Categories
ଅନ୍ତରାଷ୍ଟ୍ରୀୟ ଆଜିର ଖବର ଖେଳ ଜାତୀୟ ଖବର

ପାକିସ୍ଥାନ ଠାରୁ ଆଉ ଏକ ପରାଜୟ: ଏସିଆ କପ୍‌ର ରୋମାଞ୍ଚକ ମ୍ୟାଚରେ ଶେଷ ବଲରେ ହାରିଲା ଭାରତ

ଆବୁଧାବି: ଦୁବାଇରେ ଖେଳାଯାଇଥିବା ଅଣ୍ଡର-୧୯ ଏସିଆ କପ୍‌ର ରୋମାଞ୍ଚକର ମ୍ୟାଚରେ ଭାରତକୁ ପାକିସ୍ତାନ ଦୁଇଟି ୱିକେଟରେ ପରାସ୍ତ କରିଛି। ଭାରତୀୟ ଦଳ ପ୍ରଥମେ ବ୍ୟାଟିଂ ପରେ ୨୩୭ ରନ୍ ସଂଗ୍ରହ କରିଥିଲା। ଏହାର ଜବାବରେ ପାକିସ୍ତାନ ଶେଷ ବଲରେ ୮ ଟି ୱିକେଟ୍ ହରାଇ ଲକ୍ଷ୍ୟକୁ ପୂରଣ କରିଥିଲା।

ପାକିସ୍ତାନ ପାଇଁ ଶେଷ ଓଭରରେ ଜିତିବାକୁ ତିନି ୱିକେଟ୍ ବାକି ରହିଥିବା ବେଳେ ଆଠ ରନ୍ ଆବଶ୍ୟକ କରିଥିଲା। ରବି କୁମାରଙ୍କୁ ଟିମ୍ ଇଣ୍ଡିଆ ଅଧିନାୟକ ବଲ୍ ଦେଇଥିଲେ। ରବି ପ୍ରଥମ ବଲରୁ ଏକ ଗୁରୁତ୍ୱପୂର୍ଣ୍ଣ ସଫଳତା ପାଇଥିଲେ। ଏହାର ପରବର୍ତ୍ତୀ ଦୁଇଟି ବଲରୁ ଦୁଇଟି ରନ୍ ସ୍କୋର କରିଥିଲେ। ଏବେ ଜିତିବା ପାଇଁ ପାକିସ୍ତାନକୁ ୩ଟି ବଲରେ ୬ ରନ୍ ଆବଶ୍ୟକ କରୁଥିଲା। ଏହାପରେ ଚତୁର୍ଥ ବଲରୁ ପାକିସ୍ତାନକୁ ଦୁଇ ରନ୍ ଏବଂ ପଞ୍ଚମ ବଲରୁ ମଧ୍ୟ ୨ ରନ ମିଳିଥିଲା। ଏଭଳି ପରିସ୍ଥିତିରେ ବର୍ତ୍ତମାନ ପାକିସ୍ତାନକୁ ଶେଷ ବଲରୁ ଦୁଇଟି ରନ୍ ସ୍କୋର କରିବାକୁ ପଡୁଥିଲା ଏବଂ ଅହମ୍ମଦ ଖାନ କ୍ରିଜରେ ଥିଲେ। ଏବଂ ଶେଷ ବଲରେ ଅହମ୍ମଦ ଚୌକା ମାରି ଦଳକୁ ବିଜୟ କରାଇଥିଲେ।

ପାକିସ୍ତାନ ପାଇଁ ବୋଲିଂରେ ଜିଶାନ ଜାମିର ଚମତ୍କାର ପ୍ରଦର୍ଶନ କରିଥିଲେ। ସେ ତାଙ୍କ ୧୦ ଓଭରରେ ୬୦ ରନ୍ ଦେଇ ପାଞ୍ଚଟି ୱିକେଟ୍ ନେଇଥିଲେ। ସେହିପରି ବ୍ୟାଟିଂରେ ମହମ୍ମଦ ଶାହାଜାଦ ୧୦୫ ଟି ବଲରେ ୮୧ ରନର ଏକ ମ୍ୟାଚ ବିଜୟୀ ଇନିଂସ ଖେଳିଥିଲେ। ଏହା ବ୍ୟତୀତ ଅହମ୍ମଦ ଖାନ ମାତ୍ର ୧୯ ଟି ବଲରେ ଅପରାଜିତ ୨୯ ରନ ଖେଳି ଦଳକୁ ବିଜୟ ପ୍ରଦାନ କରିଥିଲେ।

ଭାରତ ପକ୍ଷରୁ ଅଙ୍ଗକ୍ରିଶ୍ ରଘୁବଂଶୀ ୦୦, ଶେକ ରାଶିଦ୍ ୦୬, କ୍ୟାପଟେନ୍ ୟଶ ଧୁଲ୍ ୦୦ ଏବଂ ନିଶାନ୍ତ ସାନ୍ଧୁ କେବଳ ୦୮ ରନ କରିବାରେ ସକ୍ଷମ ହୋଇଥିଲେ। ତେବେ ହର୍ଣ୍ଣୁର ସିଂ ୪୬ ଓ ୱିକେଟ୍ କିପର ବ୍ୟାଟ୍ସମ୍ୟାନ୍ ଆରାଧ୍ୟ ଯାଦବ ୫୦ ରନ୍ ସଂଗ୍ରହ କରିଥିଲେ।

Categories
ଜାତୀୟ ଖବର ବିଶେଷ ଖବର

ଜମ୍ମକାଶ୍ମରୀରେ ଶାନ୍ତି ଫେରାଇବାକୁ ହେଲେ ପାକିସ୍ଥାନ ସହିତ କଥା ହେବା ଦରକାର, ଫାରୁକ ଅବଦୁଲ୍ଲା

ନୂଆଦିଲ୍ଲୀ : ଜମ୍ମକାଶ୍ମରୀରେ ଶାନ୍ତି ଫେରାଇ ଆଣିବାକୁ ହେଲେ ପାକିସ୍ଥାନ ସହିତ ଆଲୋଚନା ଦ୍ବାରା ସମ୍ଭବ ହୋଇପାରିବ। ଏହା ବ୍ୟତିତ ଆଉ କିଛି ବିକଳ୍ପ ନାହିଁ ବୋଲି ଜମ୍ମକାଶ୍ମରୀର ପୂର୍ବତନ ମୁଖ୍ୟମନ୍ତ୍ରୀ ଫାରୁକ ଅବଦୁଲା କହିଛନ୍ତି। ଏହାକୁ ନେଇ ବିଭିନ୍ନ ମହଲରେ ସମାଲୋଚନା ତଥା ପ୍ରତିକ୍ରିୟା ପ୍ରକାଶ ପାଇବାରେ ଲାଗିଛି।

କାଶ୍ମୀର ଉପତ୍ୟକାରେ ଆତଙ୍କବାଦୀଙ୍କ ଦ୍ବାରା ଦୁଇଜଣ ପୋଲିସ ଅଧିକାରୀଙ୍କ ହତ୍ୟାକୁ ଏକ ଦୁଃଖଦ ଘଟଣା ବୋଲି କହି ଫାରୁକ ଏପରି ବୟାନ ଦେଇଛନ୍ତି।  ଜାମ୍ମକାଶ୍ମୀରରେ  ସନ୍ତ୍ରାସବାଦର ସମାପ୍ତି ତଥା  ଶାନ୍ତି ଫେରାଇ ଆଣିବା ପାଇଁ ପାକିସ୍ତାନ ସହ ଆଲୋଚନା କରିବା ଛଡା ଆଉ କୈଣସି ଉପାୟ ନାହିଁ। ସାମ୍ବାଦିକମାନଙ୍କ ଏକ ପ୍ରଶ୍ନର ଫାରୁକ ଏପରି ବୟାନ ଦେଇଛନ୍ତି।

ଫାରୁକ କହିଛନ୍ତି ଯେ, ବର୍ତ୍ତମାନ ଦେଶରେ ଲୋକେ ସୁରକ୍ଷିତ ଅଛନ୍ତି କି ? ସନ୍ତ୍ରାସବାଦୀ ବିଭିନ୍ନ ସମୟରେ ଲୋକମାନଙ୍କୁ ହତ୍ୟା କରୁଛନ୍ତି ହେଲେ ସରକାର କହୁଛନ୍ତି ଠିକ ଅଛି ଦେଖିବା। ଯେତେବେଳେ ପୋଲିସ୍ ସୁରକ୍ଷିତ ନୁହଁନ୍ତି ସେତେବେଳେ ଜଣେ ସାଧାରଣ ଲୋକ କିପରି ସୁରକ୍ଷିତ ହେବ ବୋଲି ଫାରୁକ ପ୍ରଶ୍ନ କରିଥିଲେ। 

ଗତ 10 ତାରିଖରେ, ଜମ୍ମର ବାନ୍ଦିପୋରା ଜିଲ୍ଲାର ଏକ ପୋଲିସ୍ ପାର୍ଟି ଉପରେ ହୋଇଥିବା ଆତଙ୍କବାଦୀ ଆକ୍ରମଣରେ ଦୁଇ ଜଣ ପୋଲିସ ସହିଦ ହୋଇଥିଲେ। ଯାହାକୁ ବିଭିନ୍ନ ରାଜନୈତିକ ଦଳମାନେ ନିନ୍ଦା କରିଛନ୍ତି। ଯେତେବେଳେ ପଚରାଗଲା ଆପଣ କଣ ପାକିସ୍ତାନ ସହ କଥାବାର୍ତ୍ତା କରିବାକୁ ଜିଦ୍ ଧରିଛନ୍ତି କି? ଏହାର ଉତ୍ତରରେ ଅବଦୁଲ୍ଲା କହିଛନ୍ତି, ଆମକୁ କଥା ହେବାକୁ ପଡିବ, ତା ଛଡା ଅନ୍ୟ କୌଣସି ଉପାୟ ନାହିଁ।

ଚୀନ ପ୍ରସଂଗରେ  ଅବଦୁଲ୍ଲା କହିଛନ୍ତି, ଆମେ ଚୀନ୍ ସହ ମଧ୍ୟ କଥା ହୋଇପାରିବା। ଚୀନ୍ ଆସୁଛି ଏବଂ ଆମର ଅଞ୍ଚଳ ଦଖଲ କରୁଛି। ସେମାନେ ସେହି ଅଞ୍ଚଳରେ ସେମାନଙ୍କର ଘର ନିର୍ମାଣ କରୁଛନ୍ତି। ହେଲେ ଦୁଃଖର କଥା ଏ ସଂପର୍କରେ  ସଂସଦରେ ଆଲୋଚନା କରିବାକୁ ସରକାର ଅନୁମତି ଦେଉ ନାହାଁନ୍ତି। ଫାରୁକଙ୍କ ଏପରି ବୟାନ ନେଇ ବିଭିନ୍ନ ମହଲରେ ଚର୍ଚ୍ଚା ଚାଲିଛି।

Categories
ଆଜିର ଖବର

ଟି-୨୦ ବିଶ୍ୱକପ: ଟିମ୍ ଇଣ୍ଡିଆ ବିରୋଧରେ ୧୨ ଜଣିଆ ଦଳ ଘୋଷଣା କଲା ପାକିସ୍ଥାନ

ନୂଆଦିଲ୍ଲୀ: ଆଇସିସି ଟି -୨୦ ବିଶ୍ୱକପରେ ମହାମୁକାବଲା ପାଇଁ ଟିମ୍ ଇଣ୍ଡିଆ ପ୍ରସ୍ତୁତ ଅଛି। ଆସନ୍ତାକାଲି ବଡ ପ୍ରତିଦ୍ୱନ୍ଦ୍ୱୀ ପାକିସ୍ତାନ ସହିତ ଟିମ୍ ଇଣ୍ଡିଆ ଏହାର ଅଭିଯାନ ଆରମ୍ଭ କରିବ। ଏହାପୂର୍ବରୁ ଆଜି ଭାରତ ବିରୋଧରେ ପାକିସ୍ତାନ ଖେଳାଳି ଘୋଷଣା କରିଛି। ବାବର ଆଜାମ ଏହି ୧୨ ଜଣିଆ ଦଳର ଅଧିନାୟକ।

ଭାରତ ବିରୋଧରେ ପାକିସ୍ତାନର କ୍ରିକେଟ୍ ଦଳ:

୧- ବାବର ଆଜାମ (କ୍ୟାପଟେନ)
୨- ଆସିଫ ଅଲି
୩- ଫକର ଜମାନ
୪- ହାଇଦର ଅଲି
୫- ମହମ୍ମଦ ରିଜୱାନ୍ (ୱିକେଟ୍ କିପର)
୬- ଇମାଦ ବସିମ
୭- ମହମ୍ମଦ ହାଫିଜ
୮- ଶାଦବ ଖାନ
୯- ଶୋଏବ ମଲିକ୍
୧୦- ହରିଶ ରାଉଫ
୧୧- ହାସନ ଅଲି
୧୨- ଶାହିନ୍ ଶାହା ଆଫ୍ରିଦି

ଅକ୍ଟୋବର ୨୪ ତାରିଖ ରବିବାର ଦିନ ଭାରତ ଏବଂ ପାକିସ୍ତାନ ମଧ୍ୟରେ ମ୍ୟାଚ୍ ବହୁତ ରୋମାଞ୍ଚକର ହେବାକୁ ଯାଉଛି। ଟିମ୍ ଇଣ୍ଡିଆର ପ୍ରଶଂସକମାନେ କେବଳ ଏହି ମୁହୂର୍ତ୍ତକୁ ଅପେକ୍ଷା କରିନାହାଁନ୍ତି, ସମଗ୍ର ବିଶ୍ୱର ଖେଳାଳିମାନେ ମଧ୍ୟ ଏହି ମ୍ୟାଚ୍ କୁ ଅପେକ୍ଷା କରିଛନ୍ତି। ଚିର-ପ୍ରତିଦ୍ୱନ୍ଦ୍ୱୀ ସହିତ ମ୍ୟାଚରେ ନିଜର ପୁରୁଣା ବିଜୟ ରେକର୍ଡ ବଜାୟ ରଖିବାକୁ ଟିମ୍ ଇଣ୍ଡିଆ ଯଥାସମ୍ଭବ ଚେଷ୍ଟା କରିବ।

Categories
ଖେଳ ଜାତୀୟ ଖବର ବିଶେଷ ଖବର

ବିଶ୍ୱକପ ଜିତିବା ପାଇଁ ଟିମ୍ ଇଣ୍ଡିଆ ଦାବିଦାର: ପାକିସ୍ଥାନକୁ ନେଇ ପୂର୍ବତନ କ୍ରିକେଟର ଗୌତମ ଗମ୍ଭୀର ରଖିଲେ ଏଭଳି ପ୍ରତିକ୍ରିୟା

ନୂଆଦିଲ୍ଲୀ: ଚଳିତ ବର୍ଷ ଅକ୍ଟୋବର ମାସରେ ଟି -୨୦ ବିଶ୍ୱକପ ଆୟୋଜିତ ହେବାକୁ ଯାଉଛି। ୟୁଏଇରେ ଅନୁଷ୍ଠିତ ହେବାକୁ ଥିବା ଏହି ବିଶ୍ୱକପ୍‌ରେ ଟିମ୍ ଇଣ୍ଡିଆ ସବୁଠାରୁ ଶକ୍ତିଶାଳୀ ପ୍ରତିଯୋଗୀ ଭାବରେ ଦେଖାଯାଉଛି। ପୂର୍ବତନ ଭେଟେରାନ କ୍ରିକେଟର ଗୌତମ ଗମ୍ଭୀର ବିଶ୍ଵାସ କରନ୍ତି ଯେ, ଭାରତ ଦଳ ପାକିସ୍ତାନ ଅପେକ୍ଷା ବହୁତ ଶକ୍ତିଶାଳୀ ଏବଂ ଟାଇଟଲ ଜିତିବା ପାଇଁ ଏକ ଶକ୍ତିଶାଳୀ ଦଳ।

ୟୁଏଇରେ ଅନୁଷ୍ଠିତ ବିଶ୍ୱକପ ଯୋଗୁଁ ଭାରତକୁ ଏକ ସୁବିଧା ମିଳିବ। ୟୁଏଇର ପିଚ୍ ଗୁଡିକ ଭାରତର ପିଚ୍ ସହିତ ସମାନ ଏବଂ ସ୍ପିନ୍ ବୋଲରମାନେ ଏଠାରେ ଅଧିକ ଲାଭ ପାଆନ୍ତି। ଭାରତରେ କେବଳ ଭଲ ସ୍ପିନର ନୁହଁନ୍ତି ବରଂ ବ୍ୟାଟ୍ସମ୍ୟାନମାନେ ମଧ୍ୟ ସ୍ପିନ୍ ବୋଲରକୁ ଭଲ ଖେଳନ୍ତି।

୨୪ ଅକ୍ଟୋବରରୁ ଦୁବାଇ ଷ୍ଟାଡିୟମରେ ଭାରତ ଏବଂ ପାକିସ୍ତାନ ଦଳ ଲିଗ୍ ଅଭିଯାନ ଆରମ୍ଭ କରିବେ। ଗମ୍ଭୀର କହିଛନ୍ତି ଯେ, ପାକିସ୍ତାନ ଦଳରୁ ମଧ୍ୟ ଅନେକ କିଛି ଆଶା କରାଯାଏ। କିନ୍ତୁ ଯଦି ଆପଣ ବର୍ତ୍ତମାନ ପରିସ୍ଥିତିକୁ ଦେଖନ୍ତି ତେବେ ପାକିସ୍ତାନ ଅପେକ୍ଷା ଭାରତ ଅଧିକ ଶକ୍ତିଶାଳୀ ଅଟେ।

ତେବେ କୌଣସି ଦଳକୁ ଦୁର୍ବଳ ବୋଲି ଗମ୍ଭୀର ମନେ କରନ୍ତି ନାହିଁ। ପୂର୍ବତନ କ୍ରିକେଟର କହିଛନ୍ତି, ଟି -୨୦ ଖେଳ ଏକ ଏଭଳି ଫର୍ମାଟ୍, ଯେଉଁଥିରେ କୌଣସି ଦଳ ଯେକୌଣସି ଦଳକୁ ପରାସ୍ତ କରିପାରିବେ। ଏହି ଫର୍ମାଟରେ, ମ୍ୟାଚ୍ ପରିବର୍ତ୍ତନ କରିବାକୁ କେବଳ ଜଣେ ଖେଳାଳି ଯଥେଷ୍ଟ। ଆମେ କୌଣସି ଦଳକୁ ଦୁର୍ବଳ ବୋଲି ବିଚାର କରିପାରିବା ନାହିଁ।

ଖେଳ ବିଗାଡି ପାରେ ଆଫଗାନିସ୍ତାନ ଦଳ:

ଆଫଗାନିସ୍ତାନ ଏକ ଅପରି ଦଳ, ଯାହା କୌଣସି ଶକ୍ତିଶାଳୀ ଦଳର ଖେଳକୁ ମଧ୍ୟ ବିଗାଡିପାରେ। ତ-୨୦ ବିଶ୍ଵକପରେ ଭାଗ ନେଉଥିବା ଦଳ ମଧ୍ୟରୁ କୌଣସି ଏକ ଶକ୍ତିଶାଳୀ ଦଳକୁ ଆଫଗାନିସ୍ତାନ ଚକମା ଦେଇପାରେ। ଗମ୍ଭୀର କହିଛନ୍ତି, ଆପଣ ଆଫଗାନିସ୍ତାନକୁ ଅବମାନନା କରିପାରିବେ ନାହିଁ। ରସିଦ ଖାନଙ୍କ ପରି ଖେଳାଳିମାନେ ଏକ ବଡ ପରିବର୍ତ୍ତନ କରିପାରିବେ। ଏହା ପାକିସ୍ତାନ ପାଇଁ ମଧ୍ୟ ପ୍ରଯୁଜ୍ୟ କିନ୍ତୁ ପାକିସ୍ତାନ ଉପରେ ମଧ୍ୟ ଚାପ ରହିବ।

ଆଫଗାନିସ୍ତାନ ଖେଳାଳିମାନେ ଇଣ୍ଡିଆନ ପ୍ରିମିୟର ଲିଗରେ ଖେଳନ୍ତି। ଯାହାଦ୍ୱାରା ଦଳକୁ ଉନ୍ନତି କରିବାର ସୁଯୋଗ ଦେଇଛି। ଅଫଗାନିସ୍ତାନ ଦଳରେ ରସିଦ ଖାନ, ମୁଜିବ ଏବଂ ମହମ୍ମଦ ନବୀଙ୍କ ଭଳି ଖେଳାଳି ଅଛନ୍ତି। ଏହି ଖେଳାଳୀମାନଙ୍କୁ ହାଲୁକା ଭାବରେ ନେଇପାରିବେ ନାହିଁ।

ଗୌତମ ଗମ୍ଭୀର, ଗ୍ରୁପ୍ ବି ଅପେକ୍ଷା ଗ୍ରୁପ୍-ଏକୁ ଶକ୍ତିଶାଳୀ ଗୃପ ବୋଲି ବିବେଚନା କରନ୍ତି। ଭାରତ ଏବଂ ପାକିସ୍ତାନ ଗ୍ରୁପ୍ ବି’ର ସ୍ଥାନ ପାଇଥିବା ବେଳେ ଅକ୍ଟୋବର ୨୪ ତାରିଖରେଦୁଇ ଦଳ ମଧ୍ୟରେ ସଂଘର୍ଷ ହେବ।

Categories
ଅନ୍ତରାଷ୍ଟ୍ରୀୟ ଜାତୀୟ ଖବର ବିଶେଷ ଖବର

ପାକିସ୍ଥାନ ହେଉଛି ଅଣ ମୁସଲିମ ଧର୍ମର ମରଣ ଯନ୍ତା ଦେଶ, ଏମକ୍ୟୁଏମ ନେତା ଅଲତାଫ୍ ହୁସେନ

ନୂଆଦିଲ୍ଲୀ, ପାକିସ୍ଥାନ ହେଉଛି ଅଣ ମୁସଲିମ ଧର୍ମର ମରଣ ଯନ୍ତା। ସେହି ଦେଶରେ ସଂଖ୍ୟାଲଘୁ ସଂପ୍ରଦାୟକୁ ସମ୍ମାନ ଦିଆଯାଏ ନାହିଁ। ଏପରି ଏକ ବିସ୍ପୋରକ କଥା କହିଛନ୍ତି ଏମକ୍ୟୁଏମ ର ପ୍ରତିଷ୍ଠାତା ଅଲତାଫ୍ ହୁସେନ। ଲଣ୍ଡନରେ ରହୁଥିବା ଅଲତାଫ ଆଜି ତାଙ୍କ ଟୁଇଟରରେ ପାକିସ୍ଥାନକୁ ମଧ୍ୟ ଚେତାବନି ଦେଇଛନ୍ତି।

ସେ ଏକ ସିରିଜ ଟୁଇଟ କରି କହିଛନ୍ତି ଯେ, ପାକିସ୍ଥାନରେ ଯେପରି ଅଣ ମୁସଲିମ ଧର୍ମପିଠକୁ ଭଙ୍ଗାଯାଉଛି ତାହା ଅମାନବିକତା। ସେତିକି ନୁହେଁ ସେ ତାଙ୍କ ଟୁଇଟିରେ ଏପରି କାର୍ଯ୍ୟକୁ ଦୃଢ ବିରୋଧ ମଧ୍ୟ କରିଛନ୍ତି। ଏହା ହେଉଛି ଇସଲାମିକ ବିରୋଧୀ, ଅଗଣତାନ୍ତ୍ରିକ ଏବଂ ଅନ୍ୟାୟ କାର୍ଯ୍ୟ। ପାକିସ୍ଥାନ ତୁରନ୍ତ ଏପରି କାର୍ଯ୍ୟରୁ ନିବୃତ ରହୁ ବୋଲି ଅଲତାଫ କହିଛନ୍ତି।

ପାକିସ୍ଥିନର ଏପରି କାର୍ଯ୍ୟ ବିରୋଧରେ ବିଚାର କରି ଦଣ୍ଡ ଦେବା ପାଇଁ ସେ ଜାତିସଂଘର ସେକ୍ରେଟାରୀ ଜେନରାଲଙ୍କୁ ମଧ୍ୟ ଅନୁରୋଧ କରିଛନ୍ତି। ସେ କହିଛନ୍ତି ଯେ, ଜାତିସଂଘ ତୁରନ୍ତ ପାକିସ୍ଥାନ ସରକାରଙ୍କ ସହିତ କଥାବାର୍ତ୍ତା କରି ଏପରି କାର୍ଯ୍ୟରୁ ନିବୃତ ରହିବା ପାଇଁ ପାକିସ୍ଥାନକୁ ନିର୍ଦ୍ଦେଶ ଦିଅନ୍ତୁ।

ପାକିସ୍ଥାନ ଆର୍ମି ଏବଂ ତାଙ୍କର ଗୁପ୍ତ ସଂସ୍ଥା ଆଇଏସଆଇ ର ଲୋକେ ପାକିସ୍ଥାନରେ ଥିବା ବିଭିନ୍ନ ଅଣ ମୁସଲିମ ଧର୍ମପିଠ ଭାଙ୍ଗି ଦେଇଛନ୍ତି। ଏଥିସହିତ ସେମାନେ ଏହି ସଂପ୍ରଦାୟର ଲୋକଙ୍କୁ ଘୃଣା ମଧ୍ୟ କରୁଛନ୍ତି। ଏହା ଠିକ୍ ନୁହେଁ ବୋଲି ଅଲତାଫ୍ କହିଛନ୍ତି।

ନିକଟରେ ପାକିସ୍ଥାନ ଅଧିନସ୍ଥ ପଂଜାବ ରାଜ୍ୟର ଫଇସଲାବାଦରେ ଅହମାଦୀ ଧର୍ମପିଠ ଉପରେ ଆକ୍ରମଣ କରି ଭାଙ୍ଗି ଦେଇଛନ୍ତି। ଯାହାକୁ ନେଇ ସାରା ବିଶ୍ବରେ ବିରୋଧର ସ୍ବର ଉଠିଛି। ଏଥିରେ ଅଲତାଫଙ୍କ ଏପରି ବିବୃତି ଏହି ବିରୋଧକୁ ଆହୁରି ଦୃଢ କରିଛି।

Categories
ଅପରାଧ ଆଜିର ଖବର ଜାତୀୟ ଖବର

ବିମାନ ଅପହରଣ କରି ପାକିସ୍ଥାନ ନେଇଯିବାକୁ ଧମକ: ଜଣେ ଯୁବକକୁ ଅଟକ ରଖିଲା ପୋଲିସ

ନୂଆଦିଲ୍ଲୀ: ବିମାନ ବନ୍ଦରରୁ ବିମାନ ଅପହରଣ କରି ପାକିସ୍ଥାନ ନେଇଯିବା ନେଇ ଧମକ ହୋଇଛି। ମଧ୍ୟପ୍ରଦେଶର ଭୋପାଳ ଏବଂ ଇନ୍ଦୋର ବିମାନ ବନ୍ଦରରୁ ବିମାନ ଅପହରଣ କରି ପାକିସ୍ତାନ ନେଇଯିବା ନେଇ ଧମକ ହୋଇଛି। ଧମକ ଦେଇଥିବା ଯୁବକଜଣଙ୍କୁ ପୋଲିସ ଅଟକ ରଖିଛି।

ସୁଚନା ଅନୁଯାୟୀ, ଗତକାଲି ସନ୍ଧ୍ୟା ୫ ଟା ସମୟରେ ଭୋପାଳ ବିମାନ ବନ୍ଦରକୁ ଜଣେ ୩୪ ବର୍ଷୀୟ ଯୁବକ ଫୋନ କରି ବିମାନ ଅପହରଣ କରି ପାକିସ୍ଥାନ ନେଇଯିବା ନେଇ ଧମକ ଦେଇଥିଲା। ଏଭଳି ଧମକ ପାଇବା ପରେ ପୋଲିସ ତଦନ୍ତ ଆରମ୍ଭ କରିଦେଇଥିଲା।

ତେବେ ତଦନ୍ତ ପରେ ଅଭିଯୁକ୍ତ ଯୁବକଜଣଙ୍କୁ ଗତକାଲି ବିଳମ୍ବିତ ରାତିରେ ପୋଲିସ ଅଟକ ରଖିଛି। ବର୍ତ୍ତମାନ ଯୁବକଜଣଙ୍କୁ ପଚରାଉଚରା କରାଯାଉଛି। ଏନେଇ ବିମାନବନ୍ଦରର ସୁରକ୍ଷାକୁ ବଢାଇ ଦିଆଯାଇଛି। ମୁମ୍ବାଇ ଯାଉଥିବା ସମସ୍ତ ବିମାନକୁ କଡାକଡି ଯାଞ୍ଚ କରାଯାଉଥିବା ଜଣେ ଅଧିକାରୀ ସୂଚନା ଦେଇଛନ୍ତି।

Categories
ଅନ୍ତରାଷ୍ଟ୍ରୀୟ ଆଜିର ଖବର ଜାତୀୟ ଖବର ବ୍ୟବସାୟ

ଭାରତ ସହ ବାଣିଜ୍ୟ ପ୍ରସ୍ତାବକୁ ବାତିଲ କଲେ ଇମ୍ରାନ ଖାନ: ଅସନ୍ତୋଷ ବ୍ୟକ୍ତ କଲେ ପାକିସ୍ଥାନୀ

ନୂଆଦିଲ୍ଲୀ: ବିରୋଧୀ ଦଳଙ୍କ ବିରୋଧ ପରେ ପାକିସ୍ଥାନ ପ୍ରଧାନମନ୍ତ୍ରୀ ଇମ୍ରାନ ଖାନ ଭାରତକୁ ଚିନି ଏବଂ କପା ରପ୍ତାନି ପ୍ରସ୍ତାବକୁ ରଦ୍ଦ କରିଛି। ପୂର୍ବରୁ ପାକିସ୍ତାନର ଇକୋନୋମିକ କୋର୍ଡିନେସନ କମିଟି ଏବଂ ଭାରତ ମଧ୍ୟରେ ପୁଣି ଥରେ ବାଣିଜ୍ୟ ସମ୍ପର୍କ ପାଇଁ ପ୍ରସ୍ତାବ ହୋଇଥିଲା। ହେଲେ ଏଥିରେ ବିରୋଧୀ ଦଳର ବିରୋଧ ପରେ ଇମ୍ରାନ ଖାନ ଏହାକୁ ବାତିଲ କରିଦେଇଛନ୍ତି।

ଯେପର୍ଯ୍ୟନ୍ତ ଜମ୍ମୁ-କାଶ୍ମୀରରେ ୩୭୦ ଧାରା ଲାଗୁ କରାଯାଇନି, ସେପର୍ଯ୍ୟନ୍ତ ଭାରତ ସହ ସମ୍ପର୍କରେ ସାମାନ୍ୟ ହେବା ଅସମ୍ଭବ ବୋଲି ପାକିସ୍ତାନ କହିଛି। ବିରୋଧୀଙ୍କ ଚାପରେ ଯଦିବା ପାକିସ୍ଥାନ ଏଭଳି ନିଷ୍ପତ୍ତି ନେଇଛି, ହେଲେ ବର୍ତ୍ତମାନ ପାକିସ୍ଥାନର ଶିଲ୍ପପତି ଏବଂ ଦର ବୃଦ୍ଧିରେ ଅସ୍ତବ୍ୟସ୍ତ ହେଉଥିବା ସାଧାରଣ ଜନତା ସରକାର ଉପରେ ଅସନ୍ତୋଷ ବ୍ୟକ୍ତ କରିଛନ୍ତି।

Categories
ଅନ୍ତରାଷ୍ଟ୍ରୀୟ ଆଜିର ଖବର ଜାତୀୟ ଖବର

ପ୍ରଧାନମନ୍ତ୍ରୀ ମୋଦୀଙ୍କ ଆଲୋଚନା ଲାଗି ପାକିସ୍ଥାନକୁ ଚିଠି ଲେଖିବା ଏକ ଭଲ ପଦକ୍ଷେପ: ମହବୁବା ମୁଫ୍ତି

ନୂଆଦିଲ୍ଲୀ: ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପାକିସ୍ଥାନ ସହ ଆଲୋଚନା ଲାଗି ଇମ୍ରାନ ଖାନଙ୍କୁ ଏକ ଚିଠି ଲେଖିଛନ୍ତି। ପିଡିପି ଅଧ୍ୟକ୍ଷ ମହବୁବା ମୁଫ୍ତି ଏହାକୁ ନେଇ ସନ୍ତୋଷ ବ୍ୟକ୍ତ କରିଛନ୍ତି।

ଏକ ଟ୍ବିଟ ମାଧ୍ୟମରେ ମହବୁବା ଉଲ୍ଲେଖ କରିଛନ୍ତି ଯେ, ପ୍ରଧାନମନ୍ତ୍ରୀ ମୋଦୀଙ୍କ ଦ୍ଵାରା ଏଭଳି ପ୍ରୟାସ ଏକ ଉଚିତ୍ ପଦକ୍ଷେପ ଅଟେ। ଯେମିତି ବାଜପେୟୀ କହୁଥିଲେ କି, ବନ୍ଧୁ ବଦଳି ପାରନ୍ତି, କିନ୍ତୁ ପଡୋଶି ନୁହେଁ। ମୁଁ ଆଶା କରୁଛି କି, ଏହି ଆଲୋଚନା ସମାଧାନ ପ୍ରକ୍ରିୟା ଆଡକୁ ଯିବ। ଏବଂ କାଶ୍ମୀରରେ ଶାନ୍ତି ଫେରିବ ବୋଲି ମୁଫ୍ତି କହିଛନ୍ତି।

ଉଲ୍ଲେଖ ଯୋଗ୍ୟ ଯେ, ଗତକାଲି ପାକିସ୍ଥାନ ଦିବସ ଅବସରରେ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏକ ଚିଠି ଲେଖି ପାକିସ୍ଥାନ ଲୋକଙ୍କୁ ଶୁଭକାମନା ଜଣାଇଥିଲେ। ଗୋଟିଏ ପଡୋଶୀ ଦେଶ ଭାବେ ଭାରତ ସବୁବେଳେ ପାକିସ୍ଥାନ ଲୋକଙ୍କ ସହ ଶୌହାର୍ଦ୍ଧ୍ୟପୂର୍ଣ୍ଣ ସମ୍ପର୍କ ରଖିବାକୁ ଇଚ୍ଛା କରିଥାଏ। ଏଥିପାଇଁ ଅବିଶ୍ଵାସ, ଆତଙ୍କ ଏବଂ ଶତୃତାକୁ ଦୂରେଇ ଏକ ସକାରାତ୍ମକ ବାତାବରଣ ତିଆରି କରିବା ଆବଶ୍ୟକ ବୋଲି ମୋଦୀ ଏହି ପତ୍ରରେ ଲେଖିଥିଲେ।

Categories
ଅନ୍ତରାଷ୍ଟ୍ରୀୟ ଆଜିର ଖବର ଜାତୀୟ ଖବର

କୃଷକ ଆନ୍ଦୋଳନ ଏବଂ କାଶ୍ମୀର ମାମଲାକୁ ନେଇ ବୟାନ ରଖିଲା ପାକିସ୍ଥାନ

ଇସ୍ଲାମାବାଦ: ଭାରତରେ କୃଷି ଆଇନ ବିରୋଧରେ ଚାଲିଥିବା କୃଷକ ଆନ୍ଦୋଳନକୁ ନେଇ ପାକିସ୍ଥାନ ଟିପ୍ପଣୀ ରଖିଛି। ପାକିସ୍ଥାନର ବିଦେଶ ମନ୍ତ୍ରୀ ଶାହ ମହମୁଦ କୁରେଶୀ ଏକ ବୟାନ କହିଛନ୍ତି ଯେ, ଭାରତ ସରକାର ଆନ୍ଦୋଳନରତ ଚାଷୀଙ୍କ ଆୱାଜ ବନ୍ଦ କରିବାକୁ ବିଫଳ ହୋଇଛି। ଏବଂ ସମଗ୍ର ଭାରତ କୃଷକଙ୍କ ସାଥିରେ ଠିଆ ହୋଇଛି।

ଏହା ସହିତ କୁରେଶୀ ପୁଣି ଥରେ କାଶ୍ମୀର ମୁଦ୍ଦା ଉଠାଇଥିଲେ। ପାକିସ୍ଥାନର ଖବର କାଗଜକୁ ବିଦେଶମନ୍ତ୍ରୀ କୁରେଶୀ କହିଛନ୍ତି ଯେ, କାଶ୍ମୀର ଘଟଣା ଉପରେ ଭାରତ ଯଦି ଏତେ ମଜବୁତ ଅଛି, ତେବେ ସେମାନେ ଆଲୋଚନା କରିବାକୁ କାହିଁକି ଡରୁଛନ୍ତି? ଭାରତ କେବେ ପାକିସ୍ଥାନ ପ୍ରଧାନମନ୍ତ୍ରୀଙ୍କ ଶାନ୍ତିପୂର୍ଣ୍ଣ ଆଲୋଚନାର ପ୍ରସ୍ତାବକୁ ଧ୍ୟାନ ଦେଇନାହିଁ। ବରଂ ଭାରତ ଏମିତି  ପଦକ୍ଷେପ ନେଇଛି ଯାହାଫଳରେ କାଶ୍ମୀରରେ ଏମିତି ବିବାଦପୂର୍ଣ୍ଣ ପରିସ୍ଥିତି ସୃଷ୍ଟି ହୋଇଛି। ପରମାଣୁ ଅସ୍ତ୍ରଶସ୍ତ୍ର ସମ୍ପନ୍ନ ଦୁଇ ଦେଶ ମଧ୍ୟରେ କାଶ୍ମୀରକୁ ନେଇ ବିବାଦ ଲାଗିରହିଛି। ସେଥିପାଇଁ ଦୁଇ ଦେଶ ମଧ୍ୟରେ ଶାନ୍ତିପୂର୍ଣ୍ଣ ଆଲୋଚନା ହୋଇ ସ୍ଥାୟୀ ସମାଧାନ ବାହାର କରିବା ଆବଶ୍ୟକ।

ତେବେ କାଶ୍ମୀର ଘଟଣାରେ ସୈନ୍ୟ ଦ୍ଵାରା ସମାଧାନ କରିବା ପ୍ରଶ୍ନରେ କୁରେଶୀ କହିଥିଲେ ଯେ, ଏଭଳି କରିବା ଆମ ପାଇଁ ଆତ୍ମହତ୍ୟା ସଦୃଶ ହେବ। ସେ କହିଥିଲେ ଯେ, ଭାରତ କାଶ୍ମୀରୀବାସୀଙ୍କ ଅଧିକାର ଛଡେଇ ନେଉଛି ଏବଂ ସେମାନଙ୍କ ଆୱାଜକୁ ଦବାଇ ରଖୁଛି। ସେହି ଅଞ୍ଚଳରେ ଆର୍ଥିକ ସ୍ଥିତେ ସେବେ ସୁଧୁରିବା ଯେବେ ସେଠାରେ ଶାନ୍ତି ପ୍ରତିଷ୍ଠା ହେବ।

ଉଲ୍ଲେଖ ଯୋଗ୍ୟ ଯେ, ମୋଦୀ ସରକାର ଜମ୍ମୁ କାଶ୍ମୀରରୁ ଯେବେଠୁ ୩୭୦ ଧାରା ଉଠାଇଛି ସେବେଠାରୁ ଭାରତ ବିରୋଧରେ ପାକିସ୍ଥାନ ବୈଶିକ ସମର୍ଥନ ଲାଗି ଚେଷ୍ଟା କରି ବିଫଳ ହୋଇଛି। ଏନେଇ ପାକିସ୍ଥାନ ପ୍ରଧାନମନ୍ତ୍ରୀ ଏବଂ ତାଙ୍କର ମନ୍ତ୍ରୀମାନେ କାଶ୍ମୀର ମାମଲାରେ ବାରମ୍ବାର ବୟାନ ଦେଇଚାଲିଛନ୍ତି।