Categories
ଆଜିର ଖବର ରାଜ୍ୟ ଖବର

ହିଂସାକାରୀଙ୍କୁ ସୁରକ୍ଷା ଦେବା ବିଜେପିର ପୁରୁଣା ଅଭ୍ୟାସ: ବିଜେଡି

ଭୁବନେଶ୍ୱର: ସରକାରୀ କର୍ମଚାରୀଙ୍କୁ ଆକ୍ରମଣ କରୁଥିବା ନିଜ ଦଳର ଜନପ୍ରତିନିଧିଙ୍କୁ ସୁରକ୍ଷା ଦେବା ଓଡିଶା ବିଜେପିର ଅଭ୍ୟାସରେ ପରିଣତ ହେଲାଣି। କିଛି ଦିନ ପୂର୍ବରୁ କେନ୍ଦ୍ରମନ୍ତ୍ରୀ ତଥା ମୟୂରଭଞ୍ଜ ଲୋକସଭା ସାଂସଦ ବିଶେଶ୍ୱର ଟୁଡୁ ମୟୂରଭଞ୍ଜ ଜିଲ୍ଲା ଅଧିକାରୀଙ୍କୁ ଆକ୍ରମଣ କରିଥିଲେ। ଗତକାଲି ଦେବଗଡ ବିଜେପି ବିଧାୟକ ସୁବାସ ପାଣିଗ୍ରାହୀ ଦେବଗଡ ଜିଲ୍ଲା ତିଲେଇବଣି ବିଡିଓଙ୍କୁ ଆକ୍ରମଣ କରିଥିବା ଘଟଣାରୁ ଏହା ସ୍ପଷ୍ଟ ହୋଇଥିବା କହିଛନ୍ତି ବିଜେଡି ମୁଖପାତ୍ର ଲେନିନ୍ ମହାନ୍ତି।

ବିଜେପି ସାମ୍ବାଦିକ ସମ୍ମିଳନୀର ଜବାବ ଦେଇ ବିଜେଡି ମୁଖପାତ୍ର ଶ୍ରୀ ମହାନ୍ତି କହିଛନ୍ତି ଯେ ସରକାରୀ କର୍ମଚାରୀଙ୍କୁ ଗାଳିଗୁଲଜ ଓ ଭୟଭୀତ କରିବା ଓଡିଶାର ବିଜେପି ଜନପ୍ରତିନିଧୀଙ୍କ ଅଭ୍ୟାସରେ ପରିଣତ ହୋଇଛି ଏବଂ ସେମାନଙ୍କ ଏଭଳି ହିଂସାକୁ ନିନ୍ଦା କରିବା ପରିବର୍ତ୍ତେ ସେମାନଙ୍କୁ ସୁରକ୍ଷା ଦେବା ଓଡିଶା ବିଜେପିର ଏକ ଅଭ୍ୟାସରେ ପରିଣତ ହୋଇଛି।

ଯେତେବେଳେ କେନ୍ଦ୍ରମନ୍ତ୍ରୀ ତଥା ବିଜେପିର ଲୋକସଭା ସାଂସଦ ସରକାରୀ କର୍ମଚାରୀଙ୍କୁ ଆକ୍ରମଣ କରିଥିଲେ, ଆମେ ଆଶା କରିଥିଲୁ ଯେ ଓଡିଶା ବିଜେପି ଏହାକୁ ନିନ୍ଦା କରିବ କିନ୍ତୁ ଦୁର୍ଭାଗ୍ୟବଶତଃ ସେମାନେ ଲୋକସଭା ସାଂସଦଙ୍କୁ ସୁରକ୍ଷା ପ୍ରଦାନ କରିବା ସହିତ ଜନସାଧାରଣଙ୍କ ଦୃଷ୍ଟି ଅନ୍ୟଆଡେ ନେବାକୁ ଚେଷ୍ଟା କରିଥିଲେ।

ଆଜି ମଧ୍ୟ ଯେତେବେଳେ ବିଜେପି ବିଧାୟକ ସୁବାସ ପାଣିଗ୍ରାହୀଙ୍କ ବିରୋଧରେ ଆଇନ ଅନୁଯାୟୀ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି ଓଡିଶା ବିଜେପି ଶ୍ରୀ ପାଣିଗ୍ରାହୀଙ୍କ ହିଂସାତ୍ମକ ଆଚରଣକୁ ନିନ୍ଦା କରିବା ପରିବର୍ତ୍ତେ ଦୁର୍ଭାଗ୍ୟବଶତଃ ତାଙ୍କୁ ଏବଂ ତାଙ୍କ ହିଂସାତ୍ମକ କାର୍ଯ୍ୟକୁ ସୁରକ୍ଷା ଦେଉଛନ୍ତି। ବିଜୁ ଜନତା ଦଳ ସର୍ବଦା ଆଇନ୍‌ର ଶାସନ ସହିତ ଅଛି ଏବଂ ଆଇନ୍‌କୁ ତା ବାଟରେ ଯିବାକୁ ଦେଇଥାଏ। ଅତୀତରେ ଦଳମତ ନିର୍ବିଶେଷରେ ଆଇନ୍ ଅନୁଯାୟୀ ଜନସାଧାରଣଙ୍କ ଦ୍ୱାରା ନିର୍ବାଚିତ ପ୍ରତିନିଧୀଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି ଏବଂ ଆଜି ମଧ୍ୟ ତାହା ହେଉଛି।

କିନ୍ତୁ ଦୁର୍ଭାଗ୍ୟବଶତଃ ଓଡିଶା ବିଜେପି ଦୋଷୀଙ୍କୁ ରକ୍ଷା କରିବାକୁ ଚାହୁଁଛି ଏବଂ ଜନସାଧାରଣଙ୍କ ଦୃଷ୍ଟି ଅନ୍ୟ ଆଡେ ନେବାକୁ ଚେଷ୍ଟା କରୁଛି। ଏହି କାରଣରୁ ଓଡ଼ିଶାର ଲୋକ ବିଜେପିକୁ ଗୋଟିଏ ପରେ ଗୋଟିଏ ନିର୍ବାଚନରେ ପ୍ରତ୍ୟାଖ୍ୟାନ କରୁଛନ୍ତି। ଆମେ ଆଶା କରୁଛୁ ଯେ ଓଡିଶା ବିଜେପି ମିଥ୍ୟା ପ୍ରଚାରରୁ ଦୂରେଇ ରହିବ ଏବଂ ସେମାନଙ୍କ ଦଳର ଜନପ୍ରତିନିଧୀଙ୍କ ଦ୍ୱାରା ଏପରି ହିଂସାତ୍ମକ କାର୍ଯ୍ୟକୁ ନେଇ ରାଜନୀତି କରିବ ନାହିଁ ଏବଂ ସେମାନଙ୍କୁ ସୁରକ୍ଷା ଦେବା ପରିବର୍ତ୍ତେ ଆଇନ୍‌କୁ ସ୍ୱାଗତ କରିବ ବୋଲି ଶ୍ରୀ ମହାନ୍ତି କହିଛନ୍ତି।

Categories
PanchayatElection ଆଜିର ଖବର ରାଜ୍ୟ ଖବର

ହାରିବା ଭୟରେ ହତାଶ କର୍ମୀଙ୍କ ମନୋବଳ ବଢାଇବାକୁ ବିଜେପିର ଉଦ୍ୟମ: ବିଜେଡି

ଭୁବନେଶ୍ୱର: ତ୍ରିସ୍ତରୀୟ ପଞ୍ଚାୟତ ନିର୍ବାଚନରେ ବଡ ବ୍ୟବଧାନରେ ପରାଜୟ ଜାଣିବାପରେ ଓଡ଼ିଶା ବିଜେପିର କର୍ମୀମାନେ ଗଭୀର ଅବସାଦଗ୍ରସ୍ତ ଓ ହତାଶ ହୋଇଛନ୍ତି। ମନୋବଳ ଭାଙ୍ଗି ଯାଇଥିବା ଏହି କର୍ମକର୍ତ୍ତାଙ୍କୁ ଉତ୍ସାହିତ କରିବାପାଇଁ ଓଡିଶା ବିଜେପି ସଭାପତି ଉଦ୍ୟମ ଚଳାଇଥିବା କହିଛନ୍ତି ବିଜେଡି ପ୍ରବକ୍ତା ସୁଲତା ଦେଓ।

ବିଜେପି ସାମ୍ବାଦିକ ସମ୍ମିଳନୀର ଜବାବ ଦେଇ ବିଜେଡି ପ୍ରବକ୍ତା ଶ୍ରୀମତୀ ଦେଓ କହିଛନ୍ତି ଯେ ଓଡିଶା ବିଜେପି ସଭାପତିଙ୍କର ଆଜିର ସାମ୍ବାଦିକ ସମ୍ମିଳନୀ ହତାଶ ହୋଇ ପଡିଥିବା ବିଜେପି କର୍ମୀଙ୍କୁ କୌଣସି ପ୍ରକାରେ ଉତ୍ସାହିତ କରିବା ପାଇଁ ଏକ ପ୍ରୟାସ ଥିଲା। ତେବେ ସେ ତାହା କରିବାରେ ବିଫଳ ହୋଇଛନ୍ତି।

ଓଡ଼ିଶାର ଲୋକ ଏକ ସ୍ୱରରେ ଓଡ଼ିଶା ବିଜେପିକୁ ପଞ୍ଚାୟତ ନିର୍ବାଚନରେ ପ୍ରତ୍ୟାଖାନ କରିଛନ୍ତି ଏବଂ ଆଗାମୀ ପୌର ନିର୍ବାଚନରେ ମଧ୍ୟ ଓଡିଶା ବିଜେପିକୁ ପରାସ୍ତ ପାଇଁ ପ୍ରସ୍ତୁତ ଅଛନ୍ତି ବୋଲି ଶ୍ରୀମତୀ ଦେଓ କହିଛନ୍ତି।

Categories
ଆଜିର ଖବର ରାଜ୍ୟ ଖବର

ପଂଜାବ ସରକାର ଓ ଗାନ୍ଧୀ ପରିବାର ମିଶି ମୋଦିଙ୍କ ସୁରକ୍ଷାରେ ଅବହେଳା କରିଛନ୍ତି: ରାଜ୍ୟ ବିଜେପି

ଭୂବନେଶ୍ୱର : ପ୍ରଧାନମନ୍ତ୍ରୀଙ୍କ ପଂଜାବରେ ସୁରକ୍ଷା ବ୍ୟବସ୍ଥା ଅବହେଳା ନେଇ ଓଡିଶା ବିଜେପି ଉଭୟ ପଂଜାବ ସରକାର ଏବଂ ଗାନ୍ଧି ପରିବାରଙ୍କୁ ସମାଲୋଚନା କରିଛି। ଆଜି ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ତୀବ୍ର ନିନ୍ଦା କରିଛି ବିଜେପି। ବିଜେପି କହିଛି ପାକିସ୍ଥାନ ସୀମାରୁ ମାତ୍ର ୨୦ କିଲୋମିଟର ଦୂରତ୍ୱରେ ପ୍ରଧାନମନ୍ତ୍ରୀ ସେଦିନ ଥିଲେ।

ଫିରୋଜପୁରରେ ପ୍ରଧାନମନ୍ତ୍ରୀଙ୍କ ପଥକୁ ଜାଣିଶୁଣି ଅବରୋଧ କରାଯାଇଥିଲା। ଦୀର୍ଘ ୨୦ ମିନିଟ କାଳ ପ୍ରଧାନମନ୍ତ୍ରୀଙ୍କ କାରକେଡ ରାସ୍ତା ମଝିରେ ଓ ପୋଲ ଉପରେ ଛିଡା ହୋଇଥିଲା। ଏହା ଏକ ଷଡଯନ୍ତ୍ର ବୋଲି ବିଜେପି କହିଛି। ଏହି ସମୟରେ ପାକିସ୍ଥାନ ପକ୍ଷରୁ ଡ୍ରୋନ, ମୋର୍ଟାର ଏବଂ ମିସାଇଲ ଆକ୍ରମଣ ମଧ୍ୟ ସମ୍ଭବ ଥିଲା ବୋଲି ବିଜେପି ନେତ୍ରୀ ଲେଖାଶ୍ରୀ ସାମନ୍ତସିଂହାର କହିଛନ୍ତି।

ଏହି ସାମ୍ବାଦିକ ସମ୍ମିଳନୀରେ ରାଜ୍ୟ ମୁଖପାତ୍ର ଠାକୁର ରଣଜିତ୍ ଦାସ ଏବଂ ରାଜ୍ୟ ଗଣମାଧ୍ୟମ ସହପ୍ରମୁଖ ସୁଜିତ୍ କୁମାର ଦାସ୍ ଉପସ୍ଥିତ ଥିଲେ।

Categories
ଆଜିର ଖବର ରାଜ୍ୟ ଖବର

ବିଧାନସଭା ବନ୍ଦ ନେଇ ରାଜଭବନରେ ଅଭିଯୋଗ କଲା ରାଜ୍ୟ ବିଜେପି

ଭୁବନେଶ୍ବର: ରାଜ୍ୟବାସୀଙ୍କ ସ୍ଵାର୍ଥ ସମ୍ବଳିତ ବିଷୟ ଓ ମୌଳିକ ଦାବୀକୁ ବିଧାନସଭାରେ ଆଲୋଚନା କରିବାକୁ ବିରୋଧୀ ଦଳକୁ ସୁଯୋଗ ମିଳିଲା ନାହିଁ। ବାଚସ୍ପତି ଷୋଡଶ ବିଧାନସଭାର ସମସ୍ତ ଆଠଟି ଅଧିବେସନକୁ ସ୍ଥିରୀକୃତ ଧାର୍ଯ୍ୟ ପୂର୍ବରୁ ଗୃହକୁ ଅନିର୍ଦ୍ଧିଷ୍ଟ କାଳ ପାଇଁ ବନ୍ଦ କରିଛନ୍ତି । ଏହାକୁ ନେଇ ରାଜଭବନରେ ଫେରାଦ ହେଲା ରାଜ୍ୟ ବିଜେପି।

ଦୀର୍ଘଦିନ ଧରି ବିଧାନସଭା ଅଚଳ ହେବା ଦ୍ବାରା ବାଚସ୍ପତି ଗତକାଲି ଗୃହକୁ ଅନିର୍ଦ୍ଧିଷ୍ଠ କାଳ ପାଇଁ ମୁଲତବି ଘୋଷଣା କରିଛନ୍ତି। ଏହାକୁ ନେଇ ବିରୋଧୀ ବିଜେପି ରାଜଭବନ ଯାଇ ରାଜ୍ୟପାଳଙ୍କ ଉଦ୍ଦେଶ୍ୟରେ ଏକ ସ୍ମାରକ ପତ୍ର ପ୍ରଦାନ କରିଛନ୍ତି।

Categories
ଆଜିର ଖବର ରାଜ୍ୟ ଖବର

ଓଡିଶାର ଗରିବ ଆଦିବାସୀଙ୍କୁ ପିଏମ୍‍ଏୱାଇ ଘର ନଦେବାକୁ ବିଜେପିର ଷଡଯନ୍ତ୍ର: ବିଜେଡି

ଭୁବନେଶ୍ୱର: ଓଡିଶା ବିଜେପି ରାଜ୍ୟର କେବିକେ ଅଞ୍ଚଳ, ପଶ୍ଚିମ ଓଡ଼ିଶା ଏବଂ ଦକ୍ଷିଣ ଓଡ଼ିଶାର ପ୍ରାୟ ୬ ଲକ୍ଷ ଗରିବ ଆଦିବାସୀଙ୍କୁ ପ୍ରଧାନମନ୍ତ୍ରୀ ଆବାସ ଯୋଜନା (ଗ୍ରାମୀଣ) ଅଧୀନରେ ଘର ପାଇବାରୁ ବଞ୍ଚିତ କରିବାକୁ ଷଡଯନ୍ତ୍ର କରୁଛି ବୋଲି କହିଛନ୍ତି ବିଜେଡି ମୁଖପାତ୍ର ଲେନିନ୍ ମହାନ୍ତି।

ବିଜେପି ସାମ୍ବାଦିକ ସମ୍ମିଳନୀର ଜବାବ ଦେଇ ବିଜେଡି ମୁଖପାତ୍ର ଶ୍ରୀ ମହାନ୍ତି କହିଛନ୍ତି ଯେ, ଓଡିଶାର ୬ ଲକ୍ଷ ପରିବାର ବିରୁଦ୍ଧରେ ଏହି ଷଡଯନ୍ତ୍ର ସେତେବେଳେ ଆରମ୍ଭ ହୋଇଥିଲା ଯେତେବେଳେ ଓଡିଶାର ବିଜେପି ସାଂସଦମାନେ କେନ୍ଦ୍ର ଗ୍ରାମ୍ୟ ଉନ୍ନୟନ ମନ୍ତ୍ରୀଙ୍କୁ ଭେଟି ମିଛରେ ଦାବି କରିଥିଲେ ଯେ ପିଏମ୍‍ଏୱାଇ ଯୋଜନାରେ ଅନିୟମିତତା ହୋଇଛି ଏବଂ ୬ ଲକ୍ଷ ଘର ଆଦିବାସୀଙ୍କୁ ଦିଆଯାଇ ନାହିଁ।

ଓଡ଼ିଶାର ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଜୁଲାଇ ୨୦୨୧ରେ ଭାରତର ମାନ୍ୟବର ପ୍ରଧାନମନ୍ତ୍ରୀଙ୍କୁ ଚିଠି ଲେଖି ପିଏମ୍‍ଏୱାଇ ଯୋଜନାର ଆୱାସ ପ୍ଲସ୍ ପୋର୍ଟାଲ୍ ଖୋଲିବାକୁ ଅନୁରୋଧ କରିଥିଲେ, କାରଣ ଛଅମାସ ହେଲା ଓଡିଶା ବିଜେପିର ଷଡଯନ୍ତ୍ର ଯୋଗୁଁ କେନ୍ଦ୍ର ଦ୍ୱାରା ଆୱାସ ପ୍ଲସ ପୋର୍ଟାଲ ଖୋଲାହେଲା ନାହିଁ କି ଓଡିଶାର ଲୋକଙ୍କୁ ୬ ଲକ୍ଷ ଘର ଯୋଗାଇ ଦିଆଗଲା ନାହିଁ। ଓଡିଶା ବିଜେପିର ଏହି ଓଡିଶା ବିରୋଧୀ, କେବିକେ ଅଞ୍ଚଳ ବିରୋଧୀ, ଆଦିବାସୀ ବିରୋଧୀ ଆଭିମୁଖ୍ୟକୁ ଆମେ ଦୃଢ ଭାବେ ନିନ୍ଦା କରୁଛୁ ବୋଲି ଶ୍ରୀ ମହାନ୍ତି କହିଛନ୍ତି।

ଓଡିଶାର ଜନଜାତି ବିଶେଷକରି ଓଡିଶାର କେବିକେ ଅଞ୍ଚଳ, ଦକ୍ଷିଣ ଏବଂ ପଶ୍ଚିମ ଓଡିଶାର ଲୋକମାନେ ଓଡିଶା ବିଜେପି ତଥା ଓଡିଶା ବିଜେପିର ସାଂସଦମାନଙ୍କୁ ପିଏମ୍‍ଏୱାଇ ଯୋଜନା ଅଧୀନରେ ଥିବା ୬ ଲକ୍ଷ ଘର ପାଇବାରୁ ସେମାନଙ୍କୁ ବଞ୍ଚିତ କରିଥିବାରୁ ଆଦୌ କ୍ଷମା କରିବେ ନାହିଁ ବୋଲି ବିଜେଡି ମୁଖପାତ୍ର ଶ୍ରୀ ମହାନ୍ତି କହିଛନ୍ତି।

Categories
ବିଶେଷ ଖବର ରାଜ୍ୟ ଖବର

କଂଗ୍ରେସର ହରତାଳ ସଂପୂର୍ଣ୍ଣ ବିଫଳ, ଏହା ଉଭୟ ବିରୋଧୀ ଦଳ ପାଇଁ ସତର୍କ ଘଣ୍ଟି; ବିଜେଡି

ଭୁବନେଶ୍ୱର : ଓଡିଶା କଂଗ୍ରେସର ଆଜିର ହରତାଳ ଏକ ଜୋକରେ ପରିଣତ ହୋଇଛି । କୋଭିଡ ମହାମାରୀ ସମୟରେ ଓଡିଶା ବିଜେପି ଦ୍ୱାରା ପ୍ରାୟୋଜିତ ଓଡିଶା କଂଗ୍ରେସର ଏହି ହରତାଳ ୪.୫ କୋଟି ଲୋକଙ୍କ ପାଇଁ ଏକ ନିଷ୍ଠୁରତା ବୋଲି କହିଛନ୍ତି ବିଜେଡିର ରାଷ୍ଟ୍ରୀୟ ମୁଖପାତ୍ର ଡକ୍ଟର ସସ୍ମିତ ପାତ୍ର।

କଂଗ୍ରେସର ହରତାଳକୁ ଜବାବ ଦେଇ ଏକ ସାମ୍ବାଦିକ ସମ୍ମିଳନୀରେ ବିଜେଡି ମୁଖପାତ୍ର ଡକ୍ଟର ପାତ୍ର କହିଛନ୍ତି ଯେ ପୀଡିତାଙ୍କ ପିତା ହାତ ଯୋଡି ଏହି ସମ୍ବେଦନଶୀଳ ଘଟଣାକୁ ନେଇ ରାଜନୀତି ନକରିବାକୁ ଏବଂ ସେମାନଙ୍କ ଘରକୁ ନଆସିବାକୁ ଅନୁରୋଧ କରିଥିଲେ। କିନ୍ତୁ ଓଡିଶା କଂଗ୍ରେସ ଏବଂ ଓଡିଶା ବିଜେପି ଏହାକୁ ସମ୍ମାନ ଦେଇନାହାନ୍ତି । ଯଦି ଏହି ରାଜନୈତିକ ଦଳ ନିକଟରେ କିଛି ପ୍ରମାଣ ଅଛି, ତେବେ ସେମାନେ କୋର୍ଟକୁ ଯାଇ ଏହାକୁ ଦାଖଲ କରନ୍ତୁ ଏବଂ ଆଇନ୍‍ ତାହା ଉପରେ ନିଷ୍ପତ୍ତି ନେବ।

କଂଗ୍ରେସ ଦଳର କାଁ ଭାଁ କର୍ମୀ ଆଜିର ହରତାଳ ପାଇଁ ବାହାରକୁ ଆସିଥିଲେ । ଏଥିରୁ ଜଣାପଡୁଛି ଯେ ସେମାନେ ଏଭଳି ସମ୍ବେଦନଶୀଳ ପ୍ରସଙ୍ଗକୁ ନେଇ ରାଜନୀତି କିମ୍ବା ହରତାଳରେ ଖୁସି ନାହାନ୍ତି । କଂଗ୍ରେସ ଏଥିରୁ କୌଣସି ଶିକ୍ଷା ଗ୍ରହଣ କରି ନାହିଁ ଏବଂ ମହିଳାଙ୍କ ସହ ଜଡିତ ଜଘନ୍ୟ ଅପରାଧ ଉପରେ ରାଜନୀତି ଜାରି ରଖିଛି । ଏଥିପାଇଁ ଓଡିଶାର ଲୋକମାନେ ସେମାନଙ୍କୁ ନାପସନ୍ଦ କରିବା ସହିତ ଲଗାତାର ଭାବେ ସେମାନଙ୍କୁ ପ୍ରତ୍ୟାଖ୍ୟାନ କରି ଚାଲିଛନ୍ତି।

ଓଡିଶାବାସୀ ବିଜେପି ପ୍ରାୟୋଜିତ ଓଡିଶା କଂଗ୍ରେସର ହରତାଳକୁ ସମର୍ଥନ କରିନାହାଁନ୍ତି । ଗତ କିଛି ବର୍ଷ ମଧ୍ୟରେ ଏହା ଦେଖା ଯାଇଛି ଯେ ଓଡିଶା କଂଗ୍ରେସର ସ୍ଥିତି ରାଜ୍ୟରେ ଦ୍ରୁତ ଗତିରେ ହ୍ରାସ ପାଉଛି କାରଣ ଏହା ଲୋକମାନଙ୍କ ସମସ୍ୟାକୁ ନେଇ ନୁହେଁ ବରଂ ବିଜେପିର ବି-ଟିମ୍ ଭାବରେ କାର୍ଯ୍ୟ କରୁଛି । ୧୩୬ ବର୍ଷର ପୁରୁଣା କଂଗ୍ରେସ ଦଳ ଏତେ ତଳକୁ ଖସିଯିବା ଅତ୍ୟନ୍ତ ଦୁଃଖଦାୟକ ବୋଲି ଡକ୍ଟର ପାତ୍ର କହିଛନ୍ତି ।

ଏହା ଉଭୟ ଓଡିଶା କଂଗ୍ରେସ ଏବଂ ଓଡିଶା ବିଜେପି ପାଇଁ ଏକ ସତର୍କ ଘଣ୍ଟି ହୋଇଛି ଯେ ଯଦି ଆପଣ ମହିଳାଙ୍କ ସହ ଜଡିତ ସମ୍ବେଦନଶୀଳ ଅପରାଧ ଘଟଣାକୁ ନେଇ ରାଜନୀତି ଜାରି ରଖନ୍ତି, ତେବେ ଓଡିଶାର ଲୋକମାନେ ଆପଣଙ୍କୁ ପ୍ରତ୍ୟାଖ୍ୟାନ କରିବେ । ଯେତେବେଳେ ରାହୁଲ ଗାନ୍ଧୀଙ୍କ ସମେତ ଦିଲ୍ଲୀର ସମଗ୍ର କଂଗ୍ରେସ ନେତୃତ୍ୱ ଇନ୍ଧନ ମୂଲ୍ୟ ବୃଦ୍ଧି, ଏଲ୍‌ପିଜି ରନ୍ଧନ ଗ୍ୟାସ, କୃଷକ ପ୍ରସଙ୍ଗ ଆଦି ଉପରେ ଚିତ୍କାର କରୁଛନ୍ତି, ସେତେବେଳେ ଓଡିଶା ବିଜେପି ପ୍ରାୟୋଜକ ଥିବାରୁ ଓଡିଶା କଂଗ୍ରେସ କିନ୍ତୁ ଏହି ସବୁ ପ୍ରସଙ୍ଗରେ ନିରବ ଥିବା ଜଣାପଡୁଛି ।

ଆଜି ହରତାଳର ବିଫଳତା ପ୍ରମାଣ କରିଛି ଯେ ଓଡିଶା କଂଗ୍ରେସ ଓଡିଶା ଲୋକଙ୍କ ପାଇଁ ଅପ୍ରାସଙ୍ଗିକ ହୋଇପଡିଛି । ଓଡିଶା କଂଗ୍ରେସ ମଧ୍ୟରେ ଅନେକ ଗୋଷ୍ଠୀ ଅଛନ୍ତି ଏବଂ ପ୍ରତ୍ୟେକ ଗୋଷ୍ଠୀ ଓଡିଶା ବିଜେପି ଦ୍ୱାରା ଅଲଗା ଅଲଗା ଭାବେ ପ୍ରାୟୋଜିତ ହୋଇଥିବା ଜଣାପଡିଛି । ଏହା ନ୍ୟାୟ ପାଇଁ ସଂଗ୍ରାମ ନୁହେଁ; ପିସିସି ସଭାପତି ପଦବୀ ପାଇଁ ଏହା ଓଡିଶା କଂଗ୍ରେସ ମଧ୍ୟରେ ହେଉଥିବା ଲଢେଇ ବୋଲି ବିଜେଡି ମୁଖପାତ୍ର ଡକ୍ଟର ପାତ୍ର କହିଛନ୍ତି । ଏହି ସାମ୍ବାଦିକ ସମ୍ମିଳନୀରେ ଦଳର ଅନ୍ୟତମ ମୁଖପାତ୍ର ଶ୍ରୀମତୀ ଏଲିନା ଦାସ ଉପସ୍ଥିତ ଥିଲେ ।

Categories
ବିଶେଷ ଖବର ରାଜ୍ୟ ଖବର

ଖୁବ ଶିଘ୍ର ଓଡିଶା ବିଜେପିରେ ହେବ ଭୂକମ୍ପ, ହଟିବେ ସମୀର, ମଙ୍ଗ ଧରିବେ ବିଜୟ ମହାପାତ୍ର

ଭୁବନେଶ୍ବର, ଓଡିଶା ବିଜେପିରେ ଏକ ବଡ ଧରଣର ଭୂକମ୍ପ ଅନୁଭୂତ ହେବ। ଏ ନେଇ ରାଜ୍ୟ ତଥା ଜାତୀୟ ରାଜନୈତିକ ପାଗ ବିଶେଷଜ୍ଞମାନେ ଆକଳନ କରିସାରିଲେଣି। ସେମାନଙ୍କ ତଥ୍ୟ ଅନୁସାରେ ପ୍ରଦେଶ ବିଜେପି ସଭାପତି ପଦରୁ ହଟିବେ ସମୀର ମହାନ୍ତି। ଆଉ ତାଙ୍କ ସ୍ଥାନ ନେବେ ବରିଷ୍ଠ ନେତା ବିଜୟ ମହାପାତ୍ର। ଏହାର କୌଣସି ସମୟ କୁହାଯାଇ ନ ଥିଲେ ମଧ୍ୟ ଖୁବ ଶିଘ୍ର ଏପରି ଅଦଳବଦଳ ହେବ ବୋଲି କୁହାଯାଇଛି।

ତେବେ କାରଣରେ ଯାହା କୁହାଯାଇଛି, ତାହା ହେଉଛି ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଦ୍ବାରା ବିଜେପି ସଂଗଠନ ସୁଦୃଢ ହୋଇପାରିଲା ନାହିଁ। ଓଡିଶାରେ ବିଜେପି ସଂଗଠନକୁ ସୁଦୃଢ କରିବା ପାଇଁ ଧର୍ମେନ୍ଦ୍ରଙ୍କୁ କେନ୍ଦ୍ର ବିଜେପି ଅଖଣ୍ଡ କ୍ଷମତା ପ୍ରଦାନ କଲେ। ଜିରୋରୁ ହିରୋ କଲେ। ହେଲେ ତାଙ୍କର ଅହଂ ଭାବ ଦଳକୁ ତଳିତାଳନ୍ତ କରିଦେଲା। ଏ ନେଇ କେନ୍ଦ୍ରୀୟ ବିଜେପି ନେତାମାନେ ମର୍ମେ ମର୍ମେ ଅନୁଭବ କରିସାରିଲେଣି। ଆଉ ଧର୍ମେନ୍ଦ୍ରଙ୍କ ଦ୍ବାରା ଓଡିଶା ବିଜେପି ସୁଧରିବ ନାହିଁ ବୋଲି ଜାଣିସାରିଲେଣି। ସେଥିପାଇଁ ପ୍ରଥମ ପଦକ୍ଷେପ ସ୍ବରୂପ ତାଙ୍କର କ୍ଷମତାକୁ ସଂକୁଚିତ କରିଦିଆଗଲା।

ଏହାର ପରବର୍ତ୍ତି ପଦକ୍ଷେପ ସ୍ବରୂପ ଧୀରେ ଧୀରେ ଧର୍ମେନ୍ଦ୍ରଙ୍କୁ ରାଜ୍ୟ ରାଜନୀତିରୁ ମଧ୍ୟ ଦୂରେଇ ଦିଆଯିବ। ଏହାର ଏକ ସାମ୍ପୁଲ ଭାବେ ଦୁଇ କେନ୍ଦ୍ରମନ୍ତ୍ରୀଙ୍କ ମିଳିତ ଗସ୍ତରୁ ଆଭାସ ମିଳିସାରିଲାଣି। ବିନା ଧର୍ମେନ୍ଦ୍ରରେ ଅଶ୍ବିନୀଙ୍କ ଏକକୀ ଗସ୍ତ କୁଆଡେ ବେଶ୍ ଭଲ ଫଳପ୍ରଦ ହେଲା ବୋଲି ରାଷ୍ଟ୍ରୀୟ ସଂଗଠନ ଜାଣିସାରିଲେଣି। ଧର୍ମେନ୍ଦ୍ରଙ୍କୁ ବାଦଦେଲେ ରାଜ୍ୟ ବିଜେପିରେ ଏକ ନୂଆ ଆଗ୍ରହ ସୃଷ୍ଟି ହେଉଛି ବୋଲି କେନ୍ଦ୍ରୀୟ ଦଳ ଅନୁଭବ କରିଛନ୍ତି। ଫଳରେ ବର୍ତ୍ତମାନ ରାଜ୍ୟ ବିଜେପିରୁ ଧର୍ମେନ୍ଦ୍ରଙ୍କୁ ହଟାଇବାକୁ ରାଷ୍ଟ୍ରୀୟ ବିଜେପି ନିଷ୍ପତି କରିଛି।

କେବଳ ଧର୍ମେନ୍ଦ୍ର ନୁହଁନ୍ତି, ବର୍ତ୍ତମାନ ଧର୍ମେନ୍ଦ୍ରଙ୍କ ଗୋଷ୍ଠୀ ଉପରେ ମଧ୍ୟ କେନ୍ଦ୍ରୀୟ ନେତାଙ୍କ କୋପ ଦୃଷ୍ଟି ପଡିଛି। ଧର୍ମେନ୍ଦ୍ର ଏବଂ ତାଙ୍କ ଗୋଷ୍ଠୀ ଓଡିଶାରେ ଦଳ ବିପର୍ଯ୍ୟୟର ଅନ୍ୟତମ କାରଣ ବୋଲି ସେମାନେ ଅନୁଭବ କରିସାରିଲେଣି। ତେଣୁ ଧର୍ମେନ୍ଦ୍ରଙ୍କୁ ନିଷ୍କ୍ରିୟ କରିବା ପରେ ପରେ ତାଙ୍କ ଗୋଷ୍ଠୀକୁ ମଧ୍ୟ ଚୁପ ରହିବା ପାଇଁ ନିର୍ଦ୍ଦେଶ ଦିଆଯିବ।

ପ୍ରଥମେ ପଦକ୍ଷେପ ସ୍ବରୂପ ରାଜ୍ୟ ସଭାପତି ପଦରୁ ସମୀର ମହାନ୍ତିଙ୍କୁ ହଟାଇ ଦିଆଯିବ। ତାଙ୍କ ସ୍ଥାନରେ ବିଜୟ ମହାପାତ୍ର ରାଜ୍ୟ ବିଜେପିର ଦାୟିତ୍ବ ସମ୍ଭାଳିବେ ବୋଲି କୁଆଡେ ନିଷ୍ପତି ହୋଇସାରିଛି। ଦଳ ଭିତରେ ଧର୍ମେନ୍ଦ୍ରଙ୍କ ବିରୋଧୀଙ୍କୁ ଆଗକୁ ଅଣାଯିବ। ସେମାନଙ୍କ ହାତରେ ଓଡିଶା ସଂଗଠନ ଛାଡି ଦିଆଯିବ। ତେବେ ଆକଳନ ଅନୁସାରେ ପଞ୍ଚାୟତ ଓ ପୌର ନିର୍ବାଚନ ପୂର୍ବରୁ ଏହି ନବକଳେବର କରାଯିବ ବୋଲି ଜଣାପଡିଛି।

Categories
ଜାତୀୟ ଖବର ବିଶେଷ ଖବର ରାଜ୍ୟ ଖବର

BREAKING NEWS: ବିଜୟ ମହାପାତ୍ରଙ୍କୁ ତାଙ୍କ ବାସଭବନରେ ଭେଟିଲେ ଧର୍ମେନ୍ଦ୍ର ପ୍ରଧାନ, କାରଣ କଣ ?

ଭୁବନେଶ୍ବର, ଆଜି ବିଜେପିର ପାଣିପାଗରେ ବଡ ପରିବର୍ତ୍ତନ ଘଟିଛି। ଦଳର ବରିଷ୍ଠ ନେତା ବିଜୟ ମହାପାତ୍ରଙ୍କୁ ତାଙ୍କ ବାସଭବନରେ ସାକ୍ଷାତ କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ଆଜି ସକାଳେ ବିଜୟଙ୍କ ବାସଭବନ ଯାଇ ତାଙ୍କ ସହିତ ଆଲୋଚନା କରିଛନ୍ତି। ସାକ୍ଷାତ ପରେ ଖୋଦ୍ ମନ୍ତ୍ରୀ ଧର୍ମେନ୍ଦ୍ର ତାଙ୍କର ସାମାଜିକ ଗଣମାଧ୍ୟମରେ ଫଟୋ ମଧ୍ୟ ସେୟାର କରିଛନ୍ତି। ସେ ଲେଖିଛନ୍ତି ଯେ, ଆମ ଦଳର ବରିଷ୍ଠ ନେତା ବିଜୟ ମହାପାତ୍ରଙ୍କୁ ସୌଜନ୍ୟ ସାକ୍ଷାତ କଲି।

ତେବେ ଦୁଇଜଣ ଯେହେତୁ ଗୋଟିଏ ଦଳର ନେତା ସେଥିପାଇଁ ଭେଟିବାରେ କିଛି ଅସୁବିଧା ନାହିଁ। ହେଲେ ରାଜନୈତିକ ପାଣିପାଗ ଏହାକୁ ଭିନ୍ନ ଦୃଷ୍ଟିରେ ଦେଖିଛି। କାରଣ ବିଜୟ ମହାପାତ୍ର ଓ ଧର୍ମେନ୍ଦ୍ର ପ୍ରଧାନଙ୍କ ମଧ୍ୟରେ ଭଲ ପଡୁ ନାହିଁ ବୋଲି ସମସ୍ତେ ଜାଣନ୍ତି। ବିଜୟ ମହାପାତ୍ର ବିଜେପିରେ ଥିଲେ ମଧ୍ୟ ତାଙ୍କୁ କଣଠୋସା କରି ରଖାଯାଇଥିଲା। ଦଳ ଭିତରୁ ତାଙ୍କୁ ଦୃଢ ସମର୍ଥନ ମିଳୁ ନ ଥିଲା। ଏହା ପଛରେ ଯେ ଧର୍ମେନ୍ଦ୍ରଙ୍କ ହାତ ଥିଲା ଏହା ସମସ୍ତେ ଜାଣିଛନ୍ତି।

ତେବେ ହଠାତ କଣ ହେଲା ଯେ, ମନ୍ତ୍ରୀ ଧର୍ମେନ୍ଦ୍ର, ବିଜୟଙ୍କୁ କୋଳାଇବାକୁ ବାଧ୍ୟ ହେଲେ। ସୁତ୍ର ଅନୁସାରେ ବର୍ତ୍ତମାନ କେନ୍ଦ୍ରରେ ଧର୍ମେନ୍ଦ୍ରଙ୍କ ପତିୟାରା ହ୍ରାସ ପାଇବାରେ ଲାଗିଛି। ଏହାର କାରଣ ହେଲା ଧର୍ମେନ୍ଦ୍ର ରାଜ୍ୟ ସଂଗଠନକୁ ଠିକ ବାଟରେ ପରିଚାଳିତ କରିପାରୁ ନାହାଁନ୍ତି। ମୁଖ୍ୟତଃ ଧର୍ମେନ୍ଦ୍ରଙ୍କ ହମବଡା ନୀତି ପାଇଁ ଦଳରେ ଅନେକ ବରିଷ୍ଠ ଏପରିକି ତୃଣମୂଳ ନେତା ଅସନ୍ତୁଷ୍ଠ ମଧ୍ୟ ହେଉଛନ୍ତି। ଏସବୁ କେନ୍ଦ୍ରୀୟ ନେତା ଜାଣିବା ପରେ ଧର୍ମେନ୍ଦ୍ରଙ୍କ ପକ୍ଷ ଛେଦନ କରିଛନ୍ତି। ତାଙ୍କୁ ତାଗିଦ ମଧ୍ୟ କରିଛନ୍ତି।

ଏସବୁ ଘଟଣା ନିଜେ ଧର୍ମେନ୍ଦ୍ର ବୋଧହୁଏ ହୃଦବୋଧ କରିସାରିଲେଣି। ସେଥିପାଇଁ ଦଳରେ ବର୍ତ୍ତମାନ ଏକଚାଟିଆ ରାଜନୀତି ଆଉ ଚଳିବ ନାହିଁ ବୋଲି ଧର୍ମେନ୍ଦ୍ର ଅନୁଭବ କଲେଣି। ବିଭିନ୍ନ ନିର୍ବାଚନରେ ଦଳର ବିପୁଳ ପରାଜୟ ପ୍ରସଂଗକୁ ତୃଣମୂଳ ସ୍ତରର ନେତା ଆଉ ଗ୍ରହଣ କରୁ ନାହାଁନ୍ତି। କେଉଁଠି ନା କେଉଁ ତାଙ୍କର ହମବଡା ନିଷ୍ପତି ଅଡୁଆ ପରିସ୍ଥିତି ସୃଷ୍ଟି କରୁଛି।

କାହାକୁ କଣଠୋସା କରିବା, କାହାକୁ ହାଇରାଣ କରିବା, କାହାକୁ ରାଗ ତମତମ ହେବା ପ୍ରଭୃତି କାମକୁ ଓଡିଶା ଲୋକେ ଆଉ ପସନ୍ଦ କରୁ ନାହାଁନ୍ତି। ସେ ସବୁକୁ ଅନୁଭବ କରି ଧର୍ମେନ୍ଦ୍ର ନିଜକୁ ସଜାଡିବାରେ ଲାଗିଛନ୍ତି। ଯାହାର ପ୍ରଥମ ପଦକ୍ଷେପ ହେଲା ବିଜୟ ମହାପାତ୍ରଙ୍କୁ ସାକ୍ଷାତ କରି ମାନଭଞ୍ଜନ କରିବା। ଧର୍ମେନ୍ଦ୍ର ହୃଦବୋଧ କରିସାରିଲେଣି ଯେ, ଯଦି ସେ ସମସ୍ତଙ୍କୁ ସାଥିରେ ନ ନେଇ ଚାଲିବେ, ତେବେ ଆଗାମୀ ଦିନରେ ହୁଏତ ତାଙ୍କର ମନ୍ତ୍ରୀ ପଦ ମଧ୍ୟ ଖସିଯିବାର ସମ୍ଭାବନା ସୃଷ୍ଟି ହୋଇପାରେ।

Categories
ଜାତୀୟ ଖବର ବିଶେଷ ଖବର ରାଜ୍ୟ ଖବର

ବିଦ୍ୟୁତ ଦର ବୃଦ୍ଧି ବିରୋଧରେ ବିକ୍ଷୋଭ କଲେ ରାଜ୍ୟ ବିଜେପିକୁ ମିଳିବ ଲୋକପ୍ରିୟତା ନା ଲୋକହସା !

ଭୁବନେଶ୍ବର, ରାଜ୍ୟରେ ବିଜୁଳି ଦଳ ବୃଦ୍ଧି ଘଟିଛି। ଏହା ଯେ ଖାଉଟିଙ୍କ ଉପରେ ବୋଝ ତାହା ଯେକେହି ସାଧାରଣ ଲୋକ କହିବ। କାରଣ ଏହାଦ୍ବାରା ବିଶେଷ କରି ମଧ୍ୟବିତ ପରିବାର ହଇରାଣ ହେବେ। ତେବେ ଏହାକୁ ନେଇ ରାଜ୍ୟ ବିଜେପି ବିକ୍ଷୋଭ କରୁଛି। ଆସନ୍ତା 16 ତାରିଖରେ ସାତଦିନ ପାଇଁ ସମସ୍ତ ଜିଲ୍ଲା ମୁଖ୍ୟାଳୟର ବିକ୍ଷୋଭ କରିବ। ସାଧାରଣରେ ପ୍ରଶ୍ନ ଉଠୁଛି ଯେ ବିଜେପିର ଦର ବୃଦ୍ଧି ପ୍ରତିବାଦକୁ ଲୋକେ ଗ୍ରହଣ କରିବେ କି ?

ରାଜ୍ୟରେ ମୁଖ୍ୟ ବିରୋଧୀ ଦଳ ଭାବରେ ବିଜେପିର ରାଜ୍ୟ ସରକାରଙ୍କ ବିଭିନ୍ନ ନୀତି ଓ ନିଷ୍ପତିକୁ ବିରୋଧ କରିବାର ଅଧିକାର ରହିଛି। ଏହି ଅଧିକାର ସାମ୍ବିଧାନିକ। ସେଥିରେ କାହାରି କିଛି କହିବାର ନାହିଁ। ହେଲେ ବର୍ଷ ବର୍ଷ ଧରି ସାରା ଦେଶବାସୀ ପେଟ୍ରୋଲ ଡିଜେଲ ମୂଲ୍ୟ ବୃଦ୍ଧିରେ ତ୍ରାହିତ୍ରାହି ଡାକୁଛନ୍ତି। ଏପରି ପରିସ୍ଥିତିରେ ରାଜ୍ୟର ବିଦ୍ୟୁତ ଦର ବୃଦ୍ଧିର ପ୍ରତିବାଦରେ ଦଳ ବିକ୍ଷୋଭ କରୁଛି। ଏହା ବିଜେପି ପାଇଁ କେତେ ସଫଳତା ବା ଲୋକପ୍ରିୟତା ଆଣିବ ତାହା ସନ୍ଦେହଜନକ।

ଦେଶରେ ପଟ୍ରୋଲ ଡିଜେଲ କେତେ ବଢିଲା ସେ ବିଷୟରେ ଅଯଥା ଆଲୋଚନା କରିବାର ଆବଶ୍ୟକତା ନାହିଁ। କାରଣ ଦେଶର ପ୍ରତିଟି ସଚେତନ ନାଗରିକ ଏହି ହିସାବ ରଖି ସାରିଲେଣି। ମୋଦି ସରକାର ଆସିବା ବେଳରୁ ଏହି ତେଲ ଦର ନିୟନ୍ତ୍ରଣ ବାହାରକୁ ଚାଲିଯାଇଛି। ଆଚ୍ଛେ ଦିନର ନାରା ଦେଉଥିବା ବିଜେପି ସରକାର ଅମଳରେ ପେଟ୍ରୋଲ ଡିଜେଲ ଦର ଶହେ ଟଙ୍କା ଛୁଇଁଲାଣି। ସେମାନଙ୍କର ଭାଗ୍ୟ ଭଲ ଦେଶରେ ବିରୋଧୀ ଦଳ ସକ୍ରିୟ ନ ଥିବାରୁ ଏହାର ପ୍ରତିବାଦ ଜୋରଦାର ହୋଇପାରୁ ନାହିଁ। ନଚେତ କେନ୍ଦ୍ର ସରକାରଙ୍କ ଅବସ୍ଥା କେବେଠାରୁ ଘାଇଲା ହୋଇସାରନ୍ତାଣି।

ତେବେ ବିଦ୍ୟୁତ ଦର ବୃଦ୍ଧିକୁ ବିରୋଧ କରିବାର କ୍ଷମତା ବିଜେପି କେବେଠାରୁ ହରାଇ ସାରିଛି। ନିଜ ସରକାର ଦର ନିୟନ୍ତ୍ରଣ କରିପାରୁ ନ ଥିବା ବେଳେ ଅନ୍ୟ ଦଳକୁ ଦୋଷ ଦେବା ଅଧିକାର ଆଉ ବିଜେପିର ନାହିଁ। ଜିଲ୍ଲା ସ୍ତରରେ ଦଳ ବିକ୍ଷୋଭ କରି କେବଳ କର୍ମିଙ୍କ ମନୋବଳ ବଢାଇବ ସିନା ଲୋକଙ୍କ ସମର୍ଥନ ହାସଲ କରିପାରିବ ନାହିଁ। ବରଂ ପେଟ୍ରୋଲ ଡିଜେଲ ମୂଲ୍ୟ ବୃଦ୍ଧି ନେଇ ଦଳ ପରୋକ୍ଷରେ ଲୋକଙ୍କ ଶିକାର ହେବ। ଏପରି ବିକ୍ଷୋଭରେ ବିଜେଡିକୁ ଘାଇଲା କରିବା ପାଇଁ ଦଳ କରିଥିବା ଯୋଜନାରେ ବିଫଳ ହେବା ସାର ହେବ।

ବିଜେଡି ସରକାରଙ୍କୁ ଘେରିବାରେ ବିଜେପି ପାଇଁ ଅନେକ କିଛି ପ୍ରସଂଗ ରହିଛି। ବିଜେପି ଚିନ୍ତା ନାୟକମାନେ ସେହିପରି ଉପଦେଶ ଦେବାର ଆବଶ୍ୟକ ରହିଛି। କିନ୍ତୁ ଦଳର ଉପଦେଷ୍ଠାଙ୍କ ଉପଦେଶ ଠିକ ହୋଇପାରୁ ନାହିଁ। ଯୋଜନା ବଦ୍ଧ ଭାବେ ବିଜେଡିକୁ ଆକ୍ରମଣ କରିବାରେ ବିଜେପି ଫେଲ ମାରୁଛି। ପୂର୍ବରୁ ବିଜେପି ବିଧାୟକମାନେ ମୁଖ୍ୟମନ୍ତ୍ରୀଙ୍କୁ ଖୋଜିବା ପାଇଁ ନବୀନ ନିବାସକୁ ଯାଇ ଲୋକହସା ହୋଇଥିଲେ। ଠିକ ସେହିପରି ବିଜୁଳି ଦର ବୃଦ୍ଧି ପ୍ରତିବାଦ କରିବା, ଦଳ ପାଇଁ ଲୋକହସା ଛଡା ଆଉ କିଛି ହେବ ନାହିଁ।

Categories
ବିଶେଷ ଖବର ରାଜ୍ୟ ଖବର

ବିଜେପି କାର୍ଯ୍ୟକାରିଣୀ ବୈଠକ ବିରୋଧରେ ଜବାବ ରଖିଲେ ବିଜେଡି ନେତ୍ରୀ ଏଲିନା ଦାସ

ଭୁବନେଶ୍ୱର, ନିକଟରେ ଅନୁଷ୍ଠିତ ପଶ୍ଚିମବଙ୍ଗ ନିର୍ବାଚନରେ ବିଜେପିର ଶୋଚନୀୟ ପରାଜୟ ଏବଂ କର୍ଣ୍ଣାଟକ, ମଧ୍ୟପ୍ରଦେଶ, ଉତ୍ତରପ୍ରଦେଶ ଏବଂ ଅନ୍ୟାନ୍ୟ ରାଜ୍ୟରେ ସେମାନଙ୍କର ସାଂଗଠନିକ ସମସ୍ୟା ପରେ, ଓଡିଶାର ବିଜେପି ନେତା ଏବଂ କ୍ୟାଡରମାନେ ଅତ୍ୟଧିକ ହତାଶ ଓ ଲକ୍ଷ୍ୟହୀନ ହୋଇପଡିଛନ୍ତି । ତେଣୁ ଏଭଳି ହତାଶ ନେତା ଓ କର୍ମୀଙ୍କ ମନୋବଳ ବଢାଇବାପାଇଁ ବିଜେପି ତାହାର କାର୍ଯ୍ୟକାରିଣୀ ବୈଠକରେ ମନଗଢା ବିବୃତ୍ତିମାନ ଦେଉଥିବା କହିଛନ୍ତି ବିଜେଡି ମୁଖପାତ୍ର ଏଲିନା ଦାସ ।

ବିଜେପି ବିବୃତ୍ତିର ଜବାବ ଦେଇ ଶ୍ରୀମତୀ ଦାସ କହିଛନ୍ତି ଯେ ଓଡିଶାରେ ଅତ୍ୟନ୍ତ ହତାଶ ଅବସ୍ଥାରେ ଥିବା ବିଜେପି କ୍ୟାଡରମାନଙ୍କର ମନୋବଳ ବୃଦ୍ଧିପାଇଁ ଏହି କାର୍ଯ୍ୟକାରିଣୀ ବୈଠକ ଅନୁଷ୍ଠିତ ହୋଇଥିଲା ଯେଉଁଠାରେ କି ମିଥ୍ୟା ବିବୃତ୍ତିମାନ ଦିଆଯାଇଛି ।
ଉତ୍ତରପ୍ରଦେଶ, ମଧ୍ୟପ୍ରଦେଶ, ହରିୟାଣା ଆଦି ବିଜେପି ଶାସିତ ରାଜ୍ୟ ତୁଳନାରେ ଓଡ଼ିଶା ଅତି ସଫଳତାର ସହ କୋଭିଡ ସ୍ଥିତିକୁ ମୁକାବିଲା କରିଛି । ଗ୍ରାମୀଣ ଗୃହ ନିର୍ମାଣ, ଏମଏନ୍‍ଆରଇଜିଏ ଏବଂ ଅନ୍ୟାନ୍ୟ କ୍ଷେତ୍ରରେ ଉଲ୍ଲେଖନୀୟ କାର୍ଯ୍ୟ ପାଇଁ କେନ୍ଦ୍ର ସରକାର ଓଡିଶାକୁ ମଧ୍ୟ ପୁରସ୍କୃତ କରିଛନ୍ତି । ଏଥିରୁ ଜଣାପଡୁଛି ଯେ ଓଡିଶାର ବିଜେପି ନେତାମାନେ ଏ ବିଷୟରେ ଆଦୌ ଅବଗତ ନାହାଁନ୍ତି ।

ବିଜେପିର ବିବୃତ୍ତିରୁ ଜଣାପଡୁଛି ଯେ ଏହି ଦଳର ନେତାମାନେ କୋଭିଡ ଉପରେ ଜଣେ ଜଣେ ଆତ୍ମ ଘୋଷିତ ବିଶେଷଜ୍ଞ ପାଲଟି ଯାଇଛନ୍ତି । ତେଣୁ ପ୍ରଭାବଶାଳୀ ଢଙ୍ଗରେ କୋଭିଡ ପରିଚାଳନା ହୋଇପାରୁନଥିବା ବିଜେପି ଶାସିତ ରାଜ୍ୟ ଉତ୍ତରପ୍ରଦେଶ, ହରିୟାଣା, ବିହାର, ଉତ୍ତରାଖଣ୍ଡ ଆଦିରେ ସେମାନଙ୍କୁ ପରାମର୍ଶଦାତା ଭାବରେ ନିଯୁକ୍ତ କରାଯିବା ଉଚିତ । ବାସ୍ତବରେ, ସେମାନଙ୍କୁ କେନ୍ଦ୍ର ସରକାରଙ୍କ କୋଭିଡ ପରାମର୍ଶଦାତା ଭାବରେ ନିଯୁକ୍ତ କରାଯିବା ଉଚିତ ଯାହା ଦ୍ୱାରା ସେମାନେ ଅଧିକ ପ୍ରଭାବଶାଳୀ ଢଙ୍ଗରେ କୋଭିଡ ପରିଚାଳନା ନେଇ କେନ୍ଦ୍ର ସରକାରଙ୍କୁ ପରାମର୍ଶ ଦେଇ ପାରିବେ ବୋଲି ବିଜେଡି ମୁଖପାତ୍ର ଶ୍ରୀମତୀ ଦାସ କହିଛନ୍ତି ।

Categories
ଜାତୀୟ ଖବର ବିଶେଷ ଖବର ରାଜ୍ୟ ଖବର

କେନ୍ଦ୍ର ମନ୍ତ୍ରୀମଣ୍ଡଳରେ ଅଦଳବଦଳ, ତହିଁରେ ଧର୍ମେନ୍ଦ୍ର ପ୍ରଧାନଙ୍କ ସ୍ଥାନ

ଭୁବନେଶ୍ବର, ଖୁବ ଶିଘ୍ର କେନ୍ଦ୍ର ମନ୍ତ୍ରୀମଣ୍ଡଳରେ ଅଦଳବଦଳ ସହିତ ସଂପ୍ରସାରଣ ହେବ। ଏ ନେଇ ଜାତୀୟ ଗଣ ମାଧ୍ୟମରେ ଚାଲିଛି ଚର୍ଚ୍ଚା। ତେବେ ପ୍ରଧାନମନ୍ତ୍ରୀଙ୍କ ଘନଘନ ବୈଠକ, ମନ୍ତ୍ରୀମାନଙ୍କ ସହିତ 1-2-1  ଆଲୋଚନା ଏହି ଅଦଳବଦଳକୁ ନିଶ୍ଚିତ କରିଦେଇଛି। ଯେଉଁଦିନଠାରୁ ଏହି ଖବର ଆସିଲାଣି ସେହି ଦିନଠାରୁ କିଏ ମନ୍ତ୍ରୀ ହେବ, କିଏ ବାହାରିବ ସେ ନେଇ ଚର୍ଚ୍ଚା ଜାରୀ ରହିଛି।

ବର୍ତ୍ତମାନ ଓଡିଶାରୁ କିଏ ମନ୍ତ୍ରୀ ହେବ କିଏ ବାହାରିବ ସେ ନେଇ ମଧ୍ୟ ଆଲୋଚନା ଚାଲିଛି। ତେବେ ଏହି ଚର୍ଚ୍ଚା ଭିତରେ ସମସ୍ତଙ୍କର ନଜର କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଉପରେ ରହିଛି। କାରଣ ଧର୍ମେନ୍ଦ୍ର 2014 ମସିହାରୁ କେନ୍ଦ୍ରରେ ମନ୍ତ୍ରୀ ଅଛନ୍ତି ଏବଂ ମୋଦିସାହାଙ୍କ ବେଶ ଘନିଷ୍ଠ ମଧ୍ୟ ଅଛନ୍ତି।  ସେ ହେଉଛନ୍ତି ଏପରି ଜଣେ ମନ୍ତ୍ରୀ ଯେ କି ମୋଦି ସରକାରର ଦୁଇ ପାଳିରେ ଗୋଟିଏ ବିଭାଗ ଦାୟିତ୍ବରେ ରହିଛନ୍ତି।

ତେବେ ମନ୍ତ୍ରୀମଣ୍ଡଳ ଅଦଳବଦଳ ପକ୍ରିୟାରେ ଧର୍ମେନ୍ଦ୍ର ରହିବେ ନା ଯିବେ ସେ ନେଇ ବିଭିନ୍ନ ମହଲରେ ଆଲୋଚନା ଚାଲିଛି। ତେବେ ଦିଲ୍ଲୀ ଗଣମାଧ୍ୟମ ଚର୍ଚ୍ଚା ଅନୁସାରେ ଧର୍ମେନ୍ଦ୍ରଙ୍କୁ ବର୍ତ୍ତମାନ କେହି ହଲାଇ ପାରିବେ ନାହିଁ। କାରଣ ତାଙ୍କର ଦିଲ୍ଲୀରେ ଯେପରି ଦବଦବା ରହିଛି ସେଥିରେ ସେ ଆହୁରି ଶକ୍ତିଶାଳୀ ହେବା ସିନା ହଟିବେ ନାହିଁ।

ତେବେ ବିଶେଷ ସୁତ୍ରରୁ ଯାହା ଖବର ମିଳିଛି ସେହି ଅନୁସାରେ ଧର୍ମେନ୍ଦ୍ରଙ୍କ ବିଭାଗ ବଦଳି ଯାଇପାରେ। କାରଣ ସେ ଦୀର୍ଘ ବର୍ଷ ଧରି ପେଟ୍ରୋଲିୟମ ବିଭାଗ ଦାୟିତ୍ବରେ ରହିଆସିଛନ୍ତି। ବର୍ତ୍ତମାନ ଦେଶରେ ପେଟ୍ରୋଲ ଦର ନିୟନ୍ତ୍ରଣ ବାହାରକୁ ଚାଲିଯାଇଛି। ଫଳରେ ଦେଶର ସାଧାରଣ ଖାଉଟି ହନ୍ତସନ୍ତ ହେଲେଣି। ଏପରି ପରିସ୍ଥିତିରେ ଲୋକଙ୍କ ବିଶ୍ବାସଭାଜନ ପାଇଁ ପ୍ରଧାନମନ୍ତ୍ରୀ ତାଙ୍କ ବିଭାଗ ପରିବର୍ତ୍ତନ କରିପାରନ୍ତି ବୋଲି ଜଣାପଡିଛି।

ବର୍ତ୍ତମାନ ଧର୍ମେନ୍ଦ୍ରଙ୍କ ପାଖରେ ଦୁଇଟି ଗୁରତ୍ବ ପୂର୍ଣ୍ଣ ପେଟ୍ରୋଲିୟମ ଏବଂ ଇସ୍ପାତ ବିଭାଗ ରହିଛି। ଯେହେତୁ ମନ୍ତ୍ରୀ ମଣ୍ଡଳ ସଂପ୍ରସାର କରାଯାଉଛି ଏବଂ ନୂଆ ମୁହଁଙ୍କୁ ସାମିଲ କରାଯିବ, ସେଥିପାଇଁ ମନ୍ତ୍ରୀମାନଙ୍କ ହାତରେ ଆଉ ବହୁ ବିଭାଗ ରହିବ ନାହିଁ। ସେହି ଅନୁସାରେ ଧର୍ମେନ୍ଦ୍ରଙ୍କର ମଧ୍ୟ ଦୁଇଟି ବିଭାଗ ବଦଳରେ ଗୋଟିଏ ବିଭାଗର ମନ୍ତ୍ରୀ ହେବାର ସମ୍ଭାବନା ରହିଛି। ତେବେ ଏହି ଅଦଳବଦଳ ପକ୍ରିୟାରେ ଧର୍ମେନ୍ଦ୍ର ଆହୁରି ଶକ୍ତିଶାଳୀ ହେବେ ବୋଲି ଦିଲ୍ଲୀରେ ଚର୍ଚ୍ଚା ଚାଲିଛି।

Categories
ଆଜିର ଖବର ରାଜ୍ୟ ଖବର

ରାଜ୍ୟ ସରକାରଙ୍କ ଅପରାଗତ ଯୋଗୁଁ ମୟୁରଭଂଜ ଜିଲ୍ଲାର ଡେଣୁଆଁ ଗାଁ ଝାଡଖଣ୍ଡ ଅକ୍ତିଆର କରିଛି, ବିଜେପି

ଭୁବନେଶ୍ୱର: ରାଜ୍ୟ ସରକାରଙ୍କ ଅପାରଗତା ଯୋଗୁଁ ଓଡିଶାର ସୀମାବର୍ତ୍ତୀ ଅଂଚଳଗୁଡିକୁ ପଡୋଶୀ ରାଜ୍ୟମାନେ ଅକ୍ତିଆର କରିବାକୁ ଲାଗିଛନ୍ତି। କୋରାପୁଟ ଜିଲ୍ଲାର କୋଟିଆ ପରି ମୟରୁଭଂଜ ଜିଲ୍ଲାର ରରୁଆ ବ୍ଲକ ଡେଣୁଆଁ ଗାଁର ବାସିନ୍ଦାଙ୍କୁ ଝାଡଖଣ୍ଡ ରାଜ୍ୟ ସମସ୍ତ ପ୍ରକାର ସୁବିଧା ଯୋଗାଇ ଦେଉଛନ୍ତି। ସୀମାବର୍ତ୍ତୀ ଅଂଚଳକୁ ରାଜ୍ୟ ସରକାର ଗୁରୁତ୍ୱ ଦେଉନାହାଁନ୍ତି ବୋଲି ରାଜ୍ୟ ସଭାପତି ସମୀର ମହାନ୍ତିଙ୍କ ନେତୃତ୍ୱରେ ଏକ ଉଚ୍ଚ ସ୍ତରୀୟ ପ୍ରତିନିଧୀ ଦଳ ଓଡିଶା ଝାଡଖଣ୍ଡ ସୀମାବର୍ତ୍ତୀ ଡେଣୁଆଁ ଗାଁ ଗସ୍ତକରିବା ସମୟରେ ଅଭିଯୋଗ କରିଛନ୍ତି। ଝାଡଖଣ୍ଡ ପାଇଁ ଓକିଲାତି କରୁଥିବା ଲୋକ ଏବେ ରାଜ୍ୟ ସରକାରଙ୍କ ରାଜସ୍ୱ ମନ୍ତ୍ରୀ ଅଛନ୍ତି।  ତାଙ୍କ ଜିଲ୍ଲାର ଗାଁକୁ ପଡୋଶୀ ରାଜ୍ୟ ଅକ୍ତିଆର କରିବାକୁ ବସିଥିବା ବେଳେ ରାଜସ୍ୱ ମନ୍ତ୍ରୀ ନୀରବଦ୍ରଷ୍ଟା ସାଜିଛନ୍ତି ବୋଲି ସେ ଅଭିଯୋଗ କରିଛନ୍ତି।

ଡେଣୁଆ ଗାଁ ଲୋକଙ୍କ ସହ ଶ୍ରୀ ମହାନ୍ତି ବିଭିନ୍ନ ପ୍ରସଙ୍ଗରେ ଆଲୋଚନା କରିଛନ୍ତି। ଭାବାଗତ ଦୃଷ୍ଟିରୁ ଆମେ ସମସ୍ତେ ଏକ। ରାଜ୍ୟ ସରକାର ତୁରନ୍ତ ସୀମା ବିବାଦକୁ ସମାଧାନ କରିବା ସହ ସୀମାବର୍ତ୍ତୀ ଅଂଚଳର ଲୋକଙ୍କ ବିକାଶ ସ୍ୱତନ୍ତ୍ର ଦୃଷ୍ଟି ଦେଇ ସେମାନଙ୍କୁ ସମସ୍ତ ପ୍ରକାରର ସୁବିଧା ସୁଯୋଗ ଯୋଗାଇଦେବା ପାଇଁ ବିଜେପି ରାଜ୍ୟ ସଭାପତି ସମୀର ମହାନ୍ତି କହିଛନ୍ତି। ଏହି ପ୍ରତିନିଧୀ ଦଳରେ ସାଂସଦ ତଥା ରାଷ୍ଟ୍ରୀୟ ସଂପାଦକ ବିଶେଶ୍ୱର ଟୁଡୁଙ୍କ ସମେତ ବିଜେପି ବିଧାୟକ ପ୍ରକାଶ ସୋରନେ, ନବ ମାଝୀ, ଗଣେଶ ରାମ ଖୁଂଟିଆ, ଭାସ୍କର ମଢେଇ, ବୁର୍ଦ୍ଧାନ ମୁର୍ମୁ, ରାଜ୍ୟ ସାଧାରଣ ସଂପାଦକ ଗୋଲକ ମହାପାତ୍ର, ରାଜ୍ୟ ସଂପାଦକ କାଳନ୍ଦୀ ସାମଲ ପ୍ରମୁଖ ଉପସ୍ଥିତ ଥିଲେ।

Categories
ଜାତୀୟ ଖବର ବିଶେଷ ଖବର ରାଜ୍ୟ ଖବର

ଘୋଷଣା ହେଲା ମହିଳା ମୋର୍ଚ୍ଚାର ରାଜ୍ୟ ପଦାଧିକାରୀ ସଦସ୍ୟାଙ୍କ ନାମ, ଜାଣନ୍ତୁ ସେମାନେ କିଏ

ଭୁବନେଶ୍ୱର, ରାଜ୍ୟ ସଭାପତି ଶ୍ରୀ ସମୀର ମହାନ୍ତିଙ୍କ ଅନୁମୋଦନ କ୍ରମେ ମହିଳା ମୋର୍ଚ୍ଚା ରାଜ୍ୟ ସଭାନେତ୍ରୀ ଶ୍ରୀମତୀ ସ୍ମୃତି ପଟ୍ଟନାୟକ ଆଜି ମହିଳା ମୋର୍ଚ୍ଚା ରାଜ୍ୟ ପଦାଧିକାରୀ, ରାଜ୍ୟ କାର୍ଯ୍ୟକାରିଣୀ ସଦସ୍ୟା, ମୋର୍ଚ୍ଚାର ବିଭିନ୍ନ ବିଭାଗର ସଂଯୋଜିକା ଏବଂ ସହ ସଂଯୋଜିକାମାନଙ୍କ ନାମ ତାଲିକା ଘୋଷଣା କରିଛନ୍ତି । ଏଥିରେ ୬ ଜଣଙ୍କୁ ମହିଳା ମୋର୍ଚ୍ଚା ରାଜ୍ୟ ଉପସଭାନେତ୍ରୀ ଦାୟୀତ୍ୱ ଏବଂ ୨ ଜଣଙ୍କୁ ସାଧାରଣ ସଂପାଦିକା ଏବଂ ୫ ଜଣଙ୍କୁ ସଂପାଦିକା ଦାୟୀତ୍ୱ ଦିଆଯାଇଛି।

ମହିଳା ମୋର୍ଚ୍ଚା ରାଜ୍ୟ ଉପସଭାନେତ୍ରୀ ଭାବେ କାନନବାଳା ପଟ୍ଟନାୟକ, ନିୟତି ଗିରି, ସୁଷମା ରାଣି ବିଶ୍ୱାଳ, ନିରୋଜ ନଳିନୀ ମାହାଲ୍ଲିକ, ଅନୁ ଚୌଧୁରୀ, କସ୍ତୁରୀ ମିଶ୍ରଙ୍କୁ ଦାୟିତ୍ୱ ଦିଆଯାଇଛି । ମହିଳା ମୋର୍ଚ୍ଚା ରାଜ୍ୟ ସାଧାରଣ ସଂପାଦିକା ଭାବେ ବବିତା ପାତ୍ର ଓ କଳ୍ପନା ଲେଙ୍କା, ସଂପାଦିକା ଭାବେ କୌଶଲ୍ୟା ନାୟକ, ରଶ୍ମିରେଖା ଦାସ, ଜୟଲକ୍ଷ୍ମୀ ମହାନ୍ତି, ଇତିଶ୍ରୀ ଜେନା, ରଂଜିତା ପାଣିଗ୍ରାହୀ ଏବଂ କୋଷାଧ୍ୟକ୍ଷ ଭାବେ ସୁବାସିନୀ ବଳଙ୍କୁ ଦାୟିତ୍ୱ ପ୍ରଦାନ କରାଯାଇଛି ।

ମହିଳା ମୋର୍ଚ୍ଚାର ବିଭିନ୍ନ ବିଭାଗର ରାଜ୍ୟ ସଂଯୋଜିକା ଏବଂ ସହ ସଂଯୋଜିକା ଭାବେ ପ୍ରତିମା ମିଶ୍ର, ରଶ୍ମି ପଟ୍ଟନାୟକ, ମାନସୀ ହରିଚନ୍ଦନ, ସବିତା ପ୍ରହରାଜ, ସେଫାଲୀ ଦାସ, ସୁଜାତା ପାଢୀ, ସୁଚରିତା ଜେନାମଣୀ, ଅନ୍ୟ ଅନନ୍ୟା ପ୍ରିୟଦର୍ଶିନୀ, ଅନୁଶ୍ରୀ ମହାନ୍ତି, ସତରୂପା ମିଶ୍ର, ପୂର୍ଣ୍ଣିମା ଦାସ, ପଦ୍ମଜା ଦେବତାଙ୍କୁ ଦାୟୀତ୍ୱ ଦିଆଯାଇଛି ।

ମହିଳା ମୋର୍ଚ୍ଚାର ରାଜ୍ୟ କାର୍ଯ୍ୟକାରିଣୀ ସଦସ୍ୟା ଭାବେ ସଂଘମିତ୍ରା ପ୍ରଧାନ, ରୋଜାଲିନ ଦାସ, ମିନା ସରାଫ, ପଦ୍ମାବତୀ ଜେନା, ସୁବାସିନୀ ପୃଷ୍ଟି, ଅଂଜଳି ସେଠୀ, କଳ୍ପନା ପଟ୍ଟନାୟକ, ରିତା ଚୌଧୁରୀ, ପ୍ରୀତି ପରମିତା ବେହେରା, ଭାରତୀ ସ୍ୱାଇଁ, ମୀନା ଧ୍ୟାନସାମନ୍ତରାୟ, ଅମିତା ରାଣୀ ଦାସ, କୁନ୍ତୀ ପାଲ୍‌, କାନନବାଳା ଦାସ, ମମତା ସ୍ୱାଇଁ, ସୁମତି ଜେନା, ମୀନା କୁମାରୀ ଦାସ, ସୁମିତ୍ରା ବାହିନିପତୀ, ରଶ୍ମି ପଟ୍ଟନାୟକ, କବିତା ନାଥ, ପୂର୍ଣ୍ଣିମା ମଜୁମଦାର, ଲକ୍ଷ୍ମୀପ୍ରିୟା ସାହୁ, ସୁମନ ସିଂହ, ମିଥିଲା ଟୁଡୁ, ପ୍ରବୀଣା କୋଲାର, ପ୍ରିତୀ ସିଗ୍ଧା ମହାପାତ୍ର, ନିରୁପମା ଖଟେଇ, ଜେମାମଣି ଧାରୁଆ, ପ୍ରମିଳା ଦାସ, ମାନସୀ ହରିଚନ୍ଦନ ଏବଂ ସୌମ୍ୟା ମିଶ୍ରଙ୍କୁ ଦାୟିତ୍ୱ ଦିଆଯାଇଛି ବୋଲି ମହିଳା ମୋର୍ଚ୍ଚା ରାଜ୍ୟ ସଭାନେତ୍ରୀ ଶ୍ରୀମତୀ ସ୍ମୃତି ପଟ୍ଟନାୟକ ପ୍ରେସ ବାର୍ତାରେ ଜଣାଇଛନ୍ତି ।

Categories
ଜାତୀୟ ଖବର ବିଶେଷ ଖବର

କୋଟିଆ ଲୋକେ ଆନ୍ଧ୍ର ମୁହାଁ ପାଇଁ ରାଜ୍ୟ ସରକାରଙ୍କୁ ଦାୟୀ କଲା ରାଜ୍ୟ ବିଜେପି

ଭୁବନେଶ୍ବର, ଓଡିଶା ସୀମାବର୍ତ୍ତି ଅଞ୍ଚଳର ଲୋକଙ୍କୁ ରାଜ୍ୟ ପ୍ରଶାସନ ସୁରକ୍ଷା ଦେବାରେ ବିଫଳ। ଫଳରେ ସେମାନେ ଆନ୍ଧ୍ର ମୁହାଁ ହେଉଛନ୍ତି। ଏପରିକି  ନିର୍ବାଚନ ବନ୍ଦ କରିବା ପାଇଁ ରାଜ୍ୟ ସରକାର ବିଳମ୍ବରରେ ସୁପ୍ରିମ କୋର୍ଟ ଗଲେ। ଫଳରେ କୋଟିଆ ପଞ୍ଚାୟତ ନିର୍ବାଚନ ବନ୍ଦ ହେଲା ନାହିଁ। ଏପରିକି ଗୁଇନ୍ଦା ବିଭାଗ ମଧ୍ୟ ଏସବୁ ତଥ୍ୟ ଦେବାରେ ସଂପୂର୍ଣ୍ଣ ବିଫଳ ହୋଇଛି ବୋଲି ଅଭିଯୋଗ କରିଛି ରାଜ୍ୟ ବିଜେପି।

ଆଜି ରାଜ୍ୟ କାର୍ଯ୍ୟାଳୟରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ଏହିପରି ଅଭିଯୋଗ ଆଣିଛନ୍ତି ବିଜେପି ରାଜ୍ୟ ସଭାପତି ସମୀର ମହାନ୍ତି। ଗତ କିଛିଦିନ ତଳେ ବିଜେପିର ଏକ ବରିଷ୍ଠ ପ୍ରତିନିଧୀ ଓଡିଶାର ସୀମାବର୍ତ୍ତି ଅଞ୍ଚଳ ପରିଦର୍ଶନରେ ଯାଇଥିଲେ। ସେଠାରେ ଲୋକକମାନଙ୍କର ଭାବଗତ ଭାବେ ଓଡିଶାରେ ଅଛନ୍ତି, ହେଲେ ସେମାନଙ୍କୁ ମୌଳିକ ସୁବିଧାରୁ ବଞ୍ଚିତ କରାଯାଉଥିବାରୁ ସେମାନେ ଆନ୍ଧ୍ର ମୁହାଁ ହେଉଛନ୍ତି ବୋଲି ସମୀର ମହାନ୍ତି ଅଭିଯୋଗ କରିଛନ୍ତି।

ଗଜପତି ଜିଲ୍ଲାର ଗଙ୍ଗାବାଡ ପଂଚାୟତର ବିବାଦୀୟ ମାଣିକପାଟଣା ଗାଁକୁ ଏହି ବିଜେପି ପ୍ରତିନିଧୀ ଦଳ ଗସ୍ତ କରିଥିବାବେଳେ ସେଠାରେ ଆନ୍ଧ୍ର ସରକାରଙ୍କ ପଦସ୍ତ ଅଧିକାରୀ, ଉପଜିଲ୍ଲାପାଳ, ତହସିଲଦାର ଏବଂ ଡିଏସପିଙ୍କ ସହ ଆଲୋଚନା ବେଳେ ଉତେଜନାମୂଳକ ପରିସ୍ଥିତି ସୃଷ୍ଟି ହୋଇଥିଲା । ସ୍ଥାନୀୟ ତହସିଲଦାରଙ୍କୁ ଡକାଇ ବିଜେପି ପ୍ରତିନିଧୀ ଦଳ ୧୯୯୩ ମସିହାରେ ପ୍ରସ୍ତୁତ ହୋଇଥିବା ଉଭୟ ରାଜ୍ୟର ସ୍ୱୀକୃତି କ୍ରମେ ଜଏଣ୍ଟ ଭେରିଫିକେସନ ନକ୍ସାକୁ ଉପସ୍ଥାପନ କରିଥିଲେ ।

ଅପର ପକ୍ଷରେ ଆନ୍ଧ୍ର ଅଧିକାରୀଙ୍କୁ ତାଙ୍କ ତଥ୍ୟ ପ୍ରମାଣ ମଗାଯାଇ ଥିବା ବେଳେ ସେମାନେ ନ ଦେଖାଇପାରି ଏବଂ ବିଜେପି ପ୍ରତିନିଧୀ ଦଳର ବିଭିନ୍ନ ପ୍ରଶ୍ନର ଉତ୍ତର ନ ଦେଇପାରି ଛତ୍ରଭଙ୍ଗ ଦେବାକୁ ବାଧ୍ୟ ହୋଇଥିଲେ । ୨୦୧୮ ମସିହାର ତିତିଲି ମହାବାତ୍ୟାର ମୁଖ୍ୟ କେନ୍ଦ୍ରସ୍ଥଳୀ ଗଙ୍ଗାବାଡ ପଂଚାୟତକୁ ଆସିଥିବା କେନ୍ଦ୍ର ସରକାରଙ୍କ ପୁନଃ ନିର୍ମାଣ ଓ ପୁନଃ ଥଇଥାନ ଅର୍ଥ ଏପର୍ଯ୍ୟନ୍ତ କାର୍ଯ୍ୟନ୍ୱୟନ ହୋଇନଥିବା ଦେଖିବାକୁ ମିଳିଥିଲା ବୋଲି ବିଜେପି କହିଛି।

କେବଳ ଚଳିତ ସପ୍ତାହରେ ପ୍ରଧାନମନ୍ତ୍ରୀ ଗ୍ରାମ୍ୟ ସଡକ ଯୋଜନା ନାମକୁ ମାତ୍ର ଆରମ୍ଭ ହୋଇଛି । ଓଡିଶାରେ ଥିବା ସ୍କୁଲରେ ଶିକ୍ଷକ ନାହାଁନ୍ତି । ମାଣିକପାଟଣା ଠାରୁ ୬ କିମି ଦୂରରେ ଥିବା ଗଙ୍ଗାବାଡରେ ପ୍ରଥମରୁ ପଂଚମ ପର୍ଯ୍ୟନ୍ତ ଥିବା ସ୍କୁଲରେ ମାତ୍ର ୪୦ ପିଲା ପଢିବାର ବ୍ୟବସ୍ଥା ରହିଛି,ଯେଉଁଠି ମାତ୍ର ୩ ଜଣ ଶିକ୍ଷକ ଅଛନ୍ତି । ୧୦୮ କିମ୍ବା ୧୦୨କୁ ଫୋନ୍ କଲେ ଆନ୍ଧ୍ରରୁ ଆମ୍ବୁଲାନ୍ସ ଆସୁଛି । ଆନ୍ଧ୍ରର ଡାକ୍ତରଖାନାକୁ ଓଡିଆ ଲୋକ ବ୍ୟବହାର କରିବାକୁ ବାଧ୍ୟ ହେଉଛନ୍ତି । ବିଦ୍ୟୁତ ଖୁଂଟ ଆନ୍ଧ୍ର ପକାଇ ସୌଭାଗ୍ୟ ଯୋଜନାରେ ବିଜୁଳି ସଂଯୋଗ ଦେଇଛି ବୋଲି ସମୀର ମହାନ୍ତି କହିଛନ୍ତି ।

ଓଡିଶା ଏବଂ ଆନ୍ଧ୍ର ଦ୍ୱିପାକ୍ଷିକ ଚୁକ୍ତିରେ ନିର୍ମାଣ ହୋଇଥିବା କଳିଙ୍ଗ ଦୋଳା ଜଳସେଚନ ପ୍ରକଳ୍ପର କୌଣସି ଲାଭ ଓଡିଶାବାସୀଙ୍କୁ ମିଳୁନାହିଁ । ପାଖାପାଖି ୪୦୦ ଏକର ଓଡିଶା ଜମି ଏବଂ ଓଡିଶାରେ ଉତ୍ପତି ହୋଇଥିବା ମହେନ୍ଦ୍ରତନୟା ନଦୀର ଜଳକୁ ବ୍ୟବହାର କରି ଆନ୍ଧ୍ର ସଂପୂର୍ଣ୍ଣ ପାଣି ନେଇଯାଉଥିବାବେଳେ, ଚୁକ୍ତି ଅନୁଯାୟୀ ଆନ୍ଧ୍ର ସରକାର କରିବାକୁ ଥିବା ରାସ୍ତା, ପୋଲ, ବିଦ୍ୟୁତ କରଣ, ପାନୀୟ ଜଳ ଯୋଗାଣ ସମେତ ଆଂଚଳିକ ବିକାଶର ବ୍ୟବସ୍ଥା ଆଦୌ କରିନାହାଁନ୍ତି ବୋଲି ବିଜେପି କହିଛି। ଏଥିପାଇଁ ବିଜେପି ପକ୍ଷରୁ ସୀମାନ୍ତ ସୁରକ୍ଷା ସେଲ୍ ଗଠନ କରାଯିବ ବୋଲି ମହାନ୍ତି ଘୋଷଣା କରିଛନ୍ତି ।

Categories
ଫଟୋ ଖବର

ଭୁବନେଶ୍ବର ବିଜେପି କାର୍ଯ୍ୟାଳୟରେ ଜିଲ୍ଲା ସଭାପତିଙ୍କ ବୈଠକରେ ଓଡିଶା ପ୍ରଭାରୀ ପୁରନ୍ଦେଶ୍ବରୀ

ରାଜ୍ୟ ବିଜେପି ମୁଖ୍ୟାଳୟରେ ପ୍ରଭାରୀ ଶ୍ରୀମତୀ ପୁରନ୍ଦେଶ୍ବରୀ ଙ୍କ ଓଡ଼ିଶା ଗସ୍ତର ତୃତୀୟ ଦିନରେ ଜିଲ୍ଲା ସଭାପତି ଏବଂ ପ୍ରଭାରୀମାନଙ୍କ ବୈଠକରେ ଯୋଗଦେଇ ରାଜ୍ୟର ବିଭିନ୍ନ ପ୍ରସଙ୍ଗ ସହ ଦଳୀୟ ସ°ଗଠନ ବିଷୟରେ ବିସ୍ତୃତ ଆଲୋଚନା କରିଥିଲେ ।

Categories
ବିଶେଷ ଖବର ରାଜ୍ୟ ଖବର

ସତରେ ପରୀ ପାଇଁ ରାଜ୍ୟ ବିଜେପି କାନ୍ଦୁଛି, ନା ରାଜନୀତି ରୁଟି ସେକା!

ଭୁବନେଶ୍ୱର: ନୟାଗଡ଼ର କୁନିଝିଅ ପରୀ ହତ୍ୟାକାଣ୍ଡ ଘଟଣାର ତଦନ୍ତ ସରିନି। ଏସଆଇଟିକୁ ଏହାର ତଦନ୍ତଭାର ଦେଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ହେଲେ ବିରୋଧୀଙ୍କ ମନ ବୁଝୁନି। ବିଧାନସଭାରେ ପରୀ ହତ୍ୟାକାଣ୍ଡ ଘଟଣାକୁ ନେଇ ବିରୋଧୀ କଂଗ୍ରେସ ଓ ବିଜେପି ସରକାରଙ୍କୁ ଘେରିବା ପରେ ଘଟଣାର ନିରପେକ୍ଷ ତଦନ୍ତ ପାଇଁ ସରକାର ଏସଆଇଟି ଗଠନ କଲେ।

ଏହାପରେ ଏହି ଘଟଣାରେ ସାମୟିକ ବିରାମ ଲାଗିଥିଲେ ବି ରାଜ୍ୟ ବିଜେପି କିନ୍ତୁ ଏହାକୁ ମୁଖ୍ୟ ରାଜନୈତିକ ପ୍ରସଙ୍ଗ କରିଛି। ରାଜରାସ୍ତାଠୁ ଆରମ୍ଭ କରି ମନ୍ତ୍ରୀ ଅରୁଣ ସାହୁଙ୍କ ବାସଭବନ ପର୍ଯ୍ୟନ୍ତ ପହଞ୍ଚିଗଲେଣି। ଏହି ଘଟଣାର ମୁଖ୍ୟ ଅଭିଯୁକ୍ତ କୁହାଯାଉଥିବା ବାବୁଲି ନାୟକକୁ ଏସଆଇଟି ଜେରା କରିଛି। ଏଥିରେ ଯେଉଁମାନଙ୍କ ନାଁ ଆସୁଛି, ସେମାନଙ୍କୁ ତଦନ୍ତ ପରିସରଭୁକ୍ତ କରାଯାଇ ଜେରା ଚାଲିଛି।

ଅନ୍ୟପଟେ ନୟାଗଡ଼ ଜିଲ୍ଲାପାଳ ଏବଂ ଏସପିଙ୍କୁ ଦିଲ୍ଲୀ ଡାକରା ଆସିଛି। କେଉଁ ପରିସ୍ଥିତିରେ ପରୀ ହତ୍ୟାକାଣ୍ଡ ତଦନ୍ତ ଆଗକୁ ବଢ଼ିଲାନି ଏବଂ ଏଥିରେ କେଉଁମାନଙ୍କ ସମ୍ପୃକ୍ତି ରହିଛି ସେ ନେଇ ଖୋଳତାଡ଼ ହେବ। ହେଲେ ବିଜେପି ମହିଳା ମୋର୍ଚ୍ଚା ଯେଭଳି ଢଙ୍ଗରେ ମନ୍ତ୍ରୀ ଅରୁଣ ସାହୁଙ୍କ ବାସଭବନରେ ଧସେଇ ପଶିବା ଉଦ୍ୟମ କରିଛି, ତାହା ଅଧିକ ପ୍ରଶ୍ନବାଚୀ ସୃଷ୍ଟିକରିଛି। କାରଣ ଯେଉଁ ଘଟଣାର ତଦନ୍ତ ପାଇଁ ରାଜ୍ୟ ସରକାର ସବୁପ୍ରକାର ଉଦ୍ୟମ କରୁଛନ୍ତି ସେଥିରେ ବିରୋଧୀ ଦଳ ଏତେ ବିବ୍ରତ କାହିଁକି ?

ହୁଏତ ସରକାରଙ୍କୁ ଘେରିବା ପାଇଁ ବିରୋଧୀଙ୍କ ନିକଟରେ ଅନ୍ୟ କିଛି ପ୍ରସଙ୍ଗ ନଥିବାରୁ ପରୀ ଅସ୍ତ୍ରରେ ରାଜନୀତି କରିବା ଲକ୍ଷ୍ୟ ରହିଛି।

Categories
ବିଶେଷ ଖବର ରାଜ୍ୟ ଖବର

ଲେଖାଶ୍ରୀଙ୍କ ବିବାଦୀୟ ମନ୍ତବ୍ୟ ପାଇଁ ଓଡିଶାରେ ବିଜେପି ଲୋକ ପ୍ରିୟତା ହରାଉଛି କି ?

ଭୁବନେଶ୍ବର, ବିଭିନ୍ନ ସମୟରେ ବିଜେପି ନେତ୍ରୀ ଲେଖାଶ୍ରୀ ସାମନ୍ତିସଂହାରଙ୍କ ଯେପରି ବୟାନ ଦେଉଛନ୍ତି ତାହା ବିଜେପିର ଲୋକପ୍ରିୟତା ବଢାଇବା ପାଇଁ ସାହାର୍ଯ୍ୟ କରୁଛି କି ? ଏହିପରି ଏକ ପ୍ରଶ୍ନବାଚୀ ଓଡିଶା ବୁଦ୍ଧିଜୀବି ମହଲରେ ବର୍ତ୍ତମାନ ସୃଷ୍ଟି ହୋଇଛି। ସେତିକି ନୁହେଁ ଏହା ଦ୍ବାରା ନିଜେ ଲେଖାଶ୍ରୀ ଲୋକପ୍ରିୟତା ହାସଲ କରୁଛନ୍ତି କି? ଏହି ପ୍ରଶ୍ନ ମଧ୍ୟ ସାଧାରଣରେ ଆଲୋଚନା ଚାଲିଛି। କାରଣ ତାଙ୍କର ବୟାନ କେବେ ବି ସାଧାରଣ ଲୋକଙ୍କର ଗ୍ରହଣୀୟ ନୁହେଁ।

ନିକଟରେ ପୁରୀକୁ ନେଇ ସେ ଯେପରି ବିଭ୍ରାନ୍ତିକର ମନ୍ତବ୍ୟ ଦେଲେ ତାହାକୁ ନେଇ ବିଭିନ୍ନ ମହଲରେ ନିନ୍ଦା କରାଗଲା। ପାୱାରଫୁଲ ନେତାଙ୍କର ପାଖ ହେବା ବା ତାଙ୍କର ଆର୍ଶିବାଦ ହାସଲ କରିବା ପାଇଁ ବିଭିନ୍ନ ତରିକା ରହିଛି। ହେଲେ ପୁରୀ ପରି ପବିତ୍ର ସ୍ଥାନକୁ ତଳେ ପକାଇ ସମ୍ବିତ ପାତ୍ରଙ୍କୁ ପ୍ରଶଂସା କରିବା ଠିକ ନୁହେଁ। ଯଦି ଲେଖାଶ୍ରୀ ସମ୍ବିତ ପାତ୍ରଙ୍କୁ ଖୁସି କରି ଉପରକୁ ଯିବା ପାଇଁ ଚାହାଁନ୍ତି ତେବେ ସେ ନିଜେ ତାଙ୍କୁ ଜଗନ୍ନାଥ ବୋଲି ଭାବି ପାରନ୍ତି। ହେଲେ ସମ୍ବିତ ପାତ୍ରଙ୍କ ପାଇଁ ଲୋକେ ପୁରୀ ଓଡିଶାରେ ବୋଲି ଜାଣିଲେ କହିବା ଆଦୌ ଯୁକ୍ତିଯୁକ୍ତ ନୁହେଁ।

ପୂର୍ବରୁ ଏହିପରି ଲେଖାଶ୍ରୀ ବହୁବାର ଅରୁଚିକର ମନ୍ତବ୍ୟ ଦେଇଥିବାର ଉଦାହରଣ ଯଥେଷ୍ଠ ରହିଛି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଲେଖାଶ୍ରୀ ବିଭିନ୍ନ ସମୟରେ ଅରୁଚିକର ମନ୍ତବ୍ୟ ଦେବା ଦୃଷ୍ଟାନ୍ତ ରହିଛି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ହେଉଛନ୍ତି ବିଜେପିର ରାଜନୈତିକ ପ୍ରତିଦ୍ବନ୍ଦି। ତାଙ୍କୁ ନିନ୍ଦା କରିବା କିମ୍ବା ଗାଳି କରିବା ଲେଖାଶ୍ରୀଙ୍କର ରାଜନୈତିକ ଅଧିକାର ରହିଛି। ହେଲେ ତାହା ଯଦି ଅରୁଚିକର ବକ୍ତବ୍ୟ ହେବ ତେବେ ତାହା କେବେ ବି ସାଧାରଣରେ ଗ୍ରହଣୀୟ ହେବ ନାହିଁ।

ଲେଖାଶ୍ରୀଙ୍କର ଏପରି ବୟନା ହୁଏତ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଖୁସି ହୋଇ ପାରନ୍ତି ହେଲେ ସାଧାରଣ ଲୋକେ କେବେ ବି ତାହାକୁ ସହଜରେ ଗ୍ରହଣ କରିବେ ନାହିଁ। ବରଂ ଲେଖାଶ୍ରୀ ନିଜେ ନିଜର ନିଜତ୍ବ ହରାଇବା ବ୍ୟତିତ ଅନ୍ୟ କିଛି ହେବ ନାହିଁ। କାରଣ ସେ ନବୀନ ପଟ୍ଟନାୟକଙ୍କୁ ଏତେ ଅଭଦ୍ର ଭାଷାରେ ଗାଳି କରିବା ସତ୍ବେ ମଧ୍ୟ ନବୀନଙ୍କ ଲୋକପ୍ରିୟତା ହ୍ରାସ ପାଇପାରୁ ନାହିଁ।

ସେହିପରି ସୁରତରେ ଓଡିଆ ମହିଳାମାନଙ୍କୁ ନେଇ ଯାହା ସହିତ ତୁଳନା କଲେ ତାହା ମଧ୍ୟ ଏକ ବିବାଦୀୟ ଥିଲା। ପ୍ରକୃତରେ ପୁରୀ ଏବଂ ଓଡିଶାର ମହିଳାଙ୍କୁ ନେଇ ଏପରି ବିଭ୍ରାନ୍ତକର ମନ୍ତବ୍ୟ ଦେବା ତାଙ୍କର ଅଭ୍ୟାସ ନା ଏପରି କହିବା ପାଇଁ ଦଳ ତରଫରୁ କୁହାଯାଉଛି ତାହା ବୁଝି ହେଉ ନାହିଁ। କାରଣ ତାଙ୍କର ଏପରି ଅରୁଚିକର ମନ୍ତବ୍ୟକୁ ଦଳ ତରଫରୁ ଢେର ସମର୍ଥନ ମଧ୍ୟ ଯୋଗାଇ ଦିଆଯାଉଛି। ଏହା ଦ୍ବାରା ଦଳର ଭାବମୂର୍ତ୍ତି କିପରି ରହୁଛି ତାହା ବିଜେପି ନେତାମାନେ ଗଭୀର ଭାବେ ଚିନ୍ତା କରିବାର ଆବଶ୍ୟକତା ରହିଛି।

ଲେଖାଶ୍ରୀ ମଧ୍ୟ ନିଜ ବିବାଦୀୟ ମନ୍ତବ୍ୟକୁ ନେଇ ଗଭୀର ଭାବେ ଚିନ୍ତା କରିବା ଉଚିତ। ସେ ଜାଣିବା ଦରକାର ଯେ ଯାହା ପାଇଁ ସେ ବଦନାମ ହେଉଛନ୍ତି ସେମାନେ ତାଙ୍କୁ ଟିକେଟଟିଏ ମଧ୍ୟ କରାଇପାରୁ ନାହାଁନ୍ତି। ତେଣୁ ଏତିକି କୁହାଯାଇପାରେ ଯେ, ବିଜେପିର କେତେକ ନେତା ଲେଖାଶ୍ରୀଙ୍କ କାନ୍ଧରେ ବନ୍ଧୁକ ରଖି ଫୁଟାଉଛନ୍ତି। ଯାହାକୁ ଲେଖାଶ୍ରୀ ହୁଏତ ଜାଣିପାରୁ ନାହାଁନ୍ତି। ସମୟ ଆସିବ ଲେଖାଶ୍ରୀ ନିଜେ ହୃଦୟଙ୍ଗମ କରିବେ ଯେ ସେ ଯାହା କରୁଥିଲେ ଭୁଲ କରୁଥିଲେ। ହେଲେ ସେତେବେଳକୁ ସେ ନିଜର ରାଜନୈତିକ ପ୍ରତିଷ୍ଠା ହରାଇ ବସିଥିବେ।

Categories
ଜାତୀୟ ଖବର ବିଶେଷ ଖବର ରାଜ୍ୟ ଖବର

ପିପିଲି ଉପନିର୍ବାଚନ ବେଳେ ଲେଖାଶ୍ରୀଙ୍କ ବିବାଦୀୟ ମନ୍ତବ୍ୟ, ବିଜେପି ପାଇଁ ଏକ ଶକ୍ତ ଧକ୍କା

ଭୁବନେଶ୍ୱର: ଶ୍ରୀକ୍ଷେତ୍ରର ସମ୍ମାନ ହାନୀ ସହ ଓଡିଶାକୁ ନିନ୍ଦିତ କରି ଭୋଟ ରାଜନୀତିର ଭିନ୍ନ ପନ୍ଥାକୁ ଧରିଲେଣି ପଦ୍ମ ଦଳର ନେତ୍ରୀ ଲେଖାଶ୍ରୀ ସାମନ୍ତସିଂହାର। ସେ ଏଭଳି ଏକ ମନ୍ତବ୍ୟ ଦେଇଛନ୍ତି ଯେ, ତାହା ଅତ୍ୟନ୍ତ ହାସ୍ୟାସ୍ପଦ ଓ ଲଜ୍ଜାଜନକ। ଲେଖାଶ୍ରୀଙ୍କ ମନ୍ତବ୍ୟକୁ ନେଇ ଚାରିଆଡେ ବିରୋଧ କରାଯାଉଛି। ଲେଖାଶ୍ରୀ କହିଲେ ଶ୍ରୀମନ୍ଦିର ପୁରୀରେ ବୋଲି ସମ୍ବିତ ପାତ୍ର ସାଂସଦ ପ୍ରାର୍ଥୀ ହେବା ପରେ ଲୋକ ଜାଣିଲେ। ଆଗରୁ କୁଆଡେ ଶ୍ରୀକ୍ଷେତ୍ର ଓ ଶ୍ରୀମନ୍ଦିର କୋଲକାତାରେ ବୋଲି ଲୋକଙ୍କ ଧାରଣା ଥିଲା। ଏପରି ଋଚିହୀନ ତଥ୍ୟ ଦେଇ ଲେଖାଶ୍ରୀ କାହାକୁ ବଡ଼ ଦେଖାଇବାକୁ ଚେଷ୍ଟା କରିଛନ୍ତି ଜଣାପଡୁ ନାହିଁ।

ଶ୍ରୀଜଗନ୍ନାଥ, ଶ୍ରୀମନ୍ଦିର, ଶ୍ରୀକ୍ଷେତ୍ର ନା ସମ୍ବିତ ପାତ୍ରଙ୍କୁ ଲେଖାଶ୍ରୀ ମହାନ ବୋଲି ମନେ କରିଛନ୍ତି, ତାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି। ଗୋଟେ ଜାତି ଓ ତାର ଆରାଧ୍ୟ ଦେବତାଙ୍କୁ ନ୍ୟୁନ କରି ଭୋଟ ପାଇଁ ମାଟିର ମର୍ଯ୍ୟାଦା ହାନୀ କରିବା ନିହାତି ନିନ୍ଦନୀୟ। କାରଣ, କାହିଁ କେଉଁ କାଳରୁ ଶ୍ରୀମନ୍ଦିର ଓ ଶ୍ରୀଜଗନ୍ନାଥଙ୍କୁ ବିଶ୍ୱବାସୀ ଜାଣିଛନ୍ତି। ଜାତି, ଧର୍ମ ବର୍ଣ୍ଣ ନିର୍ବିଶେଷରେ ପ୍ରଭୁ ଶ୍ରୀଜଗନାଥଙ୍କ ପ୍ରତି ସମସ୍ତଙ୍କ ଭକ୍ତି ଓ ଶ୍ରଦ୍ଧା ରହିଛି। ହେଲେ ରାଜନୈତିକ ଅଭିସନ୍ଧି ରଖି ପୁରୀକୁ ନିନ୍ଦିତ କରିବାକୁ ରାଜନୀତି କୁହାଯାଇପାରିବ ନାହିଁ।

ଆଗକୁ ପିପିଲି ଉପନିର୍ବାଚନ। ତେଣୁ ୨୦୧୯ ସାଧାରଣ ନିର୍ବାଚନରେ ପୁରୀରେ ବିଜେପି ସାଂସଦ ପ୍ରାର୍ଥୀ ଭାବେ ନିର୍ବାଚନ ଲଢ଼ି ପରାଜୟବରଣ କରିଥିବା ସମ୍ବିତ ପାତ୍ର ଏବେ ପୁରୀରେ ଡେରା ପକାଉଛନ୍ତି। ସେଦିନ ସେ ଲେଖାଶ୍ରୀଙ୍କ ମନ୍ତବ୍ୟରୁ କଣ ବୁଝିଲେ କେଜାଣି, ସେ ମଧ୍ୟ ଘଟଣାକୁ ନେଇ ଦୁଃଖ ପ୍ରକାଶ ନ କରି ଚୁପ ବସି ଏପରି ପ୍ରଶଂସାର ମଜା ନେଲେ। ରାଜନୀତିରେ ଆରୋପ ପ୍ରତ୍ୟାରୋପ ଅଛି, ଏହାର ଅର୍ଥ ନୁହେଁ ଯେ, ଗୋଟିଏ ଜାତିର ସ୍ୱାଭିମାନକୁ ତଳେ ପକାଇ ଭୋଟ ହାତେଇବା।

ଓଡ଼ିଶାରେ ସଦ୍ୟ ସମାପ୍ତ ହୋଇଥିବା ଦୁଇଟି ଆସନର ଉପନିର୍ବାଚନ ଫଳାଫଳ କେବଳ ବିଜେଡି ସପକ୍ଷରେ ଥିଲା। ସାଧାରଣ ନିର୍ବାଚନରେ ଏହି ଦୁଇ ବିଧାନସଭା ଆସନ ମଧ୍ୟରୁ ଗୋଟିଏ ବିଜେଡି ହାତରେ ଥିଲାବେଳେ ଉପନିର୍ବାଚନ ଆଉ ଗୋଟିଏ ଆସନ ବିଜେଡିକୁ ଦେଲା। କାରଣ ବାଲେଶ୍ୱର ସଦର ଆସନଟି ବିଜେପିର ଥିଲା ବେଳେ ତିର୍ତ୍ତୋଲ ଥିଲା ବିଜେଡି ହାତରେ। କିନ୍ତୁ ଉପନିର୍ବାଚନ ଜନମତ ଦୁଇଟି ଆସନ ବିଜେଡିକୁ ଦେଇଦେଲା।

ଏବେ ପିପିଲି ଉପନିର୍ବାଚନ ପାଳି, ଏହା ପୁଣି ଦିବଙ୍ଗତ ନେତା ପୂର୍ବତନ ମନ୍ତ୍ରୀ, ବିଧାୟକ ପ୍ରଦୀପ ମହାରଥୀଙ୍କ ଗଡ଼। ଯେଉଁଠି କେବଳ ଶଙ୍ଖ ଧ୍ୱନୀ, ସେଠାରେ ଉପନିର୍ବାଚନରେ ପଦ୍ମ ଫୁଟାଇବା ଆଦୌ ସହଜ ନୁହେଁ। ସକଳ କସରତ ସତ୍ତ୍ୱେ ବିଜେଡିର ଭୋଟ ଗଣିତ ବିଜେପି ପାଖରେ ନାହିଁ, ଏହା ବାରମ୍ବାର ପ୍ରମାଣ ହୋଇ ସାରିଛି। ତେଣୁ ରାଜ୍ୟର ଲୋକପ୍ରିୟ, ଭରସାଯୋଗ୍ୟ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଲୋକପ୍ରିୟତାକୁ ଗୌଣ କରି ପିପିଲିରେ ବିଜେପି ଜିତିବା ସମ୍ଭବ ନୁହେଁ ବୋଲି ଚର୍ଚ୍ଚା ହେଉଛି।

ବର୍ତ୍ତମାନ ପିପିଲି ଉପନିର୍ବାଚନ ପାଇଁ ଲେଖାଶ୍ରୀ ଦଳ ପାଇଁ ଗୋଟିଏ ପେଞ୍ଚ ଛାଡିଦେଲେ। ବିରୋଧୀ ଏହାକୁ ନେଇ ରାଜନୀତି କରିବା ପାଇଁ ଏକ ଭଲ ସୁଯୋଗ ଆଣିଲେ ଲେଖାଶ୍ରୀ। ଏହି ନିଶ୍ଚିତ ଯେ ଲେଖାଶ୍ରୀଙ୍କ ଏହି ମନ୍ତ୍ରବ୍ୟ ପାଇଁ ଦଳ ନିଶ୍ଚିତ ହରଡଘଣାରେ ପଡିବ। ଏଥର ନୁହେଁ, ଅନେକ ଥର ଲେଖାଶ୍ରୀଙ୍କ ବିବାଦୀୟ ବୟାନ ବିଜେପି ପାଇଁ ଭାରୀ ପଡିଛି। ତ୍ରୁଣମୂଳରେ କର୍ମୀମାନେ ଯେପରି ପରିଶ୍ରମ କରି ଦଳକୁ ଆଗକୁ ନେଉଛନ୍ତି, ଏଥିରେ ଲେଖାଶ୍ରୀଙ୍କ ପରି ଚରିତ୍ର ଦଳକୁ ସେତିକି ପଛକୁ ଟାଣୁଛନ୍ତି। ଏପରି କ୍ଷେତ୍ରରେ ବିଜେପି କେତେ ଫାଇଦା ହାସଲ କରୁଛି କି ନାହିଁ ତାହାର ସମୀକ୍ଷା କରି ପଦକ୍ଷେପ ନେବାର ଆବଶ୍ୟକତା ରହିଛି।

Categories
ଫଟୋ ଖବର

ରାଜ୍ୟ ବିଜେପି କାର୍ଯ୍ୟାଳୟରେ ଭାରତର ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀଙ୍କୁ ଦିଆଯାଉଛି ଶ୍ରଦ୍ଧାଞ୍ଜଳି

ଭୁବନେଶ୍ବର, ରାଜ୍ୟ ବିଜେପି କାର୍ଯ୍ୟାଳୟରେ ଭାରତର ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀଙ୍କୁ ଦିଆଯାଉଛି ଶ୍ରଦ୍ଧାଞ୍ଜଳି

Categories
ଆଜିର ଖବର ଆଞ୍ଚଳିକ ରାଜ୍ୟ ଖବର

ଆଦିବାସୀ ନାବାଳିକା ସହ ଗଣଦୁଷ୍କର୍ମ ଏବଂ ହତ୍ୟା ଘଟଣାର ସରଜମିନ ତଦନ୍ତ କଲେ ବିଜେପିର ୩ ଜଣିଆ ଦଳ 

ଭୁବନେଶ୍ୱର, ଗତ ଜୁଲାଇ୨୦ ତାରିଖରେ କିଛି ଦୃର୍ବୁତ କୋରାପୁଟ ଜିଲ୍ଲା କୋଟପାଡ ବ୍ଲକ ଚିତ୍ରା ପଂଚାୟତ ବାଗଚୁଆଁ ଗାଁର ଜଣେ ଆଦିବାସୀ ନାବାଳିକା ସହ ଗଣଦୁଷ୍କର୍ମ କରି ହତ୍ୟା କରିଥିଲେ। ଏହି ପରିପ୍ରେକ୍ଷୀରେ ବିଜେପି ରାଜ୍ୟ ମହିଳାମୋର୍ଚ୍ଚା ସଭାନେତ୍ରୀ ଶ୍ରୀମତୀ ସ୍ମୃତି ପଟ୍ଟନାୟକଙ୍କ ନିର୍ଦ୍ଦେଶକ୍ରମେ କୋରାପୁଟ ଜିଲ୍ଲାର ବିଜେପି ନେତ୍ରୀ ସୁରଭି ପାଣି ଓ ଅଂଜଳୀ ମିଶ୍ରଙ୍କ ନେତୃତ୍ୱରେ ୩ ଜଣିଆ ପ୍ରତିନିଧୀ ଦଳ ମୃତା ନାବାଳିକାଙ୍କ ପରିବାର ସଦସ୍ୟକୁ ଭେଟିବା ସହ ଘଟଣାସ୍ଥଳକୁଯାଇ ସରଜମିନ ତଦନ୍ତ କରିଛନ୍ତି।

ପ୍ରତିନିଧୀ ଦଳ ପ୍ରଥମେ ମୃତା ନାବାଳିକାଙ୍କ ଗାଁ ବାଗଚୁଆଁ ଠାରେ ପହଂଚି ପରିବାର ସଦସ୍ୟ ଏବଂ ସ୍ଥାନୀୟ ଗ୍ରାମବାସୀଙ୍କ ସହ ଘଟଣା ସଂପର୍କରେ ବିସ୍ତୁତ ଭାବେ ଆଲୋଚନା କରିଥିଲେ। ପରିବାର ଲୋକ ମୃତା ନାବାଳିକା ଶରୀରର ଅନେକ ସ୍ଥାନରେ କ୍ଷତବିକ୍ଷତ ଚିହ୍ନ ଥିବା କଥା ଜଣାଇଛନ୍ତି। ପରେ କୋଟପାଡ ଥାନା ଆଇଆଇସିଙ୍କ ସହ ପ୍ରତିନିଧୀ ଦଳ ଆଲୋଚନା କରି ଦୋଷୀଙ୍କ ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ନେବା ପାଇଁ ଦାବୀ କରିଥିଲେ। ପ୍ରତିନିଧୀ ଦଳ ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀ ଏବଂ ପୋଷ୍ଟମର୍ଟମ କରିଥିବା ଡାକ୍ତରଙ୍କ ସହ ଆଲୋଚନା କରିଥିଲେ ବି କୌଣସି ସନ୍ତୋଷଜନକ ଉତର ମିଳିନଥିଲା। ତଦନ୍ତ ପରେ ପ୍ରତିନିଧୀ ଦଳ ମହିଳା ମୋର୍ଚ୍ଚା ରାଜ୍ୟ ସଭାନେତ୍ରୀଙ୍କୁ ଭିଡିଓ କନଫରେନ୍ସିରେ ସମସ୍ତ ତଥ୍ୟ ପ୍ରଦାନ କରିଥିଲେ।

Categories
ଆଜିର ଖବର ରାଜ୍ୟ ଖବର

ନାଗରିକତା ସଂଶୋଧନ ବିଲ ସପକ୍ଷରେ ରାଜ୍ୟ ବିଜେପି ଜାନୁୟାରୀରୁ କରିବ ସଚେତନତା କାର୍ଯ୍ୟକ୍ରମ

ସମୀକ୍ଷା ବ୍ୟୁରୋ

ଭୁବନେଶ୍ୱର: କେନ୍ଦ୍ର ସରକାର ଆଣିଥିବା ନାଗରିକତା ସଂଶୋଧନ ଦ୍ୱାରା ଭାରତର ପଡୋଶୀ ଦେଶ ପାକିସ୍ତାନ, ଆଫଗାନିସ୍ତାନ ଏବଂ ବାଂଲାଦେଶରୁ ଧାର୍ମିକ ରୂପେ ନିର୍ଯ୍ୟାତନାର ଶିକାର ହୋଇ ଭାରତକୁ ଆସିଥିବା ସଂଖ୍ୟାଲଘୁ ବର୍ଗର ଶରଣାର୍ଥୀ ମାନଙ୍କୁ ନାଗରିକତା ପ୍ରଦାନ କରାଯିବ। ନାଗରିକତା ସଂଶୋଧନ ଆଇନ ସଂପର୍କରେ ବ୍ୟାପକ ଜନଜାଗରଣ କରିବା ପାଇଁ ବିଜେପି ପକ୍ଷରୁ ବିଭିନ୍ନ କାର୍ଯ୍ୟକ୍ରମ କରି ଜନସାଧାରଣମାନଙ୍କୁ ସଚେତନ କରାଯିବ। ଏହି ପରିପ୍ରେକ୍ଷୀରେ ଆଜି ବିଜେପି ପକ୍ଷରୁ ନାଗରିକତା ସଂଶୋଧନ ନିୟମ ଉପରେ ରାଜ୍ୟସ୍ତରୀୟ କର୍ମଶାଳା ଆୟୋଜିତ କରାଯାଇଥିଲା । ଏହି କର୍ମଶାଳାରେ ନାଗରିକତା ସଂଶୋଧନ ଆଇନ ସଂପର୍କରେ ବିସ୍ତୁତ ଭାବେ ଆଲୋଚନା କରାଯାଇଥିଲା । ଆଗାମୀ ଜାନୁଆରୀ ମାସରେ ନାଗରିକତା ସଂଶୋଧନ ଆଇନ ଉପରେ ବ୍ୟାପକ ଜନଜାଗରଣ କରିବାକୁ ବିଜେପି ନିଷ୍ପତି କରିଛି । ରାଜ୍ୟର ସମସ୍ତ ୩୬ଟି ସାଙ୍ଗଠନିକ ଜିଲ୍ଲାରେ ସାମ୍ବାଦିକ ସମ୍ମିଳନୀ ଆୟୋଜନ କରାଯାଇ ଦଳ ଏହି ଆଇନ ସଂପର୍କରେ ବ୍ୟାପକ ଭାବେ ଜନସାଧାରଣମାନଙ୍କୁ ସଚେତନ କରିବ । ବିଜେପି କାର୍ଯ୍ୟକର୍ତାମାନେ ଓଡିଶାର ୩୬ଟି ସାଙ୍ଗଠନିକ ଜିଲ୍ଲାରେ ବୁଦ୍ଧିଜୀବୀ ସମ୍ମିଳନୀ ମଧ୍ୟ କରିବେ ।ଏହି କର୍ମଶାଳାକୁ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ରାଜ୍ୟ ସଭାପତି ଓ ସାଂସଦ ବସନ୍ତ ପଣ୍ଡା, ବିରୋଧୀ ଦଳ ନେତା ପ୍ରଦୀପ୍ତ ନାଏକ, ସାଂସଦ ଜୁଏଲ ଓରାମ ଉଦଘାଟନ କରିଥିଲେ ।