Categories
ଜାତୀୟ ଖବର ବିଶେଷ ଖବର ମନୋରଂଜନ ସିନେମା

ସୁପରଷ୍ଟାର ରଜନୀକାନ୍ତଙ୍କୁ ପ୍ରଦାନ କରାଗଲା 51 ତମ ଦାଦା ସାହେବ ଫାଲକେ ପୁରସ୍କାର

ନୂଆଦିଲ୍ଲୀ: ଆଜି ସୁପରଷ୍ଟାର ରଜନୀକାନ୍ତଙ୍କୁ 51 ତମ ଦାଦାସାହେବ ଫାଲକେ ପୁରସ୍କାର ପ୍ରଦାନ କରାଯାଇଛି। ନୂଆଦିଲ୍ଲୀର ବିଜ୍ଞାନ ଭବନରେ ଆୟୋଜିତ 67 ତମ ଜାତୀୟ ଚଳଚ୍ଚିତ୍ର ପୁରସ୍କାର ଉତ୍ସବରେ ଏହି ସମ୍ମାନ ପ୍ରଦାନ କରାଯାଇଥିଲା। ଉପରାଷ୍ଟ୍ରପତି ଏମ ଭେଙ୍କେୟାନାଇଡୁ ଭାରତୀୟ ଚଳଚିତ୍ରର ଏହି ସର୍ବୋଚ୍ଚ ସମ୍ମାନ ପ୍ରଦାନ କରିଥିଲେ। ପୁରସ୍କାର ପ୍ରଦାନ ସମୟରେ  ବିଜ୍ଞାନ ଭବନରେ ଉପସ୍ଥିତ ଥିବା ସମସ୍ତ ଦର୍ଶକ ଠିଆ ହୋଇ ସମ୍ମାନ ପ୍ରଦର୍ଶନ କରିଥିଲେ।

ଏହି ପୁରସ୍କାର ସହିତ ଉପରାଷ୍ଟ୍ରପତି ଭେଙ୍କୟା ନାଇଡୁ ‘ସ୍ୱର୍ଣ୍ଣ କମଲ ଏବଂ ରଜତ କମଳ ପୁରସ୍କାର ମଧ୍ୟ ପ୍ରଦାନ କରିଛନ୍ତି। ଆଜି ଯେଉଁମାନଙ୍କୁ ଚଳଚିତ୍ର କ୍ଷେତ୍ରରେ ଶ୍ରେଷ୍ଠା ଅବଦାନ ପାଇଁ ପୁରସ୍କୃତ କରାଯାଇଥିଲା ସେମାନେ ହେଲେ ମନୋଜ ବାଜପେୟୀ, କଙ୍ଗନା ରାନାୱତ ଏବଂ ଧନୁଷ।

ଚିଚୋର ଶ୍ରେଷ୍ଠ ହିନ୍ଦୀ ଚଳଚ୍ଚିତ୍ର ପୁରସ୍କାର ଲାଭ କରିଥିଲେ।  ସୁଶାନ୍ତ ସିଂ ରାଜପୁତଙ୍କ ଅଭିନିତ ଏହି ଫିଲ୍ମର ନିର୍ଦ୍ଦେଶକ ନୀତେଶ ତିୱାରୀଙ୍କୁ ସମ୍ମାନିତ କରାଯାଇଥିଲା। ମାର୍ଚ୍ଚ 2021 ରେ 67 ତମ ଜାତୀୟ ଚଳଚ୍ଚିତ୍ର ପୁରସ୍କାର ଘୋଷଣା କରାଯାଇଥିଲା। ଅଭିନେତ୍ରୀ କଙ୍ଗନା ନିଜ ମାତା ଏବଂ ପିତାଙ୍କ ସହ ପୁରସ୍କାର ଗ୍ରହଣ କରିବାକୁ ଆସିଥିଲେ।

Categories
ଆଜିର ଖବର ଜାତୀୟ ଖବର ମନୋରଂଜନ

ସୁପରଷ୍ଟାର ରଜନୀକାନ୍ତ ପାଇବେ ଦାଦାସାହେବ ଫାଲକେ ପୁରସ୍କାର: ଟ୍ୱିଟ୍ କରି ପ୍ରକାଶ କଲେ ପ୍ରତିକ୍ରିୟା

ଚେନ୍ନାଇ: ସାଉଥ ସୁପରଷ୍ଟାର ରଜନୀକାନ୍ତ ଆଜି ଚେନ୍ନାଇରେ ତାଙ୍କ ଘର ବାହାରେ ଗଣମାଧ୍ୟମକୁ ଭେଟିଛନ୍ତି। ସମ୍ମାନଜନକ ଦାଦାସାହେବ ଫାଲକେ ପୁରସ୍କାର ଜିତିବା ବିଷୟରେ ସେ ସାମ୍ବାଦିକମାନଙ୍କ ସହ କଥା ହୋଇଛନ୍ତି। ଏହି ବୈଠକରେ ସୁପରଷ୍ଟାର କହିଛନ୍ତି ଯେ, ସେ ଏହି ସମ୍ମାନଜନକ ପୁରସ୍କାର ପାଇବାକୁ କେବେ ଆଶା କରିନଥିଲେ। ଏହି ପୁରସ୍କାର ପ୍ରାପ୍ତ ହେବା ବେଳେ ତାଙ୍କ ଗୁରୁ କେବି (କେ ବାଲାଚାନ୍ଦ) ସାର୍ ବଞ୍ଚିନଥିବାରୁ ସେ ଦୁଃଖ ପ୍ରକାଶ କରିଛନ୍ତି।

ଏପ୍ରିଲ୍ ୨୦୨୧ ରେ କେନ୍ଦ୍ର ମନ୍ତ୍ରୀ ପ୍ରକାଶ ଜାଭଡେକର ଘୋଷଣା କରିଥିଲେ ଯେ, ଗତ ଚାରି ଦଶନ୍ଧି ଧରି ଭାରତୀୟ ସିନେମାରେ ଅବଦାନ ପାଇଁ ସୁପରଷ୍ଟାର ରଜନୀକାନ୍ତଙ୍କୁ ସମ୍ମାନଜନକ ଦାଦାସାହେବ ଫାଲକେ ପୁରସ୍କାରରେ ସମ୍ମାନିତ କରାଯାଇଛି। ତେବେ କୋଭିଡ -୧୯ ମହାମାରୀ ହେତୁ ପୁରସ୍କାର କାର୍ଯ୍ୟ ବିଳମ୍ବ ହୋଇଥିଲା। ଗଣମାଧ୍ୟମ ସହ କଥାବାର୍ତ୍ତା କରି ସେ କହିଛନ୍ତି, “ମୁଁ ଦାଦାସାହେବ ଫାଲକେ ପୁରସ୍କାର ପାଇଥିବାରୁ ମୁଁ ବହୁତ ଖୁସି ଅଟେ। ମୁଁ ଏହି ପୁରସ୍କାର ପାଇବି ବୋଲି ମୁଁ କେବେ ଆଶା କରି ନ ଥିଲି। ମୁଁ ଦୁଃଖିତ ଯେ, ଏହି ପୁରସ୍କାର ପାଇବା ସମୟରେ କେବି ସାର୍ (କେ ବାଲାଚାନ୍ଦର୍) ଜୀବିତ ନାହାନ୍ତି।” ଗଣମାଧ୍ୟମ ରିପୋର୍ଟ ଅନୁଯାୟୀ, ରଜନୀକାନ୍ତ ଆସନ୍ତାକାଲି ଦିଲ୍ଲୀରେ ଆୟୋଜିତ ହେବାକୁ ଥିବା ପୁରସ୍କାର କାର୍ଯ୍ୟକ୍ରମରେ ଯୋଗଦେବେ ଏବଂ ପୁରସ୍କାର ଗ୍ରହଣ କରିବେ।

ଭାରତର ଅନ୍ୟତମ ଲୋକପ୍ରିୟ ତାରକା ରଜନୀକାନ୍ତଙ୍କୁ ୨୦୦୦ ମସିହାରେ ପଦ୍ମ ଭୂଷଣ ଏବଂ ୨୦୧୬ ମସିହାରେ ଭାରତ ସରକାର ଦ୍ଵାରା ପଦ୍ମଭୂଷଣ ପ୍ରଦାନ କରାଯାଇଛି। ରଜନୀକାନ୍ତ ତାମିଲ ସିନେମାରେ ‘ଅପୂର୍ବ ରାଙ୍ଗଗଲ’ ରେ ଡେବ୍ୟୁ କରିଥିଲେ। ତାଙ୍କର ଅନେକ ହିଟ୍ ମଧ୍ୟରେ ‘ବାଶା’, ‘ଶିବାଜୀ’ ଏବଂ ‘ଏନ୍ଥିରନ୍’ ଭଳି ଚଳଚ୍ଚିତ୍ର ରହିଛି। ସେ ତାଙ୍କ ପ୍ରଶଂସକଙ୍କ ମଧ୍ୟରେ ଥଲାଇଭର୍ (ନେତା) ଭାବରେ ଜଣାଶୁଣା।

Categories
ଆଜିର ଖବର ଜାତୀୟ ଖବର ମନୋରଂଜନ

ତାମିଲ ସୁପରଷ୍ଟାର ରଜନୀକାନ୍ତଙ୍କୁ ମିଳିବ ଚଳିତ ବର୍ଷର ଦାଦା ସାହେବ ଫାଲକେ ଆୱାର୍ଡ

ନୂଆଦିଲ୍ଲୀ: ରଜନୀକାନ୍ତଙ୍କୁ ଚଳିତ ବର୍ଷର ଦାଦା ସାହେବ ଫାଲକେ ଆୱାର୍ଡ ମିଳିବ। ଚଳଚ୍ଚିତ୍ର ଜଗତକୁ ଜୀବନବ୍ୟାପୀ ଅବଦାନ ପାଇଁ ରାଜନୀକାନ୍ତଙ୍କୁ ଏହି ସମ୍ମାନ ମିଳିବ। ଏନେଇ କେନ୍ଦ୍ରମନ୍ତ୍ରୀ ପ୍ରକାଶ ଜାଭେଡକର ସାମ୍ବାଦିକ ସମ୍ମିଳନୀରେ ଘୋଷଣା କରିଛନ୍ତି।

ତାମିଲ ସୁପରଷ୍ଟାର ଦୀର୍ଘ ୫୦ ବର୍ଷ ଧରି ଚଳଚ୍ଚିତ୍ର ଜଗତରେ ନିଜର ଅବଦାନ ଦେଇଛନ୍ତି। ରଜନୀକାନ୍ତ ତାମିଲ, ତେଲୁଗୁ, ମାଲାୟଲମ, କନ୍ନଡ ଏବଂ ହିନ୍ଦୀ ଚଳଚ୍ଚିତ୍ରରେ ଅଭିନୟ କରି ବେଶ ପ୍ରସିଦ୍ଧ ଲାଭ କରିଛନ୍ତି। କେବଳ ଭାରତରେ ନୁହେଁ ବିଦେଶରେ ମଧ୍ୟ ସେ ଜଣେ ଆକ୍ସନ ହିରୋ ଭାବେ ପରିଚିତ।

Categories
ଆଜିର ଖବର ଜାତୀୟ ଖବର ମନୋରଂଜନ ସିନେମା

ହସ୍ପିଟାଲରେ ଭର୍ତ୍ତି ହେଲେ ରଜନୀକାନ୍ତ

ହାଇଦ୍ରାବାଦ: ସୁପରଷ୍ଟାର ରଜନୀକାନ୍ତ ହସ୍ପିଟାଲରେ ଭର୍ତ୍ତି ହୋଇଛନ୍ତି । ରକ୍ତଚାପରେ ଅନିୟମିତତା ଯୋଗୁଁ ସେ ହାଇଦ୍ରାବାଦର ଆପୋଲୋ ହସ୍ପିଟାଲରେ ଭର୍ତ୍ତି ହୋଇଥିବା ବିଶ୍ୱସ୍ତ ସୁତ୍ରରୁ ଜଣାପଡିଛି ।

ନିକଟରେ ଫିଲ୍ମ ‘ଅନ୍ନାଥେ’ର 8 କ୍ର୍ୟୁ ମେମ୍ବର କରୋନାରେ ସଂକ୍ରମିତ ହେବା ପରେ ରଜନୀକାନ୍ତ ଶୁଟିଂକୁ ଅଧାରୁ ବନ୍ଦ କରିବା ସହ ନିଜକୁ କ୍ବାରେଣ୍ଟାଇନ୍‌ କରିଥିଲେ । ତେବେ ଡିସେମ୍ବର 22 ତାରିଖରେ ରଜନୀକାନ୍ତଙ୍କ ରିପୋର୍ଟ ନେଗେଟିଭ୍‌ ଆସିଥିଲା । କିନ୍ତୁ ରକ୍ତଚାପ ଅନିୟମିତା ଯୋଗୁଁ ସେ ହସ୍ପିଟାଲରେ ଭର୍ତ୍ତି ହୋଇଛନ୍ତି ।ତେବେ ତାଙ୍କ ନିକଟରେ ଅନ୍ୟ କୌଣସି ଲକ୍ଷଣ ନାହି । ଏବେ ତାଙ୍କ ଅବସ୍ଥା ସ୍ଥିର ରହିଛି ବୋଲି ଜଣାପଡିଛି ।

କରୋନା କାରଣରୁ ଏହିଫିଲ୍ମଟିର ଶୁଟିଂ ପ୍ରାୟ 9 ମାସ ହେବ ବନ୍ଦ ରହିଥିଲା । ଏହି ଫିଲ୍ମରେ କୀର୍ତ୍ତି ସୁରେଶ ଓ ନୟନତାରା ମହତ୍ତ୍ବପୂର୍ଣ୍ଣ ଭୂମିକାରେ ନଜର ଆସୁଛନ୍ତି ।ଏହିଫିଲ୍ମଟିର ନିର୍ଦ୍ଦେଶନା ଭାର ସମ୍ଭାଳିଛନ୍ତି ସିରୁଥାଇ ସିବା ।

Categories
ଆଜିର ଖବର ଜାତୀୟ ଖବର ମନୋରଂଜନ ସିନେମା

ସତୁରୀ ବର୍ଷ ବୟସରେ ମେଗାଷ୍ଟାର୍‌ ରଜନୀକାନ୍ତ

ମୁମ୍ବାଇ : ମେଗାଷ୍ଟାର୍‌ ରଜନୀକାନ୍ତ ଆଜି 70 ବର୍ଷ ବୟସରେ ପାଦ ଦେଇଛନ୍ତି । 1950 ଡିସେମ୍ବର 12 ତାରିଖରେ ବେଙ୍ଗାଲୁରୁଠାରେ ଜନ୍ମଗ୍ରହଣ କରିଥିଲେ ରଜନୀକାନ୍ତ। ରଜନୀକାନ୍ତଙ୍କର ପ୍ରକୃତ ନାମ ହେଉଛି ଶିବାଜୀ ରାଓ ଗାଏକ୍ବାଡ। ପ୍ରାରମ୍ଭିକ ଜୀବନରେ ସହକଳାକାର ରୂପେ ଅଭିନୟ ଆରମ୍ଭ କରିଥିବା ରଜନୀକାନ୍ତ ଦକ୍ଷିଣ ଭାରତୀୟ ଫିଲ୍ମର ଜଣେ ଲିଜେଣ୍ଡାରୀ ଆକ୍ଟରର ମାନ୍ୟତା ପାଇଛନ୍ତି । କେବଳ ତାମିଲ୍‌ ସିନେମାର ମହାନାୟକ ଭାବରେ ନୁହଁନ୍ତି ବରଂ  ଭାରତର ଲୋକପ୍ରିୟ ସଂସ୍କୃତିର ଏକ ପ୍ରତିମାନ ରୁପେ ବେଶ୍‌ ପରିଚିତ ରଜୀନକାନ୍ତ। ଏକ ଭିନ୍ନ ଶୈଳୀର ଅଭିନୟ ତଥା ସଂଳାପ କହିବା, ତାଙ୍କ ଲୋକପ୍ରିୟତାଙ୍କର ପ୍ରମୁଖ କାରଣ ଅଟେ। ତାମିଲନାଡୁ ରାଜନୀତିରେ ତାଙ୍କର ସକ୍ରିୟତା, ତାଙ୍କୁ ଚଳଚ୍ଚିତ୍ର ଜଗତର ଜଣେ ପ୍ରଭାବଶାଳୀ ଅଭିନେତା ଭାବେ ପରିଚିତ କରେଇ ପାରିଥିଲା ।

ସତୁରୀବର୍ଷ ବୟସରେ ମଧ୍ୟ ସେ ଫିଲ୍ମରେ ସକ୍ରିୟ ଅଛନ୍ତି ଏବଂ ବ୍ଲକବଷ୍ଟର ଫିଲ୍ମ ଦେଉଛନ୍ତି। ତାଙ୍କର କିଛି ସୁପରହିଟ୍ ଫିଲ୍ମ ମଧ୍ୟରେ କଓ୍ବାଲି,ଲିଙ୍ଗା,୨.୦, ପେଟା ଏବଂ ଦରବାର ଭଳି ରହିଛି। ତାଙ୍କୁ ଭାରତ ସରକାରଙ୍କ ଦ୍ବାରା ପଦ୍ମ ଭୂଷଣ ଏବଂ ପଦ୍ମ ବିଭୂଷଣ ଭଳି ସମ୍ମାନରେ ସମ୍ମାନିତ କରାଯାଇସାରିଛି।

ଜାକି ଚାନ୍‌ଙ୍କ ପରେ ଏସିଆର ସବୁଠାରୁ ଅଧିକ ଦାମୀ ଅଭିନେତା ହେଉଛନ୍ତି ରଜନୀକାନ୍ତ । ତାମିଲ୍‌ ଚଳଚ୍ଚିତ୍ର ‘ଶିବାଜୀ’ ପାଇଁ ସେ 26 କୋଟିର ପାରିଶ୍ରମିକ ନେଇଥିଲେ। କେବଳ ଦକ୍ଷିଣ ଭାରତୀୟ ଭାଷାରେ ନୁହେଁ ହିନ୍ଦୀ ସିନେମାରେ ମଧ୍ୟ ବେଶ୍‌ ଦକ୍ଷତା ପ୍ରତିପାଦିତ କରିଛନ୍ତି ରଜନୀକାନ୍ତ। ଅନେକ ଦଶନ୍ଧି ଧରି ଭାରତୀୟ ଚଳଚ୍ଚିତ୍ର ପ୍ରତି ରଜନୀକାନ୍ତଙ୍କର ଅତୁଳନୀୟ ଅବଦାନ ପାଇଁ ପଦ୍ମଭୂଷଣ ଓ ପଦ୍ମବିଭୂଷଣ ସମ୍ମାନରେ ମଧ୍ୟ ସମ୍ମାନିତ ହୋଇଛନ୍ତି ଏହି ଅଭିନେତା ଜଣକ।

ଫିଲ୍ମ ଇଣ୍ଡଷ୍ଟ୍ରିର ମହାନ୍‌ ତାରକା ଜଣକ ଏବେ ରାଜନୀତିକୁ ପାଦ ବଢାଉଛନ୍ତି । ଆସନ୍ତା ଡିସେମ୍ବର 31 ତାରିଖରେ ସେ ତାଙ୍କର ରାଜନୈତିକ ଇନ୍ନିଂସ ଆରମ୍ଭ କରିବେ ବୋଲି ଘୋଷଣା କରିଛନ୍ତି । ଚଳିତବର୍ଷ ଡିସେମ୍ବର 31 ତାରିଖରେ ରଜନୀକାନ୍ତ ନିଜ ରାଜନୈତିକ ଦଳର ଘୋଷଣା କରିବେ ଓ ଆସନ୍ତା ବର୍ଷ ଜାନୁଆରୀରେ ଏହାକୁ ଲଞ୍ଚ କରିବେ ବୋଲି ରଜନୀକାନ୍ତ ନିଜେ ଟ୍ୱିଟ୍ କରି ସୂଚନା ଦେଇଛନ୍ତି ରଜନୀକାନ୍ତ ।

ତେବେ ଭାରତୀୟ ସିନେମାର ମେଗାଷ୍ଟାର୍‌ଙ୍କ ଜନ୍ମ ଦିବସ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କୁ ଶୁଭକାମନା ଜଣାଇଛନ୍ତି । ନିଜର ନିଆରା ଷ୍ଟାଇଲ୍‌ ଓ ଅଭିନୟରେ ଦର୍ଶକଙ୍କ ସ୍ଥାନରେ ଏକ ସ୍ବତନ୍ତ୍ର ସ୍ଥାନ ସୃଷ୍ଟି କରିଛନ୍ତି ରଜନୀକାନ୍ତ । ପ୍ରାୟ ସବୁ ଜେନେରସେନ୍‌ଙ୍କ ପାଇଁ ସେ ରୋଲ୍‌ ମଡେଲ୍‌ ପାଲଟିଛି । ସତୁରୀ ତମ ଜନ୍ମଦିବସ ଅବସରରେ ରଜନୀକାନ୍ତଙ୍କୁ ଆମ ପରିବାର ତରଫରୁ ମଧ୍ୟ ଅନେକ ଅନେକ ଶୁଭେଚ୍ଛା ଓ ଶୁଭକାମନା । (ଏଜେନ୍ସି)

Categories
ଜାତୀୟ ଖବର ବିଶେଷ ଖବର

ତାମିଲନାଡୁରେ ଅମିତ ଶାହା, ଅଭିନେତା ରଜନୀକାନ୍ତଙ୍କୁ ରାଜନୀତିକୁ ଆଣିବା ନେଇ ଚାଲିଛି ଚର୍ଚ୍ଚା

ଚେନ୍ନାଇ, ଆସନ୍ତା ବର୍ଷ ତାମିଲନାଡୁରେ ବିଧାନସଭା ନିର୍ବାଚନ ହେବ। ଗୃହମନ୍ତ୍ରୀ ଅମିତ ଶାହା ଶନିବାର ଚେନ୍ନାଇରେ ଅଛନ୍ତି। କେବଳ ଏତିକି ନୁହେଁ, ସେମାନେ ଆଗାମୀ ନିର୍ବାଚନ ପାଇଁ ଶାସକ AIADMK ସହିତ ମିଳିତ ଭାବେ ନିର୍ବାଚନ ଲଢିବା ପାଇଁ  ମଧ୍ୟ ନିଶ୍ଚିତ କରିଛନ୍ତି। ଏଥିରୁ ସ୍ପଷ୍ଟ ହୋଇଛି ଯେ ଏଥର ତାମିଲନାଡୁରେ ବିଜେପିର ରଣନୀତି ଆକ୍ରମଣାତ୍ମକ ହେବାକୁ ଯାଉଛି।

ଜାଣିବାକୁ ମିଳିଛି ଯେ ଶନିବାର ରାତିରେ ଗୃହମନ୍ତ୍ରୀ ଶାହ ରାଷ୍ଟ୍ରୀୟ ସ୍ବୟଂ ସେବକ ସଂଗଠନ (ଆରଏସଏସ) ଚିନ୍ତକ ଏସ ଗୁରୁମୂର୍ତ୍ତିଙ୍କୁ ଭେଟିଛନ୍ତି। ଏହି ବୈଠକ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ବିବେଚନା କରାଯାଏ, କାରଣ ଗୁରୁମୂର୍ତ୍ତି ନିକଟରେ ଫିଲ୍ମ ସୁପରଷ୍ଟାର ରଜନୀକାନ୍ତଙ୍କୁ ଭେଟିଥିଲେ। ସୂଚନାନୁସାରେ, ଅମିତ ଶାହା ଏବଂ ଆରଏସଏସ ନେତାଙ୍କ ମଧ୍ୟରେ ହୋଇଥିବା ବୈଠକରେ ରଜନୀକାନ୍ତଙ୍କ ରାଜନୈତିକ ପ୍ରସଙ୍ଗ ଉପରେ ମଧ୍ୟ ଆଲୋଚନା ହୋଇଛି।

ଅମିତ ଶାହା ଚଳଚ୍ଚିତ୍ର ଅଭିନେତା ରଜନୀକାନ୍ତଙ୍କୁ ଭେଟିବେ କି ନାହିଁ ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ। ରଜନୀକାନ୍ତ 2017 ରେ ଡିସେମ୍ବର 31 ରେ ରାଜନୀତିକୁ ଆସିବା ବିଷୟରେ କହିଥିଲେ। ସେତେବେଳେ ରଜନୀକାନ୍ତ କହିଥିଲେ ଯେ ସଠିକ୍ ସମୟ ଆସିଲେ ସେ ରାଜନୀତିରେ ପ୍ରବେଶ କରିବେ। ଅପରପକ୍ଷେ, ଚଳିତ ବର୍ଷ ମାର୍ଚ୍ଚ ମାସରେ ରଜନୀକାନ୍ତ ଏକ ସାମ୍ବାଦିକ ସମ୍ମିଳନୀ ଡାକି କହିଥିଲେ ଯେ ସେ କେବେ ହେଲେ ମୁଖ୍ୟମନ୍ତ୍ରୀ ହେବାକୁ ଚାହାଁନ୍ତି ନାହିଁ। ଏଭଳି ପରିସ୍ଥିତିରେ ଅମିତ ଶାହା ଏବଂ ଏସ୍ ଗୁରୁମୂର୍ତ୍ତିଙ୍କ ସାକ୍ଷାତ ପରେ ରାଜନୀତିରେ ରଜନୀକାନ୍ତଙ୍କ ଏଣ୍ଟ୍ରି ବିଷୟରେ ଆଲୋଚନା ହେଉଛି।