Categories
ଆଜିର ଖବର ଜାତୀୟ ଖବର ରାଜ୍ୟ ଖବର

ଧର୍ମେନ୍ଦ୍ର ସାହୁ ମୃତ୍ୟୁ ଏବଂ ଅର୍ଚ୍ଚାନା ନାଗଙ୍କ ବ୍ଲାକମେଲିଂ ବିରୋଧରେ ବିଜେପିର ସତ୍ୟାଗ୍ରହ

ଭୁବନେଶ୍ୱର: ଧର୍ମେନ୍ଦ୍ର ସାହୁ ମୃତ୍ୟୁର ଅଭିଯୁକ୍ତ ମନ୍ତ୍ରୀ ସମୀର ଦାଶ ଓ ଅର୍ଚ୍ଚନା ନାଗ ସ୍କାଣ୍ଡାଲରେ ସଂପୃକ୍ତ ଦୋଷୀଙ୍କ ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ଦାବି କରି ଆଜି ପୋଲିସ କମିଶନରେଟ କାର୍ଯ୍ୟାଳୟ ସମ୍ମୁଖରେ ସତ୍ୟାଗ୍ରହ ଆରମ୍ଭ କରିଛି। ଏଥିରେ ରାଜ୍ୟ ସାଧାରଣ ସଂପାଦକ ପୃଥୀରାଜ ହରିଚନ୍ଦନ ଯୋଗ ଦେଇ ରାଜ୍ୟ ସରକାରଙ୍କୁ ତୀବ୍ର ସମାଲୋଚନା କରିଥିଲେ।

ଏହି ସତ୍ୟାଗ୍ରହ କାର୍ଯ୍ୟକ୍ରମରେ ରାଜ୍ୟ ଉପସଭାପତି ପ୍ରଭାତୀ ପରିଡା, ରାଜ୍ୟ ମୁଖପାତ୍ର ଦିଲୀପ ମହାନ୍ତି, ଭୁବନେଶ୍ୱର ଜିଲ୍ଲା ସଭାପତି ବାବୁ ସିଂ, ପୁରୀ ଜିଲ୍ଲା ସଭାପତି ଆଶ୍ରୀତ ପଟ୍ଟନାୟକ, ରାଜ୍ୟ କାର୍ଯ୍ୟକାରିଣୀ ସଦସ୍ୟ ପ୍ରଭଞ୍ଜନ ମହାପାତ୍ର ପ୍ରମୁଖଙ୍କ ସମେତ ବହୁ କାର୍ଯ୍ୟକର୍ତା ସାମିଲ ହୋଇଥିଲେ ।

ଆସନ୍ତା ୪୮ ଘଂଟା ମଧ୍ୟରେ ଅର୍ଚ୍ଚନା ସ୍କାଣ୍ଡାଲରେ ସଂପୃକ୍ତ ଦୋଷୀଙ୍କ ତାଲିକା ଏବଂ ଅଭିଯୁକ୍ତ ମନ୍ତ୍ରୀ ଶ୍ରୀ ଦାଶଙ୍କୁ ତଦନ୍ତ ପରିସରଭୁକ୍ତ କରାଯାଇ ଜେରା କରାନଗଲେ ଆନ୍ଦୋଳନକୁ ଆହୁରି ବ୍ୟାପକ କରାଯିବ ବୋଲି ଶ୍ରୀ ହରିଚନ୍ଦନ କହିଛନ୍ତି ।

Categories
ଜାତୀୟ ଖବର ବିଶେଷ ଖବର ରାଜ୍ୟ ଖବର

ହେ ବିଜେପିର ନୂଆ ପ୍ରଭାରୀ, ପ୍ରଥମେ ଘର ସଜାଡନ୍ତୁ, ପରେ କରିବେ ଭୋଟ ଚିନ୍ତା

ଭୁବନେଶ୍ବର: ଦୁଇ ଦିନିଆ ଓଡିଶା ଗସ୍ତରେ ଆସିଛନ୍ତି ବିଜେପି ପ୍ରଭାରୀ ସୁନୀଲ ବଂଶଲ। ସେ ଓଡିଶା ଦଳର ଓଡିଶା ପ୍ରଭାରୀ ଭାବେ ନିଯୁକ୍ତ ହେବା ପରେ ଏହା ତାଙ୍କର ପ୍ରଥମ ଗସ୍ତ। ତାଙ୍କର ଗସ୍ତକୁ  ନେଇ ରାଜ୍ୟ ବିଜେପି ବେଶ ଉତ୍ସାହିତ। କାରଣ ସେମାନେ ଆଶା ବାନ୍ଧିଛନ୍ତି ଯେ, ସୁନୀଲଙ୍କ ମ୍ୟାଜିକରେ ବିଜେପି ଓଡିଶାରେ ଶାସନ କରିବ। ମିଶନ ୧୨୦ଏଥର ସଫଳ ହେବ।

ଏହା ଭାବିବା ବିଜେପି ନେତାଙ୍କ ପକ୍ଷରେ କିଛି ଅସୁବିଧା ନାହିଁ। ହେଲେ ଏହା ପଛରେ ଗୋଟିଏ ବଡ କାରଣ ରହିଛି। ତାହା ହେଲା ସୁନୀଲ ବଂଶଲ ପୂର୍ବରୁ ଉତ୍ତର ପ୍ରଦେଶ ଦାୟିତ୍ବରେ ଥିଲେ। ସେଠାରେ ବିଜେପିକୁ ସୁଦୃଢ କରିବାରେ ବେଶ ସଫଳତା ହାସଲ କରିଥିଲେ। ସେଥିପାଇଁ ଓଡିଶା ନେତା ବେଶ ଗଦଗଦ ଅବସ୍ଥାରେ ଅଛନ୍ତି।

ଅନ୍ୟପକ୍ଷରେ କେନ୍ଦ୍ରୀୟ ବିଜେପି ସୁନୀଲଙ୍କର ଏପରି ସଫଳତାକୁ ଦୃଷ୍ଟିରେ ରଖି ତିନୋଟି ଅଣ ବିଜେପି ରାଜ୍ୟର ଦାୟିତ୍ବ ମଧ୍ୟ ଦେଇଛନ୍ତି। ଓଡିଶା ସହିତ ସେ ପଶ୍ଚିମ ବଂଗ ଏବଂ ତେଲଙ୍ଗାନା ଦାୟିତ୍ବରେ ମଧ୍ୟ ଅଛନ୍ତି। ହେଲେ ଏହି ତିନି ରାଜ୍ୟରେ ବିଜେପି ତୀବ୍ର ପ୍ରତିଦ୍ବନ୍ଦିତାର ସମ୍ମୁଖୀନ ହେଉଛି। ଏହି ତିନି ରାଜ୍ୟରେ ମୋଦୀ ଫାକ୍ଟର କାମ କରୁ ନାହିଁ। ତେଣୁ ସୁନୀଲଙ୍କ ମ୍ୟାଜିକ କିପରି କାମ କରିବା ତାହାକୁ ନେଇ ପ୍ରଶ୍ନବାଚୀ ସୃଷ୍ଟି ହେଇଛି।

ବର୍ତ୍ତମାନ ଓଡିଶା ବିଜେପି ଏକ ପ୍ରକାରର ତିନି ଭାଗରେ ବିଭକ୍ତ ହୋଇଯାଇଛି। ଗୋଟିଏ ଭାଗ ଧର୍ମେନ୍ଦ୍ରଙ୍କର, ଆଉ ଗୋଟେ ଭାଗ ଅପରାଜିତା ଷଡଙ୍ଗୀଙ୍କର, ଆଉ ଏକ ଚୁପଚାପ ଭାଗ ଅଛି। ଏହି ଶେଷ ଭାଗଟି ସେମାନେ ନା ଧର୍ମେନ୍ଦ୍ରଙ୍କର ନା ଅପରାଜିତାଙ୍କର ହେଉଛନ୍ତି। ପୂର୍ବରୁ ରାଜ୍ୟ ବିଜେପରି ହର୍ତ୍ତାକର୍ତ୍ତା ଧର୍ମେନ୍ଦ୍ର। ତାଙ୍କ ନେତୃତ୍ବରେ ଓଡିଶାର ବିଜେପି ଶାସନ କରିବ ବୋଲି କେନ୍ଦ୍ରୀୟ ଦଳ ଆଶା ରଖିଥିଲା। ସେଥିପାଇଁ ତାଙ୍କୁ ବେଶ ଶକ୍ତିଶାଳି କରିଦିଆଗଲା। ହେଲେ ମଧ୍ୟ ଧର୍ମେନ୍ଦ୍ର ଜଣେ ଜନାଦୃତ ନେତା ହୋଇପାରିଲେ ନାହିଁ।

ସେହିପରି ଏବେ ଅପରାଜିତା ଗୋଟି ଚାଳନା ଆରମ୍ଭ କରିଛନ୍ତି। ହେଲେ ତାଙ୍କର ପ୍ରଶାସନିକ ଢାଞ୍ଚାର ରାଜନୀତି ମଧ୍ୟ ଓଡିଶା ଲୋକଙ୍କୁ ଆକୃଷ୍ଟ କରିପାରୁ ନାହିଁ। ଏହି ଦୁଇ ନେତାଙ୍କ ମୁଣ୍ଡରେ ବିଜେପି ୨୦୨୪ ନିର୍ବାଚନ କିପରି ପାର ହେବ ତାହା ସନ୍ଦେହ ଜନକ। ଅନ୍ୟପକ୍ଷରେ ଏହି ଦୁଇଜଣଙ୍କ ମଧ୍ୟରେ ଯେପରି ଅଦୃଶ୍ୟ ପ୍ରତିଦ୍ବନ୍ଦିତା ଚାଲିଛି ତାହା ପଦାକୁ ବାହାରି ଆସିସାରିଲାଣି। ଯାହା ବିଜେପିକୁ ପୁଣି ପଛକୁ ଫେରିବାକୁ ପଡୁଛି।

ଏପରି କ୍ଷେତ୍ରରେ ସୁନୀଲ ବଂଶଲ କିପରି ଓଡିଶାରେ ମିଶନ ୧୨୦ କୁ ସଫଳ କରିବେ ତାହାକୁ ନେଇ ସନ୍ଦେହ ସୃଷ୍ଟି ହୋଇଛି। ତେବେ ତା ପୂର୍ବରୁ ଦଳକୁ ଗୋଟିଏ କରିବା ବଂଶଲଙ୍କ ପ୍ରଥମ କାମ ହେବା ଦରକାର। ୨୦୨୪ ପାଇଁ ଜଣେ ଜନାଦୃତ ନେତାକୁ ଆଗକୁ ଆଣିବାର ଆବଶ୍ୟକତା ରହିଛି। ଯାହାକୁ ଓଡିଶାର ଲୋକେ ପସନ୍ଦ କରିବେ। ଏହି କାର୍ଯ୍ୟ ନ କରିବା ପର୍ଯ୍ୟନ୍ତ ସେ ଯେତେ ନେତା ବିଧାୟକଙ୍କୁ ଗୁରୁମନ୍ତ୍ର ଦେଲେ ମଧ୍ୟ ତାହା କାଟୁ କରିବ ନାହିଁ।

Categories
ଜାତୀୟ ଖବର ବିଶେଷ ଖବର ରାଜ୍ୟ ଖବର

ଚଳିତ ବନ୍ୟାକୁ ନେଇ ରାଜ୍ୟ ସରକାରଙ୍କୁ ଟାର୍ଗେଟ କଲା ବିଜେପି, କହିଲା ଏପରି କଥା

ଭୁବନେଶ୍ବର: ଚଳିତ ବର୍ଷ ବନ୍ୟା ସଂପୂର୍ଣ୍ଣ ଭାବେ ମନୁଷ୍ୟକୃତ ଏବଂ ରାଜ୍ୟ ସରକାର ଚାହିଁଥିଲେ ଏହାକୁ ରୋକି ପାରିଥାନ୍ତେ। ହୀରାକୁଦ ବନ୍ଧର ଉପର ଓ ତଳ ଅଂଚଳରେ ଜଳ ପରିଚାଳନାରେ ବିଫଳତା କାରଣରୁ ଚଳିତ ବନ୍ୟା ଭୟଙ୍କର ହୋଇ ପଡିଥିଲା। ସେହିପରି ବନ୍ୟା ପରବର୍ତୀ ସ୍ଥିତିର ପରିଚାଳନା ପାଇଁ ମଧ୍ୟ ରାଜ୍ୟ ସରକାର ବିଫଳ।

ସାଧାରଣ ମଣିଷପଣିଆ ଭୁଲିଯାଇଥିବା ମୁଖ୍ୟମନ୍ତ୍ରୀ ସାଧାରଣ ଲୋକଙ୍କ ଜୀବନ ସହିତ ଖେଳିଛନ୍ତି। ବନ୍ୟା ପୀଡିତଙ୍କ ପାଖରେ ନାଁ ପ୍ରଶାସନ ଓ ମନ୍ତ୍ରୀ, ନେତା ଓ ରାଜ୍ୟ ସରକାର ମଧ୍ୟ ପଂହଚି ନାହାନ୍ତି। ବିପର୍ଯ୍ୟୟ ପରେ ବିପର୍ଯ୍ୟୟ ଡାକିଆଣିବାର ବ୍ୟବସ୍ଥା ରାଜ୍ୟ ସରକାର କରିଛନ୍ତି। କୃଷିମନ୍ତ୍ରୀ କହିଲେ ୭ ଦିନରେ ରିପୋର୍ଟ ଆସିବ ଏବଂ ମୁଖ୍ୟମନ୍ତ୍ରୀ କହିଲେ ୧୫ ଦିନରେ କ୍ଷତିପୂରଣ ପ୍ରଦାନ କରାଯିବ। କିନ୍ତୁ ବର୍ତମାନ ସୁଦ୍ଧା ପ୍ରକୃତ କ୍ଷୟକ୍ଷତି ଆକଳନ କରିବାକୁ ପ୍ରଶାସନ ପହଂଚିବାରେ ବିଫଳ ହୋଇଛି ବୋଲି ଅଭିଯୋଗ କରାଯାଇଛି।

ଘୋଷଣା ସର୍ବସ୍ୱ ରାଜ୍ୟ ସରକାର ଅତୀତରେ ଘଟିଯାଇଥିବା ଫନୀ, ହୁଡ୍ ହୁଡ୍‌, ୟଶ ବାତ୍ୟା ସହାୟତା ଅର୍ଥକୁ ରାଜ୍ୟ ସରକାର କାହିଁକି ଦେଇନାହାନ୍ତି ? ସାଧାରଣ ଲୋକଙ୍କ ଜୀବନ ନେବାର ଅଧିକାର ରାଜ୍ୟ ସରକାରଙ୍କୁ କିଏ ଦେଲା? କେନ୍ଦ୍ର ଆବାସ ଯୋଜନାକୁ କାହିଁକି ରାଜ୍ୟ ସରକାର ବାଟମାଣା କରୁଛନ୍ତି ? କାହିଁକି ବନ୍ୟା ପୀଡିତଙ୍କ ପ୍ରତି ରାଜ୍ୟ ସରକାର କଞ୍ଜୁସି କରୁଛନ୍ତି ? ଏହା ଦ୍ୱାରା ରାଜ୍ୟ ସରକାର ସାମାଜିକ ଅପରାଧ କରିଛନ୍ତି ବୋଲି କହିବା ସହିତ ରାଜ୍ୟ ସରକାର ଯଥାଶୀଘ୍ର କ୍ଷତିଗ୍ରସ୍ତ ଚାଷୀଙ୍କୁ କ୍ଷତିପୂରଣ ଓ ଋଣ ଦେବାକୁ ପୂର୍ବତନ ମନ୍ତ୍ରୀ ତଥା ବରିଷ୍ଠ ନେତା ଶ୍ରୀ ମନମୋହନ ସାମଲ ଦାବି କରିଛନ୍ତି।

ପ୍ରତ୍ୟେକ ବର୍ଷ ବନ୍ଦ ମରାମତି ଲାଗି ରାଜ୍ୟ ସରକାର ମିଛ ବିଲ୍ ପ୍ରସ୍ତୁତ କରି ଖର୍ଚ୍ଚ ଦେଖାଉଛନ୍ତି। କୌଣସି ନଦୀବନ୍ଦ କି ପୋଲର ମରାମତି ପାଇଁ କୌଣସି ଜାଗାରେ ମୁଠାଏ ମାଟି ରାଜ୍ୟ ସରକାର ପକାଇ ନଥିବାର ଗ୍ରାଉଣ୍ଡ ଜିରୋ ଅନୁଧ୍ୟାନ ସମୟରେ ସ୍ପଷ୍ଟ ଜଣାପଡିଥିଲା। ରାଜ୍ୟ ସରକାରଙ୍କ ବନ୍ୟା ନିୟନ୍ତ୍ରଣ ଲାଗି ଯୋଜନା ପ୍ରସ୍ତୁତ କରିନାହାନ୍ତି। ନଦୀ ସଂଯୋଗୀକରଣକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କାହିଁକି ବିରୋଧ କରୁଛନ୍ତି ? ଓଡ଼ିଶାରେ କାହିଁକି ରାଜ୍ୟ ସରକାର ବ୍ୟାରେଜ ନିର୍ମାଣ କରୁନାହାନ୍ତି ଏହାର ଜବାବ ରଖିବାକୁ ଶ୍ରୀ ସାମଲ ଦାବୀ କରିଛନ୍ତି।

ଚଳିତ ବନ୍ୟା ରାଜ୍ୟ ସରକାରଙ୍କ ଅପାରଗତା, ଦାୟୀତ୍ୱହୀନତା, ସମ୍ବେଦନହୀନତା ଆଦିକୁ ପଦାରେ ପକାଇଛି ଏବଂ ଚାର୍ଜସିଟ୍‌କୁ ନେଇ ଲୋକଙ୍କ ପାଖକୁ ବିଜେପି ଯିବ ବୋଲି ରାଜ୍ୟ ସଭାପତି ଶ୍ରୀ ମହାନ୍ତି କହିଛନ୍ତି। ଏହି ଅବସରରେ ରାଜ୍ୟ ମୁଖପାତ୍ର ଓ ପୂର୍ବତମ ବିଧାୟକ ଶ୍ରୀ ରମାରଞ୍ଜନ ବଳିୟାରସିଂହ, ଓବିସି ମୋର୍ଚ୍ଚା ରାଜ୍ୟ ସଭାପତି ଶ୍ରୀ ସୁରଥ ବିଶ୍ୱାଳ ଏବଂ ଗଣମାଧ୍ୟମ ମୁଖ୍ୟ ଶ୍ରୀ ଦିଲୀପ ମଲ୍ଲିକ ପ୍ରମୁଖ ଉପସ୍ଥିତ ଥିଲେ।

Categories
ଆଜିର ଖବର ଜାତୀୟ ଖବର ରାଜ୍ୟ ଖବର

ରାଜ୍ୟ ବିଜେପି ସଂଖ୍ୟାଲଘୁ ମୋର୍ଚ୍ଚା ଜିଲ୍ଲା ପ୍ରଭାରୀ ତାଲିକା ଘୋଷଣା

ଭୁବନେଶ୍ୱର : ଭାରତୀୟ ଜନତା ପାର୍ଟି ରାଜ୍ୟ ସଭାପତି ଶ୍ରୀ ସମୀର ମହାନ୍ତିଙ୍କ ଅନୁମୋଦନକ୍ରମେ ସଂଖ୍ୟାଲଘୁ ମୋର୍ଚ୍ଚା ରାଜ୍ୟ ସଭାପତି ଶ୍ରୀ ସିକନ୍ଦର ଅଲ୍ଲୀ ବିଭିନ୍ନ ଜିଲ୍ଲା ପାଇଁ ପ୍ରଭାରୀଙ୍କ ନାମ ଘୋଷଣା କରିଛନ୍ତିି ।

ମୋର୍ଚ୍ଚାର ରାଜ୍ୟ ସାଧାରଣ ସମ୍ପାଦକ ଏମ.ଡି. ଜଲାଲ୍‌ଉଦ୍ଦିନ ଆକବର – ଅନୁଗୁଳ, ମୟୂରଭଞ୍ଜ(ରାଇରଙ୍ଗପୁର) ଓ ମୟୂରଭଞ୍ଜ(ବାରିପଦା);ରାଜ୍ୟ ଉପସଭାପତି ସଲିମ୍ ଖାଁ – ଯାଜପୁର, ଜଗତସିଂହପୁର ଓ କଟକ ସଦର;ରାଜ୍ୟ ସମ୍ପାଦକ ଏସ.କେ ହସନ – ପୁରୀ ଓ ଖୋର୍ଦ୍ଧା; ରାଜ୍ୟ ସମ୍ପାଦିକା ଶହୀଦା ଖାତୁନ – କଟକ ସିଟି; ରାଜ୍ୟ ସମ୍ପାଦକ ଶେଖ୍ ଚାନ୍ଦ – ଭଦ୍ରକ; ରାଜ୍ୟ ଉପସଭାପତି ରଫିକ୍ ବେଗ – ବାଲେଶ୍ୱର ଓ କେନ୍ଦ୍ରାପଡ଼ା ; ରାଜ୍ୟ ସାଧାରଣ ସମ୍ପାଦକ ବଲ୍‌ବିନ୍ଦର ସିଂ -ପାନପୋଷ, ସମ୍ବଲପୁର, ବରଗଡ଼, କେଉଁଝର, ବଲାଙ୍ଗୀର ଓନବରଙ୍ଗପୁର; ରାଜ୍ୟ ଉପସଭାପତି ଗୁର୍ଭିନ୍ଦର ସିଂ- ବଣାଇ, ଝାରସୁଗୁଡା, ସୁନ୍ଦରଗଡ଼ ଓ ଦେବଗଡ;ରାଜ୍ୟ ଉପସଭାପତି କଜମ ମଦାନି -କୋରାପୁଟ, କଳାହାଣ୍ଡି, କନ୍ଧମାଳ ଓ ମାଲକାନଗିରି; ରାଜ୍ୟ ସମ୍ପାଦିକା ସୋନିଆ ଦାସ – ଗଞ୍ଜାମ, ଗଜପତି ଓ ଫୁଲବାଣୀ; ରାଜ୍ୟ କାର୍ଯ୍ୟକାରିଣୀ ସଦସ୍ୟ ଏମ.ଡି ସବିର -ଢେଙ୍କାନାଳ ଓ ବୌଦ୍ଧ ଜିଲ୍ଲା ପ୍ରଭାରୀ ଭାବେଦାୟିତ୍ୱ ପ୍ରଦାନ କରାଯାଇଛି ବୋଲି ରାଜ୍ୟ ସଂଖ୍ୟାଲଘୁ ମୋର୍ଚ୍ଚା ସଭାପତି ଶ୍ରୀ ଅଲ୍ଲୀ ସୂଚନା ଦେଇଛନ୍ତି ।

Categories
ବିଶେଷ ଖବର ରାଜ୍ୟ ଖବର

ରାଜ୍ୟ ବିଜେପିର ଆରମ୍ଭ ହେଲା ଚିନ୍ତନ ବୈଠକ, ଫୋକସ ବ୍ରଜରାଜନଗର

ଭୁବନେଶ୍ବର: ଆଜି ବିଜେପି କୋର କମିଟର ବୈଠକ ରାଜ୍ୟ କାର୍ଯ୍ୟାଳୟରେ ଆରମ୍ଭ ହୋଇଛି। ଦଳର ଓଡିଶା ପ୍ରଭାରୀ ଡି ପୁରେନ୍ଦଶ୍ବରୀଙ୍କ ଉପସ୍ଥିତିରେ ଏହି ବୈଠକ ଚାଲିଛି। ମୁଖ୍ୟତଃ ଏହି ବୈଠକରେ ଆଗାମୀ ବ୍ରଜରାଜନଗର ଉପନିର୍ବାଚନରେ ଦଳ କିପରି ରଣନୀତି ପ୍ରସ୍ତୁତ କରିବ ସେ ନେଇ ବିଶେଷ ଆଲୋଚନା ହେବ।

ଏଥିସହିତ ଦଳର ଗତ ପଞ୍ଚାୟତ ତଥା ପୌର ନିର୍ବାଚନରେ ଯେଉଁ ବିଫଳତା ହେଲା ତାହାର ମଧ୍ୟ ମାନସ ମନ୍ଥନ କରାଯିବ। ଏହି ନିର୍ବାଚନରେ ଦଳର ସ୍ଥିତି ପୂର୍ବ ଅପେକ୍ଷା କିପରି ରହିଲା ଏବଂ ଭୋଟରଙ୍କ ମୁଡ କଣ ତାହା ସମୀକ୍ଷା କରାଯିବ। ଏଥିସିହତ ଆଗାମୀ ବିଧାନସଭା ନିର୍ବାଚନ ପାଇଁ ଆଗୁଆ ପ୍ରସ୍ତୁତି ମଧ୍ୟ ଦଳ କରିବ ବୋଲି ଜଣାପଡିଛି।

ବୈଠକରେ ରାଜ୍ୟ ସଭାପତି ସମୀର ମହାନ୍ତି, କେନ୍ଦ୍ର ମନ୍ତ୍ରୀ ବିଶ୍ବେଶ୍ବର ଟୁଡୁ ମଧ୍ୟ ଯୋଗ ଦେଇଛନ୍ତି। ସେହିପରି ରାଜ୍ୟ ବିଜେପି ପ୍ରଭାରୀ ଡ଼ି. ପୁରନ୍ଦେଶ୍ବରୀ, ସହ ପ୍ରଭାରୀ ବିଜୟପାଲ ସିଂ ତୋମାର, ସୁନ୍ଦରଗଡ଼ ସାଂସଦ ଜୁଏଲ ଓରାମ, ବରଗଡ଼ ସାଂସଦ ସୁରେଶ ପୂଜାରୀ, ପୂର୍ବତନ ସଭାପତି ତଥା କୋର କମିଟି ସଦସ୍ୟ କନକ ବର୍ଦ୍ଧନ ସିଂହଦେଓ, ପୂର୍ବତନ ମନ୍ତ୍ରୀ ସୁରମା ପାଢ଼ୀ, ରାଷ୍ଟ୍ରୀୟ ମୁଖପାତ୍ର ସମ୍ବିତ ପାତ୍ର ପ୍ରମୁଖ ଉପସ୍ଥିତ ଅଛନ୍ତି ।

କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ଅଶ୍ବିନୀ ବୈଷ୍ଣବ ଭିସି ଜରିଆରେ ଉପସ୍ଥିତ ଥିବା ବେଳେ ରାଷ୍ଟ୍ରୀୟ ଉପାଧ୍ୟକ୍ଷ ମଧ୍ୟ ଭିସି ମାଧ୍ୟମରେ ଯୋଡ଼ି ହୋଇଛନ୍ତି ।

Categories
ଆଜିର ଖବର ରାଜ୍ୟ ଖବର

ବିଧାୟକଙ୍କୁ ଗିରଫ ପ୍ରତିବାଦରେ ପୋଲିସ ଡିଜିଙ୍କୁ କଲେ ସାକ୍ଷାତ ବିଜେପି ପ୍ରତିନିଧି ଦଳ

ଭୁବନେଶ୍ବର: ଆଜି ରାଜ୍ୟ ବିଜେପିର ଏକ ପ୍ରତିନିଧି ଦଳ ପୋଲିସ ଡିଜି ସୁନୀଲ ବଂଶଲଙ୍କୁ ସାକ୍ଷାତ କରିଛନ୍ତି। ସେମାନେ ବିଧାୟକ ସୁବାଷ ପାଣିଗ୍ରାହୀଙ୍କୁ ଅନ୍ୟାୟ ଭାବେ ଗିରଫ କରାଯାଇଛି ବୋଲି ଅଭିଯୋଗ କରିଛନ୍ତି। ଏ କ୍ଷେତ୍ରରେ ଡିଜି ନିଜେ ତୁରନ୍ତ ହସ୍ତକ୍ଷେପ କରିବା ପାଇଁ ଏହି ପ୍ରତିନିଧି ମଣ୍ଡଳ ଦାବୀ କରିଛନ୍ତି।

ସେମାନେ ଅଭିଯୋଗ କରିଛନ୍ତି ଯେ, ବିଧାୟକ ସୁବାଷ ପାଣିଗ୍ରାହୀ ବିଡିଓଙ୍କୁ ସାକ୍ଷାତ କରିବା ପାଇଁ ବାରମ୍ବାର କହିଥିଲେ ମଧ୍ୟ ସେ ଦେଖା ଦେଉ ନ ଥିଲେ। ଏପରିକି ଗୋଟିଏ ସ୍ଥାନକୁ ଡାକି ପୁଣି ଅନ୍ୟ ସ୍ଥାନକୁ ଯିବା ପାଇଁ କହୁଥିଲେ। ଏପରି ବାରମ୍ବାର କରିବା ପରେ ବିଡିଓ ନିଜେ ବିଧାୟକଙ୍କୁ ଗାଳି କରିବା ସହିତ ଭିଡାଭିଡି କରିଥିଲେ। ଏ ନେଇ ବିଧାୟକ ଏତାଲା ଦେଇଥିଲେ ମଧ୍ୟ ବହୁ ବିଳମ୍ବରେ ତାଙ୍କ ଏତଲା ରଖାଯାଇଥିଲା। ଡିଜି ତୁରନ୍ତ ଏହା ଉପରେ ହସ୍ତକ୍ଷେପ କରନ୍ତୁ ବୋଲି ଦଳ ଦାବୀ କରିଛି।

Categories
ବିଶେଷ ଖବର ରାଜ୍ୟ ଖବର

୨୦୨୪ ସାଧାରଣ ନିର୍ବାଚନ ପୂର୍ବରୁ ରାଜ୍ୟ ବିଜେପିରେ ଘଟିପାରେ ଏକ ବିରଳ ଘଟଣା

ପ୍ରତାପ ଦାସ

ସାଧାରଣ ନିର୍ବାଚନ କୁ ବାକି ଅଛି ଦୁଇ ବର୍ଷ। ଏବେଠୁ ଆରମ୍ଭ ହେଲାଣି ବାଦ ବିବାଦ। ଦଶ ଜଣ କେନ୍ଦ୍ର ମନ୍ତ୍ରୀଙ୍କ ଆକାଂକ୍ଷା ଜିଲ୍ଳା ଗ୍ରସ୍ତକୁ ନେଇ ବିଜେପି ଓ ବିଜେଡ଼ି ମଧ୍ୟରେ ଲାଗିଛି ତୁ ତୁ ମେ ମେ। ସାଧାରଣ ନିର୍ବାଚନରେ ବିଜେପି କିଭଳି ଭାବେ ଲଢ଼ିବ ତାହା ଏବେବି ଅସ୍ପଷ୍ଟ। ଗତ ପୌର ଓ ପଞ୍ଚାୟତ ନିର୍ବାଚନ ଭଳି ହାଲୁକା ଭାବେ ଲଢ଼ିବ ନା ପୁରା ଦମରେ ଲଢ଼ିବ, ତାକୁ ନେଇ ଦଳ ମଧ୍ୟରେ କୌଣସି ସ୍ପଷ୍ଟ ଚିତ୍ର ନାହିଁ।

ତେଵେ ସାଧାରଣ ନିର୍ବାଚନ ପୁର୍ବରୁ ବିଜେପି ପାଇଁ ଗୁରୁତ୍ବପୂର୍ଣ୍ଣ ପ୍ରସଙ୍ଗ ହେଉଛି ରାଷ୍ଟ୍ରପତି ନିର୍ବାଚନ। ଏହି ନିର୍ବାଚନ ପାଇଁ ବିଜେଡ଼ି ଉପରେ ବିଜେପି ପୂର୍ଣ୍ଣ ନିର୍ଭର,ଏହି ନିର୍ବାଚନକୁ ନେଇ ଆରମ୍ଭ ହୋଇଛି ଆଲୋଚନା। ରାଷ୍ଟ୍ରପତି ନିର୍ବାଚନ ପୁର୍ବରୁ ୪ଟି ରାଜ୍ୟସଭା ଆସନ ପାଇଁ ମଧ୍ୟ ନିର୍ବାଚନ ହେବ। ଏ ନେଇ ମଧ୍ୟ ଚାଲିଛି ଅଙ୍କ କଷା।

ଗୋଟିଏ ପଟେ ରାଷ୍ଟ୍ରପତି ନିର୍ବାଚନ ଓ ରାଜ୍ୟସଭା ନିର୍ବାଚନକୁ ନେଇ ବିଜେଡ଼ି ସହ ବିଜେପି ଡିଲ କରୁଥିବା ବେଳେ ବିଜେଡ଼ି ମଧ୍ୟ ସମାନ ରୁପେ ଡିଲ କରୁଛି। ରାଷ୍ଟ୍ରପତି ନିର୍ବାଚନ ଓ ରାଜ୍ୟସଭା ଆସନ ପାଇଁ ବିଜେପି ଗୁରୁତ୍ବ ଦେଉଥିବା ବେଳେ ସାଧାରଣ ନିର୍ବାଚନରେ ବିଜେଡ଼ି ବିପକ୍ଷରେ ଆକ୍ରମଣାନ୍ତଙ୍କ ଢଙ୍ଗରେ ନ ଲଢ଼ିପାରେ ବୋଲି ବିଜେପି ନେତା ସଂକେତ ପାଇ ସାରିଲେଣି।

କେନ୍ଦ୍ର ନେତୃତ୍ୱଙ୍କ ଏଭଳି ଚିନ୍ତାଧାରାକୁ ନେଇ ରାଜ୍ୟ ବିଜେପିର ବହୁ ବରିଷ୍ଠ ନେତା କଣ କରିବେ ବୋଲି ଆଖିରୁ ନିଦ ହଜିଗଲାଣି। ସେହି ରଣନୀତିକୁ ଓଡିଶାରେ ଲାଗୁ କରିବା ପାଇଁ ରାଜ୍ୟ ବିଜେପିରେ ବହୁ ଅଦଳ ବଦଳ ହେବାର ସମ୍ଭାବନା ଦେଖାଦେଲାଣି।

(ପ୍ରତାପ ଦାସ ହେଉଛନ୍ତି ଓଡିଶାର ଜଣେ ବରିଷ୍ଠ ସାମ୍ବାଦିକ)

Categories
ବିଶେଷ ଖବର ରାଜ୍ୟ ଖବର

ରାଜ୍ୟ ବିଜେପିର ନୂଆ କୋର କମିଟ ଗଠିତ, ସ୍ଥାନ ପାଇଲେନି ଅପରାଜିତା ଷଡଙ୍ଗୀ ଆଉ ବିଜୟ ମହାପାତ୍ର

ଭୁବନେଶ୍ୱର:  ରାଷ୍ଟ୍ରୀୟ ସଭାପତି ଜେ.ପି.ନଡ୍ଡାଙ୍କ ଅନୁମୋଦନ କ୍ରମେ ରାଜ୍ୟ ବିଜେପି ଦଳର ୧୫ ଜଣିଆ କୋର୍ କମିଟି ଘୋଷଣା କରାଯାଇଛି। କମିଟିରେ ୩ କେନ୍ଦ୍ରମନ୍ତ୍ରୀଙ୍କ ସମେତ ୪ ଜଣ ସାଂସଦ ଅଛନ୍ତି। ଅନ୍ୟତମ ରାଷ୍ଟ୍ରୀୟ ମୁଖପାତ୍ର ସଂବିତ ପାତ୍ରଙ୍କୁ ମଧ୍ୟ ସ୍ଥାନ ମିଳିଛି । ହେଲେ ଆଶ୍ଚର୍ଯ୍ୟର କଥା ଏହି କମିଟରେ ସାଂସଦ ଅପରାଜିତା ଷଡଙ୍ଗୀ ଏବଂ ବରିଷ୍ଠ ନେତା ବିଜୟ ମହାପାତ୍ରଙ୍କ ନାମ ନାହିଁ। ଯାହାକୁ ନେଇ ବିଭିନ୍ନ ମହଲରେ ବେଶ ଆଲୋଚନା ହେବାରେ ଲାଗିଛି।

ତେବେ ବିଜେପିର ଏହି କୋର କମିଟରେ ଯେଉଁମାନେ ଅଛନ୍ତି ସେମାନେ ହେଲେ ରାଜ୍ୟ ସଭାପତି ସମୀର ମହାନ୍ତି, ରାଷ୍ଟ୍ରୀୟ ଉପାଧ୍ୟକ୍ଷ ବୈଜୟନ୍ତ ପଣ୍ଡା, କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, କେନ୍ଦ୍ରମନ୍ତ୍ରୀ ଅଶ୍ୱିନୀ ବୈଷ୍ଣବ, ପୂର୍ବତନ କେନ୍ଦ୍ରମନ୍ତ୍ରୀ ତଥା ସାଂସଦ ଜୁଏଲ୍ ଓରାମ୍, ପୂର୍ବତନ କେନ୍ଦ୍ରମନ୍ତ୍ରୀ ତଥା ସାଂସଦ ପ୍ରତାପ ଷଡ଼ଙ୍ଗୀ, ବିରୋଧୀ ଦଳ ନେତା ପ୍ରଦୀପ୍ତ କୁମାର ନାୟକ, ସାଂସଦ ସୁରେଶ ପୂଜାରୀ ଅଛନ୍ତି।

ସେହିପରି କେନ୍ଦ୍ରମନ୍ତ୍ରୀ ବିଶ୍ୱେଶ୍ୱର ଟୁଡୁ, ରାଷ୍ଟ୍ରୀୟ ମୁଖପାତ୍ର ସମ୍ବିତ ପାତ୍ର, ପୂର୍ବତନ ରାଜ୍ୟ ସଭାପତି ମନମୋହନ ସାମଲ, ପୂର୍ବତନ ରାଜ୍ୟ ସଭାପତି କେ.ଭି.ସିଂହଦେଓ, ପୂର୍ବତନ ରାଜ୍ୟ ସଭାପତି ତଥା ସାଂସଦ ବସନ୍ତ ପଣ୍ଡା, ରାଜ୍ୟ ସାଂଗଠନିକ ସମ୍ପାଦକ ମାନସ ମହାନ୍ତି ଏବଂ ପୂର୍ବତନ ରାଜ୍ୟ ସମ୍ପାଦକ ଶ୍ରୀମତୀ ସୁରମା ପାଢ଼ୀ। କୋର୍ କମିଟିରେ ସ୍ୱତନ୍ତ୍ର ଆମନ୍ତ୍ରିତ ସଦସ୍ୟ ଭାବେ ରାଜ୍ୟ ପ୍ରଭାରୀ ଶ୍ରୀମତୀ ଡି. ପୁରନ୍ଦେଶ୍ୱରୀ ଏବଂ ସହପ୍ରଭାରୀ ବିଜୟପାଲ ସିଂହ ତୋମାର ଅଛନ୍ତି ।

ସାଧାରଣତଃ ଏକ ଉଚ୍ଚ ସ୍ତରୀୟ କମିଟ କରାଗଲେ ସେଥିରେ ରାଜ୍ୟର ଯେଉଁମାନେ କେନ୍ଦ୍ରମନ୍ତ୍ରୀ ଅଛନ୍ତି ସେମାନେ ନିଶ୍ଚିତ ରହିବେ। ସେହି ଅନୁସାରେ ଏହି କମିଟରେ ସେମାନେ ଅଛନ୍ତି। ସେହିପରି ଏଥିରେ ସାଂସଦ ହିସାବରେ ସୁରେଶ ପୂଜାରୀ, ବସନ୍ତ ପଣ୍ଡା, ପ୍ରତାପ ଷଡଙ୍ଗୀ ଏବଂ ଜୁଏଲ ଓରାମ ମଧ୍ୟ ଅଛନ୍ତି। ତେବେ ଏପରି କ୍ଷେତ୍ରରେ ଅପରାଜିତା ଷଡଙ୍ଗୀ ନାମ ନ ରହିବାକୁ ନେଇ ବିଭିନ୍ନ ମହଲରେ ପ୍ରଶ୍ନ ଉଠିଛି।

କେହି ହୁଏତ କହିପାରେ ଯେ, ସେ ରାଷ୍ଟ୍ରୀୟ ପ୍ରବକ୍ତା ଅଛନ୍ତି ସେଥିପାଇଁ ନିଆଗଲା ନାହିଁ। ହେଲେ ସେହି କମିଟରେ ଅନ୍ୟତମ ରାଷ୍ଟ୍ରୀୟ ପ୍ରବକ୍ତା ସଂବିତ ପାତ୍ରଙ୍କ ନାମ ରହିଛି। ଏପରିକି ରାଷ୍ଟ୍ରୀୟ ଉପାଧ୍ୟକ୍ଷ ବୈଜୟନ୍ତ ପଣ୍ଡାଙ୍କ ନାମ ମଧ୍ୟ ରହିଛି। ଏପରି କ୍ଷେତ୍ରରେ ଅପରାଜିତାଙ୍କ ନାମ ରଖିବାରେ କେଉଁଠି ଅସୁବିଧା ରହିଲା। ସେହିପରି ଅନ୍ୟତମ ନେତା ବିଜୟ ମହାପାତ୍ର ମଧ୍ୟ ଏହି କମିଟରେ ସ୍ଥାନ ପାଇ ନାହାଁନ୍ତି। ତାଙ୍କୁ ମଧ୍ୟ ଦଳରେ ସେମିତି କଣଠୋସା କରି ରଖାଯାଇଛି ବୋଲି ସ୍ପଷ୍ଟ ହୋଇଛି।

Categories
ବିଶେଷ ଖବର ରାଜ୍ୟ ଖବର

ସାଂସଦ ଅପରାଜିତା ଷଡଙ୍ଗୀଙ୍କ ଓଡିଶା ଭ୍ରମଣ, ଆଉ ରାଜ୍ୟ ବିଜେପି ନେତାଙ୍କ ଭିତିରି କଷଣ

ଭୁବନେଶ୍ବର: ଆମେ ବହୁତ ପୁରୁଣା କଥା କହିବୁ ନାହିଁ। ଏଇ ଅଳ୍ପ ଦିନର ଘଟଣା। ଭୁବନେଶ୍ବର ସାଂସଦ ଅପରାଜିତା ଷଡଙ୍ଗୀଙ୍କ କେଉଁଝର ଗସ୍ତ କରିଥିଲେ। ଉଦ୍ଦେଶ୍ୟ ନ ଥିଲା ତାଙ୍କର ନିଜ ଅନୁଷ୍ଠାନର କାର୍ଯ୍ୟକ୍ରମରେ ଯୋଗଦେବା। ଉଦ୍ଦେଶ୍ୟ ଥିଲା ରାଜ୍ୟରେ ବିଜେପିକୁ କିପରି ସୁଦୃଢ କରିବା। କାରଣ କେଉଁଝରରେ ସଂପୂର୍ଣ୍ଣ ଭାବେ ବିଜେପିର ଅର୍ଥାତ ଦଳୀୟ ସଭା କରାଯାଇଥିଲା। ହେଲେ ଦଳର କୌଣସି ତୁଙ୍ଗ ନେତା ସେହି ସଭାରେ ନ ଥିଲେ। ଥିଲେ କେବଳ ଜିଲ୍ଲା ବିଜେପି କର୍ମକର୍ତ୍ତା।

ତେବେ ଏହି ଗୋଟିଏ ଘଟଣା ନୁହେଁ। ଏହିପରି ବହୁ ଘଟଣା ଅନେକ ଜିଲ୍ଲାରେ ଘଟିଛି। ପ୍ରତି ମାସରେ ଅପରାଜିତା ବିଭିନ୍ନ ଜିଲ୍ଲା ଗସ୍ତରେ ଯାଉଛନ୍ତି। ସେଠାରେ ଦଳୀୟ ସଭା କରିବାରେ ଲାଗିଛନ୍ତି। ଯଦି ସେ ତାଙ୍କ ଅନୁଷ୍ଠାନ ସଭା କରୁଥା’ନ୍ତେ ହୁଏତ ପ୍ରଶ୍ନ କରାଯାଇ ନ ଥାଆନ୍ତା। ହେଲେ ସେ ବିଜେପି ଦଳର କର୍ମିଙ୍କୁ ନେଇ ବିରାଟ ସଭା ଓ ରାଲି କରୁଛନ୍ତି। ଆଉ ସେଥିରେ ନା ବିଜେପି ସଭାପତି ଯାଉଛନ୍ତି ନା କୌଣସି ଆଗଧାଡିର ନେତା। ସେଠାରେ କେବଳ ଅପରାଜିତା ଆଉ ଅପରାଜିତା।

ତେବେ ଅପରାଜିତା ଏପରି ଏକାକି ସଂଗଠନ କରିବାର ଉଦ୍ଦେଶ୍ୟ କଣ। ସେ କଣ ବିଜେପିର ସର୍ବେସର୍ବା କି ? ଏହିପରି ବିଭିନ୍ନ ପ୍ରଶ୍ନ ସାଧାରଣରେ ଆଲୋଚନା ହେବାରେ ଲାଗିଛି। କାରଣ ଅପରାଜିତା ହେଉଛନ୍ତି ଭୁବନେଶ୍ବରର ସାଂସଦ। ସେ କେବଳ ତାଙ୍କ ନିର୍ବାଚନ ମଣ୍ଡଳିରେ ସଭା କଲେ କେହି କିଛି କହିବାର ନାହିଁ। ହେଲେ ଏକାକୀ ସାରା ଓଡିଶା ଭ୍ରମଣ କରି ବିଜେପିର ବାନା ଉଡେଇବାର କାରଣ କଣ ?

ବର୍ତ୍ତମାନ ଆଉ ଏକ ଘଟଣା ସଂପର୍କରେ ଏଇଠି ଉପସ୍ଥାପନା କରିବୁ। ତାହା ହେଲା ଅପରାଜିତାଙ୍କ ରାୟଗଡା ଗସ୍ତ। ସେ ଗତ ମାସରେ ରାୟଗଡା ଯାଇଥିଲେ। ସେ ଯିବା ପୂର୍ବରୁ ରାଜ୍ୟ ବିଜେପିର ତରଫରୁ ଫତୁଆ ଜାରି କରାଗଲା। ତାହା ହେଲା ଯେ ଅପରାଜିତାଙ୍କ ସଭାକୁ କୌଣସି ବିଜେପି କର୍ମି ଯିବେ ନାହିଁ। ଏ କଥା ଅପରାଜିତା ଜାଣିବା ସତ୍ବେ ମଧ୍ୟ ସେ ରାୟଗଡା ଗସ୍ତ କରିଥିଲେ। ସେଠାରେ ବିଜେପି କର୍ମି କମ ଥିଲେ, ହେଲେ ସାଧାରଣ ଲୋକେ ଅନେକ ଥିଲେ। ହେଲେ ସେଠାରେ ଏକ ବଡମ୍ବନାର ବିଷୟ ଘଟିଲା। ତାହା ହେଲା, ଅପରାଜିତାଙ୍କ ସଭାକୁ ଯେଉଁ କେତେଜଣ ବିଜେପି ନେତା ଯାଇଥିଲେ ସେମାନଙ୍କୁ ରାଜ୍ୟ ବିଜେପି ଦଳରୁ ନିଲମ୍ବିତ କରିଦିଆଗଲା।

ଏହି ଘଟଣାରୁ ସ୍ପଷ୍ଟ ହେଲା ଯେ, ଅପରାଜିତା ଯାହା କରୁଛନ୍ତି ତାହା ରାଜ୍ୟ ବିଜେପିର ହଜମ ହେଉ ନାହିଁ। ସେ ଯେଉଁଠି ସଭା କରୁଛନ୍ତି ତାହାକୁ ଭଣ୍ଡୁର କରିବା ପାଇଁ ଏକ ଗୋଷ୍ଟୀ ରିତମତ କସରତ କରିବାରେ ଲାଗିଛନ୍ତି। ତେବେ ସେ ସବୁକୁ ଭ୍ରୁକ୍ଷେପ ନ କରି ଅପରାଜିତା ଏକାକୀ ଲଢେଇ ଜାରି ରଖିଛନ୍ତି। ଏଥିରୁ ସ୍ପଷ୍ଟ ହେଲା ଯେ, ତାଙ୍କୁ ଯେତେ ବିରୋଧ କରାଯିବ ସେ ସେତିକି ଉତ୍ସାହିତ ହୋଇ ସଭା ରାଲି କରିବେ। କେହି ରୋକିପାରିବେ ନାହିଁ।

ତେବେ ସାଧାରଣରେ ଏକ ସନ୍ଦେହ ହେବାରେ ଲାଗିଛି ଯେ ଅପରାଜିତା ଏପରି ଏକାକୀ ଦଳିୟ ସଂଗଠନ କରିବା ପାଇଁ ତାଙ୍କୁ କିଏ ଶକ୍ତି ଯୋଗାଉଛି। କାରଣ କିଛି ଅଦୃଶ୍ୟ ଶକ୍ତି ନ ମିଳିଲେ ଧର୍ମେନ୍ଦ୍ର ପ୍ରଧାନ ପରି ନେତା ଆଉ ତାଙ୍କ ଚେଲାଚାମୁଣ୍ଡାଙ୍କୁ ଅପରାଜିତା ଟକ୍କର ଦିଅନ୍ତେ କିପରି। ଦୀର୍ଘ ବର୍ଷ ଧରି ଓଡିଶା ବିଜେପି ଅର୍ଥ ଧର୍ମେନ୍ଦ୍ର ପ୍ରଧାନଙ୍କୁ ହିଁ ବୁଝାଉ ଥିଲା। ଏବେ ବି ମଧ୍ୟ ସେହି ଅବସ୍ଥା ଅଛି। ହେଲେ ତାଙ୍କ ଚକ୍ରବୁହ୍ୟକୁ ଭେଦ କରି ଅପରାଜିତା ଆଗକୁ ବଢିବାରେ ଲାଗିଛନ୍ତି। ତେଣୁ ଏ କ୍ଷେତ୍ରରେ ଦିଲ୍ଲୀ ଆର୍ଶିବାଦ ନ ଥିଲେ ତାହା କେବେ ସମ୍ଭବ ହୁଅନ୍ତା ନାହିଁ।

ତେବେ ଏହାର କାରଣରେ ଏତିକି ଅନୁମାନ କରାଯାଇପାରେ ଯେ, ଧର୍ମେନ୍ଦ୍ରଙ୍କୁ ରାଜ୍ୟ ସଂଗଠନ କରିବା ପାଇଁ ଯେଉଁ ଭଲି ଶକ୍ତି ପ୍ରଦାନ କରାଯାଇଥିଲା, ସେଥିରେ ସେ ସଫଳ ହୋଇପାରିଲେ ନାହିଁ। ଧର୍ମେନ୍ଦ୍ର ଓଡିଶାରେ ଜଣେ ଫେଲ୍ ନେତା ଭାବେ ପରିଚିତ ହେଲେ। ବାରମ୍ବାର ନିର୍ବାଚନ ଆଉ ଉପନିର୍ବାଚନରେ ହାରିବା ଦ୍ବାରା ତାଙ୍କର ସଂଗଠନ ପ୍ରତି ଦିଲ୍ଲୀର ସନ୍ଦେହ ସୃଷ୍ଟି ହେଲା। ଫଳରେ ତାଙ୍କୁ ଶିକ୍ଷା ଦେଇ ବର୍ତ୍ତମାନ ଅପରାଜିତାଙ୍କୁ କେନ୍ଦ୍ରୀୟ ନେତୃତ୍ବ ଆଗକୁ ଆଣିଛନ୍ତି।

ତେବେ ଏହା ନିଶ୍ଚିତ କୁହାଯାଇ ପାରିବ ଯେ, ଯେ ପର୍ଯ୍ୟନ୍ତ ଧର୍ମେନ୍ଦ୍ର ଶକ୍ତିଶାଳି ଥିବେ ସେ ପର୍ଯ୍ୟନ୍ତ ଅପରାଜିତାଙ୍କୁ ସଂଗଠନ କରିବା ଭରୀ କଷ୍ଟକର ହେବ। ତଥାପି ଅପରାଜିତା ଯେତିକି ସଂଗଠନ କରୁଛନ୍ତି ତାହାକୁ ନେଇ ରାଜ୍ୟ ବିଜେପିର ବହୁ ତୁଙ୍ଗ ନେତା ଖାଲି ଦାନ୍ତ କଡମଡ କରିବା ଛଡା ଆଉ କିଛି କରିପାରୁ ନାହାଁନ୍ତି।

Categories
ଆଜିର ଖବର ରାଜ୍ୟ ଖବର

ବିଭିନ୍ନ ବର୍ଗର ମହିଳାଙ୍କ ଉପରେ ହେଉଥିବା ନିର୍ଯ୍ୟାତନ ପ୍ରତିବାଦରେ ରାଜ୍ୟପାଳଙ୍କୁ ଭେଟିଲା ରାଜ୍ୟ ବିଜେପି

ଭୁବନେଶ୍ୱର: ରାଜ୍ୟରେ ଅନୁସୁଚିତ ଜାତି ଓ ଜନଜାତିଙ୍କ ବିରୋଧରେ ଅତ୍ୟାଚାର ଏବଂ ମହିଳା ନିର୍ଯ୍ୟତନା ବୃଦ୍ଧି ଘଟଣାରେ ରାଜ୍ୟପାଳଙ୍କୁ ଭେଟିଛି ରାଜ୍ୟ ବିଜେପି। ବହୁଚର୍ଚ୍ଚିତ ମମିତା ମେହେର ହତ୍ୟାକାଣ୍ଡରେ ମୁଖ୍ୟ ଅଭିଯୁକ୍ତ ଗୋବିନ୍ଦ ସାହୁଙ୍କ ସହ ରାଜ୍ୟର ଗୃହ ରାଷ୍ଟ୍ରମନ୍ତ୍ରୀ ଶ୍ରୀ ଦିବ୍ୟଶଂକର ମିଶ୍ରଙ୍କ ଘନିଷ୍ଠ ସଂପର୍କ ରହିଛି ବୋଲି ଦଳ କହିଛି। ଏଭଳି ଏକ କୁତ୍ସିତ ଓ ଲଜ୍ଜାଜନକ ଘଟଣାର ନିରପେକ୍ଷ ତଦନ୍ତ ପାଇଁ ସର୍ବପ୍ରଥମେ ମନ୍ତ୍ରୀ ଶ୍ରୀ ମିଶ୍ରଙ୍କୁ ମନ୍ତ୍ରୀମଣ୍ଡଳରୁ ବହିଷ୍କାର ସହିତ ଗିରଫ କରାଯିବା ନିହାତି ଆବଶ୍ୟକ ବୋଲି ଦଳ ଦାବୀ କରିଛି।

ରାଜ୍ୟ ସଭାପତି ଶ୍ରୀ ସମୀର ମହାନ୍ତିଙ୍କ ନେତୃତ୍ୱରେ ବିଜେପିର ଏକ ପ୍ରତିନିଧିମଣ୍ଡଳ ରାଜ୍ୟପାଳଙ୍କୁ ଭେଟି ଏହି ଦାବୀ ପତ୍ର ପ୍ରଦାନ କରିଥିଲେ। ଏହି ପ୍ରତିନିଧି ଦଳରେ ବିରୋଧୀ ଦଳ ମୁଖ୍ୟ ସଚେତକ ମୋହନ ମାଝୀ, ବିଜେପି ଆଦିବାସୀ ମୋର୍ଚ୍ଚା ରାଜ୍ୟ ସଭାପତି ତଥା ବିଧାୟକ ନିତ୍ୟାନନ୍ଦ ଗଣ୍ଡ, ଲଲିତେନ୍ଦୁ ବିଦ୍ୟାଧର ମହାପାତ୍ର, ଡ.ବୁଧନ ମୁର୍ମୁ, ରାଜ୍ୟ ଉପସଭାପତି ବଳଭଦ୍ର ମାଝୀ, ରାଜ୍ୟ ସାଧାରଣ ସଂପାଦକ ରବି ନାଏକ ଓ ଡ.ଲେଖାଶ୍ରୀ ସାମନ୍ତସିଂହାର ଏବଂ ସୁଜିତ୍ ଦାସ ପ୍ରମୁଖ ଉପସ୍ଥିତ ଥିଲେ ।

Categories
ଅପରାଧ ଆଜିର ଖବର ରାଜ୍ୟ ଖବର

ମମିତା ହତ୍ୟା ଘଟଣା: ରାଜ୍ୟପାଳଙ୍କୁ ଭେଟିଲା ରାଜ୍ୟ ବିଜେପି, ନବୀନ ନିବାସ ଆଗରେ ମହିଳା ମୋର୍ଚ୍ଚାର ବିକ୍ଷୋଭ

ଭୁବନେଶ୍ବର: ମମିତା ହତ୍ୟାକାଣ୍ଡ ମାମଲାରେ ରାଜ୍ୟ ବିଜେପି ଆଜି ରାଜ୍ୟପାଳ ଗଣେଶୀ ଲାଲଙ୍କୁ ଭେଟିଛି। ରାଜ୍ୟ ସଭାପତି ସମୀର ମହାନ୍ତିଙ୍କ ନେତୃତ୍ଵରେ ରାଜ୍ୟପାଳଙ୍କୁ ବିଜେପି ନେତାମାନେ ଭେଟିଛନ୍ତି।

ଏହି ଅବସରରେ ରାଜ୍ୟପାଳଙ୍କ ନିକଟରେ ମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କ ଇସ୍ତଫା ବିଜେପି ଦାବି କରିଛି। ଏହା ସହ ସାମ୍ବିଧାନିକ ବିଧି ବ୍ୟବସ୍ଥା ଅନୁସାରେ କାର୍ଯ୍ୟାନୁଷ୍ଠାନ ପାଇଁ ରାଜ୍ୟପାଳଙ୍କୁ ବିଜେପି ନିବେଦନ କରିଛି। ମନ୍ତ୍ରୀ ଇସ୍ତଫା ନଦେବା ଯାଏଁ ଏହାର ନିରପେକ୍ଷ ତଦନ୍ତ ହୋଇପାରିବ ନାହିଁ ବୋଲି କୁହାଯାଇଛି। ତେଣୁ ରାଜ୍ୟପାଳ ଏହି ଘଟଣାକୁ ଗୁରୁତ୍ଵର ସହ ବିଚାର କରିବାକୁ ବିଜେପି ନେତାଙ୍କୁ କହିଛନ୍ତି।

ତେବେ ଏହି ଘଟଣାରେ ଆସନ୍ତାକାଲି ବଲାଙ୍ଗୀରି ଜିଲ୍ଲାରେ ବିଜେପି ପକ୍ଷରୁ ୧୨ ଘଣ୍ଟିଆ ବନ୍ଦ ଡାକାରା ଦିଆଯାଇଛି। ଅନ୍ୟପଟେ ମହାଲିଙ୍ଗ ମିଷ୍ଟ୍ରିକୁ  ନେଇ ବିଜେପି କର୍ମୀମାନେ ନବୀନ ନିବାସରେ ବିକ୍ଷୋଭ ମଧ୍ୟ କରିଛନ୍ତି। ବିଜେପି ମହିଳା ମୋର୍ଚ୍ଚା ପକ୍ଷରୁ ନବୀନ ନିବାସ ଆଗରେ ବିକ୍ଷୋଭ ପ୍ରଦର୍ଶନ କରାଯାଇଛି।

Categories
ଅପରାଧ ଆଜିର ଖବର ଜାତୀୟ ଖବର

ପଶ୍ଚିମବଙ୍ଗର ରାଜ୍ୟ ବିଜେପି ସଭାପତି ଏବଂ ଭବାନୀପୁର ବିଧାନସଭା ପ୍ରାର୍ଥୀଙ୍କ ବିରୋଧରେ ରୁଜୁ ହେଲା ମାମଲା

କୋଲକାତା: ପଶ୍ଚିମବଙ୍ଗର ରାଜ୍ୟ ବିଜେପି ସଭାପତି ସୁକାନ୍ତ ମଜୁମଦାର ଏବଂ ଭବାନୀପୁର ବିଧାନସଭା ପ୍ରାର୍ଥୀ ପ୍ରିୟଙ୍କା ଟିବରେୱାଲଙ୍କ ସମେତ ଅନେକ ନେତାଙ୍କ ବିରୋଧରେ କୋଲକାତା ପୋଲିସ ମାମଲା ରୁଜୁ କରିଛି। ମୁଖ୍ୟମନ୍ତ୍ରୀଙ୍କ ବାସଭବନ ନିକଟ କାଲିଘାଟ ଅଞ୍ଚଳରେ ବିରୋଧ ପ୍ରଦର୍ଶନ କରିଥିବାରୁ ସୁକାନ୍ତ ମଜୁମଦାର ଏବଂ ପ୍ରିୟଙ୍କା ତିବ୍ରୁୱାଲଙ୍କ ବିରୋଧରେ କୋଲକାତା ପୋଲିସ ମାମଲା ରୁଜୁ କରିଛି। କାଲିଗାଟ ପୋଲିସ ଷ୍ଟେସନରେ ଆଇପିସିର ଧାରା ୧୪୩/୧୪୫/୧୪୭/୧୪୯/୨୮୩/୩୫୩ ଅନୁଯାୟୀ ପୋଲିସ ଏକ ମାମଲା ରୁଜୁ କରିଛି।

ଗତ ନିର୍ବାଚନ ପରବର୍ତ୍ତୀ ହିଂସାରେ ମଗରହାଟ (ପଶ୍ଚିମ) ର ବିଜେପି ନେତା ଧୁରଜୋତି ଆହତ ହେବା ପରେ ବୁଧବାର ଦିନ ମୃତ୍ୟୁ ଘଟିଥିଲା। ଯାହାକୁ ବିରୋଧ କରି ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ବାସଭବନ ନିକଟ କାଲିଘାଟ ଅଞ୍ଚଳରେ ଧୁରଜୋତିଙ୍କ ମୃତ ଦେହକୁ ଧରି ବିଜେପି ନେତାମାନେ ବିରୋଧ ପ୍ରଦର୍ଶନ କରିଥିଲେ।

କୋଲକାତା ପୋଲିସ ବିଜେପି ନେତାଙ୍କୁ ବେଆଇନ ସଭା, ଦଙ୍ଗା, ବାଧା ଦେବା, ଅପରାଧିକ ବଳ ପ୍ରୟୋଗ କରି ମୁଖ୍ୟମନ୍ତ୍ରୀ ବାସଭବନ ନିକଟରେ ବିରୋଧ ପ୍ରଦର୍ଶନ କରିବା ଅଭିଯୋଗ କରିଛି। ବିଜେପି ରାଜ୍ୟ ସଭାପତି ସୁକାନ୍ତ ମଜୁମଦାର ଘୋଡା ଗାଡି ଆଗରେ ବସିଥିବାର ନଜର ଆସିଥିବା ବେଳେ ପୋଲିସ ତାଙ୍କୁ ଘଟଣାସ୍ଥଳରୁ ହଟାଇବାକୁ ଚେଷ୍ଟା କରିଥିଲା।

ରାଜ୍ୟ ସଭାପତି ଓ ଭବନପୁରର ପ୍ରାର୍ଥୀ ସମେତ ବିଜେପି ନେତାମାନେ ହଠାତ୍ ଧୁରଜୋତିଙ୍କ ମୃତଦେହ ସହିତ ଅଟକିବା ପରେ ବିଶୃଙ୍ଖଳା ହୋଇଥିଲା। ବିଜେପି ରାଜ୍ୟ ସଭାପତି ରାସ୍ତାରେ ଏକ ଧାରଣାରେ ବସି ମୃତକଙ୍କ ପାଇଁ ନ୍ୟାୟ ଦାବି କରିଥିଲେ।

Categories
ଆଜିର ଖବର ରାଜ୍ୟ ଖବର

ଦଳର ମାରାଥନ ବୈଠକରେ ରାଜ୍ୟ ପ୍ରଭାରୀ ବୈଜୟନ୍ତଙ୍କ ଯୋଗଦାନ

ନୂଆଦିଲ୍ଲୀ: ରାଜ୍ୟ ବିଜେପିର କାର୍ଯ୍ୟକାରିଣୀ ବୈଠକ ଓ ଅନ୍ୟ ବିଭିନ୍ନ କାର୍ଯ୍ୟକ୍ରମ ନେଇ ବିଜେପି ରାଷ୍ଟ୍ରୀୟ ଉପାଧ୍ୟକ୍ଷ ତଥା ଆସାମ ପ୍ରଭାରୀ ବୈଜୟନ୍ତ ପଣ୍ଡା ମଙ୍ଗଳବାର ୩ ଦିନିଆ ଆସାମ ଗସ୍ତ କରିଛନ୍ତି। ବୁଧବାର ଗୌହାଟୀଠାରେ ଆସାମ ବିଜେପିର ଦୁଇଦିନିଆ ବିଶାଳ ରାଜ୍ୟ କାର୍ଯ୍ୟକାରିଣୀ ବୈଠକ ଅନୁଷ୍ଠିତ ହୋଇଯାଇଛି। ଏଥିରେ ଶ୍ରୀଯୁକ୍ତ ପଣ୍ଡା ଯୋଗଦେଇ କାର୍ଯ୍ୟକାରିଣୀଙ୍କୁ ଉଦବୋଧନ ଦେଇଥିଲେ ଯେ, ଏହି ବୈଠକ ରାଜ୍ୟ ପାଇଁ ଏକ ନୂତନ ପ୍ରାରମ୍ଭ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ସ୍ୱରାଷ୍ଟ୍ର ମନ୍ତ୍ରୀ ଅମିତ ଶାହା, ଦଳର ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା, ରାଷ୍ଟ୍ରୀୟ ସଂଗଠନ ମହାମନ୍ତ୍ରୀ ବିଏଲ ସନ୍ତୋଷଙ୍କ ମାର୍ଗଦର୍ଶନ ଓ ଆଶୀର୍ବାଦ ନେଇ ଏହି କାର୍ଯ୍ୟକାରିଣୀ ପ୍ରଧାନମନ୍ତ୍ରୀଙ୍କ ବିଭିନ୍ନ ଯୋଜନା ତଥା ଦଳର ବିଭିନ୍ନ କାର୍ଯ୍ୟକ୍ରମକୁ ତୃଣମୂଳ ସ୍ତରରେ ପହଞ୍ଚାଇଆସୁଛି। ସେବା ଓ ସମର୍ପଣ ଦିଗରେ ମଧ୍ୟ ଏହାର କାର୍ଯ୍ୟ ଉଲ୍ଲେଖନୀୟ ବୋଲି ଶ୍ରୀଯୁକ୍ତ ପଣ୍ଡା କହିଛନ୍ତି।

ଦୁଇଦିନବ୍ୟାପୀ ଅନୁଷ୍ଠିତ ହୋଇଥିବା ଏହି ବୈଠକରେ ବିଜେପି ରାଷ୍ଟ୍ରୀୟ ସଙ୍ଗଠନ ମହାମନ୍ତ୍ରୀ ବିଏଲ ସନ୍ତୋଷ, କେନ୍ଦ୍ରମନ୍ତ୍ରୀ ସର୍ବାନନ୍ଦ ସୋନୋଓ୍ବାଲ, ମୁଖ୍ୟମନ୍ତ୍ରୀ ହିମନ୍ତ ବିଶ୍ବ ଶର୍ମା, ରାଷ୍ଟ୍ରମନ୍ତ୍ରୀ ରାମେଶ୍ଵର ତେଲୀ, ଆସାମ ବିଜେପି ସଭାପତି ଭାବେଶ କାଲିଟା, ସହପ୍ରଭାରୀ ପବନ ଶର୍ମା, ସଂଗଠନ ମହାମନ୍ତ୍ରୀ ଫଣୀନ୍ଦ୍ରନାଥ ଶର୍ମା, ଉତ୍ତର-ପୂର୍ବାଞ୍ଚଳ ସଂଗଠନ ମହାମନ୍ତ୍ରୀ ଅଜୟ ଜମୱାଲ ପ୍ରମୁଖ ଉପସ୍ଥିତ ଥିଲେ।

ଏହା ପୂର୍ବରୁ ମଙ୍ଗଳବାର ଶ୍ରୀଯୁକ୍ତ ପଣ୍ଡା ଗୌହାଟୀରେ ପହଞ୍ଚିବା ପରେ ଦେଶବ୍ୟାପୀ ଚାଲିଥିବା ସେବା ଓ ସମର୍ପଣ ଅଭିଯାନ ଅନ୍ତର୍ଗତ ସ୍ଥାନୀୟ ଅମ୍ବିକାଗିରି ମେମୋରିଆଲ ଟ୍ରଷ୍ଟ ଦ୍ୱାରା ପରିଚାଳିତ “ଆମର ଘର” ବୃଦ୍ଧାଶ୍ରମ ଯାଇ ଫଳ ବଣ୍ଟନ ଭଳି ସେବା କାର୍ଯ୍ୟ କରିଥିଲେ। ବରିଷ୍ଠ ନାଗରିକଙ୍କ ଭଳି ଜୀବନ୍ତ ଦେବତାଙ୍କ ଆଶୀର୍ବାଦଠାରୁ ମୂଲ୍ୟବାନ ଆଉ କିଛି ନୁହେଁ ବୋଲି ଶ୍ରୀଯୁକ୍ତ ପଣ୍ଡା ଏହି ଅବସରରେ କହିଥିଲେ। ସେହିପରି ଏହି ଅଭିଯାନ ଅଧୀନରେ ସେ ଚାରା ରୋପଣ ମଧ୍ୟ କରିଥିଲେ ଏବଂ ପ୍ରଧାନମନ୍ତ୍ରୀଙ୍କ ଜୀବନରୁ ପ୍ରେରଣା ନେଇ ଆରମ୍ଭ ହୋଇଥିବା ଏହି ଅଭିଯାନରେ ସମସ୍ତେ ସାମିଲ ହେବାକୁ ଅନୁରୋଧ କରିଥିଲେ।

Categories
ଆଞ୍ଚଳିକ

ବିଜେପି ବାଲୁଗାଁ ନଗର ମଣ୍ଡଳର କାର୍ଯ୍ୟକାରିଣୀ ବୈଠକରେ ଯୋଗଦେଲେ ସାଂସଦ ଅପରାଜିତା ଷଡ଼ଙ୍ଗୀ

ସୀତାରାମ ଅଗ୍ରୱାଲ

ଚିଲିକା: ଆଗକୁ ଆସୁଛି ପୌର ନିର୍ବାଚନ। ଏହି ପରିପ୍ରେକ୍ଷୀରେ ରାଜ୍ୟ ବିଜେପି ଧୀରେ ଧୀରେ ତାର ସଂଗଠନକୁ ମଜଭୁତ କରିବାରେ ଲାଗିଛି। ଅନୁରୂପ ଭାବେ ଖୋର୍ଦ୍ଧା ଜିଲ୍ଲା ଚିଲିକା ନିର୍ବାଚନମଣ୍ଡଳୀରେ ମଧ୍ୟ ରାଜନୈତିକ ଉଷ୍ମତା ବୃଦ୍ଧି ପାଇବାରେ ଲାଗିଛି।

ବିଗତ କିଛି ଦିନ ହେଲା ବିଜେପି ଏହାର ସାଙ୍ଗଠନିକ ଭିତ୍ତିଭୂମିକୁ ସଜାଡ଼ିବାରେ ଲାଗିଛି ଏବଂ ନିଜକୁ ଶକ୍ତିଶାଳୀ କରିବାକୁ ପ୍ରୟାସ କରୁଛି। ପୂର୍ବରୁ ବିଭିନ୍ନ ମଣ୍ଡଳର ପରିବର୍ଦ୍ଧିତ କାର୍ଯ୍ୟକାରିଣୀ ବୈଠକରେ ନିଜର ଶକ୍ତି ପ୍ରଦର୍ଶନ କରିସାରିଥିବାସ୍ଥଳେ ବୁଧବାର ଦିନ ବାଲୁଗାଁ ନଗର ମଣ୍ଡଳର ପରିବର୍ଦ୍ଧିତ କାର୍ଯ୍ୟକାରିଣୀ ବୈଠକ ବାଲୁଗାଁ ଏନଏସି ସ୍ଥିତ ଉମାମହେଶ୍ୱର ବଣିକ ସଂଘ ସଭାଗୃହ ମଧ୍ୟରେ ଅନୁଷ୍ଠିତ ହୋଇଯାଇଛି।

ବାଲୁଗାଁ ନଗର ମଣ୍ଡଳ ସଭାପତି ନିରଞ୍ଜନ ସେଠିଙ୍କ ସଭାପତିତ୍ୱରେ ଉକ୍ତ ବୈଠକ ଅନୁଷ୍ଠିତ ହୋଇଥିବା ସ୍ଥଳେ ମୁଖ୍ୟ ଅତିଥିଭାବେ ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀ ଓ ରାଜ୍ୟ ବିଜେପି ସାଧାରଣ ସମ୍ପାଦକ ପୃଥ୍ୱୀରାଜ ହରିଚନ୍ଦନ ଏବଂ ଜିଲ୍ଲା ସଭାପତି ରଶ୍ମିରଞ୍ଜନ ମହାପାତ୍ର ଯୋଗ ଦେଇ ଭାରତ ମାତାଙ୍କ ଫୋଟୋ ଚିତ୍ରରେ ପୁଷ୍ପମାଲ୍ୟ ଅର୍ପଣ ଓ ପ୍ରଦୀପ ପ୍ରଜ୍ବଳନ କରି ବୈଠକକୁ ଅନୁଷ୍ଠାନିକ ରୂପେ ଆରମ୍ଭ କରିଥିଲେ।

ଉକ୍ତ ସଭାରେ ବାଲୁଗାଁ ନଗର ମଣ୍ଡଳର ଶତାଧିକ ପୁରୁଷ ଓ ମହିଳା କର୍ମୀମାନେ ଯୋଗଦେଇ ଆଗାମୀ ପୌର ନିର୍ବାଚନରେ ବିଜେପିକୁ ବିପୁଳ ଭୋଟରେ ଜିତେଇବା ପାଇଁ ଦୃଢ଼ ସଂକଳ୍ପ ନେଇଥିଲେ। ଭାରତର ଜନପ୍ରିୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବିକାଶର ମନ୍ତ୍ରକୁ ଘରେ ଘରେ ପହଞ୍ଚାଇବା ପାଇଁ ରାଜ୍ୟ ବିଜେପି ସାଧାରଣ ସମ୍ପାଦକ ପୃଥ୍ୱୀରାଜ ହରିଚନ୍ଦନ କର୍ମୀମାନଙ୍କୁ ପରାମର୍ଶ ଦେଇଥିଲେ।

ସେହିପରି ଭାବେ ଦୀର୍ଘ ବର୍ଷ ଧରି ଦୁର୍ନୀତିରେ ଜଡିତ ଥିବା ବିଜେଡି ସରକାରକୁ ଆଗାମୀ ପୌର ନିର୍ବାଚନରେ ଚିଲିକା ବାସି ପ୍ରତ୍ୟାଖ୍ୟାନ କରି ବିଜେପିକୁ ଜିତାଇବେ ବୋଲି ସାଂସଦ ଅପରାଜିତା ଷଡ଼ଙ୍ଗୀ ମତ ରଖିଥିଲେ।

Categories
ଆଜିର ଖବର ରାଜ୍ୟ ଖବର

କେନ୍ଦ୍ରପଡା ଜିଲ୍ଲାର ଖରସ୍ରୋତା ନଦୀ ଅଞ୍ଚଳର ସ୍ଥିତି ଅନୁଧ୍ୟାନ କଲେ ବିଜେପି ଟିମ୍

ଭୁବନେଶ୍ୱର, ବିଜେପି ରାଜ୍ୟ ସାଧାରଣ ସଂପାଦକ ପୃଥ୍ୱୀରାଜ ହରିଚନ୍ଦନ ନେତୃତ୍ୱରେ ଏକ ଉଚ୍ଚସ୍ତରୀୟ ପ୍ରତିନିଧି ଦଳ ଆଜି କେନ୍ଦ୍ରାପଡା ଜିଲ୍ଲା ଗସ୍ତ କରି ଖରସ୍ରୋତା ନଦୀ ଅଂଚଳ ବୁଲି  ସ୍ଥିତି ନିରୀକ୍ଷଣ କରିଛନ୍ତି । ଏହି ପ୍ରତିନିଧି ଦଳରେ ରାଜ୍ୟ ଉପସଭାନେତ୍ରୀ ପ୍ରଭାତୀ ପରିଡା ଓ ଅନୀତା ଶୁଭଦର୍ଶୀନି, ରାଜ୍ୟ ସଂପାଦିକା ପିଙ୍କି ପ୍ରଧାନ, ରାଜ୍ୟ ମୁଖପାତ୍ର ଡ.ଯତୀନ ମହାନ୍ତି, ମହିଳା ମୋର୍ଚ୍ଚା ରାଜ୍ୟ ସଭାନେତ୍ରୀ ସ୍ମୃତି ପଟ୍ଟନାୟକ, ରାଜ୍ୟ କାର୍ଯ୍ୟକାରିଣୀ ସଦସ୍ୟ ଦଳଗୋବିନ୍ଦ ନାୟକ, ଭୂବନ ମୋହନ ଜେନା, ବିଷ୍ନୁ ଦାଶ, ଅଲେଖ ଜେନା, ଜିଲ୍ଲା ସଭାପତି କିଶୋର ପଣ୍ଡାଙ୍କ ସମେତ ବହୁ ନେତୃବୃନ୍ଦ ସାମିଲ ଥିଲେ ।

ଯେଉଁ ପ୍ରକଳ୍ପ ଆଳରେ ଖରସ୍ରୋତା ନଦୀରୁ ପାଣି ଅନ୍ୟ ଜିଲ୍ଲାକୁ ନେବା ପାଇଁ ରାଜ୍ୟ ସରକାର ଯୋଜନା କରିଛନ୍ତି, ତାହା ସଂପୂର୍ଣ୍ଣ ଅବାଂଚିତ ବୋଲି ପୃଥୀରାଜ କହିଛନ୍ତି । ରାଜ୍ୟ ସରକାର କେନ୍ଦ୍ରାପଡା ଜିଲ୍ଲାରୁ ପାଣି ଚୋରୀ କରି ଯେଉଁ ଭଳି ଭାବେ ବିଭିନ୍ନ ଓ ବିବିଧ ସୁତ୍ର ଥିବା ସତ୍ୱେ ଭଦ୍ରକ ଜିଲ୍ଲାକୁ ପାଣି ଦେବା ଅତ୍ୟନ୍ତ ଦୁର୍ଭାଗ୍ୟ ଓ ଚିନ୍ତାଜନକ ବୋଲି ସେ କହିଛନ୍ତି ।

ରାଜ୍ୟ ସରକାର ଯଦି ବାସ୍ତବରେ ଲୋକଙ୍କ ସ୍ୱାର୍ଥକୁ ଅଗ୍ରାଧିକାର ଦେଉଛନ୍ତି, ତାହେଲେ ସ୍ଥାନୀୟ ବାସିନ୍ଦାଙ୍କ ସହ ଆଲୋଚନା କରି ଜନଶୁଣାଣୀ ଜରିଆରେ ପ୍ରକଳ୍ପ କାର୍ଯ୍ୟ କରିବା ଉଚିତ୍ । ମାତ୍ର ରାଜ୍ୟ ସରକାର ତାକୁ ନକରି ବର୍ବରୋଚିତ ଭାବେ ଶକ୍ତି ପ୍ରଦର୍ଶନ କରି ସାଧାରଣ ଲୋକଙ୍କୁ ଗିରଫ କରିବା ଅତ୍ୟନ୍ତ ନିନ୍ଦନୀୟ । ରାଜ୍ୟ ସରକାର ସର୍ବପ୍ରଥମେ ସାଧାରଣ ଜନତାଙ୍କ ଦାବୀକୁ ସମ୍ମାନ ଜଣାଇବା ଉଚିତ୍ ବୋଲି ଶ୍ରୀ ହରିଚନ୍ଦନ ଦାବୀ କରିଛନ୍ତି।

Categories
ଜାତୀୟ ଖବର ବିଶେଷ ଖବର ରାଜ୍ୟ ଖବର

କେନ୍ଦ୍ର ମନ୍ତ୍ରୀମଣ୍ଡଳ ଅଦଳବଦଳରେ ଓଡିଶାର ଭାଗ୍ୟ, ବାହାରିବେ ଜଣେ ପଶିବେ ଆଉ ଜଣେ

ଭୁବନେଶ୍ବର, କେନ୍ଦ୍ର ମନ୍ତ୍ରୀମଣ୍ଡଳରେ ଅଦଳବଦଳ ତଥା ସଂପ୍ରସାରଣ ନେଇ ଜାତୀୟ ରାଜନୀତି ବେଶ ସରଗରମ ହୋଇ ଉଠିଛି। ବିଭିନ୍ନ ସମୟରେ ପ୍ରଧାନମନ୍ତ୍ରୀ, ଗୃହମନ୍ତ୍ରୀ ଏବଂ ବିଜେପି ରାଷ୍ଟ୍ରୀୟ ଅଧ୍ୟକ୍ଷଙ୍କ ବୈଠକ ଏହି ଚର୍ଚ୍ଚାକୁ ଆହୁରି ତାଜା କରୁଛି। ସେହିପରି କେତେବେଳେ ମନ୍ତ୍ରୀ ରାଜନାଥ ସିଂ, କେତେବେଳେ ମନ୍ତ୍ରୀ ନୀତିନ ଗଡକରିଙ୍କ ସହିତ ପ୍ରଧାନମନ୍ତ୍ରୀଙ୍କ ଆଲୋଚନା ଏହି ଅଦଳବଦଳ ସନ୍ଦେହକୁ ଦୃଢିଭୂତ କରୁଛି।

ତେବେ ଜାତୀୟ ରାଜନୀତିରେ ଯେପରି ଚର୍ଚ୍ଚା ଚାଲିଛି ଓଡିଶା ରାଜନୀତିରେ ମଧ୍ୟ ଏହାକୁ ନେଇ ବେଶ କିଛି ଦିନ ଧରି ଆଲୋଚନା ପର୍ଯ୍ୟାଲୋଚନା ଚାଲିଛି। ସେଥିମଧ୍ୟରେ ରହିଛି ଓଡିଶାରୁ ଜଣେ ମନ୍ତ୍ରୀ ହଟିବେ, ଆଉ ନୂଆ ଜଣେ ପଶିବେ। ତେବେ କିଏ ବାହାରିବେ କିଏ ପଶିବେ ସେ ନେଇ ଚାଲିଛି ଅଙ୍କ କଷା।

ବର୍ତ୍ତମାନ କେନ୍ଦ୍ରରେ ଓଡିଶାରୁ ଦୁଇଜଣ ମନ୍ତ୍ରୀ ଅଛନ୍ତି। ଜଣେ ହେଲେ ଧର୍ମେନ୍ଦ୍ର ପ୍ରଧାନ ଆଉ ଜଣେ ପ୍ରତାପ ଷଡଙ୍ଗୀ। ତେବେ ଏହି ଦୁଇଜଣଙ୍କ ମଧ୍ୟରୁ ଧର୍ମେନ୍ଦ୍ରଙ୍କ କେନ୍ଦ୍ରରେ ଦବଦବା ସବୁଠାରୁ ଅଧିକ। ସେଥିପାଇଁ ତାଙ୍କୁ ଦୁଇଟି ଗୁରୁତ୍ବପୂର୍ଣ୍ଣ ବିଭାଗର ମନ୍ତ୍ରୀ କରାଯାଇଛି। ନିକଟ ଭବିଷ୍ୟତରେ ତାଙ୍କ ଦବଦବାରେ କେହି ହାତ ମାରିବାର ନାହିଁ। ତେବେ ଯେଉଁ ମନ୍ତ୍ରୀ ହଟିବାର ଚର୍ଚ୍ଚା ହେଉଛି ସେ ହେଉଛନ୍ତି ପ୍ରତାପ ଷଡଙ୍ଗୀ।

ପ୍ରତାପ ଷଡଙ୍ଗୀଙ୍କୁ ହଟାଇବାର କାରଣରେ କୁହାଯାଉଛି ଯେ ତାଙ୍କର ଦକ୍ଷତା ଭଲ ନାହିଁ। ନିଜ ବିଭାଗକୁ ଠିକରେ ସମ୍ଭାଳିବାରେ ସେ ଅକ୍ଷମ। ତେବେ ସବୁଠାରୁ ଯେଉଁ ଗୁରୁତ୍ବପୂର୍ଣ୍ଣ କଥା ରହିଛି ତାହା ହେଲା ରାଜ୍ୟ ରାଜନୀତିରେ ବିଜେପିର ସେପରି କିଛି ପରିବର୍ତ୍ତନ ହୋଇପାରିଲା ନାହିଁ।

ପ୍ରତାପ ଷଡଙ୍ଗୀ ଯେତେବେଳେ କେନ୍ଦ୍ରମନ୍ତ୍ରୀ ହେଲେ ସେତେବେଳେ ଜାତୀୟ ଗଣମାଧ୍ୟମରେ ସେ ବେଶ୍ ଚର୍ଚ୍ଚାକୁ ଆସିଥିଲେ। ଏପରିକି ତାଙ୍କୁ ଓଡିଶାର ଯୋଗୀ ଆଦିତ୍ୟନାଥ ବୋଲି କୁହାଗଲା। ଓଡିଶାରେ ବିଜେପିକୁ ଶକ୍ତିଶାଳୀ କରିବାରେ ସେ ବହୁତ କିଛି କରିବେ ବୋଲି କେନ୍ଦ୍ରୀୟ ନେତା ଆଶା କରିଥିଲେ। ହେଲେ ପ୍ରତାପଙ୍କ ମନ୍ତ୍ରୀତ୍ବରେ ରାଜ୍ୟ ବିଜେପିର କୌଣସି ପରିବର୍ତ୍ତନ ହେଲା ନାହିଁ।

ତେବେ ସବୁଠାରୁ ବଡ ଝଟକା ହେଲା ବାଲେଶ୍ବର ଉପନିର୍ବାଚନ। ଏହି ନିର୍ବାଚନ ମଣ୍ଡଳିଟିରେ ପୂର୍ବରୁ ବିଜେପି ବିଧାୟକ ଥିଲେ, ବିଜେପିର ସଂଗଠନ ଥିଲା, ଏଥିସହିତ ତାହା ଖୋଦ ମନ୍ତ୍ରୀ ପ୍ରତାପ ଷଡଙ୍ଗୀଙ୍କ ନିର୍ବାଚନ ମଣ୍ଡଳି। ଏପରି କ୍ଷେତ୍ରରେ ସେଠାରେ ବିଜେପି ପ୍ରାର୍ଥୀ ହାରିବା କେନ୍ଦ୍ରୀୟ ନେତୃବୃନ୍ଦ ଏହାକୁ ଭିନ୍ନ ଦୃଷ୍ଟିରେ ଦେଖିଛନ୍ତି।

ପ୍ରତାପ ଷଡଙ୍ଗୀଙ୍କୁ ବଦଳାଇ ଓଡିଶାରୁ ରାଜ୍ୟସଭା ସାଂସଦ ହୋଇଥିବା ଅଶ୍ବନୀ ବୈଷ୍ଣବଙ୍କୁ ମନ୍ତ୍ରୀ ମଣ୍ଡଳରେ ସାମିଲ କରାଯିବ ବୋଲି ଚର୍ଚ୍ଚା ଚାଲିଛି। ଏହା ଉଭୟ ରାଜ୍ୟ ତଥା ଜାତୀୟ ରାଜନୀତିରେ ବେଶ୍ ଚର୍ଚ୍ଚା ଚାଲିଛି। ଅନ୍ୟପକ୍ଷରେ କେନ୍ଦ୍ରୀୟ ନେତୃତ୍ବଙ୍କ ପାଖରେ ଅଶ୍ବନୀ ବୈଷ୍ଣବଙ୍କ ଦବଦବା ମଧ୍ୟ ରହିଛି। ସେଥିପାଇଁ ସେ ମନ୍ତ୍ରୀ ମଣ୍ଡଳରେ ସାମିଲି ହେବା ନିଶ୍ଚିତ ବୋଲି ଜଣାପଡିଛି।

Categories
ଜାତୀୟ ଖବର ବିଶେଷ ଖବର ରାଜ୍ୟ ଖବର

ଓଡିଶାରେ ବାତ୍ୟା ରାଜନୀତି, ବିଜେପି କହିଲା ସରକାର ଫେଲ, କେନ୍ଦ୍ରୀୟ ଟିମ କହିଲା ପାଶ୍

ଭୁବନେଶ୍ବର, ବାତ୍ୟା ୟଶ ଯାହା କ୍ଷତି କରିଛି ତାହା ଭିନ୍ନ କଥା। ହେଲେ ଏହାକୁ ନେଇ ରାଜନୈତିକ ବୟାନବାଜି ବଢିବାରେ ଲାଗିଛି। ଏହିପରି ଏକ ଘଟଣା ରାଜ୍ୟ ବିଜେପିରେ ପରିଲକ୍ଷିତ ହୋଇଛି। ଯାହା ଫଳରେ ଦଳକୁ ସାଧାରଣରେ ଲୋକହସିତ ହେବାକୁ ପଡିଛି।

ଘଟଣାଟି ହେଲା ବାତ୍ୟା ୟଶ କ୍ଷୟକ୍ଷତି ଦେଖିବା ପାଇଁ 7 ଜଣିଆ କେନ୍ଦ୍ରୀୟ ଟିମ ଓଡିଶା ଆସିଥିଲେ। ସେମାନେ ବିଭିନ୍ନ ପ୍ରଭାବିତ ଜିଲ୍ଲା ଦେଖି ସେମାନଙ୍କ ହିସାବରେ ଆକଳନ କରିଥିଲେ। ଏହି ଟିମକୁ ଭୁବନେଶ୍ବରରେ ବିଜେପିର ଏକ ପ୍ରତିନିଧି ଦଳ ଭେଟିବାକୁ ଯାଇଥିଲେ। ଏଥିରେ କେନ୍ଦ୍ରମନ୍ତ୍ରୀ ପ୍ରତାପ ଷଡଙ୍ଗୀ, ସଭାପତି ସମୀର ମହାନ୍ତିଙ୍କ ସହ ଆଉ କିଛି ନେତା ସାମିଲ ଥିଲେ।

ଭୁବନେଶ୍ବରର ସରକାରୀ ଅତିଥୀ ଭବନରେ ସେମାନଙ୍କୁ ବିଜେପି ତରଫରୁ ଏକ ଦାବୀପତ୍ର ପ୍ରଦାନ କରାଯାଇଥିଲା। ସେଥିରେ ରାଜ୍ୟ ବିଜେପି 10ଟି ଦାବୀ କେନ୍ଦ୍ରୀୟ ଦଳ ନିକଟରେ ରଖିଥିଲା। ସେହି 10ଟି ମଧ୍ୟରୁ ସାତୋଟି ଦାବୀ ରହିଛି ରାଜ୍ୟ ସରକାର କେତେକ ବର୍ଗକୁ ସହାୟତା ପ୍ରଦାନ କରନ୍ତୁ। ହେଲେ ପ୍ରଥମ ତିନୋଟି ଦାବୀ ସଂପର୍କରେ ଜାଣିଲେ ଏହା ସ୍ପଷ୍ଟ ହେବ ଯେ, ବିଜେପି କେବଳ ରାଜନୀତି ବ୍ୟତିତ ଆଉ କିଛି କରୁ ନାହିଁ।

ଦାବୀ ନମ୍ବର ଏକ ହେଉଛି ଯେ ପ୍ରଭାବିତ ଅଞ୍ଚଳବାସୀଙ୍କୁ ରାଜ୍ୟ ସରକାର ମୌଳିକ ସେବା ଯୋଗାଇବାରେ ସଂପୂର୍ଣ୍ଣ ବିଫଳ ହୋଇଛନ୍ତି। ଦାବୀ ନମ୍ବର ଦୁଇ ହେଉଛି ପ୍ରକୃତ କ୍ଷୟକ୍ଷତି ଆକଳନ କରିବା ପାଇଁ ରାଜ୍ୟ ପ୍ରଶାସନିକ ଅଧିକାରୀ ଏ ପର୍ଯ୍ୟନ୍ତ ପ୍ରଭାବିତ ଅଞ୍ଚଳକୁ ଯାଇ ନାହାଁନ୍ତି। ଦାବୀ ନମ୍ବର ତିନି ହେଉଛି ବାତ୍ୟା ପୂର୍ବରୁ ରାଜ୍ୟ ସରକାର କୌଣସି ପ୍ରାକ ପ୍ରସ୍ତୁତି କରି ନ ଥିଲେ।

ଏହି ତିନୋଟି ଦାବୀ ଏଇଥି ପାଇଁ ମଜଦାର ବୋଲି କୁହାଯିବ କାରଣ କେନ୍ଦ୍ରୀୟ ଟିମ ରୋକଠୋକ ଭାବେ ଏସବୁ ନାକଚ କରିଦେଲେ। କେନ୍ଦ୍ରୀୟ ଦଳ ରାଜ୍ୟ ସରକାରଙ୍କ ସହିତ ଆଲୋଚନାରେ ଯାହା କହିଲେ ତାହା ଗଣମାଧ୍ୟମରେ ପ୍ରକାଶ କରାଯାଇଛି। ସେହି ଅନୁସାରେ କେନ୍ଦ୍ରୀୟ ଟିମ ବାତ୍ୟା ପରିଚାଳନାରେ ରାଜ୍ୟ ସରକାରଙ୍କ ପଦକ୍ଷେପକୁ ବେଶ୍ ପ୍ରଶଂସା କରିଛନ୍ତି। ଏଥିସହିତ ରାଜ୍ୟ ସରକାର ବାତ୍ୟା ପୂର୍ବରୁ ଲୋକଙ୍କୁ ଠିକ ଭାବେ ସୂଚନା ଦେବା ସହିତ ସ୍ଥାନାନ୍ତରିତ ମଧ୍ୟ କରିଥିଲେ। ରାଜ୍ୟ ସରକାରଙ୍କ ଉପଯୁକ୍ତ ପଦକ୍ଷେପ ଯୋଗୁଁ ବହୁ ଧନଜୀବନ ରକ୍ଷା ପାଇଥିଲା ବୋଲି କେନ୍ଦ୍ରୀୟ ଟିମ ସ୍ବୀକାର କରିଛନ୍ତି।

କେନ୍ଦ୍ରୀୟ ଟିମଙ୍କ ଏପରି ବିବୃତି ପରେ ରାଜ୍ୟ ବିଜେପି ତରଫରୁ ଆଉ କେହି କିଛି କହି ନାହାଁନ୍ତି। ତେଣୁ ପ୍ରଶ୍ନ ଉଠୁଛି ରାଜ୍ୟ ସରକାରଙ୍କ ନିତିକୁ ବିରୋଧ କରିବା ନାଁ ରେ ବିଜେପି ଲୋକ ହସିତ ହେଉ ନାହିଁ କି ? ବିରୋଧୀ ଦଳ ଭାବେ ବିରୋଧ କରିବା ନାଁ ରେ ଯାହା ନାହିଁ ତାହା ଲେଖି ଦେବା କେତେଦୂର ଠିକ ?

କେବଳ କେନ୍ଦ୍ରୀୟ ଟିମ ନୁହେଁ, ଏହା ପୂର୍ବରୁ ଖୋଦ୍ ପ୍ରଧାନମନ୍ତ୍ରୀ ସମୀକ୍ଷା କରି ଯାଇଛନ୍ତି। ସେ ମଧ୍ୟ ରାଜ୍ୟ ସରକାରଙ୍କ ବାତ୍ୟା ମୁକାବିଲାକୁ ପ୍ରଶଂସା କରିଛନ୍ତି। ଏପରି ପରିସ୍ଥିତିରେ  ସରକାର କିଛି କରିପାରୁ ନାହାଁନ୍ତି, ସବୁଥିରେ ଫେଲ ବୋଲି କହିବାକୁ ସାଧାରଣ ଲୋକେ କେତେ ଦୂର ଗ୍ରହଣ କରିବେ ତାହା ପ୍ରଶ୍ନବାଚୀ। ତେଣୁ ବିଜେପି, ବାତ୍ୟା ମୁକାବିଲା ନୁହେଁ, ବିଜେଡି ମୁକାବିଲାରେ ଫେଲ ମାରୁଛି।

Categories
ଆଜିର ଖବର ରାଜ୍ୟ ଖବର

କେନ୍ଦ୍ର ସରକାରଙ୍କ ଯୋଜନାକୁ ରାଜ୍ୟ ସରକାର ନିଜ ନାଁରେ ବ୍ରାଣ୍ଡିଂ କରୁଛନ୍ତି ବୋଲି ଅଭିଯୋଗ କଲେ ଜୟ ନାରାୟଣ ମିଶ୍ର

ଭୁବନେଶ୍ୱର, କେନ୍ଦ୍ର ସରକାରଙ୍କ ସମସ୍ତ କଲ୍ୟାଣମୂଳକ ଯୋଜନାକୁ ନିଜ ନାଁ ରେ ବ୍ରାଣ୍ଡିଂ କରି ନବୀନ ସରକାର ରାଜ୍ୟବାସୀଙ୍କୁ ଭୂଆଁ ବୁଲାଉଛନ୍ତି । କେନ୍ଦ୍ର ସରକାରଙ୍କ ଏଆଇବିପି ଯୋଜନା ଅନ୍ତର୍ଗତ ୯୦% ଆର୍ଥିକ ସହାୟତାେରେ ଆଜି ଇନ୍ଦ୍ରାବତୀ ମେଗା ଲିଫ୍ଟ ଇରିଗେସନ ପ୍ରକଳ୍ପ ପାଇଁ ମାନ୍ୟବର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଅସଲ ଧନ୍ୟବାଦର ପାତ୍ର। ମାତ୍ର ବ୍ରାଣ୍ଡିଂ ରାଜନୀତି କରୁଥିବା ନବୀନ ସରକାର ସୈାଜନମୁଳକ ଭାବେ ଏହି ସମାବେଶରେ ଥରେଟିଏ ହେଲେ ମଧ୍ୟ ପ୍ରଧାନମନ୍ତ୍ରୀଙ୍କ ନାମ ଉଲ୍ଲେଖ ନକରିବା ଅତ୍ୟନ୍ତ ଦୁର୍ଭାଗ୍ୟଜନକ ବୋଲି ବରିଷ୍ଠ ବିଜେପି ବିଧାୟକ ଜୟ ନାରାୟଣ ମିଶ୍ର ଅଭିଯୋଗ କରିଛନ୍ତି ।

ରାଜ୍ୟ କାର୍ଯ୍ୟାଳୟରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ସେ କହିଛନ୍ତି ଯେ, ଦୀର୍ଘ ୨ ଦଶନ୍ଧି ଧରି ଶାସନ କ୍ଷମତାରେ ରହିବା ସତ୍ୱେ କଳାହାଣ୍ଡି ଏବଂ ଏହାର ଆଖପାଖ ଚିତ୍ର ବାସ୍ତବରେ ନ ବଦଳିବା ଅତ୍ୟନ୍ତ ଲଜ୍ଜାଜନକ । ଗତ ପଂଚାୟତ ନିର୍ବାଚନ ପୂର୍ବରୁ ବରଗଡ ଜିଲ୍ଲାରେ ରାଜ୍ୟର ସର୍ବବୃହତ ଜଳସେଚନ ପ୍ରକଳ୍ପ ଗଙ୍ଗାଧର ଜଳସେଚନ ପ୍ରକଳ୍ପର ଘୋଷଣା କରିଥିଲେ, ଯାହାକି ଆଜି ପର୍ଯ୍ୟନ୍ତ କାର୍ଯ୍ୟକାରୀ ହୋଇପାରିଲା ନାହିଁ ।

ସେହିପରି ଆଜି କଳାହାଣ୍ଡି ମାଟିରେ ଛିଡା ହୋଇ ମାନ୍ୟବର ମୁଖ୍ୟମନ୍ତ୍ରୀ ଇନ୍ଦ୍ରାବତୀ ନଦୀ ଉପରେ ପାର୍ବତିଗିରି ଜଳସେଚନ ପ୍ରକଳ୍ପ ଘୋଷଣା କରିବା ମଧ୍ୟ କେବଳ ଧୂଆଁବାଣ ହୋଇ ରହିନଯାଉ ବୋଲି ଜୟନାରାୟଣ କହିଛନ୍ତି । କୋଭିଡ୍ କଟକଣାକୁ ବାହାନା କରି ଦୀର୍ଘ ୯ ମାସରୁ ଉର୍ଦ୍ଧ୍ୱ ଏକାନ୍ତ ବାସରେ ଥିବା ମୁଖ୍ୟମନ୍ତ୍ରୀ ଆଜି କୋଭିଡ୍ କଟକଣା ବଳବତର ଥିବା ସତ୍ୱେ ଏତେ ବଡ ଜନସମାଗମ ଆୟୋଜନ କରିବା କେତେଦୂର ଯଥାର୍ଥ ?କଳାହାଣ୍ଡି ଜିଲ୍ଲା ସବୁଠାରୁ ଅଧିକ ଚାଉଳ ଯୋଗାଉଛି ବୋଲି ଖୋଦ୍ ମୁଖ୍ୟମନ୍ତ୍ରୀ ଆଜି କହିଛନ୍ତି । ମାତ୍ର ବହୁ ଆଡମ୍ବର ଏହି ସମାବେଶରେ ମୁଖ୍ୟମନ୍ତ୍ରୀ କୃଷକ କିମ୍ବା କୃଷକ କଲ୍ୟାଣ ପାଇଁ ପଦୁଟିଏ ନକହିବା ଅତ୍ୟନ୍ତ ଦୁର୍ଭାଗ୍ୟର ବିଷୟ ।

Categories
ଫଟୋ ଖବର

ପରୀକୁ ନ୍ୟାୟ ଦେବା ଦାବୀରେ ରାଜ୍ୟ ବିଜେପିର ନୟାଗଡ ଅଭିମୁଖେ ଯାଉଥିବା ଶୋଭାଯାତ୍ରା

ପରୀକୁ ନ୍ୟାୟ ଦେବା ଦାବୀରେ ରାଜ୍ୟ ବିଜେପିର ନୟାଗଡ ଜିଲ୍ଲାକୁ ଯାଉଥିବା ଶୋଭାଯାତ୍ରା

Categories
ଜାତୀୟ ଖବର ବିଶେଷ ଖବର ରାଜ୍ୟ ଖବର

ହ୍ରାସ ପାଉଥିବା ପତିୟାରା ପ୍ରତିଷ୍ଠା ପାଇଁ ଧର୍ମେନ୍ଦ୍ରଙ୍କର ନୂଆ ରଣନୀତି, ଏକା ଡାକିଲେ ବିଧାୟକଙ୍କ ବୈଠକ

ଭୁବନେଶ୍ବର, କିଛିଦିନ ତଳେ ରାଜ୍ୟ ବିଜେପି କାର୍ଯ୍ୟାଳୟରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏକ ବିଧାୟକ ଦଳର ବୈଠକ ଡାକିଥିଲେ। କେନ୍ଦ୍ରମନ୍ତ୍ରୀ ତଥା ରାଜ୍ୟ ନେତା ଭାବେ ସେ ବିଧାୟକ ଦଳର ବୈଠକ ଡାକିବାରେ କୌଣସି ଅସୁବିଧା ନାହିଁ। ହେଲେ ଅସୁବିଧା ହେଲା ଯେ, ସେ ଯେଉଁ ସମୟରେ ଏହି ବୈଠକ ଆହ୍ବାନ କଲେ। କାରଣ ବିଧାନସଭା ପୂର୍ବରୁ ସବୁ ଦଳ, ଗୃହ ଭିତରେ କଣ ରଣନୀତି ହେବ ସେ ନେଇ ବୈଠକ କରିଥାନ୍ତି। ସାଧାରଣତଃ ଏହି ବୈଠକ ବିଧାନସଭା ପୂର୍ବରୁ କରାଯାଇଥାଏ। ହେଲେ ବିଧାନସଭା ହେବାର ବହୁ ଦିନ ପରେ ଧର୍ମେନ୍ଦ୍ର ଏପରି ବୈଠକ କରିବାର କଣ ଆବଶ୍ୟକତା ଥିଲା। ତାହାକୁ ନେଇ ବର୍ତ୍ତମାନ ସୃଷ୍ଟି ହୋଇଛି ଚର୍ଚ୍ଚା।

ସାଧାରଣରେ ଗୋଟିଏ ଆଲୋଚନା ହେଉଛି ଯେ, ବର୍ତ୍ତମାନ ଦଳ ଭିତରେ ଧର୍ମେନ୍ଦ୍ରଙ୍କ ପତିୟାରା କମିବାରେ ଲାଗିଛି। ସେଥିପାଇଁ ସେ ନିଜର ଶକ୍ତିକୁ ବଜାଇ ରଖିବା ପାଇଁ କୁଆଡେ ଏପରି ଅବେଳାରେ ବିଧାୟକ ଦଳର ବୈଠକ ଡାକିଥିଲେ। ସେହିପରି ଏହି ବୈଠକକୁ ନେଇ ଆଉ ଏକ ପ୍ରଶ୍ନବାଚୀ ମଧ୍ୟ ସୃଷ୍ଟି ହୋଇଛି। ତାହା ହେଲା ଯେ, ଏହି ବିଧାୟକ ଦଳ ବୈଠକରେ ସବୁ ବିଜେପି ବିଧାୟକଙ୍କ ସହିତ ଧର୍ମେନ୍ଦ୍ର ଏବଂ ରାଜ୍ୟ ସଭାପତି ସମୀର ମହାନ୍ତି ଥିଲେ। ହେଲେ ଭୁବନେଶ୍ବର ସାଂସଦ ଅପରାଜିତା ଷଡ଼ଙ୍ଗୀଙ୍କୁ ଡକାଯାଇ ନ ଥିଲା। ପ୍ରକୃତରେ ତାଙ୍କୁ ଡକା ଯାଇ ନ ଥିଲା କି ସେ ଆସିପାରି ନ ଥିଲେ ତାହା ଭିନ୍ନ କଥା। ହେଲେ ସେହି ବୈଠକରେ ଅପରାଜିତା ଅନୁପସ୍ଥିତ ଥିଲେ। ଯାହାକୁ ନେଇ ରାଜନୈତିକ ମହଲ ଭିନ୍ନ ରଂଗ ଦେବାରେ ଲାଗିଛି।

ନିକଟରେ ଦଳରେ ଖୋର୍ଦ୍ଧା ଜିଲ୍ଲା ସଭାପତିଙ୍କୁ ନେଇ ଯେପରି ନାଟକବାଜୀ ହେଲା ତାହା ବର୍ତ୍ତମାନ ଓଡିଶା ରାଜନୈତିକ ମହଲରେ ବେଶ୍ ଚର୍ଚ୍ଚାର କେନ୍ଦ୍ର ବିନ୍ଦୁ ପାଲଟିଛି। କାରଣ ଖୋର୍ଦ୍ଧା ଜିଲ୍ଲାର ସଭାପତି ଥିବା ରଶ୍ମୀରଂଜନ ମହାପାତ୍ରଙ୍କୁ ଦଳ ବିରୋଧୀ କାମ ପାଇଁ ସଭାପତି ପଦରୁ ହାଠାତ ହଟାଇ ଦିଆଯାଇ ଯତୀନ ମହାନ୍ତିଙ୍କୁ ନିଯୁକ୍ତ କରାଗଲା। ରାଜନୈତିକ ମହଲରେ ସମସ୍ତେ ଜାଣନ୍ତି ଯତୀନ ମହାନ୍ତି ଧର୍ମେନ୍ଦ୍ରଙ୍କ ଲୋକ ଏବଂ ରଶ୍ମୀରଂଜନ ହେଉଛନ୍ତି ଅପରାଜିତାଙ୍କ ଲୋକ।

ରଶ୍ମୀରଂଜନଙ୍କୁ ଯେତେବଳେ ସଭାପତି କରିବା ପାଇଁ ପ୍ରସ୍ତାବ ଗଲା ସେତେବେଳେ କୁଆଡେ ଧର୍ମେନ୍ଦ୍ର ବିରୋଧ କରିଥିଲେ। ହେଲେ ତାଙ୍କର ବିରୋଧ ସତ୍ବେ ରଶ୍ମୀଙ୍କୁ ସଭାପତି କରିବା ପାଇଁ ଅପରାଜିତା ଅଡି ବସିଥିଲେ ଆଉ ସଫଳ ମଧ୍ୟ ହେଲେ।ସେହି ରାଗରେ କିଛି ମାସ ପରେ ଧର୍ମେନ୍ଦ୍ର ଗୋଟି ଚାଳନା କରି ତାଙ୍କୁ ସଭାପତି ପଦରୁ ବାହାର କରି ଲୋକହସା ମଧ୍ୟ ହେଲେ। କାରଣ ସେ ଯାହାକୁ ସଭାପତି ଭାବେ ନିଯୁକ୍ତ କଲେ ତାଙ୍କୁ ଆଠଦିନ ପରେ ବାହାର କରାଗଲା। ପୁଣି ରଶ୍ମୀରଂଜନ ମହାପାତ୍ରଙ୍କୁ ସଭାପତି ଭାବେ ପୁନଃସ୍ଥାପିତ କରାଗଲା।

ଏହି ଘଟଣା ବାହାରକୁ ଜଣାପଡି ନ ଥିଲେ ମଧ୍ୟ ରାଜ୍ୟ ବିଜେପିରେ ଶକ୍ତିଶାଳୀ ଧର୍ମେନ୍ଦ୍ର ପ୍ରଧାନ ଗୋଷ୍ଠୀଙ୍କ ମୁଣ୍ଡ ଖରାପ କରିଦେଇଛି। ଖୋଦ ଧର୍ମେନ୍ଦ୍ରଙ୍କୁ ମଧ୍ୟ ବଡ ଧକ୍କା ଲାଗିଛି। ମୁଖ୍ୟତଃ ତିନୋଟି କାରଣ ନେଇ ଧର୍ମେନ୍ଦ୍ର ବେଶ୍ ବ୍ୟଥିତ ହୋଇଛନ୍ତି। ପ୍ରଥମରେ ତାଙ୍କ ଦ୍ବାରା ନିଯୁକ୍ତ ସଭାପତିଙ୍କୁ ସେ ସୁରକ୍ଷା ଦେଇପାରିଲେ ନାହିଁ। ଦ୍ବିତୀୟରେ ସେ ଯାହାକୁ ବାହାର କରିଥିଲେ ତାଙ୍କୁ ପୁଣି ନିଯୁକ୍ତି ଦିଆଗଲା।

ଅନ୍ତତଃ ପକ୍ଷେ ଆଉ ନୂଆ ଜଣଙ୍କୁ ସଭାପତି କରାଯାଇ ଥିଲେ ହୁଏତ ଧର୍ମେନ୍ଦ୍ରଙ୍କର ପତିୟାରା ଅକ୍ଷୁର୍ଣ୍ଣ ରହିଥାଆନ୍ତା। ତାହା ମଧ୍ୟ ହୋଇପାରିଲା ନାହିଁ। ତୃତୀୟରେ ଏହି ଘଟଣାଟି ଧର୍ମେନ୍ଦ୍ରଙ୍କର ପତିୟାରା ହ୍ରାସ କଲା ବୋଲି  ହାଟରେ ପଡି ଘାଟରେ ଗଡିଲା। ଯାହା ତାଙ୍କୁ ବହୁ ମାତ୍ରାରେ ବ୍ୟତିଥ କରିଦେଇଛି। ଅପରାଜିତ ଦଳରେ ଯୋଗଦେବା ପୂର୍ବରୁ ଏମିତି କେବେ ହୋଇ ନ ଥିଲା।

ଏ ସବୁ ଘଟଣା ଭିତରେ ଧର୍ମେନ୍ଦ୍ର ବର୍ତ୍ତମାନ ନିଜର ପତିୟାରାକୁ ପ୍ରତିଷ୍ଠା କରି ଅପରାଜିତାକୁ କଣଠୋସା କରିବା ପାଇଁ ଏକ ନୂଆ ରଣ କୌଶଳ ଆରମ୍ଭ କରିଛନ୍ତି। ଭିନ୍ନ ପ୍ରସଂଗରେ ବିଜେପି ବିଧାୟକମାନଙ୍କ ବୈଠକ ଡାକି ନିଜର ଭାବମୂର୍ତ୍ତିକୁ ସଜାଡିବାରେ ଲାଗିପଡିଛନ୍ତି। ଏହାପରେ ସେ ବର୍ତ୍ତମାନ ପୁରା ବିଜେପି ନେତାମାନଙ୍କୁ କିପରି ହାତରେ ରଖିବେ ସେ ନେଇ ମଧ୍ୟ ରଣନୀତି ପ୍ରସ୍ତୁତ କରିସାରିଲେଣି। କାରଣ ଧର୍ମେନ୍ଦ୍ର ଥରେ ଧକ୍କା ଖାଇଛନ୍ତି ମାନେ ସେ ଭିତରେ ଭିତରେ ଘାଇଲା ବାଘ ପରି ହେବାରେ ଲାଗିଛନ୍ତି ।

ଅନ୍ୟପଟେ ଏସବୁ ଘଟଣା ସଂପର୍କରେ ଅବଗତ ହେବାରେ ଲାଗିଛନ୍ତି ସାଂସଦ ଅପରାଜିତା ଷଡଙ୍ଗୀ। ସେ ମଧ୍ୟ ଦଳ ଭିତରେ ନିଜ ପତିୟାରା ଜାହିର ପାଇଁ ଆରମ୍ଭ କରିଛନ୍ତି ନୂଆ ରଣନୀତି। ତେବେ ବିଜେପିର ଏପରି ଡ୍ରାମାବାଜିକୁ ନେଇ ଗୋଟିଏ ଗୋଷ୍ଠୀ ବେଶ୍ ଉତଫୁଲିତ ଅଛନ୍ତି। ସେହି ଗୋଷ୍ଠୀଟି ହେଲା , ଆମେ ନା ଧର୍ମେନ୍ଦ୍ର, ଆମେ ନା ଅପରାଜିତା।

Categories
ଆଜିର ଖବର ଜାତୀୟ ଖବର ରାଜ୍ୟ ଖବର

ରାଜ୍ୟ ବିଜେପିରେ ଅଜବ ସ୍ଥିତି, ପୁଣି ଥରେ ଖୋର୍ଦ୍ଧା ଜିଲ୍ଲା ସଭାପତି ହେଲେ ରଶ୍ମୀ ରଂଜନ ମହାପାତ୍ର

ଭୁବନେଶ୍ବର, ବର୍ତ୍ତମାନ ବିଜେପିର ଅନ୍ତଃଦ୍ବନ୍ଦ ଧିରେ ଧିରେ ବୃଦ୍ଧି ପାଇବାରେ ଲାଗିଛି। ଯାହାର ପ୍ରମାଣ ମିଳିଛି ଖୋର୍ଦ୍ଧା ଜିଲ୍ଲା ସଭାପତି ପଦବୀକୁ ନେଇ। ଏବେ ପୁଣିଥରେ ଖୋର୍ଦ୍ଧା ଜିଲ୍ଲା ବିଜେପି ସଭାପତି ଭାବେ ରଶ୍ମୀ ରଂଜନ ମହାପାତ୍ରଙ୍କୁ ପୁନଃନିଯୁକ୍ତି ଦିଆଯାଇଛି। ଏ ନେଇ ରାଜ୍ୟ ସଭାପତି ଏକ ପ୍ରେସ ବିଜ୍ଞପ୍ତି ମାଧ୍ୟମରେ ଜଣାଇଛନ୍ତି। ଦୁଇ ଧାଡିଆ ଏହି ପ୍ରେସ ବିଜ୍ଞପ୍ତିରେ କୁହାଯାଇଛି ଯେ ରଶ୍ମୀରଂଜନଙ୍କୁ ଖୋର୍ଦ୍ଧା ଜିଲ୍ଲା ସଭାପତି ଭାବେ ପୁନଃସ୍ଥାପିତ କରାଯାଇଛି।

ଆଠଦିନ ତଳେ ସେହି ରାଜ୍ୟ ସଭାପତି ସମୀର ମହାନ୍ତିଙ୍କ ଅନୁମତି ପରେ ଏକ ପ୍ରେସ ବିଜ୍ଞପ୍ତି ପ୍ରକାଶ ପାଇଥିଲା। ସେଥିରେ କୁହାଯାଇଥିଲା ଯେ ଖୋର୍ଦ୍ଧା ଜିଲ୍ଲା ବିଜେପି ସଭାପତି ଦଳୀୟ ଶୃଙ୍ଖଳା ଭଙ୍ଗ କରୁଥିବାରୁ ତାଙ୍କୁ ସଭାପତି ପଦରୁ ଅବ୍ୟାହତି ଦିଆଗଲା। ନୂଆ ସଭାପତି ଭାବେ ଯତୀନ ମହାନ୍ତିଙ୍କୁ ନିଯୁକ୍ତି ଦିଆଗଲା। ଏବେ ସେ ପୁଣି ବଦଳି ଗଲେ ଆଉ ସେହି ଦଳୀୟ ଶୃଙ୍ଖଳା ଭଙ୍ଗ କରୁଥିବା ବ୍ୟକ୍ତିଙ୍କୁ ସଭାପତି କରାଗଲା ବୋଲି କହିଲେ। ଏଥିରୁ ସ୍ପଷ୍ଟ ସୂଚନା ମିଳିଛି ଯେ, ରାଜ୍ୟ ବିଜେପିରେ ବର୍ତ୍ତମାନ ଅନ୍ତଃକନ୍ଦଳ ବୃଦ୍ଧି ପାଇଛି।