Tag: କାଶ୍ମୀରୀ ପଣ୍ଡିତ

ଶ୍ରୀନଗର: ଅବନ୍ତୀପୋରାର କାଶ୍ମୀରୀ ପଣ୍ଡିତଙ୍କୁ ହତ୍ୟା କରିଥିବା ଆତଙ୍କବାଦୀକୁ ଆଜି ସୁରକ୍ଷା ବାହିନୀ ଏନକାଉଣ୍ଟର କରିଛନ୍ତି। ଆକିବ ମୁସ୍ତାକ୍ ଭଟ ନାମକ ଏହି ଆତଙ୍କବାଦୀ କିଛି ଦିନ ପୂର୍ବରୁ ପୁଲୱାମାରେ ୪୦ ବର୍ଷିୟ କାଶ୍ମୀରୀ ପଣ୍ଡିତଙ୍କୁ ଗୁଳି କରି ହତ୍ୟା କରିଥିଲା, ଯିଏ ସେଠାରେ ସ୍ଥାନୀୟ ବ୍ୟାଙ୍କରେ ଗାର୍ଡ ଭାବରେ କାମ କରୁଥିଲେ।

ଜମ୍ମୁ କାଶ୍ମୀର ପୋଲିସ କହିଛି ଯେ, ରବିବାର ଦିନ କାଶ୍ମୀର ପଣ୍ଡିତ ସଞ୍ଜୟ ଶର୍ମାଙ୍କୁ ହତ୍ୟା କରିଥିବା ଆତଙ୍କବାଦୀ ଆଜି ସକାଳେ ଅବନ୍ତୀପୋରା ଠାରେ ଏକ ଏନକାଉଣ୍ଟରରେ ନିହତ ହୋଇଛି। ପୁଲୱାମାରେ ସର୍ଚ୍ଚ ଅପରେସନ ଆରମ୍ଭ ହୋଇଥିବା ଏନକାଉଣ୍ଟରରେ ଦୁଇ ସୁରକ୍ଷା ବାହିନୀର ଯବାନ ମଧ୍ୟ ଆହତ ହୋଇଥିବା ପୋଲିସ କହିଛି।

ନିହତ ଆତଙ୍କବାଦୀ କିଏ?:

ଜମ୍ମୁ କାଶ୍ମୀର ପୋଲିସ କହିଛି ଯେ, ନିହତ ଆତଙ୍କବାଦୀ ପୁଲୱାମାର ଆକିବ ମୁସ୍ତାକ୍ ଭଟ ବୋଲି ଜଣାପଡିଛି। ସେ ପ୍ରଥମେ ଏକ ଆତଙ୍କବାଦୀ ସଂଗଠନ ପାଇଁ କାମ କରୁଥିଲା। କିନ୍ତୁ ବର୍ତ୍ତମାନ ସେ ଟିଆରଏଫ ସହିତ କାମ କରୁଥିଲେ। ଏଡିଜିପି କାଶ୍ମୀର କହିଛି ଯେ, କାଶ୍ମୀର ପଣ୍ଡିତ ସଞ୍ଜୟ ଶର୍ମାଙ୍କ ହତ୍ୟାକାରୀଙ୍କୁ ହତ୍ୟା କରାଯାଇଛି। ଟିଆରଏଫ୍ ହେଉଛି ପ୍ରତିବନ୍ଧିତ ଫ୍ରଣ୍ଟ, ଯାହା ଲଶ୍କର-ଇ-ତୋଇବାର ଏକ ଶାଖା ଅଟେ।

ଘଟଣାସ୍ଥଳରୁ ମିଳିଥିବା ସୂଚନା ଅନୁଯାୟୀ, ଉକ୍ତ ଅଞ୍ଚଳରେ ସୁରକ୍ଷା ବାହିନୀଙ୍କ କାର୍ଯ୍ୟାନୁଷ୍ଠାନ ଜାରି ରହିଛି। ଏହି କାରଣରୁ ନିହତ ଆତଙ୍କବାଦୀଙ୍କ ମୃତଦେହ ଏପର୍ଯ୍ୟନ୍ତ ଉଦ୍ଧାର କରାଯାଇ ନାହିଁ। ସୂତ୍ରରୁ ପ୍ରକାଶ ଯେ, ଦୁଇ ଆତଙ୍କବାଦୀ ଘଟଣାସ୍ଥଳରେ ଲୁଚି ରହିଛନ୍ତି, ସେମାନଙ୍କୁ ଗିରଫ କରିବା ପାଇଁ ଉଦ୍ୟମ ଜାରି ରହିଛି।

ଶ୍ରୀନଗର: ସ୍ଥାନୀୟ ବଜାରକୁ ଯାଉଥିବାବେଳେ ପୁଲୱାମାର କାଶ୍ମୀରୀ ପଣ୍ଡିତ ସଞ୍ଜୟ ଶର୍ମାଙ୍କ ଉପରକୁ ଆତଙ୍କବାଦୀମାନେ ଗୁଳି ଚଳାଇଥିଲେ। ତାଙ୍କୁ ଡାକ୍ତରଖାନା ନିଆଯାଇଥିଲା, କିନ୍ତୁ ସେଠାରେ ତାଙ୍କର ମୃତ୍ୟୁ ହୋଇଥିଲା। ସମଗ୍ର ଅଞ୍ଚଳକୁ ସୁରକ୍ଷାକର୍ମୀ ଘେରି ରହିଛନ୍ତି। ଏ ବିଷୟରେ ଅଧିକ ତଥ୍ୟ ସଂଗ୍ରହ କରାଯାଉଛି ବୋଲି କାଶ୍ମୀର ପୋଲିସ କହିଛି। ଏହି ଘଟଣା ଆତଙ୍କବାଦୀଙ୍କ ଦ୍ୱାରା ଟାର୍ଗେଟ କିଲିଂ ଘଟଣାର ଏକ ଧାରା ବୋଲି ବିଶ୍ୱାସ କରାଯାଏ। ସ୍ଥାନୀୟ ଲୋକଙ୍କଠାରୁ ମିଳିଥିବା ସୂଚନା ଅନୁଯାୟୀ ମୃତ ସଞ୍ଜୟ ଶର୍ମା ଏକ ଘରୋଇ ବ୍ୟାଙ୍କରେ ସିକ୍ୟୁରିଟି ଗାର୍ଡ ଥିଲେ। ସେଦିନ ସକାଳ ପ୍ରାୟ ୧୦ ଟା ବେଳେ ବଜାରକୁ ଯାଉଥିବା ବେଳେ ତାଙ୍କୁ ନିକଟରୁ ଗୁଳି କରାଯାଇଥିଲା।

ଶ୍ରୀନଗର: ଆତଙ୍କବାଦୀମାନେ ପୁଣି ଥରେ ଜମ୍ମୁ କାଶ୍ମୀରରେ କାଶ୍ମୀର ପଣ୍ଡିତଙ୍କୁ ଟାର୍ଗେଟ କରିବା ଆରମ୍ଭ କରିଛନ୍ତି। ଶୋପିଆନ୍‌ର ଚୌଦରୀଗୁଣ୍ଡ ଗାଁରୁ ଏକ ଘଟଣା ସାମ୍ନାକୁ ଆସିଛି। ଏଠାରେ ଜଣେ କାଶ୍ମୀରୀ ପଣ୍ଡିତଙ୍କୁ ଗୁଳି କରାଯାଇଛି। ସୂଚନା ପାଇବା ମାତ୍ରେ ଉକ୍ତ ବ୍ୟକ୍ତିଙ୍କୁ ଗୁରୁତର ଅବସ୍ଥାରେ ଡାକ୍ତରଖାନା ନିଆଯାଇଥିଲା, ଯେଉଁଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ହତ୍ୟା କରାଯାଇଥିବା ବ୍ୟକ୍ତି ଜଣକ ପୁରନ କୃଷ୍ଣ ବୋଲି ଜଣାପଡିଛି।

କାଶ୍ମୀରରେ ସାଧାରଣ ନାଗରିକଙ୍କୁ ଆତଙ୍କବାଦୀମାନେ ଟାର୍ଗେଟ କରୁଛନ୍ତି। ଏହାପୂର୍ବରୁ ଅଗଷ୍ଟ ମାସ ସ୍ୱାଧୀନତା ଦିବସରେ ତିରଙ୍ଗା ଯାତ୍ରା ସମୟରେ ଦୁଇଜଣ କାଶ୍ମୀର ପଣ୍ଡିତଙ୍କୁ ଆତଙ୍କବାଦୀମାନେ ଗୁଳି କରି ହତ୍ୟା କରିଥିଲେ। ଉପତ୍ୟକାରେ ଏହି ମାମଲା ବିରୁଦ୍ଧରେ ଲୋକଙ୍କ ମଧ୍ୟରେ କ୍ରୋଧ ବୃଦ୍ଧି ପାଉଛି।

ତେବେ ଏପର୍ଯ୍ୟନ୍ତ କୌଣସି ଆତଙ୍କବାଦୀ ସଂଗଠନ ଦାୟୀ ବୋଲି ଦାବି କରିନାହାଁନ୍ତି। ଏହି ଘଟଣାର ତଦନ୍ତରେ ପୋଲିସ ସମ୍ପୃକ୍ତ ଅଛି।