Categories
ଅନ୍ତରାଷ୍ଟ୍ରୀୟ ଆଜିର ଖବର

ବିରୋଧୀ ବିହୀନ ହେଲା ପାକିସ୍ତାନ ସଂସଦ: ଇମ୍ରାନ ଖାନଙ୍କ ଦଳର ସମସ୍ତ ସାଂସଦ ଦେଲେ ଇସ୍ତଫା

ନୂଆଦିଲ୍ଲୀ: ଅବିଶ୍ୱାସ ଭୋଟରେ ପରାଜୟର ସମ୍ମୁଖୀନ ହେବା ପରେ ଇମ୍ରାନ ଖାନଙ୍କୁ କ୍ଷମତାରୁ ବହିଷ୍କୃତ କରାଯାଇଛି। କିନ୍ତୁ ସେ ପୁଣି ଥରେ ଏହି ଚେୟାର ପାଇବା ପାଇଁ ସମସ୍ତ କୌଶଳ କରୁଛନ୍ତି। ବର୍ତ୍ତମାନ ତାଙ୍କ ଦଳର ୧୨୩ ସାଂସଦ ସଂସଦରୁ ଇସ୍ତଫା ଦେଇଛନ୍ତି। ଏହା ପରେ ବର୍ତ୍ତମାନ ସଂସଦ ବିରୋଧୀ ଶୂନ୍ୟ ହୋଇପଡିଛି। ପାକିସ୍ତାନ ତେହେରିକ-ଇ-ଇନସାଫ ନେତା ତଥା ପୂର୍ବତନ ମନ୍ତ୍ରୀ ଫାରୁକ ହବିବ ଗୁରୁବାର କହିଛନ୍ତି ଯେ, ରାଷ୍ଟ୍ରୀୟ ସଂସଦ କାର୍ଯ୍ୟକାରୀ ବାଚସ୍ପତି କାସୀମ ସୁରୀ ଆମ ଦଳର ୧୨୩ ସାଂସଦଙ୍କ ଇସ୍ତଫା ଗ୍ରହଣ କରିଛନ୍ତି। ଏଭଳି ପରିସ୍ଥିତିରେ ବର୍ତ୍ତମାନ ପାକିସ୍ତାନରେ ସାଧାରଣ ନିର୍ବାଚନ ଜରୁରୀ ହୋଇପଡିଛି।

ଅନ୍ୟପକ୍ଷରେ, ଇମ୍ରାନ ଖାନ ପାକିସ୍ତାନର ନିର୍ବାଚନ ଆୟୋଗକୁ ଏକ ଚିଠି ପଠାଇ କିଛି ସଂସଦୀୟ କମିଟିର ସଦସ୍ୟ ଥିବା ତାଙ୍କର ସମସ୍ତ ସାଂସଦଙ୍କ ନାମ ପ୍ରତ୍ୟାହାର କରିଛନ୍ତି। ତାଙ୍କ ଦଳର ସଦସ୍ୟମାନଙ୍କୁ ସଂସଦର କୌଣସି କମିଟିରେ ଅନ୍ତର୍ଭୁକ୍ତ କରାଯିବା ଉଚିତ ନୁହେଁ ବୋଲି ସେ ଆୟୋଗକୁ ନିବେଦନ କରିଛନ୍ତି। କାରଣ ସେମାନଙ୍କର ସାଂସଦମାନେ ଇସ୍ତଫା ଦେଇଛନ୍ତି, ଏହା କରିବା ଠିକ୍ ହେବ ନାହିଁ। ସେ କହିଛନ୍ତି ଯେ, ସେ ଏବଂ ତାଙ୍କ ଦଳ କୌଣସି ପ୍ରକାରେ ନୂତନ ସରକାରରେ ଜଡିତ ହେବାକୁ ଚାହୁଁନାହାଁନ୍ତି।

Categories
ଅନ୍ତରାଷ୍ଟ୍ରୀୟ ଆଜିର ଖବର

ନିଜ ପ୍ରିୟଜନଙ୍କୁ ଛାଡି ଇସଲାମାବାଦରୁ ପଳାଇଲେ ଇମ୍ରାନ ଖାନ

ନୂଆଦିଲ୍ଲୀ: ପାକିସ୍ତାନରେ ଅବିଶ୍ୱାସ ପ୍ରସ୍ତାବରେ ବିରୋଧୀଙ୍କ ବିଜୟ ପରେ ଇମ୍ରାନ ଖାନ ଇସଲାମାବାଦ ଛାଡିଥିବା ବେଳେ ଅନ୍ୟପକ୍ଷରେ ତାଙ୍କ ନିକଟତମ ଲୋକଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି। ଇମ୍ରାନ ଖାନଙ୍କ ମୁଖପାତ୍ର ଡକ୍ଟର ଆର୍ସଲାନ ଖାଲିଦଙ୍କ ଘରେ ଚଢାଉ କରାଯାଇଛି। ସୂଚନାନୁସାରେ, ଆର୍ସଲାନଙ୍କ ପରିବାରର ସମସ୍ତ ସଦସ୍ୟଙ୍କଠାରୁ ଫୋନ୍‌ ମଧ୍ୟ ଛଡ଼ାଇନିଆଯାଇଛି।

ପିଟିଆଇ ଦଳ ନିଜେ ଟ୍ୱିଟ୍ କରି ଆର୍ସଲାନ୍ ଖାଲିଦଙ୍କ ଘରେ ହୋଇଥିବା ଚଢାଉ ସମ୍ପର୍କରେ ସୂଚନା ଦେଇଛି। ପାର୍ଟି ପକ୍ଷରୁ କୁହାଯାଇଛି ଯେ, “ଏହା ଅତ୍ୟନ୍ତ ବିବ୍ରତ ଖବର। ଡକ୍ଟର ଆର୍ସଲାନ ଖାଲିଦଙ୍କ ଘରେ ଚଢାଉ କରାଯାଇଛି। ତାଙ୍କ ପରିବାରର ସମସ୍ତ ସଦସ୍ୟଙ୍କ ଠାରୁ ମୋବାଇଲ୍ ଫୋନ୍ ମଧ୍ୟ ଛଡ଼ାଇ ନିଆଯାଇଛି।”

ଦଳ କହିଛି ଯେ, ସୋସିଆଲ ମିଡିଆରେ ଆର୍ସଲାନ କାହାକୁ କିଛି କହି ନାହାଁନ୍ତି କିମ୍ବା କୌଣସି ଅପମାନଜନକ ଶବ୍ଦ ବ୍ୟବହାର କରିନାହାଁନ୍ତି। ତେବେ ଆର୍ସଲାନଙ୍କ ଘରେ ହୋଇଥିବା ଚଢାଉର କାରଣ ସମ୍ପର୍କରେ କୌଣସି ସଠିକ୍ ସୂଚନା ନାହିଁ।

ପ୍ରକାଶ ଯୋଗ୍ୟ ଯେ, ଇମ୍ରାନ ଖାନ, ଫୱାଦ ଚୌଧୁରୀଙ୍କ ସମେତ ଶାହ ମାସୁଦଙ୍କ ବିରୋଧରେ ଏକ ପିଟିସନ ଦାଖଲ କରାଯାଇଛି। ସୂଚନାନୁସାରେ, ଏପ୍ରିଲ ୧୧ ତାରିଖରେ ହାଇକୋର୍ଟଙ୍କ ଦ୍ଵାରା ଶୁଣାଣି ହେବ। ଏହି ତିନିଜଣଙ୍କ ନାମକୁ ଏକ୍ଜିଟ୍ କଣ୍ଟ୍ରୋଲ୍ ତାଲିକାରେ ରଖିବାକୁ ଦାବି ରହିଛି। ଏଥିପାଇଁ ଇମ୍ରାନ ଖାନଙ୍କୁ ଦେଶ ଛାଡିବାକୁ ବାରଣ କରାଯାଇଛି।

Categories
ବିଶେଷ ଖବର

ପୁନର୍ବାର ଭାରତକୁ ପ୍ରଶଂସା କଲେ ଇମ୍ରାନ ଖାନ, ଭାରତୀୟ ସେନାକୁ ନେଇ କହିଲେ ଏଭଳି କଥା

ନୂଆଦିଲ୍ଲୀ: ପାକିସ୍ତାନର ପ୍ରଧାନମନ୍ତ୍ରୀ ଇମ୍ରାନ ଖାନ ପୁଣିଥରେ ଭାରତକୁ ପ୍ରଶଂସା କରିଛନ୍ତି। ଏଥର ସେ ଭାରତୀୟ ସେନାକୁ ପ୍ରଶଂସା କରିଛନ୍ତି। ସେ ଭାରତୀୟ ସେନାକୁ ପ୍ରଶଂସା କରିବା ସହ କହିଛନ୍ତି ଯେ, ସେମାନେ ଦୁର୍ନୀତିଗ୍ରସ୍ତ ନୁହଁନ୍ତି। ଇମ୍ରାନ ଖାନ ଦ୍ୱିତୀୟ ଥର ପାଇଁ ଭାରତର ପ୍ରଶଂସା କରିଛନ୍ତି। ଇମ୍ରାନଙ୍କ ଆସନ ବିପଦରେ ଥିବାବେଳେ ସେ ଭାରତକୁ ଦୁଇ ଦୁଇ ଥର ପ୍ରଶଂସା କରିଛନ୍ତି।

ପାକିସ୍ତାନୀ ସେନାର ନାମକରଣ ନକରି ଇମ୍ରାନ ଖାନ ରବିବାର ଏକ ସାଧାରଣ ସଭାରେ କହିଛନ୍ତି ଯେ, “ମୁଁ ଭାରତକୁ ସଲାମ କରୁଛି। ସେମାନେ ନିଜ ଲୋକଙ୍କ ପାଇଁ କାମ କରନ୍ତି, ଭାରତୀୟ ସେନା ଦୁର୍ନୀତିଗ୍ରସ୍ତ ନୁହଁନ୍ତି ଏବଂ ନିର୍ବାଚିତ ସରକାରରେ ସେମାନେ କଦାପି ହସ୍ତକ୍ଷେପ କରିବେ ନାହିଁ।” ” ଅନ୍ୟପକ୍ଷରେ ପାକିସ୍ତାନୀ ପର୍ଯ୍ୟବେକ୍ଷକମାନେ ଖାନଙ୍କ ବିବୃତ୍ତିକୁ ପାକିସ୍ତାନୀ ସୈନ୍ୟବାହିନୀକୁ କଟାକ୍ଷ ଭଳି ଦେଖୁଛନ୍ତି, ଯାହା ଦେଶର ବୈଦେଶିକ ନୀତି ଏବଂ ସରକାରକୁ ନିୟନ୍ତ୍ରଣ କରିଥାଏ।

ଖବର ମୁତାବକ, ଇମ୍ରାନ ଖାନଙ୍କୁ ପାକିସ୍ତାନ ସେନା ମୁଖ୍ୟ ଜେନେରାଲ କମର ଜାଭେଦ୍ ବାଜୱା ଏବଂ ଆଇଏସଆଇ ମୁଖ୍ୟ ଲେଫ୍ଟ ଜେନେରାଲ ନଦୀମ ଅଞ୍ଜୁମ ଏହି ମାମଲାକୁ ଆଗକୁ ନ ନେଇ ଇସ୍ତଫା ଦେବାପାଇଁ ପରାମର୍ଶ ଦେଇଥିଲେ। ସୂଚନାନୁସାରେ, ଇମ୍ରାନ ଖାନ ନିରପେକ୍ଷତା ଉପରେ ବାଜୱାଙ୍କ ନିକଟରେ ଅଭିଯୋଗ କରିଥିବାବେଳେ ସେନା ମୁଖ୍ୟ ତାଙ୍କୁ ସମ୍ବିଧାନ ଅନୁସରଣ କରିବାକୁ ଏବଂ ଦାୟିତ୍ଵବୋଧକ କାର୍ଯ୍ୟ କରିବାକୁ ପରାମର୍ଶ ଦେଇଥିଲେ। ସୂଚନାନୁସାରେ, ଇମ୍ରାନ ଖାନଙ୍କୁ ବାଜୱା ଆସନ ଛାଡିବାକୁ ମଧ୍ୟ କହିଛନ୍ତି।

ଇମ୍ରାନ ଖାନ କୌଣସି ମୂଲ୍ୟରେ ସେନାର ଆଦେଶ ମାନିବା ପାଇଁ ମନୋବୃତ୍ତିରେ ନାହାଁନ୍ତି ଏବଂ ତାଙ୍କ ପଦ ଛାଡ଼ିବା ପରିବର୍ତ୍ତେ ସେ ଏହି ଯୁଦ୍ଧକୁ ରାସ୍ତା ପର୍ଯ୍ୟନ୍ତ ନେବାକୁ ସ୍ଥିର କରିଛନ୍ତି। ବିଧାନସଭାରେ ତାଙ୍କ ବିରୋଧରେ ଅବିଶ୍ୱାସ ପ୍ରସ୍ତାବର ଗୋଟିଏ ଦିନ ପୂର୍ବରୁ ମାର୍ଚ୍ଚ ୨୭ ତାରିଖରେ ପାକିସ୍ତାନ ସଂସଦରେ ପହଞ୍ଚିବାକୁ ସେ ତାଙ୍କ ସମର୍ଥକଙ୍କୁ ନିବେଦନ କରିଛନ୍ତି। ସେ ତାଙ୍କ ଟ୍ୱିଟରେ ଲେଖିଛନ୍ତି ଯେ, ପାକିସ୍ତାନର ପ୍ରାଣ ପାଇଁ ଲଢିବାକୁ ସର୍ବସାଧାରଣମାନେ ଉପସ୍ଥିତ ରହି ସମସ୍ତ ରେକର୍ଡ ଭାଙ୍ଗିଦିଅନ୍ତୁ ବୋଲି କହିଛନ୍ତି।

ବାସ୍ତବରେ, ଏକ ଆଲୋଚନା ହେଉଛି ଯେ, ଇମ୍ରାନ ଖାନଙ୍କୁ କ୍ଷମତାକୁ ଆଣିବାରେ ସେନା ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲା। ବର୍ତ୍ତମାନ ଯେହେତୁ ଇମ୍ରାନ ଖାନ ବିଶେଷ କିଛି କରିବାକୁ ସକ୍ଷମ ନୁହଁନ୍ତି, ତେବେ ତାଙ୍କୁ ହଟାଇବା ପାଇଁ ସମସ୍ତ ପ୍ରସ୍ତୁତି ଚାଲିଛି। ତାଙ୍କ ବିରୋଧରେ ଏକ ଅବିଶ୍ୱାସ ପ୍ରସ୍ତାବ ଆସିଛି। ସେ ଏହି ପ୍ରସଙ୍ଗରେ ସେନାର ସାହାଯ୍ୟ ଚାହୁଁଥିଲେ, କିନ୍ତୁ ସେନା ସାହାଯ୍ୟ କରିବାକୁ ମନା କରିଦେଇଥିଲା। କୁହାଯାଉଛି ଯେ ବାଜୱା ତାଙ୍କୁ ଇସ୍ତଫା ଦେବାକୁ କହିଛନ୍ତି। ବର୍ତ୍ତମାନ ଆସନ ବଞ୍ଚାଇବା ପାଇଁ ସେନାର ସାହାଯ୍ୟ ଆବଶ୍ୟକ କରୁଥିବା ବେଳେ ସେନା ପଛକୁ ହଟିଯାଇଛି। ଏହି ସବୁ କାରଣ ସେନାବାହିନୀ ଉପରେ ଇମ୍ରାନ ଖାନ କ୍ରୋଧିତ ହୋଇଛନ୍ତି।

Categories
ଅନ୍ତରାଷ୍ଟ୍ରୀୟ ଆଜିର ଖବର

ଯେତେବେଳେ ବିପଦ ଆସିଲା, ଭାରତକୁ ମନ ପକାଇ ପ୍ରଶଂସା କଲେ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ

ନୂଆଦିଲ୍ଲୀ: ରାଜନୈତିକ ସଙ୍କଟ ଏବଂ ପ୍ରଧାନମନ୍ତ୍ରୀଙ୍କ ଆସନ ଉପରେ ଆସୁଥିବା ବିପଦ ମଧ୍ୟରେ ପାକ୍ ପ୍ରଧାନମନ୍ତ୍ରୀ ଇମ୍ରାନ ଖାନ ଭାରତକୁ ତୀବ୍ର ପ୍ରଶଂସା କରିଛନ୍ତି। ସେ ବିରୋଧ କରୁଥିବା ଦଳର ସାଂସଦମାନଙ୍କୁ କହିଥିଲେ ଯେ, ସମସ୍ତେ ଫେରି ଆସ, ମୁଁ କ୍ଷମା କରିଦେବି। ସେ କହିଛନ୍ତି ମୁଁ ଭାରତକୁ ପ୍ରଶଂସା କରୁଛି। ଭାରତ ସର୍ବଦା ଏକ ସ୍ଵାଧୀନ ବୈଦେଶିକ ନୀତି ବଜାୟ ରଖିଛି। ଭାରତ ଆମେରିକାର ସହଯୋଗୀ ଏବଂ ନିଜକୁ ନିରପେକ୍ଷ ବୋଲି କହିଛି। ସେପଟେ ଭାରତ ଋଷରୁ ତୈଳ ନେଉଛି। କାରଣ ଲୋକଙ୍କ ଉନ୍ନତି ପାଇଁ ଭାରତର ବୈଦେଶିକ ନୀତି କାର୍ଯ୍ୟ କରୁଛି।

ଏଥିସହିତ ଇମ୍ରାନ ଖାନ ଏହା ମଧ୍ୟ କହିଛନ୍ତି ଯେ, ପାକିସ୍ତାନର ଲୋକଙ୍କ ପାଇଁ ଆମେ ନାମାଜ ଏବଂ ଆଜାନରେ କେବଳ ଗୋଟିଏ ଜିନିଷ ମାଗୁଛୁ। ଆମ ଆଗରେ ଦୁଇଟି ରାସ୍ତା ଅଛି। ଗୋଟିଏ ପଟେ ପାକିସ୍ତାନର ବଡ ଡକାୟତମାନେ ଏକାଠି ହୋଇଛନ୍ତି ଏବଂ ଅନ୍ୟ ପଟେ ଏପରି ଲୋକ ଅଛନ୍ତି ଯେଉଁମାନେ ଏହି ଡକାୟତ ବିରୁଦ୍ଧରେ ୨୫ ବର୍ଷ ଧରି ଲଢୁଛନ୍ତି। ଦେଶ ସ୍ଥିର କରିବାର ସମୟ ଆସିଛି। ଇମ୍ରାନ ଖାନ କହିଛନ୍ତି ଯେ, ଏହି ଡକାୟତମାନେ ଚୋରି ଟଙ୍କାରେ ଆମ ସାଂସଦମାନଙ୍କୁ କିଣିବାକୁ ଚେଷ୍ଟା କରୁଛନ୍ତି।

Categories
ଅନ୍ତରାଷ୍ଟ୍ରୀୟ ଜାତୀୟ ଖବର ବିଶେଷ ଖବର

ଇମ୍ରାନ ଖାନଙ୍କୁ ଋଷର ବଡ ଝଟକା: କାଶ୍ମୀର ପ୍ରସଙ୍ଗରେ ନିରାଶ ହେଲା ପାକିସ୍ତାନ

ମସ୍କୋ: କାଶ୍ମୀର ପ୍ରସଙ୍ଗରେ ପୁଣି ଥରେ ପାକିସ୍ତାନ ନିରାଶ ହୋଇଛି। ବାସ୍ତବରେ ଋଷ ଗଣମାଧ୍ୟମରେ ଏହି ଖବରକୁ ପ୍ରତ୍ୟାଖ୍ୟାନ କରିଛି, ଯେଉଁଥିରେ କାଶ୍ମୀରକୁ ଅନ୍ୟ ପାଲେଷ୍ଟାଇନ ହେବାକୁ ଯାଉଛି ବୋଲି ବର୍ଣ୍ଣନା କରାଯାଇଛି। ଏଥିସହ ଋଷ ଭାରତ ଏବଂ ପାକିସ୍ଥାନ ମଧ୍ୟରେ ଦ୍ୱିପାକ୍ଷିକ ପ୍ରସଙ୍ଗ ବୋଲି ନିଜର ଆଭିମୁଖ୍ୟକୁ ଦୋହରାଇଛି। ଏହି ବିବୃତ୍ତି ଏପରି ଏକ ସମୟରେ ଆସିଛି ଯେତେବେଳେ ଇମ୍ରାନ ଖାନ ଋଷ ଗସ୍ତ କରିବେ ବୋଲି ଆଶା କରାଯାଉଛି।

‘ରେଡଫିସ୍’ ଡିଜିଟାଲ୍ ମିଡିଆ ପ୍ଲାଟଫର୍ମ କାଶ୍ମୀରରେ ଏକ ନୂତନ ଡକ୍ୟୁମେଣ୍ଟାରୀର ଟ୍ରେଲର ରିଲିଜ୍ ହେବାର କିଛି ଦିନ ପରେ ଋଷର ପ୍ରତିକ୍ରିୟା ଆସିଛି। ଯେଉଁତିରେ ଏଭଳି ଅଭିଯୋଗ ହୋଇଥିଲା।

ରେଡଫିସ୍ ମିଡିଆକୁ ଟ୍ୱିଟରରେ ଋଷ ସରକାରଙ୍କ ସହ ଜଡିତ ମିଡିଆ’ ଭାବରେ ଚିତ୍ରଣ କରାଯାଇଛି। କାଶ୍ମୀର ପ୍ରସଙ୍ଗରେ ଏହାର ସରକାରୀ ଆଭିମୁଖ୍ୟରେ କୌଣସି ପରିବର୍ତ୍ତନ ହୋଇନାହିଁ ଏବଂ ଦ୍ୱିପାକ୍ଷିକ ବିବାଦରେ ଋଷର ହସ୍ତକ୍ଷେପ ନକରିବା ନୀତି ଉପରେ ଋଷର ଦୂତାବାସ ଏକ ବିବୃତ୍ତିରେ କହିଛି।

ଏହି ପ୍ରସଙ୍ଗରେ କେବଳ ଭାରତ ଏବଂ ପାକିସ୍ତାନ ସମାଧାନ ହେବା ଉଚିତ ବୋଲି ବିବୃତ୍ତିରେ କୁହାଯାଇଛି।

ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ ଚଳିତ ମାସ ଶେଷରେ ଋଷ ଗସ୍ତ କରିବେ ବୋଲି ଆଶା କରାଯାଉଛି। ଯାହା ଦୁଇ ଦଶନ୍ଧି ମଧ୍ୟରେ ପାକିସ୍ତାନୀ ପ୍ରଧାନମନ୍ତ୍ରୀଙ୍କ ମସ୍କୋକୁ ପ୍ରଥମ ଗସ୍ତ ହେବ। କୂଟନୈତିକ ସୂତ୍ରରୁ ପ୍ରକାଶ ଯେ ଫେବୃଆରୀ ୨୩ ରୁ ୨୬ ତାରିଖ ମଧ୍ୟରେ ଖାନ ଋଷ ଗସ୍ତ କରିବେ ବୋଲି ଆଶା କରାଯାଉଛି।

Categories
ଆଜିର ଖବର ଜାତୀୟ ଖବର

ଇମ୍ରାନ ଖାନ ମୋର ବଡ଼ ଭାଇ, ମୋତେ ବହୁତ ପ୍ରେମ ଦେଇଛନ୍ତି: ନବଜୋତ ସିଂ ସିଦ୍ଧୁଙ୍କ ପାକିସ୍ତାନ ପ୍ରେମ

ନୂଆଦିଲ୍ଲୀ: ପଞ୍ଜାବ କଂଗ୍ରେସ ସଭାପତି ନବଜୋତ ସିଂ ସିଦ୍ଧୁଙ୍କ ପାକିସ୍ତାନ ପ୍ରତି ଥିବା ପ୍ରେମ ପୁଣି ଥରେ ପ୍ରତିଫଳିତ ହୋଇଛି। କଂଗ୍ରେସ ନେତା ନବଜୋତ ସିଂ ସିଦ୍ଧୁ ପାକିସ୍ତାନର ପ୍ରଧାନମନ୍ତ୍ରୀ ଇମ୍ରାନ ଖାନଙ୍କୁ ତାଙ୍କ ଭାଇ ବୋଲି କହିଛନ୍ତି। ସେ କହିଛନ୍ତି ଯେ ଇମ୍ରାନ ଖାନ ତାଙ୍କୁ ବହୁତ ପ୍ରେମ ଦେଇଛନ୍ତି। ଇମ୍ରାନ ଖାନ ମଧ୍ୟ କରତାରପୁର କରିଡର ପାଇଁ ନବଜୋତ ସିଂ ସିଦ୍ଧୁଙ୍କୁ ପ୍ରଶଂସା କରିଛନ୍ତି।

ସିଦ୍ଧୁଙ୍କ ପାକିସ୍ତାନ ପ୍ରେମ!:

ପଞ୍ଜାବ କଂଗ୍ରେସ ସଭାପତି ନବଜୋତ ସିଂ ସିଦ୍ଧୁ କହିଛନ୍ତି ଯେ, ଇମ୍ରାନ ଖାନ ମୋର ବଡ଼ ଭାଇ। ସେ ମୋତେ ବହୁତ ପ୍ରେମ ଦେଇଛନ୍ତି। ନବଜୋତ ସିଂ ସିଦ୍ଧୁ କରତାରପୁର ସାହିବ ଗସ୍ତରେ ଥିବାବେଳେ ଇମ୍ରାନ ଖାନଙ୍କ ସହ ବନ୍ଧୁତା ବିଷୟରେ ଏହା କହିଛନ୍ତି। ନବଜୋତ ସିଂ ସିଦ୍ଧୁ ଶନିବାର ଦିନ ଗୁରୁଦାସପୁରର ଡେରା ବାବା ନାନକଙ୍କ କରତାରପୁର କରିଡରର ଚେକ୍ ପୋଷ୍ଟରେ ପହଞ୍ଚି ପାକିସ୍ତାନର କରତାରପୁରର ଗୁରୁଦ୍ୱାର ଦରବାର ସାହିବ ପରିଦର୍ଶନ କରିଛନ୍ତି। ଏହି ସମୟରେ ସିଦ୍ଧୁଙ୍କ ସହ ତାଙ୍କର କିଛି ଘନିଷ୍ଠ ନେତା ମଧ୍ୟ ନଜର ଆସିଥିଲେ।

ଉଲ୍ଲେଖନୀୟ କଥା ହେଉଛି, ପାକିସ୍ତାନର ଇମ୍ରାନ ଖାନ ସରକାର କ୍ରିକେଟର-ରାଜନେତା ନବଜୋତ ସିଂ ସିଦ୍ଧୁଙ୍କୁ ଦୁଇ ଦେଶ ମଧ୍ୟରେ ଶିଖ୍ ତୀର୍ଥସ୍ଥାନ କରତାରପୁର ସାହିର କରିଡର ଖୋଲିବାରେ ତାଙ୍କର ଭୂମିକା ପାଇଁ ପ୍ରଶଂସା କରିଛନ୍ତି। ୨୦୧୮ରେ ଇମ୍ରାନ ଖାନ ଏବଂ ସିଦ୍ଧୁଙ୍କ ସମ୍ପର୍କକୁ ନେଇ ଚର୍ଚ୍ଚା ଜୋର ଧରିଥିଲା, ଯେତେବେଳେ ସିଦ୍ଧୁ ପାକିସ୍ତାନର ପ୍ରଧାନମନ୍ତ୍ରୀଙ୍କ ଶପଥ ଗ୍ରହଣ ସମାରୋହରେ ଯୋଗଦେବାକୁ ଯାଇଥିଲେ। ଉଭୟ ନେତା ପରସ୍ପର ସହ ବନ୍ଧୁତା ପ୍ରସଙ୍ଗକୁ ସର୍ବଦା ଗ୍ରହଣ କରିଛନ୍ତି।

Categories
ଅନ୍ତରାଷ୍ଟ୍ରୀୟ ଆଜିର ଖବର ଖେଳ ଜାତୀୟ ଖବର

ଭାରତକୁ ପରାସ୍ତ କରିବା ପରେ ଉତ୍ସବ ମୁଖର ହେଲା ପାକିସ୍ତାନ: ଇମ୍ରାନ ଖାନ ଦେଲେ ଏଭଳି ମନ୍ତବ୍ୟ

ନୂଆଦିଲ୍ଲୀ: ଆଇସିସି ବିଶ୍ୱକପରେ ଭାରତ ବିରୋଧରେ କ୍ରମାଗତ ୧୨ଟି ମ୍ୟାଚ୍ ହାରିବା ପରେ ଗତକାଲି ଏଥିରୁ ବ୍ରେକ ଲାଗିଛି। ଗତକାଲି ଭାରତକୁ ପରାଜିତ କରିବା ପରେ ପାକିସ୍ତାନର କ୍ରିକେଟ୍ ପ୍ରଶଂସକମାନେ ଉତ୍ସବ ପାଳନ କରିବାକୁ ରାସ୍ତାକୁ ଓହ୍ଲାଇଛନ୍ତି।

ଉତ୍ସାହିତ ପ୍ରଶଂସକମାନେ କରାଚିରେ କାର୍ ହର୍ନ ବଜାଇ ଏବଂ ବାଣ ଫୁଟାଇ ଖୁସି ମନାଇଥିଲେ। ସେଠାରେ ସର୍ବସାଧାରଣ ସ୍ଥାନରେ ବଡ଼ ପରଦା ସ୍ଥାପନ କରାଯାଇଥିଲା ଏବଂ କରୋନା ପ୍ରତିବନ୍ଧକ ରିହାତି ପରେ ହୋଟେଲରେ ମଧ୍ୟ ମ୍ୟାଚ୍ ପ୍ରସାରଣ ପାଇଁ ବ୍ୟବସ୍ଥା କରାଯାଇଥିଲା। କେତେକ ସ୍ଥାନରେ ବିଜୟ ଉତ୍ସବରେ ପୋଲିସ ଗୁଳି ଚଳାଇବାର ଘଟଣା ମଧ୍ୟ ଦେଖିବାକୁ ମିଳିଛି। ପ୍ରଧାନମନ୍ତ୍ରୀ ତଥା ୧୯୯୨ ବିଶ୍ୱକପ ବିଜେତା ଦଳର ପୂର୍ବତନ ଅଧିନାୟକ ଇମ୍ରାନ ଖାନ ଟ୍ୱିଟ କରି କହିଛନ୍ତି ଯେ, ପାକିସ୍ତାନ ଦଳ ଏବଂ ବିଶେଷକରି ବାବର ଆଜମଙ୍କୁ ଅଭିନନ୍ଦନ। ରିଜୱାନ୍ ଏବଂ ଶାହିନ୍ ଶାହା ଆଫ୍ରିଦି ମଧ୍ୟ ଚମତ୍କାର ପ୍ରଦର୍ଶନ କରିଥିଲେ। ଦେଶ ଆପଣଙ୍କ ପାଇଁ ଗର୍ବିତ।

Categories
ଅନ୍ତରାଷ୍ଟ୍ରୀୟ ଆଜିର ଖବର ଜାତୀୟ ଖବର ବ୍ୟବସାୟ

ଭାରତ ସହ ବାଣିଜ୍ୟ ପ୍ରସ୍ତାବକୁ ବାତିଲ କଲେ ଇମ୍ରାନ ଖାନ: ଅସନ୍ତୋଷ ବ୍ୟକ୍ତ କଲେ ପାକିସ୍ଥାନୀ

ନୂଆଦିଲ୍ଲୀ: ବିରୋଧୀ ଦଳଙ୍କ ବିରୋଧ ପରେ ପାକିସ୍ଥାନ ପ୍ରଧାନମନ୍ତ୍ରୀ ଇମ୍ରାନ ଖାନ ଭାରତକୁ ଚିନି ଏବଂ କପା ରପ୍ତାନି ପ୍ରସ୍ତାବକୁ ରଦ୍ଦ କରିଛି। ପୂର୍ବରୁ ପାକିସ୍ତାନର ଇକୋନୋମିକ କୋର୍ଡିନେସନ କମିଟି ଏବଂ ଭାରତ ମଧ୍ୟରେ ପୁଣି ଥରେ ବାଣିଜ୍ୟ ସମ୍ପର୍କ ପାଇଁ ପ୍ରସ୍ତାବ ହୋଇଥିଲା। ହେଲେ ଏଥିରେ ବିରୋଧୀ ଦଳର ବିରୋଧ ପରେ ଇମ୍ରାନ ଖାନ ଏହାକୁ ବାତିଲ କରିଦେଇଛନ୍ତି।

ଯେପର୍ଯ୍ୟନ୍ତ ଜମ୍ମୁ-କାଶ୍ମୀରରେ ୩୭୦ ଧାରା ଲାଗୁ କରାଯାଇନି, ସେପର୍ଯ୍ୟନ୍ତ ଭାରତ ସହ ସମ୍ପର୍କରେ ସାମାନ୍ୟ ହେବା ଅସମ୍ଭବ ବୋଲି ପାକିସ୍ତାନ କହିଛି। ବିରୋଧୀଙ୍କ ଚାପରେ ଯଦିବା ପାକିସ୍ଥାନ ଏଭଳି ନିଷ୍ପତ୍ତି ନେଇଛି, ହେଲେ ବର୍ତ୍ତମାନ ପାକିସ୍ଥାନର ଶିଲ୍ପପତି ଏବଂ ଦର ବୃଦ୍ଧିରେ ଅସ୍ତବ୍ୟସ୍ତ ହେଉଥିବା ସାଧାରଣ ଜନତା ସରକାର ଉପରେ ଅସନ୍ତୋଷ ବ୍ୟକ୍ତ କରିଛନ୍ତି।

Categories
ଅନ୍ତରାଷ୍ଟ୍ରୀୟ ଆଜିର ଖବର ଜାତୀୟ ଖବର

ପ୍ରଧାନମନ୍ତ୍ରୀ ମୋଦୀଙ୍କ ଆଲୋଚନା ଲାଗି ପାକିସ୍ଥାନକୁ ଚିଠି ଲେଖିବା ଏକ ଭଲ ପଦକ୍ଷେପ: ମହବୁବା ମୁଫ୍ତି

ନୂଆଦିଲ୍ଲୀ: ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପାକିସ୍ଥାନ ସହ ଆଲୋଚନା ଲାଗି ଇମ୍ରାନ ଖାନଙ୍କୁ ଏକ ଚିଠି ଲେଖିଛନ୍ତି। ପିଡିପି ଅଧ୍ୟକ୍ଷ ମହବୁବା ମୁଫ୍ତି ଏହାକୁ ନେଇ ସନ୍ତୋଷ ବ୍ୟକ୍ତ କରିଛନ୍ତି।

ଏକ ଟ୍ବିଟ ମାଧ୍ୟମରେ ମହବୁବା ଉଲ୍ଲେଖ କରିଛନ୍ତି ଯେ, ପ୍ରଧାନମନ୍ତ୍ରୀ ମୋଦୀଙ୍କ ଦ୍ଵାରା ଏଭଳି ପ୍ରୟାସ ଏକ ଉଚିତ୍ ପଦକ୍ଷେପ ଅଟେ। ଯେମିତି ବାଜପେୟୀ କହୁଥିଲେ କି, ବନ୍ଧୁ ବଦଳି ପାରନ୍ତି, କିନ୍ତୁ ପଡୋଶି ନୁହେଁ। ମୁଁ ଆଶା କରୁଛି କି, ଏହି ଆଲୋଚନା ସମାଧାନ ପ୍ରକ୍ରିୟା ଆଡକୁ ଯିବ। ଏବଂ କାଶ୍ମୀରରେ ଶାନ୍ତି ଫେରିବ ବୋଲି ମୁଫ୍ତି କହିଛନ୍ତି।

ଉଲ୍ଲେଖ ଯୋଗ୍ୟ ଯେ, ଗତକାଲି ପାକିସ୍ଥାନ ଦିବସ ଅବସରରେ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏକ ଚିଠି ଲେଖି ପାକିସ୍ଥାନ ଲୋକଙ୍କୁ ଶୁଭକାମନା ଜଣାଇଥିଲେ। ଗୋଟିଏ ପଡୋଶୀ ଦେଶ ଭାବେ ଭାରତ ସବୁବେଳେ ପାକିସ୍ଥାନ ଲୋକଙ୍କ ସହ ଶୌହାର୍ଦ୍ଧ୍ୟପୂର୍ଣ୍ଣ ସମ୍ପର୍କ ରଖିବାକୁ ଇଚ୍ଛା କରିଥାଏ। ଏଥିପାଇଁ ଅବିଶ୍ଵାସ, ଆତଙ୍କ ଏବଂ ଶତୃତାକୁ ଦୂରେଇ ଏକ ସକାରାତ୍ମକ ବାତାବରଣ ତିଆରି କରିବା ଆବଶ୍ୟକ ବୋଲି ମୋଦୀ ଏହି ପତ୍ରରେ ଲେଖିଥିଲେ।

Categories
ଅନ୍ତରାଷ୍ଟ୍ରୀୟ ଆଜିର ଖବର ସ୍ବାସ୍ଥ୍ୟ

ପାକିସ୍ଥାନ ପ୍ରଧାନମନ୍ତ୍ରୀ ଇମ୍ରାନ ଖାନ କରୋନାରେ ସଂକ୍ରମିତ: ନେଇଥିଲେ ଚାଇନା ଟୀକା

ନୂଆଦିଲ୍ଲୀ: ପାକିସ୍ଥାନ ପ୍ରଧାନମନ୍ତ୍ରୀ ଇମ୍ରାନ ଖାନ କରୋନାରେ ସଂକ୍ରମିତ ହୋଇଛନ୍ତି। ଇମ୍ରାନଙ୍କ ସ୍ଵତନ୍ତ୍ର ସହକାରୀ ( ସ୍ୱାସ୍ଥ୍ୟ ସେବା) ଫେଜଲ ସୁଲତାନ ଏନେଇ ସୂଚନା ଦେଇଛନ୍ତି। ବର୍ତ୍ତମାନ ସେ ଆଇସୋଲେସନରେ ଅଛନ୍ତି।

ହେଲେ ଇମ୍ରାନ ଖାନ ସିନୋଭାକ ଏବଂ ସିନୋଫାର୍ମ ନାମକ ଚାଇନିଜ କରୋନା ଟୀକା ନେଇଥିଲେ। କରୋନା ଟିକା ନେବା ପରେ ମଧ୍ୟ ଇମ୍ରାନ କରୋନାରେ ସଂକ୍ରମଣ ହୋଇଛନ୍ତି। ପ୍ରଧାନମନ୍ତ୍ରୀ ଇମ୍ରାନ ଖାନ ସଂକ୍ରମଣ ହେଲା ପରେ ତାଙ୍କର ସମସ୍ତ ଅଧିକାରୀ ଏବଂ ସଂସ୍ପର୍ଶରେ ଆସିଥିବା ଲୋକଙ୍କୁ କରୋନା ପରୀକ୍ଷା କରାଯାଉଛି।