Categories
ଅନ୍ତରାଷ୍ଟ୍ରୀୟ ଆଜିର ଖବର ଜାତୀୟ ଖବର

ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କର ଆଜି ପ୍ରଥମ ବିଦେଶ ଗସ୍ତ, ଜାଣନ୍ତୁ କେଉଁ ଦେଶକୁ ଯିବେ

ନୂଆଦିଲ୍ଲୀ: ଆଜି ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କର ପ୍ରଥମ ବିଦେଶ ଗସ୍ତ ହେବ। ରାଷ୍ଟ୍ରପତି ଭାବେ ଦାୟିତ୍ବ ନେବା ପରେ ସେ ବିଦେଶ ଗସ୍ତ କରି ନାହାଁନ୍ତି। ଆଜି ରାଷ୍ଟ୍ରପତି ବ୍ରିଟେନର ରାଣୀ ଏଲିଜାବେଥ୍‌ ଦ୍ୱିତୀୟଙ୍କ ଅନ୍ତିମ ସଂସ୍କାରରେ ଯୋଗ ଦେବା ପାଇଁ ବ୍ରିଟେନ ଗସ୍ତ କରିବେ।

ଭାରତ ତରଫରୁ ତାଙ୍କ ପରିବାର ତଥା ଦେଶକୁ ସମବେଦନା ଜଣାଇବା ପାଇଁ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଆଜିଠୁ ୧୯ ତାରିଖ ପର୍ଯ୍ୟନ୍ତ ଲଣ୍ଡନ ଗସ୍ତରେ ଯିବେ । ରାଣୀଙ୍କ ଅନ୍ତିମ ସଂସ୍କାର ୧୯ ସେପ୍ଟେମ୍ବରରେ ୱେଷ୍ଟମିନିଷ୍ଟର ଆବେରେ କରାଯିବ। ସେଠାରେ ବିଶ୍ବର ପ୍ରାୟ ୨୦୦୦ ଭିଆଇପି ଅନ୍ତିମ ସଂସ୍କାରରେ ଯୋଗଦେବେ।

Categories
ଆଜିର ଖବର ଜାତୀୟ ଖବର ଜୀବନ ଶୈଳୀ ବ୍ୟକ୍ତିତ୍ୱ ରାଜ୍ୟ ଖବର

ରାଷ୍ଟ୍ରପତିଙ୍କୁ ଭେଟିଲେ ଓଡିଶାର ବ୍ରହ୍ମାକୁମାରୀ, ଜଣାଇଲେ ଜନ୍ମାଷ୍ଠମୀ ଅଭିନନ୍ଦନ

ନୂଆଦିଲ୍ଲୀ: ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ରାଷ୍ଟ୍ରପତି ଭବନରେ ସାକ୍ଷାତ କରିଛନ୍ତି ଭୁବନେଶ୍ବରର ବ୍ରହ୍ମାକୁମାରୀଗଣ। ପ୍ରଜାପତି ବ୍ରହ୍ମାକୁମାରୀ ଇଶ୍ବରୀୟ ବିଶ୍ବବିଦ୍ୟାଳୟ ସେବା କେନ୍ଦ୍ରର ସଂଚାଳିକା ବ୍ରହ୍ମାକୁମାରୀ ଗୀତା ଭଉଣୀଙ୍କ ନେତୃତ୍ବରେ ଏକ ଦଳ ସାକ୍ଷାତ କରିଛନ୍ତି।

ଏଥିରେ ଅଛନ୍ତି ବ୍ରହ୍ମକୁମାର ଅରୁଣ, ବ୍ରହ୍ମାକୁମାରୀ ସାଲମା, ବ୍ରହ୍ମକୁମାରୀ ପ୍ରାଚୀ ଏବଂ ବ୍ରହ୍ମାକୁମାରୀ ପ୍ରତିଭା। ଏମାନେ ରାଷ୍ଟ୍ରପତିଙ୍କୁ ସ୍ବାଗତ କରିବା ସହିତ ପବିତ୍ର ଜନ୍ମାଷ୍ଠମୀ ପାଇଁ ଅଭିନନ୍ଦନ ମଧ୍ୟ ଜଣାଇଥିଲେ।

Categories
ଆଜିର ଖବର ଜାତୀୟ ଖବର ରାଜ୍ୟ ଖବର

ଆସନ୍ତାକାଲି ନୂଆଦିଲ୍ଲୀ ଯିବେ ଓଡିଶାର ୨୬ ଜଣ ବିଧାୟକ, ଜାଣନ୍ତୁ କଣ ରହିଛି କାରଣ

ଭୁବନେଶ୍ବର: ଆସନ୍ତାକାଲି ଓଡିଶାର ୨୬ ଜଣ ବିଧାୟକ ନୂଆଦିଲ୍ଲୀ ଗସ୍ତରେ ଯିବେ। ଏଗି ଗସ୍ତର କାରଣ ହେଲା ଏମାନେ ଓଡିଆ ଝିଅ ରାଷ୍ଟ୍ରପତି ହୋଇଥିବାରୁ ତାଙ୍କୁ ଅଭିନ୍ନଦନ ଜଣାଇବେ। ଏହି ବିଧାୟକମାନେ ୨ ତାରିଖରେ ନୂଆଦିଲ୍ଲୀରେ ପହଞ୍ଚିବା ପରେ ୩ ତାରିଖରେ ରାଷ୍ଟ୍ରପତିଙ୍କୁ ସାକ୍ଷାତ କରିବେ। ଏହାପରେ ୪ ତାରିଖରେ ଏମାନେ ଫେରି ଆସିବେ।

ବାଚସ୍ପତି ବିକ୍ରମ ଆରୁଖଙ୍କ ନେତୃତ୍ବରେ ଏହି ଦଳ ଗସ୍ତ କରିବ। ଏହି ଦଳରେ ବାଚସ୍ପତିଙ୍କ ସହିତ ଉପବାଚସ୍ପତି ରଜନୀକାନ୍ତ ସିଂ, ମନ୍ତ୍ରୀ ନିରଂଜନ ପୂଜାରୀ, ପ୍ରମିଳା ମଲ୍ଲିକ, ପ୍ରତାପ ଦେବ, ପ୍ରଶାନ୍ତ ମୁଦୁଲୀ, ନରସିଂହ ମିଶ୍ର, ମୋହନ ମାଝି, ଦେବୀ ମିଶ୍ର, ଜୟନାରାୟଣ ମିଶ୍ର, ତାରାପ୍ରସାଦ ବାହିନୀପତି, ପଦ୍ମନୀ ଦିଆନ, ସୁବାସ ଚନ୍ଦ୍ର ପାଣିଗ୍ରାହୀ, ସୁଧୀର କୁମାର ସାମଲ, ଅନନ୍ତ ନାରାୟଣ ଜେନା ପ୍ରମୁଖ ସାମିଲ ହେବେ। ଏହି ଗସ୍ତର ସମସ୍ତ ଖର୍ଚ୍ଚ ବିଧାନସଭା ତରଫରୁ ପ୍ରଦାନ କରାଯିବ।

Categories
ଜାତୀୟ ଖବର ବିଶେଷ ଖବର ରାଜ୍ୟ ଖବର

ରାଷ୍ଟ୍ରପତିଙ୍କୁ ଅଭିନନ୍ଦନ ଜଣାଇବା ପାଇଁ ଓଡିଶା ବିଧାନସଭା ତରଫରୁ ଦିଲ୍ଲୀ ଯିବେ ୨୬ ବିଧାୟକ

ଭୁବନେଶ୍ବର: ଓଡିଶା ମାଟିର ଝିଅ ଦ୍ରୌପଦୀ ମୁର୍ମୁ ରାଷ୍ଟ୍ରପତି ହୋଇଥିବାରୁ ଓଡିଶା ବିଧାନସଭା ତରଫରୁ ତାଙ୍କୁ ଅଭିନନ୍ଦନ ଜଣାଯିବ। ସେଥିପାଇଁ ବାଚସ୍ପତି ବିକ୍ରମ ଆରୁଖଙ୍କ ନେତୃତ୍ବରେ ପ୍ରାୟ ୨୬ ଜଣ ବିଧାୟକ ନୂଆଦିଲ୍ଲୀ ଗସ୍ତରେ ଯିବେ। ଏମାନେ ଆସନ୍ତା ୨ ତାରିଖରେ ନୂଆଦିଲ୍ଲୀରେ ପହଞ୍ଚିବେ। ୩ ତାରିଖରେ ରାଷ୍ଟ୍ରପତିଙ୍କୁ ସାକ୍ଷାତ ପରେ ୪ ତାରିଖରେ ଫେରି ଆସିବେ।

ଏହି ଦଳରେ ବାଚସ୍ପତିଙ୍କ ସହିତ ଉପବାଚସ୍ପତି ରଜନୀକାନ୍ତ ସିଂ, ମନ୍ତ୍ରୀ ନିରଂଜନ ପୂଜାରୀ, ପ୍ରମିଳା ମଲ୍ଲିକ, ପ୍ରତାପ ଦେବ, ପ୍ରଶାନ୍ତ ମୁଦୁଲୀ, ନରସିଂହ ମିଶ୍ର, ମୋହନ ମାଝି, ଦେବୀ ମିଶ୍ର, ଜୟନାରାୟଣ ମିଶ୍ର, ତାରାପ୍ରସାଦ ବାହିନୀପତି, ପଦ୍ମନୀ ଦିଆନ, ସୁବାସ ଚନ୍ଦ୍ର ପାଣିଗ୍ରାହୀ, ସୁଧୀର କୁମାର ସାମଲ, ଅନନ୍ତ ନାରାୟଣ ଜେନା ପ୍ରମୁଖ ସାମିଲ ହେବେ।

ଏହା ଦ୍ବାରା ଆସନ୍ତାକାଲି ଅର୍ଥାତ ୧ ତାରିଖରେ ବିଧାନସଭା ବନ୍ଦ ହୋଇଯିବ। ଏହି ଅଧିବେସନ ୪ ତାରିଖ ପର୍ଯ୍ୟନ୍ତ ଚାଲିବାର ଥିଲା। ହେଲେ ବିଧାୟକମାନେ ୨ ତାରିଖରେ ନୂଆଦିଲ୍ଲୀ ଯାଉଥିବାରୁ ଆଉ ବିଧାନସଭା ଚାଲିପାରିବ ନାହିଁ ବୋଲି ଜଣପଡିଛି। ବିଧାୟକମାନଙ୍କର ଏହି ଗସ୍ତ ଖର୍ଚ୍ଚ ବିଧାନସଭା ତରଫରୁ ଯୋଗାଇ ଦିଆଯିବ।

Categories
ଆଜିର ଖବର ଜାତୀୟ ଖବର ରାଜ୍ୟ ଖବର

ରାଷ୍ଟ୍ରପତିଙ୍କୁ ଚିଠି ଲେଖିଲେ କଂଗ୍ରେସ ସାଂସଦ ଅଧୀର ରଂଜନ ଚୌଧୁରୀ

ନୂଆଦିଲ୍ଲୀ: ଆଜି ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ଏକ ଚିଠି ଲେଖିଛନ୍ତି କଂଗ୍ରେସ ସାଂସଦ ଅଧୀର ରଂଜନ ଚୌଧୁରୀ। ସେ ଏହି ଚିଠିରେ କ୍ଷମା ପ୍ରାର୍ଥନା କରିଛନ୍ତି। ସେ ଲେଖିଛନ୍ତି ଯେ, ଏହା ଭୁଲରେ ପାଟିରୁ ବାହାରି ଗଲା। ଏଥିପାଇଁ ମୁଁ ଦୁଃଖିତ ବୋଲି ସେ ସେହି ଚିଠିରେ ଉଲ୍ଲେଖ କରିଛନ୍ତି। ଏହି ଭୁଲ ପାଇଁ ମୁଁ କ୍ଷମା ପ୍ରାର୍ଥନା କରୁଛି ବୋଲି ଅଧୀର ରଂଜନ କହିଛନ୍ତି।

ଅଧୀର ରଂଜନ ରାଷ୍ଟ୍ରପତିଙ୍କୁ ରାଷ୍ଟ୍ରପତ୍ନୀ ବୋଲି ସମ୍ବୋଧିତ କରିଥିଲେ। ଯାହାକୁ ନେଇ ସଂସଦର ଉଭୟ ଗୃହରେ ହାଙ୍ଗାମା ହୋଇଥିଲା। ବିଜେପିର ସମସ୍ତ ମହିଳା ସଦସ୍ୟା ଏହାକୁ ନେଇ ସୋନିଆ କ୍ଷମା ମାଗନ୍ତୁ ବୋଲି ଦାବୀ କରିଥିଲେ। ପରବର୍ତ୍ତି ସମୟରେ ଅଧୀର ରଂଜନ କ୍ଷମା ମାଗିଥିଲେ।

Categories
ବିଶେଷ ଖବର

ରାଷ୍ଟ୍ରପତିଙ୍କ ବିବୃତ୍ତି ପାଇଁ ଅଧୀର ରଞ୍ଜନ ଚୌଧୁରୀଙ୍କ ବଢିଲା ସମସ୍ୟା: ନୋଟିସ ପଠାଇଲା ମହିଳା ଆୟୋଗ

ନୂଆଦିଲ୍ଲୀ: ରାଷ୍ଟ୍ରପତିଙ୍କ ସମ୍ପର୍କରେ କଂଗ୍ରେସ ନେତା ଅଧୀର ରଂଜନ ଚୌଧୁରୀ ଦେଇଥିବା ବିବୃତ୍ତି ଉପରେ ଉତ୍ତେଜନା ଜାରି ରହିଛି। ଏହି ପ୍ରସଙ୍ଗରେ କଂଗ୍ରେସକୁ ଆକ୍ରମଣ କରିବାକୁ ବିଜେପି ପ୍ରସ୍ତୁତ ହେଉଛି। ଯଦିଓ ଅଧୀର ରଂଜନ ଚୌଧୁରୀ ତାଙ୍କ ବିବୃତ୍ତି ପାଇଁ କ୍ଷମା ମାଗିଛନ୍ତି, ତଥାପି ତାଙ୍କ ବିରୋଧରେ ବିଜେପି ନିରନ୍ତର ଆକ୍ରମଣ କରୁଛି। ଏଥି ସହିତ, ବର୍ତ୍ତମାନ ମହିଳା ଆୟୋଗ (ଏନସିଡବ୍ଲୁ୍ୟ) ମଧ୍ୟ ଏହି ପ୍ରସଙ୍ଗରେ ଅଧୀର ରଂଜନ ଚୌଧୁରୀଙ୍କୁ ନୋଟିସ ଜାରି କରିଛି। ମହିଳା ଆୟୋଗ ଚୌଧୁରୀଙ୍କୁ ଅଗଷ୍ଟ ୩ ତାରିଖ ସକାଳ ୧୧.୩୦ ରେ ହାଜର ହେବାକୁ କହିଛନ୍ତି।

ଜାତୀୟ ମହିଳା ଆୟୋଗ ପକ୍ଷରୁ ସୋନିଆ ଗାନ୍ଧୀଙ୍କୁ ମଧ୍ୟ ଏହି ପ୍ରସଙ୍ଗରେ ହସ୍ତକ୍ଷେପ କରିବାକୁ କୁହାଯାଇଛି। ମହିଳା କମିଶନ ସୋନିଆଙ୍କୁ ଏହି ପ୍ରସଙ୍ଗରେ ଅଧୀର ରଂଜନ ଚୌଧୁରୀଙ୍କ ବିରୋଧରେ ଉପଯୁକ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ କହିଛନ୍ତି।

ଉଲ୍ଲେଖ ଯୋଗ୍ୟ ଯେ, ଗଣମାଧ୍ୟମ ସହିତ କଥାବାର୍ତ୍ତା କରୁଥିବାବେଳେ କଂଗ୍ରେସ ନେତା ଅଧୀର ରଂଜନ ଚୌଧୁରୀ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ବିଷୟରେ ଏକ ଆପତ୍ତିଜନକ ଶବ୍ଦ ବ୍ୟବହାର କରିଥିଲେ। ସେ ରାଷ୍ଟ୍ରପତିଙ୍କ ବଦଳରେ ମୁର୍ମୁଙ୍କୁ ରାଷ୍ଟ୍ରପତ୍ନୀ ଭାବରେ ସମ୍ବୋଧିତ କରିଥିଲେ। ଏହା ପରେ ତାଙ୍କ ବିବୃତ୍ତି ଦିନକୁ ଦିନ ଭାଇରାଲ ହେବାରେ ଲାଗିଥିଲା ​​ଏବଂ ବିଜେପି ତୁରନ୍ତ ଏହାକୁ ନେଇ କଂଗ୍ରେସ ଉପରେ ଆକ୍ରମଣ ଆରମ୍ଭ କରିଥିଲା। ସଂସଦ ଅଧିବେଶନରେ କେନ୍ଦ୍ର ମନ୍ତ୍ରୀ ସ୍ମୃତି ଇରାନୀ ଏହି ପ୍ରସଙ୍ଗରେ ସୋନିଆ ଏବଂ ଅଧୀର ରଂଜନ ଚୌଧୁରୀଙ୍କୁ ଟାର୍ଗେଟ କରିଥିଲେ। ଏହି ସମୟରେ ସୋନିଆ ଏବଂ ଇରାନୀଙ୍କ ମଧ୍ୟରେ ତୀବ୍ର ଯୁକ୍ତିତର୍କ ହୋଇଥିଲା। ଏହି ପୂରା ପ୍ରସଙ୍ଗରେ ବିଜେପି ବର୍ତ୍ତମାନ କଂଗ୍ରେସ ଉପରେ ଆକ୍ରମଣ କରୁଛି।

Categories
ବିଶେଷ ଖବର

ରାଷ୍ଟ୍ରପତିଙ୍କ ଉପରେ ଦେଇଥିବା ବିବୃତ୍ତିକୁ ନେଇ ସଂସଦରେ ହଙ୍ଗାମା: ଦେଶକୁ କଂଗ୍ରେସ କ୍ଷମା ମାଗିବା ପାଇଁ ଦାବି କଲା ବିଜେପି

ନୂଆଦିଲ୍ଲୀ: ସଂସଦରେ ମୌସୁମୀ ଅଧିବେଶନ ଜାରି ରହିଛି। ଏହି ସମୟରେ ସଂସଦରେ କଂଗ୍ରେସ ସାଂସଦ ଅଧୀର ରଞ୍ଜନ ଚୌଧୁରୀଙ୍କ ବୟାନକୁ ନେଇ ଭାରି ବିରୋଧ କରାଯାଉଛି। ତାଙ୍କ ନବୟାନକୁ ନେଇ ସଂସଦରେ ହଟ୍ଟଗୋଳ ସୃଷ୍ଟି ହୋଇଛି। ରାଷ୍ଟ୍ରପତିଙ୍କ ଉପରେ ଦେଇଥିବା ବୟାନକୁ ନେଇ ଅଧୀର ରଞ୍ଜନଙ୍କୁ ବିଜେପି ଘୋର ବିରୋଧ କରୁଛି।

ଏହି ପ୍ରସଙ୍ଗରେ କେନ୍ଦ୍ର ମନ୍ତ୍ରୀ ତଥା ବିଜେପି ନେତା ସ୍ମୃତି ଇରାନୀ ଲୋକସଭାରେ କଂଗ୍ରେସ ସଭାପତି ସୋନିଆ ଗାନ୍ଧୀଙ୍କ ଉପରେ ଘୋର ଆକ୍ରମଣ କରିଛନ୍ତି। ସୋନିଆ ଜୀ ଆପଣ ଦ୍ରୌପଦୀ ମୁର୍ମୁଙ୍କୁ ଅପମାନିତ କରିଛନ୍ତି। ସର୍ବୋଚ୍ଚ ସାମ୍ବିଧାନିକ ପଦବୀରେ ଅବସ୍ଥାପିତ ମହିଳାଙ୍କ ଅପମାନକୁ ସୋନିଆ ଗାନ୍ଧୀ ଅନୁମୋଦନ କରିଛନ୍ତି ବୋଲି ସ୍ମୃତି କହିଛନ୍ତି।

ଏହାପୂର୍ବରୁ ସ୍ମୃତି ଇରାନୀ ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ, ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ମନ୍ତବ୍ୟ ପାଇଁ କଂଗ୍ରେସ ଏବଂ ଏହାର ନେତା ଆଧୀର ରଂଜନ ଚୌଧୁରୀ ରାଷ୍ଟ୍ରପତି ଏବଂ ଦେଶକୁ କ୍ଷମା ମାଗନ୍ତୁ। ସେ କହିଛନ୍ତି ଯେ, ରାଷ୍ଟ୍ରପତିଙ୍କୁ ଅଧୀର ରଞ୍ଜନ ଚୌଧୁରୀ ପତ୍ନୀ ବୋଲି କହିଛନ୍ତି। କଂଗ୍ରେସ ନେତା ଏହି ଘୃଣ୍ୟ କାର୍ଯ୍ୟ କରିଛନ୍ତି।

ସେ ଆହୁରି ମଧ୍ୟ କହିଛନ୍ତି ଯେ, ସୋନିଆ ଜୀଙ୍କ ଅଧ୍ୟକ୍ଷତାରେ କଂଗ୍ରେସ ଏହି ସଂସ୍କାର, ମୂଲ୍ୟହୀନ ଏବଂ ସମ୍ବିଧାନକୁ ଆଘାତ ଦେଇଛି। ଅଧୀର ରଂଜନ ଚୌଧୁରୀ ଜାଣିଛନ୍ତି ଯେ, ଏହି ବିବୃତ୍ତି ଭାରତର ପ୍ରତ୍ୟେକ ମୂଲ୍ୟବୋଧ, ପ୍ରତ୍ୟେକ ରୀତିନୀତି ବିରୁଦ୍ଧରେ ଅଛି। ତଥାପି ସେ ଦ୍ରୌପଦୀ ମୁର୍ମୁ ଜୀଙ୍କୁ ଦେଶର ପତ୍ନୀ ଭାବରେ ସମ୍ବୋଧିତ କରିଛନ୍ତି। ସଂସଦ ତଥା ରାସ୍ତାରେ କଂଗ୍ରେସ ଏବଂ ସେମାନଙ୍କର ନେତାମାନେ ଦେଶର ପ୍ରଥମ ନାଗରିକ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଜୀ ଏବଂ ଦେଶ ପାଇଁ କ୍ଷମା ମାଗିବା ଉଚିତ୍।

Categories
ଆଜିର ଖବର ଜାତୀୟ ଖବର ରାଜ୍ୟ ଖବର

ଆଜି ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ଭେଟିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ

ନୂଆଦିଲ୍ଲୀ: ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ସାକ୍ଷାତ କରିଛନ୍ତି। ପ୍ରଧାନମନ୍ତ୍ରୀ ରାଷ୍ଟ୍ରପତି ଭବନ ଯାଇ ସେଠାରେ ସେ ରାଷ୍ଟ୍ରପତିଙ୍କୁ ସାକ୍ଷାତ କରିଛନ୍ତି। ଦ୍ରୌପଦୀ ମୁର୍ମୁ ରାଷ୍ଟ୍ରପତି ହେବା ପରେ ଏହା ହେଉଛି ପ୍ରଧାନମନ୍ତ୍ରୀଙ୍କ ପ୍ରଥମ ସାକ୍ଷାତ।

ରାଷ୍ଟ୍ରପତି ଭବନରେ ପ୍ରଧାନମନ୍ତ୍ରୀ କିଛି ସମୟ ପାଇଁ ରାଷ୍ଟ୍ରପତିଙ୍କ ସହିତ ଆଲୋଚନା କରିଥିଲେ। ଗତକାଲି ଦ୍ରୌପଦୀ ମୁର୍ମୁ ରାଷ୍ଟ୍ରପତି ଭାବେ ଶପଥ ନେବା ପରେ ସଂସଦ ଭବନରେ ସାକ୍ଷାତ କରିଥିଲେ। ହେଲେ ସେ ଏକାକି ରାଷ୍ଟ୍ରପତିଙ୍କୁ ଭେଟିବା ପାଇଁ ଆଜି ମୋଦୀ ରାଷ୍ଟ୍ରପତି ଭବନ ଯାଇଥିଲେ।

Categories
ବିଶେଷ ଖବର

ଭାରତରେ ଗରିବମାନେ ସ୍ୱପ୍ନ ଦେଖିପାରିବେ, ମୁଁ ଏହାର ପ୍ରମାଣ: ପଢନ୍ତୁ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ସମ୍ପୂର୍ଣ୍ଣ ଭାଷଣ

ନୂଆଦିଲ୍ଲୀ: ଦ୍ରୌପଦୀ ମୁର୍ମୁ ଦେଶର ୧୫ ତମ ରାଷ୍ଟ୍ରପତି ଭାବରେ ଶପଥ ଗ୍ରହଣ କରିଛନ୍ତି। ସୁପ୍ରିମକୋର୍ଟର ପ୍ରଧାନ ବିଚାରପତି ଏନ.ଭି ରମନାଙ୍କ ଠାରୁ ଦ୍ରୌପଦୀ ଶପଥ ଗ୍ରହଣ କରିଥିଲେ। ଦ୍ରୌପଦୀ ମୁର୍ମୁ ହେଉଛନ୍ତି ଦେଶର ଦ୍ୱିତୀୟ ମହିଳା ରାଷ୍ଟ୍ରପତି। ସେ ହେଉଛନ୍ତି ପ୍ରଥମ ଆଦିବାସୀ ମହିଳା ଯିଏକି ଦେଶର ସର୍ବୋଚ୍ଚ ସାମ୍ବିଧାନିକ ପଦବୀ ଗ୍ରହଣ କରିଛନ୍ତି ଏବଂ ସ୍ଵାଧୀନଭାରତରେ ଜନ୍ମ ହୋଇଥିବା ପ୍ରଥମ ରାଷ୍ଟ୍ରପତି।

ଶପଥ ଗ୍ରହଣ କରିବା ପରେ ଦ୍ରୌପଦୀ ମୁର୍ମୁ ତାଙ୍କର ପ୍ରଥମ ସମାରୋହରେ ଉପସ୍ଥିତ ଥିବା ମାନ୍ୟଗଣ୍ୟ ବ୍ୟକ୍ତିଙ୍କୁ ସମ୍ବୋଧିତ କରିଥିଲେ। ତାଙ୍କ ଅଭିଭାଷଣରେ କରୋନା, ଡିଜିଟାଲ, ଶିକ୍ଷା ଭଳି ଅନେକ ଗୁରୁତ୍ୱପୂର୍ଣ୍ଣ ପ୍ରସଙ୍ଗକୁ ସମ୍ବୋଧିତ କରିଥିଲେ। ପଢନ୍ତୁ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ସମ୍ପୂର୍ଣ୍ଣ ଭାଷଣ….

ସ୍ୱାଧୀନତା ସଂଗ୍ରାମରେ ଆଦିବାସୀ ଅବଦାନକୁ ପ୍ରଶଂସା:

ଶପଥ ଗ୍ରହଣ କରିବା ପରେ ଦ୍ରୌପଦୀ ମୁର୍ମୁ ସେଣ୍ଟ୍ରାଲ ହଲରେ ପ୍ରଥମ ଆନୁଷ୍ଠାନିକ ଭାଷଣ ଦେଇଥିଲେ। ଏହି ସମୟରେ ସେ କହିଛନ୍ତି ଯେ, “ରାଷ୍ଟ୍ରପତି ପଦରେ ପହଞ୍ଚିବା ମୋର ବ୍ୟକ୍ତିଗତ ସଫଳତା ନୁହେଁ, ଏହା ହେଉଛି ଭାରତର ପ୍ରତ୍ୟେକ ଗରିବ ଲୋକଙ୍କର ସଫଳତା। ମୁଁ ମଧ୍ୟ ଦେଶର ପ୍ରଥମ ରାଷ୍ଟ୍ରପତି ଯିଏକି ସ୍ୱାଧୀନ ଭାରତରେ ଜନ୍ମଗ୍ରହଣ କରିଛି। ” ରାଷ୍ଟ୍ରପତି ଦ୍ରୌପଦୀ ମୁର୍ମୁ ସ୍ୱାଧୀନତା ସଂଗ୍ରାମରେ ଆଦିବାସୀଙ୍କ ଅବଦାନକୁ ପ୍ରଶଂସା କରି କହିଛନ୍ତି ଯେ, ସାନ୍ଥଲ ବିପ୍ଳବ, ପାଇକ ବିପ୍ଳବ ଠାରୁ କୋଲ ବିପ୍ଳବ ଏବଂ ଭିଲ ବିପ୍ଳବ ପର୍ଯ୍ୟନ୍ତ ସ୍ୱାଧୀନତା ସଂଗ୍ରାମରେ ଆଦିବାସୀଙ୍କ ଅବଦାନ ସାସକ୍ତ କରିଥିଲେ।

ସେ କହିଛନ୍ତି ଯେ, ସାମାଜିକ ଉନ୍ନତି ତଥା ଦେଶପ୍ରେମ ପାଇଁ ‘ଧରତୀ ଆବା’ ପ୍ରଭୁ ବିର୍ସା ମୁଣ୍ଡା ଜିଙ୍କ ବଳିଦାନ ଦ୍ୱାରା ଆମେ ଅନୁପ୍ରାଣିତ ହୋଇଛୁ। ଆମେ ଜୀବନକୁ ଆଗକୁ ନେଇଛୁ। ମୁଁ ମୋ ଜୀବନରେ ଜଙ୍ଗଲ ଏବଂ ଜଳାଶୟର ମହତ୍ତ୍ଵକୁ ହୃଦୟଙ୍ଗମ କରିଛି। ଏବଂ ସମାନ ସମ୍ମାନ ସହିତ ପ୍ରକୃତିର ସେବା କରୁଛୁ।

କରୋନା ଟିକା ଉପରେ ଭାରତର ସଫଳତା:

ରାଷ୍ଟ୍ରପତି ଦ୍ରୌପଦୀ ମୁର୍ମୁ ତାଙ୍କର ପ୍ରଥମ ଅଭିଭାଷଣରେ କରୋନା ସଂକ୍ରମଣ ରୋକିବାରେ ଭାରତର ପଦକ୍ଷେପକୁ ପ୍ରଶଂସା କରିଥିଲେ। ସେ ତାଙ୍କ ଅଭିଭାଷଣରେ କହିଛନ୍ତି ଯେ, କିଛି ଦିନ ପୂର୍ବରୁ ଭାରତ ୨୦୦ କୋଟି ଡୋଜ କରୋନା ଟିକା ପ୍ରୟୋଗ କରିବାର ରେକର୍ଡ ସୃଷ୍ଟି କରିଛି। ଏହି ସମଗ୍ର ଯୁଦ୍ଧରେ ଭାରତର ଲୋକମାନେ ଦର୍ଶାଇଥିବା ଧୈର୍ଯ୍ୟ, ସାହସ ଏବଂ ସହଯୋଗ ହେଉଛି ଏକ ସମାଜ ଭାବରେ ଆମର ବଢୁଥିବା ଶକ୍ତି ଏବଂ ସମ୍ବେଦନଶୀଳତାର ପ୍ରତୀକ।

ସମସ୍ତଙ୍କ ଉଦ୍ୟମ ଏବଂ ସମସ୍ତଙ୍କର କର୍ତ୍ତବ୍ୟ ଉପରେ ଗୁରୁତ୍ୱ ଦିଅନ୍ତୁ:

ରାଷ୍ଟ୍ରପତି ଦ୍ରୌପଦୀ ମୁର୍ମୁ ତାଙ୍କର ପ୍ରଥମ ଅଭିଭାଷଣରେ କହିଛନ୍ତି ଯେ, ସଂସଦୀୟ ଗଣତନ୍ତ୍ର ଭାବରେ ୭୫ ବର୍ଷ ମଧ୍ୟରେ ଭାରତ ଅଂଶଗ୍ରହଣ ଏବଂ ସହମତି ମାଧ୍ୟମରେ ପ୍ରଗତିର ସଂକଳ୍ପ ନେଇଛି। ବିବିଧତାରେ ପରିପୂର୍ଣ୍ଣ ଆମ ଦେଶରେ ଆମେ ଅନେକ ଭାଷା, ଧର୍ମ, ସମ୍ପ୍ରଦାୟ, ଖାଦ୍ୟ ଅଭ୍ୟାସ, ଜୀବନଶୈଳୀ ଏବଂ ରୀତିନୀତି ଗ୍ରହଣ କରି ‘ଏକ ଭାରତ – ଶ୍ରେଷ୍ଠ ଭାରତ’ ନିର୍ମାଣରେ ସକ୍ରିୟ ଅଟୁ। ଆମ ସ୍ୱାଧୀନତା ସଂଗ୍ରାମୀମାନେ ଆମଠାରୁ ସ୍ୱାଧୀନ ଭାରତର ନାଗରିକମାନେ କରିଥିବା ଆଶାକୁ ପୂରଣ କରିବା ପାଇଁ ଆମକୁ ଏହି ଅମୃତକାଳରେ ଦ୍ରୁତ ଗତିରେ କାର୍ଯ୍ୟ କରିବାକୁ ପଡିବ। ଏହି ୨୫ ବର୍ଷରେ ସମସ୍ତଙ୍କର ପ୍ରୟାସ ଏବଂ ସମସ୍ତଙ୍କର କର୍ତ୍ତବ୍ୟ ଦ୍ଵାରା ଅମୃତକାଳର ସଫଳତାର ପଥ ଦୁଇଟି ଟ୍ରାକରେ ଆଗକୁ ବଢିବ।

ରାଷ୍ଟ୍ରପତି ଦ୍ରୌପଦୀ ମୁର୍ମୁ ସେଣ୍ଟ୍ରାଲ ହଲରେ ତାଙ୍କର ପ୍ରଥମ ଗ୍ରୁଲିଂରେ ଉପସ୍ଥିତ ମାନ୍ୟଗଣ୍ୟ ବ୍ୟକ୍ତିଙ୍କୁ ସମ୍ବୋଧିତ କରିବାବେଳେ କହିଥିଲେ ଯେ, ଏହା ମୋ ପାଇଁ ଅତ୍ୟନ୍ତ ସନ୍ତୋଷଜନକ ବିଷୟ। ଶତାବ୍ଦୀ ଧରି ବଞ୍ଚିତ ରହିଥିବା ଗରିବ, ନିଷ୍ପେସିତ, ପଛୁଆ ଏବଂ ଆଦିବାସୀମାନେ ମୋ ଭିତରେ ସେମାନଙ୍କର ପ୍ରତିଫଳନ ଦେଖୁଛନ୍ତି। ଆଜି ମୁଁ ସମସ୍ତ ଦେଶବାସୀଙ୍କୁ ବିଶେଷ କରି ଭାରତର ଯୁବକ ଏବଂ ଭାରତର ମହିଳାମାନଙ୍କୁ ଆଶ୍ୱାସନା ଦେଉଛି ଯେ, ଏହି ପଦବୀରେ କାମ କରିବାବେଳେ ସେମାନଙ୍କ ଆଗ୍ରହ ମୋ ପାଇଁ ସର୍ବାଧିକ ହେବ।

ସେ କହିଛନ୍ତି ଯେ, ଆଜି ମୁଁ ଏପରି ପ୍ରଗତିଶୀଳ ଭାରତର ନେତୃତ୍ୱ ନେଇ ଗର୍ବିତ ଅନୁଭବ କରୁଛି। ସେ କହିଛନ୍ତି ଯେ, ମୁଁ ଚାହୁଁଛି ଆମର ସମସ୍ତ ଭଉଣୀ ଏବଂ ଝିଅଙ୍କୁ ଅଧିକରୁ ଅଧିକ ସଶକ୍ତ କରାଯାଉ ଏବଂ ସେମାନେ ଦେଶର ପ୍ରତ୍ୟେକ କ୍ଷେତ୍ରରେ ସେମାନଙ୍କର ଅବଦାନ ବୃଦ୍ଧି ଜାରି ରଖନ୍ତୁ।

ରାଷ୍ଟ୍ରପତି ଦ୍ରୌପଦୀ ମୁର୍ମୁ ନିଜ ଭାଷଣରେ ଦେଶର ସ୍ୱାଧୀନତା ସଂଗ୍ରାମୀଙ୍କ ବଳିଦାନ ତଥା ଶିକ୍ଷାକୁ ସ୍ମରଣ କରି କହିଛନ୍ତି ଯେ, ନେତାଜୀ ସୁଭାଷ ଚନ୍ଦ୍ର ବୋଷ, ନେହେରୁ ଜୀ, ସର୍ଦ୍ଦାର ପଟେଲ, ବାବାସାହେବ ଆମ୍ବେଦକର, ଭଗତ ସିଂ, ସୁଖଦେବ, ରାଜଗୁରୁ, ଚନ୍ଦ୍ରଶେଖର ଆଜାଦ ଭଳି ମହାପୁରୁଷମାନେ ସର୍ବୋଚ୍ଚ ରଖିବାକୁ ଆମକୁ ଶିଖାଇଛନ୍ତି। ରାଷ୍ଟ୍ର ପ୍ରତିରକ୍ଷା ତଥା ରାଷ୍ଟ୍ର ନିର୍ମାଣରେ ମହିଳା ଶକ୍ତିର ଭୂମିକାକୁ ରାଣୀ ଲକ୍ଷ୍ମୀବାଇ, ରାଣୀ ଭେଲୁ ନଚିଆର, ରାଣୀ ଗାଇଦିନଲୁଇ ଏବଂ ରାଣୀ ଚେନ୍ନାମା ଭଳି ଅନେକ ନାରୀଶକ୍ତି ନୂତନ ଉଚ୍ଚତା ଦେଇଛନ୍ତି।

Categories
ଆଜିର ଖବର ଜାତୀୟ ଖବର ରାଜ୍ୟ ଖବର

ନିର୍ବାଚିତ ରାଷ୍ଟ୍ରପତିଙ୍କୁ ବିଜେଡି ସାଂସଦଙ୍କ ସହ ଭେଟିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ

ନୂଆଦିଲ୍ଲୀ: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି ନିର୍ବାଚିତ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ଭେଟିଛନ୍ତି। ନବୀନ ନୂଆଦିଲ୍ଲୀସ୍ଥିତ ମୁର୍ମୁଙ୍କ ଅସ୍ଥାୟୀ ବାସଭବନକୁ ଯାଇ ସାକ୍ଷାତ କରିଥିଲେ। ମୁଖ୍ୟମନ୍ତ୍ରୀଙ୍କ ସହିତ ବିଜେଡିର ସମସ୍ତ ସାଂସଦ ମଧ୍ୟ ଦ୍ରୌପଦୀ ମୁର୍ମୁଙ୍କୁ ସାକ୍ଷାତ କରିଥିଲେ।ସେଠାରେ ସମସ୍ତେ ତାଙ୍କୁ ଅଭିନନ୍ଦନ ଜଣାଇବା ସହିତ ଶପଥ ପାଠ ନେଇ ଶୁଭେଚ୍ଛା ଜଣାଇଥିଲେ।

ସୋମବାର ଦିନ ଦ୍ରୌପଦୀ ମୁର୍ମୁ ସାଂସଦ ଭବନରେ 15 ତମ ରାଷ୍ଟ୍ରପତି ଭାବେ ଶପଥ ଗ୍ରହଣ କରିବେ। ଏହି ଉତ୍ସବରେ ଯୋଗ ଦେବା ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ 4 ଦିନିଆ ନୂଆଦିଲ୍ଲୀ ଗସ୍ତରେ ଯାଇଛନ୍ତି। ଏଥିସହିତ ମୁଖ୍ୟମନ୍ତ୍ରୀ କେତେକ କେନ୍ଦ୍ରମନ୍ତ୍ରୀଙ୍କୁ ମଧ୍ୟ ସାକ୍ଷାତ କରିବାର କାର୍ଯ୍ୟକ୍ରମ ରହିଛି।

Categories
ଆଜିର ଖବର ଜାତୀୟ ଖବର ବ୍ୟକ୍ତିତ୍ୱ

ଆଜି ରାଷ୍ଟ୍ରପତିଙ୍କୁ ବିଦାୟକାଳିନ ଭୋଜି ଦେଲେ ଉପରାଷ୍ଟ୍ରପତି ଏମ ଭେଙ୍କେୟାନାଇଡୁ

ନୂଆଦିଲ୍ଲୀ: ଆଜି ଉପରାଷ୍ଟ୍ରପତି ଏମ ଭେଙ୍କେୟାନାଇଡୁ ରାଷ୍ଟ୍ରପତି ରାମନାଥ କୋବିନ୍ଦଙ୍କୁ ବିଦାୟକାଳିନ ଭୋଜି ଦେଇଛନ୍ତି। ଆଜି ମଧ୍ୟାହ୍ନରେ ଉପରାଷ୍ଟ୍ରପତି ଭବନରେ ଏହି କାର୍ଯ୍ୟକ୍ରମର ଆୟୋଜନ କରାଯାଇଥିଲା। ଏଥିରେ କେବଳ ଉପରାଷ୍ଟ୍ରପତି ଏବଂ ତାଙ୍କ ପରିବାର ସହିତ ରାଷ୍ଟ୍ରପତିଙ୍କ ପରିବାର ସଦସ୍ୟ ଥିଲେ।

ଏହି ପରିପ୍ରେକ୍ଷୀରେ ଉପରାଷ୍ଟ୍ରପତି ରାଷ୍ଟ୍ରପତିଙ୍କ ସମୃଦ୍ଧ ଏବଂ ସୁସ୍ଥ ଜୀବନ କାମନା କରିଥିଲେ। ଏଥିସହିତ ବିଗତ ଦିନରେ କୋବିନ୍ଦଙ୍କ ସହ ବିଭିନ୍ନ କାର୍ଯ୍ୟକୁ ମନେ ପକାଇଛନ୍ତି ଉପରାଷ୍ଟ୍ରପତି।

Categories
ଜାତୀୟ ଖବର ବିଶେଷ ଖବର ରାଜ୍ୟ ଖବର

ଓଡିଶାର କେନ୍ଦ୍ରମନ୍ତ୍ରୀ, ସାଂସଦମାନେ ଦ୍ରୌପଦୀ ମୁର୍ମୁଙ୍କୁ ଜଣାଇଲେ ଅଭିନନ୍ଦନ

ନୂଆଦିଲ୍ଲୀ: ଓଡ଼ିଶାର କେନ୍ଦ୍ରମନ୍ତ୍ରୀ ଓ ବିଜେପି ସାଂସଦମାନେ ଆଜି ନୂଆଦିଲ୍ଲୀ ସ୍ଥିତ ନବନିର୍ବାଚିତ ରାଷ୍ଟ୍ରପତି ଶ୍ରୀମତୀ ଦ୍ରୌପଦୀ ମୁର୍ମୁଙ୍କ ବାସଭବନରେ ଭେଟି ରାଷ୍ଟ୍ରପତି ନିର୍ବାଚନରେ ବିଜୟ ପାଇଁ ଶୁଭେଚ୍ଛା ଜଣାଇଛନ୍ତି।

ଏଥିରେ କେନ୍ଦ୍ରମନ୍ତ୍ରୀ ଅଶ୍ୱିନୀ ବୈଷ୍ଣବ, କେନ୍ଦ୍ରମନ୍ତ୍ରୀ ବିଶେଶ୍ୱର ଟୁଡ଼ୁ, ପୂର୍ବତନ କେନ୍ଦ୍ର ରାଷ୍ଟ୍ର ମନ୍ତ୍ରୀ ତଥା ବାଲେଶ୍ୱର ସାଂସଦ ପ୍ରତାପ ଷଡ଼ଙ୍ଗୀ, ରାଜ୍ୟସଭା ସାଂସଦ ସୋନାଲ ମାନସିଂହ, କଳାହାଣ୍ଡି ସାଂସଦ ବସନ୍ତ ପଣ୍ଡା, ବରଗଡ଼ ସାଂସଦ ସୁରେଶ ପୂଜାରୀ, ବଲାଙ୍ଗୀର ସାଂସଦ ସଙ୍ଗୀତା ସିଂହଦେଓ, ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀ ଓ ସମ୍ବଲପୁର ସାଂସଦ ନୀତେଶ ଗଙ୍ଗଦେବ ପ୍ରମୁଖ ଶ୍ରୀମତୀ ମୁର୍ମୁଙ୍କୁ ଅଭିନନ୍ଦନ ଜଣାଇବା ସହ ଆଲୋଚନା କରିଥିଲେ।

ସାଂସଦ ଶ୍ରୀ ପଣ୍ଡା କହିଛନ୍ତି ଯେ ଓଡ଼ିଶାର ପୁର ପଲ୍ଲୀ ଠାରୁ ଆରମ୍ଭ କରି ଦେଶରେ ଓଡ଼ିଶାର ଝିଅ ଦ୍ରୌପଦୀ ମୁର୍ମୁଙ୍କ ବିଜୟ ନେଇ ଆନନ୍ଦ ଓ ଉଲ୍ଲାସର ଲହରୀ ଖେଳିଯାଇଛି। ଶ୍ରୀମତୀ ମୁର୍ମୁ ସାଧାରଣ ନାଗରିକରୁ ଦେଶର ପ୍ରଥମ ନାଗରିକ ହେବାକୁ ଯାଉଛନ୍ତି। ଏହା ଆମ ରାଜ୍ୟ ଓ ଦେଶ ପାଇଁ ଗର୍ବ ଓ ଗୌରବର ବିଷୟ।

ସ୍ୱାଧୀନତା 75 ବର୍ଷ ଅବସରରେ ଦେଶ ଅମୃତ ମହୋତ୍ସବ ପାଳନ କରୁଥିବା ବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓଡ଼ିଶାର ଝିଅ ଶ୍ରୀମତୀ ଦ୍ରୌପଦୀ ମୁର୍ମୁଙ୍କୁ ରାଷ୍ଟ୍ରପତି ପ୍ରାର୍ଥୀ ଭାବେ ମନୋନୀତ କରିଥିଲେ। ଏଥିପାଇଁ ଆମେ ପ୍ରଧାନମନ୍ତ୍ରୀଙ୍କୁ ଓଡ଼ିଶା ତରଫରୁ କୃତଜ୍ଞତା ଜଣାଉଛୁ।

Categories
ବିଶେଷ ଖବର

କାଉନସିଲରରୁ ଆରମ୍ଭ ହେଲା ଯାତ୍ରା, ରାଷ୍ଟ୍ରପତି ହେବା ମାତ୍ରେ ଏହି ୫ ଟି ରେକର୍ଡ ପ୍ରସ୍ତୁତ କରିବେ ଦ୍ରୌପଦୀ ମୁର୍ମୁ

ନୂଆଦିଲ୍ଲୀ: ଦେଶର ପରବର୍ତ୍ତୀ ରାଷ୍ଟ୍ରପତିଙ୍କ ଘୋଷଣା ଖୁବ୍ ଶୀଘ୍ର କରାଯିବ। ଦେଶର ୩୧ ଟି ମତଦାନ କେନ୍ଦ୍ରରେ ଅନୁଷ୍ଠିତ ଭୋଟର ଗଣନା ସଂସଦ ଭବନରେ ଚାଲିଛି। ରାଷ୍ଟ୍ରପତି ନିର୍ବାଚନରେ ​​ଏନଡିଏ ପ୍ରାର୍ଥୀ ଦ୍ରୌପଦୀ ମୁର୍ମୁ ବିଜୟ ହେବାର ସମ୍ଭାବନା ରହିଛି। ବିଜୟକୁ ନେଇ ଆତ୍ମବିଶ୍ୱାସୀ ବିଜେପି ମଧ୍ୟ ଉତ୍ସବ ପାଇଁ ପ୍ରସ୍ତୁତି ଆରମ୍ଭ କରିଛି। ଯଦି ଦ୍ରୌପଦୀ ମୁର୍ମୁ ଜିତନ୍ତି, ତେବେ ସେ ଦେଶର ପ୍ରଥମ ଆଦିବାସୀ ମହିଳା ସଭାପତି ହେବେ ଏବଂ ଏହି ୫ ଟି ରେକର୍ଡ ମଧ୍ୟ ତାଙ୍କ ନାମରେ ରହିବ। ଆସନ୍ତୁ ଜାଣିବା ଏହି ରେକର୍ଡଗୁଡ଼ିକ କ’ଣ ହେବ?

ପ୍ରଥମ ରେକର୍ଡ ହେଉଛି ଯେ ସେ ଦେଶର ସର୍ବୋଚ୍ଚ ସାମ୍ବିଧାନିକ ପଦବୀରେ ପହଞ୍ଚିଥିବା ପ୍ରଥମ ଆଦିବାସୀ ମହିଳା ନେତା ହେବେ। ମୁର୍ମୁ ଓଡିଶାର ମୟୂରଭଞ୍ଜ ଜିଲ୍ଲାର ସାନ୍ତାଳ ସମ୍ପ୍ରଦାୟର ଏକ ଗରିବ ଆଦିବାସୀ ପରିବାରରେ ଜନ୍ମଗ୍ରହଣ କରିଥିଲେ। ବର୍ତ୍ତମାନ ପର୍ଯ୍ୟନ୍ତ କୌଣସି ଆଦିବାସୀ ପ୍ରଧାନମନ୍ତ୍ରୀ କିମ୍ବା ରାଷ୍ଟ୍ରପତିଙ୍କ ଆସନରେ ପହଞ୍ଚି ନାହାଁନ୍ତି। କେବଳ ଦେଶରେ କେ.ଆର ନାରାୟଣନ ଏବଂ ରାମନାଥ କୋବିନ୍ଦଙ୍କ ରୂପରେ ୨ ଜଣ ଦଳିତ ରାଷ୍ଟ୍ରପତି ହୋଇପାରିଛନ୍ତି।

ଦ୍ୱିତୀୟ ରେକର୍ଡ: ଦ୍ରୌପଦୀ ମୁର୍ମୁ ପ୍ରଥମ ରାଷ୍ଟ୍ରପତି ହେବେ ଯିଏ ସ୍ୱାଧୀନତା ପରେ ଦେଶରେ ଜନ୍ମ ହୋଇଥିଲେ। ୧୯୪୭ ମସିହାରେ ଦେଶ ସ୍ୱାଧୀନତା ପାଇବାର ପ୍ରାୟ ୧୧ ବର୍ଷ ପରେ ଦ୍ରୌପଦୀ ମୁର୍ମୁ ୨୦ ଜୁନ୍ ୧୯୫୮ ରେ ଜନ୍ମଗ୍ରହଣ କରିଥିଲେ। ଦେଶର ସମସ୍ତ ରାଷ୍ଟ୍ରପତି ୧୯୪୭ ପୂର୍ବରୁ ଜନ୍ମ ହୋଇଥିଲେ।

ତୃତୀୟ ରେକର୍ଡ: ସର୍ବ କନିଷ୍ଠ ରାଷ୍ଟ୍ରପତି ହେବାର ଆଖ୍ୟା ମଧ୍ୟ ମୁର୍ମୁକୁ ଯିବ। ଦେଶର ସର୍ବ କନିଷ୍ଠ ରାଷ୍ଟ୍ରପତି ହେବାର ରେକର୍ଡ ନୀଲମ ସଞ୍ଜୀବ ରେଡ୍ଡୀଙ୍କ ନାମରେ ଅଛି, ଯିଏ ୧୯୭୭ ମସିହାରେ ନିର୍ବିରୋଧ ରାଷ୍ଟ୍ରପତି ହୋଇଥିଲେ। ରେଡ୍ଡୀଙ୍କ ବୟସ ୬୪ ବର୍ଷ, ୨ ମାସ ୬ ଦିନ ଥିଲା ଯେତେବେଳେ ସେ ରାଷ୍ଟ୍ରପତି ଭାବେ ଦାୟିତ୍ୱ ଗ୍ରହଣ କଲେ। ଏଥି ସହିତ, ୨୦ ଜୁନ୍ ୧୯୫୮ ରେ ଜନ୍ମ ହୋଇଥିବା ଦ୍ରୌପଦୀ ମୁର୍ମୁଙ୍କ ବୟସ ୨୫ ଜୁଲାଇ ୨୦୨୨ ରେ କାର୍ଯ୍ୟଭାର ଗ୍ରହଣ କରିବା ସମୟରେ ୬୪ ବର୍ଷ, ୧ ମାସ ୮ ଦିନ ହେବ।

ଚତୁର୍ଥ ରେକର୍ଡ: ଏହା ପ୍ରଥମ ଥର ହେବ ଯେ ଜଣେ ବ୍ୟକ୍ତି ଯିଏ ଏକ ସମୟରେ କାଉନସିଲର ଥିଲେ ସେ ଭାରତରେ ରାଷ୍ଟ୍ରପତି ପଦରେ ପହଞ୍ଚିବେ। ଦ୍ରୌପଦୀ ମୁର୍ମୁ ୧୯୯୭ ରେ ରାଇରଙ୍ଗପୁର ନଗର ପଞ୍ଚାୟତର କାଉନସିଲର ହେବା ସହିତ ନିଜର ରାଜନୈତିକ କ୍ୟାରିୟର ଆରମ୍ଭ କରିଥିଲେ। ତିନି ବର୍ଷ ପରେ, ୨୦୦୦ ମସିହାରେ ସେ ପ୍ରଥମ ଥର ପାଇଁ ବିଧାୟକ ହେଲେ। ଏଥିସହ ସେ ଓଡିଶାର ବିଜେଡି-ବିଜେପି ସରକାରରେ ଦୁଇଥର ମନ୍ତ୍ରୀ ପଦରେ ରହିଥିଲେ।

ପଞ୍ଚମ ରେକର୍ଡ: ଦ୍ରୌପଦୀ ମୁର୍ମୁଙ୍କ ବିଜୟ ସହିତ ଓଡିଶାର ନାମ ମଧ୍ୟ ସେହି ରାଜ୍ୟରେ ଅନ୍ତର୍ଭୁକ୍ତ ହେବ, ଯାହାର ଲୋକମାନେ ଦେଶର ସର୍ବୋଚ୍ଚ ସାମ୍ବିଧାନିକ ପଦରେ ପହଞ୍ଚିଛନ୍ତି। ବର୍ତ୍ତମାନ ପର୍ଯ୍ୟନ୍ତ ରାଷ୍ଟ୍ରପତିଙ୍କ ଆସନରେ ବସିଥିବା ୭ ଜଣ ଲୋକ ଦକ୍ଷିଣ ଭାରତର। ଦେଶର ପ୍ରଥମ ରାଷ୍ଟ୍ରପତି ଡକ୍ଟର ରାଜେନ୍ଦ୍ର ପ୍ରସାଦ ବିହାରର ଥିଲେ।

Categories
ବିଶେଷ ଖବର

ଦ୍ରୌପଦୀ ମୁର୍ମୁ ରାଷ୍ଟ୍ରପତି ହେବା ପ୍ରାୟ ନିଶ୍ଚିତ, ବିରୋଧୀଙ୍କ ଖେଳ ବିଗାଡ଼ିଲେ ଜଗନ୍ ଏବଂ ନବୀନ

ଭୁବନେଶ୍ବର: ଦ୍ରୌପଦୀ ମୁର୍ମୁଙ୍କୁ ଏନଡିଏ ଦ୍ୱାରା ରାଷ୍ଟ୍ରପତି ନିର୍ବାଚନ ପାଇଁ ପ୍ରାର୍ଥୀ ଘୋଷିତ କରାଯାଇଛି। ଏହା ପରେ ମୁର୍ମୁ ମଧ୍ୟ ତାଙ୍କ ନାମାଙ୍କନ ଦାଖଲ କରିବାକୁ ଯାଉଛନ୍ତି। ଯଦିଓ ଯଶୱନ୍ତ ସିହ୍ନାଙ୍କୁ ବିରୋଧୀ ଏହି ନିର୍ବାଚନ ପାଇଁ ପ୍ରାର୍ଥୀ କରିଛନ୍ତି, କିନ୍ତୁ ଏହି ଆକଳନକୁ ଦେଖିଲେ ଦ୍ରୌପଦୀ ମୁର୍ମୁଙ୍କ ରାଷ୍ଟ୍ରପତି ହେବା ପ୍ରାୟ ନିଶ୍ଚିତ। ଏହି କାରଣରୁ ମୁର୍ମୁଙ୍କ ବିଜୟକୁ ନେଇ ବିଜେପି ଏବଂ ସମଗ୍ର ଏନଡିଏ ସମ୍ପୂର୍ଣ୍ଣ ଆତ୍ମବିଶ୍ୱାସୀ ମନେ ହେଉଛି। ପରିସଂଖ୍ୟାନ ସାହାଯ୍ୟରେ ଆସନ୍ତୁ ସଂପୂର୍ଣ୍ଣ ଗଣିତ ବୁଝିବା….

ରାଷ୍ଟ୍ରପତି ନିର୍ବାଚନ ପାଇଁ ଭୋଟ୍ ମୂଲ୍ୟର ଆକଳନ ଅନୁଯାୟୀ, ଏନଡିଏର ଏକ ବଡ଼ ହାତ ରହିଛି। ରାଷ୍ଟ୍ରପତି ନିର୍ବାଚନରେ ​​ଲୋକସଭାର ୫୪୦ ସାଂସଦ ଏବଂ ରାଜ୍ୟସଭାର ୨୨୯ ସାଂସଦଙ୍କ ବ୍ୟତୀତ ମୋଟ ୪ ହଜାର ୩୩ ବିଧାୟକ ଭୋଟ ଦିଅନ୍ତି। ନିର୍ବାଚନ ସମୟରେ ଏହି ସମସ୍ତ ଜନ ପ୍ରତିନିଧୀଙ୍କ ଭୋଟର ମୂଲ୍ୟ ଗଣନା କରାଯାଏ। ସମୁଦାୟ ଭୋଟ୍ ମୂଲ୍ୟ ୧୦ ଲକ୍ଷ ୭୮ ହଜାର ୯୧୫ ଥିବାବେଳେ କୌଣସି ପ୍ରାର୍ଥୀ ସଂଖ୍ୟାଗରିଷ୍ଠତା ପାଇଁ ୫ ଲକ୍ଷ ୩୯ ହଜାର ୪୫୮ ଆବଶ୍ୟକ କରନ୍ତି।

ରାଷ୍ଟ୍ରପତି ନିର୍ବାଚନରେ ​​ଭୋଟ୍ ମୂଲ୍ୟ:

ଲୋକସଭା ସାଂସଦ- ୩,୭୮,୦୦୦
ରାଜ୍ୟସଭା ସାଂସଦ- ୧,୬୦,୩୦୦
ବିଧାୟକ- ୫,୪୦,୬୧୫
ମୋଟ ଭୋଟ୍- ୧୦,୭୮,୯୧୫
ସଂଖ୍ୟାଗରିଷ୍ଠତା- ୫,୩୯,୪୫୮

କାହା ପାଖରେ କେତେ ଭୋଟ୍?:

ବର୍ତ୍ତମାନ ମିଳିତ ମେଣ୍ଟ ଅନୁଯାୟୀ, ଯଦି ଆମେ ସେମାନଙ୍କ ସାଂସଦ ଏବଂ ବିଧାୟକଙ୍କ ଭୋଟ୍ ମୂଲ୍ୟକୁ ଏକାଠି ଦେଖିବା, ତେବେ ଏନଡିଏରେ ସର୍ବାଧିକ ୫ ଲକ୍ଷ ୨୬ ହଜାର ୯୬୬ ଭୋଟ୍ ହେବ। ଅନ୍ୟ ପଟେ, ୟୁପିଏ ମ୍ୟାଜିକ୍ ଫିଗର୍ ଠାରୁ ବହୁତ କମ୍ ଭୋଟ୍ ଥିବା ପରି ମନେହୁଏ। ଓଡିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏବଂ ଆନ୍ଧ୍ରପ୍ରଦେଶର ମୁଖ୍ୟମନ୍ତ୍ରୀ ଜଗନ୍ ମୋହନ ରେଡ୍ଡୀ ମଧ୍ୟ ଏନଡିଏ ପ୍ରାର୍ଥୀ ମୁର୍ମୁଙ୍କୁ ସମର୍ଥନ କରିଛନ୍ତି। ଏଥିରୁ ସ୍ପଷ୍ଟ ଯେ, ବିରୋଧୀ ସଂଖ୍ୟାଗରିଷ୍ଠତା ହୋଇପାରିବ ନାହିଁ।

ବର୍ତ୍ତମାନ ଯଦି ଆମେ ମୋଟ ଭୋଟ୍ ବିଷୟରେ କଥା ହେବା, ତେବେ ଏନଡିଏ ୫ ଲକ୍ଷ ୨୬ ହଜାର ୯୬୬ ଭୋଟ୍ ଦେଖାଉଥିବାବେଳେ ୟୁପିଏ ର ମାତ୍ର ୨ ଲକ୍ଷ ୬୪ ହଜାର ୧୫୮ ଭୋଟ୍ ଅଛି। ଯଦି ଆମେ ଅନ୍ୟମାନଙ୍କ ବିଷୟରେ ଆଲୋଚନା କରିବା, ତେବେ ସେମାନଙ୍କ ପାଖରେ ୨ ଲକ୍ଷ ୮୭ ହଜାର ୭୯୧ଭୋଟ୍ ଅଛି। ବର୍ତ୍ତମାନ ସମୟରେ କୌଣସି ମିଳିତ ମେଣ୍ଟର ସଂଖ୍ୟାଗରିଷ୍ଠତା ନାହିଁ, କିନ୍ତୁ ଏନଡିଏ ଏହାର ନିକଟତମ। ଏନଡିଏର ମୋଟ ଭୋଟ୍ ମୂଲ୍ୟ ହେଉଛି ୫ ଲକ୍ଷ ୨୬ ହଜାର ୯୬୬, ଅର୍ଥାତ୍ ଏନଡିଏକୁ କେବଳ ୧୨ ହଜାର ୪୯୨ ଭୋଟ୍ ଯୋଗାଡ କରିବାକୁ ପଡିବ।

ବିଜେଡି ଏବଂ ୱାଏସଆର କଂଗ୍ରେସର ସମର୍ଥନରେ ମୁର୍ମୁ ସଂଖ୍ୟାଗରିଷ୍ଠତା ଅତିକ୍ରମ କରିଛନ୍ତି। କାରଣ ନବୀନ ପଟ୍ଟନାୟକଙ୍କ ବିଜେଡି ମୁର୍ମୁକୁ ସମର୍ଥନ ଘୋଷଣା କରିଛି। ଯଦି ବିଜେଡିର ୩୧ ହଜାର ୬୬୮ ଭୋଟ୍ ମୂଲ୍ୟ ଏନଡିଏ ସହିତ ମିଶ୍ରିତ ହୁଏ ତେବେ ଦ୍ରୌପଦୀ ମୁର୍ମୁ ବହୁମତ ସଂଖ୍ୟା ଅତିକ୍ରମ କରୁଛନ୍ତି। ଏହା ସହିତ ବର୍ତ୍ତମାନ ଜଗନ୍ ମୋହନ ରେଡ୍ଡୀଙ୍କ ୱାଏସଆର କଂଗ୍ରେସର ୪୫ ହଜାରରୁ ଅଧିକ ଭୋଟ୍ ମଧ୍ୟ ଯୋଡାଯିବ। ଏହାର ଅର୍ଥ ହେଉଛି ଦ୍ରୌପଦୀ ମୁର୍ମୁ ସହଜରେ ରାଷ୍ଟ୍ରପତି ଆସନରେ ପହଞ୍ଚି ପାରିବେ।

Categories
ଆଜିର ଖବର ଜାତୀୟ ଖବର

ଆଜିଠାରୁ ଆରମ୍ଭ ହେଲା ରାଷ୍ଟ୍ରପତି ନିର୍ବାଚନ ପାଇଁ ପ୍ରାର୍ଥିପତ୍ର ଦାଖଲ

ଭୁବନେଶ୍ବର: ଆଜିଠୁ ରାଷ୍ଟ୍ରପତି ନିର୍ବାଚନ ପାଇଁ ନାମାଙ୍କନ ଆରମ୍ଭ ହୋଇଛି। ଏହା ୨୯ ତାରିଖରେ ଶେଷ ହେବ। ଏ ନେଇ ଆଜି ଓଡିଶା ବିଧାନସଭାରେ ଏକ ବିଜ୍ଞପ୍ତି ପ୍ରକାଶ ପାଇଛି। ଏଥିରେ କୁହାଯାଇଛି ଯେ, ୨୯ ତାରିଖରେ ପ୍ରାର୍ଥିପତ୍ର ଦାଖଲ ସରିବା ପରେ ଜୁନ ୩୦ରେ ତାହା ଯାଞ୍ଚ କରାଯିବ।

ସେହିପରି ଜୁଲାଇ ୨ତାରିଖ ସୁଦ୍ଧା ପ୍ରାର୍ଥିପତ୍ର ପ୍ରତ୍ୟାର କରିପାରିବେ। ଆସନ୍ତା ଜୁଲାଇ ୧୮ ତାରିଖରେ ରାଷ୍ଟ୍ରପତି ନିର୍ବାଚନ ଅନୁଷ୍ଠିତ ହେବ। ଏହାପରେ ଆସନ୍ତା ୨୧ ତାରିଖରେ ଭୋଟ୍‌ ଗଣତି ହେବ। ଏ ନେଇ ଓଡ଼ିଶା ବିଧାନସଭା ସୂଚନା ଫଳକରେ ଲାଗିଥିବା ବିଜ୍ଞପ୍ତିରେ ଦର୍ଶାଯାଇଛି।

Categories
ଜାତୀୟ ଖବର ବିଶେଷ ଖବର

ଦୁଇ ଦିବସୀୟ ‘ଭିଜିଟର୍ସ ସମ୍ମିଳନୀ’କୁ ଉଦଘାଟନ କଲେ ରାଷ୍ଟ୍ରପତି ରାମନାଥ କୋବିନ୍ଦ

ନୂଆଦିଲ୍ଲୀ/ଭୁବନେଶ୍ୱର: ଦେଶର ଯୁବଗୋଷ୍ଠୀଙ୍କୁ ପରିବର୍ତନ କରିବାରେ ଉଚ୍ଚ ଶିକ୍ଷାନୁଷ୍ଠାନ ଗୁଡିକର ଗୁରୁ ଦାୟିତ୍ୱ ରହିଛି ବୋଲି ମଙ୍ଗଳବାର ରାଷ୍ଟ୍ରପତି ଭବନ ଠାରେ ଦୁଇ ଦିବସୀୟ ‘ଭିଜିଟର୍ସ ସମ୍ମିଳନୀ-୨୦୨୨’କୁ ଉଦଘାଟନ କରିବା ଅବସରରେ କହିଛନ୍ତି ମହାମହିମ ରାଷ୍ଟ୍ରପତି ରାମନାଥ କୋବିନ୍ଦ।

କେନ୍ଦ୍ରୀୟ ବିଶ୍ୱବିଦ୍ୟାଳୟର କୂଳପତି ଏବଂ ଜାତୀୟ ସ୍ତରରେ ଗୁରୁତ୍ୱ ବହନ କରୁଥିବା ଶିକ୍ଷାନୁଷ୍ଠାନ ମାନଙ୍କର ନିର୍ଦ୍ଦେଶକଙ୍କୁ ରାଷ୍ଟ୍ରପତି ଉଦ୍‌ବୋଧନ ଦେଇ କହିଛନ୍ତି ଯେ ଭାରତର ସ୍ୱାଧୀନତା ଆନ୍ଦୋଳନର ଗୌରବମୟ ଇତିହାସକୁ ସ୍ମରଣ କରୁଥିବା ‘ଆଜାଦୀ କା ଅମୃତ ମହୋତ୍ସବ’ ସମୟରେ ଏହି ସମ୍ମିଳନୀ ଅନୁଷ୍ଠିତ ହେବା ଖୁସିର ବିଷୟ।

ଦେଶର ଉଚ୍ଚ ଶିକ୍ଷା ପାଇଁ ଥିବା ଅନୁଷ୍ଠାନ ଗୁଡ଼ିକ ଅମୃତ ମହୋତ୍ସବର କେନ୍ଦ୍ର ଅଟେ। ଏହାର କାରଣ ହେଉଛି ଦେଶର ଯୁବ ନାଗରିକ ମାନେ କେବଳ ଅତୀତର ଉତରାଧିକାରୀ ନୁହଁନ୍ତି ବରଂ ଭାରତକୁ ପରବର୍ତୀ ସୁବର୍ଣ୍ଣ ଯୁଗରେ ଆଗେଇ ନେବାରେ ତାଙ୍କର ଭୂମିକା ରହିବ। ତେଣୁ ଯୁବକମାନଙ୍କୁ ପରିବର୍ତନ କରିବାରେ ଉଚ୍ଚ ଶିକ୍ଷାନୁଷ୍ଠାନଗୁଡିକର ଗୁରୁ ଦାୟିତ୍ୱ ରହିଛି। ଏଥିପାଇଁ ଯୁବପିଢ଼ିଙ୍କର ଆକାଂକ୍ଷାକୁ ପୂରଣ କରିବାକୁ ହେବ, କାରଣ ସେମାନେ ଜୀବନର ବିଭିନ୍ନ କ୍ଷେତ୍ରରେ ଭବିଷ୍ୟତର ନେତୃତ୍ୱ ନେବେ ବୋଲି ରାଷ୍ଟ୍ରପତି କହିଛନ୍ତି।

ସେହିପରି କେନ୍ଦ୍ର ଶିକ୍ଷା, ଦକ୍ଷତା ବିକାଶ ଏବଂ ଉଦ୍ୟମିତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏହି କାର୍ଯ୍ୟକ୍ରମରେ ଯୋଗଦେଇ କହିଛନ୍ତି ଯେ ଆଜି ଦେଶରେ ପ୍ରଥମ ଥର ପାଇଁ ଉଚ୍ଚ ଶିକ୍ଷାରେ ମୋଟ ନାମଲେଖା ଅନୁପାତ(ଜିଇଆର୍‌) ବୃଦ୍ଧି ପାଇଛି। ବିଶେଷ ଭାବରେ ସମାଜର ବଂଚିତ ବର୍ଗ ଯଥା ଅନୁସୂଚିତ ଜାତି, ଅନୁସୂଚିତ ଜନଜାତି ବର୍ଗର ଯୁବପିଢ଼ିଙ୍କ ଉଚ୍ଚ ଶିକ୍ଷା କ୍ଷେତ୍ରରେ ଅଂଶଗ୍ରହଣ ବୃଦ୍ଧି ପାଉଛି।

ସେ କହିଛନ୍ତି ଯେ କୌଣସି ସଭ୍ୟତା, କୌଣସି ଦେଶର ଶିକ୍ଷା ସେହି ସମାଜର ପ୍ରାଣ ଅଟେ। ଆଜି ଭିଜିଟର୍ସ କନଫରେନ୍ସରେ ଶିକ୍ଷା ବିଭାଗର ନେତୃତ୍ୱମାନେ ଏକତ୍ରିତ ହୋଇଛନ୍ତି। ଆଗାମୀ ଦିନରେ ଶିକ୍ଷାର ଭୂମିକା ଓ ରୋଜଗାର କିପରି ରହିବ ଏବଂ ଏକବିଂଶ ଶତାବ୍ଦୀରେ ରୋଜଗାର ରୋଡ଼ ମ୍ୟାପ୍ ପ୍ରସ୍ତୁତ କରିବା ପାଇଁ ସମସ୍ତେ ଏକାଠୀ ହୋଇଛନ୍ତି।

ବିଶ୍ୱ ଆଜି ନୂଆ ନୂଆ ଚ୍ୟାଲେଞ୍ଜ୍ ଦେଇ ଗତି କରୁଛି । ଏହି ସମୟରେ ବିଶ୍ୱ କେଉଁଆଡ଼େ ଯିବ ଓ ରୋଜଗାରର ପନ୍ଥା କ’ଣ ହେବ ଏବଂ ରାଷ୍ଟ୍ରପତି, ପ୍ରଧାନମନ୍ତ୍ରୀ ଏବଂ ସଂଘୀୟ ବ୍ୟବସ୍ଥାର ନେତୃତ୍ୱରେ ସାମୂହିକ ରୂପରେ ଯେଉଁ ସ୍ୱପ୍ନ ଦେଖାଯାଇଛି ସେ ଦିଗରେ ଚର୍ଚ୍ଚା କରିବା ଉପରେ ଏହି ସମ୍ମିଳନୀ ଆୟୋଜିତ ହୋଇଯାଇଛି।

ଦୁଇ ଦିବସୀୟ ଅଧିବେଶନରେ ଆମର ବର୍ତମାନ ସ୍ଥିତି ଅନୁସାରେ ଦୁନିଆର ଇନୋଭେସନ ନୂଆ ବ୍ୟବସାୟିକ ସ୍ଥଳି ଓ ନୂଆ ଉଦ୍ୟୋଗିକ କ୍ରାନ୍ତି କିପରି ହେବ ତଥା ଏ ସବୁ ପୃଷ୍ଠଭୂମିରେ ଦୁନିଆ କଣ ହେବ ଏବଂ ସେଥିରେ ମନୁଷ୍ୟ କେଉଁଠି ରହିବ ଓ ମନୁଷ୍ୟର ଭାବନା କେଉଁଠି ରହିବ ଓ ସକରାତ୍ମକ ବିଷୟ କ’ଣ ରହିବ, ତାହା ଉପରେ ଚର୍ଚ୍ଚା ହେବା ଦରକାର। ସମ୍ମିଳନୀରେ ରାଷ୍ଟ୍ରପତିଙ୍କ ଉପସ୍ଥିତି ସମସ୍ତଙ୍କୁ ମାର୍ଗଦର୍ଶନ ଦେଇଛି।

ଆଜି ଆମେ ସମସ୍ତେ ବିଶେଷ ପରିସ୍ଥିତିରେ ଏକତ୍ରିତ ହୋଇଛେ। ବିଗତ ୨ ବର୍ଷ କରୋନା କାରଣରୁ ପ୍ରତ୍ୟକ୍ଷ ଭାବେ ସମ୍ମିଳନୀ ଅନୁଷ୍ଠିତ ହୋଇପାରିନଥିଲା। ଆଜି ଆମେ ସମସ୍ତେ ଅମୃତ କାଳରେ ଏକାଠୀ ହୋଇଛ । ବିଶ୍ୱ କୋରନା ପ୍ରଭାବରୁ ମୁକ୍ତ ହେଉଥିବା ବେଳେ ରାଜନୀତିରେ କିନ୍ତୁ ହଟଚମଟ ପରିଲକ୍ଷିତ ହୋଇଛି।

ଏହି କାରଣରୁ ବିଶ୍ୱ ଅର୍ଥନୀତି ଏକ ଚ୍ୟାଲେଞ୍ଜପୂର୍ଣ୍ଣ ସମୟ ଦେଇ ଗତି କରୁଛି। ଭାରତ ଭଳି ପ୍ରଗତିଶୀଳ ରାଷ୍ଟ୍ର ଉପରେ ବିଶ୍ୱ ଏମର୍ଜିଂ ଇକୋନୋମିର ନଜର ରଖିଛି। ଭାରତ ସରକାରଙ୍କ ଦ୍ୱାରା ନୂଆ ଜାତୀୟ ଶିକ୍ଷା ନୀତି-୨୦୨୦ ପ୍ରଣୟନର ଦୁଇ ବର୍ଷ ପୂର୍ତି ହେବାକୁ ଯାଉଛି। ଆସନ୍ତା ଜୁଲାଇ ୨୯ ତାରିଖରେ ‘ଜାତୀୟ ଶିକ୍ଷା ନୀତି-୨୦୨୦’ ପ୍ରଣୟନର ଦୁଇ ବର୍ଷ ପୂରଣ ହେବ। ଏହି ନୀତି ଆଧାରରେ ଶିକ୍ଷା ଓ ଦକ୍ଷତାର ଏକ ଇକୋସିଷ୍ଟମ ତିଆରି ହେବାର ଆବଶ୍ୟକତା ରହିଛି ବୋଲି ସେ କହିଛନ୍ତି।

ସୂଚନାଯୋଗ୍ୟ, ଉଦଘାଟନୀ ସମ୍ମିଳନୀରେ ରାଷ୍ଟ୍ରପତି ପ୍ରଫେସର ମହମ୍ମଦ ଜାହିଦ୍ ଆଶ୍ରଫ, ପ୍ରିତମ ଦେବ ଏବଂ ଅନ୍ୟୁନେ ସାମନ୍ତଙ୍କୁ ଗବେଷଣା ପାଇଁ ଭିଜିଟର୍ସ ଆୱାର୍ଡ-୨୦୨୨ ପ୍ରଦାନ କରିଥିଲେ। ଦେଶରେ ଥିବା ୧୬୧ଟି କେନ୍ଦ୍ରୀୟ ଉଚ୍ଚ ଶିକ୍ଷାନୁଷ୍ଠାନରୁ ୫୩ ଅନୁଷ୍ଠାନ ପ୍ରତ୍ୟକ୍ଷ ଭାବେ ଏହି ସମ୍ମିଳନୀରେ ଅଂଶଗ୍ରହଣ କରିଥିବା ବେଳେ ଅନ୍ୟ ଉଚ୍ଚ ଶିକ୍ଷାନୁଷ୍ଠାନ ଗୁଡ଼ିକ ଭର୍ଚ୍ଚୁଆଲ ଯୋଗେ ଯୋଡ଼ି ହୋଇଥିଲେ।

Categories
ଆଜିର ଖବର ଜାତୀୟ ଖବର

ୟୁପି ମୁଖ୍ୟମନ୍ତ୍ରୀ କିମ୍ବା ପ୍ରଧାନମନ୍ତ୍ରୀ ହୋଇପାରେ, କିନ୍ତୁ କେବେ ବି ରାଷ୍ଟ୍ରପତି ନୁହେଁ: ମାୟାବତୀ

ଲକ୍ଷ୍ନୌ: ବହୁଜନ ସମାଜବାଦୀ ପାର୍ଟି (ବିଏସପି) ସାଧାରଣ ସମ୍ପାଦକ ସତୀଶ ମିଶ୍ର ଏବଂ ବିଏସପି ବିଧାୟକ ଉମାଶଙ୍କର ସିଂ ଆଜି ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ଭେଟିଛନ୍ତି। ଏହି ବୈଠକ ପରେ ବିଏସପି ସୁପ୍ରିମୋ ମାୟାବତୀ ଏକ ସାମ୍ବାଦିକ ସମ୍ମିଳନୀ କରିଥିଲେ ଏବଂ ଏହି ସମୟ ମଧ୍ୟରେ ସମାଜବାଦୀ ପାର୍ଟି (ଏସପି) ଙ୍କ ବିରୋଧରେ ଅନେକ ଗୁରୁତର ଅଭିଯୋଗ ଆଣିଥିଲେ। ୨୦୨୨ ୟୁପି ବିଧାନସଭା ନିର୍ବାଚନ ବିଷୟରେ ଉଲ୍ଲେଖ କରି ମାୟାବତୀ କହିଛନ୍ତି ଯେ, ୟୁପି ନିର୍ବାଚନରେ ​​ହିନ୍ଦୁ-ମୁସଲମାନ ରଙ୍ଗ ଦେବା ପାଇଁ ବିଜେପି-ଏସପିଙ୍କ ମିଳନ ହୋଇଛି। ବିଜେପିର କ୍ଷମତାକୁ ଫେରିବା ଦାୟିତ୍ୱ ସମାଜବାଦୀ ପାର୍ଟି ଏବଂ ଏହାର ମୁଖ୍ୟଙ୍କ ଉପରେ ରହିଛି।

ସାମ୍ବାଦିକ ସମ୍ମିଳନୀରେ ମାୟାବତୀ ଆହୁରି କହିଛନ୍ତି ଯେ, ଏସପି ଲୋକମାନଙ୍କୁ ବିଭ୍ରାନ୍ତ କରୁଛି ଯେ ମୁଁ ରାଷ୍ଟ୍ରପତି ହେବି। ମୁଁ ଏହା ସ୍ପଷ୍ଟ କରିବାକୁ ଚାହୁଁଛି, ମୁଁ କେବଳ ୟୁପିର ମୁଖ୍ୟମନ୍ତ୍ରୀ କିମ୍ବା ଦେଶର ପ୍ରଧାନମନ୍ତ୍ରୀ ହୋଇ ଦେଶର ସେବା କରିପାରିବି। କିନ୍ତୁ ରାଷ୍ଟ୍ରପତି ହେବାର ପ୍ରଶ୍ନ ଉଠୁନାହିଁ। ଯଦି ମୁସଲମାନମାନେ ବିଏସପି ପାଇଁ ଭୋଟ୍ ଦିଅନ୍ତି, ତେବେ ମୁଁ ମୁଖ୍ୟମନ୍ତ୍ରୀ କିମ୍ବା ପ୍ରଧାନମନ୍ତ୍ରୀ ହୋଇପାରେ। ବିଏସପି ସରକାରରେ ନିର୍ମିତ ଏହି ସ୍ମାରକଗୁଡିକ ଏସପି ସରକାର ଏବଂ ବିଜେପି ସରକାରଙ୍କ ଦ୍ୱାରା ପରିଚାଳିତ ହେଉନାହିଁ। ଏହି ପ୍ରସଙ୍ଗରେ ବିଏସପି ପ୍ରତିନିଧି ସତିଶ ମିଶ୍ର ଏବଂ ଉମାଶଙ୍କର ସିଂ ମୁଖ୍ୟମନ୍ତ୍ରୀଙ୍କୁ ଭେଟିଛନ୍ତି। ମିଥ୍ୟା ଖବର ଏସପି ଦ୍ୱାରା ପ୍ରସାରିତ ହେଉଛି। ମୁଖ୍ୟମନ୍ତ୍ରୀଙ୍କୁ ଭେଟିବାର ଉଦ୍ଦେଶ୍ୟ କେବଳ ସ୍ମାରକୀ ବିଷୟରେ ବୋଲି ସେ କହିଛନ୍ତି।

ମାୟାବତୀ କହିଛନ୍ତି ଯେ, ରମଜାନ ମାସରେ ବିଜୁଳି କାଟିବା ଠିକ୍ ନୁହେଁ ଏବଂ ସରକାର ଏହା ବିଷୟରେ କିଛି କରିବା ଉଚିତ୍। ମୁସଲମାନ ଏବଂ ଅନ୍ୟମାନଙ୍କ ପ୍ରତି ହେଉଥିବା ଅତ୍ୟାଚାର ପାଇଁ ଏସପି ଦଳ ଦାୟୀ।

ମାୟାବତୀଙ୍କ ଅନୁଯାୟୀ, କ୍ଷମତା ଛାଡିବା ପରେ ତାଙ୍କ ଶାସନ କାଳରେ ନିର୍ମିତ ପାର୍କ ଏବଂ ସ୍ମାରକୀଗୁଡିକର ଯତ୍ନ ନିଆଯାଉ ନାହିଁ। ଏଭଳି ପରିସ୍ଥିତିରେ ସେ ଚାହୁଁଛନ୍ତି ଯେ, ରାଜ୍ୟର ବର୍ତ୍ତମାନର ସରକାର ଏଥିପ୍ରତି ଧ୍ୟାନ ଦିଅନ୍ତୁ।

Categories
ବିଶେଷ ଖବର

ତୃତୀୟ ଜାତୀୟ ଜଳ ପୁରସ୍କାର ପ୍ରଦାନ କଲେ ରାଷ୍ଟ୍ରପତି ରାମନାଥ କୋବିନ୍ଦ

ନୂଆଦିଲ୍ଲୀ: ରାଷ୍ଟ୍ରପତି ରାମନାଥ କୋବିନ୍ଦ ଆଜି (ମାର୍ଚ୍ଚ ୨୯, ୨୦୨୨) ନୂଆଦିଲ୍ଲୀ ଠାରେ ତୃତୀୟ ଜାତୀୟ ଜଳ ପୁରସ୍କାର ପ୍ରଦାନ କରିଛନ୍ତି। ଏହି ଅବସରରେ ରାଷ୍ଟ୍ରପତିଙ୍କ କରକମଳରେ ଜଳ ଶକ୍ତି ଅଭିଯାନ: କ୍ୟାଚ୍‌ ଦ ରେନ୍‌ କ୍ୟାମ୍ପେନ୍‌ (ବର୍ଷା ଜଳ ସଂରକ୍ଷଣ ଅଭିଯାନ) ୨୦୨୨ର ଶୁଭାରମ୍ଭ କରାଯାଇଥିଲା।

ଏହି ଉପଲକ୍ଷେ ଉଦବୋଧନ ଦେଇ ରାଷ୍ଟ୍ରପତି କହିଥିଲେ ଯେ, ଆମ ଦୈନନ୍ଦିନ ଜୀବନ ଏବଂ ପୃଥିବୀ ପାଇଁ ଜଳର ଜରୁରି ଆବଶ୍ୟକତା ଉପରେ ଗୁରୁତ୍ବାରୋପ କରିବାର ଲକ୍ଷ୍ୟ ନେଇ ଜଳ ପରିଚାଳନା କ୍ଷେତ୍ରରେ ଉଲ୍ଲେଖନୀୟ କାର୍ଯ୍ୟ ପାଇଁ ଜାତୀୟ ଜଳ ପୁରସ୍କାର ପ୍ରଦାନ କରାଯାଉଛି। ଏଥିସହିତ ଜଳ ସଂରକ୍ଷଣ ଅଭିଯାନର ସମ୍ପ୍ରସାରଣ ହୋଇଛି। ଏପରି ଉଦ୍ୟମ ବାସ୍ତବରେ ପ୍ରଶଂସନୀୟ ବୋଲି ରାଷ୍ଟ୍ରପତି କହିଥିଲେ।

ସେ ଆହୁରି କହିଥିଲେ ଯେ, ଜଳ ଶକ୍ତି ଅଭିଯାନ: କ୍ୟାଚ୍‌ ଦ ରେନ୍‌ କ୍ୟାମ୍ପେନ୍‌ ୨୦୨୨ କାର୍ଯ୍ୟକ୍ରମର ଶୁଭାରମ୍ଭ କରିବା ତାଙ୍କ ପାଇଁ ଖୁସିର ବିଷୟ। ଅଭିଯାନର ଚଳିତ ସଂସ୍କରଣ ସହ ଗଭୀର ଭାବେ ଯୋଡ଼ି ହେବା ଲାଗି ସେ ସମସ୍ତଙ୍କୁ ଆହ୍ଵାନ କରିଥିଲେ। ରାଷ୍ଟ୍ରପତି କହିଥିଲେ ଯେ, ଜଳ ସଂରକ୍ଷଣ କ୍ଷେତ୍ରରେ ସ୍ଥାନୀୟ ଅଞ୍ଚଳର ପ୍ରତ୍ୟେକ ଲୋକଙ୍କୁ ସକ୍ରିୟ ଭାବେ ସାମିଲ କରିବା ଲାଗି ଜିଲ୍ଲାପାଳ ଏବଂ ଗ୍ରାମପଞ୍ଚାୟତର ସରପଞ୍ଚମାନେ ପ୍ରମୁଖ ଭୂମିକା ଗ୍ରହଣ କରିପାରିବେ। ଭାରତରେ ଯେପରି ଭାବେ ବିଶ୍ୱର ସବୁଠୁ ବଡ଼ ଟିକାକରଣ କାର୍ଯ୍ୟକ୍ରମ ଜାରି ରହିଛି ଏବଂ ଦେଶ ଏ କ୍ଷେତ୍ରରେ ଇତିହାସ ରଚିଛି, ଠିକ୍‌ ସେହିପରି ଆମେ ସମସ୍ତେ ମିଶି ଇତିହାସର ସବୁଠୁ ବଡ଼ ଜଳ ସଂରକ୍ଷଣ ଅଭିଯାନକୁ କାର୍ଯ୍ୟକାରୀ କରି ପାରିବା ବୋଲି ରାଷ୍ଟ୍ରପତି କହିଥିଲେ।

ରାଷ୍ଟ୍ରପତି କହିଥିଲେ ଯେ, ‘ଜଳ ହିଁ ଜୀବନ’ ଉକ୍ତି ଯଥାର୍ଥ। ଜଳ ଉତ୍ସ ଆକାରରେ ପ୍ରକୃତି ମାନବତାକୁ ଏକ ମହାନ ବରଦାନ ଦେଇଛି। ପ୍ରକୃତି ଆମକୁ ବିଶାଳ ନଦୀ ଭେଟି ଦେଇଛି, ଯାହାର ତଟରେ ମହାନ ସଭ୍ୟତା ବିକଶିତ ହୋଇଛି। ଭାରତୀୟ ସଂସ୍କୃତିରେ ନଦୀମାନଙ୍କର ବିଶେଷ ଗୁରୁତ୍ୱ ରହିଛି ଏବଂ ନଦୀକୁ ଆମ ଦେଶରେ ମା’ ରୂପରେ ପୂଜା କରାଯାଇଥାଏ। ନଦୀମାନଙ୍କର ପୂଜା ପାଇଁ ସ୍ୱତନ୍ତ୍ର ସ୍ଥାନ ରହିଛି। ଉତ୍ତରାଖଣ୍ଡରେ ଗଙ୍ଗା ଓ ଯମୁନାଙ୍କୁ ପୂଜା କରାଯାଇଥାଏ, ମଧ୍ୟପ୍ରଦେଶରେ ନର୍ମଦା ଏବଂ ପଶ୍ଚିମବଙ୍ଗରେ ଗଙ୍ଗା-ସାଗରଙ୍କୁ ପୂଜା କରାଯାଏ। ଏପରି ଧାର୍ମିକ ପ୍ରଥା ଆମକୁ ପ୍ରକୃତି ସହ ବାନ୍ଧି ରଖିଥାଏ। ପୁଷ୍କରିଣୀ ଏବ କୂଅ ଖୋଳିବା କାର୍ଯ୍ୟକୁ ପୂର୍ବରୁ ଧାର୍ମିକ ବୋଲି ବିବେଚନା କରାଯାଉଥିଲା। ଦୁର୍ଭାଗ୍ୟବଶତଃ ଆଧୁନିକତା ଏବଂ ଶିଳ୍ପ ଅର୍ଥବ୍ୟବସ୍ଥାର ଅଭ୍ୟୁଦୟ କାରଣରୁ ପ୍ରକୃତି ସହ ଆମର ଏହି ସମ୍ପର୍କ ଧୀରେ ଧୀରେ ବିଚ୍ଛିନ୍ନ ହେବାରେ ଲାଗିଛି। ଜନସଂଖ୍ୟା ବୃଦ୍ଧି ମଧ୍ୟ ଆଉ ଏକ କାରଣ। ଆମର ଅସ୍ଥିତ୍ୱ ପାଇଁ ଜରୁରି ପ୍ରକୃତି ସହ ଆମର ସମ୍ପର୍କ ବିଚ୍ଛିନ୍ନ ହେବା ଭଳି ପ୍ରତୀୟମାନ ହେଉଛି। ଆମେ କଷ୍ଟକର ଯମୁନେତ୍ରୀ ଯାତ୍ରାରେ ଯାଇ ଯମୁନାଙ୍କ ପ୍ରତି ଆମର କୃତଜ୍ଞତା ବ୍ୟକ୍ତ କରିଥାଉ ଏବଂ ତାଙ୍କୁ ପୂଜା କରିଥାଉ। କିନ୍ତୁ ରାଜଧାନୀ ଦିଲ୍ଲୀକୁ ଆସିଲେ, ସେହି ନଦୀ ବ୍ୟାପକ ପ୍ରଦୂଷିତ ହୋଇଥିବାର ଆମେ ଦେଖିଥାଉ, ଯାହାକି ଆମର ସହରୀ ଜୀବନ ପାଇଁ ଆଦୌ ଉପଯୋଗୀ ନୁହେଁ।

ରାଷ୍ଟ୍ରପତି କହିଥିଲେ ଯେ ପୁଷ୍କିରଣୀ ଏବଂ ହ୍ରଦ ଭଳି ଜଳ ଉତ୍ସ, ଯାହା ବର୍ଷ ସାରା ସହରକୁ ପାଣି ଯୋଗାଇ ଥାଏ, ସେଗୁଡ଼ିକ ମଧ୍ୟ ଦ୍ରୁତ ସହରୀକରଣ ଚାପ କାରଣରୁ ନିଶ୍ଚିହ୍ନ ହେବାକୁ ଲାଗିଲେଣି। ଏହା ଜଳ ପରିଚାଳନାକୁ ଅତ୍ୟନ୍ତ ଜଟିଳ କରି ଦେଇଛି। ଭୂତଳ ଜଳ ପରିମାଣ କମିବାରେ ଲାଗିଛି ଏବଂ ଏହାର ସ୍ତର ଧୀରେ ଧୀରେ ତଳକୁ ଖସି ଚାଲିଛି। ଗୋଟିଏ ପଟେ ସହରଗୁଡ଼ିକ ଦୂରବର୍ତ୍ତୀ ସ୍ଥାନରୁ ସେମାନଙ୍କ ଉପଯୋଗ ପାଇଁ ପାଣି ଆଣୁଛନ୍ତି, ଅନ୍ୟପଟେ ବର୍ଷା ଦିନେ ସହରର ରାସ୍ତାଘାଟ ବନ୍ୟା ଜଳରେ ବୁଡ଼ି ଯାଉଛି। ସେ କହିଥିଲେ ଯେ, ଗତ କିଛିଦିନ ହେବ ଜଳ ପରିଚାଳନାରେ ଏହି ବିରୋଧାଭାସକୁ ନେଇ ବୈଜ୍ଞାନିକ ଏବଂ ଜଳସଂରକ୍ଷଣ କର୍ମୀମାନେ ମଧ୍ୟ ଚିନ୍ତା ବ୍ୟକ୍ତ କରୁଛନ୍ତି। ଭାରତରେ, ଏହି ସମସ୍ୟା ଅଧିକ ଗମ୍ଭୀର କାରଣ ଆମ ଦେଶରେ ବିଶ୍ୱ ଜନସଂଖ୍ୟାର ୧୮ ଭାଗ ଲୋକ ରହୁଛନ୍ତି, ଅନ୍ୟପଟେ ଆମ ପାଖରେ ମାତ୍ର ୪ ପ୍ରତିଶତ ମଧୁର ଜଳ ଉତ୍ସ ରହିଛି। ଜଳର ଉପଲବ୍ଧତା ଅନିଶ୍ଚିତ ଏବଂ ଏହା ବ୍ୟାପକ ପରିମାଣରେ ବର୍ଷା ଜଳ ଉପରେ ନିର୍ଭର କରିଥାଏ।

ରାଷ୍ଟ୍ରପତି କହିଥିଲେ ଯେ, ଜଳ ସଙ୍କଟ ପ୍ରସଙ୍ଗ, ଜଳବାୟୁ ପରିବର୍ତ୍ତନର ସବୁଠୁ ବଡ଼ ସମସ୍ୟାର ଏକ ଅଂଶବିଶେଷ। ଜଳବାୟୁ ପରିବର୍ତ୍ତନର କୁପ୍ରଭାବ ଯୋଗୁ, ବନ୍ୟା, ମରୁଡ଼ି ଭଳି ସ୍ଥିତି ଅଧିକ ମାତ୍ରାରେ ଏବଂ ଅଧିକ ଗମ୍ଭୀର ଭାବେ ଦେଖିବାକୁ ମିଳୁଛି। ହିମାଳୟ ଗ୍ଲେସିଅର ତରଳୁଛି ଏବଂ ସମୁଦ୍ର ସ୍ତର ବୃଦ୍ଧି ପାଉଛି। ଏଭଳି ପରିବର୍ତ୍ତନର ଗମ୍ଭୀର ପରିଣାମ ଏବେ ଦେଖିବାକୁ ମିଳୁଛି, ଏହାର ସବୁଠୁ ବିନାଶକାରୀ ପରିଣାମ ଚାଷୀ, ମହିଳା ଏବଂ ଗରିବଙ୍କ ଜୀବନ ଉପରେ ପଡ଼ୁଛି।

ରାଷ୍ଟ୍ରପତି କହିଥିଲେ ଯେ, ଆଜି ଜଳ ସଙ୍କଟ ଏକ ଅନ୍ତର୍ଜାତୀୟ ସଙ୍କଟ ପାଲଟିଛି  ଏବଂ ଏହାର ଆହୁରି ବିନାଶକାରୀ ପରିଣାମ ଦେଖିବାକୁ ମିଳିପାରେ। କେତେକ ପ୍ରତିରକ୍ଷା ବିଶେଷଜ୍ଞମାନେ କହିଲେଣି ଯେ ଭବିଷ୍ୟତରେ ଏହା ଏକ ବଡ଼ ଅନ୍ତର୍ଜାତୀୟ ବିବାଦର କାରଣ ହୋଇପାରେ। ଏଭଳି ବିପଦପୂର୍ଣ୍ଣ ପରିସ୍ଥିତି ଠାରୁ ସମଗ୍ର ମାନବ ଜାତିକୁ ରକ୍ଷା କରିବା ଆମର କର୍ତ୍ତବ୍ୟ। ଏ କ୍ଷେତ୍ରରେ ଭାରତ ସରକାର ପ୍ରଭାବୀ ପଦକ୍ଷେପ ଗ୍ରହଣ କରୁଥିବାରୁ ସେ ଖୁସି ବ୍ୟକ୍ତ କରିଥିଲେ।

ରାଷ୍ଟ୍ରପତି କହିଥିଲେ ଯେ, ଜଳବାୟୁ ପରିବର୍ତ୍ତନର ପ୍ରଭାବକୁ ମୁକାବିଲା କରିବା ଏବଂ ଆମ ପୃଥିବୀକୁ ସୁରକ୍ଷା ଦେବା ଆମ ସମସ୍ତଙ୍କ ଆଗରେ ସବୁଠୁ ବଡ଼ ଆହ୍ଵାନ। ଏହି ଆହ୍ଵାନର ମୁକାବିଲା କରିବା ଲାଗି ଭାରତ ସରକାର ଏକ ନୂତନ ଦୃଷ୍ଟିକୋଣ ଏବଂ ପଦ୍ଧତି ଆପଣାଇଛନ୍ତି। ଭାରତ ସରକାର ୨୦୧୪ରେ ପରିବେଶ ଏବଂ ଜଙ୍ଗଲ ମନ୍ତ୍ରଣାଳୟର ନାମ ପରିବର୍ତ୍ତନ କରିବା ସହିତ ଏଥିରେ ‘ଜଳବାୟୁ ପରିବର୍ତ୍ତନ’ ଯୋଡ଼ି ଏକ ପ୍ରାରମ୍ଭିକ ସଙ୍କେତ ଦେଇଥିଲେ। ଆଉ ପାଦେ ଆଗକୁ ଯାଇ ସରକାର ୨୦୧୯ରେ ଦୁଇଟି ମନ୍ତ୍ରଣାଳୟକୁ ମିଶାଇ ଜଳ ଶକ୍ତି ମନ୍ତ୍ରଣାଳୟ ଗଠନ କରିଥିଲେ। ଜଳ ସଙ୍କଟ ସମସ୍ୟାର ସମନ୍ୱିତ ଏବଂ ସାମଗ୍ରିକ ଦୃଷ୍ଟିକୋଣରୁ ସମାଧାନ କରିବା ତଥା ଏଥିପ୍ରତି ସର୍ବୋଚ୍ଚ ପ୍ରାଥମିକତା ଦେବା ଉଦ୍ଦେଶ୍ୟରେ ସରକାର ଏହି ନୂଆ ମନ୍ତ୍ରଣାଳୟ ଗଠନ କରିଛନ୍ତି।

ରାଷ୍ଟ୍ରପତି ସନ୍ତୋଷ ବ୍ୟକ୍ତ କରି କହିଥିଲେ ଯେ, ଜଳବାୟୁ ପରିବର୍ତ୍ତନର ପ୍ରଭାବ ହ୍ରାସ କରିବା ଏବଂ ଜଳ ସୁରକ୍ଷା ସୁନିଶ୍ଚିତ କରିବା ଦିଗରେ ଭାରତ ପ୍ରଭାବଶାଳୀ ପଦକ୍ଷେପ ଗ୍ରହଣ କରୁଛି। ଏଥିପାଇଁ ଜଳର ସୁବିନିଯୋଗ, ଜଳ ଉତ୍ସର ସଂରକ୍ଷଣ, ପ୍ରଦୂଷଣ ହ୍ରାସ ଏବଂ ସ୍ୱଚ୍ଛତା ସୁନିଶ୍ଚିତ କରିବା ଦିଗରେ ପ୍ରୟାସ କରାଯାଉଛି। ସେ କହିଥିଲେ ଯେ ବିଗତ କିଛି ବର୍ଷ ହେବ ସରକାରଙ୍କ ନୀତିରେ ଅନେକଗୁଡ଼ିଏ ଗୁରୁତ୍ୱପୂର୍ଣ୍ଣ ଦିଗକୁ ସାମିଲ କରାଯାଇଛି। ଏଥିରେ ନଦୀମାନଙ୍କର ପୁନରୁଦ୍ଧାର, ନଦୀ ଶଯ୍ୟାର ସାମଗ୍ରିକ ପରିଚାଳନା ଏବଂ ଦୀର୍ଘସ୍ଥାୟୀ ଢଙ୍ଗରେ ଜଳ ସୁରକ୍ଷାକୁ ସୁନିଶ୍ଚିତ କରିବା ଲାଗି ବିଳମ୍ବିତ ଜଳସେଚନ ପ୍ରକଳ୍ପଗୁଡ଼ିକୁ ସମ୍ପୂର୍ଣ୍ଣ କରିବା ଏବଂ ବର୍ତ୍ତମାନର ନଦୀବନ୍ଧଗୁଡ଼ିକର ପୁନରୁଦ୍ଧାର ନିମନ୍ତେ ପଦକ୍ଷେପ ଗ୍ରହଣ କରାଯାଉଛି।

ରାଷ୍ଟ୍ରପତି କହିଥିଲେ ଯେ, ଜଳ ସଂରକ୍ଷଣ ସହ ସମସ୍ତଙ୍କୁ ଯୋଡ଼ିବା ଏବଂ ଜଳ ଆନ୍ଦୋଳନକୁ ଏକ ଜନ ଆନ୍ଦୋଳନରେ ପରିବର୍ତ୍ତନ କରିବା ଲାଗି ଭାରତ ସରକାର ୨୦୧୯ରେ ଜଳ ଶକ୍ତି ଅଭିଯାନର ଶୁଭାରମ୍ଭ କରିଥିଲେ। ସେହି ବର୍ଷ ଜଳ ଜୀବନ ମିଶନର ଶୁଭାରମ୍ଭ କରାଯାଇଥିଲା। ଗତ ବର୍ଷ ମାର୍ଚ୍ଚ ୨୨ ତାରିଖ ବିଶ୍ୱ ଜଳ ଦିବସ ଉପଲକ୍ଷେ, ‘ଜଳ ଶକ୍ତି ଅଭିଯାନ: କ୍ୟାଚ୍‌ ଦ ରେନ୍‌’ (ବର୍ଷା ଜଳ ସଂରକ୍ଷଣ) କାର୍ଯ୍ୟକ୍ରମକୁ ପ୍ରଧାନମନ୍ତ୍ରୀ ଶୁଭାରମ୍ଭ କରିଥିଲେ। ଏହାକୁ ପ୍ରାକ୍‌ ମୌସୁମୀ ଏବଂ ମୌସୁମୀ ଋତୁରେ ଦେଶର ସମସ୍ତ ଗ୍ରାମାଞ୍ଚଳ ଜିଲ୍ଲା ସହିତ ସହରାଞ୍ଚଳକୁ ନିଆଯାଇଥିଲା। କରୋନା ମହାମାରୀ ସମସ୍ୟା ସତ୍ତ୍ୱେ ଅଭିଯାନର ସଫଳତା ପାଇଁ ରାଜ୍ୟ ସରକାରମାନଙ୍କ ଉଲ୍ଲେଖନୀୟ ଯୋଗଦାନକୁ ସେ ପ୍ରଶଂସା କରିଥିଲେ।

ବିଭିନ୍ନ କ୍ଷେତ୍ରରେ ଜାତୀୟ ଜଳ ପୁରସ୍କାର ବିଜେତାମାନଙ୍କର ଉଲ୍ଲେଖନୀୟ କାର୍ଯ୍ୟର ଉଦାହରଣ ଦେଇ ରାଷ୍ଟ୍ରପତି କହିଥିଲେ ଯେ ଏପରି ଉଦାହରଣ ଦ୍ଵାରା ଆମ ସମସ୍ତଙ୍କ ମନରେ ଏକ ଜଳ-ସୁରକ୍ଷିତ ଭବିଷ୍ୟତର ଆଶା ଜାଗ୍ରତ ହେବ। ସେ ସମସ୍ତଙ୍କୁ ଅଭିନନ୍ଦନ ଜଣାଇବା ସହ ଭବିଷ୍ୟତରେ ଏପରି କାମ ଜରିଆରେ ଅନ୍ୟମାନଙ୍କୁ ଅନୁପ୍ରାଣିତ କରିବା ଲାଗି ପରାମର୍ଶ ଦେଇଥିଲେ। ଏପରି ପୁରସ୍କାର ଭାରତର ଲୋକମାନଙ୍କ ମନରେ ଜଳ ସଂରକ୍ଷଣକୁ ନେଇ ସଚେତନତା ସୃଷ୍ଟି କରିବା ସହିତ ସେମାନଙ୍କ ମଧ୍ୟରେ ଅଭ୍ୟାସଗତ ପରିବର୍ତ୍ତନ ଆଣିପାରିବ ବୋଲି ରାଷ୍ଟ୍ରପତି ଦୃଢ଼ ବିଶ୍ୱାସ ପ୍ରକଟ କରିଥିଲେ।

Categories
ବିଶେଷ ଖବର

‘ନାରୀ ଶକ୍ତି ପୁରସ୍କାର’ ପ୍ରଦାନ କଲେ ରାଷ୍ଟ୍ରପତି ରାମନାଥ କୋବିନ୍ଦ: ଓଡ଼ିଶାର ଶ୍ରୁତି ମହାପାତ୍ରଙ୍କୁ ମିଳିଲା ପୁରସ୍କାର

ନୂଆଦିଲ୍ଲୀ: ରାଷ୍ଟ୍ରପତି ରାମନାଥ କୋବିନ୍ଦ ଅନ୍ତର୍ଜାତୀୟ ମହିଳା ଦିବସ ଉପଲକ୍ଷେ ନୂଆଦିଲ୍ଲୀସ୍ଥିତ ରାଷ୍ଟ୍ରପତି ଭବନ ପରିସରରେ ଆୟୋଜିତ ଏକ ସ୍ବତନ୍ତ୍ର ସମାରୋହରେ ୨୦୨୦ ଏବଂ ୨୦୨୧ ବର୍ଷ ପାଇଁ ନାରୀ ଶକ୍ତି ପୁରସ୍କାର ପ୍ରଦାନ କରିଛନ୍ତି। ୨୦୨୦ ଏବଂ ୨୦୨୧ ବର୍ଷ ପାଇଁ ଉଲ୍ଲେଖନୀୟ ଏବଂ ପ୍ରଶଂସନୀୟ ଉପଲବ୍ଧି ହାସଲ କରିଥିବା ୨୯ ଜଣ ମହିଳାମାନଙ୍କୁ ଏହି ପୁରସ୍କାର ପ୍ରଦାନ କରାଯାଇଛି। ନାରୀ ସଶକ୍ତିକରଣ, ବିଶେଷ କରି ଦୁର୍ବଳ ଓ ବଞ୍ଚିତ ବର୍ଗଙ୍କ କଲ୍ୟାଣ ଦିଗରେ ଉଲ୍ଲେଖନୀୟ କାର୍ଯ୍ୟ କରିଥିବା ୨୯ ଜଣ ମହିଳାଙ୍କୁ ମୋଟ ୨୮ଟି ପୁରସ୍କାର (୨୦୨୦ ଏବଂ ୨୦୨୧ ବର୍ଷ ପାଇଁ ୧୪ ଜଣ ଲେଖାଏଁ) ରେ ସମ୍ମାନିତ କରାଯାଇଥିଲା।

Image

ମହିଳାମାନଙ୍କ ଉପଲବ୍ଧିକୁ ସମ୍ମାନ ଜଣାଇବା ଲାଗି, ନାରୀ ସଶକ୍ତିକରଣ ଓ ସମାଜ କଲ୍ୟାଣ ଦିଗରେ ଯୋଗଦାନ ତଥା ସମାଜରେ ସକାରାତ୍ମକ ପରିବର୍ତ୍ତନ ଆଣିଥିବା ପ୍ରଗତିଶୀଳ ମହିଳାମାନଙ୍କୁ ସମ୍ମାନିତ କରିବା ଉଦ୍ଦେଶ୍ୟରେ, ମହିଳା ଓ ଶିଶୁ ବିକାଶ ମନ୍ତ୍ରଣାଳୟ ପକ୍ଷରୁ ପ୍ରତିବର୍ଷ ସଫଳ ମହିଳା ଓ ମହିଳାଙ୍କ ଉତ୍ଥାନ ପାଇଁ କାର୍ଯ୍ୟ କରୁଥିବା ସଂଗଠନଗୁଡ଼ିକୁ ନାରୀ ଶକ୍ତି ପୁରସ୍କାର ପ୍ରଦାନ କରାଯାଇଥାଏ। କୋଭିଡ-୧୯ ମହାମାରୀ କାରଣରୁ ଦେଖା ଦେଇଥିବା ପରିସ୍ଥିତି ଯୋଗୁ ୨୦୨୦ ଏବଂ ୨୦୨୧ରେ ପୁରସ୍କାର ବିତରଣ ସମାରୋହ ଆୟୋଜିତ ହୋଇପାରିନଥିଲା।

ନାରୀ ଶକ୍ତି ପୁରସ୍କାର ବିଜେତାମାନଙ୍କ ସମ୍ପର୍କରେ ଅଧିକ ବିବରଣୀ ପାଇଁ ଏଠାରେ କ୍ଲିକ୍‌ କରନ୍ତୁ।

Categories
ଆଜିର ଖବର ରାଜ୍ୟ ଖବର

ଆସନ୍ତା ୧୯ରେ ଓଡ଼ିଶା ଆସୁଛନ୍ତି ରାଷ୍ଟ୍ରପତି, କାର୍ଯ୍ୟକ୍ରମ ହେଲା ଚୁଡାନ୍ତ

ଭୁବନେଶ୍ୱର : ରାଷ୍ଟ୍ରପତି ଶ୍ରୀ ରାମନାଥ କୋବିନ୍ଦ ଶ୍ରୀକ୍ଷେତ୍ର ପୁରୀସ୍ଥିତ ଗୌଡ଼ୀୟ ମିଶନର ପ୍ରତିଷ୍ଠାତା ଶ୍ରୀମଦ୍‌ ଭକ୍ତି ସିଦ୍ଧାନ୍ତ ସରସ୍ୱତୀ ଗୋସ୍ୱାମୀ ପ୍ରଭୁପାଦଙ୍କ ୧୫୦ତମ ଜନ୍ମବାର୍ଷିକୀ ସମାରୋହରେ ଅଂଶଗ୍ରହଣ କରିବା ଲାଗି ଦୁଇ ଦିନିଆ ପୁରୀ ଗସ୍ତରେ ଆସୁଛନ୍ତି । ରାଷ୍ଟ୍ରପତି ଆସନ୍ତା ୧୯ ତାରିଖ ଅପରାହ୍ନରେ ପୁରୀରେ ପହଞ୍ଚିବେ । ୨୦ ତାରିଖ ପୂର୍ବାହ୍ନରେ ରାଷ୍ଟ୍ରପତି ପୁରୀସ୍ଥିତ ଶ୍ରୀ ଚୈତନ୍ୟ ଗୌଡ଼ୀୟ ମଠ ପରିଦର୍ଶନ କରିବେ ।

ଏହା ପରେ ଶରଧା ବାଲି ପଡ଼ିଆ ଠାରେ ଭକ୍ତି ସିଦ୍ଧାନ୍ତ ଗୋସ୍ୱାମୀଙ୍କର ଜନ୍ମବାର୍ଷିକୀ ସମାରୋହରେ ଯୋଗ ଦେବାର କାର୍ଯ୍ୟକ୍ରମ ରହିଛି । ଏହି କାର୍ଯ୍ୟକ୍ରମରେ ରାଜ୍ୟପାଳ ପ୍ରଫେସର ଗଣେଶୀ ଲାଲ ଏବଂ କେନ୍ଦ୍ର ଶିକ୍ଷା, ଦକ୍ଷତା ବିକାଶ ଓ ଉଦ୍ୟମିତା ମନ୍ତ୍ରୀ ଶ୍ରୀ ଧର୍ମେନ୍ଦ୍ର ପ୍ରଧାନ ମଧ୍ୟ ଉପସ୍ଥିତ ରହିବେ । ରାଷ୍ଟ୍ରପତିଙ୍କ ଉପସ୍ଥିତିରେ ଏହି ସମାରୋହରେ ରାଜ୍ୟପାଳ ସ୍ମରଣିକା ଉନ୍ମୋଚନ କରିବେ।

ଏଥିସହିତ ଶ୍ରୀଲ ପ୍ରଭୁପାଦଙ୍କର ଏକ ଆତ୍ମଜୀବନୀକୁ ରାଜ୍ୟପାଳ ଉନ୍ମୋଚନ କରିବା ସହିତ ଏହାର ପ୍ରଥମ କପି ରାଷ୍ଟ୍ରପତିଙ୍କୁ ହସ୍ତାନ୍ତର କରିବେ । ଏହି ଦୁଇଦିନିଆ ଗସ୍ତ ଅବସରରେ ରାଷ୍ଟ୍ରପତି ୧୯ ତାରିଖ ଅପରାହ୍ନରେ ଶ୍ରୀମନ୍ଦିରରେ ଶ୍ରୀଜିଉମାନଙ୍କୁ ଦର୍ଶନ କରିବାର କାର୍ଯ୍ୟକ୍ରମ ମଧ୍ୟ ରହିଛି ।

Categories
ଆଜିର ଖବର ଜାତୀୟ ଖବର

ରାଷ୍ଟ୍ରପତିଙ୍କ ଠାରୁ ‘ଇଚ୍ଛାମୃତ୍ୟୁ’ ଦାବି କଲେ ମୁଖ୍ୟମନ୍ତ୍ରୀ ଭୁପେଶ ବଘେଲଙ୍କ ପିତା, ଜାଣନ୍ତୁ କାରଣ

ରାୟପୁର: ମୁଖ୍ୟମନ୍ତ୍ରୀ ଭୁପେଶ ବଘେଲଙ୍କ ପିତା ରାଷ୍ଟ୍ରପତିଙ୍କ ଠାରୁ ‘ଇଚ୍ଛାମୃତ୍ୟୁ’ ଦାବି କରିଛନ୍ତି। ନନ୍ଦ କୁମାର ବଘେଲ ମଧ୍ୟ ରାଷ୍ଟ୍ରୀୟ ମତଦାତା ଜାଗୃତ ମଞ୍ଚରେ ସଭାପତି ଅଟନ୍ତି। ସେ କହିଛନ୍ତି ଯେ, ଦେଶରେ ବାଲାଟ ପେପର ମାଧ୍ୟମରେ ନିର୍ବାଚନ କରାଯିବା ଉଚିତ। ଯଦି ଏହା ହେବ ନାହିଁ, ତେବେ ଜାନୁଆରୀ ୨୫ ତାରିଖ ରାଷ୍ଟ୍ରୀୟ ଭୋଟର ଦିବସରେ ତାଙ୍କୁ ‘ଇଚ୍ଛାମୃତ୍ୟୁ’ ଅନୁମତି ଦିଆଯିବା ଉଚିତ୍। ରାଷ୍ଟ୍ରୀୟ ଭୋଟର ଜାଗୃତ ମଞ୍ଚ ମାଧ୍ୟମରେ ରାଷ୍ଟ୍ରପତିଙ୍କ ନିକଟକୁ ଏକ ଚିଠି ପଠାଇ ନନ୍ଦ କୁମାର ବଘେଲ ‘ଇଚ୍ଛାମୃତ୍ୟୁ’ ପାଇଁ ଅନୁମତି ଲୋଡିଛନ୍ତି।

ସେ ଚିଠିରେ ଲେଖିଛନ୍ତି ଯେ, ଏହା ଅତ୍ୟନ୍ତ ଦୁଃଖର କଥା ଯେ, ନାଗରିକମାନଙ୍କର ସମସ୍ତ ସାମ୍ବିଧାନିକ ଅଧିକାର ବହୁ ପରିମାଣରେ ଉଲ୍ଲଂଘନ ହେଉଛି। ଗଣତନ୍ତ୍ରର ତିନୋଟି ସ୍ତମ୍ଭ, ବିଧାନସଭା, ନ୍ୟାୟପାଳିକା ଏବଂ କାର୍ଯ୍ୟନିର୍ବାହୀ ଅଧିକାରୀମାନେ ଅଲଗା ହୋଇ ଯାଉଛନ୍ତି। ଏହି ତିନୋଟି ସ୍ତମ୍ଭର ନିର୍ଦ୍ଦେଶରେ ଗଣମାଧ୍ୟମ ମଧ୍ୟ କାର୍ଯ୍ୟ କରୁଛି। ନାଗରିକଙ୍କ ଅଧିକାର ଶୁଣିବାକୁ କେହି ନାହାଁନ୍ତି। ଲୋକମାନଙ୍କର ପ୍ରତିନିଧୀମାନେ ସେମାନଙ୍କର ପ୍ରତ୍ୟେକ ସମସ୍ୟା ପାଇଁ ଭୋଟରଙ୍କ ଦ୍ୱାରା ମନୋନୀତ ହୁଅନ୍ତି, ସେମାନଙ୍କର ସ୍ୱର ମଧ୍ୟ କ୍ରମାଗତ ଭାବରେ ଚାପି ଦିଆଯାଉଛି। ଦେଶର ସମସ୍ତ ସରକାରୀ ବିଭାଗ ଏବଂ ଉପକ୍ରମକୁ ବିକ୍ରି କରିଦିଆଯାଉଛି। କାର୍ଯ୍ୟପାଳିକା ଦୁର୍ନୀତିରେ ଜଡିତ ଏବଂ ଏହାର ଆଗାମୀ ପିଢୀଙ୍କ ପାଇଁ ଅଧିକରୁ ଅଧିକ ଟଙ୍କା ସଂଗ୍ରହ କରି ଭବିଷ୍ୟତକୁ ସୁରକ୍ଷିତ ରଖିବାରେ ନିୟୋଜିତ। ସାଧାରଣ ନାଗରିକଙ୍କ ମନରେ ଭୟ ବିସ୍ତାର କରୁଥିବା ସେ ଆହୁରି ମଧ୍ୟ କହିଛନ୍ତି। ଦେଶରେ ନ୍ୟାୟ ପାଇବା ପାଇଁ, ପିଢୀ ପରେ ପିଢୀ ଅତିକ୍ରମ କରିଯାଉଛି, କିନ୍ତୁ ନ୍ୟାୟ ମିଳୁନାହିଁ।

ଚିଠିରେ ଏହା ଲେଖାଯାଇଛି ଯେ, ସରକାରୀ ଆକଳନ ଅନୁଯାୟୀ ଭୁଲ ନୀତି ଯୋଗୁଁ ୭୦୦ ରୁ ଅଧିକ ଚାଷୀଙ୍କ ମୃତ୍ୟୁ ଘଟିଛି କିମ୍ବା ହତ୍ୟା କରାଯାଇଛି। ଏହାକୁ ବୁଝିବାକୁ ହେବ। ଏଥିପାଇଁ ଦାୟିତ୍ୱ କାହା ଉପରେ ରଖାଯିବ? ଗଣତନ୍ତ୍ରର ସବୁଠାରୁ ବଡ ଅଧିକାର, ଭୋଟ୍ ଦେବାର ଅଧିକାରକୁ ଇଭିଏମ୍ ମେସିନ୍ ମାଧ୍ୟମରେ କରାଯାଉଛି। କୌଣସି ଜାତୀୟ ତଥା ଆନ୍ତର୍ଜାତୀୟ ସ୍ତରରେ ସ୍ୱୀକୃତିପ୍ରାପ୍ତ ସଂଗଠନ କିମ୍ବା ସରକାରଙ୍କ ଦ୍ଵାରା ଇଭିଏମ୍ ମେସିନକୁ ୧୦୦% କାର୍ଯ୍ୟ ସଠିକତାର ପ୍ରମାଣପତ୍ର ଦିଆଯାଇ ନାହିଁ। କୌଣସି ମେସିନକୁ ବ୍ୟବହାର କରିବା ପୂର୍ବରୁ, ମେସିନର ସଠିକ୍ କାର୍ଯ୍ୟର ଏକ ସ୍ୱୀକୃତିପ୍ରାପ୍ତ ବୈଷୟିକ ଅନୁଷ୍ଠାନ କିମ୍ବା ସରକାରଙ୍କଠାରୁ ଏକ ପ୍ରମାଣପତ୍ର ପାଇବା ବାଧ୍ୟତାମୂଳକ। ତଥାପି ବିଶ୍ଵର ସର୍ବ ବୃହତ ଗଣତନ୍ତ୍ର ଭାରତରେ ଇଭିଏମ୍ ମେସିନ୍ ମାଧ୍ୟମରେ ଭୋଟ୍ ଦେଇ ସାମ୍ବିଧାନିକ ଅଧିକାର ଉଲ୍ଲଂଘନ କରାଯାଉଛି। ଇଭିଏମ୍ ମେସିନ୍ ମାଧ୍ୟମରେ ମୋର ଭୋଟ୍ ଟି ସଠିକ ଲୋକଙ୍କୁ ମିଳୁଛି କି ନାହିଁ, ତାହାର କୌଣସି ଗ୍ୟାରେଣ୍ଟି ନାହିଁ ଏବଂ ମୁଁ ଏହାର ମୂଲ୍ୟାଙ୍କନ କରିପାରିବି ନାହିଁ, ଯାଞ୍ଚ କରିପାରିବି ନାହିଁ କିମ୍ବା ଅନ୍ୟ କେହି କରିପାରିବି ନାହିଁ। ଭୋଟ୍ ଦେବାର ସବୁଠାରୁ ନିର୍ଭରଯୋଗ୍ୟ ପଦ୍ଧତି ହେଉଛି ବାଲାଟ ପେପର। ଏହା ଦ୍ୱାରା ପ୍ରତ୍ୟେକ ଭୋଟର ଭୋଟିଂର ମୂଲ୍ୟାଙ୍କନ କରିପାରିବେ। କିନ୍ତୁ ସାଧାରଣ ଲୋକ ମଧ୍ୟ ଇଭିଏମ୍ ମାଧ୍ୟମରେ କରାଯାଇଥିବା ଭୋଟିଂର ମୂଲ୍ୟାଙ୍କନ କରିପାରିବେ ନାହିଁ। କ୍ଷମତାରେ ଥିବା ରାଜନୈତିକ ଦଳ ଇଭିଏମ୍ ମେସିନରୁ ଶୀଘ୍ର ଭୋଟ୍ ଗଣନାକୁ ଦର୍ଶାଇ ଏହାକୁ ବୈଧ କରିପାରିଛି।

ନନ୍ଦକୁମାର କୁମାର ବଘେଲ କହିଛନ୍ତି ଯେ, ଏପରି ପରିସ୍ଥିତିରେ ଯେତେବେଳେ ମୋର ସମସ୍ତ ଅଧିକାର ଉଲ୍ଲଂଘନ ହୁଏ, ସେତେବେଳେ ମୋର ବଞ୍ଚିବାର ଉଦ୍ଦେଶ୍ୟ ସମାପ୍ତ ହୋଇଯାଏ। ମାନ୍ୟବର ରାଷ୍ଟ୍ରପତି, ଆପଣ ସମ୍ବିଧାନର ସୁରକ୍ଷା ପାଇଁ ଶପଥ ନେଇଛନ୍ତି। କିନ୍ତୁ ମୋର ସାମ୍ବିଧାନିକ ଅଧିକାର ସଂରକ୍ଷିତ ହେଉନାହିଁ। ଯେଉଁଥିପାଇଁ ମୁଁ ଇଚ୍ଛାମୃତ୍ୟୁ ବ୍ୟତୀତ ଅନ୍ୟ କୌଣସି ବିକଳ୍ପ ନାହିଁ। ତେଣୁ ସୁସ୍ଥ ଗଣତନ୍ତ୍ରର ବୃହତ ସ୍ୱାର୍ଥରେ ମାନ୍ୟବର ସାରଙ୍କୁ ଅନୁରୋଧ କି, ସ୍ୱଚ୍ଛ ଢଙ୍ଗରେ ଲୋକ, ଲୋକଙ୍କ ପାଇଁ, ଶାସନ (ଗଣତନ୍ତ୍ର) ପାଇଁ ଭୋଟ୍ ଦେବା ପାଇଁ ଇଭିଏମ୍ ସ୍ଥାନରେ ବାଲାଟ୍ ପେପର ଭୋଟିଂ କରିବାକୁ ନିର୍ଦ୍ଦେଶ ଦିଅନ୍ତୁ। ଇଭିଏମ୍ ମାଧ୍ୟମରେ ଭୋଟ୍ ଦେଇ ସରକାରୀ ସମ୍ପତ୍ତି ବିକ୍ରୟ କରି ଦେଶରେ ଦାରିଦ୍ର୍ୟ ତଥା ବେକାରୀ ବୃଦ୍ଧିରେ ସରକାର ପାପ କରୁଛନ୍ତି। ମୁଁ ସେହି ପାପରେ ଅଂଶଗ୍ରହଣ କରିବାକୁ ଚାହେଁ ନାହିଁ। ଦେଶର ସମ୍ବିଧାନ ଏବଂ ଗଣତନ୍ତ୍ର ଉଭୟ ବିପଦରେ। ଯଦି ଇଭିଏମ୍ ସ୍ଥାନରେ ବାଲାଟ୍ ପେପର ଏବଂ ବାଲାଟ୍ ବକ୍ସ ସହିତ ଭୋଟ୍ ଦେବା ସମ୍ଭବ ନୁହେଁ, ଦୟାକରି ମୋତେ ଜାନୁୟାରୀ ୨୫ ତାରିଖ ୨୦୨୨ରେ ଜାତୀୟ ଭୋଟର ଦିବସରେ ଇଚ୍ଚାମୃତ୍ୟୁ କରିବାକୁ ଅନୁମତି ଦିଅନ୍ତୁ।