Categories
ଅପରାଧ ଆଜିର ଖବର ଜାତୀୟ ଖବର

ଦେଶଦ୍ରୋହ ମାମଲା: ଖାରଜ ହେଲା ଶର୍ଜିଲ ଇମାମଙ୍କ ଜାମିନ ଆବେଦନ

ନୂଆଦିଲ୍ଲୀ: ଦେଶଦ୍ରୋହ ମାମଲାରେ ଦିଲ୍ଲୀର କଡକଡଡୁମା କୋର୍ଟ ଦିଲ୍ଲୀ ହିଂସା ଅଭିଯୋଗରେ ଶର୍ଜିଲ ଇମାମଙ୍କ ଜାମିନ ଆବେଦନକୁ ଖାରଜ କରିଦେଇଛନ୍ତି। ଏହାପୂର୍ବରୁ ଦେଶଦ୍ରୋହ ମାମଲାରେ ଶର୍ଜିଲଙ୍କ ମଧ୍ୟବର୍ତ୍ତୀକାଳୀନ ଜାମିନ ସମ୍ପର୍କରେ କୋର୍ଟ ଏହି ନିଷ୍ପତ୍ତି ସଂରକ୍ଷିତ ରଖିଥିଲେ। ଶର୍ଜିଲଙ୍କ ମଧ୍ୟବର୍ତ୍ତୀକାଳୀନ ଜାମିନ ଆବେଦନ ସମ୍ପର୍କରେ କୋର୍ଟ ମେ ୩୦ ତାରିଖରେ ଦିଲ୍ଲୀ ପୋଲିସକୁ ନୋଟିସ ଜାରି କରିଥିଲେ। ମେ ୨୭ ତାରିଖରେ ଶର୍ଜିଲ ଦେଶଦ୍ରୋହ ମାମଲାରେ ମଧ୍ୟବର୍ତ୍ତୀକାଳୀନ ଜାମିନ ପାଇଁ ନିମ୍ନ କୋର୍ଟକୁ ଯାଇଥିଲେ। ଜାମିନ ପାଇଁ ନିମ୍ନ ଅଦାଲତ ନିକଟକୁ ଯିବାକୁ ଦିଲ୍ଲୀ ହାଇକୋର୍ଟ କହିଥିଲେ।

ପ୍ରକୃତରେ, ବୁଧବାର ଦିନ ନିଜେ ଶର୍ଜିଲ ଇମାମଙ୍କ ମଧ୍ୟବର୍ତ୍ତୀକାଳୀନ ଜାମିନ ସମ୍ପର୍କରେ ଶୁଣାଣି ଦିଲ୍ଲୀର କଡକଡଡୁମା କୋର୍ଟରେ ହେବାର ଥିଲା। କିନ୍ତୁ କୋର୍ଟ ମଧ୍ୟବର୍ତ୍ତୀକାଳୀନ ଜାମିନ ଆବେଦନକୁ ସ୍ଥଗିତ ରଖିଛନ୍ତି। ଏହା ପରେ କୋର୍ଟ କହିଛନ୍ତି ଯେ, ଏହି ପ୍ରସଙ୍ଗରେ ଜୁଲାଇ ୨୩ ତାରିଖରେ ଘୋଷଣା କରାଯିବ। ଏହା ପରେ ଆଜିର ଶୁଣାଣିରେ ଶର୍ଜିଲଙ୍କ ମଧ୍ୟବର୍ତ୍ତୀକାଳୀନ ଜାମିନ ଆବେଦନକୁ କୋର୍ଟ ଖାରଜ କରିଛନ୍ତି। ସୁପ୍ରିମକୋର୍ଟଙ୍କ ନିର୍ଦ୍ଦେଶ ପରେ ଦେଶଦ୍ରୋହ ମାମଲାରେ ଆଶ୍ଵସ୍ତି ପାଇଁ ଶର୍ଜିଲ ଇମାମ କୋର୍ଟଙ୍କ ନିକଟକୁ ଯାଇଥିଲେ।

Categories
ଆଜିର ଖବର ରାଜ୍ୟ ଖବର

ଚିଲିକା ବିଧାୟକଙ୍କ ବଢିପାରେ ଅଡୁଆ!: ଚାର୍ଜସିଟ୍ ରେ ଯୋଡି ହେଲା ଆଉ ତିନି ଗୋଟି ଦଫା

ସୀତାରାମ ଅଗ୍ରୱାଲ

ବାଣପୁର: ପୋଲିସ ଓ ଜନସାଧାରଣଙ୍କ ଉପରେ ଗାଡ଼ି ଚଢ଼ାଇଥିବା ଅଭିଯୋଗରେ ଚିଲିକା ବିଧାୟକ ପ୍ରଶାନ୍ତ ଜଗଦ୍ଦେବ ଦୀର୍ଘମାସ ହେବ ବାଣପୁର ସବ ଜେଲରେ ଅଛନ୍ତି। ଉଚ୍ଚ ନ୍ୟାୟାଳୟ ତାଙ୍କ ଜାମିନ ଆବେଦନକୁ ଆଗ୍ରାହ୍ୟ କରିଦେଇଥିବା ବେଳେ ବିଧାୟକଙ୍କ ଓକିଲଙ୍କ ପକ୍ଷରୁ ଉଚ୍ଚତମ ନ୍ୟାୟାଳୟରେ ଜାମିନ ପାଇଁ ଆବେଦନ କରାଯାଇଛି। ଆସନ୍ତା ୨୫ ତାରିଖ ଦିନ ଉଚ୍ଚତମ ନ୍ୟାୟାଳୟରେ ବିଧାୟକଙ୍କ ଜାମିନ ଆବେଦନ ଶୁଣାଣି ହେବ। କିନ୍ତୁ ତା’ପୂର୍ବରୁ ଅର୍ଥାତ ୧୮ ତାରିଖ ଦିନ ପୋଲିସ ଉକ୍ତ ମାମଲାର ଚାର୍ଜସିଟ ଦାଖଲ କରିଛି।

ତଦନ୍ତକାରୀ ଅଧିକାରୀ ବାଲୁଗାଁ ଏସଡିପିଓ ମାନସ ରଞ୍ଜନ ବାରିକ ବାଣପୁର ଜେଏମଏଫସି କୋର୍ଟରେ ଚାର୍ଜସିଟ ଦାଖଲ କରିଛନ୍ତି। ତେବେ ସରକାରୀ ଓକିଲ ପ୍ରାଚୀ ପ୍ରଭା ନନ୍ଦଙ୍କ ସୂଚନା ମୁତାବକ ଉକ୍ତ ଚାର୍ଜସିଟରେ ପୋଲିସ ଆଉ ତିନି ଗୋଟି ଦଫା ଯୋଡ଼ିଛି। ବିଧାୟକଙ୍କ ବିରୋଧରେ ଆଇପିସି ର ଦଫା ୪୬୫, ୪୭୧ ଏବଂ ଏମଭି ଆକ୍ଟ ଦଫା ୧୮୧ ଲାଗିଛି। ଉକ୍ତ ଦଫା ଅନୁଯାୟୀ, ବିଧାୟକଙ୍କ ବିରୋଧରେ ନକଲି ଗାଡ଼ି ନମ୍ବର ପ୍ଲେଟ ନିମନ୍ତେ ଜାଲିଆତି ଦଫା ଯୋଡି ହେବା ସହ ଗାଡ଼ି ଚଲାଉଥିବା ବେଳେ ତାଙ୍କର ଡ୍ରାଇଭିଂ ଲାଇସେନ୍ସ ନଥିବାରୁ ମୋଟରଯାନ ଦଫା ମଧ୍ୟ ଲାଗିଛି।

ଉକ୍ତ ତିନି ଦଫା ଯୋଡି ହେବା ପରେ ବିଧାୟକଙ୍କ ପାଇଁ ଅଡୁଆ ବଢିପାରେ ବୋଲି କୁହାଯାଉଛି। ହେଲେ ଆସନ୍ତା ୨୫ ତାରିଖ ଦିନ ସୁପ୍ରିମକୋର୍ଟରେ ହେବାକୁ ଥିବା ଶୁଣାଣିରେ ତାଙ୍କ ଭାଗ୍ୟ ନିର୍ଦ୍ଧାରଣ ହେବ।

Categories
ଆଜିର ଖବର ରାଜ୍ୟ ଖବର

ପୁଣି ଜେଲ ଯିବେ ଚିଲିକା ବିଧାୟକ: ନିୟମିତ ଜାମିନ ଆବେଦନକୁ ଖାରଜ କଲେ ଉଚ୍ଚ ନ୍ୟାୟାଳୟ

ସୀତାରାମ ଅଗ୍ରୱାଲ

ଚିଲିକା: ଖାରଜ ହେଲା ଚିଲିକା ବିଧାୟକ ପ୍ରଶାନ୍ତ ଜଗଦେବଙ୍କ ଉଚ୍ଚ ନ୍ୟାୟାଳୟରେ ନିୟମିତ ଜାମିନ ଆବେଦନ ଶୁଣାଣି। ଗତ ୯ ତାରିଖରେ ନିୟମିତ ଜାମିନ ପାଇଁ ଶୁଣାଣି ଶେଷ ହୋଇଥିବା ବେଳେ ତାହାର ରାୟ ଆଜି ପ୍ରକାଶ ପାଇଛି। ରାୟରେ ଉଚ୍ଚ ନ୍ୟାୟାଳୟ ନିୟମିତ ଜାମିନକୁ ଖାରଜ କରିଦେଇଛନ୍ତି। ଏବଂ ଆସନ୍ତା ୨୩ ତାରିଖରେ ବିଧାୟକ ବାଣପୁର ତଳ କୋର୍ଟରେ ଆତ୍ମସମର୍ପଣ କରିବା ପାଇଁ ନିର୍ଦ୍ଦେଶ ଦେଇଛନ୍ତି।

ଉଭୟ ପକ୍ଷ ଓକିଲଙ୍କ ଲମ୍ବା ଯୁକ୍ତି ଶୁଣିବା ପରେ ଉଚ୍ଚ ନ୍ୟାୟାଳୟ ଏହି ରାୟ ପ୍ରକାଶ କରିଛନ୍ତି। ସରକାରଙ୍କ ପକ୍ଷରୁ ବରିଷ୍ଠ ଆଇନଜୀବୀ ଏସଏସ ପ୍ରଧାନ ଏବଂ ପୀଡ଼ିତମାନଙ୍କ ପକ୍ଷରୁ ବରିଷ୍ଠ ଆଇନଜୀବୀ ଜୟନ୍ତ କୁମାର ଖଣ୍ଡାୟତରାୟ ଓ ସାସ୍ୱତୀ ମହାପାତ୍ର ଉକ୍ତ ମାମଲା ପରିଚାଳନା କରୁଥିଲେ। ବିଧାୟକଙ୍କ ନିୟମିତ ଜାମିନକୁ ସେମାନେ କଡ଼ା ବିରୋଧ କରିଥିଲେ। ସେମାନେ ଯୁକ୍ତି ବାଢିଥିଲେ ଯେ, ବାଣପୁର ବ୍ଲକ ଅଧ୍ୟକ୍ଷ ନିର୍ବାଚନରେ ବିଧାୟକଙ୍କ ବ୍ଲକ ପରିସରକୁ ଯିବା ଯୁକ୍ତିଯୁକ୍ତ ନଥିଲା।

ତତସହିତ ପୋଲିସ ବାରଣ କରିବା ସତ୍ତ୍ୱେ ବିଧାୟକ ଜାଲ ନମ୍ବର ଥିବା ଗାଡ଼ି ଚଲାଇ ଉଦ୍ଦେଶ୍ୟମୂଳକ ଭାବେ ଲୋକ ଏବଂ ପୋଲିସ ଉପରକୁ ଗାଡ଼ି ଚଢ଼ାଇଥିଲେ। ୧୯୯୨ ମସିହାରୁ ଏଯାବତ ବିଧାୟକଙ୍କ ବିରୋଧରେ ୧୨ ଗୋଟି ଅପରାଧିକ ମାମଲା ଅଛି। ତେଣୁ ସେ ଜଣେ ଅଭ୍ୟାସଗତ ଅପରାଧୀ।

ସେହିପରି ଭାବେ ଗତବର୍ଷ ବାଲୁଗାଁ ବିଜେପି ନଗର ମଣ୍ଡଳ ସଭାପତିଙ୍କୁ ଆକ୍ରମଣ ଘଟଣାରେ ବିଧାୟକଙ୍କୁ ଜାମିନ ମିଳିବା ପରେ ପୁଣି ବିଧାୟକଙ୍କ ବିରୁଦ୍ଧରେ ଦୁଇ ଦୁଇଟା ଅପରାଧିକ ମାମଲା ରୁଜୁ ହୋଇଛି। ଯାହାଦ୍ୱାରା ସେ ଜାମିନ ସର୍ତ୍ତ ଉଲଂଘନ କରିଥିବାର ପୀଡ଼ିତମାନଙ୍କ ଓକିଲ ଦର୍ଶାଇଥିଲେ।

ତତସହିତ ପୁର୍ବରୁ ସମାନ ଧରଣର ଦୁଇ ଗୋଟି ମାମଲାରେ ଆପେକ୍ସ କୋର୍ଟ ଦେଇଥିବା ରାୟର ମଧ୍ୟ ଉଦାହରଣ ପୀଡ଼ିତମାନଙ୍କ ଓକିଲ ଦେଇଥିଲେ। ବିଧାୟକଙ୍କ ଯଦି ସ୍ୱାସ୍ଥ୍ୟଗତ ସମସ୍ୟା ଜେଲରେ ଦେଖାଯାଏ, ତେବେ ତାଙ୍କର ଚିକିତ୍ସା ବ୍ୟବସ୍ଥା ଜେଲ କର୍ତ୍ତୃପକ୍ଷ କରିପାରିବେ ବୋଲି ଉକ୍ତ ରାୟରେ ଉଲ୍ଲେଖଅଛି।

ବର୍ତ୍ତମାନ ବିଧାୟକଙ୍କ ପାଇଁ ଉଚ୍ଚ ନ୍ୟାୟାଳୟର ସମସ୍ତ ଦ୍ୱାର ବନ୍ଦ ହୋଇଯାଇଥିବା ସ୍ଥଳେ ସେ ନିୟମିତ ଜାମିନ ପାଇବା ପାଇଁ ସୁପ୍ରିମ କୋର୍ଟର ଦ୍ୱାରସ୍ଥ ହୋଇପାରିବେ ବୋଲି ଆଇନ ବିଶାରଦ ମାନେ କହିଛନ୍ତି।

Categories
ଅପରାଧ ଆଜିର ଖବର ରାଜ୍ୟ ଖବର

ପୁଣି ଖାରଜ ହେଲା ଚିଲିକା ବିଧାୟକ ପ୍ରଶାନ୍ତ ଜଗଦ୍ଦେବଙ୍କ ଜାମିନ ଆବେଦନ

ସୀତାରାମ ଅଗ୍ରୱାଲ

ବାଣପୁର: ପୁଣି ଚିଲିକା ବିଧାୟକ ପ୍ରଶାନ୍ତ ଜଗଦ୍ଦେବଙ୍କ ଜାମିନ ଆବେଦନ ଖାରଜ ହୋଇଛି। ଜେଏମଏଫସି କୋର୍ଟରେ ଗତ ୨୨ ତାରିଖରେ ଜାମିନ ଆବେଦନ ଖାରଜ ହେଲା ପରେ ବିଧାୟକ ବର୍ତ୍ତମାନ ବାଣପୁର ସବଜେଲରେ ଅଛନ୍ତି। ତେବେ ବିଧାୟକଙ୍କ ଓକିଲ ପକ୍ଷରୁ ପୁଣି ବାଣପୁର ସହକାରୀ ଦୌରା ଜଜଙ୍କ ନିକଟରେ ୨୮ ତାରିଖରେ ଜାମିନ ଆବେଦନ କରାଯାଇଥିବା ବେଳେ ଆଜି ତାହାର ଶୁଣାଣି ପାଇଁ ତାରିଖ ଧାର୍ଯ୍ୟ କରାଯାଇଥିଲା। ଶୁଣାଣି ସମୟରେ ଉଭୟ ବିଧାୟକଙ୍କ ଓକିଲ ଏବଂ ସରକାରୀ ଓକିଲ ନିଜ ନିଜ ପକ୍ଷରେ ଯୁକ୍ତି ବାଢିଥିବା ବେଳେ ପରିଶେଷରେ ସହକାରୀ ଦୌରା ଜଜ ମନୋରଞ୍ଜନ ମିଶ୍ର ଚିଲିକା ବିଧାୟକଙ୍କ ଜାମିନ ଆବେଦନକୁ ଖାରଜ କରିଦେଇଛନ୍ତି।

ବର୍ତ୍ତମାନ ବିଧାୟକଙ୍କ ଓକିଲ ଜାମିନ ପାଇଁ ଉଚ୍ଚ ନ୍ୟାୟାଳୟ ଯିବେ ବୋଲି ଜଣାପଡିଛି।  ସୂଚନା ଥାଉକି ବିଧାୟକଙ୍କ ପକ୍ଷରୁ ବରିଷ୍ଠ ଆଇନଜୀବୀ ଅରୂପ ଚାନ୍ଦ ଉକ୍ତ ମାମଲା ପରିଚାଳନା କରୁଥିବା ବେଳେ ସରକାରଙ୍କ ପକ୍ଷରୁ ବରିଷ୍ଠ ଆଇନଜୀବି ସଚ୍ଚିତ୍ ମିଶ୍ର ଏବଂ ରମେଶ ଚନ୍ଦ୍ର ବିଷୋୟୀ ପରିଚାଳନା କରୁଥିଲେ।

Categories
ଅପରାଧ ଆଜିର ଖବର ଜାତୀୟ ଖବର

ଦିଲ୍ଲୀ ହିଂସା: ଉମର ଖାଲିଦଙ୍କୁ ଆଶ୍ଵସ୍ତି ନାହିଁ, ଜାମିନ ଆବେଦନକୁ ଖାରଜ କଲେ କୋର୍ଟ

ନୂଆଦିଲ୍ଲୀ: ଉତ୍ତର ପୂର୍ବ ଦିଲ୍ଲୀରେ ହୋଇଥିବା ଦଙ୍ଗା ଘଟଣାରେ ଜେଲରେ ଥିବା ପୂର୍ବତନ ଜେଏନୟୁ ଛାତ୍ର ନେତା ଉମର ଖାଲିଦଙ୍କ ଜାମିନ ଆବେଦନକୁ କଡକଡଡୁମା କୋର୍ଟ ଖାରଜ କରିଦେଇଛନ୍ତି। ୟୁପିପିଏ ଅଧୀନରେ ଉମର ଖାଲିଦଙ୍କୁ ପୋଲିସ ଗିରଫ କରିଥିଲା। ଏହି ମାମଲାରେ ଦିଲ୍ଲୀ ପୋଲିସ ଉମର ଖାଲିଦଙ୍କୁ ମୁଖ୍ୟ ଷଡ଼ଯନ୍ତ୍ରକାରୀ ଭାବେ ଗିରଫ କରିଥିଲା। ପୋଲିସ ଏହାର ଚାର୍ଜସିଟରେ କହିଛି ଯେ, ଉମର ଖାଲିଦ ଅନେକ ହ୍ବାଟସ୍ ଆପ୍ ଗୃପର ଅଂଶ ଅଟନ୍ତି। ଯାହାଙ୍କ ମାଧ୍ୟମରେ ହିଂସା ଷଡଯନ୍ତ୍ର କରାଯାଇଥିଲା। ଲୋକଙ୍କୁ ହିଂସା କରିବା ଲାଗି ଉମର ପ୍ରବର୍ତ୍ତାଇଥିଲା। କେବଳ ଏତିକି ନୁହେଁ, ଯେତେବେଳେ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଦିଲ୍ଲୀ ଆସିଥିଲେ, ସେତେବେଳେ ଓମାର ଲୋକଙ୍କୁ ରାସ୍ତାକୁ ଓହ୍ଲାଇବା ପାଇଁ କହିଥିଲେ, ଯାହାଫଳରେ ଆନ୍ତର୍ଜାତୀୟ ସ୍ତରରେ ଭାରତର ଭାବମୂର୍ତ୍ତିକୁ କ୍ଷୁର୍ଣ୍ଣ କରାଯାଇପାରିବ।

ପୋଲିସ୍ କହିଛି ଯେ ଉମର ଖାଲିଦ ମଧ୍ୟ ହିଂସା ଷଡଯନ୍ତ୍ର କରିବା ପାଇଁ ଆପ କାଉନସିଲର ତାହିର ହୁସେନ୍ ଏବଂ ଇଣ୍ଡିଆ ଆଣ୍ଟି ହେଟ୍ ସହ ଜଡିତ ଖାଲିଦ ଶେଫଙ୍କ ସହ ଏକ ବୈଠକ କରିଥିଲେ। କୋର୍ଟରେ ବିତର୍କ ବେଳେ ଉମର ଖାଲିଦଙ୍କ ତରଫରୁ ସମସ୍ତ ଅଭିଯୋଗ ନକଲି ଏବଂ ମିଥ୍ୟା ବୋଲି କୁହାଯାଇଛି। ଓମାରଙ୍କ ଓକିଲ କୋର୍ଟରେ କହିଥିଲେ ଯେ, କୌଣସି ପ୍ରସଙ୍ଗରେ ସ୍ୱର ଉତ୍ତୋଳନ କରିବା ଅପରାଧ ନୁହେଁ। ଉମର ଖାଲିଦ ହ୍ବାଟସ୍ ଆପ୍ ଗ୍ରୁପରେ ଥିଲେ। କିନ୍ତୁ ସେ ସେହି ଦଳରେ ସକ୍ରିୟ ନଥିଲେ। ଏପରି ପରିସ୍ଥିତିରେ, ତାଙ୍କର ନିରବତା ତାଙ୍କୁ ଜଣେ ଅଭିଯୁକ୍ତ ବୋଲି ପ୍ରମାଣ କରେ କି?

ଉଲ୍ଲେଖ ଯୋଗ୍ୟ ଯେ, ଫେବୃଆରୀ ୨୦୨୦ରେ ଉତ୍ତର ପୂର୍ବ ଦିଲ୍ଲୀରେ ହୋଇଥିବା ହିଂସାରେ ୫୩ ଜଣଙ୍କର ମୃତ୍ୟୁ ଘଟିଥିଲା। ଏବଂ ୭୦୦ ରୁ ଅଧିକ ଲୋକ ଆହତ ହୋଇଥିଲେ।

Categories
ଅପରାଧ ଆଜିର ଖବର ଜାତୀୟ ଖବର

ଆର୍ଯ୍ୟନ୍ ଖାନ୍ ଜେଲରୁ ବାହାରିବେ କି? ଜାମିନ ଆବେଦନ ଉପରେ ଆଜି ଶୁଣାଣି କରିବେ ବମ୍ବେ ହାଇକୋର୍ଟ

ମୁମ୍ବାଇ: କର୍ଡେଲିଆ କ୍ରୁଜରୁ ଡ୍ରଗ୍ସ ଜବତ ମାମଲାରେ ଗିରଫ ହୋଇଥିବା ଅଭିନେତା ଶାହରୁଖ ଖାନଙ୍କ ପୁଅ ଆର୍ଯ୍ୟନ ଖାନଙ୍କ ଜାମିନ ଆବେଦନ ଆଜି ବମ୍ବେ ହାଇକୋର୍ଟରେ ଶୁଣାଣି ହେବ। ଆଜି ଉକ୍ତ ମାମଲାରେ ଗିରଫ ହୋଇଥିବା ଫ୍ୟାଶନ ମଡେଲ ମୁମୁନ ଧାମଚାଙ୍କ ଜାମିନ ଆବେଦନ ଉପରେ ମଧ୍ୟ କୋର୍ଟ ଶୁଣାଣି କରିବେ। ଏହାପୂର୍ବରୁ ଏକ ସ୍ୱତନ୍ତ୍ର ଅଦାଲତ ଆର୍ଯ୍ୟନ୍ ଖାନଙ୍କୁ ଜାମିନ ଦେବାକୁ ମନା କରିଦେଇଥିଲେ ଏବଂ କହିଥିଲେ କି ସେ ନିୟମିତ ଭାବେ ଡ୍ରଗ୍ସ ସମ୍ବନ୍ଧୀୟ କାର୍ଯ୍ୟକଳାପରେ ଜଡ଼ିତ ଥିଲେ।

ଏନସିବି ସୂତ୍ର ଅନୁଯାୟୀ, ଜାମିନ ଶୁଣାଣି ପୂର୍ବରୁ ଉଭୟ ଆଫିଡେଭିଟ୍ ଗତକାଲି ଏନସିବିର ପରାମର୍ଶଦାତାଙ୍କ ଦ୍ଵାରା କୋର୍ଟରେ ଦାଖଲ କରାଯାଇଥିଲା। ସାକ୍ଷୀ ତଥା ପଞ୍ଚନାମା ପ୍ରଦର୍ଶନ କରୁଥିବା ବ୍ୟକ୍ତିମାନେ କିପରି ପ୍ରଭାବିତ ହେଉଛନ୍ତି ତାହା ଏନସିବି ହାଇକୋର୍ଟଙ୍କୁ ଜଣାଇବ। ଦ୍ଵିତୀୟରେ ଅନୁସନ୍ଧାନ ଅଧିକାରୀ ସମୀର ୱାନଖେଡେଙ୍କୁ କିପରି ଧମକ ଦିଆଯାଉଛି। ତାଙ୍କୁ ଏବଂ ତାଙ୍କ ପରିବାରକୁ ଟାର୍ଗେଟ କରାଯାଉଛି ଏବଂ ଅନୁସନ୍ଧାନକୁ ପ୍ରଭାବିତ କରିବା ପାଇଁ ଉଦ୍ୟମ କରାଯାଉଛି ବୋଲି ଉଲ୍ଲେଖ କରାଯିବ।

Categories
ଅପରାଧ ଆଜିର ଖବର ଜାତୀୟ ଖବର

ଗୋ ହତ୍ୟା ଅଭିଯୁକ୍ତର ଜାମିନ ଆବେଦନକୁ ପ୍ରତ୍ୟାଖ୍ୟାନ କଲେ ଆହ୍ଲାବାଦ ହାଇକୋର୍ଟ

ଲକ୍ଷ୍ନୌ: ଆହ୍ଲାବାଦ ହାଇକୋର୍ଟ ବୁଧବାର ଦିନ ଏକ ରାୟରେ କହିଛନ୍ତି ଯେ ବୈଜ୍ଞାନିକମାନଙ୍କ ମତରେ ଗାଈ ହେଉଛି ଏକମାତ୍ର ପ୍ରାଣୀ ଯିଏ ଅମ୍ଳଜାନ ଗ୍ରହଣ କରେ ଏବଂ ଅମ୍ଳଜାନ ତ୍ୟାଗ କରେ। ଗାଈର କ୍ଷୀର, ଦହି, ଘିଅ, ପରିସ୍ରା ଏବଂ ଗୋବରରୁ ପ୍ରସ୍ତୁତ ପଞ୍ଚଗଭ୍ୟ ଅନେକ ଅସାଧ୍ୟ ରୋଗ ପାଇଁ ଉପକାରୀ ଅଟେ। ଆବେଦନକାରୀ ଜାଭେଦଙ୍କ ଜାମିନ ଆବେଦନକୁ ଖାରଜ କରି ଜଷ୍ଟିସ ଶେଖର କୁମାର ଯାଦବ ଏହି ମନ୍ତବ୍ୟ ଦେଇଛନ୍ତି। ଜାଭେଦ୍ ତାଙ୍କ ସହଯୋଗୀଙ୍କ ସହ ଅଭିଯୋଗକାରୀ ଖିଲେନ୍ଦ୍ର ସିଂଙ୍କ ଗାଈ ଚୋରି କରି ହତ୍ୟା କରିଥିବା ଅଭିଯୋଗ ହୋଇଛି।

କୋର୍ଟ ତାଙ୍କ ନିଷ୍ପତ୍ତିରେ କହିଛନ୍ତି ଯେ, ହିନ୍ଦୁ ଧର୍ମ ଅନୁଯାୟୀ ୩୩ କୋଟି ଦେବତା ଗାଈର ଦେହରେ ବାସ କରନ୍ତି। ଗାଈକୁ ଋକବେଦରେ ଅଘନ୍ୟା, ଯଜୁର୍ବେଦରେ ଅନୁପମେୟ ଏବଂ ଅଥର୍ବେଦରେ ସମ୍ପତ୍ତିର ଘର କୁହାଯାଏ। ଗାଈ ଚରେଇବା ସମୟରେ ଭଗବାନ କୃଷ୍ଣଙ୍କୁ ସମସ୍ତ ଜ୍ଞାନ ପ୍ରାପ୍ତ ହୋଇଥିଲା। ବାଲ ଗଙ୍ଗାଧର ତିଲକ କହିଥିଲେ ଯେ, “ମୋତେ ମାରିଦିଅ ପଛେ, ଗାଈ ଉପରେ ହାତ ଲଗାଅ ନାହିଁ।” ସମ୍ପୂର୍ଣ୍ଣ ଗୋ ହତ୍ୟା ଉପରେ ନିଷେଧାଦେଶ ଜାରି କରିବା ପାଇଁ ପଣ୍ଡିତ ମଦନ ମୋହନ ମାଲଭିୟ ଦାବି କରିଥିଲେ। ଗାଈମାନଙ୍କୁ ମଣିଷର ବନ୍ଧୁ ଭାବରେ ଭଗବାନ ବୁଦ୍ଧ ବର୍ଣ୍ଣନା କରନ୍ତି। ଏଥି ସହିତ ଜୈନମାନେ ଗାଈକୁ ସ୍ୱର୍ଗ ବୋଲି କହିଛନ୍ତି।

କୋର୍ଟ କହିଛନ୍ତି ଯେ, ଭାରତୀୟ ସମ୍ବିଧାନ ଗଠନ ସମୟରେ ବିଧାନସଭାର ଅନେକ ସଦସ୍ୟ ଗାଈ ସଂରକ୍ଷଣକୁ ଏକ ମୌଳିକ ଅଧିକାର ଭାବରେ ଅନ୍ତର୍ଭୁକ୍ତ କରିବା ବିଷୟରେ ଆଲୋଚନା କରିଥିଲେ। ହିନ୍ଦୁମାନେ ଶତାବ୍ଦୀ ଧରି ଗାଈକୁ ପୂଜା କରିଆସୁଛନ୍ତି। ଅଣ-ହିନ୍ଦୁମାନେ ମଧ୍ୟ ଏହା ବୁଝନ୍ତି ଏବଂ ଏହି କାରଣରୁ ହିନ୍ଦୁ ଭାବନାକୁ ସମ୍ମାନ ଦେଇ ଅଣ-ହିନ୍ଦୁ ନେତାମାନେ ମୋଗଲ ଯୁଗରେ ଗାଈ ହତ୍ୟାକୁ ଦୃଢ ବିରୋଧ କରିଥିଲେ।

ଅଦାଲତ କହିଛନ୍ତି, ଏହା କହିବା ଅର୍ଥ ହେଉଛି ଯେ ଦେଶର ଅଧିକାଂଶ ମୁସଲମାନ ନେତୃତ୍ୱ ସର୍ବଦା ଗାଈ ହତ୍ୟା ଉପରେ ଦେଶବ୍ୟାପୀ ନିଷେଧାଦେଶ ସପକ୍ଷରେ ରହିଆସିଛନ୍ତି। ଖ୍ୱାଜା ହାସନ ନିଜାମି ଏକ ଆନ୍ଦୋଳନ ଆରମ୍ଭ କରିଥିଲେ ଏବଂ ସେ ଏକ ପୁସ୍ତକ ଲେଖିଥିଲେ – ‘ତାର୍କ ଏ ଗାଓ କୁଶି’ ଯେଉଁଥିରେ ସେ ଗାଈମାନଙ୍କୁ ହତ୍ୟା ନକରିବା ବିଷୟରେ ଲେଖିଥିଲେ। ସମ୍ରାଟ ଆକବର, ହୁମାୟୁନ ଏବଂ ବାବର ସେମାନଙ୍କ ସୁଲତାନରେ ଗାଈଙ୍କୁ ହତ୍ୟା ନକରିବା ପାଇଁ ନିବେଦନ କରିଥିଲେ।

କୋର୍ଟଙ୍କ କହିବାନୁସାରେ, “ଜମିୟତ୍-ଏ-ଉଲେମା-ଏ-ହିନ୍ଦର ମୌଲାନା ମହମୁଦ ମଦାନୀ ଭାରତରେ ଗୋ ହତ୍ୟାକୁ ନିଷିଦ୍ଧ କରିବା ପାଇଁ କେନ୍ଦ୍ରୀୟ ଆଇନ ପ୍ରଣୟନ କରିବାକୁ ଦାବି କରିଛନ୍ତି। ଏହି ସମସ୍ତ ପରିସ୍ଥିତିକୁ ଦୃଷ୍ଟିରେ ରଖି ଗାଈକୁ ଜାତୀୟ ପଶୁ ଭାବରେ ଘୋଷଣା କରିବା ଏବଂ ହିନ୍ଦୁମାନଙ୍କର ମୋଲିକ ଅଧିକାରରେ ଗୋ ସୁରକ୍ଷାକୁ ଅନ୍ତର୍ଭୁକ୍ତ କରିବାର ଆବଶ୍ୟକତା ରହିଛି।