Categories
ଆଜିର ଖବର ମନୋରଂଜନ ରାଜ୍ୟ ଖବର

ବାହୁଡ଼ା ଯାତ୍ରାରେ ମୁକ୍ତି ଲାଭ କଲା “ଝୁଲରେ କାଳିଆ ଝୁଲ”

କନ୍ଦର୍ପ ବେହେରା
ରେଢ଼ାଖୋଲ: ସମ୍ବଲପୁର ଜିଲ୍ଲା ନାକଟିଦେଉଳ ବ୍ଲକ କୁଡ଼ାନାଳୀ ଗ୍ରାମରେ ପ୍ରତିଷ୍ଠିତ ଆଦ୍ୟାଶା ମ୍ୟୁଜିକ ପକ୍ଷରୁ ପବିତ୍ର ବାହୁଡା଼ ଯାତ୍ରା ଅବସରରେ ଏକ ଜଗନ୍ନାଥ ଭଜନ ଲୋକାର୍ପିତ ହୋଇଛି।

“ଝୁଲ ରେ କାଳିଆ ଝୁଲ” ଶୀର୍ଷକ ଏହି ଭଜନ ଟିକୁ ରେଢ଼ାଖୋଲ ବ୍ଲକ ଅଧ୍ୟକ୍ଷ ପ୍ରଦୀପ ପ୍ରଧାନ ଆନୁଷ୍ଠାନିକ ଭାବେ ଲୋକର୍ପିତ କରି ସୁନ୍ଦର ଭଜନ ଟି ମହାପ୍ରଭୁଙ୍କ ବାହୁଡା଼ ଯାତ୍ରା ପାଇଁ ପ୍ରସ୍ତୁତ କରିଥିବା ରୁ ‘ଆଦ୍ୟାଶା ମ୍ୟୁଜିକ”ଟିମ କୁ ଭୁୟସୀ ପ୍ରଶଂସା କରିଥିଲେ। ଏହି କାର୍ଯ୍ୟକ୍ରମରେ ପ୍ରଯୋଜକ ସରୋଜ କୁମାର ରାଉତ ଓ ପରିଚାଳନା ନିର୍ଦ୍ଦେଶକ ରଶ୍ମିତା ରାଉତ ଉପସ୍ଥିତ ରହି ଆଗାମୀ ଦିନରେ ଆଦ୍ୟାଶା ମ୍ୟୁଜିକ ପକ୍ଷରୁ ନବାଗତ କଳାକାର ମାନଙ୍କୁ ପ୍ରାଧାନ୍ୟ ଦିଆଯିବ ବୋଲି ପ୍ରକାଶ କରିଥିଲେ।

ଏହି ଭଜନ ଟିକୁ ନଟବର ବଲ୍ଲଭ ଦାଶ ରଚନା କରି ଥିବା ବେଳେ କଣ୍ଠଦାନ କରିଛନ୍ତି ପୂଜା ରାଣୀ। ବିନୋଦ କୁମାର ଏହାର ସଂଗୀତ ନିର୍ଦ୍ଦେଶନା ଦେଇ ଥିବା ବେଳେ ଆୟୁଷ ରଞ୍ଜନ ରାଉତ ପ୍ରଯୋଜନା ପରିଚାଳନା ରହିଛନ୍ତି।

Categories
ଜାତୀୟ ଖବର ଧର୍ମ ବିଶେଷ ଖବର

ଆଜି ରଥରେ ଶ୍ରୀଜିୟୁଙ୍କୁ ଲାଗି ହେବ ଅଧରପଣା, ତିଆରି ହୋଇଛି ଓଠକୁ ଛୁଇଁବା ପରି ହାଣ୍ଡି

ପୁରୀ: ଆଜି ରଥରେ ତିନିଠାକୁରଙ୍କ ନିକଟରେ ଅଧରପଣା ନୀତି ଅନୁଷ୍ଠିତ ହେବ। ଏଥିରେ ଅଧର ବା ଓଠକୁ ଛୁଇଁବା ପରି ହାଣ୍ଡିରେ ପଣା ଭୋଗ କରାଯିବ। ତିନିଠାକୁରଙ୍କ ପାଖରେ ତିନୋଟି ଲେଖାଏଁ ମାଟି ହାଣ୍ଡିରେ ଏହି ପଣା ଲାଗି କରାଯିବ। ସେଥିପାଇଁ ସ୍ବତନ୍ତ୍ର ଭାବେ ମୋଟ ୯ଟି ମାଟିହାଣ୍ଡି ତିଆରି କରାଯାଇଛି।

ସାଧାରଣତଃ ଆଷାଢ ଶୁକ୍ଳପକ୍ଷ ଦ୍ବାଦଶୀ ତିଥିରେ ଏହି ଅଧରପଣା ଭୋଗ କରାଯାଇଥାଏ। ମଧ୍ୟାହ୍ନ ଧୂପ ଶେଷ ହେବାପରେ ଓ ସନ୍ଧ୍ୟା ଆଳତି ପୂର୍ବରୁ ଏହି ନୀତି ଅନୁଷ୍ଠିତ ହୋଇଥାଏ। ଶ୍ରୀବିଗ୍ରହମାନଙ୍କର ଶ୍ରୀଅଧର ଉଚ୍ଚତା ବିଶିଷ୍ଟ ଲାଉତୁମ୍ବ ଭଳି ସ୍ୱତନ୍ତ୍ର ଶୈଳୀରେ ନିର୍ମିତ ମାଟିହାଣ୍ଡିରେ ପଣା ସବୁକୁ ରଥ ଉପରେ ରଖାଯାଇଥାଏ।

ପ୍ରତି ରଥରେ ୩ ହାଣ୍ଡି ହିସାବରେ ମୋଟ ୯ ହାଣ୍ଡି ଅଧର ପଣା ଭୋଗ କରାଯାଇଥାଏ। ଏହି ୯ହାଣ୍ଡି ପଣାକୁ ପୂଜାପଣ୍ଡା ସେବକମାନେ ପଞ୍ଚୋପଚାର ପଦ୍ଧତିରେ ଶ୍ରୀବିଗ୍ରହମାନଙ୍କୁ ଅର୍ପଣ କରିଥାନ୍ତି। ଭୋଗ ହେବା ପରେ ପଣା ଥିବା ହାଣ୍ଡିଗୁଡ଼ିକୁ ରଥ ଉପରେ ଭାଙ୍ଗି ଦିଆଯାଏ। ରଥଗୁଡ଼ିକରେ ଥିବା ପାର୍ଶ୍ୱଦେବଦେବୀ, ଚଣ୍ଡିଚାମୁଣ୍ଡା ତଥା ଅଶରୀରୀମାନଙ୍କ ଉଦ୍ଧାର ନିମନ୍ତେ ପଣା ହାଣ୍ଡି ସବୁକୁ ଭୋଗ ହେବା ପରେ ଭାଙ୍ଗି ଦିଆଯିବାର ବିଧି ରହିଆସିଛି।

Categories
RathJatra ଆଜିର ଖବର ଜାତୀୟ ଖବର ରାଜ୍ୟ ଖବର

ସରିଲା ଛେରା ପହଁରା, ଲକ୍ଷଲକ୍ଷ ଭକ୍ତଙ୍କ ଗହଣରେ ଆରମ୍ଭ ହେଲା ରଥଟଣା

ପୁରୀ: ତିନିଠାକୁର ରଥାଋଢ ହେବା ପରେ ଆରମ୍ଭ ହୋଇଥିଲା ଛେରା ପହଁରା ନୀତି। ଗଜପତି ମହାରାଜା ଦିବ୍ୟସିଂହ ଦେବ ତିନି ରଥରେ ଛେରା ପହଁରା କାର୍ଯ୍ୟ କରିଥିଲେ। ଏହାପରେ ଚାରମାଳ ଫିଟା ଯିବା ପରେ ଲକ୍ଷଲକ୍ଷ ଭକ୍ତଙ୍କ ଗହଣରେ ଆରମ୍ଭ ହୋଇଥିଲା ବଡ ଭାଇ ବଳଭଦ୍ରଙ୍କ ରଥଟଣା। ଏଥର ବାହୁଡା ନିତି ନିର୍ଦ୍ଧାରିତ ସମୟ ପୂର୍ବରୁ କରାଯାଇଛି। ଏପରିକି ରଥଟଣା ମଧ୍ୟ ନିର୍ଦ୍ଧାରିତ ସମୟ ପୂର୍ବରୁ ଆରମ୍ଭ ହୋଇଯାଇଛି।  ଫଳରେ ଭକ୍ତଙ୍କ ମଧ୍ୟରେ ବେଶ୍‌ ଆନନ୍ଦର ଲହରୀ ଖେଳିଯାଇଛି।

ଆଜି ଭୋର ୪ଟାରୁ ଶ୍ରୀଜୀଉଙ୍କ ସମସ୍ତ ନୀତି ସମ୍ପନ୍ନ ହେବା ପରେ ପ୍ରଥମେ ସକାଳୁ ସକାଳୁ ଗୋଟି ପହଣ୍ଡିରେ ରଥରେ ବିଜେ କରିଥିଲେ ଚକ୍ରରାଜ ସୁଦର୍ଶନ। ଦ୍ୱିତୀୟରେ ବଡ଼ ଭାଇ ବଳଭଦ୍ରଙ୍କ ପହଣ୍ଡି ଆରମ୍ଭ ​‌ହୋଇ ତାଳଧ୍ୱଜ ରଥରେ ବିଜେ କରିଥିଲେ। ପରେ ପରେ ଭଉଣୀ ସୁଭଦ୍ରା ଦର୍ପଦଳନରେ ବିଜେ କରିଥିବା ବେଳେ ଶେଷରେ ମହାପ୍ରଭୁ ଶ୍ରୀ ଜଗନ୍ନାଥ ନନ୍ଦିଘୋଷ ରଥରେ ବିଜେ କରିଥିଲେ।

Categories
ଆଜିର ଖବର ଧର୍ମ ରାଜ୍ୟ ଖବର

ଆଜି ବାହୁଡିବେ ତିନି ଠାକୁର, ଆରମ୍ଭ ହେଲା ପହଣ୍ଡି ବିଜେ

ପୁରୀ: ଆଜି ହେଉଛି ପବିତ୍ର ବାହୁଡା ଯାତ୍ରା, ଜନ୍ମବେଦିରୁ ଶ୍ରୀମନ୍ଦିରକୁ ଫେରିବେ ମହାବାହୁ। ସେଥିପାଇଁ ବର୍ତ୍ତମାନ ଶ୍ରୀଗୁଣ୍ଡିଚା ମନ୍ଦିରରୁ ଆରମ୍ଭ ହୋଇଛି ପହଣ୍ଡି ବିଜେ। ଅତ୍ୟନ୍ତ ଭକ୍ତିମୟ ପରିବେଶ ମଧ୍ୟରେ ସେବାୟତଙ୍କ ଗହଣରେ ଧାଡ଼ି ପହଣ୍ଡିରେ ସର୍ବ ପ୍ରଥମେ ପ୍ରଭୁ ଶ୍ରୀ ସୁଦର୍ଶନ ଦେବଦଳନ ରଥକୁ ବିଜେ କରିଛନ୍ତି ।

ଆଜି ଭୋର ୪ଟାରୁ ଠାକୁରଙ୍କ ନୀତିକାନ୍ତି ଆରମ୍ଭ ହୋଇଥିଲା।ବର୍ତ୍ତମାନ ବଡ ଭାଇ ବଳଭଦ୍ରଙ୍କ ପହଣ୍ଡି ଆରମ୍ଭ ହୋଇଛି। ଏନେଇ  ଶ୍ରୀକ୍ଷେତ୍ର  ଚଳଚଞ୍ଚଳ ହୋଇଉଠିଛି।ରଥଯାତ୍ରା ପରି ବହୁଡା ଯାତ୍ରାରେ ମଧ୍ୟ ବହୁ ଲୋକଙ୍କ ସମାଗମ ହୋଇଛି।

ଲୋକଙ୍କ ଗଳହିକୁ ଦୃଷ୍ଟିରେ ରଖି  ପ୍ରଶାସନ ପକ୍ଷରୁ କଡା ବ୍ୟବସ୍ଥା କରାଯାଇଛି। ୧୫୦ ପ୍ଲାଟୁନ ପୋଲିସ ଫୋର୍ସ ମୁତୟନ ଅଛନ୍ତି। ଭକ୍ତମାନେ ଶାନ୍ତି ଶୃଙ୍ଖଳା ସହ ତିନିଠାକାୁରଙ୍କୁ ଦର୍ଶନ କରିବା ପାଇଁ ପୋଲିସ ପ୍ରଶାସନ ତରଫରୁ କଡା ସୁରକ୍ଷା ବ୍ୟବସ୍ଥା କରାଯାଇଛି।

Categories
RathJatra ଆଜିର ଖବର ଧର୍ମ ରାଜ୍ୟ ଖବର

ନିର୍ଦ୍ଧାରିତ ସମୟର ଢେର ପୂର୍ବରୁ ଆରମ୍ଭ ହେଲା ରଥ ଟଣା, କିଛି ସମୟ ପରେ ସିଂହଦ୍ବାରରେ ପହଁଞ୍ଚିବ ରଥ

ପୁରୀ, ମନ୍ଦିର ପ୍ରଶାସନ ଜାରି କରିଥିବା ସମୟ ନିର୍ଘଣ୍ଟର ବହୁ ପୂର୍ବରୁ ବାହୁଡା ରଥ ଟଣା ଆରମ୍ଭ ହୋଇଯାଇଛି। ନିର୍ଦ୍ଧାରିତ ସମୟ ଅନୁସାରେ ଅଜି ଅପରାହ୍ନ 4 ଟାରେ ରଥଟଣା ହୋଇଥାଆନ୍ତା। ହେଲେ ଏହାର ଯଥେଷ୍ଠ ପୂର୍ବରୁ ଅର୍ଥାତ ଅପରାହ୍ନ ଗୋଟିଏ ବେଳକୁ ରଥଟଣା ଆରମ୍ଭ ହୋଇଯାଇଛି।

ବିଧି ମୁତାବିକ ଆଜି ଗଜପତି ଦିବ୍ୟସିଂହ ଦେବ ଛେରାପହଁରା କରିବା ପରେ ଚାରମାଳ ଫିଟା ଆରମ୍ଭ ହୋଇଥିଲା। ଏହାପରେ ରଥଟଣା କାର୍ଯ୍ୟ ଆରମ୍ଭ କରାଯାଇଥିଲା। ବର୍ତ୍ତମାନ ନୀତି ଅନୁସାରେ ଅପରାହ୍ନ 4ଟା ପୂର୍ବରୁ ତିନି ରଥ ଶ୍ରୀମନ୍ଦିରରେ ଲାଗିଯିବାର ସମ୍ଭାବନା ରହିଛି।

Categories
RathJatra ଆଜିର ଖବର ଧର୍ମ ରାଜ୍ୟ ଖବର

ତିନିଠାକୁରଙ୍କୁ ଅପେକ୍ଷା କରିଛନ୍ତି ମାଉସୀମା, ବାଟରେ ଖୁଆଇବେ ପୋଡପିଠା

ପୁରୀ, ବାହୁଡା ଯାତ୍ରାର ଏକ ଅନନ୍ୟ ପରଂପରା ହେଉଛି ତିନିଠାକୁରଙ୍କ ମାଉସୀମା ମନ୍ଦିରରେ ପୋଡପିଠା ଖିଆ। ଏହି ପରଂପରା କାହିଁ କେଉଁ କାଳରୁ ପ୍ରଚଳିତ ହୋଇ ଆସୁଛି। ତିନିଠାକୁର ଗୁଣ୍ଡିଚା ମନ୍ଦିରରୁ ଆଗପଛ ହୋଇ ବାହାରିବା ପରେ ବାଟରେ ଏହି ପୋଡପିଠା ଭୋଗ କରାଯାଇଥାଏ।

ଶ୍ରୀମନ୍ଦିର ପୂର୍ବରୁ ବଡଦାଣ୍ଡ ଉପରେ ରହିଛି ଏକ ଛୋଟିଆ ମନ୍ଦିର ଯାହାର ନାମ ହେଉଛି ମାଉସୀମା ମନ୍ଦିର। ପ୍ରତି ବର୍ଷ ଏହି ମନ୍ଦିରର ପୂଜକ ବାହୁଡା ଦିନ ତିନି ଠାକୁରଙ୍କ ପାଇଁ ଓଡିଆ ଘରର ସୁସ୍ବାଦୁ ପୋଡପିଠା ପ୍ରସ୍ତୁତ କରି ଭୋଗ କରିଥାନ୍ତି। ଏହା ହେଉଛି ମାଉସୀ ଆଉ ପୁତୁରା ଝିଆରିଙ୍କ ମଧ୍ୟରେ ଥିବା ଅନାବିଳ ସଂପର୍କରେ ଏକ ପୌରାଣିକ ନିଦର୍ଶନ।

Categories
RathJatra ଆଜିର ଖବର ଜାତୀୟ ଖବର ଧର୍ମ ରାଜ୍ୟ ଖବର

ଆଉ ଅଳ୍ପ ସମୟ ପରେ ବାହୁଡିବ ତିନି ରଥ, ଚାଲିଛି ଗଜପତିଙ୍କ ଛେରା ପହଁରା ନୀତି

ପୁରୀ, ବର୍ତ୍ତମାନ ବାହୁଡା ଯାତ୍ରା ପାଇଁ ସମସ୍ତ ରୀତିନୀତି ନିର୍ଦ୍ଧିରତ ସମୟ ପୂର୍ବରୁ ଚାଲିଛି। ତିନି ରଥର ତିନିଠାକୁର ବିରାଜମାନ କରିବା ପରେ ଏବେ ଛେରା ପହଁରା ନୀତି ଚାଲିଛି। ଗଜପତି ଦିବ୍ୟସିଂହ ଦେବ ନିର୍ଦ୍ଧାରିତ ସମୟ ପୂର୍ବରୁ ପହଁଚି ଏହି ବିରଳ ନୀତି ତୁଲାଉଛନ୍ତି। ଏହାପରେ ତିନିରଥରୁ ଚାରମାଳ ଫିଟାଯାଇ ରଥ ଦଉଡି ବନ୍ଧା ଯିବ। ବର୍ତ୍ତମାନ ନୀତିକୁ ଦେଖିଲେ ଆଉ ଘଣ୍ଟାଏ ପରେ ରଥ ଟଣା ଆରମ୍ଭ ହୋଇଯିବ।

Categories
RathJatra ଆଜିର ଖବର ଧର୍ମ ରାଜ୍ୟ ଖବର

ଆରମ୍ଭ ହେଲା ବାହୁଡା ଯାତ୍ରା, ସକାଳୁ ରଥାଋଢ ହେଲେ ବଡଠାକୁର, କିଛି ସମୟ ପରେ ଛେରା ପହଁରା

ପୁରୀ, ଆଜି ହେଉଛି ପବିତ୍ର ବାହୁଡା ଯାତ୍ରା। ଏହି ଉପରଲେକ୍ଷ ଶ୍ରୀଗୁଣ୍ଡିଚା ମନ୍ଦିରରୁ ତିନିଠାକୁରଙ୍କ ପହଣ୍ଡି ବିଜେ ଆରମ୍ଭ ହୋଇଛି। ପ୍ରଥମେ ସୁଦର୍ଶନ ଦେବଦଳନ ରଥରେ ବିଜେ କରିବା ପରେ ପ୍ରଭୃ ବଳଭଦ୍ର ପହଣ୍ଡି ବିଜେ କରି ରଥାଋଢ ହୋଇଛନ୍ତି। ପୂର୍ବ ନିର୍ଦ୍ଧାରିତ ସମୟର ଢେର ପୂର୍ବରୁ ବର୍ତ୍ତମାନ ଶ୍ରୀଜିୟୁଙ୍କ ସମସ୍ତ ରୀତିନୀତି ଆରମ୍ଭ ହୋଇଯାଇଛି। ମା ସୁଭଦ୍ରା ରଥା ଋଢ ହେବା ପରେ ଜଗନ୍ନାଥଙ୍କ ପହଣ୍ଡି ବିଜେ ଆରମ୍ଭ କରାଯାଇଛି। ଆଉ କିଛି ସମୟ ପରେ ଛେରା ପହଁରା ନୀତି ଆରମ୍ଭ ହେବ।

Categories
RathJatra ଜାତୀୟ ଖବର ଧର୍ମ ବିଶେଷ ଖବର ରାଜ୍ୟ ଖବର

ବାହୁଡାଯାତ୍ରା ପାଇଁ ପ୍ରସ୍ତୁତି ଶେଷ, ବନ୍ଧାଗଲା ଚାରମାଳ, ରାତିରୁ କର୍ଫ୍ୟୁ ଜାରୀ

ପୁରୀ, ତିନିଠାକୁର ମଙ୍ଗଳବାର ଦିନ ଶ୍ରୀମନ୍ଦିରକୁ ଫେରିବେ। ସେଥିପାଇଁ ମନ୍ଦିର ପ୍ରଶାସନ ତରଫରୁ ସମସ୍ତ ପ୍ରସ୍ତୁତି ଶେଷ ହୋଇଛି। ଆଜ୍ଞାମାଳ ଆସିବା ପରେ ତିନିରଥରେ ଚାରମାଳ ବନ୍ଧା କାର୍ଯ୍ୟ ଆରମ୍ଭ ହୋଇଥିଲା। ଯାହା ରାତି ଭିତରେ ଶେଷ କରାଯାଇଛି। ଏହା ପୂର୍ବରୁ ତିନିଠାକୁର ଆଡପ ମଣ୍ଡପରେ ଶେଷ ଦର୍ଶନ ଦେଇଛନ୍ତି। ତେବେ କୋଭିଡ କଟକଣା ପାଇଁ ବିରଳ ସଂଧ୍ୟା ଦର୍ଶନ କେହେ କରିପାରି ନ ଥିଲେ।

ଆସନ୍ତାକାଲି  ଦିନ ୧୨ଟାରୁ ପହଣ୍ଡି ଆରମ୍ଭ ହୋଇ ଅପରାହ୍ନ ୨ଟା ୩୦ ମିନିଟ ପର୍ଯ୍ୟନ୍ତ ଚାଲିବ। ସେହିପରି ଛେରା ପହଁରା ଅପରାହ୍ନ ୨ଟା ୩୦ ମିନିଟରୁ ଆରମ୍ଭ ହୋଇ ୩ଟା ୩୦ ମିନିଟ ପର୍ଯ୍ୟନ୍ତ ଚାଲିବ। ରଥଟଣା ଅପରାହ୍ନ ୪ଟାରେ ଆରମ୍ଭ ହେବ ବୋଲି ନିଷ୍ପତି ହୋଇଛି। ତେବେ ରଥଯାତ୍ରା ବେଳେ ଯେପରି ସମୟ ପୂର୍ବରପ ସମସ୍ତ ନୀତିରିତ ହୋଇଥିଲା ବାହୁଡାରେ ମଧ୍ୟ ସେହିପରି ହେବ ବୋଲି ଜଣାପଡିଛି।

ତେବେ କୋଭିଡ କଟକଣା ପାଇଁ ବିନା ଭକ୍ତରେ ଠାକୁର ଶ୍ରୀମନ୍ଦିରକୁ ଫେରିବେ। ଏଥିପାଇଁ ପୋଲିସ ପ୍ରଶାସନ ତରଫରୁ ସୁରକ୍ଷା ବ୍ୟବସ୍ଥା କରାଯାଇଛି। ରଥଯାତ୍ରାରେ ଯେପରି ଛାତ ଉପରେ ରଥ ଦେଖିବାରେ କଟକଣା ଥିଲା, ବାହୁଡାରେ ମଧ୍ୟ ସେହି କଟକଣା ଜାରୀ କରାଯାଇଛି। ଆଜି ରାତି ଆଠଟାରୁ ପୁରୀ ସହରରେ କର୍ଫ୍ୟୁ ଲାଗୁ କରାଯାଇଛି। ଏହା ବୁଧବାର ରାତି ଆଠଟା ପର୍ଯ୍ୟନ୍ତ ବଳବତ୍ତର ରହିବ।

କରୋନା ସଂକ୍ରାମଣକୁ ରୋକିବା ପାଇଁ ସମସ୍ତ ସେବାୟତ ଏବଂ କର୍ମଚାରୀଙ୍କର କୋଭିଡ ଟେଷ୍ଟ କରାଯାଇଛି। ରଥଯାତ୍ରା ପୂର୍ବରୁ ମଧ୍ୟ ସମସ୍ତଙ୍କର ପରୀକ୍ଷା କରାଯାଇଥିଲା। ଏଥିରେ ଯେଉଁମାନେ ପଜେଟିଭ ବାହାରିବେ ସେମାନଙ୍କୁ ସେବାରୁ ନିବୃତ କରାଯିବ। ସେହିପରି ପୁରୀ ସହରରେ ଥିବା ସମସ୍ତ ହୋଟେଲ ଏବଂ ଗେଷ୍ଟହାଉସ ଏବଂ ବଡଦାଣ୍ଡରେ ଥିବା ଘରଗୁଡିକୁ ଯାଞ୍ଚ କରାଯାଇଛି। ଆଜି ରାତିରେ ଗୁଣ୍ଡିଚା ମନ୍ଦିରରୁ ଶ୍ରୀମନ୍ଦିର ପର୍ଯ୍ୟନ୍ତ ସାନିଟାଇଜ ମଧ୍ୟ କରାଯାଇଛି।

Categories
RathJatra ଧର୍ମ ବିଶେଷ ଖବର ରାଜ୍ୟ ଖବର

ଆସନ୍ତାକାଲି ବାହୁଡା, ଆଜି ମହାପ୍ରଭୃଙ୍କ ସଂଧ୍ୟା ଦର୍ଶନ, ଏହାର ଗୁରୁତ୍ବ କଣ ଜାଣିଲେ ହେବେ ଆଶ୍ଚର୍ଯ୍ୟ

ଭୁବନେଶ୍ବର, ଆସନ୍ତାକାଲି ମଙ୍ଗଳବାରରେ ମହାପ୍ରଭୃ ତାଙ୍କ ଜନ୍ମବେଦୀର ଲୀଳା ସାରି ଶ୍ରୀମନ୍ଦିର ପ୍ରତ୍ୟାବର୍ତ୍ତନ କରିବେ। ସେଥିପାଇଁ ପ୍ରସ୍ତୁତି ଶେଷ ହୋଇଛି। ବାହୁଡା ପୂର୍ବଦିନ ସଂଧ୍ୟା ଦର୍ଶନ ଥିବାରୁ ଭକ୍ତମାନଙ୍କ ଭିଡ ପରିଲକ୍ଷିତ ହେବା କଥା। ହେଲେ କରୋନା କଟକଣା ପାଇଁ ସଂଧ୍ୟା ଦର୍ଶନ ବନ୍ଦ କରିଦିଆଯାଇଛି।

ତେବେ ସାଧାରଣ ଭକ୍ତମନରେ ପ୍ରଶ୍ନ ଉଠେ ଆଡପ ମଣ୍ଡପରେ ଶ୍ରଜୀୟୁଙ୍କୁ ସବୁଦିନ ସଂଧ୍ୟାରେ ଭକ୍ତମାନେ ଦର୍ଶନ କରିଥାନ୍ତି। ହେଲେ ତାହାକୁ ସଂଧ୍ୟା ଦର୍ଶନ ନ କହି କେବଳ ବାହୁଡା ପୂର୍ବଦିନକୁ ସଂଧ୍ୟା ଦର୍ଶନ କାହିଁକି କୁହାଯାଏ। ଏହାର କାରାଣ ହେଲା ଯେ, ବାହୁଡା ପୂର୍ବଦିନ ଠାକୁରଙ୍କ ଆଡପ ମଣ୍ଡପରେ ଶେଷ ଦର୍ଶନ। ସାଧାରଣତଃ ସଂଧ୍ୟା ସମୟଟି ଦିନର ଶେଷ ସମୟ ହୋଇଥାଏ। ସେଥିପାଇଁ ଠାକୁରଙ୍କୁ ବାହୁଡା ପୂର୍ବଦିନ ସଂଧ୍ୟାରେ ଶେଷ ଦର୍ଶନ ହୋଇଥିବାରୁ ଏହାକୁ ସଂଧ୍ୟା ଦର୍ଶନ କୁହାଯାଇଥାଏ। ଏହିଦିନ ନବମୀ ତିଥି ଥିବାରୁ ଏହାକୁ ନବମୀ ସଂଧ୍ୟା ଦର୍ଶନ ମଧ୍ୟ କୁହାଯାଏ।

ନବମୀ ସଂଧ୍ୟା ଦର୍ଶନରେ କେତେକ ସ୍ବତନ୍ତ୍ର ନୀତି ପାଳତ ହୋଇଥାଏ। ସେଥିପାଇଁ ପ୍ରତିବର୍ଷ ସଂଧ୍ୟା ଦର୍ଶନ କେତେକ ନିର୍ଦ୍ଦିଷ୍ଠ ସମୟ ଭିତରେ କରିବାକୁ ପଡିଥାଏ। ଏହିଦିନ ଠାକୁରଙ୍କ ବଡସିଂହାର ବେଶ ସରିବା ପରେ ଶ୍ରୀମୁଖରେ ଖଣ୍ଡୁଆ ପକାଯାଇ ପୁଷ୍ପାଳକମାନେ ବାହାରକୁ ଆସିଥାନ୍ତି। ଏହାପରେ କୋଠ ସୁଆଁସିଆ ସିଂହାସନଠାରେ ଚାରମାଳ ବନ୍ଧାକାର୍ଯ୍ୟ କରିଥାନ୍ତି। ଦଇତାପତିମାନେ ଶ୍ରୀଜୀୟୁଙ୍କ ପହଣ୍ଡି ବିଜେ ପାଇଁ ଗୁପ୍ତନୀତି ପ୍ରସ୍ତୁତ କରିଥାନ୍ତି।

ବିଶ୍ବାସ ରହିଛି ଯେ ଶ୍ରୀମନ୍ଦିରର ରତ୍ନସିଂହାସନରେ ତିନିଠାକୁରଙ୍କୁ ଦର୍ଶନ କରିବାରେ ଯେତିକି ପୁଣ୍ୟ ଅର୍ଜନ ହୋଇଥାଏ ଆଡପ ମଣ୍ଡପ ଦର୍ଶନ ତାହାଠାରୁ ଢେରେଗୁଣ ଅଧିକ ହୋଇଥାଏ। ସେଥିପାଇଁ ଠାକୁର ରଥଯାତ୍ରାରେ ଆସି ଗୁଣ୍ଡିଚା ମନ୍ଦିରରେ ପ୍ରବେଶ ପରେ ଆଡପ ଦର୍ଶନ କରିବା ପାଇଁ ଭକ୍ତମାନେ ବ୍ୟାକୁଳ ହୋଇଥାନ୍ତି।

Categories
ଜାତୀୟ ଖବର ଧର୍ମ ବିଶେଷ ଖବର

ଏଥର ପହଣ୍ଡି ସକାଳ ୮ଟା ୩୦ରେ, ରଥ ଟଣା ଅପରାହ୍ନ ୩ଟାରେ, ଜାଣନ୍ତୁ ରଥଯାତ୍ରା ସମୟ ନିର୍ଘଣ୍ଟ

ପୁରୀ, ଚଳିତ ବର୍ଷର ରଥଯାତ୍ରାର ସମୟ ନିର୍ଘଣ୍ଟ ଶ୍ରୀମନ୍ଦିର ପ୍ରଶାସନ ତରଫରୁ ପ୍ରକାଶ କରାଯାଇଛି। ସେହି ଅନୁସାରେ ଚଳିତ ବର୍ଷ ତିନିଠାକୁରଙ୍କ ପହଣ୍ଡି ବିଜେ ସକାଳ ୮ଟା ୩୦ରେ କରାଯିବ। ଦିନ ୩ଟାରେ ଆରମ୍ଭ ହେବ ରଥଟଣା। କୋଭିଡ କଟକଣା ପାଇଁ ଗତ ବର୍ଷ ପରି ଚଳିତ ବର୍ଷ ମଧ୍ୟ ବିନା ଭକ୍ତିରେ ରଥଟଣା କାର‌୍ୟ୍ୟ ହେବ। ପ୍ରଶାସନ ତରଫରୁ ଘୋଷଣା କରାଯାଇଥିବା ରଥଯାତ୍ରାରର ସମୟ ନିର୍ଘଣ୍ଟ ହେଲା…

ରଥଯାତ୍ରା ଜୁଲାଇ ୧୨ ତାରିଖ ସୋମବାର

ପହଣ୍ଡି ଆରମ୍ଭ- ସକାଳ ୮ଟା ୩୦ ମିନିଟ

ପହଣ୍ଡି ଶେଷ- ଦିନ ୧୧ଟା ୩୦ ମିନିଟ

ଛେରା ପହଁରା-୧୨ ଟା ୪୫ ରୁ ଦିନ ୨ଟା ପର‌୍ୟ୍ୟନ୍ତ

ରଥଟଣା- ଅପରାହ୍ନ ୩ଟା

ବାହୁଡା ଯାତ୍ରା ଜୁଲାଇ ୨୦ ତାରିଖ ମଙ୍ଗଳବାର

ପହଣ୍ଡି ଆରମ୍ଭ- ଦିନ ୧୨ଟାରୁ ୨ଟା ୩୦ ମିନିଟ

ଛେରା ପହଁରା-୨ଟା ୩୦ ମିନିଟରୁ ୩ଟା ୩୦ ମିନିଟ

ରଥଟଣା- ଅପରାହ୍ନ ୪ଟା

ସୁନାବେଶ ୨୧ ଜୁଲାଇ ବୁଧବାର

ମଧ୍ୟାହ୍ନ ଧୂପ- ଦିନ ୨ଟାରୁ ୩ଟା ପର‌୍ୟ୍ୟନ୍ତ

ମଇଲମ- ଅପରାହ୍ନ ୩ଟା ୩୦

ସୁନାବେଶ- ଅପରାହ୍ନ ୪ଟାରୁ ୫ଟା ୩୦ ପର‌୍ୟ୍ୟନ୍ତ

ନିଳାଦ୍ରୀ ବିଜେ ଜୁଲାଇ ୨୩ ତାରିଖ ଶୁକ୍ରବାର

ନିଳାଦ୍ରୀ ବିଜେ- ଅପରାହ୍ନ ୪ ଟାରୁ ରାତ୍ରୀ ୧୦ଟା ପର‌୍ୟ୍ୟନ୍ତ

Categories
ଆଜିର ଖବର ଜାତୀୟ ଖବର ରାଜ୍ୟ ଖବର ସଂସ୍କୃତି

ବାହୁଡା ଯାତ୍ରା ପାଇଁ ତିନିରଥକୁ ଦକ୍ଷିଣ ମୋଡ କରିବା ପରେ ବର୍ତ୍ତମାନ ତିନିଠାକୁରଙ୍କୁ ଅପେକ୍ଷା

ପୁରୀ, ମହାପ୍ରଭୁଙ୍କ ଆଜ୍ଞାମାଳ ବିଜେ ପରେ ତିନି ରଥ ଦକ୍ଷିଣ ମୋଡ଼ ହୋଇ ଶରଧାବାଲିରେ ବାହୁଡ଼ାଯାତ୍ରା ପାଇଁ ପ୍ରସ୍ତୁତ କରି ରଖାଯାଇଛି। ପରମ୍ପରା ଅନୁଯାୟୀ ପ୍ରଥମେ ଦେବୀ ସୁଭଦ୍ରାଙ୍କ ଦର୍ପଦଳନ ରଥକୁ ଦକ୍ଷିଣ ମୋଡ଼ ପାଇଁ ଶରଧାବାଲିକୁ ନିଆଯାଇଥିଲା । ପରେ ବଡ଼ ଭାଇ ବଳଭଦ୍ରଙ୍କ ତାଳଧ୍ୱଜ ରଥ ଏବଂ ଶେଷରେ ମହାପ୍ରଭୁ ଶ୍ରୀଜଗନ୍ନାଥଙ୍କ ନନ୍ଦିଘୋଷ ରଥକୁ ଟାଣି ଦକ୍ଷିଣ ମୋଡ଼ କରି ରଖାଯାଇଛି।

ରଥଯାତ୍ରା ପାଇଁ ପୁରା ପୁରୀ ଜିଲ୍ଲାରେ ର୍କଫ୍ୟୁ ଲାଗୁ କରାଯିବ। ସେଥିପାଇଁ ଜିଲ୍ଲା ପ୍ରଶାସନ ତରଫରୁ ଘୋଷଣା କରାଯାଇଛି। ଆସନ୍ତା 1 ତାରିଖ ବୁଧବାର ଦିନ ବାହୁଡା ଯାତ୍ରା ଅନୁଷ୍ଠିତ ହେବ। ସେଦିନ ସକାଳ ଆଠଟାରେ ବାହୁଡା ପହଁଣ୍ଡି କରାଯିବ। ସେହିପରି ଛେରାପହଁରା ଦିନ 10ଟା 30 ରେ କରାଯିବ ବୋଲି ନିଷ୍ପତି କରାଯାଇଛି।