିପୁଳ ଅର୍ଥରାଶି ନିର୍ଦ୍ଦିଷ୍ଟ ତିନୋଟି ଜିଲ୍ଲାବାସୀଙ୍କ ଅର୍ଥ ଉଠାଇନେଲେ ସେ କଥା କେଉଁଠାରେ ସ୍ପଷ୍ଟ କରିନାହାଁନ୍ତି।

ଆଗାମୀ ଦିନରେ ଏହାକୁ ନେଇ ନ୍ୟାୟାଳୟରେ ମକଦ୍ଦମା କରାଯିବ ବୋଲି ବରିଷ୍ଠ ଆଡ଼ଭୋକେଟ ଶିବାନନ୍ଦ ରାୟ କହିଥିଲେ। ଶୈଳଜ ରବି ଆଶ୍ଚର୍ଯ୍ୟପ୍ରକଟ କରି ଏଭଳି ଘଟଣା କିଭଳି ଘଟୁଛି ବୋଲି କହିଥିଲେ? ସର୍ବୋଦୟ ମଣ୍ଡଳ ସମ୍ପାଦକ ରମାକାନ୍ତ ମଣ୍ଡଳ, ନବନିର୍ମାଣ କୃଷକ ସଂଗଠନର ରାଜ୍ୟ ସଂଯୋଜକ ଶେଷଦେବ ନନ୍ଦ ଓ ସହ ସଂଯୋଜକ ନିମାଇଁ ରାୟ ଆଗାମୀ ଦିନରେ କ୍ଷତିଗ୍ରସ୍ତ ତିନୋଟି ଜିଲ୍ଲାର ବ୍ୟାପକ ଆନ୍ଦୋଳନାତ୍ମକ କାର୍ଯ୍ୟକ୍ରମ କରାଯିବ ବୋଲି କହିଥିଲେ।

ଆଜିର କାର୍ଯ୍ୟକ୍ରମରେ ରାଜ୍ୟ କାର୍ଯ୍ୟକାରିଣୀ ସଭ୍ୟ ସୁରେନ୍ଦ୍ରନାଥ ମହାରଣା, ନିରଞ୍ଜନ ପ୍ରଧାନ, କୃଷ୍ଣଚନ୍ଦ୍ର ବେହେରା, ମଧୁମିତା ସାମଲ, କଳ୍ପନା ମହାନ୍ତି, ଅପର୍ଣ୍ଣା ନାୟକ, ଭୁବନେଶ୍ୱର ଛାତ୍ର ସଂଗଠନ ସଭାପତି ଅମିତ ଜେନା, ଯଶୋବନ୍ତ ଦାସ, ସତ୍ୟଜିତ ମହାନ୍ତି, ଅମରଜିତ ସ୍ୱାଇଁ, ଅବିନାଶ ଦାସ ପ୍ରମୁଖ ଯୋଗ ଦେଇଥିଲେ।

Categories
ଆଜିର ଖବର ରାଜ୍ୟ ଖବର ସ୍ବାସ୍ଥ୍ୟ

ସମସ୍ତ ରୋଗୀଙ୍କୁ ମାଗଣାରେ ଚିକିତ୍ସା ଉପଲବ୍ଧ କରିବାକୁ ରାଜ୍ୟ ସରକାରଙ୍କ ନିକଟରେ ଦାବି

ଭୁବନେଶ୍ୱର: ସରକାର ଆଜିର କରୋନା ମହାମାରୀ ସମୟରେ ସମସ୍ତ କରୋନା ଓ ଅଣକରୋନା ରୋଗୀଙ୍କୁ ମାଗଣା ଗୁଣାତ୍ମକ ଚିକିତ୍ସା ଉପଲବ୍ଧ କରାନ୍ତୁ। ଏହା ହିଁ ଆଜିର ସମୟର ଆହ୍ୱାନ ଓ ଏକ ଲୋକ କଲ୍ୟାଣକାରୀ ସରକାରଙ୍କ ଠାରୁ ରାଷ୍ଟ୍ରର ଜନଗଣଙ୍କ ଆଶା।

ଏହି ସମୟରେ ସରକାର ସ୍ୱାସ୍ଥ୍ୟଗତ ଜରୁରୀକାଳୀନ ପରିସ୍ଥିତି ଘୋଷଣା କରି ଜୀବନ ବଞ୍ଚାଇବାର ଦାୟିତ୍ୱକୁ ପ୍ରମୁଖତା ଦିଅନ୍ତୁ। ଆଜି ସାମ୍ବାଦିକ ଭବନ ପରିସରରେ ସମ୍ବାଦିକ ସମ୍ମିଳନୀ କରି ଏ ନେଇ ବକ୍ତବ୍ୟ ରଖିଥିଲେ ନବନିର୍ମାଣ କୃଷକ ସଂଗଠନର ରାଷ୍ଟ୍ରୀୟ ସଂଯୋଜକ ଅକ୍ଷୟ କୁମାର।

ସେ କହିଥିଲେ ଯେ, କରୋନା ମହାମାରୀକୁ ନେଇ ସରକାର ବହୁତ ପ୍ରଚାରର ସତର୍କତା କରୁଥିଲେ ହେଁ ପ୍ରକୃତପକ୍ଷେ ପର୍ଯ୍ୟାପ୍ତ ତ ଛାଡ଼ ସର୍ବନିମ୍ନ ସ୍ୱାସ୍ଥ୍ୟସେବା କରୋନା ରୋଗୀଙ୍କ ପାଇଁ ସଙ୍କଟ କାଳରେ ଉପଲବ୍ଧ କରାଇ ପାରୁନାହାଁନ୍ତି। ଅକ୍ସିଜେନ ଅଭାବରୁ ଅନେକ ରୋଗୀଙ୍କ ଜୀବନ ଅକାଳରେ ଚାଲିଯିବା ଆମ ସ୍ୱାସ୍ଥ୍ୟସେବାର ବିକଳ ଚିତ୍ରକୁ ଜଳଜଳ କରି ଦେଖାଇଦେଇଛି। ସବୁଠୁ ବେଶୀ ଅସୁବିଧାର ସମ୍ମୁ୍‌ଖୀନ ହେଉଛନ୍ତି କରୋନା ଅଣସଂକ୍ରମିତ ରୋଗୀ। କରୋନା ସଂକ୍ରମଣ କାଳରେ ଅଣସଂକ୍ରମିତ ରୋଗୀମାନ ବି ଚିକିତ୍ସା ସୁବିଧା ପାଇବା କଥା। ମାତ୍ର ସେମାନେ ଅବହେଳା ଓ ଉପେକ୍ଷାର ଶିକାର ହୋଇ ବହୁବିଧ ଯନ୍ତ୍ରଣାର ସାମ୍ନା କରୁଛନ୍ତି।

ସେହିଭଳି ଯଦି କୋଭିଡ୍ ଗ୍ରାଫ ଅଧିକ ଶିଖରକୁ ଛୁଉଁଛି ଓ ପରିସ୍ଥିତି ସଙ୍ଗୀନ ହେଉଛି ତେବେ ସରକାର ତୁରନ୍ତ ସ୍ୱାସ୍ଥ୍ୟ ଜରୁରୀକାଳୀନ ସ୍ଥିତି ଘୋଷଣା କରି ପୁଞ୍ଜିପତିଙ୍କ ଠାରୁ ସ୍ୱତନ୍ତ୍ର କ୍ଷମତା ବଳରେ ଅଧା ଅର୍ଥ ନେଇଆସନ୍ତୁ। କରୋନ ସମୟରେ ଅନ୍ୟମାନଙ୍କ ଅପେକ୍ଷା ଶିଳ୍ପପତିମାନଙ୍କୁ ସରକାର ଅଧିକ ପ୍ୟାକେଜ ଦେଇଥିଲା ବେଳେ ଏବଂ ସିଏସ୍‌ଆର ଫଣ୍ଡ ଅର୍ଥ ପିଏମ୍ କେୟାର ପାଣ୍ଠିକୁ ଦେଇ ସେମାନେ ଖସି ଯାଇଥିବା ବେଳେ ଏବେ ଦେଶର ବିପଦ ବେଳେ ମୁଣ୍ଡ ଦେଖାନ୍ତୁ। ନିଜେ ସରକାର ଘୋଷଣା କରିଛନ୍ତି ଜୀବନ ସବୁଠାରୁ ମୂଲ୍ୟବାନ। ଜନମଙ୍ଗଳକାରୀ ରାଷ୍ଟ୍ରର ଦାୟିତ୍ୱ ଓ କର୍ତ୍ତବ୍ୟ ହେଉଛି ଖାଦ୍ୟ, ବସ୍ତ୍ର, ବାସଗୃହ ଓ ଶିକ୍ଷା ସ୍ୱାସ୍ଥ୍ୟର ସୁନିଶ୍ଚିତ ବ୍ୟବସ୍ଥା କରିବା।

ଆଜିର କରୋନା ମହାମାରୀ ସମୟରେ ଜୀବନ ସବୁଠାରୁ ଗୁରୁତ୍ୱପୂର୍ଣ୍ଣ ହୋଇଥିବାରୁ ସରକାର ଜୀବନର ସୁରକ୍ଷା ପାଇଁ ସବୁଠାରୁ ଅଧିକ ଦାୟିତ୍ୱସମ୍ପନ୍ନ ସରକାର ଭାବରେ କରୋନା ଏବଂ କରୋନା ବାହାର ରୋଗୀମାନଙ୍କର ସମ୍ପୂର୍ଣ୍ଣ ମାଗଣା ଚିକିତ୍ସା କରିବା ସହିତ ଏହି ସମୟକୁ ସ୍ୱାସ୍ଥ୍ୟଗତ ଜରୁରୀକାଳୀନ ପରିସ୍ଥିତି ଘୋଷଣା କରି ବ୍ୟାପାର ନାମରେ ଏକାଠି ହୋଇଥିବା ପୁଞ୍ଜିର ଏକାଧିକାର ଓ ବୌଦ୍ଧିକ ଏକାଧିକାରକୁ ସମାପ୍ତ କରି ସମସ୍ତ ଅର୍ଥକୁ ଚିକିତ୍ସା ଖର୍ଚ୍ଚରେ ଉପଯୋଗ କରିବା ଉଚିତ। ଏହି ଘଡ଼ିସନ୍ଧି ମୁହୂର୍ତ୍ତରେ ନବନିର୍ମାଣ କୃଷକ ସଂଗଠନ ଚାଷୀର ହିତ ପାଇଁ ସବୁବେଳେ ସ୍ୱର ଉଠାଇ ଆସୁଥିଲେ ମଧ୍ୟ ଆଜି ସାରା ଦେଶର ସାଧାରଣ ବ୍ୟକ୍ତିର ଜୀବନକୁ ମହତ୍ତ୍ୱ ଦେଇ ନିମ୍ନଲିଖିତ ଦାବିଗୁଡ଼ିକ ଉପସ୍ଥାପିତ କରୁଛି।

(୧) କରୋନା ସଂକ୍ରମିତ ଓ ଅଣସଂକ୍ରମିତ ଉଭୟ ରୋଗୀଙ୍କ ଚିକିତ୍ସା ସରକାର ମାଗଣାରେ ଉପଲବ୍ଧ କରାନ୍ତୁ।

(୨) ଘରୋଇ ହସ୍ପିଟାଲ ମାନଙ୍କରେ ମାଗଣା ଚିକିତ୍ସା ଉପଲବ୍ଧ ହେଉ।

(୩) ସ୍କୁଲ୍ କଲେଜଠାରୁ ଆରମ୍ଭ କରି ଖାଲିଥିବା ସମସ୍ତ ବିଲ୍‌ଡ଼ିଙ୍ଗ ଗୁଡ଼ିକୁ କରୋନା ଏବଂ ଅନ୍ୟ ରୋଗୀମାନଙ୍କ ପାଇଁ ଅସ୍ଥାୟୀ ଚିକିତ୍ସା କେନ୍ଦ୍ରରେ ପରିଣତ କରାଯାଉ।

(୪) ଜରୁରୀକାଳୀନ ପରିସ୍ଥିତି ମାଧ୍ୟମରେ ସରକାର ବୌଦ୍ଧିକ ଅଧିକାର ଓ ପୁଞ୍ଜିଗତ ଏକାଧିକାରକୁ ସମାପ୍ତ କରାଯାଇ ବ୍ୟାପାରକୁ ସେବାମୁଖୀ କରାଯିବା ସହ ରାଷ୍ଟ୍ରପତି ସମର୍ପିତ କରାଯାଉ। ସେହି ଅର୍ଥରେ ସାଧାରଣ ବ୍ୟକ୍ତିଙ୍କୁ ମାଗଣା ସ୍ୱାସ୍ଥ୍ୟସେବା ଉପଲବ୍ଧ କରାଯାଇ ଜୀବନକୁ ସୁରକ୍ଷିତ କରାଯାଉ।

(୫) ଶିକ୍ଷିତ ଯୁବକମାନଙ୍କୁ ପ୍ରଶିକ୍ଷିତ କରାଯାଇ ଅସ୍ଥାୟୀ ସ୍ୱାସ୍ଥ୍ୟକର୍ମୀ ଭାବେ ବିନିଯୋଗ କରାଯାଉ।

ଉକ୍ତ ଦାବିସମୂହକୁ ପୂରଣ ପାଇଁ ସରକାରଙ୍କ ଉପରେ ଚାପ ପକାଇବା ଆଜିର ସାମ୍ବାଦିକ ସମ୍ମିଳନୀର ଉଦ୍ଦେଶ୍ୟ। ଆଜିର ସାମ୍ବାଦିକ ସମ୍ମିଳନୀରେ ଅନ୍ୟମାନଙ୍କ ମଧ୍ୟରେ ସଂଗଠନ ରାଜ୍ୟ ସଂଯୋଜକ ଶେଷଦେବ ନନ୍ଦ, ଉମାକାନ୍ତ ଭାରତ, ସହ ସଂଯୋଜକ ନିମାଇଁ ରାୟ, ରଶ୍ମୀରଞ୍ଜନ ସ୍ୱାଇଁ, ଯୁବଛାତ୍ର ସଂଗଠକ ମନୱର ଅଲ୍ଲୀ ପ୍ରମୁଖ ଉପସ୍ଥିତ ଥିଲେ।

Categories
ଆଜିର ଖବର ଜାତୀୟ ଖବର ମନୋରଂଜନ ସ୍ବାସ୍ଥ୍ୟ

ବଲିଉଡର ଖିଲାଡ଼ି ଷ୍ଟାର ଅକ୍ଷୟ କୁମାରଙ୍କୁ କରୋନା

ମୁମ୍ବାଇ: ବଲିଉଡ ଇଣ୍ଡଷ୍ଟ୍ରିର ଜଣେ ବ୍ୟସ୍ତ ଅଭିନେତା ମଧ୍ୟରୁ ଅକ୍ଷୟ କୁମାର ଅନ୍ୟତମ। ୨୦୨୦ ମସିହାରେ ଲାଗିଥିବା କରୋନା କଟକଣା ତଥା ଲକଡାଉନ ପରଠାରୁ ଅକ୍ଷୟ କୁମାର ଲଗାତର ଶୁଟିଙ୍ଗ ଜାରି ରଖିଛନ୍ତି। ସେ ତାଙ୍କ ଫିଲ୍ମକୁ ସମୟ ପୂର୍ବରୁ ଶେଷ କରିବା ପାଇଁ ଲାଗି ପଡିଛନ୍ତି। ହେଲେ ଏହା ଭିତରେ ସେ କରୋନା ଭୂତାଣୁର ସଂସ୍ପର୍ଶରେ ଆସି ସଂକ୍ରମଣ ହୋଇଛନ୍ତି। ସେ ସାମାଜିକ ଗଣମାଧ୍ୟମରେ ଏନେଇ ସୂଚନା ଦେଇଛନ୍ତି।

ଅକ୍ଷୟ ବର୍ତ୍ତମାନ ପୃଥକବାସରେ ଅଛନ୍ତି। ତାଙ୍କ ସଂସ୍ପର୍ଶରେ ଆସିଥିବା ଲୋକଙ୍କୁ କରୋନା ଟେଷ୍ଟ କରିବାକୁ ଅନୁରୋଧ ମଧ୍ୟ କରିଛନ୍ତି। ଏହାସହ ସେ ଶୀଘ୍ର ସୁସ୍ଥ ହୋଇ କାମକୁ ଫେରିବେ ବୋଲି ସାମାଜିକ ଗଣମାଧ୍ୟମରେ ସୂଚନା ଦେଇଛନ୍ତି।