ବାଣପୁର (ସୀତାରାମ ଅଗ୍ରୱାଲ): ୭୫ ବର୍ଷ ପୂର୍ତ୍ତି ଅବସରରେ ବନ ମହୋତ୍ସବ ପାଳିତ ସହିତ ‘ମା’ ପାଇଁ ଗଛଟିଏ’ ବୃକ୍ଷ ରୋପଣ କାର୍ଯ୍ୟକ୍ରମ ହୋଇଯାଇଛି। ଏକତା ପରିଷଦ ଟ୍ରଷ୍ଟ ତରଫରୁ ଚଳିତ ବର୍ଷ ଦୁଇ ହଜାର ବୃକ୍ଷ ରୋପଣ କରିବାକୁ ଲକ୍ଷ୍ୟ ରଖିଥିବା ବେଳେ ଆଜି ପଚାଶରୁ ଉର୍ଦ୍ଧ୍ଵ ଗଛ ଏକତା ପରିଷଦ ଟ୍ରଷ୍ଟ ତରଫରୁ ବରବରା ପଞ୍ଚାୟତ ଗୁରୁପଡା ଗ୍ରାମ ଅଞ୍ଚଳରେ ଲାଗିଛି।
ଅଙ୍ଗନୱାଡି କର୍ମୀ ଲକ୍ଷ୍ମୀ ପ୍ରଧାନଙ୍କ ନେତୃତ୍ୱରେ ଏ. ସି. ମେମ୍ବର ବୋଇତ ପ୍ରଧାନ, କାଫିନ ପ୍ରଧାନ, ହୀନ ପ୍ରଧାନ, ବାରି ପ୍ରଧାନ ସି.ଆର.ପି.ପ୍ରତିମା ପ୍ରଧାନ, ଝୁଜୁ ପ୍ରଧାନ ଓ କିଶୋରୀ ବାଳିକା ମାନେ ଯୋଗ ଦେଇ କାର୍ଯ୍ୟକ୍ରମକୁ ଆଗକୁ ବଢ଼ାଇଥିଲେ। ତାଙ୍କୁ ସହଯୋଗ କରିଥିଲେ ଏକତା ପରିଷଦ ଟ୍ରଷ୍ଟର ପରିଚାଳିକା ସନ୍ଧ୍ୟା ଦେବୀ ଓ ତାରା ପ୍ରସାଦ ବାରିକ ସେଠାରେ ଉପସ୍ଥିତ ରହିଥିଲେ ତାଙ୍କ ସଙ୍ଗରେ ଥିଲେ ଟୁନି ଦାସ ଟିଟୁ ରାଉତ, ସନ୍ଧ୍ୟାରାଣୀ ବେହେରା।
ଏହି ଅବସରରେ ବୃକ୍ଷର ସୁରକ୍ଷା ସହିତ ବୃକ୍ଷ ନ ଥିଲେ ଆମର କ’ଣ କ’ଣ କ୍ଷତି ହେବ ସେହି ବିଷୟରେ ପିଲାମାନଙ୍କୁ ସନ୍ଧ୍ୟା ଦେବୀ ବୁଝାଇଥିଲେ।
ବନ ମହୋତ୍ସବ ଅବସରରେ ବୃକ୍ଷରୋପଣ କାର୍ଯ୍ୟକ୍ରମ ଓ ଜୈବ ବିବିଧତାର ସୁରକ୍ଷା ପାଇଁ ଜନ ସଚେତନତା ମଧ୍ୟ କରାଯାଇଥିଲା।
