Tag: ଭାରତ

ନୂଆଦିଲ୍ଲୀ: ବିଶ୍ୱର ଅଭିବୃଦ୍ଧି ହାର ମହାମାରୀ ପୂର୍ବ ସମୟ ପର୍ଯ୍ୟନ୍ତ ହାରାହାରୀ ୪ ପ୍ରତିଶତ ରହିଥିଲା, ବର୍ତ୍ତମାନ ଏହା ୩ ପ୍ରତିଶତରୁ ସାମାନ୍ୟ ଉପରେ ରହିଛି ଯାହାକି ଚଳିତ ଶତାବ୍ଦୀ ଆରମ୍ଭ ପରଠାରୁ ସର୍ବନିମ୍ନ। ଏହାସହିତ ପ୍ରଯୁକ୍ତିବିଦ୍ୟା ଦ୍ରୁତ ଗତିରେ ଆଗକୁ ବଢ଼ୁଛି ଏବଂ ଏହାକୁ ଯଦି ସମାନ ଭାବରେ ପ୍ରୟୋଗ କରାଯାଏ, ତେବେ ଏହା ଆମକୁ ବିକାଶହାର ବୃଦ୍ଧି କରିବା, ଅସମାନତା ହ୍ରାସ କରିବା ଏବଂ ଦୀର୍ଘସ୍ଥାୟୀ ବିକାଶ ଲକ୍ଷ୍ୟ (ଏସଡିଜି) ହାସଲ କରିବାରେ ଥିବା ବ୍ୟବଧାନକୁ ଦୂର କରିବା ଦିଗରେ ଏକ ବିଶାଳ ପଦକ୍ଷେପ ନେବା ପାଇଁ ଏକ ଐତିହାସିକ ସୁଯୋଗ ପ୍ରଦାନ କରିବ।

ଏସଡିଜି ଦିଗରେ ଅଗ୍ରଗତିକୁ ତ୍ୱରାନ୍ୱିତ କରିବା ପାଇଁ ସମାବେଶୀ ଡିଜିଟାଲ ପରିବର୍ତ୍ତନର ଆବଶ୍ୟକତା ରହିଛି। ଅନେକ ଜି-୨୦ ଦେଶର ଅଭିଜ୍ଞତା ଦର୍ଶାଇଛି ଯେ, ଆର୍ଟିଫିସିଆଲ ଇଣ୍ଟେଲିଜେନ୍ସ (ଏଆଇ) ଦ୍ୱାରା ପ୍ରସ୍ତୁତ କରାଯାଇଥିବା ଡିଜିଟାଲ ସାର୍ବଜନୀନ ଭିତ୍ତିଭୂମି (ଡିପିଆଇ) ବିକାଶ, ନୂତନ ନିଯୁକ୍ତି ସୃଷ୍ଟି ଏବଂ ଉନ୍ନତ ସ୍ୱାସ୍ଥ୍ୟ ଓ ଶିକ୍ଷା ଫଳାଫଳ ପ୍ରଦାନ ପାଇଁ ଡାଟା ବ୍ୟବହାରକୁ ସକ୍ଷମ କରିପାରିବ। ଜି-୨୦ ଦେଶଗୁଡ଼ିକ ଏଗୁଡ଼ିକୁ ଅଧିକ ବ୍ୟାପକ ଭାବରେ ଗ୍ରହଣ କରିବା ଦ୍ୱାରା ନାଗରିକମାନଙ୍କ ଜୀବନରେ ଆମୂଳଚୁଳ ପରିବର୍ତ୍ତନ ଆଣିବାର କ୍ଷମତା ରହିଛି ଯାହାଦ୍ୱାରା ଜୀବନ୍ତ ଗଣତାନ୍ତ୍ରିକ ନୀତି ଉପରେ ସେମାନଙ୍କର ବିଶ୍ୱାସ ନବୀକରଣ ହୋଇପାରିବ। ଏହି ପରିପ୍ରେକ୍ଷୀରେ, ଆମେ ଭବିଷ୍ୟତର ଜାତିସଂଘ ଶିଖର ସମ୍ମିଳନୀରେ ଗ୍ଲୋବାଲ ଡିଜିଟାଲ କମ୍ପ୍ୟାକ୍ଟ ଗ୍ରହଣ କରିଥିବା କଥା ମନେ ପକାଉଛୁ।

୨୦୨୪ରେ ଇଜିପ୍ଟର କାଇରୋଠାରେ ଅନୁଷ୍ଠିତ ଗ୍ଲୋବାଲ ଡିପିଆଇ ଶିଖର ସମ୍ମିଳନୀକୁ ମଧ୍ୟ ଆମେ ସ୍ୱାଗତ କରୁଛୁ। ନିଯୁକ୍ତି ସୃଷ୍ଟି ସହିତ ଅଭିବୃଦ୍ଧିର ଲାଭ ସେତେବେଳେ ହିଁ ମିଳିବ ଯେତେବେଳେ ବୈଷୟିକ ବ୍ୟବସ୍ଥା ପ୍ରତ୍ୟେକ ନାଗରିକଙ୍କ ଉପରେ ଧ୍ୟାନ କେନ୍ଦ୍ରିତ କରିବ, ଯାହାଦ୍ୱାରା ପରିବାର ଏବଂ ପଡ଼ୋଶୀମାନଙ୍କ ଜୀବନଜୀବିକାରେ ଉନ୍ନତି ଆଣିବା ପାଇଁ କ୍ଷୁଦ୍ର ଓ ବୃହତ ବ୍ୟବସାୟୀମାନେ ଏଗୁଡ଼ିକ ସହ ଯୋଡ଼ି ହେବାକୁ ସକ୍ଷମ ହେବେ। ଏଭଳି ବ୍ୟବସ୍ଥାକୁ ସମାବେଶୀ, ବିକାଶଭିତ୍ତିକ, ସୁରକ୍ଷିତ ଏବଂ ବ୍ୟକ୍ତିବିଶେଷଙ୍କ ଗୋପନୀୟତାକୁ ସମ୍ମାନ ଦେବା ପାଇଁ ଡିଜାଇନ୍ କରାଗଲେ ଏପରି ସମ୍ଭବ ହେବ।

ବଜାରରେ, ଖୋଲା, ମଡ୍ୟୁଲାର, ଇଣ୍ଟର ଅପରେବଲ ଓ ସ୍କେଲେବଲ ଭଳି ସାଧାରଣ ଡିଜାଇନ ସିଦ୍ଧାନ୍ତକୁ ପାଳନ କରୁଥିବା ବ୍ୟବସ୍ଥା ଇ-କମର୍ସ, ସ୍ୱାସ୍ଥ୍ୟ, ଶିକ୍ଷା ଓ ଅର୍ଥ ଭଳି ବିବିଧ କ୍ଷେତ୍ରକୁ ସେବା କରୁଥିବା ଘରୋଇ କ୍ଷେତ୍ରକୁ ବୈଷୟିକ ପ୍ରଣାଳୀ ଏବଂ ପରସ୍ପର ସହ ଯୋଡ଼ି ହେବା ଲାଗି ସକ୍ଷମ କରିଥାଏ। ସମୟକ୍ରମେ ଜନସଂଖ୍ୟା ବୃଦ୍ଧି ପାଇବା ଏବଂ ଜାତୀୟ ଆବଶ୍ୟକତା ବଦଳିବା ସହିତ ବ୍ୟବସ୍ଥାଗୁଡ଼ିକ ସହଜରେ ଅନୁକୂଳ ହୋଇଥାଏ।

ସମୟ କ୍ରମେ ପ୍ରଯୁକ୍ତିବିଦ୍ୟାର ନିରବଚ୍ଛିନ୍ନ ପରିବର୍ତ୍ତନ ପାଇଁ ବଜାର ଅଂଶଗ୍ରହଣକାରୀଙ୍କ ନିମନ୍ତେ ଏକ ସମାନ ସୁଯୋଗ ସୃଷ୍ଟି କରିବା ଏବଂ ବିକାଶ ଲାଗି ଡିପିଆଇ, ଏଆଇ ଏବଂ ଡାଟାର ନିୟୋଜନ ଓ ପ୍ରସାର ସକାଶେ ପ୍ରଯୁକ୍ତି ନିରପେକ୍ଷ ଆଭିମୁଖ୍ୟ ଅନୁସରଣ କରିବା ଆବଶ୍ୟକ। ଏହି ଆଭିମୁଖ୍ୟ ଅଧିକ ପ୍ରତିଯୋଗିତା ଓ ଉଦ୍ଭାବନକୁ ସମର୍ଥନ କରିବା ଏବଂ ବ୍ୟାପକ ଆର୍ଥିକ ବିକାଶକୁ ପ୍ରୋତ୍ସାହିତ କରିବା ତଥା ଡିଜିଟାଲ ଅର୍ଥବ୍ୟବସ୍ଥାରେ ଅସମାନତା ହ୍ରାସ କରିବା ଦିଗରେ ଅନୁକୂଳ ଅଟେ।

ଏହି ନିୟୋଜନର ଚାବିକାଠି ହେଉଛି ଡାଟା ସୁରକ୍ଷା ଓ ପରିଚାଳନା, ଗୋପନୀୟତା ଓ ସୁରକ୍ଷା ଆବଶ୍ୟକତା ପୂରଣ ଲାଗି ଡାଟା ପ୍ରଶାସନ ପାଇଁ ନିରପେକ୍ଷ ଓ ସମାନ ନୀତି ପ୍ରତିଷ୍ଠା କରିବା ଏବଂ ବଜାର ଅଂଶଗ୍ରହଣକାରୀମାନଙ୍କୁ ବୌଦ୍ଧିକ ସମ୍ପତ୍ତି ଅଧିକାର ତଥା ସେମାନଙ୍କର ଗୋପନୀୟ ସୂଚନାକୁ ସୁରକ୍ଷା ପ୍ରଦାନ କରିବା।

ବିଶ୍ୱାସ ସବୁଠୁ ସମୃଦ୍ଧ ଗଣତନ୍ତ୍ରର ମୂଳଦୁଆ ଏବଂ ବୈଷୟିକ ବ୍ୟବସ୍ଥା ପାଇଁ ଏହା ଅଲଗା ନୁହେଁ। ଏହି ବ୍ୟବସ୍ଥା ଉପରେ ଜନସାଧାରଣଙ୍କ ବିଶ୍ୱାସ ସୃଷ୍ଟି କରିବା ପାଇଁ କାର୍ଯ୍ୟରେ ସ୍ୱଚ୍ଛତା, ନାଗରିକଙ୍କ ଅଧିକାରକୁ ସମ୍ମାନ ଦେବା ପାଇଁ ଉପଯୁକ୍ତ ସୁରକ୍ଷା ବ୍ୟବସ୍ଥା ଏବଂ ସେମାନଙ୍କ ଶାସନରେ ନିରପେକ୍ଷତା ଆବଶ୍ୟକ। ଏହି କାରଣରୁ, ବିବିଧ ଓ ଉପଯୁକ୍ତ ପ୍ରତିନିଧି ଆଧାରିତ ଡାଟା ସେଟ୍‌ ଉପରେ ପ୍ରଶିକ୍ଷିତ ଫାଉଣ୍ଡେସନ ଓ ଏଆଇ ମଡେଲଗୁଡ଼ିକ ଭାଷା ଓ ସଂସ୍କୃତିଗତ ବିବିଧତା ପ୍ରତି ଅବଗତ ହେବା ଜରୁରୀ ଯାହାଦ୍ୱାରା ସେଗୁଡ଼ିକ ସାରା ବିଶ୍ୱର ବିବିଧ ସମାଜକୁ ଲାଭ ପହଞ୍ଚାଇପାରିବେ।

ନୂଆଦିଲ୍ଲୀ: ଦୁଇ ସର୍ବବୃହତ୍ ଉଦୀୟମାନ ଅର୍ଥବ୍ୟବସ୍ଥା ଭାରତ ଏବଂ ଚୀନ୍ କ୍ରମାଗତ ଭାବେ ବିଶ୍ୱ ଆର୍ଥିକ ଆଲୋଚନାରେ କେନ୍ଦ୍ରରେ ରହିଛନ୍ତି। ନିକଟରେ ନୂଆଦିଲ୍ଲୀରେ ଆୟୋଜିତ ବାର୍ଷିକ ଇଣ୍ଡିଆ ଲିଡରଶିପ୍‌ ଶିଖର ସମ୍ମିଳନୀରେ, ଏହି ବୃହତ୍ ଅର୍ଥବ୍ୟବସ୍ଥାଗୁଡ଼ିକ ମଧ୍ୟରେ ପରିବର୍ତ୍ତିତ ଗତିଶୀଳତା ଉପରେ ଧ୍ୟାନ କେନ୍ଦ୍ରିତ କରାଯାଇଥିଲା। ବିଗତ ଦଶନ୍ଧିଗୁଡ଼ିକରେ ଚୀନର ଦ୍ରୁତ ଅଭିବୃଦ୍ଧି ଏହାକୁ ବିଶ୍ୱ ମଞ୍ଚରେ ଏକ ପ୍ରଭାବଶାଳୀ ରାଷ୍ଟ୍ର ଭାବରେ ପରିଣତ କରିଥିବାବେଳେ ଭାରତର ସାମ୍ପ୍ରତିକ ଅଭିବୃଦ୍ଧି ବୃଦ୍ଧି ବିଶ୍ୱର ଧ୍ୟାନ ଆକର୍ଷଣ କରିଛି ଏବଂ ଏହାକୁ ଏକ ଶକ୍ତିଶାଳୀ ପ୍ରତିଦ୍ୱନ୍ଦ୍ୱୀ ଭାବରେ ସ୍ଥାନିତ କରିଛି।

ଏହି ଉର୍ଦ୍ଧ୍ବମୁଖୀ ଗତିପଥର ଗୁରୁତ୍ୱ ଉପରେ ଆଲୋକପାତ କରି ୟୁଏସ୍-ଇଣ୍ଡିଆ ଷ୍ଟ୍ରାଟେଜିକ୍ ପାର୍ଟନରସିପ୍ ଫୋରମର ଅଧ୍ୟକ୍ଷ ଜନ୍ ଚାମ୍ବର୍ସ ମନ୍ତବ୍ୟ ଦେଇଛନ୍ତି, ‘‘ଚଳିତ ଶତାବ୍ଦୀର ଶେଷ ସୁଦ୍ଧା ଭାରତ କେବଳ ଚୀନକୁ ଅତିକ୍ରମ କରିବ ନାହିଁ, ବରଂ ଜିଡିପି ଦୃଷ୍ଟିରୁ 100 ପ୍ରତିଶତ ବଡ ହେବ।’’ ତାଙ୍କର ଆଶାବାଦରେ ଉପର ଠାଉରିଆ ଭବିଷ୍ୟବାଣୀ ଉପରେ ଆଧାରିତ ନୁହେଁ, ବରଂ ଗତ ଏକ ଦଶନ୍ଧି ମଧ୍ୟରେ ଭାରତର ବାସ୍ତବ ପ୍ରଗତି, ପରିବର୍ତ୍ତନଶୀଳ ନୀତି ଏବଂ ସଂସ୍କାର ଉପରେ ଆଧାରିତ । ଏସବୁ ପଦକ୍ଷେପ ଭାରତର ଆର୍ଥିକ ପରିଦୃଶ୍ୟକୁ ନୂଆ ଆକାର ଦେଉଛି । ଏହା ଦେଶର ଅସାଧାରଣ ଅଭିବୃଦ୍ଧି ଏବଂ ବିଶ୍ୱ ସ୍ତରରେ ଏହାର ଭବିଷ୍ୟତ ସମ୍ଭାବନା ଉପରେ ଆଲୋଚନାକୁ କେନ୍ଦ୍ରିତ କରିଛି।

ଚାମ୍ବର୍ସ କେବଳ ସୁଦୂର ଭବିଷ୍ୟତରେ ଅଟକି ନଥିଲେ। ପୂର୍ବରୁ ଯେଉଁ ମୂଳଦୁଆ ପଡ଼ିଛି, ସେହି ବିଷୟ ଉପରେ ସେ ଆଲୋକପାତ କରିଥିଲେ ଏବଂ ଭାରତ ସରକାରଙ୍କୁ ଏହାର ଶ୍ରେୟ ପ୍ରଦାନ କରିଥିଲେ। ସେ କହିଥିଲେ, ଗୋଟିଏ ଦଶନ୍ଧି ପାଇଁ ମଞ୍ଚ ପ୍ରସ୍ତୁତ କରିବାରେ ସରକାର ଅଭୂତପୂର୍ବ କାର୍ଯ୍ୟ କରିଛନ୍ତି ବୋଲି ସେ କହିଥିଲେ।  ଭାରତର ଦ୍ରୁତ ଅଭିବୃଦ୍ଧି ଓ ଅତୁଳନୀୟ ଆର୍ଥିକ ପ୍ରଦର୍ଶନକୁ ଦୃଷ୍ଟିରେ ରଖି ସେ ଏହି ମନ୍ତବ୍ୟ ଦେଇଛନ୍ତି। ବିଶ୍ୱ ବ୍ୟାଙ୍କର ଭାରତ ବିକାଶ ତଥ୍ୟ ଅନୁଯାୟୀ, ୨୦୨୪-୨୫ ଆର୍ଥିକ ବର୍ଷରେ ଦେଶର ଜିଡିପି ୭ ପ୍ରତିଶତ ବୃଦ୍ଧି ପାଇବ ବୋଲି ଆକଳନ କରାଯାଇଛି, ଯାହା ବିଶ୍ୱର ଦ୍ରୁତ ଅଭିବୃଦ୍ଧିଶୀଳ ପ୍ରମୁଖ ଅର୍ଥବ୍ୟବସ୍ଥା ଭାବେ ଦେଶର ସ୍ଥିତିକୁ ଦର୍ଶାଉଛି। ଏହି ଅଭିବୃଦ୍ଧିର ଧାରା ସ୍ଥିର ରହିଛି। ୨୦୨୨-୨୩ରେ ଏହା ୭.୦%ରୁ ବୃଦ୍ଧି ପାଇ ୨୦୨୪-୨୫ରେ ୮.୨%ରେ ପହଞ୍ଚିଛି । ଏହି ସଂଖ୍ୟା ଭାରତୀୟ ଅର୍ଥବ୍ୟବସ୍ଥାର ଦୃଢ଼ତାକୁ ଦର୍ଶାଇବା ସହିତ ଏକ ସୁଚିନ୍ତିତ ରଣନୀତିର ଭଲ ପରିଣାମ ବିଷୟରେ ପ୍ରମାଣ ଦେଇଛି। ଭାରତର ଦ୍ରୁତ ଅଭିବୃଦ୍ଧି ବିପରୀତ ଚୀନର ଆର୍ଥିକ ଧାରା ନିମ୍ନଗାମୀ ହେଉଥିବା ଦେଖିବାକୁ ମିଳିଛି। ୨୦୨୪ରେ ଚୀନର ଜିଡିପି ବୃଦ୍ଧି ହାର ୪.୫% ରହିବା ନେଇ ବିଶ୍ୱବ୍ୟାଙ୍କ ଆକଳନ କରିଥିବା ବେଳେ ୨୦୨୫ରେ ଏହା ୪.୩%କୁ ହ୍ରାସ ପାଇବ।

ଭାରତର ସକାରାତ୍ମକ ଆର୍ଥିକ ପରିଣାମ ସମ୍ପର୍କରେ ସେବିର ପୂର୍ଣ୍ଣକାଳୀନ ସଦସ୍ୟ ଅନନ୍ତ ନାରାୟଣ ଜି କହିଛନ୍ତି, ଏନଏସଇରେ ନିବେଶକ ସଚେତନତା ସପ୍ତାହ ସମୟରେ ଭାରତର ବଜାର ପ୍ରଦର୍ଶନ ପ୍ରଭାବଶାଳୀ ରହିଛି। ଗତ ପାଞ୍ଚ ବର୍ଷ ମଧ୍ୟରେ ଭାରତୀୟ ବଜାରଗୁଡ଼ିକ ସ୍ଥିର ଭାବେ ୧୫ ପ୍ରତିଶତ ବାର୍ଷିକ ଚକ୍ରବୃଦ୍ଧି ହାର ହାସଲ କରିଛନ୍ତି। ଚୀନ ବଜାର ଏହା ସହ ତୁଳନୀୟ ନୁହେଁ। ଏଠାରେ ପ୍ରାୟତଃ ଶୂନ୍ୟ ସ୍ଥିତି ଦେଖିବାକୁ ମିଳିଛି। ବାସ୍ତବରେ ହଂକଂ ଭଳି କ୍ଷେତ୍ରରେ କ୍ଷେତ୍ରରେ ଏହା ନକାରାତ୍ମକ ରହିଥିବା ସେ କହିଛନ୍ତି। ନାରାୟଣ ୨୦୨୪ ବର୍ଷକୁ ଏକ ଚମତ୍କାର ବର୍ଷ ଭାବେ ଅଭିହିତ କରିଛନ୍ତି। ଏହି ବର୍ଷ ବେଞ୍ଚମାର୍କ ୨୮ପ୍ରତିଶତକୁ ବୃଦ୍ଧି ପାଇଥିବା ବେଳେ ଅସ୍ଥିରତା ମାତ୍ର ୧୦ ପ୍ରତିଶତ ରହିଛି। ଏହା କମ୍‌ ବିପଦ ଓ ଅଧିକ ଲାଭକୁ ଦର୍ଶାଉଛି।

ଭାରତର ବଜାର ପ୍ରଦର୍ଶନ ସହିତ ଡିଜିଟାଲ ଇଣ୍ଡିଆ ଭଳି ରଣନୀତିକ ପଦକ୍ଷେପ ଦେଶର ଅଭିବୃଦ୍ଧି ପାଇଁ ମୂଳଦୁଆ ପ୍ରତିଷ୍ଠା କରିଛି। ଏ ସମ୍ପର୍କରେ ଚାମ୍ବର୍ସ କହିଛନ୍ତି ଯେ, ଡିଜିଟାଲ ଇଣ୍ଡିଆ ଦେଶର ଆର୍ଥିକ ରଣନୀତିରେ ଏକ ଗୁରୁତ୍ୱପୂର୍ଣ୍ଣ ଉପାଦାନ। ଡିଜିଟାଲ ଇଣ୍ଡିଆ କେବଳ ଏକ ସ୍ୱପ୍ନ ନୁହେଁ, ବରଂ ବଜାର କେଉଁ ଦିଗକୁ ଗତି କରିବ ସେ ଦିଗରେ ଏକ ସ୍ପଷ୍ଟ ଧାରଣା ପ୍ରଦାନ କରୁଛି। ୨୦୧୫ରେ ଆରମ୍ଭ ହୋଇଥିବା ଏହି ଅଭିଯାନ ଭାରତକୁ ଏକ ଡିଜିଟାଲ ସଶକ୍ତ ଦେଶରେ ପରିଣତ କରିଛି। ୟୁପିଆଇ ଦ୍ୱାରା ଭାରତର ଆର୍ଥିକ ନେଣଦେଣ କ୍ଷେତ୍ରରେ ବିପ୍ଳବ ଆସିଛି। ୨୦୧୭-୧୮ ଆର୍ଥିକ ବର୍ଷରେ ୟୁପିଆଇ ଜରିଆରେ ୯୨ କୋଟି ଆର୍ଥିକ ନେଣଦେଣ ହୋଇଥିବା ବେଳେ ୨୦୨୩-୨୪ରେ ଏହା ୧୩,୧୧୬ କୋଟି ନେଣଦେଣକୁ ବୃଦ୍ଧି ପାଇଛି।

ୟୁପିଆଇ ବ୍ୟତୀତ କୋୱିନ୍‌ ପ୍ଲାଟଫର୍ମ ମଧ୍ୟ କୋଭିଡ-୧୯ ମହାମାରୀ ସମୟରେ ଏକ ଗୁରୁତ୍ୱପୂର୍ଣ୍ଣ ଉପାଦାନ ସାବ୍ୟସ୍ତ ହୋଇଛି। ଏହା ଭାରତର ଟିକାକରଣ ଅଭିଯାନର ମେରୁଦଣ୍ଡ ଥିଲା। କୋୱିନ୍‌ ମାଧ୍ୟମରେ ୨୨୦ କୋଟି ଟିକା ଦିଆଯିବା ଜନ ସ୍ୱାସ୍ଥ୍ୟ କ୍ଷେତ୍ରରେ ପ୍ରଯୁକ୍ତିର ବ୍ୟବହାର କରିବାରେ ଭାରତର ସାମର୍ଥ୍ୟକୁ ଦର୍ଶାଉଛି । କୋୱିନ୍‌ କେବଳ ଏକ ବୈଶ୍ୱିକ ସଂକଟରେ ଭାରତର ଡିଜିଟାଲ ମୁକାବିଲାକୁ ପ୍ରଦର୍ଶିତ କରୁନାହିଁ ବରଂ ଡିଜିଟାଲ ଭିତ୍ତିଭୂମି କିଭଳି ବ୍ୟାପକ ସ୍ୱାସ୍ଥ୍ୟଗତ ପଦକ୍ଷେପ ନେବାରେ ସହାୟକ ହୋଇପାରିବ ତାହା ଦର୍ଶାଇଛି।

ଏହି ସଫଳତାଗୁଡ଼ିକ ମିଳିତ ଭାବେ ଦର୍ଶାଉଛି ଯେ ଡିଜିଟାଲ୍ ଇଣ୍ଡିଆ ଦୀର୍ଘକାଳୀନ ଅଭିବୃଦ୍ଧି ପାଇଁ ପ୍ରସ୍ତୁତ ଏକ ଡିଜିଟାଲ୍ ସମାବେଶୀ ଅର୍ଥବ୍ୟବସ୍ଥା ପାଇଁ ମୂଳଦୁଆ ପକାଇଛି। ଏହି ଡିଜିଟାଲ ବିପ୍ଳବର ପ୍ରଭାବ ଦେୟ ଏବଂ ପରିଚୟ ଯାଞ୍ଚ ଠାରୁ ମଧ୍ୟ ଆଗକୁ ବଢ଼ିଛି। ଆୟୁଷ୍ମାନ ଭାରତ ଯୋଜନା ଅଧୀନରେ ୩୫ କୋଟି ୬ ଲକ୍ଷରୁ ଅଧିକ ଆୟୁଷ୍ମାନ କାର୍ଡ ଜାରି କରାଯାଇଛି, ଯାହା ଲକ୍ଷ ଲକ୍ଷ ଲୋକଙ୍କୁ ସ୍ୱାସ୍ଥ୍ୟସେବା ପ୍ରଦାନ କରିଛି। ଅଧିକନ୍ତୁ, ୯ କୋଟିରୁ ଅଧିକ ଫାଷ୍ଟ୍ୟାଗ୍ ଜାରି କରାଯାଇଛି, ଯାହା ୨୦୨୩ ରେ ବିଶ୍ୱବ୍ୟାପୀ ନିର୍ମିତ ଯାନ ସଂଖ୍ୟା ସହିତ ପ୍ରାୟ ସମାନ, ଯାହା ଦେଶର ରାଜପଥରେ ସୁଗମ ଯାତ୍ରାକୁ ସହଜ କରିଛି। ଏଭଳି ମାଇଲଖୁଣ୍ଟ ଭାରତର ଡିଜିଟାଲ ପରିବର୍ତ୍ତନର ବ୍ୟାପକ ସ୍ୱରୂପକୁ ଦର୍ଶାଇଥାଏ, ଯାହା ଜୀବନର ପ୍ରତ୍ୟେକ ଦିଗକୁ ସ୍ପର୍ଶ କରିଥାଏ ଏବଂ ସ୍ଥାୟୀ ଆର୍ଥିକ ପ୍ରଗତିକୁ ପ୍ରୋତ୍ସାହିତ କରିଥାଏ।

ଚାମ୍ବର୍ସ ମଧ୍ୟ ଭାରତରେ ଷ୍ଟାର୍ଟଅପ୍ସଗୁଡ଼ିକର ବିସ୍ଫୋରକ ଅଭିବୃଦ୍ଧି ଦେଶର ଆର୍ଥିକ ଅଭିବୃଦ୍ଧିର ଏକ ଗୁରୁତ୍ୱପୂର୍ଣ୍ଣ କାରଣ ବୋଲି ଦର୍ଶାଇଛନ୍ତି। ‘‘ମାତ୍ର ୧୦ ରୁ ୧୨ ବର୍ଷ ପୂର୍ବେ, ଭାରତରେ ବହୁତ କମ୍ ଷ୍ଟାର୍ଟଅପ୍ ଥିଲା। ପ୍ରକୃତରେ ଶେଷ ଅବଧିରେ, ୨୦୧୫ ରୁ ୨୦୨୨ ପର୍ଯ୍ୟନ୍ତ, ଷ୍ଟାର୍ଟଅପ୍ସଗୁଡ଼ିକରେ ନିବେଶ ୧୫ ଗୁଣ ବୃଦ୍ଧି ପାଇଛି’’, ସେ କହିଛନ୍ତି। ନିବେଶରେ ଏହି ବୃଦ୍ଧି ଏକ ଗତିଶୀଳ ଉଦ୍ୟୋଗୀ ଇକୋସିଷ୍ଟମକୁ ଇନ୍ଧନ ଯୋଗାଇଛି। ଭାରତ ଏବେ ବିଶ୍ୱର ତୃତୀୟ ସର୍ବବୃହତ୍ ଷ୍ଟାର୍ଟଅପ୍ ଇକୋସିଷ୍ଟମର କେନ୍ଦ୍ର ଯେଉଁଥିରେ ୧,୫୧,୦୦ରୁ ଅଧିକ ସ୍ୱୀକୃତିପ୍ରାପ୍ତ ଷ୍ଟାର୍ଟଅପ୍ ରହିଛି। ୨୦୧୬ରେ ଆରମ୍ଭ ହୋଇଥିବା ଷ୍ଟାର୍ଟଅପ୍ ଇଣ୍ଡିଆ ପଦକ୍ଷେପ ଏହି ଅଭିବୃଦ୍ଧିକୁ ପ୍ରୋତ୍ସାହିତ କରିବାରେ ଏକ ପ୍ରମୁଖ ଭୂମିକା ଗ୍ରହଣ କରିଛି, ଯାହା ୧୫.୫ ଲକ୍ଷରୁ ଅଧିକ ପ୍ରତ୍ୟକ୍ଷ ନିଯୁକ୍ତି ସୃଷ୍ଟି କରିଛି। ସଠିକ ନୀତି ଦ୍ୱାରା ସମର୍ଥିତ ନବସୃଜନ କିପରି ଗୁରୁତ୍ୱପୂର୍ଣ୍ଣ ଆହ୍ୱାନର ସମାଧାନ କରିବା ସହିତ ଆର୍ଥିକ ବିକାଶକୁ ଆଗେଇ ନେଇପାରିବ, ଏହା ତାହାର ଏକ ପ୍ରମାଣ।

ଆର୍ଟିଫିସିଆଲ୍ ଇଣ୍ଟେଲିଜେନ୍ସ କ୍ଷେତ୍ରରେ ମଧ୍ୟ ଚାମ୍ବର୍ସ ମନ୍ତବ୍ୟ ଦେଇଛନ୍ତି ଯାହା ଭାରତରେ ଗୁରୁତ୍ୱପୂର୍ଣ୍ଣ ଆକର୍ଷଣ ହାସଲ କରୁଛି। ସରକାର ୨୦୨୩ ରେ ‘‘ଭାରତ ପାଇଁ ଆର୍ଟିଫିସିଆଲ ଇଣ୍ଟେଲିଜେନ୍ସ ଟୁ ପଏଣ୍ଟ ଓ’’ ଭଳି ପଦକ୍ଷେପ ଆରମ୍ଭ କରିବା ଏବଂ ୨୦୨୪ରେ ଗ୍ଲୋବାଲ ଇଣ୍ଡିଆ ଏଆଇ ସମ୍ମିଳନୀର ଆୟୋଜନ କରିବା ସହିତ ଏହା ସ୍ପଷ୍ଟ ଯେ ଭାରତ ବିଶ୍ୱ ସ୍ତରରେ ଆର୍ଟିଫିସିଆଲ ଇଣ୍ଟେଲିଜେନ୍ସରେ ନିଜକୁ ଅଗ୍ରଣୀ ଭାବରେ ଅବସ୍ଥାପିତ କରୁଛି। ଚାମ୍ବର୍ସ କହିଛନ୍ତି, ଭାରତ ଏଆଇ ପାଇଁ ମୂଳଦୁଆ ପ୍ରତିଷ୍ଠା କରିଛି ଏବଂ ନିଜର ପରବର୍ତ୍ତୀ ପିଢ଼ିର କାର୍ଯ୍ୟବଳକୁ ପ୍ରସ୍ତୁତ କରିବାକୁ ପ୍ରୟାସ ଆରମ୍ଭ କରିଛି। ଏହି ଶିଖର ସମ୍ମିଳନୀ ସାରା ବିଶ୍ୱରୁ ୧୨,୦୦୦ରୁ ଅଧିକ ବିଶେଷଜ୍ଞଙ୍କୁ ଏକାଠି କରିଥିଲା, ଯାହା ଆର୍ଟିଫିସିଆଲ ଇଣ୍ଟେଲିଜେନ୍ସରେ ଭାରତର ବର୍ଦ୍ଧିତ ପ୍ରଭାବ ଏବଂ ଭବିଷ୍ୟତର ଆର୍ଥିକ ସଫଳତା ପାଇଁ ଏହି ଟେକ୍ନୋଲୋଜିର ଉପଯୋଗ ପାଇଁ ଏହାର ପ୍ରତିବଦ୍ଧତାକୁ ରେଖାଙ୍କିତ କରିଥିଲା। ଆର୍ଟିଫିସିଆଲ ଇଣ୍ଟେଲିଜେନ୍ସ ଉପରେ ଏହି ଧ୍ୟାନ କେବଳ ବୈଷୟିକ ପ୍ରଗତି ଉପରେ ନୁହେଁ, ବରଂ ଆଗାମୀ ଭବିଷ୍ୟତର ଚାକିରିରେ ଦକ୍ଷ କାର୍ଯ୍ୟବଳ ସୃଷ୍ଟି କରିବା ଉପରେ ମଧ୍ୟ ରହିଛି, ଯାହା ନିରନ୍ତର ଆର୍ଥିକ ଅଭିବୃଦ୍ଧିକୁ ସୁନିଶ୍ଚିତ କରିବ।

ତଥାପି, ଭାରତର ଆର୍ଥିକ କାହାଣୀ କେବଳ ଶୀର୍ଷ ଅଭିବୃଦ୍ଧି ବିଷୟ ଆଧାରିତ ନୁହେଁ। ଏହି ପଦକ୍ଷେପଗୁଡ଼ିକର ବ୍ୟାପକ ପ୍ରଭାବ ଉପରେ ଚାମ୍ବର୍ସ ଆଲୋକପାତ କରିଛନ୍ତି। ପ୍ରଧାନମନ୍ତ୍ରୀ ଜନଧନ ଯୋଜନା (ପିଏମଜେଡିୱାଇ) ଭଳି କାର୍ଯ୍ୟକ୍ରମ ଦ୍ୱାରା ପରିଚାଳିତ ଡିଜିଟାଲ ଅନ୍ତର୍ଭୂକ୍ତିକରଣ, ପୂର୍ବରୁ ବ୍ୟାଙ୍କ୍ ସୁବିଧା ନଥିବା ଲକ୍ଷ ଲକ୍ଷ ଲୋକଙ୍କୁ ଆନୁଷ୍ଠାନିକ ଆର୍ଥିକ ବ୍ୟବସ୍ଥାକୁ ଆଣିଛି। ଏକ ଦଶନ୍ଧି ପୂର୍ବେ ଏହାର ପ୍ରତିଷ୍ଠା ପରଠାରୁ ପିଏମଜେଡିୱାଇରେ ୫୩ କୋଟିରୁ ଅଧିକ ବ୍ୟାଙ୍କ ଆକାଉଣ୍ଟ ଖୋଲାଯାଇଛି, ଯାହା ଦ୍ୱାରା ଲୋକମାନେ ଆର୍ଥିକ ସେବା ପାଇପାରିବେ ଏବଂ ଅର୍ଥବ୍ୟବସ୍ଥାରେ ଅଂଶଗ୍ରହଣ କରିପାରିବେ। ସମୃଦ୍ଧିର ଲାଭକୁ ଦେଶର କୋଣ ଅନୁକୋଣରେ ପହଞ୍ଚାଇବା ସହ ଭାରତର ଅଭିବୃଦ୍ଧିକୁ ସମାବେଶୀ କରିବା ପାଇଁ ଏଭଳି ତୃଣମୂଳ ସ୍ତରର ବିକାଶ ଗୁରୁତ୍ୱପୂର୍ଣ୍ଣ।

ଗୃହ ନିର୍ମାଣ ହେଉଛି ଅନ୍ୟ ଏକ କ୍ଷେତ୍ର ଯେଉଁଠାରେ ସମାବେଶୀ ଅଭିବୃଦ୍ଧି ସ୍ପଷ୍ଟ ଭାବେ ଦେଖିବାକୁ ମିଳିଛି, ବିଶେଷକରି ମଧ୍ୟବିତ୍ତଙ୍କ ପାଇଁ । ପ୍ରଧାନମନ୍ତ୍ରୀ ଆବାସ ଯୋଜନା-ସହରାଞ୍ଚଳ (ପିଏମଏୱାଇ-ୟୁ) ଅଧୀନରେ ୧.୧୮ କୋଟିରୁ ଅଧିକ ଘର ମଞ୍ଜୁର ହୋଇଥିବା ବେଳେ ବର୍ତ୍ତମାନ ସୁଦ୍ଧା ୮୭.୨୫ ଲକ୍ଷରୁ ଅଧିକ ଘର ନିର୍ମାଣ ଓ ବିତରଣ ହୋଇସାରିଛି। ସୁଲଭ ମୂଲ୍ୟର ଗୃହ ନିର୍ମାଣ ପାଇଁ ମଧ୍ୟବିତ୍ତଙ୍କ ସମେତ ଲକ୍ଷ ଲକ୍ଷ ପରିବାରକୁ ସୁରକ୍ଷିତ, ସବୁଦିନିଆ ଘର ଯୋଗାଇ ଦେଇ ଏହି ମହତ୍ୱାକାଂକ୍ଷୀ ଆବାସ ପଦକ୍ଷେପ ନାଗରିକଙ୍କ ଜୀବନରେ ପରିବର୍ତ୍ତନ ଆଣିଛି। ଭାରତ କିଭଳି ଦୀର୍ଘକାଳୀନ ଅଭିବୃଦ୍ଧିର ଭିତ୍ତିପ୍ରସ୍ତର ସ୍ଥାପନ କରୁଛି ଏବଂ କେହି ଯେପରି ପଛରେ ନ ପଡ଼ିବେ ତାହା ସୁନିଶ୍ଚିତ କରୁଛି, ସ୍ଥିରତା ବୃଦ୍ଧି କରୁଛି ଏବଂ ଅନେକଙ୍କ ଜୀବନଧାରଣର ଗୁଣବତ୍ତା ରେ ଉନ୍ନତି ଆଣିଛି ତାହା ହିଁ ଏହି ଯୋଜନାର ପ୍ରକୃତ ପରିଣାମ।

ଚାମ୍ବର୍ସ ଭବିଷ୍ୟତକୁ ଦେଖୁଥିବା ବେଳେ ତାଙ୍କ ସ୍ୱର ଆଶାବାଦୀ ରହିଛି। ତଥାପି ସେ ବାସ୍ତବବାଦୀ ମନ୍ତବ୍ୟ ରଖିଛନ୍ତି। କେବଳ ଆଗାମୀ ୫ ବର୍ଷ ନୁହେଁ, ଆଗାମୀ ୨୫ ବର୍ଷ ପାଇଁ ଏହି ମୂଳଦୁଆ ସ୍ଥାପନ କରାଯାଇଛି। ଚଳିତ ଶତାବ୍ଦୀ ଶେଷ ସୁଦ୍ଧା ଭାରତ ଚୀନର ଆର୍ଥିକ ଶକ୍ତିକୁ ଟପିଯିବ ବୋଲି ତାଙ୍କର ବିଶ୍ୱାସ କେତେକଙ୍କୁ ଉଚ୍ଚାକାଂକ୍ଷୀ ମନେ ହୁଏ, କିନ୍ତୁ ଗତ ଏକ ଦଶନ୍ଧି ମଧ୍ୟରେ ଦେଶର ପ୍ରଗତି ତାଙ୍କ କଥାକୁ ଗୁରୁତ୍ୱ ଦେଇଥାଏ। ଡିଜିଟାଲ ଜ୍ଞାନକୌଶଳକୁ ଗ୍ରହଣ କରିବା, ଷ୍ଟାର୍ଟଅପ୍ ର ଉନ୍ନତି, ଷ୍ଟକ ବଜାର ପ୍ରଦର୍ଶନ, ଏଆଇ ଉପରେ ଦୃଢ଼ ଧ୍ୟାନ ଏବଂ ସମାବେଶୀ ଅଭିବୃଦ୍ଧି ପାଇଁ ପ୍ରତିବଦ୍ଧତା ସହିତ ଭାରତ ଆଗାମୀ ବର୍ଷଗୁଡ଼ିକରେ ବିଶ୍ୱ ଆର୍ଥିକ ଗତିଶୀଳତାକୁ ପୁନଃପରିଭାଷିତ କରିପାରିବ।

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟ ବୈଠକରେ ଶୁକ୍ର ବା ଭିନସ୍‌ ଅର୍ବିଟର ମିଶନ (ଭିଓଏମ)ର ବିକାଶକୁ ଅନୁମୋଦନ ମିଳିଛି, ଯାହା ଚନ୍ଦ୍ର ଓ ମଙ୍ଗଳ ଗ୍ରହ ବ୍ୟତୀତ ଶୁକ୍ର ଗ୍ରହର ଅନୁସନ୍ଧାନ ଏବଂ ଅଧ୍ୟୟନ କରିବା ଲାଗି ସରକାରଙ୍କ ଦୃଷ୍ଟିକୋଣ ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ହେବ। ପୃଥିବୀର ସବୁଠାରୁ ନିକଟତମ ଗ୍ରହ ତଥା ପୃଥିବୀ ଭଳି ପରିସ୍ଥିତିରେ ସୃଷ୍ଟି ହୋଇଥିବା ବିଶ୍ୱାସ କରାଯାଉଥିବା ଶୁକ୍ର ଗ୍ରହ ପରିବେଶ କିପରି ଭିନ୍ନ ଭାବରେ ବିକଶିତ ହୋଇପାରିବ ତାହା ବୁଝିବା ପାଇଁ ଏକ ଅନନ୍ୟ ସୁଯୋଗ ପ୍ରଦାନ କରିବ।

ଶୁକ୍ରର ପୃଷ୍ଠ ଏବଂ ଉପପୃଷ୍ଠ, ବାୟୁମଣ୍ଡଳୀୟ ପ୍ରକ୍ରିୟା ଏବଂ ଶୁକ୍ରର ବାୟୁମଣ୍ଡଳ ଉପରେ ସୂର୍ଯ୍ୟଙ୍କ ପ୍ରଭାବକୁ ଭଲ ଭାବରେ ବୁଝିବା ପାଇଁ ମହାକାଶ ବିଭାଗ ଦ୍ୱାରା ସମ୍ପୂର୍ଣ୍ଣ ହେବାକୁ ଥିବା ଶୁକ୍ର ଅର୍ବିଟର ମିଶନ ଶୁକ୍ର ଗ୍ରହର କକ୍ଷପଥରେ ଏକ ବୈଜ୍ଞାନିକ ମହାକାଶଯାନ ପରିକ୍ରମା କରିବାକୁ ପରିକଳ୍ପନା କରାଯାଇଛି। ଶୁକ୍ର, ଯାହା ଏକଦା ବାସଯୋଗ୍ୟ ଥିଲା ଏବଂ ମୁଖ୍ୟତଃ ପୃଥିବୀ ସହିତ ସମାନ ଥିଲା ବୋଲି ବିଶ୍ୱାସ କରାଯାଏ। ଶୁକ୍ରର ପରିବର୍ତ୍ତନର ଅନ୍ତର୍ନିହିତ କାରଣଗୁଡ଼ିକର ଅଧ୍ୟୟନ ଉଭୟ ଶୁକ୍ର ଏବଂ ପୃଥିବୀର ସାଥୀ ଗ୍ରହଗୁଡ଼ିକର ବିବର୍ତ୍ତନକୁ ବୁଝିବା ପାଇଁ ଗୁରୁତ୍ୱପୂର୍ଣ୍ଣ ଭାବରେ ସହାୟକ ହେବ। ଏହି ମହାକାଶଯାନର ବିକାଶ ଏବଂ ଉତକ୍ଷେପଣ ପାଇଁ ଇସ୍ରୋର ଦାୟିତ୍ୱ ରହିବ। ଇସ୍ରୋର ପ୍ରଚଳିତ ପଦ୍ଧତି ମାଧ୍ୟମରେ ଏହି ପ୍ରକଳ୍ପକୁ ପ୍ରଭାବୀ ଢଙ୍ଗରେ ପରିଚାଳନା ଏବଂ ତଦାରଖ କରାଯିବ। ଏହି ମିଶନରୁ ଉତ୍ପନ୍ନ ତଥ୍ୟକୁ ବର୍ତ୍ତମାନର ବ୍ୟବସ୍ଥା ମାଧ୍ୟମରେ ବୈଜ୍ଞାନିକ ସମୁଦାୟ ମଧ୍ୟରେ ପ୍ରସାରିତ କରାଯିବ।

ଏହି ମିଶନ ଯଥାଶୀଘ୍ର ଉପଲବ୍ଧ ସୁଯୋଗ ଅନୁସାରେ ୨୦୨୮ ମସିହା ମାର୍ଚ୍ଚ ମାସରେ ସମ୍ପୂର୍ଣ୍ଣ ହେବାର ସମ୍ଭାବନା ରହିଛି। ଭାରତୀୟ ଶୁକ୍ର ଅଭିଯାନ କେତେକ ଲୁକ୍କାୟିତ ବୈଜ୍ଞାନିକ ପ୍ରଶ୍ନର ଉତ୍ତର ଦେବାର ସମ୍ଭାବନା ରହିଛି, ଯାହାଦ୍ୱାରା ବିଭିନ୍ନ ବୈଜ୍ଞାନିକ ପରିଣାମ ମିଳିପାରିବ।

ବିଭିନ୍ନ ଶିଳ୍ପ ମାଧ୍ୟମରେ ମହାକାଶଯାନ ଏବଂ ଉତକ୍ଷେପଣ ଯାନ ନିର୍ମାଣ କରାଯାଉଛି ଏବଂ ଏହା ପରିକଳ୍ପନା କରାଯାଇଛି ଯେ ଏହା ବହୁ ସଂଖ୍ୟକ ନିଯୁକ୍ତି ସୁଯୋଗ ସୃଷ୍ଟି କରିବ ଏବଂ ଅର୍ଥବ୍ୟବସ୍ଥାର ଅନ୍ୟ କ୍ଷେତ୍ରକୁ ଜ୍ଞାନକୌଶଳର ପ୍ରସାର କରିବ।

ଶୁକ୍ର ଅର୍ବିଟର ମିଶନ (ଭିଓଏମ) ପାଇଁ ମଞ୍ଜୁର ହୋଇଥିବା ମୋଟ ୧୨୩୬ କୋଟି ଟଙ୍କାର ପାଣ୍ଠି ମଞ୍ଜୁର କରାଯାଇଥିବା ବେଳେ ସେଥିରୁ ୧.୨୧ କୋଟି ଟଙ୍କା ମହାକାଶଯାନରେ ଖର୍ଚ୍ଚ କରାଯିବ। ଏଥିରେ ମହାକାଶଯାନର ନିର୍ଦ୍ଦିଷ୍ଟ ପେଲୋଡ୍ ଏବଂ ଜ୍ଞାନକୌଶଳ ଉପାଦାନ ସମେତ ଏହାର ବିକାଶ ଏବଂ ଉପଲବ୍ଧି, ନେଭିଗେସନ୍ ଏବଂ ନେଟୱାର୍କ ପାଇଁ ଗ୍ଲୋବାଲ ଗ୍ରାଉଣ୍ଡ ଷ୍ଟେସନ ସମର୍ଥନ ଖର୍ଚ୍ଚ ଏବଂ ଉତକ୍ଷେପଣ ଯାନର ଖର୍ଚ୍ଚ ଅନ୍ତର୍ଭୁକ୍ତ ।

ଶୁକ୍ର ଗ୍ରହ ଅଭିମୁଖେ ଯାତ୍ରା

ଏହି ଅଭିଯାନ ଭାରତକୁ ଭବିଷ୍ୟତରେ ବୃହତ ପେଲୋଡ୍, ସର୍ବୋତ୍ତମ କକ୍ଷପଥ ପ୍ରବେଶ ପଦ୍ଧତି ସହିତ ଗ୍ରହ ଅଭିଯାନ ପାଇଁ ସକ୍ଷମ କରିବ । ମହାକାଶଯାନ ଏବଂ ଉତକ୍ଷେପଣ ଯାନର ବିକାଶ ସମୟରେ ଭାରତୀୟ ଶିଳ୍ପର ଗୁରୁତ୍ୱପୂର୍ଣ୍ଣ ସମ୍ପୃକ୍ତି ରହିବ । ଡିଜାଇନ୍, ବିକାଶ, ପରୀକ୍ଷଣ, ପରୀକ୍ଷା ଡାଟା ରିଡକ୍ସନ, କ୍ୟାଲିବ୍ରେସନ୍ ଇତ୍ୟାଦି ପ୍ରାକ୍‌ ଉତକ୍ଷେପଣ ପର୍ଯ୍ୟାୟରେ ବିଭିନ୍ନ ଶିକ୍ଷାନୁଷ୍ଠାନର ସମ୍ପୃକ୍ତି ଏବଂ ଛାତ୍ରଛାତ୍ରୀଙ୍କୁ ପ୍ରଶିକ୍ଷଣ ଦେବାର ପରିକଳ୍ପନା କରାଯାଇଛି। ଏହି ଅଭିଯାନ ଏହାର ଅନନ୍ୟ ଉପକରଣ ମାଧ୍ୟମରେ ଭାରତୀୟ ବିଜ୍ଞାନ ସମୁଦାୟକୁ ନୂତନ ଏବଂ ମୂଲ୍ୟବାନ ବିଜ୍ଞାନ ଡାଟା ପ୍ରଦାନ କରିଥାଏ ଏବଂ ଏହା ଦ୍ୱାରା ଉଦୀୟମାନ ଏବଂ ଅଭିନବ ସୁଯୋଗ ପ୍ରଦାନ କରିଥାଏ।

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ସିଙ୍ଗାପୁରର ବରିଷ୍ଠ ମନ୍ତ୍ରୀ ତଥା ପୂର୍ବତନ ପ୍ରଧାନମନ୍ତ୍ରୀ ଲି ସିଏନ ଲୁଙ୍ଗଙ୍କୁ ସାକ୍ଷାତ କରିଛନ୍ତି। ପ୍ରଧାନମନ୍ତ୍ରୀଙ୍କ ସମ୍ମାନରେ ବରିଷ୍ଠ ମନ୍ତ୍ରୀ ମଧ୍ୟାହ୍ନ ଭୋଜନର ଆୟୋଜନ କରିଥିଲେ।

ପ୍ରଧାନମନ୍ତ୍ରୀ ଭାରତ -ସିଙ୍ଗାପୁର ରଣନୈତିକ ଭାଗିଦାରୀର ବିକାଶରେ ବରିଷ୍ଠ ମନ୍ତ୍ରୀ ଲିଙ୍କ ଅବଦାନକୁ ପ୍ରଶଂସା କରିଥିଲେ ଏବଂ ବରିଷ୍ଠ ମନ୍ତ୍ରୀ ଭାବରେ ତାଙ୍କ ନୂତନ ଭୂମିକାରେ ଭାରତ ସହିତ ସିଙ୍ଗାପୁରର ସମ୍ପର୍କ ଉପରେ ଲି ଧ୍ୟାନ ଏବଂ ମାର୍ଗଦର୍ଶନ ଜାରି ରଖିବେ ବୋଲି ଆଶା ବ୍ୟକ୍ତ କରିଥିଲେ।

ସେମାନଙ୍କ ପୂର୍ବ ବୈଠକକୁ ମନେ ପକାଇ ପ୍ରଧାନମନ୍ତ୍ରୀ ଏବଂ ବରିଷ୍ଠ ମନ୍ତ୍ରୀ ଲି ଭାରତ-ସିଙ୍ଗାପୁର ସମ୍ପର୍କର ଏକ ବ୍ୟାପକ ରଣନୈତିକ ଭାଗିଦାରୀରେ ଅଗ୍ରଗତି ନେଇ ସନ୍ତୋଷ ବ୍ୟକ୍ତ କରିଥିଲେ। ବିଶେଷକରି ଭାରତର ଦୁଇଟି ବୈଠକ- ସିଙ୍ଗାପୁର ମନ୍ତ୍ରୀସ୍ତରୀୟ ରାଉଣ୍ଡଟେବୁଲ ସମୟରେ ଚିହ୍ନଟ ହୋଇଥିବା ସହଯୋଗର ଦିଗ ଉପରେ ଯଥେଷ୍ଟ ସମ୍ଭାବନା ରହିଛି ବୋଲି ସେମାନେ ସହମତି ପ୍ରକାଶ କରିଥିଲେ। ସେମାନେ ଦ୍ୱିପାକ୍ଷିକ ସହଯୋଗକୁ ଅଧିକ ସୁଦୃଢ଼ କରିବା ଏବଂ ପାରସ୍ପରିକ ସ୍ୱାର୍ଥସମ୍ପନ୍ନ ଆଞ୍ଚଳିକ ଏବଂ ବୈଶ୍ୱିକ ପ୍ରସଙ୍ଗ ଉପରେ ବିଚାର ବିନିମୟ କରିଥିଲେ।

ନୂଆଦିଲ୍ଲୀ: ସୂଚନା ଓ ପ୍ରସାରଣ ମନ୍ତ୍ରଣାଳୟ ଅଧୀନରେ ଥିବା ରାଷ୍ଟ୍ରାୟତ୍ତ ସଂସ୍ଥା ଜାତୀୟ ଚଳଚ୍ଚିତ୍ର ଉନ୍ନୟନ ନିଗମ (ଏନ୍‌ଏଫଡିସି) ଭାରତରେ ଭଏସ୍ ଓଭର କଳାକାରମାନଙ୍କ ପାଇଁ  ‘ଦ ଭଏସ୍ ବକ୍ସ’ ନାମକ ଏକ ଉନ୍ନତ କାର୍ଯ୍ୟକ୍ରମ ଆରମ୍ଭ କରିବା ଲାଗି ନେଟଫ୍ଲିକ୍ସ ଇଣ୍ଡିଆ ସହ ଭାଗିଦାରୀ କରିଛି।

ଏହି ଅବସରରେ ମନ୍ତ୍ରଣାଳୟର ସଚିବ ସଞ୍ଜୟ ଜାଜୁ, ଯୁଗ୍ମ ସଚିବ (ଚଳଚ୍ଚିତ୍ର) ବୃନ୍ଦା ଦେଶାଇ, ନେଟଫ୍ଲିକ୍ସର ଆଇନ ବିଭାଗର ନିର୍ଦ୍ଦେଶକ ଆଦିତ୍ୟ କୁଟ୍ଟି, ନେଟଫ୍ଲିକ୍ସର ପ୍ରତିଯୋଗିତା ନିୟମ ମୁଖ୍ୟ ଫ୍ରେଡି ସୋମେସ୍ ଏବଂ ଅନ୍ୟମାନଙ୍କ ମଧ୍ୟରେ ପର୍ଲ ଏକାଡେମୀର ଅଧ୍ୟକ୍ଷ ଶରଦ ମେହେରା ପ୍ରମୁଖ ଉପସ୍ଥିତ ଥିଲେ।

ଆଜି ନୂଆଦିଲ୍ଲୀର ଶାସ୍ତ୍ରୀ ଭବନରେ ଜାତୀୟ ଚଳଚ୍ଚିତ୍ର ଉନ୍ନୟନ ନିଗମ (ଏନ୍‌ଏଫଡିସି)ର ପରିଚାଳନା ନିର୍ଦ୍ଦେଶକ ତଥା ମନ୍ତ୍ରଣାଳୟର ଯୁଗ୍ମ ସଚିବ (ପ୍ରସାରଣ – ୨) ପୃଥୁଲ କୁମାର ଏବଂ ନେଟଫ୍ଲିକ୍ସ ଇଣ୍ଡିଆର ଜେନେରାଲ କାଉନସେଲ ତଥା ବରିଷ୍ଠ ନିର୍ଦ୍ଦେଶକ – ବ୍ୟବସାୟ ଓ ଆଇନ ବ୍ୟାପାର ନିର୍ଦ୍ଦେଶକ କିରଣ ଦେଶାଇ ଏହି ଭାଗିଦାରୀକୁ ଆନୁଷ୍ଠାନିକ ରୂପ ଦେବା ପାଇଁ ବୁଝାମଣାପତ୍ର ସ୍ୱାକ୍ଷର କରିଛନ୍ତି। ଏହା ଭାରତୀୟ ସିନେମାକୁ ପ୍ରୋତ୍ସାହିତ କରିବା ଏବଂ ମିଡିଆ ଓ ମନୋରଞ୍ଜନ ଶିଳ୍ପରେ ପ୍ରତିଭାକୁ ପରିପୁଷ୍ଟ କରିବା ପାଇଁ ଏନଏଫଡିସି ଓ ନେଟଫ୍ଲିକ୍ସର ମିଳିତ ଦୃଷ୍ଟିକୋଣ ସହ ସମନ୍ୱିତ।

ଭଏସ୍ ବକ୍ସ କାର୍ଯ୍ୟକ୍ରମରେ ଇଂରାଜୀ, ହିନ୍ଦୀ, ମରାଠୀ, ବଙ୍ଗଳା, ମାଲାୟଲମ୍‌, ତାମିଲ, ତେଲୁଗୁ ଏବଂ ଗୁଜରାଟୀ ଭାଷା ଉପରେ ଧ୍ୟାନ ଦିଆଯାଇ ଭଏସ୍ ଓଭର କଳାକାରଙ୍କୁ ରିକଗ୍ନିସନ୍ ଅଫ୍ ପ୍ରାୟର ଲର୍ଣ୍ଣିଂ (ଆରପିଏଲ୍‌) ପ୍ରଶିକ୍ଷଣ ପ୍ରଦାନ କରାଯିବ। ଏହି କାର୍ଯ୍ୟକ୍ରମର ଏକ ଅଂଶ ଭାବରେ, ଭାରତର ସାତଟି ପ୍ରମୁଖ ସହର ନୂଆଦିଲ୍ଲୀ, ମୁମ୍ବାଇ, କୋଲକାତା, ଅହମ୍ମଦାବାଦ, ହାଇଦ୍ରାବାଦ, ଚେନ୍ନାଇ ଓ କୋଚିରେ ପ୍ରଶିକ୍ଷଣ (ଅତିଥି ବକ୍ତୃତା ଏବଂ ପରାମର୍ଶ ଅଧିବେଶନ ସହିତ) ଦିଆଯିବ। ଏହା ପରେ ମୂଲ୍ୟାୟନ ଅନ୍ତର୍ଭୁକ୍ତ କର୍ମଶାଳା ଆୟୋଜନ କରାଯିବ। ପ୍ରତି ବ୍ୟାଚରେ ୩୦ ଜଣ ପ୍ରାର୍ଥୀ ରହିବେ ଏବଂ ପ୍ରାରମ୍ଭିକ ସ୍କ୍ରିନିଂ ମାଧ୍ୟମରେ ୨୧୦ ଜଣ ପ୍ରତିଯୋଗୀଙ୍କୁ ଚୟନ କରାଯିବ। ଅଂଶଗ୍ରହଣକାରୀଙ୍କ ମଧ୍ୟରେ ଅତି କମରେ ୫୦% ମହିଳା ରହିବେ।

ଭାରତର ଅଗ୍ରଣୀ ଡିଜାଇନ୍ ଅନୁଷ୍ଠାନ ପର୍ଲ ଏକାଡେମୀ ଏହି କାର୍ଯ୍ୟକ୍ରମ ପାଇଁ ପ୍ରଶିକ୍ଷଣ ସହଯୋଗୀ ଭାବେ ଯୋଗ ଦେବ। ନେଟଫ୍ଲିକ୍ସର ସ୍ୱତନ୍ତ୍ର ପ୍ରକଳ୍ପ ‘ଆଜାଦୀ କି ଅମୃତ କାହାନିଆଁ’ ରେ ଯୋଗଦାନ କରିବା ପାଇଁ ପ୍ରତ୍ୟେକ ବ୍ୟାଚ୍‌ରୁ ୭ ଜଣ ଶ୍ରେଷ୍ଠ ପ୍ରତିଯୋଗୀଙ୍କୁ ଚୟନ କରାଯିବ, ଯେଉଁଠାରେ ସେମାନେ ଭାରତୀୟ ସ୍ୱାଧୀନତା ଆନ୍ଦୋଳନକୁ ପ୍ରତିଫଳିତ କରୁଥିବା କାହାଣୀ ବର୍ଣ୍ଣନା କରିବା ପାଇଁ କଣ୍ଠଦାନ କରିବେ।

ଗଣମାଧ୍ୟମ ଏବଂ ମନୋରଞ୍ଜନ କ୍ଷେତ୍ରରେ ଦୁଇ ବର୍ଷରୁ ଅଧିକ ଅଭିଜ୍ଞତା ଥିବା ପେସାଦାର, ବିଶେଷ କରି ମହିଳାମାନଙ୍କ ପାଇଁ , ଯେଉଁମାନେ ଭଏସ୍ ଓଭରରେ ନିଜର ଦକ୍ଷତା ବୃଦ୍ଧି କରିବାକୁ ଆଗ୍ରହୀ, ସେମାନଙ୍କ ପାଇଁ ଏହି କାର୍ଯ୍ୟକ୍ରମ ଉନ୍ମୁକ୍ତ ରହିଛି।

ଏହି ଭଏସ୍ ବକ୍ସ ପ୍ରୋଗ୍ରାମ୍ ନେଟଫ୍ଲିକ୍ସ ଫଣ୍ଡ ଫର୍ କ୍ରିଏଟିଭ୍ ଇକ୍ୱିଟି ଦ୍ୱାରା ପ୍ରାୟୋଜିତ ହୋଇଛି, ଯାହା ସମଗ୍ର ବିଶ୍ୱରେ କାର୍ଯ୍ୟକ୍ରମ ମାଧ୍ୟମରେ ଟିଭି ଓ ଚଳଚ୍ଚିତ୍ର ଶିଳ୍ପରେ ସଫଳତା ପାଇଁ କମ୍ ପ୍ରତିନିଧିତ୍ୱ ସମୁଦାୟ ସ୍ଥାପନ କରିବା ପାଇଁ ପାଞ୍ଚ ବର୍ଷ ମଧ୍ୟରେ ବାର୍ଷିକ ୧୦୦ ନିୟୁତ ଡଲାର ବ୍ୟବସ୍ଥା କରିଛି।

ଅଧିକ ସୂଚନା ଏବଂ ଆବେଦନ କରିବା ପାଇଁ, ଏନଏଫଡିସିର ୱେବସାଇଟ ଏବଂ ଅଫିସିଆଲ ସୋସିଆଲ ମିଡିଆ ହ୍ୟାଣ୍ଡେଲକୁ ଯାଆନ୍ତୁ।

ନୂଆଦିଲ୍ଲୀ: ବୌଦ୍ଧିକ ସମ୍ପତ୍ତି, ଆନୁବଂଶିକ  ସମ୍ବଳ ଏବଂ ଆନୁସଙ୍ଗୀକ ପାରମ୍ପରିକ ଜ୍ଞାନ ଉପରେ ବିଶ୍ୱ ବୌଦ୍ଧିକ ସମ୍ପତ୍ତି ସଂଗଠନ (ଡବ୍ଲ୍ୟୁ ଆଇପିଓ) ଚୁକ୍ତି , ବିକାଶଶୀଳ ଦେଶ (ଗ୍ଲୋବାଲ ସାଉଥ) ଏବଂ ଭାରତ, ଯାହା ପାରଂମ୍ପାରିକ ଜ୍ଞାନ ଏବଂ ଜ୍ଞାନର ପ୍ରଚୁରତା ସହିତ ଏକ ବୃହତ  ଜୈବ ବିବିଧତା, ହଟ୍‌ସ୍ପଟ୍ ଅଟେ, ପାଇଁ ଏକ ଉଲ୍ଲେଖନୀୟ ବିଜୟ ଅଟେ।

ଶତାବ୍ଦୀ ଧରି ଅର୍ଥନୀତି, ସମାଜ ଓ ସଂସ୍କୃତିକୁ ସମର୍ଥନ କରୁଥିବା ଜ୍ଞାନ ଓ ଜ୍ଞାନ ବ୍ୟବସ୍ଥା ଏବେ ଗ୍ଲୋବାଲ ଆଇପି ସିଷ୍ଟମରେ ସାମିଲ ହୋଇଛି। ପ୍ରଥମ ଥର ପାଇଁ ସ୍ଥାନୀୟ ସମୁଦାୟ ଏବଂ ସେମାନଙ୍କ ଜିଆର ଏବଂ ଏଟିକେ ମଧ୍ୟରେ ସଂଯୋଗ କୁ ବିଶ୍ୱ ଆଇପି ସମୁଦାୟରେ ସ୍ୱୀକୃତି ମିଳିଛି। ପାରମ୍ପରିକ ଜ୍ଞାନ ଏବଂ ଜ୍ଞାନ ପ୍ରଦାନକାରୀ ଏବଂ ଜୈବ ବିବିଧତାର ଭଣ୍ଡାର ଭାବରେ ଭାରତ ଦୀର୍ଘ ଦିନ ଧରି ଏହି ଐତିହାସିକ ଉପଲବ୍ଧି ହାସଲ କରିଛି।

ଏହି ଚୁକ୍ତି କେବଳ ଜୈବ ବିବିଧତାର ସୁରକ୍ଷା ଓ ସୁରକ୍ଷା କରିବ ନାହିଁ ବରଂ ପେଟେଣ୍ଟ ବ୍ୟବସ୍ଥାରେ ସ୍ୱଚ୍ଛତା ବୃଦ୍ଧି କରିବ ଏବଂ ଉଦ୍ଭାବନକୁ ସୁଦୃଢ଼ କରିବ। ଏହା ମାଧ୍ୟମରେ, ଆଇପି ସିଷ୍ଟମ ସମସ୍ତ ଦେଶ ଏବଂ ସେମାନଙ୍କ ସମ୍ପ୍ରଦାୟର ଆବଶ୍ୟକତାକୁ ପ୍ରତିକ୍ରିୟା ଦେଇ ଅଧିକ ସମାବେଶୀ ଉପାୟରେ ବିକଶିତ ହେବା ସହିତ ଅଭିନବତାକୁ ପ୍ରୋତ୍ସାହିତ କରିବା ଜାରି ରଖିପାରିବ।

ଏହି ଚୁକ୍ତି ଭାରତ ଏବଂ ବିଶ୍ୱ ଦକ୍ଷିଣ ପାଇଁ ଏକ ବଡ଼ ବିଜୟ ଯାହା ଦୀର୍ଘ ଦିନ ଧରି ଏହି ଉପକରଣର ସମର୍ଥକ ହୋଇ ଆସୁଛି। ଦୁଇ ଦଶନ୍ଧିର ଆଲୋଚନା ପରେ ଏବଂ ସାମୂହିକ ସମର୍ଥନରେ ୧୫୦ରୁ ଅଧିକ ଦେଶ ମଧ୍ୟରେ ସହମତି କ୍ରମେ ଏହି ଚୁକ୍ତିକୁ ବହୁପାକ୍ଷିକ ସ୍ତରରେ ଗ୍ରହଣ କରାଯାଇଛି।

ଅଧିକାଂଶ ବିକଶିତ ଦେଶ, ଯେଉଁମାନେ ଆଇପି ଉତ୍ପାଦନ କରନ୍ତି ଏବଂ ଏହି ସମ୍ବଳ ଏବଂ ଜ୍ଞାନକୁ ଗବେଷଣା ଏବଂ ଉଦ୍ଭାବନ ପାଇଁ ବ୍ୟବହାର କରନ୍ତି, ଏହି ଚୁକ୍ତି ଆଇପି ସିଷ୍ଟମ ଏବଂ ଦଶନ୍ଧି ଧରି ରହିଥିବା ଜୈବ ବିବିଧତାର ସୁରକ୍ଷା ମଧ୍ୟରେ ବିବାଦୀୟ ମାନଦଣ୍ଡଗୁଡିକୁ ଦୂର କରିବା ପାଇଁ ବାଟ ପ୍ରଶସ୍ତ କରେ।

ଅନୁମୋଦନ ଏବଂ କାର୍ଯ୍ୟକାରୀ ହେଉଥିବା ଚୁକ୍ତିରେ ପେଟେଣ୍ଟ ଆବେଦନକାରୀଙ୍କ ପାଇଁ ଜେନେଟିକ୍ ସମ୍ବଳର ଉତ୍ପତ୍ତି ଦେଶ କିମ୍ବା ଉତ୍ସ ପ୍ରକାଶ କରିବା ପାଇଁ ବାଧ୍ୟତାମୂଳକ ଘୋଷଣା ବାଧ୍ୟତାମୂଳକ ବାଧ୍ୟତାମୂଳକତା ରହିବ ଯେତେବେଳେ ଦାବି କରାଯାଇଥିବା ଆବିଷ୍କାର ଜେନେଟିକ୍ ସମ୍ବଳ କିମ୍ବା ଆନୁସଙ୍ଗିକ ପାରମ୍ପରିକ ଜ୍ଞାନ ଉପରେ ଆଧାରିତ ଅଟେ। ଏହା ଦ୍ୱାରା ଭାରତୀୟ ଜିଆର ଏବଂ ଟିକେ କୁ ଅତିରିକ୍ତ ସୁରକ୍ଷା ମିଳିବ, ଯେଉଁମାନେ ବର୍ତ୍ତମାନ ଭାରତରେ ସୁରକ୍ଷିତ ଥିବା ବେଳେ ଯେଉଁ ଦେଶମାନଙ୍କରେ ଦାୟିତ୍ୱ ପ୍ରକାଶ କରୁନାହାଁନ୍ତି ସେଠାରେ ଦୁର୍ନୀତିର ଶିକାର ହେଉଛନ୍ତି। ତେଣୁ, ଉତ୍ପତ୍ତି ଦାୟିତ୍ବ ପ୍ରକାଶ ଉପରେ ବିଶ୍ୱସ୍ତରୀୟ ମାନଦଣ୍ଡ ସୃଷ୍ଟି କରି, ଏହି ଚୁକ୍ତି ଜେନେଟିକ୍ ସମ୍ବଳ ଏବଂ ଆନୁସଙ୍ଗିକ ପାରମ୍ପରିକ ଜ୍ଞାନ ପ୍ରଦାନକାରୀ ଦେଶମାନଙ୍କ ପାଇଁ ଆଇପି ସିଷ୍ଟମ ମଧ୍ୟରେ ଏକ ଅଭୂତପୂର୍ବ ଢାଞ୍ଚା ସୃଷ୍ଟି କରେ।

ବର୍ତ୍ତମାନ ମାତ୍ର ୩୫ଟି ଦେଶରେ କିଛି ନା କିଛି ଘୋଷଣା ଦାୟିତ୍ୱ ରହିଛି, ସେଥିମଧ୍ୟରୁ ଅଧିକାଂଶ ବାଧ୍ୟତାମୂଳକ ନୁହେଁ ଏବଂ ପ୍ରଭାବଶାଳୀ କାର୍ଯ୍ୟକାରିତା ପାଇଁ ଉପଯୁକ୍ତ ପ୍ରତିବନ୍ଧକ କିମ୍ବା ପ୍ରତିକାର ନାହି। ଏହି ଚୁକ୍ତି ରେ ବିକଶିତ ବିଶ୍ୱ ସମେତ ଚୁକ୍ତିଭିତ୍ତିକ ପକ୍ଷମାନଙ୍କୁ ପେଟେଣ୍ଟ ଆବେଦନକାରୀଙ୍କ ଉପରେ ଉତ୍ପତ୍ତି ଦାୟିତ୍ୱ ପ୍ରକାଶ କୁ କାର୍ଯ୍ୟକାରୀ କରିବା ପାଇଁ ସେମାନଙ୍କର ବର୍ତ୍ତମାନର ଆଇନଗତ ଢାଞ୍ଚାରେ ପରିବର୍ତ୍ତନ ଆଣିବାକୁ ପଡିବ।

ଏହି ଚୁକ୍ତି ସାମୂହିକ ଅଭିବୃଦ୍ଧି ହାସଲ କରିବା ଏବଂ ଏକ ସ୍ଥାୟୀ ଭବିଷ୍ୟତର ପ୍ରତିଶ୍ରୁତି ପ୍ରଦାନ କରିବା ପାଇଁ ଯାତ୍ରାର ଶୁଭାରମ୍ଭ କରିଥାଏ, ଯାହାକୁ ଭାରତ ଶତାବ୍ଦୀ ଧରି ସମର୍ଥନ କରି ଆସୁଛି।

ନୂଆଦିଲ୍ଲୀ: ଭାରତ ଏବଂ ଜିମ୍ବାୱେ ସଂଯୁକ୍ତ ବ୍ୟାପାର ସମିତି (ଜେଟିସି)ର ତୃତୀୟ ଅଧିବେଶନ ୧୩.୦୫.୨୦୨୪ ତାରିଖ ଠାରୁ ୧୪.୦୫.୨୦୨୪ ପର୍ଯ୍ୟନ୍ତ ନୂଆଦିଲ୍ଲୀଠାରେ ଭାରତ ସରକାରଙ୍କ ବାଣିଜ୍ୟ ଓ ଉଦ୍ୟୋଗ ମନ୍ତ୍ରଣାଳୟ ଆର୍ଥିକ ପରାମର୍ଶଦାତା ପ୍ରିୟା ପି ନାୟାର ଏବଂ ଆନ୍ତର୍ଜାତିକ ବ୍ୟାପାର ମନ୍ତ୍ରଣାଳୟର ଅନ୍ତରାଷ୍ଟ୍ରୀୟ ବ୍ୟାପାର ଏବଂ ପ୍ରବାସୀ, ଜିମ୍ବାୱେ ସରକାରର ମୁଖ୍ୟ ନିର୍ଦ୍ଦେଶକ  ରୁଡ଼ୋ ଏମ ଫରାନିସୀଙ୍କ ସହ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି। ଜିମ୍ବାୱେ ପ୍ରତିନିଧି ମଣ୍ଡଳରେ ଜିମ୍ବାୱେ ଦୂତାବାସର ପ୍ରଭାରୀ ରାଷ୍ଟ୍ରଦୂତ ପିଟର ହୋବବାନୀ ଏବଂ ସମ୍ବନ୍ଧିତ ମନ୍ତ୍ରଣାଳୟର ୧୫ରୁ ଅଧିକ ପ୍ରତିନିଧି ସାମିଲ ହୋଇଥିଲେ। ଏହି ଆଲୋଚନା ସୌହାର୍ଦ୍ଦ୍ୟପୂର୍ଣ୍ଣ ଏବଂ ମୈତ୍ରୀପୂର୍ଣ୍ଣ ବାତାବରଣ ମଧ୍ୟରେ ସମ୍ପନ୍ନ ହୋଇଥିଲା। ଉଭୟ ପକ୍ଷଙ୍କ ମଧ୍ୟରେ ଦ୍ୱିପାକ୍ଷିକ ବ୍ୟାପାର ସହଯୋଗ, ଦୀର୍ଘମିଆଦୀ ପ୍ରସଙ୍ଗ ଆଦିରେ ଥିବା ସମସ୍ୟାର ସମାଧାନ, ବ୍ୟାପାର ଓ ନିବେଶକୁ ଭବିଷ୍ୟତରେ ବୃଦ୍ଧି କରିବା ଏବଂ ଉଭୟ ଦେଶର ସାଧାରଣ ନାଗରିକମାନଙ୍କ ମଧ୍ୟରେ ପାରସ୍ପରିକ ସଂପର୍କ ବୃଦ୍ଧି ଉପରେ ଗୁରୁତ୍ୱ ଆରୋପ କରାଯାଇଥିଲା।

ଉଭୟ ପକ୍ଷ ଦ୍ୱିପାକ୍ଷିକ ବ୍ୟାପାରର ସମୀକ୍ଷା କରିଥିଲେ ଏବଂ ଦୁଇ ଦେଶ ମଧ୍ୟରେ ବର୍ତ୍ତମାନ ଏହାର ବୃଦ୍ଧିର ଅପାର ସମ୍ଭାବନା ରହିଛି ବୋଲି ଆଶା ପୋଷଣ କରିଥିଲେ। ଉଭୟ ପକ୍ଷ ଦ୍ୱିପାକ୍ଷିକ ବ୍ୟାପାରକୁ ଆଗାମୀ ଦିନରେ ବୃଦ୍ଧି କରିବା ଦିଗରେ ଠୋସ୍ ପ୍ରୟାସ କରିବା ନିମନ୍ତେ ସହମତ ପ୍ରକାଶ କରିଥିଲେ। ଦୁଇ ପକ୍ଷ ଡିଜିଟାଲ ପରିବର୍ତ୍ତନ ସମାଧାନ, ଟେଲି-ମେଡିସିନ୍, ଅପ୍ରକ୍ରିୟାକୃତ ହୀରା, ତ୍ୱରିତ ଉପଭୁକ୍ତି ପ୍ରଣାଳୀ ଏବଂ ପାରମ୍ପରିକ ଚିକିତ୍ସା ଆଦି କ୍ଷେତ୍ରରେ ନିୟାମକ ସହଯୋଗ ନିମନ୍ତେ ବୁଝାମଣା ପତ୍ର (ଏମଓୟୁ)ରେ ହସ୍ତାକ୍ଷର କରିବାର ସମ୍ଭାବନାର ଦିଗ ଖୋଜିବା ଉପରେ ସହମତ ପ୍ରକଟ କରିଥିଲେ।

ଉଭୟ ପକ୍ଷ ଫାର୍ମାସିଉଟିକାଲ୍ସ, ଭୂ-ସାଂସ୍ଥିତିକୀ କ୍ଷେତ୍ର, ସ୍ୱାସ୍ଥ୍ୟ ସେବା, ମେସିନାରୀ ଏବଂ ଯାନ୍ତ୍ରିକ ଉପକରଣ, ଯାନବାହନ, ବୈଦ୍ୟୁତିକ ମେସିନାରୀ, ଖଣିଜ ଇନ୍ଧନ, ଖଣିଜ ତୈଳ ଓ ବିଶୋଧନ ଉତ୍ପାଦ, ପ୍ଲାଷ୍ଟିକ୍ ସାମଗ୍ରୀ, ଲୁହା ଓ ଇସ୍ପାତ, କୃଷି ଏବଂ ଖାଦ୍ୟ ପ୍ରକ୍ରିୟାକରଣ, ଇଞ୍ଜନିୟରିଂ କ୍ଷେତ୍ର, ନବୀକରଣ ଉର୍ଜା, ଡିଜିଟାଲ ଅର୍ଥବ୍ୟବସ୍ଥା, କପଡ଼ା, ଦକ୍ଷତା ବିକାଶ ଆଦି କ୍ଷେତ୍ରରେ ଦ୍ୱିପାକ୍ଷିକ ସହଯୋଗ ବୃଦ୍ଧି ଉପରେ ଗୁରୁତ୍ୱ ଆରୋପ କରି କେତେକ କ୍ଷେତ୍ରର ଚିହ୍ନଟ କରିଥିଲେ।

ଉଭୟ ପକ୍ଷ ନିଜ ଦେଶରେ ନିବେଶ ସଂବର୍ଦ୍ଧନ ଏଜେନ୍ସି ଏବଂ ବାଣିଜ୍ୟ ମଣ୍ଡଳ ମଧ୍ୟରେ ଘନିଷ୍ଠ ସହଯୋଗ ବୃଦ୍ଧି କରିବା ଉପରେ ମଧ୍ୟ ସହମତ ହୋଇଛନ୍ତି। ଭାରତ-ଜିମ୍ବାୱେ ଜେଟିସିର ତୃତୀୟ ଅଧିବେଶନରେ ବିଚାର ବିମର୍ଷ ଅତ୍ୟନ୍ତ ସୌହାର୍ଦ୍ଦ୍ୟପୂର୍ଣ୍ଣ ଏବଂ ଦୂରଦର୍ଶିତାରେ ଭରପୂର ରହିଥିଲା ଏବଂ ତାହା ଉଭୟ ଦେଶ ମଧ୍ୟରେ ମୈତ୍ରୀପୂର୍ଣ୍ଣ ଏବଂ ବିଶେଶ ସମ୍ବନ୍ଧକୁ ଇଙ୍ଗିତ କରେ।

ନୂଆଦିଲ୍ଲୀ: ପ୍ରଧାନମନ୍ତ୍ରୀ ମୋଦୀ ସମସ୍ତ ଦେଶକୁ ଧନ୍ୟବାଦ ଜଣାଇଛନ୍ତି, ଯେଉଁମାନେ ଭାଇବ୍ରେଣ୍ଟ ଗୁଜରାଟ ଗ୍ଲୋବାଲ ସମ୍ମିଳନୀରେ ଅଂଶଗ୍ରହଣ କରିବାକୁ ଆସିଥିଲେ। ଏହି ଅବସରରେ ସେ କହିଛନ୍ତି ଯେ ଆମେ ଏକ ଲକ୍ଷ୍ୟ ସ୍ଥିର କରିଛୁ ଯେ ଭାରତ ସ୍ୱାଧୀନତାର ୧୦୦ ବର୍ଷ ପାଳନ କରିବା ବେଳକୁ ଏହା ଏକ ବିକାଶଶୀଳ ଦେଶ ନୁହେଁ ବରଂ ଏକ ବିକଶିତ ଦେଶ ହେବ। ସେ କହିଛନ୍ତି ଯେ, ଆଜି ଏହି ୨୫ ବର୍ଷର କାର୍ଯ୍ୟକାଳ ହେଉଛି ଭାରତର ଅମୃତ କାଳ। ଏହି ଅମୃତ କାଳରେ ଏହା ହେଉଛି ପ୍ରଥମ ଭ୍ରାଇବେଣ୍ଟ ଗୁଜୁରାଟ ସମ୍ମିଳନୀ। ତେଣୁ ଏହାର ଗୁରୁତ୍ୱ ଆହୁରି ବୃଦ୍ଧି ପାଇଛି। ଏହି ଶିଖର ସମ୍ମିଳନୀକୁ ଆସିଥିବା ୧୦୦ ରୁ ଅଧିକ ଦେଶର ପ୍ରତିନିଧୀମାନେ ଭାରତର ବିକାଶ ଯାତ୍ରାର ଗୁରୁତ୍ୱପୂର୍ଣ୍ଣ ସହଯୋଗୀ ଅଟନ୍ତି। ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ, କିଛି ସମୟ ପୂର୍ବରୁ ଭାରତ ବିଶ୍ୱର ପଞ୍ଚମ ବୃହତ୍ତମ ଅର୍ଥବ୍ୟବସ୍ଥା ଥିଲା, କିନ୍ତୁ ଆଗାମୀ ଦିନରେ ଭାରତ ବିଶ୍ୱର ତୃତୀୟ ବୃହତ୍ତମ ଅର୍ଥନୀତିରେ ପରିଣତ ହେବ। ଏବଂ ଏହା ହେଉଛି ମୋଦୀଙ୍କ ଗ୍ୟାରେଣ୍ଟି।

ଭାରତ ଏବଂ ୟୁଏଇ ମଧ୍ୟରେ ସମ୍ପର୍କ ମଜବୁତ ହେଉଛି:

ପ୍ରଧାନମନ୍ତ୍ରୀ ମୋଦୀ ଆହୁରି କହିଛନ୍ତି ଯେ, ବନ୍ଧୁଗଣ, ୟୁଏଇର ରାଷ୍ଟ୍ରପତି ବିନ୍ ଜଏଦ ଏହି କାର୍ଯ୍ୟକ୍ରମରେ ଯୋଗଦେବା ଆମ ପାଇଁ ଅତ୍ୟନ୍ତ ଖୁସିର ବିଷୟ। ଭାଇବ୍ରାଣ୍ଟ ଗୁଜୁରାଟର ଏହି ଶିଖର ସମ୍ମିଳନୀରେ ମୁଖ୍ୟ ଅତିଥି ଭାବରେ ତାଙ୍କର ଉପସ୍ଥିତି ଭାରତ ଏବଂ ୟୁଏଇ ମଧ୍ୟରେ ବଢୁଥିବା ଆନ୍ତରିକ ସମ୍ପର୍କର ପ୍ରତୀକ। ଭାରତ ଉପରେ ତାଙ୍କର ଆତ୍ମବିଶ୍ୱାସ ଏବଂ ତାଙ୍କର ସମର୍ଥନ ଅତ୍ୟନ୍ତ ଉଷ୍ମ ଅଟେ।

ସେ କହିଛନ୍ତି ଯେ, ଭାରତ ପାଇଁ ଗର୍ବର ବିଷୟ ଯେ ଆମର ଜି -୨୦ ଅଧ୍ୟକ୍ଷତାରେ ଆଫ୍ରିକୀୟ ୟୁନିଅନ୍ କୁ ସ୍ଥାୟୀ ସଦସ୍ୟତା ମିଳିଛି। ରାଷ୍ଟ୍ରପତି ୟୁସିଙ୍କ ଏହି ଗସ୍ତ ଭାରତ ଏବଂ ଆଫ୍ରିକା ମଧ୍ୟରେ ଘନିଷ୍ଠତାକୁ ଆହୁରି ବଢାଇ ଦେଇଛି। ଚେକ୍ ରିପବ୍ଲିକ୍ ଦୀର୍ଘ ଦିନ ଧରି ଭାଇବ୍ରେଣ୍ଟ ସମ୍ମିଳନୀ ସହିତ ଜଡିତ ଥିଲା। ଅଟୋମୋବାଇଲ, ଉତ୍ପାଦନ କ୍ଷେତ୍ର ଏବଂ ଅନ୍ୟାନ୍ୟ କ୍ଷେତ୍ରରେ ଭାରତ ଏବଂ ଚେକ ମଧ୍ୟରେ ସହଯୋଗ କ୍ରମାଗତ ଭାବେ ବୃଦ୍ଧି ପାଉଛି। ଆପଣଙ୍କର ଗସ୍ତ ଦୁଇ ଦେଶ ମଧ୍ୟରେ ସମ୍ପର୍କକୁ ଆହୁରି ମଜବୁତ କରିବ।